رواية فمان الله يا غالي -11
باسل وبدأ يعصب:الحين من جد صارت حركاتك حركات بزران..شنو اكلمها وما أكلمها..تراها بالنهايه بنت عمتي..وتصير لي..
حلا وعيونها ملياااانه دموع وبكلمات يالله تنسمع:مشكور ياباسل..الحين انا صرت البزره وهي العاقله عندك؟!!..الله يهنيكم ببعض..من جد ماتقصر..ومشت وخلته..
باسل مزاجه قفل:لا حووووووووول الحين أنا اش قلت..هذا وقته
ياحلا!!
وبعيييييد مره عن كل الأجواء و بالتحديد في سيارة ابوسلطان وبالمقعده الوسطى كانت جالسه هناك خلود وفاتحه الشباك..منهااااااااره ومو مصدقه..هي جتها مثل هالحاله قبل لما عرفت بحادث بندر بس هالمره شافت بندر وهو طايح بعيونها..
أصلا هي من سمعت إسم بندر..كأن صاعقه جات على عقلها..من الصدمه.. جلست تبكي بسيارة ابوها عشان ما تفضح دموعها هالحب الكبير اللي بقلبها..
جلست خلود حوالي ساعتين وهي تبكي بنفس المكان واللي برى السياره حالتهم مثلها بس على أهون..
خلود من كثر البكي غلبها النوم واستسلمت له..
عنـــد الحريم..
فارس: شذا
شذا:هلا فارس..
فارس:طمني الأهل إن بندر بخير وما فيه إلا العافيه والحين بيرد مع الشباب وبنكمل الرحله عادي..
شذا بفرح:والله؟؟ الله يبشرك بالخير..
فارس:يالله طمني ام فيصل اهم شي ونادي عهود..
شذا:مين؟؟؟
فارس:إش فيك ماتسمعين..أقلك عهود..
شذا بابتسامه: انشالله..
وراحت طمنت الحريم على بندر وقالت لعهود إن فارس يبيها..
راحت عهود لفارس:هلا فارس..
فارس:انا وعدتك اول ما يصير بندر تمام أخليك تكلميه عشان كذا
خليك هنا بدق عليه وبعطيك الموبايل تكلميه..ودق :سلااااام...سلاماااااااات ياخي كذا تخوفنا عليك...إيه..كيفك الحين؟؟..والله؟؟...زين هنا فيه شخص أقلقنا وخااااايف عليك بالمره ويبي يكلمك..يالله خذه معك..
عهود والبكوه على طرف:ألو بندر..
بندر بصوت باين فيه التعب:هلا عهود..إش لونك؟؟
عهود ودموعها تنزل:إنت اللي شلونك..والله موت قلبي خوف..
بندر:سلامة قلبك..ياقلبي..
عهود:بندر إنت بخير؟؟
بندر:إيه بخير..ماعليك الحين بجي وبتشوفيني...كاني جاي بالطريق..
عهود:زين اول ما تجي أبي أشوفك..
بندر:ولا يهمك..بس اشلون امي...
عهود:خايفه عليك والكل هنا خايف عليك..
بندر:يالله طمنيهم إني بخير..
عهود:زين يالله باي
بندر:مع السلامه..
عهود بعد ماقفلت:مشكور فارس..
فارس:لا اش دعوه ماسوينا شي..
وبعد نص ساعه تقريبا وصل بندر..
وطلب من الحريم يتغطون عشان يروح لأمه..
وتغطوا البنات..واول ما دخل راح لأمه اللي ضمته بقوه وجلست تبكي وهو مبتسم ويطمنها عليه..
وبعدها جو خواته ونفس الشي..
وتحمدوا له الحريم بالسلامه وبنات عمه كمان..ولاحظ إن خلود
مو موجوده..فتوقع انها ما زالت زعلانه عليه من الموقف اللي صار..
لميس فقدت خلود..:بنات وين خلود..
الهنوف:إيه والله وينها من لما رجعنا من المضاربه ما شفناها..
لميس أنا بقوم أشوف لها..
وجلست لميس تدور لها وشافت سيارة عمها أبو سلطان والشباك الخلفي مفتوح ..راحت تشوف إذا كانت خلود او لا..
خلود بهاللحظه كانت توها قايمه من النوم ومستغربه من المكان اللي هي فيه
بعدين تذكرت المضاربه وبندر ورجعت تبكي..وتكلم نفسها بصوت مسموع:بندر..تكفى يابندرلا تروح والله إنك أغلى من روحي..وتبكي
سمعتها لميس وقربت منها..:خلــــــــــــــود!!
لفت خلود وعيونها مليانه دموع..:لميس؟؟
لميس:خلود إش فيك؟؟
فتحت خلود باب السياره ونزلت ورمت نفسها بحضن لميس وجلست تبكي..
لميس:خوخه إشفيك حبيبتي؟؟
خلود وهي تبكي:آآآآه يالميس..بندر..بندر بيروووووح!!
لميس:كل هذا خوف على بندر؟؟...زين وإذا قلت لك إنه رجع
والحين جالس مع الشباب..
بعدت خلود عن حضن لميس ووقفت بكي..:صدق والله؟؟
لميس وهي مبتسمه:والله وإذا مو مصدقتني تعالي وأوريك إياه..
خلود:أبي اشوفه..
لميس: طيب تعالي..
وراحوا لميس وخلود عند الرجال..وجلسوا يمشون بهدوووووء لما قربوا من مكان جلوس الرجال..وطلوا من ورى السياره جهة الرجال
خلود بابتسامه مليانه دموع:إيه والله كاهو هناك!!
لميس:شفتي ما قلت لك..
خلود:شوفيه يضحك..فدييته والله جعلني مابكيه
وتفاجاوا بصوت رجولي من وراهم:منو هذا اللي من اليوم تتفدين فيه؟؟
لفوا خلود ولميس وهم ميتين من الخوف..:محمــــــــد!!
محمد:إيه محمد..منو سعيد الحظ اللي لك ساعتين تتفدين فيه..
خلود:وانت وش دخلك..
محمد:مجرد فضول..
لميس ترقع:هذا...هذا..أسامه!!
خلود:إيه أسامه!!
محمد:اسامه؟؟.ياكبرها عند الله يالميس..عيني بعينك أشوف
لميس بس حط محمد عينه بعينها..راااااحت فيهااااا..ومحمد نفس الشي
وقفت خلود تناظرهم:هي هي إنت وياها تراني هنا...
محمد:هاهاها أفكرك هناك..
خلود:هاهاها بااااااايخه
محمد:زيك..
خلود:طيب؟؟..أي خدمه؟؟
محمد:لا مشكوره
خلود:زين ضف وجهك..
محمد:إذا قالتها لي لميس وعد ما عاد تشوفوني..
خلود وتناظر لميس:قوليها له يالميس خليه يورينا عرض أكتافه..
خلود:هو لميس إش فيك؟؟
محمد:ماني برايح حتى تقولها..
لميس:خلاص محمد روح!!
محمد:قوليها أول..
لميس:إش اللي أقولها؟؟
محمد بهمس:أحبك..
عصبت لميس:شنو؟؟
محمد ومعاه ضحكه:قولي ضف وجهك!!
لميس:إيه أحسب...زين حمود..ممكن تضف وجهك..
محمد:لا مو كذا كنك تستأذنين..
لميس عصصصبت:محمد ضف وجهك!!
محمدضحك يموت عليها لما تعصب:ههههه إيه كذا أبيها..يالله(see you)!! وراح
خلود:أوووووف هالولد نشبه!!
لميس بعفويه:لا حرااااام عليك بالعكس..
خلود:هييييييييي سلامات؟؟
لميس:يعني قصدي أنه....
قطع عليهم صوت شخص بس هالشخص صوته مختلف عن الصوت السابق<<حلوه السابق خخخخخخ....:منو هنا؟؟
خافوا البنات..
خلود:أنا خلود ومعاي لميس..
جا بدر ومعاه بندر ونواف..:زين خلود..روحي إسألي الحريم شنو يبون عشا؟؟
خلود ووجود بندر مربكها:زين..
خلود وهي رايحه سمعت بدر يقول:نواف تعال أنا وانت نروح ا
السياره وانت يابندر شف الحريم اش يبون والحقنا..
راحت خلود للحريم وسألتهم..
رجعت لبندر ولقته يسولف مع لميس وارتفع ضغطها وبعصبيه
قالت:الحريم يقولون على راحتكم..
بندر حب يحرجها:خلــــــــــود ما بتتحمدين لي بالسلامه؟؟
خلود انحرجت :معليش نسيت الحمد لله عالسلامه ياولد العم..
بندرابتسم :الله يسلمك..وحب يسولف: تقولين الحريم شنو يقولون..؟؟
خلود بعصبيه وبحده:يقولون على راحتكم..!!
بندر بهدوء ابتسامه تذوب:زين اشفيك معصبه؟؟
خلود حست بحالها ورجعت طبيعيه:هاه؟؟..منو قال إني
معصبه..
بندر وهو مازال مبتسم:زين قولي لهم يبون نجيب شي مع العشا ولا ناقصهم شي؟؟<<يبي يسولف
راحت خلود ورجعت لقت بندر ما زال يسولف مع لميس وهي معصصصصصبه:استاذ بندر..يقولون سلامتك..سمعت ولا اعيد!!
بندر يستهبل:لا عيدي..
خلود عصصصصصصبت ووصل ضغطها ترليون..ومشت وخلته مع لميس..بس جلست تراقبهم من بعيد..وشوي راح بندر السياره وجات لميس..
لميس تهمس لخلود:خلوده بندر يقلك..لا تعصبين..ما تسوى عليه
خلود وهي تشد على اسنانها:لميس واللي يعافيك اتركيني بحالي لأقلب الدنيا على راسك انتي وياه..
لميس:الله الله..لا ولا تقلبينها ولا شي..خلاص بروح..
وقامت وبعد نص ساعه راحت خلود وجلست جنب لميس..:اقول لولي..شنو كنتي تقولين انتي وبندر من شوي..
لميس:إيه من شوي بتقلبين الدنيا على راسي والحين لولي
خلود:خلاص خلاص لاتقولي
لميس:لا والله لأقول.. ابد كان يسألني عن دراستي وكم عمري و إذا الحياه بالسعوديه عاجبتني ولا لا..وقال انشالله بيقول لبابا يودينا عندهم بلندن..
عصبت خلود وبتريقه:زين ما سال عن نسبك.. وصفاتك ولون بشرتك وشعرك..
لميس تبي ترفع ضغطها:أتوقع لو عنده وقت كان بيسأل..
خلود:الحمد لله إن ما عنده وقت
لميس:بس تصدقين خلود..والله أنه يجنن..شكلي بحط عيني عليه..واااااي مره يهبل ووسييييييم..
خلود:لا والله؟؟..يالله الله يهنيك معاه..
لميس وتغمز لخلود:من قلبك..؟؟
خلود:ومن الصميم بعد..
لميس:زين ليه كنتي تبكين وكنتي خايفه عليه..
خلود:..................................
لميس:إيه قولي إنك تحبينه عادي اعترفي..بس من متى احس مامداك؟؟
خلود وبصوتها نبرة حزن وتناظر الأرض:من زماااان من قبل ما
أشوفه..من قبل ما يجي للسعوديه حتى..
لميس:الله أكبر..شلون تجي هذي؟؟
خلود:تجي يالميس..معاي انا بالذات جت
لميس والفضول ذابحها:إشلون؟؟؟
خلود:انا أقلك.....وقالت لها السالف من طقطق لسلام عليكم..
لميس:الللللللللله يرجك..وهو الحين مايدري إن انتي هي نفسها اللي يكلمها..
خلود:لا ما يدري..ولا أبيه يدري لأن بندر اللي أكلمه بتركه قريب انشالله وبمحيه من حياتي
لميس:بس هذا يترتب عليه..أنك تنسين حبك له..
خلود:وخير ياطير أنساه عااادي
لميس:لا ياخلود والله اللي ينزل كل ذيك الدموع مو عادي ينسى سببها..
خلود وبإصرار:بنساه يالميس..انشاالله قريب
لميس:زين خوخه ليش ما تقولين له؟؟
خلود:مستحيييييل..إش تبينه يقول عني..
لميس:طيب اللي فهمته من كلامك إنه يحبك..صح؟؟
خلود:ما اعرف بس اسلوبه معاي يدل على كذا بس هو ماصرح بهالشي..وهذا اللي مشجعني أنهي كل شي..
لميس:بس حرام والله حرام...خلود لا تتسرعين بعدين تندمين..
خلود:أنا خلاص حطيت الفكره ببالي وراح أنفذها واليوم بعد..
لميس:اليوم؟؟
خلود:إيه اليوم!!...لأنه اكيد بيدق علي لما نرجع..
لميس:زين ارسلي له مسج الحين وقولي له إنك تبينه بموضوع ضروري..
خلود:تصدقين فكره؟؟
وأرسلت خلود لبندر هالمسج..((بندر..إذا فاضي الحين أبيك بموضوع ضروري)) مع إنها كانت عارفه إنه مو فاضي
جاها الرد: ((لا والله أنا الحين طالع مع الأهل رحله بس اول ما أرد البيت بدق عليك لأني أنا بعد أبيك بموضوع))
خلود: ((أوكي))
خلود:لميس شنو تتوقعين يبي..مني؟؟
لميس:لا يكون عرف إنك خلود؟؟
وقطع عليهم صوت دانه..:خلود لميس..اش فيكم جالسين هنا..ليه ماتجون معانا هناك..
خلود:ابد كان معانا سالفه..
دانه:معليش..أزعجتكم..بس كنت ابيكم تلعبون معانا
خلود:لا عادي اصلا خلصنا والحين جايين
دانه:اوكي بنستناكم
وراحت دانه للبنات..
خلود:أقول لميس..بلييييييز ما أبي السالف تطلع..أبيها تبقى بيني وبينك
لميس بعربجيه:أفا عليك..سرك في بير..
خلود:كفو والله بنت العم..يالله تعالي نروح للبنات..
وراحوا عند البنات..وجلسوا يلعبون أونو..
فرح:والله مالي..كل شوي تحط لي ستوب..
جمانه:حبيبتي هذي قوانين!!
فرح:بس مو كذا!!
رهف:اقول انتي وهيه بسرعه العبوا..
ديما:اونو!!
مرام:الللللله أكبر..أونتي يالنتفه..
ديما:نتفه بعينك يالبويه.
مرام:أنا بويه ياالصعلوكه
ديما: مو بويه إلا بويتين..
مرام عصصصبت:ديمووووه..امسكي لسانك..احسن لك!!
ديما:ياي خفت بصراحه..أقول أقول..روحي العبي كوره مع الشباب مو أونو!!
مرام قامت على اساس تكفخ ديما<<تخوف!!...مسكوها البنات
ومرام ظلت تصارخ:سيبوني عليها..خلوني اوريها منو أنا..خلوني اوريها البويه شنو تسوي
ديما:سيبوها خلونا نشوف شنو بتسوي..
مرام:طييييييب..فكوني..أبي أقتلها..أبي اذبحها
صرخت جمانه:ديموه خلاص عاد احترمي خالاتي وأمي شيخه عالأقل!!
بس البنات(لا حياة لمن تنادي) جلسوا يصارخون على بعض وكل شوي تعلا أصواتهم
شوي إلا سكتهم صوت رجولي ومعصب: اش فيكم انتو ما تستحون!!
وعم الهدوء المكان للحظات..
مرام وتصارخ:هي اللي بدت
ديما:لا والله هي..
مرام:أنا؟؟
مهند:خلاص انتي وهيه....ديما..حتى لو هي اللي بدأت فهي أكبر منك ولازم تحترميها وتحترمي عالأقل وجود خالاتي..وانتي يامرام المفروض تكبرين عقلك مو تحطين عقلك بعقل ديما
ديما:ليه اش فيه عقلي..
مرام:صغيييييير هاهاها
ديما:انا عقلي صغير..يالبزره؟؟
عادل:خلااااااص..!! انتو متى بتعقلون صدق الحريم عقولهم ناقصه!!
سلطان جاي ومعصب:إش فيه اش هالأصوات كلها؟؟
مهند:هذيلا البنات شابين نار ويا بعض!!
طبعا الكل بوجود سلطان كان هدووووووء..
سلطان ويناظر خلود: شنو صار؟؟
قالت خلود لاخوها اللي صار بالتفصيل..
سلطان:لا بصراحه سبب تتخانقون عليه..الحين انتو أهل
وتسوون كذا اجل لو انكم أغراب شنو بتسوون..؟؟..
الكل كان خايف من اسلوب سلطان فمحد علق..وبعد لحظات هدوء ما طولت..
سلطان: انتوا كبار للدرجه اللي تقدروا تحلون مشاكلكم بأنفسكم عشان كذا حنا ما راح نتدخل بس حطوا ببالكم لو أسمع أصواتكم تعل مره ثانيها ما راح يحصل خير..ومشى ويا الشباب وراحوا..
لحظات هدوء زي اللي قبل شوي..بس هالمره ما تخلو من نظرات متبادله بين البنات..
ديما:مرومه قلبي أنا آسفه عالكلام اللي قلته من شوي
مرام ومازالت معصبه:بعد شنو بعد ما غسلتي شراعي قدام الكل..
ديما:يالله عاد مرومه لا تصيرين قاسيه..كاني أعتذر لك قدام الكل..
مرام ما تحب أحد يعتذر لها..:خلاص لا تكثرين حكي..
ديما:صافي يالبن؟؟
مرام:إيه..<< لسا معصبه
ديما:شنو إيه..قولي..حليب يا إشطه
مرام:اقول عن الهبال وخلونا نلعب..
البنات:ياهوووووووووه
وبعد شوي رجع سلطان..
سلطان:جمانه!!
جمانه تفااااجأت وخافت بنفس الوقت"ليه يناديني؟؟"..وبخوف:نعم؟؟
سلطان:مهند يقلك..يبي البوك حقه..الظاهر عندك ولا..??
جمانه:هاه..لا مو عندي<<من الخوف...إلا عندي..لا ما أدري بشوف..
بهاللحظه ابتسم سلطان ابتسامه تدوخ وقرب من جمانه:وانتي ليه خايفه كذا؟؟...لهالدرجه أخوف أنا؟؟
وهنا جمانه دوروها ما تلاقونها من الإحراج.. وبصوت يالله ينسمع:لحظه الحين بجيبه..
وراحت تجيب البوك وبعد شوي رجعت لسلطان:تفضل ومدت يدها..
سلطان:مشكوره..بس معليش أبي منك خدمه..
جمانه ولا زالت خايفه:آمر..
سلطان:خذي أسومي ولبسيه زين أخاف يبرد..أنا قلت لهنوفه من أول بس الظاهر نسيت..إذا ما عليك أمر طبعا
جمانه وهي مبتسمه لحنية سلطان عالأطفال: لا إش دعوه مو مشكله بس خل راكان ولا باسل يجيبه..
سلطان:تسلمين ومعليش بتعبك
هنا اكتفت جمانه بابتسامه خلتها ما تغيب عن بال سلطان...
"يالله ياهالبنت..فيها برائه فضيعه(ههه براءه؟؟ وين ياعمي)..الحين من جد أنا أخوف!!..يمكن لأني مو مثل الشباب بس يتريقون ويضحكون..ولا يمكن من اللي حصل والله ما اعرف بس من جد هالبنت فيهاشي حلو استغفر الله اش جالس اقول انا"
نادى سلطان على راكان وقله ياخذ أسامه ويوديه لجمانه عشان تلبسه.. وأول ما رجعت جمانه..
فتحوا البنات لجمانه محضر تحقيق:إش كان يبي وليه ناداك إنتي بالذات..وكان معصب ولا لا..وإش قال لك وإش ما قال..وحاااااااااااااله بالغصب قدرت تطلع جمانه منها..
أخذت جمانه أسامه من راكان وجالسه تلبسه
"يالله ياهالسلطان..على كثر ما يخوف إذا عصب وعلى كثر ماهو جدي وحازم..إلا إنه حنون وبنفس الوقت أحسه رجال ويعتمد عليه...لا وكله كوم وابتسامته شي ثاني الله يرجه أول مره أشوفه يبتسم.. بس شكلي والله تحفه وأنا خايفه منه يعني إش بيسوي لي بياكلني مثلا..حتى الولد لاحظ والله فشششششله...هههههههههه"
سمر وتصارخ لان لها ساعتين تنادي على جمانه:جمانه وصمخ!!
جمانه:وجعععع إنشالله إش فيك تراني جنبك!!
سمر:باين جنبي لي ساعتين أنادي عليك وانتي مو معاي..غير
ما اقول:إلا اللي ماخذ عقلك يتهنى به
جمانه:ومن غيرك ما خذ عقلي يا أحلى أخت بالدنيا..
سمر وآلاف علامات التعجب فوق راسها..قربت من جمانه ومسكتها من جبهتها وبخوف:جمانه حبيبتي فيك شي؟؟
جمانه بهاللحظه فقعت ضحك على شكل أختها:هههههههههههههههههههههههههههه
سمر:لا انتي فيك شي..ما يبي لها كلام!!
جمانه:ههههه لا ماعليك ههههههه بس ههههه بس إش كنتي تبين ههههه
سمر وما زالت متعجبه بشده:أبد بس مهند ينادي عليك..
جمانه:هههههه طيب طيب الحين بروح..
وكملت لبس أسامه وقامت لمهند وهي تمسح دموعها اللي نزلت من كثرة الضحك..:هلا مهند تبي شي..
مهند ويتصنع العصبيه:أبي أكفخك..!!
جمانه باستغراب:ليه؟؟
مهند:الحين أنا إش أبي ببوكك؟؟
جمانه ما قدرت تمسك نفسها:ههههههههههههههههههه أنا عطيتك بوكي؟؟؟ ههههههههااااااي..
مهند ما قدر يقاوم شكل اخته وهي تضحك قدامه فابتسم
وقال:زين عجلي أبي بوكي..
جمانه وما زالت تضحك:ههههه طيب الحين بجيبه..ههههههههه<<اسم الله علينا جاتها الحاله..
وراحت جمانه وجابت بوك مهند..وعطته..وراحت تجلس لان بطنها عورها من الضحك..
وجلسوا البنات يلعبون وما بقوا ولا لعبه على وجه الارض إلا ولعبوها.. وبعدها شغلوا لاب توب الهنوف وجلسوا يرقصون
واستااااااااااااانسوا حيييييل...
عهود كانت جالسه مع مرام وآلاء..ويسولفون..على جنب
عهود:أقول مرام ماتعرفين هذيك سيارة مين؟؟.....شكلها مررررره خطير!!
مرام بعربجيه:أحم أحم هذي سيارة اخوي..طال عمرك
عهود:والله...اخوك منو؟؟
مرام:فراس..
عهود من سمعت اسمه تذكرت أول مره شافته بالمطار..:طيب انا متحمممممسه و أبي أشوفها من داخل ممكن؟؟
مرام:ما اعتقد لأن فراس ما يحب احد يركبها إلا وهو موجود..
عهود:ترى قلنا بنشوفها ما بنسوقها
مرام: حتى لو ما راح يوافق
عهود:وإذا شفناها وهو ما يدري؟؟
مرام:إش لون؟؟
عهود:نسرق المفتاح وأشوفها
مرام:تصدقي ماهي شينه؟؟ بس اشلوووون؟؟
آلاء:خلوها علي!!
وراحت آلاء ونادت فهد..
فهد:هلا والله وغلا..
آلاء:فهودي حبيبي أبي منك خدمه
فهد:انا من سمعت(ويقلد صوتها) فهودي حبيبي عرفت إن السالفه فيها خدمات
آلاء:يعني اشلون اطلب ولا لا؟؟
فهد:لا
آلاء:فهووووووووووود
فهد:لا
آلاء:بلييييييييز ولك اللي تبي
فهد تحمس:والله إللي أبي؟؟
آلاء:إيه
فهد:طيب تعالي قربي اذنك وأقلك إش أبي
وهنا شهقت آلاء:شنو شنو شنو؟؟؟
فهد:أششششششششش فضحتينا لعن أبو بليسك
آلاء:لا من جد شنو هالطلب...لا يكون؟؟؟؟
هز فهد كتوفه:يمكن؟؟ بس والله استانس كثييييير
آلاء:أوكي انت تامر بس..
فهد:يس!!.....طيب وشنو طلبك؟؟
آلاء:نبيك تسرق لنا مفتاح سيارة فراس
فهد:ومنو انتم اللي تبون؟؟
عهود:انا ومرام!!
فهد:خلاص اعتبريه وصل..
آلاء:مشكووووووور
فهد:روحي روحي بس مصالح
آلاء:وانت يعني وغمزت له..
ابتسم فهد وراح ينفذ اللي قالت عليه آلاء..وعلى غفله من
فراس سحب المفتاح وراح وعطاهم..
آلاء:ترى اللي قلت لي عليه بتلاقيه ورا سيارة عمي ابو سلطان
ابتسم فهد ومشى..
أخذوا البنات المفتاح وراحوا للسياره وفتحوها جلست مرام مكان السايق وعهود جنبها..وآلاء ورى
عهود:الله مررررررره خطيره السياره..
مرام:انا بعد تعجبني وأحب أركب فيها
عهود:اساسا شكلها يجنن وريحتها مره جنااااان شكل أخوك مره يهتم فيها
مرام:إيه ويحبها بعد..إش رايكم تبون تسمعون شي؟؟
آلاء:والله ياليت بس اش عندك؟؟
مرام:فيه الماجد والمهندس ونوال ورويدا وديانا وياراوعبد المجيد ومحمدو...و...إلخ
عهود:الله شكل اخوك مدمن اغاني..
مرام:بقووووووه...خذي اختاري اللي تبين وأنا بروح اجيب لنا شي نشربه..
وراحت مرام وعهود ظلت بالسياره..وكل شوي تجرب شريط..وبالنهايه استقرت على اغنية صدفه..
وجلست تحوس في بقية الاشرطه..وآلاء ورى وبيدها مجله ومررررره اندمجت تقرأ
وسمعت صوت الباب اللي جهة السايق ينفتح؟؟
عهود وهي مازالت تحوس في الاشرطه وتغني مع الاغنيه:بالله شنو هالاشرطه كلللللها حشى مقبره.. شكل أخوك كلش مسنتر بالإستديوهات..إلا قولي لي ماعند اخوك شي لتامر والله السياره خطيييييييره بس ناقصها لمسة تامر..
الشخص اللي فتح الباب كان مفهييييييييي...وخااااق عاللي قدامه..البشره سمراء برونزي..الشعر أسود مايل لبني الغامق..ومرفوع بفيونكه على فوق ومنزل عالوجه كم خصله مخليه وجهها جناااان..الصوت يدووووخ وكله كوم وجالسه بسيارته كوم ثاني..
عهود:مرام إشفيــــ...............................وهنا رفعت راسها وانصدمت باللي قدامها
إنسان جذااااااااب وكااااشخ وهذا مو جديد عليها بس الجديد عيونه..ماكانت تدري إنها كذا..جلست تناظره فتره وهي مو مستوعبه الموقف..وبكل هدوء
قال:منو الاخت؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك