رواية جواهر -13
جواهر: ابوي يقول لي ما يمنع دراستج كمليها حتى لو وافقتي على الزواج يعني مالى عذر وولد عمي شاب ما ينعاب والله ريال بمعنى الكلمه وسيم وكل الصفات اللى تبيها البنت فيه
العنود: آخخخخخ يا ويلي انا من ضاحي لو ما انخطبت كنت بقول لج ارسليه لنا مع ماركة صنع في السعوديه هههههههههههههههه
جواهر: انتي رايقه اشوف حرام عليج شوفي لي حل
العنود: يعني مافيه حل الا الموافقه ..اوكى وافقي يمكن بعدين تقدري تقولي لا
جواهر: فكرج عادي بعدين اقدر اقول لا وما يصير زواج
العنود: عادي ياما ناس تنخطب وبعدين بفترة يفسخون الخطبه ما فيها شي ومن يدري يمكن بعدين تحبينه
جواهر: ههههههههههههه ما اظن ...فديتها عنووووووووده ممممممممممممموح على مخج الذكي
العنود: ههههههههههههه ادرى انى ذكية يا الذكية ههههههههههههههه
جواهر: فديتج ريحتي بالي الحين بنام وانا مرتاحه يالله بكره عاد دورج تتصلين فيني يا البخيلة اوكى
العنود: ههههههههههههههه ولا يهمج باي وتيك كير
جواهر: اوكى تصبحي على خير
العنود: وانتي من هله
سكرت جواهر تنهدت بقوووه كنه جبل وانزاح من على صدرها ..الحين بتنام وهي مرتاحه
****************
اليوم الثاني علمت جواهر اهلها بموضوع الخطبه امها فرحت لكن بنفس الوقت عرفت انه خلاص بتبعتد عنهم جواهر للابد بهذا الشكل ابوها ما علق وقال انه والدها اتصل عليه وعلمه بالموضوع من قبل بس منتظرين قرارها اخوانها تفاجاوا وخصوصا رجاوي اللى من سمعت الخبر اتصلت عليها على طول
رجاوي: اها وانا اقول ليه ما جيتي بسرعه اتاري حبيب القلب خطف قلبج منا واحنا ما ندري
جواهر: هههههههههه فديتج رجاوي ياريت كنت اعرف من قبل الا هربت قبل لا يسوونها
رجاوي: الله لهالدرجه ليه شكله ما ينبلع
جواهر: هه ومن قال ولد عمي ما اوسم منه طول بعرض ووسامه ما شاء الله عليه يطيح الطير من السما والبنات يطحيهم من الدرج الكهربائي بالمول
رجاوي: ههههههههههههههههه اوف اوف لهالدرجه يا بختك يا حلوه عاد هو يتحمد ربه لقى له ام عيون خضرا وساع وخدود مورده
جواهر: ايه انتي بس قصدي فيني الحين قصيد مو لهذيك الدرجه ههههههههههه هم بعد اهو عيونه عسليه ووساع
رجاوي: ويلي انا وويل قلبي من وين هذا بعد جاي الا اقولوش رايج تجيبين لى معرس بعد هديه
جواهر: هههههههههههههههههه زين والله وش رايج اجيب لج واحد من اخواني ينفعج احمد
رجاوي: وي وي اعوذ بالله شوفي عاد هذا الاحمد اخوج ما واطنته من يوم ما رد عليه خشمه بالسما وي علي فديتني انا اللى بياخذني الا يدلعني ويدللني ويجيب لى العالم تحت ريولي
جواهر: هههههههه طيب يا الملكة رجاوي الحين بروح السوق يالله اتصل عليكم بكره ان شاء الله
رجاوي: هيه انتي لا تنسين الهدايا السنعه اوكى
جواهر: اوكى ولا يهمج سلمي مع السلامه
رجاوي: مع السلامه
على الغدا كان الكل يتغدى ولا احد جاب سالفة الخطوبه
ابوها: ها جواهر وين سرحانه
جواهر ما انتبهت لابوها كانت سرحانه في سفرها واشلون راح تشوفهم بعد غياب الاسبوعين اللى حستهم كنهم سنتين مع انها كانت مبسوطه
جواهر: لا ولا شي يبه
عبدالعزيز: جواهر ترى انا حجزت انتى واحمد بكره ان شاء الله الساعه 8 بالليل طيارتكم
جواهر: ليه فهد ما راح يروح معاى
فهد: لا يا الغاليه وراى شغل والله بكره بروح جده من الصباح وحتى لو رجعت بجي بعد موعد طيارتكم
جواهر وهي حزينه : والله راح اشتاق لكم وايد وربي الشاهد
ابوها: انتى عاد لا تطولين علينا وفي أي وقت تحبين تجين هنا ما عليج الا تقولين لنا
احمد: اصلا شوقها بيخليها ما تجلس اسبوع هناك الا تقول تعالوا ودوني الرياض على اول طياره
الريم: المشكله انك بتسافر بعد اسبوع احمد يعني من بيرجعها
احمد: اووه نسيت هالشي ماعليه احسن شي تمي هناك لين اجازه الصيف اجي اخذك بالمره من هناك
فهد عطاه بوكس بايده على كتفه: يازينك وانت ساكت والله عندها خوان غيرك يجيبونها وقت ما تحب
الكل: هههههههههههههههههههه
بعد الغدا راحت جواهر ويا ابوها للمجلس وهناك
ابوها: ها جواهر وش رايج ما علمتيني
جواهر: الشور شورك يبه اللى تقول لي عليه انا انفذه
ابوها : يعني موافقه
جواهر منزله راسها بالارض: اللى تبيه يبه يصير ان شاء الله
ابوها وهو فرحان: الله يبارك فيج يا بنتي وان شاء الله ما بتلقين الا كل السعاده ويا ولد عمج
وضمها وباسها بجبينها وهي حبته على راسه
لما رجعوا
احمد: ها بشروا ولد ولا بنت
الكل:هههههههههههههههههه
ابوه: قولوا لاختكم مبروك
الريم: الف مبروك جواهر وقربت منها وضمتها وباستها وهم بعد البندري باركت لها
جوا خوانها وباركوا لها .... دمعت عيونها من فرحتها لما شافت اخوانها وحبهم لها
فهد: بروح ابشر سلطان
ابوه: ههههههههههه خلنى بالاول اتصل على اخوى قبل
فهد: عادى اتصل انت عليه وانا اتصل على سلطان ما فيها شي
احمد: اوكى انا بطلع الحين لبيت عمي بشوف طلال بكره سفره يمكن ارجع بالليل
فهد: اوكى انا بجي بعد المغرب نتعشى سوا بالمطعم علمت الربع
احمد: ايه راح نتقابل هناك ويا مبارك وفواز
فهد: اوكى عيل نتلاقى هناك ان شاء الله
بعد احمد ما راح ...جواهر استاذنت منهم وطلعت على غرفتها.....بقت الريم والبندري وعبدالعزيز وابوه ..
ابوه: تركي تعال لعند جدوووو اليوم ما سلمت على
تركي طلع من حضن ابوه وعلى طول يركض لعند جده
سلم عليه جده: ها تركي وش تبيني اجيب لك
تركي: حواوه
جده: ههههههههههههه يابوك والله اسنانك للحين ما طلعت زين من كثر اكل الحلاوه
البندري: شفت يا عمي والله تعبت وانا اقول لابوه لا تشتري لهم حلاوه ما يسمع الكلام
عبدالعزيز: الله انا اجيب الحلاوه للحلاوه اللى عندي هم وامهم
ابوه: والله خربت سنون العيال من هالحلاوه اللى تحبها مدرى طالع على منو
عبدالعزيز: طالع على ابوي وانا اشهد
ابوه: هههههههههههههههه
البندري وهي تجر ايدين شهد: يالله تعالي شهوده اسبحج واغير ملابسج تعالى نامي شويه ارتاحي من صباح الخير صايحه ..تعالى تركي عند ماما يالله بنروح لفوق ننام
عبدالعزيز: خلى البنت وياي شوي مافيها نوم
البندري: وي ما تشوفها خفاش الليل ماتحب النوم بالليل تسهر لين الساعه 3 الفجر وكله من نومة المغرب اللي تحبها
شهد: مابي بجلس مع بابا
عبدالعزيز: روحي شهوده ويا ماما انا بعدين بالليل بوديج السوبرماركت معاى تاخذين اللى تبيه
شهد وهي تفج عيونها فرحانه: والله
ابوها: ايه انتى وتركي وانا وبس
تركي: وماما
البندري: فديتك انت وفديت هرجك وكلامك
عبدالعزيز: يابوي شفتها تتفدى غيري وانا موجود
الريم+ ابوه: هههههههههههههههه يحق لها دلوع العيلة
البندري: وفديت ابو تركي بعد انبسط الحين يالله شهوده وتركي وقامت اخذتهم معها لفوق
عبدالعزيز وهو يبتسم: الله لا يخلاني منكم
ابوه: اقول عبادي جبت الملفات وياك عشان اجلس ويا فهد واعلمه وش نبي بالضبط
عبدالعزيز: ايه معاي تبيهم الحين
ابوه: لا مو الحين العصر انا الحين بروح انام شوي على العصر ان شاء الله ..وقام
الجزء السادس عشر
الفصل الاول
فهد: السلام عليكم ...هذا تلفون المعرس سلطان بن فهد بن عبدالله ال.........
سلطان: ههههههههههههههه ايه تلفونه تريد شي يالاخو
فهد: والله نبي نبارك الحين رسمي بعد ما عرفنا موافقة اختنا عليه
سلطان تفاجأ وفج عيونه من الفرحه: ايش عيد اللى قلته
فهد: المشكله انه المعرس اطرم بعد لكن ما علينا نعيد مره ثانيه قلنا نبي نبارك له بعد موافقة اختنا عليه يعني مبرووووووووووووووووووووك عليك اخت فهد
سلطان: هههههههههههههههههههه الله يبارك فيك يعني اكيد وافقت
فهد: طالع هذا وش رايك تبي تسمعها بعد
سلطان: هههههههههههههه والله لو تخلينى اسمعها يزاك خير
فهد: اقول يالله طس حبيت اكون اول واحد يبشرك بالخبر
سلطان: ههههههههههههههههههههه اوكى اشوفك ان شاء الله بالليل
فهد: ايه ان شاء الله نكون على اتصال يالله بلغ سلامي للأهل
سلطان: يوصل ان شاء الله
فهد: اوه نسيت شي
سلطان: ايش بعد
فهد: ان مالعوزتك قبل لا تاخذها
سلطان :ههههههههههههههههههههههه طيب طيب نشوف
فهد: يالله مع السلامه
سلطان: مع السلامه
من بعد ما سكر عنهم سلطان راح لعند اهله لقاهم تحت متجمعين بالصاله نوفا ويا طلال يلعبون بلي ستيشن ويتهاوشون بالكلام اما امه كانت تسولف ويا تركي اخوه وابوه كان يتكلم بالجوال
سلطان: السلام عليكم
الكل: وعليكم السلام
امه: هلا يمه اشوفك مبسوط
ابوه بعد ما خلص المكالمه وكان مبسوط: اكيد لازم يكون مبسوط باركي له وافقت جواهر
امه: بالمبارك يا ولدي كلووووووووووووووووووش وراح لعند ابوه وباسه على راسه وبارك له اما امه فضمته لها وباسها على راسها وحب ايدها بعد
تركي: مبروووك ياخوي
سلطان: الله يبارك فيك
اما نوفا من سمعت اسم جواهر فرت الريموت مال البلي ستيشن على طلال اخوها بصدره
نوفا: قولوا والله جواهر خلاص بتصير زوجة اخوى
طلال من وراها ومسك اذنها بالقوه: بغيتي تشوهيني يالعميله
نوفا: يمممممممممممه لحقيني شوفي طلال
طلال: تستاهلين والله
ابوه: يبه فك اختك عيب عليك لمتى يعني حركات العيال هذي
فك عنها طلال: ما تشوفها وش سوت فيني
امه: والله تستاهل الملقوفه
نوفا بزعل وماده برطمها: هذا يزاي والله طيب يعني صح جواهر خلاص وافقت مبرووووووووووووووووك سلطان واخيرا بلبس فستان وبكشخ بالعرس
طلال: طالع هذي ويقلد صوتها (واخيرا بلبس فستان وبكشخ بالعرس) جايه من العصر الحجري اول مره تحضر عرس باين عليها الاخت
نوفا تطلع لسانها: روح يالله مابرد عليك
طلال وقرب من سلطان: مبرووووووك والله واخيرا بتعرس وبتصير في سجن الزواج الله يعينك على ما جاك
سلطان: هههههههههههههههههه مصيرك له ان شاء الله
طلال: اللهم لا شماته الله يبعدنا عنه
امه : اعوذ بالله منك انت ولسانك
طلال وهو يقرب من امه وجلس بحضنها: فديت هالويه وهالفم اللى ينقط كلام عسل ويبوسها على خدها
تضربه امه: ايه انت بس اللى فالح فيه الكلام هذا
ابوه: ههههههههههههههه من دلعج الزايد له عاد تحملي
نوفا تجي من الجانب الثاني وتحضن امها: يمه فديتج خليج منه ما يحتاج دلع الا تكفخ والله
طلال وهو يدف نوفا للارض : احنا مقاطعين المنتجات الامريكية يالله عاد طسي من قدامنا
الكل: هههههههههههههههههههههههه
نوفا وهي زعلانه : يبه شوفه وش سوا فيني
مد لها تركي اخوها ايده: تعالي لعند اخوج انا بدلعج وبسوي اللى تبينه انتى امرى وبس
نوفا وهي مبتسمه: فديتك يا خوي يا احلى واجمل اخو بالدنيا كلها وطلعت لسانها لطلال وييييييييييييي
الكل: هههههههههههههههههههههههههه
سلطان: والله حركات عيال بس زين انبسطنا
طلال: والله الحين خلاص البرنامج قفلناه بنقلب على برنامج الاتجاه المعاكس
سلطان: ههههههههههههههههه ماعندكم سالفة ...شوي ودق جرس الباب وراح طلال يشوف مين
طلال: بصوت عالي مو معقوله ابن بطوطه واخيرا هلا والله وقام وحضن اخوه وباسه
(هذا محمد اللى قلت لكم عليه ابن بطوطه العيله يسمونه كله بره بالسفر ومعاه بعض الاشغال يتابعها بالخارج شريك مع مجموعه طويل من اخوانه كلهم وحنطاوي هو الوحيد اللى طالع على خوال امه طيب وكلمته وحده لما يقولها ما يحب يتراجع فيها ابدا .... يشبه طلال اكثر شي بالشكل وخصوصا ابتسامته وعيونه السود بس سلطان احلاهم بلون عيونه العسلية على بياض بشرته وغمازته اللي بذقنه )
الكل استقبله وسلم عليه وباس راس ابوه وايده اما امه من شافته ما فكت عنه ضمته لها وظلت تصيح وتبكي
محمد: بس يمه هذا انا جيت قدامك
امه: لمتى يا ولدي ما بتفرح قلب امك وتظل معنا لمتى هالغربه والسفر الدايم لبره
محمد: الله كريم يمه والحين يعني ما ولهتي علي
امه: انت عارف وش كثر ولهت عليك والله حرام عليك هالمره لا تتركنا وتسافر عنا بسرعه قوله يابو تركي
ابوه: بسك يا حرمه ولدج قدامج الحين توه راجع من السفر
محمد: قولها يابوي ..وطالع بنوفا : هلا بالدلوووعه نوفا وشخبارج
نوفا وهي تضمه لها وتبوسه : انا تمام فديتك والله اشتقنا لك ها وش اخبارك
محمد: هههههههههههههههه بعدها اف بي آي ما تابت يعني
الكل: ههههههههههههههههههههههههههه
محمد: الا وينه خالد ما اشوفه وياكم
ابوه: والله هذا خالد لو نشوفه بالبيت وقت الاجازه يافوق بداره يلعب البلي ستيشن يا اما ويا ولد خالته عبدالرحمن ببيتهم
نوفا: اصلا لو يتكفخ من اول مره يسمع الكلام
امها: والله اللى يبي له تكفخ انتي زين
نوفا بزعل: يمممممممه
الكل: هههههههههههههههههههههههههههههههه
ظلوا يسولفون لين الساعه 3 ونص كل واحد راح لغرفته يرتاح
.......................
اما نوفا فعلى طول اتصلت على جواهر
نوفا: كلوووووووووووووووش الف الصلاة والسلام عليك يا حبيب الله محمد كلووووووووووووووووووووووووووووووش
جواهر: ههههههههههههههههههههههههههههههههههههههههههههه ه
نوفا: واخيرا وافقتي وي خليتينا ننتظر لنا سنه ما بغيتي تردين على سلطان اخوي المسكين اللى ماكل ولا ذاق طعم الزاد ابد وكنا مفكرين نوديه لبره نشوف له علاج
جواهر: الله يخس ابليسج اشلونج نوفا
نوفا: انا تمام انتى اشلونج والله فرحتينا كلنا وطبعا اولهم المعرس
جواهر بحياء: انزين
نوفا: وي طالع هذي انزين يعني ما تبين تعرفين وش قال
جواهر: وش قال
نوفا: قال لو ما وافقت بجي وبغصبها وبمعط شعرها لين توافق
جواهر: لا والله
نوفا:هههههههههههههههه وش قال يعني مبسوط وفرحان انك وافقتي وبس حتى اهلى كلهم يؤيؤ نسينا وضحه مدرى امي اتصلت عليها ولا لا ومحمد بعد نسيت لا اعلمك جا فجاه من السفر الحين والله لو تشوفين فرحة امي برجعته
جواهر: والله زين الحمدلله على سلامته
نوفا: الله يسلمج الغالية ..يالله زين انا بخليج الحين
جواهر: لوين بعد ما سولفنا
نوفا: بدش النت المنتدى شوي وش رايج تعالي لهناك
جواهر: لا مابي بناااام وارتاح
نوفا: الله يعينك يا خوي على ام النوم هذي
جواهر: ههههههههههههه جبي انتي يالله باي
نوفا: باي
....طبعا ام نوفا علمت وضحه بنتها اللى من سمعت الخبر تنكدت
وضحه( برايهم يبونها مالى شغل فيهم ) واتصلت على سلطان
وضحه: سمعنا خبر مبروووووووك
سلطان: الله يبارك فيج اختى انتى اشلونج واشلون الاولاد
وضحه: الحمدلله كلهم بخير اوكى بروح حبيت ابارك لك
سلطان: خلينا نشوفج
وضحه: انزين ولا يهمك وانت مالك اخت تجي وتطل عليها ابدا
سلطان: فديتج والله بس تعرفين مشاغل
وضحه: اوكى يالله مع السلامه
سلطان: مع السلامه وسلمي على ابو سعود
*****************
........: هذا الكلام اللى قلت لك عليه وبس تريدها ولا بتظل هنا عند هلي
ابراهيم: سمعيني انا جاي باول طياره وباخذ بنتي ولا راح تجلس هناك دقيقه وحده
.......: يالله باي
سكرابراهيم في ويهها السماعه ..( واخيرا بياخذ بنته تولي وين ما تروح الحمدلله واخيرا قدر يفتك من هالمصيبه اللى شايلنها في صدره)
ابراهيم: يمممممممممممه يمممممممممممممه
رجاوي طلعت من الغرفه على صراخه: بسم الله وش فيك تصارخ وش صار خرعتني
ابرهيم: وجع مو لج اصارخ على امي يا الملقوفه تبين بس تعرفين كل شي
رجاوي: وي الحمدلله والشكر طيب صارخ ماااااااااالت ...مدت بوزها وراحت رجعت لغرفتها تكمل قراية القصه (هذا يزاي ابي اعرف وش صار)
ابراهيم دخل على امه بعد ما دق الباب: يمه يمه انتي هنيه
امه وهي تنشف شعرها بعدها وتوها طالعه من الحمام : بسم الله وش فيك يا ولدي وش صار ليه تصارخ
ابراهيم عطاها ذيك الابتسامه : يمه يمه خلاص بجيب بنتي بتعيش معنا غاده على طول
امه فجت عيونها: والله تتكلم اكيد
ابراهيم ايه جد والله يمه خلاص رزان بتتزوج وبتخلي البنت عند اهلها بس زين متصله علي تقول لى تريد تاخذها ولا بكيفك ترى اهلى بيربونها
امه: الحمدلله جت منها
ابراهيم: انا بروح احجز على اول طياره وبجيبها يمه فديتج جهزي لها غرفة اوكى
امه: وي فديتها بنيتي باخذها بحضني وين اجهز لها غرفه الا بتنام وياي
ابراهيم : لا يمه جهزي لها الغرفه اللى بجنبي احسن عشان اكون قريب منها
امه: طيب انت روح ولا يهمك بتلقى لها غرفة لما ترجع لنا بالسلامه
ابراهيم قرب وحب راس امه وضمها لصدره ...امه قربت منه وحست بسعاده ولدها والهم اللى انزاح منه ( الحمدلله انه الفرحه ردت لويهه)
ابراهيم من هناك على طول راح لغرفة رجاوي ...ابراهيم دومه حساس وقلبه طيب اكثر من حسن اخوه ودايم مقرب خواته رجاوي وجواهر وما يحب يزعلهم ولو بمره ضايقهم يرد على طول ويصالحهم ..زراح لصوب غرفة اخته رجاوي
دق الباب : رجوووووي يا الغلا ممكن ادش
رجاوي: ايه تعال
ابراهيم: رجوووووي غلاتي اسف
طالعت فيه بنص عين : اوكي اخلص من الاخير وش تبي
ابراهيم جا وجلس جنبها على السرير: بعدها الحلوه زعلانه ما يستوى واخذ القصه من ايديها : خليني اشوف وجلس يطالع بالقصه مدرى وش محببج بهالقصص المرعبه يا مرعبه انتي
رجاوي: كيفي مزاجي احبهم وبس
ابراهيم: وربي خايف لا تسوين بعدين جريمة بالاخير
رجاوي: بسويها في اللى يعاديني وبس
ابراهيم: وي وي الله يبعدنا عنج ...انزين يالله انا جيت اسف يالله خلاص ابتسمي
رجاوي: اسف كذا تصارخ بويهي وتقول لي وجع
ابراهيم: يؤيؤ وانتي بعد قلتي مالت ولا ناسيه
رجاوي سكتت ...مسك ايداه ابراهيم وباسها على راسها وضمها له: فديتج يا الغلا تدرين ليه كنت اصارخ
رجاوي بعدت عنه وجلست زين: اوكي قول ليه كنت تصارخ وش صار
ابراهيم:ههههههههههه بسم الله فزت تقول قرصها عفريت
رجاوي: اوووووووووووه يالله اخلص ولا اقول خلاص مابي اعرف
ابراهيم: بس بس لا تزعلين علينا مره ثانيه انا بقول
رجاوي: اوكي قول
ابراهيم :تعرفين انه انتى بتسافرين بعد كذا يوم
رجاوي: بليز لا تيب طاري السفر على لسانك ابي انساه لين اروح
ابراهيم: ههههههههههههه انزين وانا قلت رجوووي حبيبتي لازم تشوف غاده قبل السفر
رجاوي: غاده منهي غاده .... وصرخت لا تقول غاده بنتك بتجيبها
ابراهي: ايه بجيبها وبتعيش معنا على طول خلاص
رجاوي: وي فديتها والله بنت اخوي ومتى بتجيبها
ابراهيم بروح احجز الحين على اول طياره للمغرب قبل لا امها تغير رايها وتاخذها معها
رجاوي: لوين تاخذها الا صج اشلون امها فكت عليها
ابراهيم: الحمدلله جت كذا بتتزوج وبتسافر مع زوجها لفرنسا وزوجها ما يبي البنت وزين منها علمتنى ولا ماكنت راح ادري الا لما اروح لهم بعد شهر
رجاوي: الحمدلله والله فرحتني اخوى
ابراهيم: يالله عاد على بال ما انا احجز واسافر وارجع ويا بنتي تكونون جهزتوا لها الغرفه اللى بجنبي
رجاوي: ولا يهمك بخليها ديزني لاند
ابراهيم: ههههههههههههههههه طيب بس انتبهي لا تجيبين وحوش وافاعي بالديزني لاند
رجاوي: ههههههههههه فديتها الا بجيب لها الحيوانات الاليفه
ابراهيم: الحمدلله والشكر بتقلبها حديقه حيوانات يالله انا بروح وطلع من عندها وعلى طول اتصل بشركة الطيران وحجز على اول رحله اللى طلعت بعد ساعتين ونص
ابراهيم: رجوووووي رجوووووي
رجاوي سمعت صوت ابراهيم وطلعت من غرفتها لقت ذيك الساعه جاي صوبها
رجاوي: ها وش فيك
ابراهيم : ما فيه وقت بليز تعالي رتبي الشنطه على بال ما اروح اتسبح واطلع اوكى
رجاوي: اوكى ولا يهمك وراحت وياه ترتب له الشنطه وهو حط جميع اوراقه الضرورية وجوازه وجواز بنته اللى من اول يوم سوى لها الجواز ..مع انها ما تعرفه زين لكن يلعب معها ويضحك ويجيب لها الهدايا لما يروح يزورها ويشوفها
....راح ابراهيم وسافر ولما رد ابوه من الوزاره واخوه من الشغل عرفوا بالخبر فرحوا باللى صار معاه
******************
ام سيف: بنتي مها (بنت عم جواهر) ها وش قلتي والله ريال ما ينعاب وناس احنا نعرفه والريال شاريج والله
عبير: يمه ارجوج مابا اتزوج اوكى خلصنا من هالسالفة
امها: ولمتي يعني والله ربنا ما يرضى باللى تسوينه ...الله يرحمه ولا حتى هو بيرضى باللى تسوينه
عبير دمعت عيونها وتذكرت عادل : يمه الله يخليج خليني بروحي وصرفي نظر عن هالسالفة
طلعت امها من عندها وهي متضايقه ولما شافها زوجها: الله يهديها بس
جلست تصايح خديجه: بس بس الله يهداج
زوجته: يعني ما شفتها للحين رافضه 3 من اللى تقدموا لها اخاف بنتي تظل على كذا طول عمرها ورجعت تصيح
زوجها: الله لا يقوله ان شاء الله لا راح يرجع لها عقلها بس ما راح نضغط عليها ربك كريم وش نسوي مالنا الا نرد عليهم ...راح يتصل وهو متضايق من اللى تسويه بنته لكن جرحها كبير ترملت بنته باول اسبوع من ملجت على عادل وكان ما باقي على عرسهم الا اسبوع ومن يومها ترفض كل اللى تقدموا لها
كانت عبير تصيح وتتذكر عادل( آآآآآآآآه يا عادل يا عمري ليه تركتني بروحي ...ليه ماخذتيني وياك )..مها كانت رايحه صوب غرفتها وجايبه عصير وكيك بتجلس على موقعها وبتشوف اللى يصير في الشات بعد الا وتسمع صوت بكا جاي من غرفة عبير
راحت بالاول حطت الكيك والعصير بغرفتها وبعدين رجعت ودقت على غرفة عبير
مها: عبير
ما ردت عليها عبير
فتحت الباب مها ولقته مفتوح وشافت اختها على السرير وهي تصايح وتبكي على طول قربت من صوبها
مها: عبير حبيبتي وش فيج
ما ردت عليها عبير وظلت تبكي
مها: يالله عاد حرام اللى تسوينه
عبير لفت صوبها والدموع تارسه ويهها وتصارخ : حرام اللى تسوونه فيني مابي اتزوج ولا ابي حد يجيب طاري الزواج ما تفهمون انا لعادل وبس وبظل لعادل وبس فهمتوني حرام والله حرام ورجعت تبكي ومها تهدي فيها : خلاص عبير ما يستوي الا اللى تقولين عليه خلاص ....بعد ما هدت شوي
مها: تعالي وش رايج تجين تشوفين النت وياي شوي وتدخلين موقعي اوكى
عبير: مابي مافيني
مها: تعالي انتي وبس وكم مره قلت لج تعالي موقعي واخليج الكل بالكل والله بتنبسطين وترتاحين من هالهم اللى بصدرج
عبير مسحت الدموع من على ويهها : بروح اغسل ويهي
مها: زين وانا ترى انتظرج بغرفتي اوكى بليز تعالي خلينا اليوم نسهر سوى وش رايج
مها وهي تبتسم: اوكى ليش لا
قربت منها مها وضمتها لصدرها وباستها على خدها: يالله بسرعه ترى والله تلوعين الجبد لما تبكين
عبير: ههههههههههههههههههههه زين اروايج
راحت مها لغرفتها بعد ما ارتاحت انه عبير هدت شوي وان شاء الله بتحاول تقدر تنسيها هي ليش ما فكرت بهالشي من زمان
............
عبير: وش تسوين الحين
مها: تعالي انا الحين بالشات العوز خلق الله ههههههههههههههههه
عبير: ههههههههههههه لحظه بجيب الكرسي واشوف
ظلوا على كذا ومها ما شاء الله عليها ماحد قدر عليها بالشات
عبير: انتي وش نكك
مها: قيود من حرير
عبير: وااااااو اسم كشخه خلنا نشوف
قيود من حرير: اشوف الغمز واللمز ليه ان شاء الله
الفارس: شوفي يا قيود احسن لج تروحين تنامين وتتركين الشات لاصحابه
قيود من حرير: لابالله ليه انت تدفع عني ولا شوووووو
الفارس: يالله رازه ويهك تقول ويهه هذا الا شيفه اعوذ بالله
قيود من حرير: اقول وش رايك تروح تشتري لك مرايا وتطالع شيفتك بالاول وبعدها تعال وعلمني
الفارس: طسي من قدامي
قيود من حرير: للحين وانا محشمه اللى هنا وموجودين بس ترى ما ينفع معاك لا حشيمه ولا شي
الفارس: ابغى اشوف وش راح تسوين
قيود من حرير: يالله طس واذلف بعد ولا ترجع الا بعد 10 سنين وطردته من الروم وسوت عليه باند
تموا يسولفون شوي ويضحكون
عبير: يستاهل زين ما سويتي فيه على ايش رافع خشمه هذا بعد السهم الناري والله لهم نكات غريبه
مها: لا ولسه تعالي خلنا نروح نغير روم الاصدقاء ونروح روم العامه نشوف وش فيها
عبير: لا خلاص تعبت ماودى بهالهواشه الدايمه ..الا اقول انتى يعني صاحبة هالشات
مها: لا مو صاحبته بس انا مراقبه هنيه ولي صلاحيه اطرد اللى يقل ادبه او يتعدى على احد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك