رواية رشوا على قبري من دموع عينه -14
ملاك بزعل: مشتاقه لك ..بس ..انت اذا رحت الرياض تسحب علي ..
فيصل : لا والله ياقلبي ,,,,بس تعرفين اهلي ...مشتاقين لي لازم اجلس معاهم
ملاك: وليش ...ما تاخذ من وقتك دقايق ...وتكلمني ...تسمعني فيها صوتك
فيصل : ياعمري ...فديتك ...قلت لك ...لاهي ....انتي بشريني عنك ويش مسويه
ملاك: زينه ....بس والله زعلانه عليك
فيصل : لاتخليني اتهور واجيك الحين
ملاك: ..لالا ..اعرفك تسويها ...خلاص ...رضيت عليك
فيصل : يا حبي لك والله ..ولهان عليك
ملاك: وانا بعد ......جلست شوي ...وبعدين قفلت وهي فرحانه انها كلمته ....وتطمنت عليه
فاديا : مين كنت تكلم ؟؟!!
فيصل يغمض عيونه ويسند راسه على الكنبه : ملاك الروح ....
فاديا : جد ...ويش تبي
فيصل : مشتاقه لي
فاديا تضحك: اخص يا فصول .....يا سربوت
فيصل : انتبهي بس ...لا اكفخك ..والله لو تسمعك تقولين هالكلام لي غير تطير راسك
فاديا : لهدرجه تحبك ؟؟!!
فيصل : وانا اكثر يا فدفود...
فاديا : طيب ليه رجعت من جده
فيصل : هي راحت للمدينه زواج اخوها ...هناك بالعيد ...وجاته فكره
فيصل :فاديوه ..ويش رايك ..اسوي .................وبدى يسرد لها خطته
فاديا : اوف اوف كل ذا عشان تحبها ...ياليت واحد يسويلي نص الي تسويه لها
فيصل انشاء الله ...يجي اللي يسوي لك اكثر من ذا ...بس ويش رايك بالي قلت لك
فاديا: حلووووو...اكيد بتطير من الفرح
جاء يوم العيد...وكل واحد ..كاشخ اخر كشخه .....لمياء لابسه تنورة احمر قصيره وبلوزة اسود ماسكه على صدرها ومسويه شعرها كيرلي ...وطالعه ناعمه ..اما ملاك لبست اللبس اللي جابه لها فيصل ...تنورة قصيره ليموني ..وتحته بنطلون قصير على الركبه اسود ..وبلوزة حفر اسود ..وفوقها جاكيت ...حفر كمان ..ليموني ..وكاب ...ونصدل عالي ...وطالعه ناعمه ...
واقفه عند المرايا تعدل الميك اب ....دق وجوالها
ملاك بدلع : هلا حبي ..
فيصل : هلا حياتي ...كل عام وانتي بخير
ملاك: وانت بخير ...من العايدين حبيبي ...
فيصل : من الفايزين روحي ...اخبارك ...كيف العيد عندكم
ملاك: توه بدء اسمع صوت خوالي مجتمعين وشباب الحاره بالمجلس ...
فيصل : ياليتني عندك
ملاك: المهم اني سمعت صوتك ......قفلت منه ...وراحت تبداء عيدها ....
يوم فرح ..وبهجه وسرور والناس رايحين جايين ....والعوائل ...كلها مجتمعه ...وناسه ....وفرحه
اما فيصل واهله ..اجتمعوا بالمزرعه مثل كل سنه ....دق ورقص ووناسه ...وجمعه حلوة ...وبنات ...فالينها فله مو صاحيه ...والعيال ...يلعبون سباق خيل وعايشين جوهم
((البارت الثالث عشر )))
((حـ ــ ـلـ ــ ــ ـوه احبــــ ـ ــ ـ ــك مـ ـ ـ ـن شفـ ـ ـ ـاتـ ـ ـ ـ ـك))
يوم زواج ...هشام ومحمد
لمياء : هيا اسرعي ....سطام بالسياره ينتظرنا
ملاك: طيب بس اجيب شنطته اغراضي ....اخذت شنطتها وراحوا للقصر ...
لمياء: كيف شكلي ميمي
ملاك: تمام .....كانت لمياء لابسه فستان ليموني قصير منفوش ...ومسك على صدرها وفيه سلاسل نازله منه ....وشكلها روعه ...والميك اب اسود وليموني ...وطالعه تهبل
ملاك: وانا لولي
لمياء: جناااااان ...الاحمر لايق عليك .....كانت ملاك لابسه فستان احمر توتي ....ماسك على صدرها تحت الصدر فيه تطريز بالذهبي كانه شرطه ...وفيه بروش ناعم على جنب ...وطويل وله ذيل ..وظهرها مفتوح كله ...تربطه سلاسل ذهبيه كانها سطور ...ومفتوح من نص الفخذ ....الى الاخير ....والميك اب ..خليجي ...طالع عليها هبال .....وشكلها ملفت للا نتباه ...وفستانها فخم مرة بتطريزه الناعم والموديل الحلو
...جلسوا على طاوله عبال الناس يجيون ...
ابتهال : هلا والله ..هلا بالقماري
لمياء تلف : ويش رايك ؟؟؟!!
ابتهال : صراحه ....تحطيم ....تحطمون اللي يشوفكم ..
ملاك: يعني حلوات
ابتهال: انتي تسالين ملوكه ....بس الاحمر عليك ...عذاااااااااااااااااااااب
لمياء : بس بس ..لا توتين ..وتقلده ....عذاااااااااااب ...ابتهال لابسه لون موف غامق ...طويل ومخصر وفيه تطريز ...وطالعه فيه بنوته ..ناعمه حيل ...
بدوا الناس يجون ...وامتلت القاعه من المعازيم ....وبدى الدق والرقص ...والكل ..مبسوط وفرحان
ابراهيم: يالله دق وخلصنا ...ورانا مشوار ..
ماجد: فيصل ... دق ..بسررررعه ..خلنا نروح قبل يطب احد ويقول ويشت تبون
فيصل : طيب ...صبركم شوي ...ارهقتوني ....دق على جوالها ..بس ما تسمعه ....راحت تقهوي بعض معارفهم اللي جوا من جده
ابتهال : الخبله ملوكه جوالها من قبل شوي يدق ....ملااااااااااااااااااك ....ميمي
ملاك: هلا بهلول ...
ابتهال : بهلول .....بعينك ...خذي جوالك ...رحمت المتصل من ساعه وهو يتصل ......
اخذت جوالها وشافت رقم فيصل ....دق عليها ..
ملاك : هلا ...
فيصل : هلا ..تو الناس لو نمتي ..كسرت الجوال ....بدت الدقاقه تدق ...وصارت ما تسمعه
ملاك: حبي ابي اقفل بروح مكان هادي واكلمك ...قامت تمشي بالممر ....وتسمع التعليقات ...من كل مكان ...راحت غرفه وقفلت الباب ..جلست على كنبه ..تريح شوي ..ودقت عليه
ملاك: الوووووووووو
فيصل : مرحبا ....وينك ما تردين ...بالعافيه رديتي
ملاك: ما اسمعه من الدقاقه ......ولاهيه بالرقص
فيصل : فديت الرقص واللي يرقصون
ماجد: قل لها خلصنا .....تراني جالس على اعصابي ..
فيصل : ميمي ...افتحي باب الغرفه الخلفي
ملاك استغربت : أي باب ...
فيصل : في باب بغرفته اهل العريس ..افتحيه ...دورت وفعلا لقت باب ...وفتحت بشويش ..كان فيصل ورى الباب ...لما شافته قفلت الجوال متفاجئه ما تخيلت انه يجي لها بيوم زواج اخوها
فيصل : شلونك ملوكتي
ملاك: ويش جابك ....روح قبل احد يجي ويطب علينا
فيصل : جاي اشوفك ...واعيد عليك ....كانت ورى الباب وبس مطلعه راسها .....
فيصل : كل عام وانتي بخير ..والف مبروك لخوك
ملاك: الله يبارك فيك ....مد لها هديه ...
فيصل : تفضلي هذي هديته العيد ......اخذتها وحطتها على الكنبه ..ابتسمت له
ملاك: جد انك مصيبه اللي براسك تسويه ...
فيصل : بس اليوم ...تخققين الواحد ...ويش هالكشخه يا ملوكتي ...تذبحين ..استحت ...
فيصل : ابي منك بوسه قبل ما اروح
ملاك: بليززز روح اخف احد يجي ويشوفك وتصير مشكله
فيصل : اعطيني بوسه واروح ....فتحت الباب ..وبعدت شوي عشان يدخل ...دخل جوى عندها وشاف كشختها كلها .....صفر تصفيرت اعجاب ..وقزها من فوق الى اخمص قدمها ..
فيصل : ويش الحلى ذا يا ملوكتي ...قسم انك تجلطيني كل يوم الف مره ...حمرت خدودها
فيصل: يالبى الاحمر ....يجنن عليك ...قرب منها وحط يده ورى ظهرها وصار ما بينه وبينها أي شيء
فيصل : متى تكوني ...لي يا ملاك ...متى ؟؟!!!...ارتبكت ...وسكتت وباين عليها الارتباك
ملاك: فيصل ...روح ..الله يخليك .....ابتسم فيصل
فيصل : واخلي هالجمال كله .....ضمها وباسها بوسه دوختها تمنت لو يكررها ..مرة ثانيه ....وقف قلبها جمد الدم بعروقها ...سافرت لعالم ثاني ....شوي ..وبعد عنها ولف بيروح
فيصل : مع السلامة ......مشى خطوتين ....
ملاك: فيصل .......
فيصل : عيونه ...قربت منه وضمته
ملاك: احبك ....والله احبك ...
فيصل : مو كثري يالغلا مو كثري ...وراح ...........قفلت الباب ...وهي تفكر فيه ...كل يوم يزيد حبه بقلبها ويكبر ...لدرجه انه وصل الى الحب المحدود و الا محدود ....راحت للمرايا تتاكد من شكلها ...وتزيد الروج التوتي اللي راح ...وتعدل شكلها ..بعد ما تاكدت ...طلعت وراحت للكوشه
اما ...يسياره فيصل ...
ماجد:ول ول ويشه الجمال .... يازين الاحمر عليها .....يهبل
ابراهيم : وربي منت سهل يا فيصلوه ...صراحه ماتوقعتها كذا ...
فيصل بحده : وكيف شفتوها ....هاه ...علموني ؟؟؟!!
ابراهيم وماجد: نعجبك بالقز ..
ابراهيم : فديت الاحمر والله .....كيكه ...<<بينرفز فيصل
فيصل : هيه انت ...مو كأنك ماخذ وجه بزياده ....يالمقرود
ماجد: اقول ..يابو الشباب ...امسح بقايا روجها .....ويغمز له
فيصل : أي روج انت وجهك
ابراهيم : بالله ما تدري ؟؟؟!!شوف شفايفك...على باله ماكل ايسكريم فرواله ..المعزب
طالع فيصل شكله ...وانصرع من الضحك واخذ منديل ومسح الروج ...
فيصل : فديتها يالبى قلبها .....
بالقاعه ....
عبير : ملاك وين رحتي .....ادور عليك
ملاك تصرفها : كنت اشيك على الزفه ....والعصير ...
ساره : عسى كل شيء تمام ..
ملاك: الحمد لله ....
بدت الزفه ...وانزف هشام وميساء على انغام اغنيه اميرة الورد ...وبعدهم محمد ووصايف اللي طالعه ملكه جمال بفستانها الابيض والمشكوك بكرستالات ...فضيه ...ومكياجه الخليجي ...وبجنبها محمد ...بوسامته ...وانتهى الزواج ...الكل اتجه لغرفته بعد التعب ...وناموا ....
اليوم اللي بعده
الكل مجتمع بالصاله ...وملاك قفلت على نفسها الغرفه ...فتحت هدية فيصل ...
وكانت خاتم مرصع بالالماس ..وفيه زمرده بالوسط ..وشكله فخم جدا ...وعطر من جفنشي ...وحوله ورد مجفف ...وورقه كانها قديمه ...وملفوفه كانها خريطه ....لما فتحتها كانت رسمه ...ومكتوب عليها ....
((تدري اني موت احبك وان مالي غير حبك واللي ينبض بضلوعي ماهو قلبي هذا قلبك))
ملاك : آآآه ...حلوه احبك من شفاتك ...
دقت لمياء الباب ...فتحت لها ودخلت ...ورجعت قفلت الباب
لمياء تشوف الهدايا اللي على السرير : ميمي ويش ذا ؟؟؟
ملاك: هدااااااااااااااايا
لمياء : من مين ؟؟!!
ملاك بهيام : فصولي ....
لمياء بدى الشك يتسلل لها : الظاهر البارح صارت علوم ...
ملاك: أي والله تعالي اقولك ......وحكتها عن كل شيء
لمياء بعصبيه : انتي ما تستحين .. ما تخافين ..لو احد شافك ...هذي فيها قبايل ..افهمي ...
ملاك: ويش اسوي هو جاء والهي ما دريت ...سواها مفاجاءه
لمياء: لا يا شيخه ...((تقلدها)) .مفاجاءه ...تخيلي لو احد من اخوانك شافه او احد من القبيله ..ويش بيكون موقفك هذاك الوقت ...بتقولين ...سوالي مفاجاءه ...
ملاك: الحمدلله عدت على خير
لمياء بحده : ملاك ..انا سكت بما فيه الكفايه ...لحد هنا وبس ...كل شيء يجوز الا انه ..يتجراء ويجي لحد هنا ...انتي مافكرتي ..بالنتايج ..يمكن يلعب عليك ..العيال مالهم امان
ملاك: الحمدله انا ضامنه نفسي ...ومستحيل اسوي شيء حرام
لمياء تستهزء فيها : حرااااااام ..اي حرام ..تطلعين ..وتتعشين ..وتسوين بلاوي ..وتقولين ...ما سويت حرام ....وين البوسات والضمات ..هذي حلال ..او ....
ملاك: خلاص يا لمياء ...اسكتي ...انتي مانتي عندي انا عايشه بوحده فظيعه ..ما احدج يحس فيني ...الكل لاهي بدنياه لكن انا ماحد مهتم فيني ..بس الاهم طلباتي مجابه ..ماحد عمره قال ويش فيك ..ليه متضايقه ماحد مسح دمعتي يوم ابكي ..وتقولين لي حرام ...الحرام اذا كنت انسان شبه ميت ...متبلد مشاعر هذا الحرام
لمياء : ملاك انا خايفه عليك ...خايفه بكره تندمين ...انا ما ابيك بكره تتحسرين ...
ملاك: انا ابي اعيش يومي ..حرام احب وانحب ...حرام
لمياء : لا مو حرام ..بس بحدود .....
ملاك: وانا ابي اكسر هالحدود ...فهمتي ...سكتت لمياء لانها تعرف عناد ملاك ...
لمياء ((ياخوفي تطيحين يا ملاك ...طيحه ما تقومين منها ...خايفه عليك ..الدنيا مالها امان ...يارب اهديها ..وكون معاها ...يارب ))...نامت بعد ما سمعت كلام لمياء اللي جرحها ....
اليوم اللي بعده...جاء محمد ووصايف عند جدته
ملاك: هلا والله بالمعاريس
لمياء : نور البيت ..
محمد: بوجودك ..يا لميوه
لمياء : بسكت بس عشانك معرس ....
وصايف : هههههههه ...ويش دعوه ...ماقال لك شيء
بدر: ياعيني ..بدت الحميه من الحين ...
بندر: اخص يا وصايف ..ويش عاجبك ..باشبهه ...
وصايف : لا والله ترى ما اسمح لك تقول عن زوجي كذا ..ما الشبه غيرك ...
محمد يقلب عيونه : الحين ما يحتاج اتكلم .....
ملاك: هاه كيف الزواج وصوفه
وصايف : اذا بتتزوجين زي محمد ...اكيد حلو .....
لمياء : يعني تنصحيني فيه ؟؟!!
الكل: ههههههههههههههههههههه
سطام: استحي يا لمياء ....استحي
بندر: بنات فاصخات الحياء ....
ملاك: اقول عاد عن النقره ...لا تفشلونا مع العرسان
سطام : اللي يقول ....ما نعرفهم ...طول عمرهم عندنا ..نمون عليهم ...((يناظرهم ))...صح ؟؟
وصايف : لا ما تمون .....
لمياء : تعيش وصايف تعيش....
محمد: يحيى العدل .......طول الجلسه مناقر وهواش بعد يومين ...رجعت ملاك لجده ...
ارتاح يومين كامله ..والدراسه باقي لها ثلاث ايام ...
جود: هاه كيف زواج اخوك ...؟؟!!
لوجين : حكينا بالتفصيل الملل....
شذى : يالله ...قولي شنو لبستي كيف الميك اب ...والشعر بسرررررررررررررررررعه
ملاك: بس بس ...شوي شو ي ....طلعت لهم الصور ...وانهبلوا على شكلها ...وجابت صوره جماعيه ..
لها ولمياء وابتهال وعبير وساره وريم ..ووصايف ..وميساء ...وقامت تعرفهم عليهم ..
شذى : مشاء الله عالتكم كلهم حلوين ...
ملاك: صادقه كل وحده احلى من الثانيه ..
لوجين : ميمي فستانك بالبسه بزواج ولد خالتي
ملاك: يفداك الفستان ..وصاحبته
لوجين: يا عمري ...تسلمي ...
جود: صراحه الصور جونااااان ...روعه ...بعد السوالف والاخبار ..والقيل والقال والمستجدات
شذى ((اوف متى ارجع البيت ابكلم ابراهيم ...اشتقت له ))...راحوا البنات من عندها الساعه 1 بالليل
((شذى ))
اول ما وصلت البت بكل لهفه وشوق وحنين ...فتحت المسن ...
احمد: مادخلت اليوم خلاص تعال سولف معانا ...بهالوقت سجلت شذى دخولها ...
ابراهيم : سفرق عن وجهي ..جات ...حبيبتي ...
احمد: وربي لاافضحك عندالشباب ...
ابراهيم: رح ..ماهميتني ...خخخخخخخخخخ..ويغمز له
احمد: طيييييييييييب ...انا اوريك ...يا ناكر الجميل ...وراح احمد عند الشباب
شذى : هاااااي
ابراهيم: هااااااي....وينك تاخرتي اليوم ؟؟!!
شذى : كنت عند صديقتي ..واخذتنا السوالف ...
ابراهيم: والله اشتقت لك
شذى : وانا بعد ...بس انتظر الوقت اللي ارجع فيه عشان اكلمك ...
ابراهيم : ياقلبي ...انا
اما عند الشباب
فاهد: احلف ....احمد
زياد: بذمتك ؟؟؟
احمد: والله
فيصل : اخص يابرهوم ....يادنيا ...هذي اخرتها ... ....تحب من ورانا
ماجد: ياسلام ....بدت الشله ...تحب ....والله عال ...
فاهد: اجل انا بخربها ..بتزوج مره وحده لاني بحب ..ولا خرابيط مالها داعي
زياد: وانا بعد ...ابرك ..من هالجنون ..حب ..وعشق وهيام ...
فيصل : والله غير تغيرون كلامكم يوم تجربونه ....دخل ابراهيم ..بعد ماخلص من شذى
الكل يصفر له
ماجد: هلا بروميو الشله الجديد
ابراهيم : ويش فيه روميو ..ماهوب عاجبكم
فيصل : لا بالله انك تعجبني ...
ابراهيم: اقول يا بخت من حب وانحب ....احسن من مقابل وجيهكم اللي تسبب الاكتئاب
فيصل :خخخخخخخخخخخخخ...انت تعجبني ..
زياد: الحين صرنا نجيب الاكتئاب ...يا الاجرب
ابراهيم: اجرب بعينك .....<يرفه يده للسماء >>..يارب كل واحد فيكم ..يتعذب ...
فيصل : اميييييييييييييين
فاهد: طيب ...يا نذل انت وياه ....
اول يوم بعد الاجازة ......بالمدرسه ...
صبا : كل عام وانتم بخير
الكل: وانتي بخير ....
صبا ...شو اخباركم صبايا
الكل: الحمدلله .....بخير
ملاك: وين سلاف ...ومياده ..والبنات ...
صبا : بالكلاس ...يقولون الجو ...هووووووت
ملاك:طيب بنروح لهم ...نشوف اخبارهم ...يالله لوجين ..وجود ...راحوا يسلمون على البنات ..
كانت ولاء مع سلاف ومياده ...بعد ماسلموا واخذوا اخبارهم ...رجعوا لفصل ...
بعد اسبوع ...بدت عندهم الامتحانات للشهر الثاني ...
كانت تذاكر ....باخر اختباراتها .....دق جوالها ...
فيصل : هلا حبي
ملاك بطفش : اهلين .....
فيصل : ويش فيك ...باين انك قرفانه
ملاك: قرفت من الدراسه ...اوووف كل شوي اختبارات ...وربي مليت ..ودي انتحر .
فيصل : هههههههههههه ..احمدي ربك اجربتي دراسه الدول الثانيه ..احنا دراستنا تافه وسهله
ملاك: ليش درست برى
فيصل : يس ...ثالث ثانوي ....والجامعه كلها ببريطانيا ..
ملاك: وااااو ..عاد بريطانيا معروفه بتعليمها ..صعب
فيصل: اجل احمدي ربك ...وذاكري زين ....
ملاك: ويش اسوي ملل ..الدراسه كئيبه ..الله يعين ...
فيصل : موفقه ..ياللخ اتركك تذاكرين ...قلت اسمع صوتك ...
ملاك: ياقلبي ..وربي تنفتح نفسي لسمعت صوتك ...
فيصل : شدي حيلك روحي .....
ملاك: اوكي ...
فيصل : احببببببببببببببببببك
ملاك: اموووووووووت عليك ....
فيصل : باي
ملاك: باي ...قفلت وذاكرت شوي ...وبعدين اخذت دفترها ....وسطرت
((ودك تعرف غلاك وش قد ؟
انا بسالك وجاوبني بجد ؟
هي السما تنتهي بحد ؟
او البحر ينتهي بسد ؟
او الرمل تلقى له عد؟
لا سالت ولقيت رد
وقتها اتعرف غلاك وش قد ..))
بعد ما انتهت الاختبارات
ابراهيم : شذى بطلبك طلب ؟؟
شذى : شنو ؟؟!!
ابرهيم : اكلمك جوال ....اذا ماعندك مانع
شذى : اممممممممممم...طيب
ابراهيم : الحين ...تقدرين ...
شذى : ايه ...اعطته الرقم ....
شذى ((واخيرا ...لقيت اللي غير لي كياني ....))دق جوالها
شذى بهدوء وصوت راكز : الوووووووو
ابراهيم : سلااااااام ..((صوته رجولي وفيه بحه ))
شذى : وعليكم السلام .....
ابراهيم: كيف حالك شذى .....
شذى : الحمدلله ....بخير ...انت شخبارك
ابراهيم : تمام ...طمنيني عنك ..وعن دراستك
شذى : كل شيء تمام والحمدلله ....مرت فترة سكوت
ابراهيم : ويش بك ساكته ...
شذى : مابني شيء ....
ابراهيم: مابني .....واي واي ....تعلمي الهرج مني ....
شذى : وليه حبيبي ...ليكون حكيي مو عاجبك ...
ابراهيم: لا عاجبني ونص ...بس ابيك تهرجين بدوي ...احب الهرج الاصلي
شذى : يعني احنا تقليد ....
ابراهيم:خخخخخخ...لا والله مو قصدي ...بس ابي اسمعك مره تتكلميني نجدي
شذى : ما ابغى ...كلامي عاجبني ...
ابراهيم: اجل بكيفك ....بس اذا سمعتي كلمه ما تعرفين معناها ...لا تساليني
شذى : اوكي ..ماراح اسئلك...وعد
ابراهيم: ماأنك عصبتي ...
شذى : افااا ماتدري ليش عصبت ...
ابراهيم: لا والله ما ادري ....(ابراهيم ...ولد على نيته اللي بقلبه على لسانه ...وطيب مره ...بس عيبه انه ..يحب الفرفشه ..ولو كانت تجرح شوي ))
شذى : اجل لا عرفت ...ليش عصبت كلمني .....<<طوطوطوطو ..قفلت الخط ..
ابراهيم: علامها البنت ...قفلت الخط بوجهي ...قفل المسن وراح عند الشباب بالصاله
احمد: هلا بروميو..
ابراهيم متضايق : اسكت مابي بناقصك
فاهد: خير ..خير ..برهوم متضايق ....ومعصب ...
زياد: ويش السبب .....طنشهم ابراهيم وما رد عليهم ...
ماجد: اكيد حبيبته ....خخخخخخخ
ابراهيم: وليش تضحك ....؟؟؟!!
ماجد: على شكلك ما طالعت بالمرايا قبل تجي
احمد: بالله برهوم ويش قالت لك عشان تعصب
ابراهيم: قفلت الخط بوجهي
الكل: اوووووووووووووف
فاهد: افاااااااااا ياذا العلم ....
زياد: ويش السبب ...ياخوي ...قال لهم ابراهيم
الكل: هههههههههههههههههههههههههاااااااااااااااااااااي
ماجد: بالله بعد اللي قلته تبيها تموت فيك ...
احمديتكلم مقطع ..ميت ضحك : الله يفشلك .....
زياد: اعتذر منها ....وقول لها ماكنت تقصد ...
ابراهيم : يصير خير
فيصل : درج طول عمرك درج ...احد يقول لبنت هالكلام صدق ماعندك احساس
ابراهيم: الله وانت عاد يامرهف الاحساس ...
زياد: هذا خله عند حبيبته اللي ماخذه قلبه ....
فيصل : ياملاك الروح ...يفداه فيصل وابوه وكل اهله
ماجد: اسكت عاد ....ناقصينك بعد
بعد فتره في المدرسه
ملاك: اووف ...دراسه ممله
جود: حر ....حر...قرف ...
لوجين : لو انتحر قليل ....والله قليل
شذى : ايش فيكم صاير فيك احباط
جود: هو الجو بيساعد ولك شوشو
ولاء: هونيها وتهون ...
ملاك: على قولتك ...حنا مكبرين السالفه ....رجعت للبيت ونامت على طول من تعبها بعد الدوام المتعب والحر ....صحت المغرب ذاكرت ...وبعد ساعه شافت نفسها فاضيه ..دقت على فيصل وكان جواله مغلق
ملاك: ياترى ويش فيه ....لي ثلاث ايام ادق عليه والجوال مغلق او مايرد .....دقت بعد العشاء ...
ملاك: فيصل ....وينك ..خفت عليك ...لك يومين مختفي وماترد ....والجوال مغلق ...
ماجد: انا مو فيصل ....
ملاك ماتت رعب : منو انت ...فيصل فيه شيء
ماجد: انا ماجد صديقه .....
ملاك بخوف : فيصل ..ويش فيه
ماجد: لا بس محموم شوي
ملاك: محموم .....انا جايه له ..اعطيني العنوان ...
وصف لها البيت ...لبست عبايتها بسرعه ....وراحت للعنوان اللي اعطاها ماجد ...وقفت عند بوابه حديديه كبيره ....كانه بوابه لقصر ...او قلعه ..انفتح الباب ..ودخلت سيارتها ..ومشت بطريق على جوانبه حديقه ...وفيها مسبح ...والجهه الثانيه فيها ملحق ارضي ...على شكل تراثي ...بس واضح فيه الذوق الرفيع ...وشافت البيت من برى كانه قصر اروبي ...مصمم على شكل قلعه ....نزلت وطلعت الدرج اللي يلف حول نافورة ...فتحت لها الخادمه الباب ...ودخلت ...وشافت شيء عجيب ...صاله جانبيه ...رخام والسقف قبه زجاجيه ...تشوف من خلالها السماء ...مشت للدرج اللي على شكل اسطواني ...والبيت كانه تحفه زجاجيه ...طلعت الدرج ورى الخادمه ...انبهرت زياده ...لما شافت الدور العلوي ...نظامه امريكي ..مطبخ صغير ...مفتوح ...لعمل الكابتشينو والمشروبات ...وصاله والجدر كله تلفزيون كانه سينما ...والجدر معتق كانه بيت طين مكسر ....والكنب الالوان الترابيه ...والتحف كلها قديمه عشان التناسق ....مشي ورى الخادمه ..ودخلت مكان مثل الاجنحه ..ممر وفيه ابوب ...الممر على شكل نص دائره ...شافت باب مفتوح ..ودخلته ...وكانت غرفه فيصل ...اول ما دخلتها انصدمت ...الغرفه لشخص متعصب هلالي ...ابيض وازرق وصور الاعبين ...وكؤوس وميداليات على مكتبه خشبيه فخمه ...وفي جدر زجاجي ....وباب ..دخلته وشافت النقيض الوان هاديه ...الوان قوس قزح ...شافت سريره المربع الكبير ...ومكتب صغير ..وعليه لاب توب .وملفات ...كل شيء مرتب ومنظم مثل الساعه ...ماشافته ...خافت يكون فيه شيء ...جاء صوت صحاها من منامها
فيصل : ملااااك ..لفت وشافته طالع من مكان كانه حمام <<داخت من اللي شافته
ملاك: الحمدلله على سلامتك ...
فيصل : الله يسلمك ...ليش تعبتي نفسك وجيتي ..
ملاك: خفت يكون فيك شيء ...((بدت تعاتبه )) ..ليش ماقلت لي ...خوفتني عليك ...جلس على الكنب ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك