رواية فمان الله يا غالي -15
خلود وبنـــــدر شالنهاآآيه ويآآآهم ماتفصل بينهم إلا مسآفه بسيطه.. لمتى راح تقدر خلود تخفي الحب الكبير اللي بقلبهاآآ؟؟
شنو راح يصير بينهم بهاللحظه..معقوله خلود تضعف قدامه وتعترف له باللي بقلبهآ؟؟؟؟
سفر بندر..شنو تأثيره على خلود؟؟...قدامها خطوه كبيره لازم تنفذها وتحتاج منها شجاعه كبيره راح تعرفونها بالبآآآرت الجآآي،،
انتظر ردودكم و آآراْكم و توقعااتكم
واكيد التقييم لو عجبكم البآآآرت
كل عآآآآم وانتم بخيــــر،،
|[ وفمـــــاآن الله يالغآآإليـــــين]|~
أشوفكم بعد العيد ^_^
?][إح ـساس][?
-9-
" بنـــدر...كل بدايه لها نهــايه
وحنا قربنا من النهــــايه"
طلعت خلود وهي معصبه..ونازله من الدرج وبندر طالع..ومن التعب كان مدنق ومو منتبه ان فيه احد نازل..وخلود نفس الشي من العصبيه مو شايفه من قدامها..
تكلم نفسها بصوت واطي وهي مرررره معصبه:انا مدري اشلون بعيش مع ناس زي كذا..لمتى وانا اتحمل اشياء أنا مو قدها..كل شوي مشكله كل شي نكاده ولما نجي بنعدل الوضع ما نقدر ونكتشف إننا صرنا موقد المشكله وصعب نحلها..طول اليوم على هذا مالموال والله مللل ووجع راس ونكاده..
مرت خلود من جنب بندر اللي وقف في الدرج وهو متفاجئ من اللي يشوفه قدامه..
بنت لابسه بجامها مقلمه بالطول أحمر مع زهري فاتح.. وعليها تي شيرت حق بجامه لونه احمر وبالنص ورده زهريه نفس لون التقليمات اللي بالبجامه
ورافعه شعرها على فوق ورابطته ببكله فيونكه زهريه وكان شكلها طفولي وبرئ ومنزله خصلات من شعرها مخليه شكلها مره نعوم..
مرت من جنبه من عصبيتها ما انتبهت إن فيه شخص واقف بالدرج ويناظرها او بمعنى أصح(خاااااق على شكلها) وهي نازله شمت ريحة عطر رجاليه مو غريبه عليها ولاحظت انها مرت من جنب جسم وكأنه شخص واقف..
وبس تعدته بدرجه وحده استوعبت إنها مرت من جنب شخص..وقفت وهي تحس بقرب هالشخص منها لان ما يفصلهم غير درجه وحده بس ولفت وجهها بشوييييييييييييش..وهو ما شال نظره منها..
وهنا تلاقت عيونهم لأول مره وعيشت كل واحد بعالم ما فيه إلا هو واللي قدامه..
بندر أول مره يشوف عيونها عن قرب..وضاع بعالم هالعين اللي فيها سحر يجذب الواحد ويخليه ما يقدر يشيل نظره عنها وخصوصا إنها كتاب مفتوح يخليه يقرأ كل اللي جوات هالبنت..
خلود نفس الشي أول مره تشوف ملامحه بهالقرب هي عاد انسطلت على الولد وعاشت الجووووووو..تموا يناظرون بعض كذا يمكن دقيقتين حتى هدت ثورة الغضب اللي كانت بداخل خلود بس حل محلها ثورة العاطفه وهالشي اللي الواحد ما يقدر يقاومه او يخفف من حدته..
بعد لحظتين صمت استوعبت خلود إنها مو متستره زين..ووضعها ما يأهل انها توقف قدام ولد عمها وحبيبها بهالشكل..وخصوصا لما انتبهت لعيونه اللي بتاكلها اكل..
فحاولت تعدل الوضع وتسوي حالها معصبه عشان تخفي احراجها فصرخت فيه:وانت وش اللي موقفك هنا ما تعرف إن بالبيت حريم..!!
وعلى صرختها رجع بندر للعالم الواقعي..وانتبه على عمره بس كرامته ما سمحت له إن بنت تصارخ عليه بهالشكل لو من تكون..
فصرخ فيها:وانتي ليه ما تحاسبين على عمرك!!
خلود هنا انصدمت..........."هذا اشلون يرفع صوته علي..هو اصلا منو عشان يسويها؟؟ مو أنا اللي الغريب يرفع صوته علي مو أنا!!"
"مو أنا!!" هالكلمه جلست ترن بأذن خلود..
خلود بنفسها"هذا وين رايح أنا بقي ما خلصت كلامي!!..شلون يصرخ علي ويروح ولا كأنه سوى شي؟؟..أنا خلود يابندر..خلود!!"كان نفسها تصرخ فيه بهالكلمه..بس فجاه اختى من قدامها
دخل بندر غرفة محمد اللي كان نايم فيها..
رمى نفسه عالفراش"أنا شنو سويت الحين البنت شنو بتقول علي..بس لا هي تستاهل ليه ترفع صوتها علي..بس مهما كان هذا بيتهم وأنا ضيف المفروض ما أسوي كذا..طيب مو أنا ضيف المفروض هي بعد ما تسوي كذا"
تمت خلود بالدرج فتره طوييييييله وهي متننننننحه ومصدوووومه من اللي صار ويتردد فداخلها شي تقدرون تشبهونه بالقنبله الموقوته
"إلا كرامتك ياخلود..إلا كرامتك" خلود اعتبرت صراخ بندر عليها إهانه لها..
بعد فتره استوعبت إنها ما زالت واقفه بمكانها..راحت للمطبخ وطلبت من الخدامه تجهز العشا..
جات بتطلع من المطبخ وحست بنسمة هواء هبت على وجهها وطيرت خصلات شعرها تنفستها بعمق كان ناتجها تنهيده طويييله عقبها لفت تناظر مصدرها لقتها جايه من الباب الخارجي للمطبخ اللي يفتح على الحديقه..
الحديقه؟؟!!!...آآآآآآه زمان عالحديقه..
حست خلود بحنين لهالمكان..هذا هو المكان اللي كانت خلود دائما تروح له إذا ضاقت بها الدنيا..
طلعت الحديقه وكان بالحوش الخلفي للفيلا فيه مسبح مره كبيييير وحوله كم طاوله بكراسيه..وبعيد شوي عن المسبح فيه جلسه..وقريب منها مراجيح..
راحت للمكان اللي كانت تروح له دوم لما تكون بهالحال واللي هوه المسبح..جلست على حافته ونزلت رجلينها فيه..وجلست تتأمله...عينها عليه بس
فكرها بعيييييييد..
جفلت لما سمعت صوت من وراها كله حزن يقول:الجو بارد ماراح تبردين؟؟
عرفت صاحب الصوت وردت بدون نفس:لا
باسل:خوخه اش فيك؟؟
خلود:باسل واللي يعافيك اتركني بحالي..
باسل:ترى جبت الاغراض اللي تبينها..ومعلش عالتأخير
خلود:لا عادي ..مشكور باسل..حطهم وروح
باسل:خلود انتي فيك شي صح
خلود بالم:باسل واللي يرحم والديك لا تحاكيني الحين
باسل:افااااا وين أيام أول..يوم كنتي بس تطيحين بمشكله تجيني على طول..وانا نفس الشي...ماتلاحظين الفرق الحين؟؟
خلود واالعبره خانقتها..:متضايقه!!
باسل:من شنو؟؟
خلود:...........................
باسل:أهل البيت صح؟؟
خلود"ويني عنك من زمان نسيت إن محد يفهمني غيرك ياخوي"
باسل:خوختي لا تهتمي لكل شي لانك لوبتجلسين تدققين على كل كلمه وكل موقف يصير بتتعبين حيل..وبعدين وين قوتك الاولى..مو مواقف زي كذا
اللي تهزك..
هنا خلود ما قدرت تمسك نفسها..فوقفت ورمت نفسها بحضن باسل وظلت تبكي..
خلود ماتبكي أبدا قدام أحد وإذا صار وبكت مستحيل تقول سبب بكاها فتبكي شويتين وبعدها يصير اقوى منها مافيه..وكأن البكا بالنسبه لها طاقه تاخذها عشان تصير قويه.. بس باسل شخص مستثنى من بين الكل وهو الوحيد اللي دائما يشوفها وهي تبكي..وهو الوحيد الي دائما يعرف سبب بكاها بدون ما يسأل وبدون ما تتكلم..
جلس باسل مع خلود لما هدت وقال لها تروح ترتاح بغرفتها وفعلا طلعت خلود بغرفتها وحطت راسها ونامت..
بندر كان يراقب كلللللل اللي حصل بين باسل وخلود من شباك غرفة محمد..واستغرب كثييييير من ردة فعل خلود"هذي ليه كل ما تقابلنا بالصدفه تبكي...أنا شنو مسويلها..كل اللي قلتها كلمتين صح إنهم انقالوا بصراخ بس برضو ماتأثر هالقد..فيها..وبعدين هي بعد ردت بصراخ وكأنها وحده ما فيه اقوى منها وهي من داخلها متحطمه كليا بس لييييييه؟؟؟؟؟؟" هذا السؤال اللي جنن بندر وما لقاله إجابه وظل يحاول يدور له إجابه لما تعب بعدها ناااااام
عشان يصحى قبل ما يسافر بكم ساعه ويكلم سامي وبعده خلود..البنت اللي عشقها قلبه ومايدري إنها قريبه منه هالقد..
************************************************** ****************************************
في غرفة باسل..
باسل بنفسه"آآآآآآآآآآآه ياخوخه..كنت جاي أشكيلك لقيتك انتي اللي محتاجه تشكي لأحد..هالبنت جننتني..ما أعرف شلون أراضيها..هذي أول مره تزعل مني..والمشكله إني ما اعرف ليه زعلت..يعني لو إني أعرف السبب كان يمكن أقدر أحل السالفه..والله اني تعباااااا نتعبان حيل يا حلا....ليه كذا..كنت ابي أسألك بس ................." وجلس يفكر ما يدري كم مر من الوقت بس فجأه سمع صوت أحد يدق الباب..
باسل:ادخل..
انفتح الباب..
فارس بهمس:مراحب بسول
باسل من دون نفس:هلا فارس شلونك..
فارس:تمام انت شلونك والله مغبببببر.
ابتسم باسل غصب عليه:والله انت اللي ما تنشاف كلش مع ربعك..
فارس:إلا شنو هالهدوء بالبيت..
باسل:والله ما أعرف كل واحد مختلي بهمومه بغرفته.
فارس:احلى احلى ياهموم ياخي هذا وانت توك في مقتبل العمر...بس قلي و(يغمز) شالسالفه..
باسل وكأنه ما صدق إن أحد ينفس عنه:إيه والله جيت بوقتك..والله محتاج آخذ شورك..
فارس:أفا..ويني عنك من أول..شفيك بسول..تحكى وجلس على طرف سرير باسل..
باسل:حلا!!
فارس:إيييييه قول كذا حلا متعبتك أجل..
تنهد باسل:حيل حييييييل يافارس!!
فارس:شنو السالفه بالضبط؟؟
حكى باسل لفارس الموقف اللي صار بالرحله..
باسل:وهذا كل اللي صار..والله ما احس إني غلطت بحقها الغلطه اللي تخليها تحقرني وحتى كلام ما تبي تتكلم معي..
تدري اليوم رحت أخذ اغراض لخلود من بيتهم وهي اللي فتحت..ولما جيت بسألها ليه تسوي فيني كذا..قاطعتني وعطتني الاغراض وقالت لي سلم على
خواتك..وبعدها مشت وتركتني..تخيل يا فارس أنا حلا تسوي فيني كذا!!
رحمه فارس:باسل هي الدنيا كذا ياباسل مو كل يوم تصفالك..وهالبنات بالذات يبيلهم صبر ومو كل ما صار موقف زي كذا تضعف وتستسلم وتتضايق..لا لازم تكمل حياتك عادي..ولا تحط ببالك إن حلا بالنهايه بتكون لك لأنك لو فكرت كذا..راح تتعب كثييييير لو ما صار بينكم نصيب..
باسل بخوف:الله لا يقوله يافارس...والله ما اقدر اتخيل إني بكون لوحده غير حلا لو كان اجلس عزوبي طول حياتي..بس الحين والحل اشلون أراضيها؟؟
فارس:قلت لي اشلون..أول شي تحملها..ولا تفكر باللي هي سوته فكر باللي انت سويته ترى البنات دينهم ودين اهلهم الوحده تشوف احد ماخذ مكانها بقلب حبيبها..
باسل:بس والله محد ماخذ مكانها أنا بس كنت اكل ريماس..عادي..وهيه اللي جات حتى مو أنا رحت لها
فارس:بس إش يفهم حلا هالكلام..يمكن حلا حست إن ريماس تحبك او حتى معجبه فيك..وهذا وحده سبب يخليها تغار..عشان كذا..لازم تختلق مو قف بينك وبين ريماس بأي شكل يثبت لحلا إنك ما تحبها وإنها بنظرك مجرد طفله..بس طبعا من غير ما تضايق ريماس او تأذيها..
باسل:الظاهر هذا الحل الوحيد..
فارس:يالله بسول انا تعبان وأبي أناااام..صاحي من بدري
باسل:فارس بجد مشكوووور والله من غيرك ما ادري شنو كنت بسوي كان بيذبحني التفكير
فارس ويغمز:ولو ياولد اخوي..حنا بالخدمه
ابتسم باسل:مشكور وما تقصر..
فارس:الله يسلمك يالله بالإذن.
ومشى لحد الباب وبعدين لف على باسل:إلا صدق بندر ماشي بكره عالكويت؟؟
باسل:إيه رحلت الفجر
فارس:يالله زين قلت لي خلني اروح أسلم عليه..
@@@@@@@@@@@@@@@@@@@@@@@@@@@@@@@@
راح فارس لغرفة محمد اللي ينام فيها بندر ولقاهم اثنيناتهم بساااااااابع نومه..ابتسم وقرر يمر على امه إذا كانت صاحيه..
قرب من الغرفه..وسمع حركه بالغرفه..دق الباب..
شيخه:ادخل
فارس بابتسامه:سلاااااااااااااااااام يالغاليه..شلونك؟؟ وباسها في راسها
ابتسمت امه:هلا والله بوليدي..أنا بخير الله يسلمك انت شلونك؟؟...وشلون أخوانك ما شفتهم اليوم ولا احد جاني!!
فارس:افااااااااااااا شيوخ وأنا مو مالي عينك؟؟
انقلبت ابتسامتها عكس:وجع اللي يوجع ابليسك..شنو(شيوخ) أصغر عيالك أنا؟؟
فارس:أوب أوب...زعلت العجوز
هنا عصصصبت أمه عليه:عجوز بعينك...يالشايب..أنا عجوز؟؟....شوفني شحلاتي كاني عشرينيه
فارس:ههههههه...لااااا إش عشرينيه...إنتي بنت(18) سنه..
ضربته امه ضربه خفيفه بعصاتها:ههههه تتريق إنت ووجهك..
فارس وما زال مبتسم من دخل:لا حاشاك إلا أتكلم جد الجد هههههههه
شيخه:هههههههه الله يقطع سوالفك..
فارس:إلا شنو قصدك بـ(الشايب)..؟؟
شيخه:إيه شايب ونص وثلاث ارباع..اللي بسنك تزوجوا وصار عندهم عيال وانت ما اعرف اش براسك عييت تتزوج
فارس:الله الله الوالده زعلانه!!
شيخه: مو من حقي؟؟
فارس:أفا من قال...من حقك ونص..بس لا تستعجلين علي يالغاليه والله بقي بدري وأنا أبي البنت اللي تناسبني ما ابي استعجل وبعدها أندم
شيخه:انت بس قلي من تبي وعلى طول أخطبها لك..
نزل فارس عند رجلين امه اللي كانت جالسه على سريرها..ومسك يدينها وباسهم وبهدوء:اوعدك يالغاليه اول ما ألاقي البنت اللي أبيها لاجيك طواااالي
واخليك تخطبينها لي..
شيخه:ياااااااااااارب يالله إنك توفقه وتلين راسه هاليابس وتخليه يعرس وأشوف عياله وعيال عياله انشالله
فارس:ههههههههههه حشى ما صارت دعوه
شيخه:إلا ما قلت لي وين اخوانك ووين كنت انت؟؟
فارس:اخواني كانوا بالشركه ومن شوي ردوا كل واحد لبيته وعبد الله عنده كم شغله وبيخلص وبيروح بيته..وأنا كنت معاهم..
وجلس يسولف مع امه شويتين وبعدها استأذن وراح ينام..
************************************************** ***********************************
فــــــي بيــــــــــــــــــــــــــت ام مهنـــــــــد..
أم مهند تكلم عيالها:بنات بكره جهزوا أنفسكم..حنا معزومين عالغدا فبيت خالكم ابو سلطان.
مهند:وشنو المناسبه؟؟
أم مهند:عادي عزيمه عاديه بدون مناسبه..بس خالك يبينا نجتمع بكرا ببيته
جمانه:حمااااس والله
مهند:اللي يشوفك يقول لك شهرما شفتيهم مو كنك شايفتهم اليوم..
جمانه:وانت ليه حاشر عمرك؟؟
أم مهند:جمانه!!...هذا اخوك الكبير احترميه..
مهند يتريق:إيه سامعه؟؟
سمر:امحق من أخو والله!!
مهند:ليه مو مالي عينك؟؟...هذا وانا اخوكم الوحيد وتسوون فيني كذا اجل لو عندك أخوان كثيرين شنو بتسوون
ديما:كل وحده يتمسك لها واحد وتقعد تتعابط معاه..الللللللله ونااااااسه
مهند:هذي شغلتكم انتو يالبنات بس فاضيين حق المناقره..والهبال
رهف:مو كلناااااااااااااا
مهند:يمكن إنتي بس اللي مستثناه
جمانه بخبث حتى زوجتك المستقبليه..
مهند:إيه وزوجتي بعد مستثناه!!
أم مهند: ومنو سعيدة الحظ انشالله؟؟
هنا استحى مهند لانه نسى وجود امه وأخذ راحته بالحكي: يعني....هذا إذا تزوجت..
أم مهند:إيه وإذا تزوجت..منو يعني؟؟
مهند ويهز اكتافه:ما أعرف!!..ويصرف..يالله يمه انا طالع أنا تبين شي..
أم مهند:لا سلامتك يمه..
باس راس امه ورطلع غرفته وهو بنص الدرج سمع سمر تتعمد تقول بصوت عالي:يلعن ابو التصرييييييييف
بعدها سمع ضحك خواته وابتسم...
@@@@@@@@@@@@@@@@@@@@@@@@@@@@
في بيـــــــــــــت أم عـــــــــــادل
دخل أبو عادل وعادل اللي توهم جايين من الشركه والعيال جالسين بالصاله..
أبو عادل:السلام عليكم..
الكل وعليكم السلام
وهنا أسيل وريماس رموا أنفسهم بحضن ابوهم
ابو عادل:هلا والله بعيوني
أسيل:كيفك يبه؟؟
أبو عادل:بخير الحمد لله انتي شلونك؟؟
أسيل:تمام
ريماس تقلد:كيفك يبه؟؟
أبو عادل:بخير الحمد لله انتي شلونك؟؟
ريماس:تمام
الكل جلس يضحك على حركتها
أبو عادل:هاه ياعيال استانستوا اليوم..
شذا:إيه يبه مرررررره كان وناااااسه
فراس: إيه والله كان حماس..والشباب كلهم جوا هناك
مرام:عادل..ليه ماجيت والله فاتك!!
عادل:كنت مشغول ويا أبوي بالشركه..وما قدرت اجي..
شذا وتكلم فراس:وانت يا اخ متى ناوي تشتغل مثل العالم والناس
فراس:مو بالاول آكمل دراستي؟؟
شذا:و إش معنى عادل جالس يشتغل ويدرس بنفس الوقت ولا انت على راسك ريشه؟؟
أبو عادل:وهي صادقه ياولدي..
وهنا دخلت ام عادل:من هي؟؟
أبو عادل:هلا والله بالزين كله
انحرجت أم عادل من زوجها وناظرته إنه مو قدامهم يعني..
مرام:احلى أحلى أموووووت أنا عالغزل..
فراس حس بإحراج امه فغير السالف:شوفي يمه زوجك وعيالك تجمعوا علي ويبوني اشتغل من الحين
أم عادل:افا..حرام عليك بقي صغير..لا تستعجلون عليه!!
ابو عادل:ما ضيعه إلا بقي صغير هذي..الله يعين يالله أنا تعبان ومرهق وابي انام..تصبحون على خير..
العيال: وانت من اهله..
طلع ابو عادل ولحقته ام عادل عشان ينامون
أما العيال جلسوا يسولفون فتره وبعدين كل واحد راح لغرفته..
$$$$$$$$$$$$$$$$$$$$$$$$$$$$$$$$$$$$$$$$$$$
الساع:30..
صحي بندر عشان رحلته بعد ساعه ونص..ارسل مسج لسامي واعطاه خبر على موعد الرحله..وبعدها دق على خلود..
خلود كانت نايمه..وصحيت على صوت موبايلها..
على باب الغلا بكتب حروفك
عشان الكل ياعمري يشوفك
أبي كل البــــ.................
ماردت..بس حطته صامت..
دق لما فصل..
ورجع بندر يدق..ونفس الشي وجلس فتره هو يدق وهي تحطه صامت..
وبالنهايه..ارسل لها مسج..(خوختي..الظاهر انك نايمه..بس حبيت اسمع صوتك قبل لا اسافر لأني إذا سافرت ما راح أشتري رقم ويمكن ما اقدر اكلمك وانا هناك..يالله نوم العوافي)
خلود بس قرات المسج..وجلست تفكر.."هو اش ذنبه..ليه ما رديت عليه..إيه يستاهل عشان حركته اللي بالدرج..ليه يصارخ علي..بس ياترى لو كان يدري إني انا خلود..كان ممكن يسوي كذا لا ما اعتقد..عشان كذا طالما هو يعاملني على اساس إني إنسانه ثانيه غير بنت عمه..انا بعد بعامله على أساس إنه ولد ثاني غير ولد عمي.."
واخذت موبايلها ودقت عليه وكانت حاطه ببالها إن هذي آخر مكالمه راح تكلمه إياها..
دق جواله..
حبيبي النهار ده لازم تعرف
حبك عامل جنااااااان
انا بحبك
بحبك
حب ما حبوش إنسان..
وآآآآآه ياحبيــ..................:هلا خلوده
خلودارتبكت من كلمة(خلوده):هلافيك..شلونك بندر؟؟
بندر:تمام وبخاطره" دامني سمعت صوتك"..انتي شلونك؟؟
خلود:بخير الحمد لله..ماشي الحين هاه؟؟
بندر:إيه الحين بروح اسلم على أهلي وبركب السياره وعالمطار..
خلود وحزن العالم كله فيها:أها.....
بندر حس فيها:خلود إش فيك؟؟
خلود:هاه؟؟.........لا ما فيني شي..
بندر:إلا فيك صوتك مو طبيعي..
خلود:بندر...الوقت تأخر لاتفوتك الرحله
بندر حس إنها ما تبي تكلمه فكان يبي يتأكد..:أوكي يعني أقفل؟؟؟
خلود بصوت يالله ينسمع:إيه!!
بندروالعبره خانقته:اوكي..يالله باي
خلود:فمان الله.....وبعد ماسكرت((فمـــــــــــــــــــــان الله يالغـــــــــــــالي)))
وهنا دمعت عينها لأن هذي أخر مره بتسمع صوت بندر فيها وعلى هالاساس مسكت موبايلها ومسحت كللللل مسجاته وأرقامه اللي بجوالها الشي الوحيد اللي ماقدرت تمسحه هي صوره....ودموعها ما وقفت..كانت من جد تحبه..حبته بجنون قبل لا تشوفه..هي كانت مؤمنه بأن العلاقات اللي زي كذا مستحيل تدوم وإذا كان فيها حب فهي من طرف واحد..بس علاقتها مع بندر من جد كانت غير كان حب من طرفين يمكن محد صرح بهالشي بس الحب الحقيقي ما يبي له تصريح..وتأكدت من إن بندر فعلا يحبها اكثر من مره وخصوصا لما عرفت من خواته إن له فتره متغير..يعني ترك كل البنات اللي كان يكلمهم وصار انسان ثاني في كل شي..وكمان ترك التدخين..وقالوا لها إش كثر عانى عشان يتركه وكل هذا عشانها..فطبيعي تكون هذي ردة فعلها
قفل بندر من خلود وهو متضايق حييييييل لأن حس بلحظه إنها ماتبيه وإنها متملله منه.."إنا ليش بس اجري وراها..قبل لما كانت بنت تسوي كذا..ما أعطيها فرصه واسحب عليها..لاني ما احب احد يتغلى علي..وكنت اطنش فتره وبعدها يردون مثل أول..بس هالبنت بالذات مقدر اصد عنها ولا يوم واحد..اشلون تمشي يابندر ورا وحده ماتبيك..كم مره دقيت عليها وما ردت..وكم مره أرسلت لها مسج وطنشت..زين أنا شنو ذنبي إني حبيتها..لا ماحبيتها إلا صرت اعشقها..أحس إني صرت مدمن على صوتها..والله ما أعرف شلون بتحمل هالأسبوع بس الله يعين"
************************************************** *****************
راح بندر للغرفه اللي ينام فيها(غرفة محمد) وحمل أغراضه..ولما جا خارج من الغرفه..
محمد بصوت كله نوم:بندر!!....انت ماشي الحين؟؟
ابتسم بندر:إيه..
جلس محمد:وقصدك بتمشي من غير ما تسلم!!
بندر:ما حبيت أزعجكم..
محمد:افا ما هقيتها منك..ووقف ومشى لبندر..:سلم على أهلك على بال ما أصحي سلطان..عشان نوصلك المطار..
بندر:لا عادي باخذ لي لومزين
محمد:إش قاعد تخربط انت يالله يالله ما عاد فيه وقت عجل..
بندر:مشكور..
وراح محمد لغرفة سلطان..دق الباب بهدوء بس الظاهر محد سمع..لا فيصل ولا سلطان..
فتح االباب وبصراخ:سلطاااااان...فيصل!!
سلطان وفيصل:..................
عصب محمد:سلطاااااااااااااااااااان!!!!
قام سلطان مخترع:نعم..هاه....إش صاير!!
محمد وهو ماسك ضحكته على شكل أخوه:بندر ماشي الحين نبي نوصله المطار..
سلطان:زين زين..ببدل واجي..
سلطان بعد ما طلع محمد:فيصل!!...فيصل!!
فيصل:همممممم
سلطان:بندر ماشي الحين
قام فيصل:ليه كم الساعه الحين؟؟
سلطان: الساع
فيصل:أوكي يالله قمنا..
وبدلوا الشباب ونزلوا..
وكمان باسل وراكان صحوا على بكي أسامه ولما خرجوا لقوا بندر ماشي فنزلوا يودعونه
$$$$$$$$$$$$$$$$$$$$$$$$$$$$$$$$$$$$
نروح لبندر..بعد ما طلع من غرفة محمد..نزل ودق باب غرفة أمه وشوي إلا فتحت والظاهر إنها بقي ما نامت..
ابتسم بندر:صباح الورد ماما.
أم فيصل:صباح النور..ودمعت عيونها:ماشي الحين هاه؟؟
ابتسم بندر:إيه يالغاليه..بس ليش هالدموع كلها يومين وراد..
أم فيصل:الله يرجعك بالسلامه
بندر:اللهم آمين..
أم فيصل:زين منو بيوصلك المطار؟؟
بندر:محمد وسلطان وفيصل.....الظاهر إنهم نازلين..بروح حق امي شيخه اسلم عليها وبرد أسلم عليك..
وراح عند جدته دق الباب وسمع صوتها:ادخل..
دخل ولقاها جالسه على سجادتها وتصلي...:منو بندر؟؟
بندر:إيه يمه هذا أنا..والحين ماشي عالكويت قلت أجي واسلم عليك قبل لا أمشي..
شيخه: الله يحفظك انشالله ويردك لنا بالسلامه..
راح بندر وحب راسها...:الله يسلمك يمه....يالله مع السلامه
شيخه:فمان الله..
وخرج من غرفة الجده..ولقى الشباب بالصاله ينتظرونه..
فيصل:يالله بندر..مابقى شي على موعد الطائره يدوب نوصل للمطار..
بندر: يالله يالله انتوا اطلعوا وانا بلحق عليك بسلم على الوالده وبجيكم..
راكان:بندر...باشتاق لك والله
بندر:أقول عن التشليخ الزايد كلها اسبوع مابيمديك تشتاق لي إلا أنا هنا
باسل:الحين هذا جزاه اللي يقول بيشتاق لك..
راح بندر لراكان وضمه:والله أنا بعد بشتاق لكم كلكم...إلا وين فارس أبي أسلم عليه
باسل: ماجا إلا متأخر ودخل عندك..بس الظاهر لقاك نايم ...تبي أصحيه
بندر:لا خلاص مايحتاج
وطلعوا الشباب..وعلى اصواتهم خرجت أم فيصل من غرفتها ولقت بندر واقف بالصاله ورايح بعالمه..يفكر باللي صار له مع خلود..
أم فيصل:هو بندر اش فيك..يمه؟؟
انتبه بندر لنفسه:لا ما فيني...يالله يمه أشوفكم على خير..
أم فيصل:فمان الله ياولدي..توصل بالسلامه بس لا تنسى تطمني أول ما توصل..
بندر:زين يمه..وحب على راس أمه وضمها وكأنه طفل..
خلود اللي كانت واقفه بالدرج من فوق تراقب بندر..تبي تشوفه وتروي عينها منه للمره الأخيره ماقدرت تتحمل شكل بندر وهو يضم امه فدمعت عينها..كان ودها تودعه..او عالأقل تكون آخر مكالمه لهم تمام..بس هذا اللي ماصار..
بندر قبل لا يخرج:يمه سلمي لي على خواتي وعلى فارس كمان
كان ودي أودعهم بس ما أبي أزعجهم..
أم فيصل:انشالله يوصل
وخرج بندر..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك