رواية فمان الله يا غالي -16
أم فيصل:فمان الله ياولدي..توصل بالسلامه بس لا تنسى تطمني أول ما توصل..
بندر:زين يمه..وحب على راس أمه وضمها وكأنه طفل..
خلود اللي كانت واقفه بالدرج من فوق تراقب بندر..تبي تشوفه وتروي عينها منه للمره الأخيره ماقدرت تتحمل شكل بندر وهو يضم امه فدمعت عينها..كان ودها تودعه..او عالأقل تكون آخر مكالمه لهم تمام..بس هذا اللي ماصار..
بندر قبل لا يخرج:يمه سلمي لي على خواتي وعلى فارس كمان
كان ودي أودعهم بس ما أبي أزعجهم..
أم فيصل:انشالله يوصل
وخرج بندر..
وخلود راحت على طوووول غرفتها وأول ما دخلت سكرت الباب بالمفتاح
ورمت نفسها عالسرير وأنوااااااع البكي
اشلون ماتبكي وهي توها مودعه أغلى بشر على قلبها ؟؟؟
اشلون ماتبكي وهي تعرف إن هالإنسان من اليوم ورايح مو ملك لها؟؟
...وممكن بلحظه وحده يصير ملك لإنسانه ثانيه(هنا خلود زاد بكيها) هذا الشي اللي مستحيل تتصوره
..بندر يكون لوحده ثانيه؟؟؟...لا مستحيل...ونامت وهي تردد هالكلمه(مستحيل)
ركب بندر السياره مع الشباب..ووصلوه للمطار وهناك ودعوه..
فيصل: أقول بندور لا رحت الكويت اعقل ولا تفشلنا من الناس هاه(وغمز له)
ابتسم بندر على تلميح فيصل وفهم انه يقصد المغازل:زين لا توصي..
محمد:أقول بندر ما ودك انت بعد تشوف لك وحده من هناك وتخطب بالمره..
بندر:لا ياخوي..أنا ماأبي إلا سعوديه!!
محمد:يعييييييييييينك..والله من زود الوطنيه
الكل:ههههههههههههه
سلطان:متى راد انشالله..
بندر:مو قبل اسبوع
سلطان:على كذا بيفوتك كثيييير من الأحداث
مافهم بندر:شلون يعني..
سلطان:قرب وأنا أقول لك باذنك!!
قرب بندر.. وبعد شوي
بندر:والله؟؟....حركااااااااااااااااات
سلطان:ترى محد يدري غيرك..
قرب بندر من سلطان وبهمس:أجل مبروك مقدما
بنفس الهمس رد:الله يبارك فيك.
فيصل:هي هي إنت وياه مو ملاحظين لكم ساعتين تتساسرون وحنا هنا
محمد:وانت الصادق
سلطان:وانتوا وش عليكم أسرار!!
فيصل: ياكبرها عند الله....بس هين يابندروه
شوي إلا يسمعون النداء الاخير للطياره اللي بيروح فيها بندر
بندر:يالله شباب بالإذن أنا ماشي..
وسلم عالشباب وركب بندر الطائره وعلى الكويت..
هناك بمطار الكويت كان سامي ينتظره..
أول ما نزل بندر من الطائره وتقابل هو وسامي
سامي:هلااااااااا والله وغلا بأبو عزوز..تو مانورت الكويت
بندر:منوره بوجودك يالغالي..
سامي:شنو هالحلا شنو هالزين؟؟
بندر:اقول استح على وجهك منو قالوا لك أمل عشان تتغزل فيني
سامي هنا استحى..
بندر:هههههه الله يقطع شرك..أموت أنا عاللي يستحون..إلا شالاخبار ويغمز له..
سامي:ههههههه تعال وبالسياره أفهمك..
بندر:يالله..
وركبوا سيارة سامي..
بندر:أقول سامي...معليش أبي موبايلك برسل للوالده أطمنها..
سامي:أفا ما طلبت شي..عيوني لك وعطاه الموبايل
بندر:تسلم عيونك يالغالي بس شالطاري على كلام الغزل؟؟...الظاهر ماخذ كورسات..!!
سامي:إيه والله ياخوك من نشبوا فيني زبايلك(قصده البنات)...صرت جذي...حتى هلي لاحظوا
بندر:ههههههههههههههه..وللحين ناشبين فيك؟؟
سامي:أبشرك بس من ييت(جيت) الكويت محد دق خبرك شريحة بريطانيا مغلقه..
بندر:زين..إيه ماقلت لي..متى انشالله الحفله؟؟
سامي:والله الوالد لو بكيفه يبيها باجر(باكر) بس أنا قلت له يأجلها شوي عبال ما استعد نفسيا..بس الظاهر الوالد مستعيل(مستعجل)
بندر:إيه أحسن..زين هي مداها تستعد؟؟
سامي:ايه الوالد مديهم خبر من قبل لا ايي من بريطانيا
بندر:اكككككككشخ يعني الليله انت معرس
سامي:تكفى لا تذكرني والله احس قلبي يبي يخرج من صدري من الرعبه!!
بندر:ههههههههههههه أخبر البنت هي اللي تخاف مب الولد..هههههههههه
سامي:إضحك إش عليك بس ييلك يوم..
بندر:ياااااااارب
سامي: الأخ مستعيل..يعني ودك؟؟
بندر:إيه والله ودي اليوم بعد قبل باكر
سامي:زين شنو رايك نخطب لك من هنيه ونزوجك وياي..إختصار يعني
بندر:لا ياخوي فال الله ولا فال..أساسا قالها ولد عمي قبلك
بندر:اولا ماأبي كويتيه وبعدين أبتلش بأمور الجنسيه وهالكلام..ثاني شي..أنا يا آخذ اللي هنا(وياشر على قلبه) يا أظل عزابي
سامي:ومنو اللي هنا؟؟...أخبر مافيه هنا غيري انا؟؟
بندر:هههاااي..والله يا إنك ماخذ مقلب بنفسك..
سامي:إيه صرف صرف..ماقلت لي منو؟؟
بندر:ومنو غيرها..مجنني
سامي:لا تقول خلود بعد!!
بندر:ليه فيه غيرها مجنني؟؟
سامي:الله يجمعك فيها قريب إنشالله!
بندر من صميم قلبه:آآآآآآآآآآآمين..(مسكين مايدري وش ينتظره)...بس شنو بتسوي بدراستك..؟؟
سامي:مثل منت عارف مابقي لي غير 3 شهور...بقضيها هناك بعد الزواج وبعدها برد للكويت وبستقر هنيه
بندر:يعني ماعاد بنشوفك ببريطانيا؟؟
سامي بحزن: بعد هاثلاث شهور؟؟.. ما أظن
بندر يغير الموضوع:زين ماقلت لي أخوانك اللي أكبر منك متزوجين ولاخاطبين ولا شنو؟؟
سامي:جسوم مملج على بنت عمي أخت أمل وبيزوجونه معي..وطلول مايبي وراكب راسه مايتزوج حتى يكمل دراسته..
بندر:أما أخوك هذا غريب أخبر شباب هالأيام من تجيب لهم طاري العرس الواحد مايصدق..بس الظاهر قلبه خالي
سامي:من ناحية خالي فهو خالي..أساسا هو مب مقتنع بمسألة إنه يحب ويتزوج اللي يحبها..
بندر:أجل الله يكون بعونكم..
سامي:وانت الصادج..وصلنا وهذا هو بيتنا..
بندر:ماااااااااااااا شالله..وااااايد حلو
سامي:ياخي مو لايق عليك الكويتي خلك بالسعودي ويكفي هههههههههه
بندر:ههههههههههههههه
ونزلوا من السياره..
أول ما وصلوا كانت الساعه تقريبا 5
صلوا الفجر..وكان فيه ملحق تابع للفيلا..نام فيه بندر ونام معاه سامي
والساع0 الصبح..سامي:بندر....بندر!!!..............بندرووووه !!
قام بندر وعيونه شبه مقفله وبصوت كله نوم:هلا
سامي:هههههه اول مره اعرف إن نومك ثقيل..
ابتسم بندر..
سامي: يالله قوم بدل عشان الأهل ينطرونك يبون يسلمون عليك ويبونك تفطر معهم!!
بندر بدلاخه:منو الاهل..
سامي:هلي بعد منو؟؟
بندر:زين زين بس أبدل..
سامي:ومشط كشتك هذي ترى الوالد ما يحب هالحركات..
بندر اخترع:والله!!
سامي:هههههههه صدق انك مخفه لا والله عادي امزح وياك يعني ماتشوف شعري اشلون؟؟
بندر:أقول روح عني خل اجهز
سامي:أوكي يالله برد لك بعد ربع ساعه
بندر:لا خلها نص ساعه يبي لي وقت
سامي:زين عيل نص ساعه وانت خالص
وطلع سامي..
أخذ بندر ملابسه ودخل الحمام وانتوا بكرامه
اخذ لهشاور سريع وطلع وتكشخ وشويتين دخل سامي..
سامي:ماشالله ماشالله..معرس
بندر:ياخي انت شفيك على طاري العرس..مابعرس...تفهم؟؟
سامي:زين زين شفيك معصب..
بندر:ههههه لا مومعصب بس انت الله يهداك عشانك بتعرس صاير تشوف الكل عرسان..
تلون وجه سامي:اقول امش لايي الوالد ويورينا...
بندر يناظره ومبتسم:زين زين...
وراحوا للصالون حق الفيلا وهناك كانت عائلة سامي كلهم مجتمعين..
************************************************** *************************
في الســــــــــــــــــــــــــــــــــــعوديه
في بيت أبو سلطان..
الكل كان جالس عالفطور..
الجده شيخه: ام فيصل...
أم فيصل:هلا خالتي..
الجده:ما دق عليك بندر..
أم فيصل:لا والله بس أرسل رساله وقاللي إنه وصل الفجر لبيت صديقه..
الجده: الحمد لله
أم سلطان:متى بيرد انشالله..
أم فيصل:يقول بعد اسبوع..
أم سلطان:الله يرده لكم سالم غانم انشالله
أم فيصل:اللهم آمين.........إلا وين البنات وفارس؟؟
أم سلطان:البنات الحين بينزلون..قلت للهنوف تقومهم..وفارس بالمجلس مع العيال
وبعد خمس دقايق..
نزلوا البنات..
الهنوف:صباح الخير..
وحبت راس جدتها
الكل: صباح النور
أم سلطان:وين البنات؟؟
الهنوف:الحين نازلين
خلود وعهود ودانه:السلام عليك..
الكل وعليكم السلام..
عهود بزعل:يمه ليه ماصحيتوني أسلم على بندر قبل لا يمشي؟؟
دانه:إيه يمه عهود معاها حق!
ام فيصل:والله هو قال مايبي يزعجكم وقالي يسلم عليكم..
عهود:أنا اوريه المعفن..
دانه:الله يسلمك وجلسوا البنات يفطرون ماعدا خلود..
الجده:خلود!!........شفيك ماتاكلين؟؟
خلود بدون نفس:ما اشتهي
أم فيصل:ليه يابنتي لازم تفطرين مو زين ترى!!
خلود:تسلمين خالتي والله مالي خاطر..
أم سلطان:مو بكيفك..ماأدري شفيك هالأيام ماصرتي تاكلين زين
شوفي جسمك شلون صاير وشوفي من حول عيونك اشلون أسود..كله هذا من شنو؟؟
خلود:.................................
أم فيصل:يالله يمه خلود..عشان خاطري افطري
ابتسمت خلود:مايصير خاطرك إلا طيب خالتي....وجلست معاهم تفطر..
أم سلطان:هنوفه...طلعتوا للعيال فطور..
الهنوف:إيه قلت لميري تجهزه لهم وتخرجه...
أم سلطان:خلود الله يعافيك..بعد الفطور روحي حق الخدامات وقولي لهم نبي الغدا الساعه 2 الظهر يكون جاهز.
.لأن أعمامك كلهم بيجون يتغدون عندنا..
خلود وواضح بعيونها الحزن:انشالله يمه..
××فـــــــــــــــــــــي المجلس..××
فارس:وليه ماصحيتوني كنت أبي أشوفه قبل لا يسافر؟؟
فيصل:والله ماحبينا نزعجك...وبعدين باسل قال إنك ماجيت إلا متأخر ..فقلنا مابنزعجك..بس يسلم عليك
فارس:الله يسلمك ويسلمه
ويهمس لباسل:هاه كيف النفسيه اليوم؟؟
ابتسم باسل:لا تمام التمام
محمد:اقول شباب ما ودكم اليوم بشي أكشن!!
سلطان:مثل شنو..؟؟
محمد:يعني...نكشت ونروح للبر رحلة شباب بس!!
فيصل:والله وناسه
فارس:إيه والله عاد أنا أمووووووت عالكشتات
سلطان:بس انا سامع إن أعمامي اليوم بيجتمعون عندنا عالغدا..
محمد:إيييييه صح نسيت والله..بس ما يصير باكر؟؟
سلطان:لا باكر عندنا شغل بالشركه
فارس:خلاص أجل نخليها نهاية الأسبوع أحسن يعني يوم الأربعاء الجاي
فيصل:إيه والله على قولتك عشان أعمامي بعد يجون معانا
محمد:صار أجل..
سلطان:خلاص انا بكلم الشباب ونطلع ونبات هناك بعد..
محمد:خلاص تم
باسل:بس متى بتطلعون..؟؟
سلطان:العصريه أحسن شي..
باسل:أوكي أنا وراكان علينا عدة الطبخ
محمد:وأنا وفيصل:الزل والخيام
فارس:وأنا علي الحطب والإضاءه
سلطان:وانا علي الأكل والشرب..وبجيب التلفزيون عشان مبارة المنتخب .
محمد:طيب بنروح بسياره وحده ولا اشلون؟؟
سلطان:لا مايكفي..لازم ناخذ سيارة أبوي وسيارة خالد بعد..
فارس:خلاص تم
نروح للكويت..
دخل بندر وسامي للصالون
تفاجأ بندر بأن عائلة سامي كللللهم هناك...(رجال وحريم)
ولاحظ سامي إن بندر متفاجئ لأنه أكيد توقع بس رجال..
سامي يهمس لبندر وهم متجهين للعيله..:سلم عالرجال والحريم بس صافحهم ويدتي حبها على راسها...
بندر يهز راسه دليل على انه تطمن..
دخل بندر وهنا وقف الكل..
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^
(st0o0o0op) خلوني أعرفكم على عائلة سامي.. خذوا نفس لأنه مشواااااااار
أبوجاسم: هو أبو سامي رجال متوسط العمر تقريبا بنهاية الأربعينيات واضح بشكله الهيبه والشخصيه القويه هذا للي يشوفه أول مره بس اللي يعرفه زين
طيب حيل وحنون..ومن الناحيه الماديه ماعليه قاصر..متزوج ثنتين ام جاسم وأم طلال ومعيش كل العيلتين ببيت واحد..لأن زوجاته مرررره يحبون
بعض وكانهم أخوات..
أم جاسم:الزوجه الأولى هي أجنبيه مو كويتيه بس متجنسه بالجنسيه الكويتيه عيالها(جاسم - سامي -جود - سيف -شهد)
أم طلال:زوجته الثانيه وبنت عمه..عيالها(طلال - دلال- ساره- هاني - ياسر )
جاسم:عمره(24) - طلال:عمره(22) - سامي:عرف سابقا..
سيف: عمره(18) - هاني:عمره(16)سنه - ياسر: عمره(5)سنوات
جود:عمرها(19) سنه...دلال: أصغر من سيف ب7 شهور إسم على مسمى...بنت أنوااااع النعومه والدلع..مره كيوت..وكل أنوثة العالم فيها....ساره:
عمرها(17) سنه..شهد:عمرها(14) سنه..
الجده(حصه) وبنتهاالعمه(سعاد) عمرها(26) سنه مو متزوجه..
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^
بدأ سامي يعرف بندر بأبوه وأخوانه الكبار..وبندر يسلم عليهم.. واحد واحد وهو مذهوووول من كبر هالعيله(مايدري إن ابوسامي متزوج ثنتين)..
سامي:هذي يدتي حصه..راح بندر وحب راسها وكانت مره مبسوطه لانها شافت بندر أخيرا..
وكمل سامي:هذي أمي...يابندر..عاد تعرفها مايحتاج اعرفك عليها
صافحها بندر:اشلونك خالتي؟؟
أم جاسم:بخير الله يسلمك..شلونك انت؟؟
بندر:بخير الحمد لله..
سامي:وهذي..خالتي أم طلال..مرة ابوي الثانيه..
هنا عاد تخيلوا شكل بندر...وعلامات التعجب والإستفهام تتطاير من فوق راسه..
ابتسم سامي على شكل بندر:ابوي متزوج ثنتين..
سلم بندر على ام طلال وهو مازال متفاجئ من هالعائله..
سامي:وهذيله..خواتي...جود..ساره...شهد...وياشر على كل وحده....وانتبه إن دلال موم موجوده..
إلا وينها دلال؟؟
ساره:مابقي انزلت..
سامي:المهم بندر بقي وحده من خواتي فوق..
صافحهم بندر وحده وحده وكانت كل وحده فيهم احلى من الثانيه وهالنقطه مافاتت بندر وخصوصا انه خبره في هالمجال..
سامي:هذا سيف وهذا هاني وهذا عاد يسوري..الغالي..
سلم عليهم بندر وهو يتمنى من قلبه إنها النهايه..
ياسر:انت وسامي..وايد مثل بعضكم..
ابتسم بندر على كلام ياسر..اللي ماشاء الله كان عنده قوة ملاحظه لان كثيرين كانوا يقولون هالكلام..
بندر يهمس لسامي:قلي إنا خلصنا..
سامي وهو كاتم ضحكته..:وهذي عمتي سعاد..
صافحها بندر..بس سعاد كانت شوي جريئه بحكم إنه أصغر منها..:شلونك بندر..؟؟
هنا بندر من جد مااات من الحيا..:الحمد لله بخير..
سامي يهمس لبندر:ابشرك(the end)النهايه..
بندر:الحمممممد لله..
الكل جلس يسولف مع اللي جنبه..
وجلسوا سامي وبندر قريب من طلال..
طلال يقرب من بندر..:اقول يالحبيب ماكن خدك وارم..
بندر بخوف:هاه!!
سامي وطلال فقعوا ضحك:ههههههههه..وسكتوا لما شافوا الانظار عليهم..
أبو جاسم:أقول بندر..شلون السعوديه معاك..
بندر:الحمد لله عمي بصراحه مره استانست هناك
أبو جاسم:إيه والله يحق لك..أنا يوم قال لي سامي إنك اول مره تروح لها اتفجات حدي..بس قلت أكيد ظروف الوالد ماكانت تسمح
بندر:إيه والله ياعمي..لولا ظروف الوالد كان حنا بالسعوديه من زمان بس انشالله قريب بنستقر هناك.
أبو جاسم:انشالله..
جود تهمس لسعاد:سعووووده تشوفين شحلاته مزيون وااايد
سعاد:وانتي الصادجه ماشالله حوله وحواليه..
جود:أقول شكلي بحط عيني عليه..
سعاد:إيه هين خلي أبوج يسمعتج بس وشوفي شنو يصير فيج..
جود:وشلون بيعرف أبوي؟؟
سعاد:مني طبعا..
عطتها جود نظره..
سعاد:هههههههه لا والله امزح بس مايصير خليه يناظرج بالاول عقبها حطي عينج عليه
ساره:أقول بنات يوعاااانه حدي..متى ييي الفطور...
جود:صبري هاللي الخدامه تجهزه حق منو؟؟
ساره:زين يوعااااانه ما فيني صبر بروح آكل.
جود:قعدي لاتوطا ببطنج..لاتفضحينا من الريّال..
سعاد تناظر ساره:الللله واكبر الحين كل مدة هالبوز عشانج يوعانه..
ساره معصبه:جعل اليوع ياكل بطونكم اكل قولوا آمين لجل تحسون فيني..
جود وسعاد:ههههههههه وبهمس:معصصصصبه..
قامت شهد وبعد شوي رجعت..
شهد:يبه الفطور جاهز..
أبو جاسم:يالله قمنا..
وقامت العيله كلها..ودخلوا لغرفه فيها طاولة طعام كبيييييييره بحكم حجم العيله..
وجلسوا الحريم بطرف والرجال بطرف..
وبدأت العائله تاكل..وبندر مازال مصدوم..من كبر هالعائله..
وبعد شوي دخلت دلال وبكل نعومه..:صباح الخير..
وراحت وباست راس أبوها وأمها وجدتها..
ولحد الآن ما انتبه بندر لها..سامي..أول ما جات عينه بعين دلال أشر لها إن صاحبه هنا..عشان تسلم عليه..
دلال:شلونك..بندر؟؟
وهنا رفع بندر راسه وانصدم للمره الثانيه من اللي يشوفه..فصار مفهي وما رد..
سامي يدقه:اختي تقول اشلونك؟؟
بندر:الحمد الله بخير الله يسلمك..
طلال بهمس:الله الله كل هذا اجابة شلونك!!
وهنا:فقعوا كل الثلاثه بندر وسامي وطلال ضحك..
ونظرا لأن بندر كان ياكل<< متعوب على نظرآ..
غص باللقمه وصار يكح وسامي وطلال بس يضربونه من ظهره..
بندر:كح كح..كح كح
سامي بصراخ:مويه ياهوه!!
وشوي ودلال جايبه المويه..أخذها بندر وشربها وعينه بعين دلال اللي واقفه قدامه وعلى فمها ابتسامه وكأنها كاتمه الضحكه..
وبعد ماخلص بندر:يعطيك العافيه وعطاها الكاس..
دلال:الله يعافيك..
وبس رفع بندر نظره عالعيله كانوا كللللهم يناظرونه.. وكأن الكل كاتم الضحكه
البنات يتهامسون..
جود:الله يفشلهم أخواني فشلونا من الريال..هههه
سعاد:امحق من اخوان والله..ولا كله كوم وطلالوه هذا اهو الفضيحه..
شهد:الحين شنو بيقول عنا..؟؟
ساره:هههههه بس شكله من جد تحفه لاحظتوا شلون يناظر دلال...ههههه
سعاد:إيه ههههههه واهي بعد ماقصرت..
دلال:منو هذي اللي ماقصرت؟؟
البنات بس شافوا دلال تذكروا الأكشن اللي قبل شوي.. وفقعوا ضحك...
والشباب نفس الشي..
عند الشباب (بالطرف الثاني)
جاسم:ماتشوف شر يالأخو..
بندر وهو متفشل:الشر مايجيك...
جاسم وهو يضحك:عيل طلالوه اهو السبب هاه..
بندر:والله ياهالطلال يبي يوديني بداهيه..
سامي:ههههههه بس من جد شكلك يسدح ضحك..
طلال:والله أنا مالي شغل..كل اللي قلته كلمتين والولد فقع ضحك..
وهنا قطع عليهم صوت سيف:أقول يبه..
الأب:نعم..
سيف:أبي فلوس..
الاب:كم يعني؟؟
سيف:200 دينار..
الأب:وشنو تبي فيهم؟؟
سيف:احتاجهم..
الأب:إيه في شنو؟؟
سيف:خلاص يبه قلت لك أحتاجهم..
الأب:خلاص بعد مااكمل فطور تعال لي بمكتبي..
سيف:تسلم يبه..
الأب:اقول جسوم..اليوم لا تروح الشركه..خلك ويا الشباب..
جاسم استانس"ماكو شغل اليوم":تامر يبه
الأب:يالله بالإذن أنا بروح الدوام..وانت يابندر خذ راحتك..البيت بيتك
بندر:الله يسلمك عمي..
الأب:طلالوه..سامي..تركوا عنكم الدفاشه الزايده..
سامي وطلال:تامر يبه
وطلع أبو جاسم...
وقاموا
************************************************** ********************************
××في السعوديه...بعــــــد الظـــــــــهر..××
طبعا بعد صلاة االظهر بدأوا العائلات يجتمعون..وكالعاده البنات بغرفة الهنوف والحريم بالصالون والرجال بالمجلس..
أم سلطان تكلم أم مهند..
أم سلطان:والله يازهور الولد طلبها بالإسم..إنا فاتحته بالسالفه..ويالله أقتنع على شرط إنه ما ياخذ غير بنتك..
أم مهند:والله هذي الساعه المباركه...وسلطان رجال وما عليه كلام..بس هم بعد جمانه لها رأيها..
أم سلطان:خلاص أجل خذي رايها بالموضوع وعطيها فرصه تفكر وأول ما تعرفين رايها ردي مني..
أم مهند:على خير انشالله..
عند البنات..
لميس تهمس لخلود:أقول خوخه..شفيك؟؟
خلود من غير نفس:ما فيني شي شفيني يعني..؟؟
لميس:يعني أحسك مو على بعضك..
تنهدت خلود:آآآآه يالميس أأأه من اللي فيني
خافت لميس:اسم الله عليك..سلامتك من الآه ياقلبي..صاير بينك انتي وبندر شي..؟؟
خلود:صاير أشياء..خليني ساكته لأبكي الحين وانتي عارفتني لا بكيت ماعاد اسكت..
لميس:لالا واللي يرحم والديك كل شي ولا دموعك..
مرام تسولف للبنات:والله يوم تجي تمسكها صديقتي واعطيها بكس على ووجهها..وشوفو أنواع الدم..
دانه:حرااااااااااااام
جمانه:شنو اللي حرام إلا حلال فيها ويبي لها أزود بعد..آآآه بس لو اني بمدرستكم يامرام كان افزع معاك
مرام:كفو والله بنت خالتي
جمانه:أعجبك أنا
فرح:إيه كملي كملي!!
شذا:غريييييييييبه فرح متحمسه؟!!
دخلت لميس بالسوالف:لا الأخت تطورت صارت تشوف أفلام رعب ومضاربات..يعني فيه تحسن كبير..
سمر:أذكر أيام الدراسه كان مره وناسه..وخصوصا مضارباتك يامروم
مرام:حيييييييييل لا والحين إذا صار اي مضاربه أفزع انا حتى لو مالي شغل بس ما احب اسكت على الحق
خصوصا إذا كانت وحده من الشله اما رهف وحلا يختفون وقت المضاربه ومايطلعون إلا لا هدت الاوضاع..
والحين انضمت لنا ديما وصار من جد وناسه..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك