رواية جواهر -17
شوي ودخل عبدالعزيز وشكله باين عليه مرتبك ومتضايق بنفس الوقت اول ما شافته خالته وامه يببوا عليه وسلم على خالته وعلى امه وسالوووه عن صاحبه رد عليهم انه بخير وبس واطمن وجا على طول بسرعه ..... تركوه لحاله مع عروسته
قبل لا يجلس : السلام عليكم
البندري بحيا ونظرها بالارض: وعليكم السلام
عبدالعزيز: مبروك
البندري: الله يبارك فيك
عبدالعزيز جالس قريب منها : اممممم طيب قربي شوي ليه بعيده
البندري ما ردت عليه وحست بحيا وارتباك من كلامه ...شوي لما شافها ما ردت قرب لعندها ومسك ايدها
اول ما لمس ايدها حس بطبول قلبه تدق بسرعه ..وش كثر ناعمه ايدها
عبدالعزيز رفع راسها بايده وطالع بعيونها اللى جت بعيونه وعلى طول نزلتهم لتحت
عبدالعزيز: فديت هالعيون وصاحبتها ...
البندري هني حست بضياع من كلامه وسكتت
عبدالعزيز: الحين ما راح تردين على
البندري بعد تردد: ايش ارد
عبدالعزيز: قولي وفديت اللى قال لى هالكلام ..وهو يبتسم
البندري ما تكلمت ولا شي اما عبدالعزيز لما حس بارتباكها وخجلها ضحك عليها من قلبه
البندري بتردد: اقول عبادي
عبدالعزيز: أي يا قلبي فديت اللى قال عبادي قوليها مره ثانيه لا تحرميني فديتج
البندري: عبادي
عبدالعزيز: يمه لحقى علي خلاص انا ضعت
البندري ابتسمت من كلامه
عبدالعزيز من شاف ابتسامتها ارتاح ....
البندري: الا صح اشلونه صاحبك اللى مسوي الحادث..؟
عبدالعزيز: هههههههههههههههههههه
البندري تطالعه باستغراب بعدين حكى لها عن المقلب اللى مسويه فيه ولد عمه ...استغربت وضحكت معاه على المقلب وعرفت منه انه لا يمكن يتخلى عن لحظه معاها عشان اصحابه اولا هي واهله وبعدين اصحابه ..حست براحه من كلامه جلسوا يسولفون شوي اول ما جت خالته لعنده عرف انها بتروح طلب منها تنتظر لانه يبي يعطيها شي راح لغرفته ومن بعد عطاها كيس قال لها تفتحه بعدين وهي بالغرفه ......
......... صحى محمد من تفكيره وشاف روحه بغرفته ..... قال بيتصل على عبدالعزيزاللى من سمع صوته فرح وحلف عليه الا يجي يتغدى عندهم اليوم ووافق
&&&&&&&&&&&&&&
صحت جواهر الصباح على الساعه 8 ..من فرحتها انها بتسافر اليوم وبتشوف اهلها ياكثر ما اشتاقت لهم خصوصا امها
نزلت لتحت وطلبت من الشغالة تحضر الفطور لها وبعدين جلست تاكل وهي بالصالة دخل عليها فهد اخوها
فهد: السلام عليكم ..صباح الخير على احلى اخت وجوهره بالدنيا وقرب وضمها وباسها على خدها وراسها
جواهر: وعليكم السلام هلا صباح النور فهد فديتك اخوى وبدت الدموع تتجمع ونزلت لا شعوريا
فهد من شاف دموعها حس بضيقه ( اخته مع انها جلست لمدة اسبوعين لكن تعود عليها وعلى حركتها بالبيت ): فديت هالويه تعرفين عاد بتخليني اكنسل رحلتي لجده واسافر وياج ..لكن عاد تحملي زعل ابوي والصفقه اللى بتضيع من ايده
جواهر: لا لا كله الا زعل ابوي .... فديتك فهد بس انت عاد اشوفك لا تتصل على وربي ازعل منك ولا اكلمك
فهد: وانا اقدر انى ما اتصل اصلا لمين بقول الكلام الحلو ياحسرة ماعندي احد
جواهر: لا والله ماعندك احد ...طيب عيني في عينك اشوفهم زين
فهد قرب منها يطالع بعيونها وبعدين نزلهم بسرعه: ياربي ي ي ي اتعب انا ما اقدر اطالع العيون الحلوه
جواهر:هههههههههههههههههه ضمته لها يالله اجلس افطر متى بتسافر انت
فهد: رحلتي الساعه 10الصباح ان شاء الله بس بروح شوي باخذ لى بعض التعليمات من البيج بوس
جواهر:هههههههههههههههه احلى بيج بوس ابوووووي
فهد: وبعدين برجع لهنا اجلس شوي معاكم وبعدها اطلع المطار على طول
جلسوا يفطرون ومن بعد راح فهد لشركة ابوه ..اما جواهر فطلعت لجناحها وجلست تكمل ترتيب بقية الاغراض بالشنطه شوي وتسمع دق على باب الجناح راحت وافتحته
الوليد: صباح الخير
جواهر وهي تنزل وتضم اخوها وتبوسه بخده: صباح النووووووووور والسرور هلا بالوليد تعال ليه صحيت بدري
الوليد: بس صحيت
جواهر: انت افطرت ولا بعد
الوليد: لا لسه
جواهر: واخوك لسه نايم
وهذا محمد داش الجناح عليهم : اصلا صحيت اول ما قام لكن خليت روحي نايم
جواهر:ههههههههههه اها انزين وليش ما كملت نومك
محمد: بس ماجاني نوم
جواهر: اوكى يالله تعالوا بنزل وياكم لتحت افطركم
الوليد: ايش احنا كبار مو ضغار بنفطر لوحدنا
جواهر وهي تنظر باعجاب لاخوها اللى يميز الوليد عن محمد انه يحب يقرر قراراته بنفسه وكلمه مايحي يتراجع فيها الا اذا احد اقنعه ما شاء الله باين عليه بيكون رجال بالمستقبل (ربي يخليهم لي )
محمد بتردد: خلها تنزل معنا جواهر تعالى نزلي بعدين بنلعب وياج بلي ستيشن
جواهر: هههههههههههههههههه ايه مثل هذيك المره لعبتوا وياي وبعدين هزمتوني يبه انا ما افهم بهالالعاب لو رجاوي هنا الا توريكم اشلون تفوز عليكم
الوليد: هه ما عاش من يهزم ابو خالد لا وبعد بنت
جواهر:هههههههههههههههههههههههه هيه انت لا تتكلم عن اختى
محمد: طيب ليه ماتجي اختك لهنا لا تسافرين
جواهر حز بخاطرها لما قال لها اخوها كذا( تتمنى تكون معاهم بس ماتقدر والله ... وورطت بعد نفسها بالخطوبه..بس هو ماله ذنب ولد عمها وشاب كل وحده تتمناه لكن للحين تحس انه ماحرك شي بمشاعرها ... حركت راسها تبعد عنها هالافكار)
جواهر: اول ما تشتاقون لي ما عليكم الا تقولون جواهر تعالي وبتلقووني عندكم اوكى ...
الوليد: يالله نفطر بروح لتحت ...واخذ اخوه وياه ...
تركت باب الجناح مفتوح وشغلت قناة الموسيقى تسمع وهي تكمل ترتيب الاغراض ....
الريم جت لعندها وجلست معاها شوي وبعدها نزلت تشوف العيال اما البندري جت لعندها ويا شهد وتركي
جواهر وهي تشيل تركي وتبوسه: فديت هالويه تبينى ايش اجيب لك من الكويت
تركي: ابي سيااااره كبييييييييره
جواهر:ههههههههههههه ايه ولا يهمك وبجيب معاها سواق بالمره .... يغربل ابليسك شفتني اوزع هدايا سيارات ..ومسكت شهوده تبوس فيها بخدودها وتضمها وانتي يا الحلوه شنو تبين من هناك يالله علميني
شهوده وهي تفكرررر: اممممم ابي باربي وفساتين واااااااااااااااااااااايد
جواهر وهى تطالع فيها: راح تطلعين امممم مصممه ازياء تبين فساتين وايد على كذا بخلي رجاوي ام الخراقين تجيب لك هالفساتين الوايد
شهد : وش تقولين من ام راقين
جواهر+البندري :ههههههههههههههههههههههههه
البندري: يالله تعالوا بفطركم تحت صحوني من احلى نوووومه
جواهر: ههههههههههههه اوكى انا بكمل اغراضي وبعدين بنزل تحت اوكى ...راحوا من عندها واول ما خلصت نزلت لتحت
..... بالكويت رجاوي بعد صحت من يومها وهي فرحانه انه اختها بتجي اليوم نزلت فطرت لقت امها تفطر وابوها لقته راح للدوام
رجاوي: صباح الخير لاحلى ماما بحياتي وباستها على راسها
امها: صباح النورغريبه من الحين وطالعت بساعتها مو معقوله اول مره تسوينها بالاجازه
رجاوي:ههههههههههههههه الله ماما وهذا انا قلت بجلس ويا ماما حبيبتي ولهت عليها, يعني ما تبينى بقوم اطلع واكمل نومتي وقامت وخلت روحها زعلانه
امها:ههههههههههه جلسي والله مشتاقه اشوف احد يجلس معاى تعرفين الكل يا دوام يا نايم بوقت الاجازه لين الساعه 10 او 11
رجاوي: وانتي ليه ما تنامين وتريحين روحج ترى البيت فيه شغالين وكل شي تبينه يصير
امها: تعرفين ابوج ما يحب يفطر بروحه ويصحى من بدري تبيني اهده بروحه ما يصير
رجاوي: احلى ابوي ي ي ي وينك تجي تسمع كلام الحب
امها تضربها على راسها: يالله بلا قرقره زايده فطري بروح اشوف الشغالين شوي بالمطبخ اوكى لي فتره ما رحت معتمده على هذيك الهاوس كيبر
رجاوي: والله نورما مع انها شديده بس شايله البيت وتعرف كل صغيره وكبيره انتى مدربتها على كذا ومتعودين عليها واحلى شي لما جبتوا زوجها يشتغل بالحديقه عندنا
امها: ايه ناقص امها وابوها ويدتها بعد
رجاوي:هههههههههههههههههه لا والله اخاف بعدين نحتل من الفلبين لا كافي نورما وزوجها مانبي حد غير ...كملت فطارها واما والدتها راحت شوي تشوف نورما والشغالين
.......طلعت لفوق تقلب بالمجله اللى بايدها وفتحت التلفزيون تفر بالقنوات تشوف شي جديد او حلو تتابعه لقت موضوع عن الازياء تابعته باهتمام جت امها
امها طالعت بالقناه: والله ازياء حلوه لكن غريبه يعني بتلبس الحريم بالشارع كاذ صعبه مو معقوله
رجاوي: والله ماشي صعب هناك وانتى ادرى
امها: صح كلامك ما يهتمون الحمدلله انه احنا مو كذا وحتى اهلى واللى اعرفهم مو كذا
رجاوي: ههههههههههههههه ايه عاد بنت خالى كارلو مو كذا
امها: والله مستغربه مدرى شنو طيحها بالشله اللى معها ...بس هي طيبه واكيد بتعرف اللى يضرها وينفعها
رجاوي: اكيد ....ما اتصل ابراهيم ماما من امس
امها: الا فديته بيجي الساعه 6 المغرب ان شاء الله وهو واصل مع بنته غاده
رجاوي: متى بنروح السوق نكمل شرا اغراض لغاده
امها: خلصنا الغرفه مالتها جاهزة ما راح نضيف شي
رجاوي: لا ماما ابي اجيب لها بعد كم لعبه
امها: ترستي غرفتها العاب ما راح نلقى مكان نمشي فيه خليه بوقت ثاني
رجاوي: امممم طيب بروح اشتري لها ملابس
امها: الا قولي تبين تروحين انتى للسوق ابوها راح ياخذ لها بعدين خليها تجي وبعدين نشتري لها كم لبس
رجاوي: ماما فديتج تعالي روحي معاى اوكى ما راح نطول بالمول
امها : اوكى خلاص لا تقعدين تحنين على راسي بنروح وامرنا لله ...بس ساعه مو اكثر اوكى
رجاوي: خلاص ماما على امرك ...وتعرف امها وش كثر تحب تشتري للاطفال ملابس خصوصا لما تعرف انه ابراهيم بيروح يزور بنته تاخذ لها الكثير من الملابس عشانها
**************
فيصل: تصدقين عاد ولهت على صوتج
رنا: ههههههههههههههه والله
فيصل: اه يا قلبي فديت هالضحكه تسلم لى والله
رنا: اقول فصوووولي يعني الحين جد بتتزوج
فيصل: رنا انا كم مره قلت لج لا تجيبين هالسالفة خلصنا وبعدين انتى الكل بالكل ما اقدر ابتعد عنك ثانيه وحده يعني هذي مجرد شكليات لا اكثر ولا اقل
رنا: طيب ( المشكله تحبه وتموت فيه ..وتدري انه ما راح يصير لها هي لبنانية وعايشه بالكويت وعايشه بحريتها على الاخر تطلع معاه يسهرون سوا يعني راحت معاك لاخر شي ..لكن مع هذا تحبه لانه من يوم ما عرفها ما ابتعد عنها ابدا مع انه له مرات يختفي مع أي فتاه غير بس يرجع بالاخير لها وهذا اللى خلاها متمسكه فيه للاخر ...لو ما البلا اللى بدا ياخذه هالفتره (مخدرات) واللى خلته شوي متغير عليها ولا كانت عايشه حياتها بسعاده معاه)
فيصل: رنا حبيبتي وين سرحتي انا اكلمك
رنا: ها لا حبيبي ماشي بس مصدعه
فيصل: افااااااا وانا قلت انه اليوم بنسهر انا وياج سهره مرررررررررررررره حلوه بس انتي وضبي القعده وكل شي اوكى ولا تنسين طبعا المشروب
رنا: اوكى ولا يهمك لبالليل بيروح اللى فيني المهم شوفتك عندي حبيبي
فيصل: ولك تأبري ألبي شووووو بحبك
رنا وهي تضحك بدلال: ههههههههههههههههاي شو لابق لك الحكي اللبناني حبيبي يالله تشاو بخليك ترتاح
فيصل: يالله اشوفج بالليل والبسي احلى شي ابي اشوف احلى رنا اليوم
رنا: اوكى لا تحاتي باي
فيصل: باي
....... ياحبي لج يا رنا احبها لانها ما تسالنى ولا تكثر على ولا تزعجني مثل اى وحده اروح معها بعد فتره متى بتتزوجني مالت عليهم هههاى على بالهم فيصل يتزوج وحده منهم لكن ....
بس عجبتني هذيك حلوووووووووه مره لكن صعب اوصل لها الا بالزواج يالله كم سنه وبعدين تروح لحالها , وان قدرت اوصل لها قبل الزواج يكون احسن بعد ههههههههههههههههههه
فيصل نوع من انواع الشباب المستهتر بقيمه وعاداته وتقاليده ولا يهتم بدينه ولا يخاف ربه بشي ما خلى شي ما جربه .... والحين طايح بالمخدرات اللى يحسها راحته بالدنيا ولانه غني والفلوس دايما بايده صار هالشي عادى لكن لانه من عايله معروفه ولها اسم بالسوق يحاول ما يبين على روحه شي يعني جلساته وسهراته دايما بره ما يرجع الا لما يكون هو اوكى ويقدر يجلس مع اهله وابوه ما يساله ولا يهتم فيه ومع ان امه تحاول تنصحه وتوجهه وتخاف عليه لكن يظل ابنها المدلل اللى ما تقدر ترفض له اى طلب وخصوصا الفلوس اللى مرات ابوه يمنعه منها ....
جلس فيصل يفكر بعاليه ( من وين طلعتي لي لكن صراحه ما قدرت اشيل عيني من عليج من يوم الحفلة عجبتيني واكثر شي عجبني تطنيشك لى هههههههههههه لكن اجيبك اجيبك لعندي بالطيب او بالغصب لازم بحصل عليج وبعدين ما تهميني بشي ) ترك تفكيره ومخططه الاجرامي وكمل نومه اللى طبعا اهله يتركونه على راحته يصحى لانهم متعودين هالشي منه
************
الجزء السادس عشر
الفصل الثالث ..
سافرت جواهر بعد ما ودعت اهلها وكانوا الكل حاضر الا طبعا فهد الا طيارته بتوصل وقت لما هي تروح ,, كلمها بالجوال لما كان بالمطار وبعد ما تجهزت راحت مع احمد اخوها ... عبدالعزيزاخوها وصلهم للمطار واما والدها فاول ما سلمت عليه ضمها له وكانه ما يبيها تبتعد عنه وحست هي بهالشي نزلت دموعها غصب لاول مره فعلا تحس انهم صاروا فعلا اهلها واكثر ,, وعدتهم انها راح تتصل وترجع لهم قريب .....
بالكويت اول ما وصلوا لقت باستقبالها العنود صاحبتها واختها رجاوي مع اخوها حسن
رجاوي وهي تحضن جواهر: فديتج والله وحشتيني مووووووووووووووووووووووووووت الحمدلله على السلامه
جواهر وهي فرحانه بوشفتهم: الله يسلمج اشلونج واشلون ماما وبابا وشخبارهم كلهم واشلون ابو خليل ها طمنيني
رجاوي: كلهم بخير
العنود وهي تدز رجاوي وتبعدها عن اختها: يالله خلاص جا دوري وي يعلني ما اخلى من شوفة هالويه بعدي هالغشوه من عليج خليني اشوف هالجمال وبعدت الغشوة من عليها وسلمت عليها وضمتها لها
جواهر: ياربي وش كثر مشتاااااقه لج والله يالعنود عندي كلالالالالالالالالالالالام وااااااااااايد بنسولف فيه
العنود: الحمدلله على السلامه والله اشتقنا لج يا الغاليه
جواهر: وانتوا اكثر
حسن قرب منها وما حب يسلم عليها بس قال لها الحمدلله على السلامه
وكل هذا واحمد كان بعيد شوي عنهم اول معاه الشنط اول ما وصل لهم طالع بالمجموعه وشاف جواهر اخته من غير الغشوه ظهرت العصبيه وياه
احمد: جواهر حطي الغشوة على ويهج الناس تطالع بعدين شيليها من عليج بالسياره
جواهر اول ما سمعت الكلام ما حبت ترد عليه ولا شي وتعرفه شوي عصبي حطت الغشوه عليها ومسكت ايد العنود اما رجاوي لما سمعته تفاجات من كلامه
جواهر حست باحراج: حسن هذا احمد اخوي
حسن: هلا والله وغلا الحمدلله على السلامه نورت الكويت بقدومك
احمد: الله يسلمك منوره باهلها اخوي
حسن: يالله نطلع وطالع باخواته والعنود.... خلني اخذ الشنط منك
احمد: لا ما يحتاج
حسن: ولو ضيفنا ما يستوي ..واخذ منه الشنط وطلع معاهم على طول بالسياره
... راحت جواهر ويا العنود بسيارتها استاذنت من اخوها حسن اللى ما قال شي ووافق اما احمد اخوها ما علق بشي وسكت بس حسته جواهر انه كان يبي يتكلم
بالسياره رجاوي: ياربي ي ي ي ي وش هذا اللى جايبته معاج ياربي نااااااار ما تنطفي
جواهر: هههههههههههههههه هذا اخوى احمد لا تغلطين
رجاوي: وش اغلط على طول حطي الغشوة عمره ما شاف احد محجب وانا اشوفه يطالعني بنص عين بس لما رديت له النظره نزل عينه ولا عاد طالع
العنود: ههههههههههههههههه رجاوي لا تخلينه يحطج في باله ترى
رجاوي: وي اصلا هو يتحمد ربه اني طالعت فيه بنظرة
جواهر: اقول يالله عاد من هالكلام وربي ولهت عليكم موووووووووووووووووت آآآآآآآآآآآآآآآآآه وخذت نفس قوي بالحيل الله ما احلى هوا بلادي
العنود ورجاوي: ههههههههههههههههه الله الله يا شمس الحياه يا كويت ياكويت يانبض الحياه
وضحكوا الكل مع بعض وسوالف لين وصلوا للبيت
.........
طبعا اول وحده طلعت جواهر اللى ما انتظرت حد فيهم الا على طول للباب ودقت الجرس اول ما فتحت لها الشغاله اللى صرخت باسمها
جواهر: انجبي وين ماما لا تسمعج الحين تدري
نورما: madam is in the sitting room
جواهر على طول ركضت بالدرج واول ما وصلت لفوق تفاجأت اللى امها طالعه من الصاله اللى فجت عيونها لها مو مصدقه
امها: جوااااااهر
جواهر على طول ضمت امها لها وباستها على راسها وبخدها ورجعت ضمتها لها
جواهر: فديتج ماما I missed you so much
امها: me too
جواهر: ماما ولهت عليج والله تعالي
امها: لحظه ليه ما علمتيني انج بترجعين اليوم
جواهر:هههههههههههههه الله واخرب المفاجاه ما يصير وينه بابا
امها: بالمكتب بنادي عليه
جواهر: لا فديته خليه انا بروح لعنده وافاجأه
امها:هههههههههههه طيب يالله وراحت وياها الى مكت بوالدها اللى اول ما فتحت الباب طالعت فيه كان المكتب على الجانب ومكتبه الكتب قدامها راحت بشويش وهو حس انه حد دخل رفع راسه وطالع بجواهر اللى واقفه وصرخت: بابا انا هنا جييييييييييييييييت وعلى طول ركضت له وضمته لها
ابوها: هههههههههههههه فديت بنتي الحلوه والله زين ما نسيتينا
جواهر بدلع: فديتك بابا انسى روحي ولا انساكم والله ولهت عليكم حييييييييييييييل
ابوها: سلامات شنو هالمفاجأه الحلوه ..؟؟
جواهر:هههههههههههههه احلى مفاجأه صح ما حبيت رجاوي او حسن يعلمونكم
امها: اها هي وياج بالمخطط دواها بعدين
جواهر:هههههههههههههههه يالله تعالوا ولهت عليكم تعالوا الصاله بنسولف يالله عاد وسحبت ابوها معها بايده
ابوها وهو يضحك: طيب طيب يابنتي لحظه بس احط علامه على الصفحه مكان ما توقفت وراحوا الجميع للصاله
شوي ودخلت عليهم رجاوي وهي معصبه شوي
رجاوي: السلام عليكم زين والله تركتينا تحت وطلعت على طول البيت
جواهر: وش على منكم فديتهم ماما وبابا ولهت عليهم والله
رجاوي: زين بعدين لا تقولين شنطي وما شنطي
جواهر: وي نسيتهم والله وينه احمد
رجاوي: مادرى عنه ..ببدل ملابسي وبجي
ودخلت عليهم العنود
العنود: السلام عليكم
الكل: وعليكم السلام هلا والله بالعنود
العنود: اشلونك عمي واشلونج عمتي
ام ابراهيم: الحمدلله تمام وانتى اشلون الوالده والاهل كلهم
العنود: والله تمام عمتي
ابو ابراهيم: اشوف العنود قاطعتنا من يوم ما راحت عنا جواهر
العنود: ههههههههههه لا والله عمي بس مشاغل شوي
جواهر: اصلا ما تحلى القعده هنا بدوني عدل ولا لا
رجاوي وهي جايه: يا سلام واحنا رحنا وين
جواهر:هههههههههههههههههه انتي الكل بالكل بس بعد ما تحلى القعده بدوني
ابو ابراهيم : ربي يخليكم لى والله البيت ما يسوى بدون شوفتكم الجميع
الام: ايه والله يعلني ما اخلى منكم الجميع
الكل: امييييييييييييييييييييييييييين هههههههههههههههههه
جلسوا يسولفون وشوي طلع عليهم حسن
حسن اول ما شافته جواهر على طول راحت وسلمت عليه
حسن: هلا والله بالعيون الخضرا والله لج وحشه
جواهر:ههههههههههههه هلا بك ابو علي ها وش اخبارك واشلون نوره
حسن: فديتها والله بخير وربنا يصبرنا لين يجي العرس
الكل:ههههههههههههههههههههههههههههه اقول ابو علي اركد ترى فيه ناس غرب
حسن: من الغرب العنود منا وفينا متعوده علينا هذا بيتها وبين اهلها
العنود: ههههههههههههههه ما عليك قول اللى تبيه انا ما اسمع شي
رجاوي وجواهر:هههههههههههههههههههههه طالع هذي ما تسمع شي الا بتبجج عيونها وبتفج اذانها زين عشان تلحق على كل كلمه
جواهر: اوووه تبين تصكين العنود بعين ترى بعدين منووو اللى بيجيب لنا اخبار الساعه
العنود وهي تدز جواهر: زين ياالدبه اراويج ...ضحكوا منها
حسن: انا بروح اوصل احمد للفندق وارجع
ابوه: من احمد
جواهر: اخوى احمد جا وياي
ابوها: افاااااا يا ولدي اشلون تخليه يروح للفندق وفيه غرف للضيوف بالملحق
حسن: والله قلت له بس ما رضى وش اسوى فيه قال 3 ايام وبعدها بيروح بريطانيا دراسته
جواهر: ايه صح بعد 3 ايام بيرجع دراسته
ابوه: تعال خلنا نروح نسلم على الرجل
نزل ابوه وسلم على احمد وحلف عليه الا يجلس عندهم بالبيت بملحق الضيوف اللى بره البيت بس متصل بصاله داخليه وقريبه من المطبخ
بالاخير رضى احمد ووافق جلسوا الكل تحت يسولفون مع بعض الا طبعا رجاوي والعنود وجواهر اللى كانوا بالغرفه سوالف لين امهم نادت عليهم عشان العشا بعد ما تعشوا الرجال ...
طلعت جواهر ويا العنود تودعها عند الباب وكان حسن طالع ويا احمد وشافوهم بره
جواهر: لوين حسن بتطلعون
حسن: بلف فيه بالديره شوي وانتوا ...
جواهر: العنود رايحه بس نسلم عليها
حسن : هذي العنود يا احمد رفيقه جواهر من الصغر وترى اختنا كلنا يعني البيت بيتها
العنود: ههههههههههههههه ايه دعايه تسوي الحين لبيتكم
الكل: هههههههههههههههههههههه
حسن: ها اشلون الاهل وراكان وش اخباره وين وصل ويا الريجيم
العنود: هههههههههههههه الا زاد ويا الريجيم هذا ما يحب يتقيد بشي
حسن: تدرين شي انتوا اخطبوا له ولو صار بعدين بينزل وزنه غصب عليه لانه البنت ما راح ترضى فيه وهو بهالشكل
جواهر: ههههههههههههههههه اقول العنود البنت هذي اللى طاح حظها وين بتلقونها
احمد ويا حسن ضحكوا من كلام جواهر
العنود ضربتها على كتفها: المشكله انج انخطبتي ولا كنت ابيج لاخوي ما ينفع معاه الا انتى ما تحبين الرجل بهالشكل
جواهر ابتسمت: خلاص راحت عليه
احمد ولاول مره يشاركهم: الله ستر وسلطان مو نفس مثل ما تقولون ولا كان بترفضه يعني جواهر
جواهر في نفسها ( سلطان المشكله انه مافيه شي تقدر ترفضه عشانه )
العنود: هيه وين سرحتي انتي ي ..!
جواهر: ها ولا شي
حسن: الا سرحت بالخطيب هههههههههههههه يالله احنا بنروح مع السلامه ..
..............
واخذ حسن وياه احمد يتمشون بالعاصمه وبعض الاماكن السياحيه فيها ...وخصوصا احلى منطقة الكورنيش عند مطاعم الابراج الجو هناك رااااائع واكثر من رائع بهالوقت من السنه ...سولفوا وتعرفوا على بعض اكثر وعجبته شخصية حسن مثل ماهو اعجب فيه ..... وفجأه سرح فكره برجاوي ....
حسن: انا اكلمك ليه ما ماترد احمد
احمد:هههههههههههههههه ياخي اللى يكون بهالمكان يسرح ولو ما يبي ما شاء الله بلدكم حلوه
حسن: الله يخليك ... والله ودي بزيارة السعوديه
احمد: ياهلا والله تشرفونا هناك والحين عاد صرنا اهل
حسن: تسلم ربي يخليك الا اقول احمد انت باقي لك كم سنة وتتخرج
احمد: تو بعدني باول المشوار اول سنة هذي
حسن: اها يعني مثل رجاوي اختي .... بسنة الخصص
احمد: رجاوي اختك تدرس وين
حسن: بريطانيا
احمد: وانتوا مو رافضين هالشي يعني ...اسف بس قصدي احد معها هناك من اخوانها
حسن: لا ماحد بروحها وبعدين الحين الزمن تغير والحمدلله رجاوي ما ينخاف عليها ابد
احمد: صح الزمن تغير ....تصدق حسن مع انى ادرس هناك لكن لما اشوف البنات اللى يسووونه هناك او اللى يصير مع بعض الشباب اقول الحمدلله والله بلادنا ارحم منهم
حسن: شوف ياخوي احمد والله صح نقول البنت هي اللى غلطانه لكن الله يهدي الشباب هم اللى يجرونها وهي بنت ضعيفه من يومها كانت واللى ما يخاف ربه ويضحك على بنات الناس مصيره بيوم يلقاها تجي باحد من اهله
احمد: صح كلامك بس تظل البنت بنت وهذا احنا يا العرب واللى ربينا عليه وديانتنا حتمت علينا هالشي فنشوف اللي تسويه البنت غلط واللي يسويه الشاب مهما سواه شاب ماهو غلط
شوي ويجي اتصال لحسن...يطالع بتلفونه كانت نورا زوجته تتصل
حسن: وعليكم السلام هلا والله بهلي وناسي كلهم ...هلا بنور الكويت كلها
نورا:ههههههههههههههههههههه اشوف كلمات الحب اليوم زادت شوي
حسن: ولهت عليج والله اشلون الوالده بالاول وشخبارها
نورا: الحمدلله بخير الله يسلمك
حسن: ها يا النور تامرين على شي
نورا: يؤ وانت تقول ولهت على قبل شوي
حسن:هههههههههههههههههههه ايه والله ولهان ربي يصبرني لين هذا الشهر يخلص .... جواهر وصلت اليوم
نورا: لا الحمدلله على سلامتها زين علمتني بتصل عليها
حسن: اوكى انا بتصل عليج بالليل ...ها ترى لا تنامني وتصكين الجوال اوكى
نورا:هههههههههههههههه طيب ولا يهمك
حسن: يالله فديت قلب النور بروح الحين مع السلامه
نورا: مع السلامه
...حسن يطالع باحمد اللى تحرك من جنبه وترك له المكان على راحته يسولف فيه
انضم له حسن: هذي النور نورا زوجتي
احمد: اها
حسن:هههههههههههههههههه لا يكون على بالك انى اكلم البنات .........خلاص راحت علينا قفلوا علينا الابواب يابوك واحنا بعز الشباب
احمد:ههههههههههههههههههههههههههههه
...سولفوا وبالاخير وداه لعند ربعه وتعرف على اصحاب حسن اللى فعلا استانس معاهم بالسهره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك