رواية فمان الله يا غالي -10
كله مو جديد عليها بس عالطبيعه غير عن لما يتكلم في الموبايل..
بندر:خلود؟؟..إنتي معاي؟؟
خلود انتبهت لنفسها:إيه معاك
بندر:أبي أسألك سؤال..واعتبريه لقافه.. فضول..اللي براسك..
خلود:تفضل
بندر:ليه كنتي تبكين من شوي..؟؟
خلود انصدمت زياده"الحين عرف صوتي وعرف اني اللي قابلها بالمجلس وقلنا ماعليه..بس اشلون عرف إني كنت أبكي..هالإنسان من جد يخوف..كأنه كان يراقبني"
بندر:خلاص لا تجاوبين لأني عارف الإجابه...
خلود"معقوله يكون عارف إني إنا نفس البنت اللي يكلمها بالموبايل..لا..لا مستحيل..بس اشلون يعرف الإجابه...وينك يامحمد تعال بسرعه وطلعني من هالموقف"
خلود وحاولت تكون جريئه شوي:اللي هي؟؟
بندر:أكيد بتقولين..إنت اش دخلك..
خلود"لا لا لا هذا عارفني عارفني ما فيها كلام..وعارف اسلوبي بعد ..بس انا لازم أتأكد"
خلود:وش اللي خلاك تقول كذا؟؟
بندر:معروف..أي بنت بمكانك بتقول كذا..
خلود وارتاحت"اوووه ":زين إنك تعرف ..بس ما شا الله خبره في البنات!!
بندر وحس إنها تبي تحرجه:أكيد عندي خواتي بالبيت..واعرفهم زيــــــــــ............
قطع عليه كلامه صوت محمد بخبث: مع منو تتكلم؟؟
خلود هالمره تبخرت من الخوف..
بندر بثقه: ومن قال لك إني كنت أتكلم مع أحد..
محمد:‘نا شايفك تحرك شفايفك..يعني شنو كنت تسوي؟؟...تسبّح مثلا..
بندر:ممكن!!
محمد:اقول بالله رح شوف وجهك وجه تسبيح..إنت حدك قل هو الله أحد..
بندر:ههههههه الله يرجك..كنت اغني
محمد:لااااا وتغني بعد عز الله اختي تبرأت من أذنها
بندر:وليه إنشالله؟؟
محمد:من صوتك العذب
بندر:لا ياشيخ؟؟...طيب كاهي هنا واسألها
محمد:ها خوخه شنو قلتي؟؟..
خلود:....................<< مررررره مو معاهم وراحت بعالم ثااااااااااني
بندر:شفت؟؟...حاقرتك ولا تبي ترد..
محمد:إلا قل ما تبي تفشلك..
خلود حبت تقهر محمد: ماعليك منه ياولد العم ترى صوتك مره حلو
محمد:ياهووووووووووووووه والله اختي واقفه معاك...طيب أنا أخوك تخليني وتروحين مع الغريب؟؟
وبندر:الله يهديكم أخجلتم تواضعي
محمد:أي تواضع إنت ووجهك..شف راسك اشلون انتفخ علينا..
بندر:حراااااااام علييييييك..
محمد:زين زين..لا تبكي بس
بندر:إقول امش ولايكثر ترى تأخرنا..
مشى محمد وحال خلود مختلف عن قبل ساعه..الحين أحسن بكثييييييير الإبتسامه ماليه وجهها..هالإنسان وحده اللي يقدر يبكيها ويضحكها بنفس الوقت..
دفع محمد حق البنزين ومشى وبعد نص ساعه وصلوا لمكان العيله..
البنات أول ما شافوا خلود جلسوا يصارخون
عهود:هلا والله ومرحبتين بخلّودي
رهف:ياهلا والله تو الرحله احلوت
لميس:خوختييييييييييي...وحشتيني<< اسم الله مامداك
سمر:والله الرحله من دونك موشي.
خلود والإبتسامه ما فارقتها على هالترحيب:تسلمون والله..أساسا أنا بس رحمتكم وحسيت بحالكم وقلت أجي عشان تنبسطون بالرحله..
جمانه:هاهاها...لا صراحه ما نعرف كيف نرد جميلك يابنت خالي..
خلود:لا عااااااااااد ما بيننا هالكلام..
ديما:أقول إنتي وهي..يالله صلوا المغرب عشان نطلب الدبابات ونروح نطعس
خلود بحماس:ليه الرجال وافقوا..
ديما:إيه عمي الله يخليه ما قصر قال بعد المغرب روحوا وسوو اللي تبون..
حلا:بس اشلون بيلاقون على عددنا..
خلود:عادي بيلاقون هنا بالهبل..
وبعد صلاة المغرب ...عنـــــــــــــــــد الرجال..
أبو سلطان:أقول محمد رح إنت وماجد وجيبوا لنا اللي تقدرون عليه من الدبابات..
محمد:نعم؟؟...دبابات..يبه مو الحين ما نبي الحين..
أبو سلطان:ومن قال إنه لكم..
الشباب:أجل لمين؟؟
أبو سلطان:للبنات..
عبد الله: ياعمي لا والله جد لمنو؟؟
أبو سلطان:ومن قال إني ما أحكي جد..
سلطان:بس يبه إشلون تخلي البنات يركبون دبابات والدنيا مليانه كذا..
أبو سلطان:خلهم ينبسطون ودامهم مسترين عادي مو مشكله..
سلطان:لا يبه مستحيل اخلي خواتي يركبون.
أبو سلطان: أنا قلت لهم إنهم بيركبون وكلمتي ما تتثنى..
بدر:بس ياعمي...
قاطعه أبو سلطان:بلا بس بلا هم..بتروحون ولا أروح؟؟
ماجد:لا يا عمي حنا بنروح..محمد بندر..تعالوا يالله
وقاموا الشباب وهمه مطرررررررطعيييييين..
محمد:أنا ما أعرف إش بروسهم هالبنات..
ماجد:وانت الصادق مدري عمي إشلون وافق لهم على هالهبال..
بندر وهو يضحك:إنتو إشفيكم معصبين..عادي وإذا البنات ركبوا دبابات وبعدين عمي قال..دامهم مسترين خلاص..
محمد:بس يابندر..هنا بالسعوديه الوضع ما يسمح
بندر:الحين مو أعمامي هم اللي مربينهم.؟؟
ماجد ومحمد:إلا
بندر:خلاص..أكيد عمي ما وافق إلا هو واثق من تربيته لهم..وانشالله هم قد الثقه..
محمد:ياخي إنت عندك اسلوب أبو كلب..ماشالله كلامك يقنع اللي ما يقتنع..
بندر:مشكوووور..
ماجد:بس انا بقي ما اقتنعت وحتى لو اقتنعنا حنا البقيه ما راح يقتنعون..
بندر:زين إش رايكم..نقترح على عمي..إننا نركب مع البنات يعني كل واحد واخته بدباب منها نستانس ومنها نتطمن على خواتنا..
ماجد:تصدق فكره!!
وراحوا الشباب وجابوا..عدد هااااااااائل من الدبابات..
والبنات أول ما شافوها تحمسوا..
اقترحوا الشباب على أبو سلطان إقتراح بندر..فعجبته الفكره ووافق عليها بس أكيد طبعا البنات ما عجبهم الوضع..
خلود:والله مالي شغل..ما صارت وناسه إذا الشباب بيركبون معانا..
لميس:لا بالعكس والله وناسه..
البنات صرخوا على لميس
لميس:إسم الله علي..طيب هذا رأيي
فرح: والله مو شي
مرام:بقوه مو شي
عهود:طيب إش رايكم نقول لهم إنه حنا اللي بنسوق؟؟
الهنوف:هاهاها..إشبهم بيوافقون لو قلتي..
عهود:وإذا ما وافقوا نعترض بشده
الهنوف:والله لو تعترضون لما الصبح ما بيأثر فيهم..
سمر:حره...أنا ما معاي إلا أخو واحد وبيركب أكيد مع جمانه وأنا بركب لوحدي..!!
جمانه:لا حبيبتي..بيركب معاك ولا مع رهف..
رهف:لا لا لا..مستحيل..خلوه مع ديما..
ديما:لا ياقلبي إنتي وياها..نو وي
خلود:خلاص إنتي وهيه..لا تتضاربون ترى محنا ناقصين.<< معصبه
راحوا البنات عند الشباب..
مرام بعربجيه وصوت عالي:إسمعوني زين إنت وياه..بتركبون معانا اهلا وسهلا..بس يكون بعلمكم..ما بيسوق غيرنا يالبنات..
البنات:يا هووووووووووووه
مرام:شكرا...شكرا
ماجد:لا ياقلبو..إنتوا بنات...تبونا نسلم أنفسنا لكم..لا ياحبيبي..وبعدين..حنا أولى وأساسا..هذي لعبة أولاد مو بنات..
الشباب:إيواااااااااااااااااا يامااااااااااجد
ماجد:إحم إحم
فراس:أقول..انتوا يالبنات..ترى قويه إن إنتم اللي تسوقون..والله فشله قدام العالم..بنت تسوق ولد..ولا وبدباب
لميس:هيييييييييييي هييييي..إنت وياه ولا قويه ولا شي..تبون حياكم الله ما تبون ضفو وجيهكم وحنا بنطعس
عبد الله:أقول يا أبو الشباب..ورى ما تكفخينا احسن...وترى بإمكاننا ناخذ الدبابات ونسحب عليكم..
الهنوف تحمست ودخلت بالهوشه:زين سووها..وشوفوا..
قرب عبد الله منها وبإبتسامه:وشنو بتسوين..؟؟
الهنوف خافت وما تكلمت..
شذا:هييييييييي..تبون كذا ولا بكيفكم
آلاء:إيه زي ما قالت شذا..تبون ولا ورونا عرض أكتافكم
دانه:إيه والله مو شي تركبون معانا خلونا نتحرر
الشباب كل واحد بدأ يصارخ من جهه والبنات نفس الشي وشوي وبتنشب حرب..او بتصير كارثه
خلود:ممكن هدوووووووووووووووء..
بس محد سمعها..
بدر:خلااااااااااااااااااااااص
الكل سكت..
بدر ويصارخ:أنتوا اطفال عشان تسوون هالحركات؟؟ خلاص..ترى لو جلستوا كذا محد بيركب..وانتو يالبنات تصارخون وماخليتوا شي للاولاد حشى وين الأنوثه؟؟..جالس اناظركم ابي واحد عاقل فيكم سواء ولد ولا بنت ما فيه كلكم أعوذ بالله..
نواف:وهو صادق والله..
رهف بجرأه:خلاص موافقين..بس بشرط
الشباب ناظروها يعني شنو؟؟ فخافت وبصوت أخفض من اللي قبل شوي:نركب حنا يالبنات اول لوحدنا وبعدها نبدل وتركبون بعدنا.وخلاص
نواف:ياعييييييييييييني عالعقل والله..إيه هذا الحل ولا بلاش!!
رهف استحت من جرأة نواف
البنات:اوكي بس حنا أول
الشباب:طيب يالله
وركبو البنات الدبابات..ولما جوا بيمشون..
ماجد:اقول لميس موبايلك معاك..
لميس:إيه..ليه؟؟
ماجد:زين..المكان مليان شباب فأذا حد ضايقك ولا ضايق اي وحده من بنات عمي بس عطيني رنه وبنجي على طول..
لميس بابتسامه:احلااااا يالحريص ...ولا يهمك..
ومشوا البنات وراحوا يفحطون ويطعسون وسووا سباق..وكان ونااااااااسه..بس فيه إثنين شباب بدباباتهم كانوا يمشون ورى..البنات
لميس:بنــــــــــــات!!...سيفووووووووووووون<<يعني طنشوهم
الشباب:احلى يالعاقله..
واحد منهم:اموووووت أنا عالعقل كله..
لميس عصبت:احسن لك إنت وياه..ضف وجهك..
الشباب:أولا ..مع هالعيون ما نقدر حتى لو كنا نبي..ثانيا لو ما رحنا شنو بتسوين..
لميس:بتتصفقون أكيد
الشباب:ياشيخه حنا فداااااااك
لميس:مـــــــــرام!!...عهـــــــــود!!...جمـــــــ ــانه!!
وجو البنات..
الشباب:ول ول والله نادت الشله..
لميس:هاه بتروحون ولا إشلون..
الشباب:لا اشلون..
لميس:هاهاها..ياشين القرد لااستخف دمه
الشباب:حللللللللوه منك..واحد منهم:زي العسل على قلبي..
لميس بجد عصصصصصبت:هيييين!!..أنا أوريكم!! ......وأعطت ما جد رنه..
ماجد اول ما شاف الرنه دق..:هاه لميس إش فيه؟؟
لميس وتناظرهم:لا أبد بس فيه اثنين هنا الظاهر يبون يبيتون بالمستشفى الليله..
ماجد:عز الطلب الحين جاي بس وينكم..
لميس:عند الكشك اللي على يمين سيارة عمي أبو عادل بس بعيد شوي ما بتشوفنا من مكانك..تعال بسرعه
ماجد ما صدق:شباب..فيه ناس يضايقون خواتنا
محمد:شنو؟؟
ماجد:لميس توها داقه علي تقول فيه اثنين ناشبين لهم
فراس:أختي هناك؟؟
محمد عصب:يعني ما بتجي إلا إذا أختك هناك؟؟
نواف:البنات كلهم هناك حتى خواتي..
راح عادل لسلطان:سلطان..البنات يقولون فيه كم واحد يضايقهم..
سلطان عصب :أنا قايل لا يروحون وحدهم...طيييييب انا أتصرف ...
فارس:أفاااا ماعاش اللي يضايق بنات أخواني..قول للشباب وتعالوا خلونا نوريهم..
الشباب كلهم متحمسين: يالله
وراحوا الشباب كلهم اللي هم: سلطان وفراس وعبد الله ووعادل ونواف ومهند وماجد وبدر ومحمد وبندر وفيصل وخالد وفهد وباسل وراكان.. وعلى راسهم العم فارس..(الزعيم)
لميس:الحين تشوف إنت وياه شنو بيصير فيكم
الشاب الأول:والله لو تنادين لي دراكولا دامك هنا..مستحيل اخاف
مرام:هاهاها..احنا اللي معنا ولا يجي ربعهم دراكولا..
الشباب:ياااااي خوفتونا..
فرح:هي إنت وياه ما ودكم تلحقون على أعماركم وتروحون..
دانه:نصيييييييييحه من مسلمه إلى مسلم..روحوا..
خلود:لا لا خلوهم..والله من زمان نفسي اشوف احد يتصفق<<متوحشه
جمانه:إيه والله وأنا بعد..
الشباب:الحين حسبالكم صدقنا إن احد بيجي..ما أشوف اأحد جا..
مرام تهمس للميس:إشفيهم الشباب..لا يكون يحسبونا نستهبل عليهم وما يجون..
لميس بنفس الهمس:لالا فال الله ولا فالك انا لما كلمت ماجد كان جاد.
مرام:والله ياخوفي..
وشوي إلا جا أحد وكانوا متوقعين البنات إنهم الشباب لأن المكان كان ظلمه بس ما ظهر غير فارس..
فارس:خير انشالله إش فيكم على البنات إنت وياه..
الشباب:ههههههههههه الحين هذا اللي ما يجي ربعه دراكولا...لا صراحه من جد خفنا..جايبين لنا همتارو ويبونا نخاف...
فارس:همتارو مو جاي وحده..لا جايب معه نادي الهامستر كلهم..وشوي إلا الشباب طلعوا..
سلطان: والله يانتم تبون تتكفخوووون اليوم..
عادل:وانت الصادق
مهند:إيه والله ..وحنا بعد نبي نكفخ..
خالد:اقول شباب شنو رايكم نبدا فيهم..
طلع واحد من الشباب اللي كانوا يعاكسون موبايله ودق:ألو...زياد تعال إنت والشباب..
سلطان:لا وعندك بعد وقت تدق..
الولد:كله يرخص عشان هالعيون وياشر على رهف
نواف:ياكلب..ياواطي..ومسك نواف واحد منهم..وبدا يكفخ فيه وبندر مسك الثاني والباقيين يساعدون..ولطشوهم وشوي إلا جمس..جاي وملياااان شباب
يمكن حوالي10..ونزلوا..
وبدأوا يتضاربون
نهآآآآآآآآآآآآآآآآآآآآية البآآآآآآآآآآآآآآآرت
انشالله يكون عجبكم البآآآآآآآآآآآآرت
ابي رايكم في ردة فعل خلود لما عرفت منو بندر هل هي طبيعيه ولا مبآلغ فيها شوي؟؟
بندر متى بيعرف ان خلود حبيبته هي نفسها بنت عمه وشلون؟
بنآآت عمهاآآ واخوانها..هل راح تخبي عليهم كلهم؟...ولو قررت تخبي السالفه..ماراح تفضحها؟ تصرفاتها؟؟
شنو نهآآآآية هالمضآآربه؟؟...وشاللي بينهيهاآآ؟؟
محمد سلطآآن ..الهنوف لميس عبود ماجد ... فهد نواف حلا..ومرام فراس ...مهند جمانه سمر...فآآرس...إلخ...شخصيآآآآآآت كثثييييره...كل شخصيه فيهم اكيد لها قصه وبصمه بروااايتناآآ...
راح تحبونهم وتتعلقون فيهم..بس انتظرووووني بالأحدآآث الجايه..!!<<بالغصب كملت روايتها تقول تعلقت بالشخصيات وماودها يروحون
ابي توقعآآتكم...وردودكم الحلوه عشآآن اتحمس واكمل..
اممممممممممممم وبس
احب اشكر كل اللي ردو علي بالبآآرتات اللي راحت على الدعم..ترى ردودكم تحمسني كثير لا تحرموووني
و|[ فمــــــــــــــــآن الله يالغـــــــــــاليين]|
-7-
"خايف عليك
ومنك بالحيل أنا خايف..
عزي لقلبي يجمع الحب والخوف"
وصارت مضاربه كبيره..والبنات في البدايه جلسوا يشجعون بندر ونواف بس لما جوا شباب الفزعه وصارت هوشه كبييييير جلسوا يصارخون ويبكون..
فهد تصفق مزبوووط هو وباسل وبندر... بس بندر جته ضربه على صدره أثرت عالقلب عنده..
وجو الرجال..وحاولوا يوقفون الضرب بس بدون فايده فقالوا للبنات يروحون
راحوا البنات..
لميس وهي تبكي:إنا السبب..ماكان المفروض أقل ماجد عاللي حصل..
فرح:لا يالميس ماجد كان لازم يعرف عشان يوقفهم عند حدهم..
مرام:لميس حنا حاولنا نوقفهم بأنفسنا بس ما نفع معاهم..
حلا:بنات!!..أحد شاف باسل؟؟..وبهاللحظه بكت..ضربوووووووه!!
ألاء:حلا حبيبتي الحين بيردون وبتشوفينه..
حلا ومازالت تبكي ومنهاره:بس هم ضربوه..والله شفتهم ضربوه..
ألاء:طيب انتي اهدي الحين وصدقيني ما فيه الا العافيه..الحين أنا بدق عليهم وباخذ الاخبار..
وراحت آلاء ودقت على خالد بس مايرد ونواف نفس الشي وفهد جواله مغلق..
شذا:آلاء..إش فيك كنك محتاسه!!
آلاء:مو شايفه حالة أختي اشلون كنت أبي أدق على أخواني
احد يطمنا على باسل عشان حلا تهدا..بس اللي مايرد واللي جواله مغلق..وحاله..
شذا:طيب خليني اجرب أدق على عادل..
آلاء:يالله..موبايلك وينه..
شذا:بالسياره الحين بروح أجيبه.
آلاء:انتظري لحظه..انتي حافظه رقم اخوك..
شذا:إيه ليه؟؟
آلاء:خلاص دقي من موبايلي..مشوار على بال ما تجيبي موبايلك..
أخذت شذا موبايل آلاء ودقت على عادل..
عادل ومستغرب من الرقم:هلا..
شذا:اهلين عادل أنا شذا..
عادل:هلا شذا اشفيكم صاير شي؟؟..وبعدين منو هذا رقمه؟؟
شذا:لا اتطمن كلنا بخير..وهذا موبايل آلاء..
عادل..من سمع اسم آلاء عوره قلبه..هو يحبها من وهي صغيره
ولما قبل ما يتغطون على بعض وهو يحاول يبين لها بس هي ما كانت تنتبه..
شذا:عادل..انت معي..
عادل:إيه معاك...معاك..
شذا:زين خذ كلمها..
عادل بنفسه"منو هذي":أوكي
ألاء:هلا عادل اشلونك!!
عادل: بخير الحمد لله..منو آلاء؟؟
آلاء:إيه..
عادل:شلونك آلاء.
آلاء:تمام ماشي..إنتو وينكم الحين..
عادل:خلاص حنا جايين..
آلاء:زين بسألك باسل بخير
عادل بشوي عصبيه ما بينت كثير:وليه تسألين عن باسل!!
آلاء ومستغربه من عصبيته اللي مالها مبرر:عشان حلا..
عادل تذكر"ياغبائي انا اشلون نسيت ان اختها تحبه" فقال وكأنه ارتاح:لا ماعليك طمنيها انه بخير والحين بنجي وبتشوفه..
آلاء:زين وانت بخير..؟؟
عادل وهو مو مصدق:إيه بخير بس تصفقت شوي..
آلاء:ههههه زين سلامتك وما تشوف شر..
عادل:الله يسلمك..
آلاء:اوكي..معليش عالإزعاج..باي
عادل:لا ولا ازعاج ولا شي..مع السلامه..
وقفلوا الخط وعادل طايرمن الفرح والدنيا مو سايعته من
الفرحه..
ملاحظه:
باسل يعشق حلا وحلا نفس الشي من وهمه صغار والكل عارف هالشي بس حبهم مره حلو وبرئ يجمع بين العقل وبراءة الأطفال..
بعد فتره جات الشرطه و وقفت المضاربه..
أخذت الشرطه الإثنين اللي بدأوا وودوهم المركز طبعا بعد ما عرفوا السالفه..
عنــــــــد البنات
جمانه:بنـــــــــات..شوفوا..!!
سمر: هذا فارس ويحمل احد بين يدينه..
الهنوف:هذا واحد من الاولاد..
البنات جلسوا يراقبون فارس وهويجري بسرعه وبين يدينه
هالشخص اللي محد يعرف منو..وفيصل وعبد الله وسلطان
ومحمد يمشون وراه..
ولما قرب العم فارس شوي..
صرخت عهود:بنـــــــــــــــدر!!
أم فيصل:إش فيه بندر؟؟
عهود كانت منهاره وتبكي والبنات نفس الشي..أم فيصل حالتها حاله..والحريم يهدونها والجده شيخه..نفس الشي بس تبكي..
راحت عهود عند سلطان:إش فيه بندر..؟؟
بس سلطان كان مشغول وما انتبه لها.. ركب السياره وركب فيصل ومعاه أبو سلطان وبندر.. ومشوا...
راحت عند محمد..:إش فيه بندر!!
ونفس الشي..مشى وما انتبه لها..فصرخت وهي
تبكي:فــــــــــــــارس!!...إش فيه بندر؟؟
فارس انتبه لها: منو إنتي..؟؟
عهود وهي تبكي:انا عهود أخته..إش فيه بندر؟؟..
فارس:هدي ياعهود..ما فيه إلا العافيه..
عهود:زين وين بيودونه..دام ما فيه إلا العافيه؟؟
فارس:فيصل يقول إن عنده القلب وتعب شوي..وبيروح
المستشفى وانشالله بيطمنوننا عليه..
عهود:أنهارت مكانها وجلست على ركبتها عالرمل وهي تبكي
نزل فارس لمستواها ورفع راسها..وبهدوء:لا تبكين يا
عهود..إنشاالله إنه بخير..
عهود انهارت زياده لما تذكرت الحادث حق بندر وحطت يدينها على عيونها وجلست تبكي..مسك فارس يدينها وشالهم عن عيونها وكانت يدينها باااارده
مسك فارس يدين عهود البارده بيدينه الدافيه وبحنان قال:يالله عهود شدي حيلك وخليك قويه ووعد أول ما يصير بخير بخليك تكلمينه.. بس تكفين لا تبكين
شوي جات مرام وفرح:عهـــــــود..إشفيها؟؟
فارس:خذوها هناك..هي بس قلقانه على أخوها..
أخذوها البنات هناك وكان التوتر والقلق يعم العيله كلها بس فيه شخص كان بعييييييييد عن هذا كله..وحالته أصعب منهم كلهم..((خلود))
حلا أول ما شافت الشباب جايين جلست تدور عن باسل بس ما شافته راحت تمشي وتدور عليه وهي ما شيه سمعت زي صوته..لفت ولقته يتكلم مع أحد..بس ماقدرت تميز مين الشخص لأن المكان كان ظلمه..قربت منهم..:باسل!!
لف باسل على طول:اهلين حلا..
حلا وهي تبكي:باسل انت بخير؟؟؟..
باسل وهو مبتسم لأن شكلها كان طفولي وهي تبكي:إيه بخير كاني قدامك وما فيني إلا العافيه..
حلا ومازالت تبكي:زين شنو هذا اللي بوجهك؟؟
باسل ويبي يلطف الجو:أبد والله أنا صفقت اللي قدامي زين فحقد علي وطلع كل قوته فيني..
حلا ببراءه:زين يعورك الحين..
باسل بنفس البراءه:لا.
حلا:يعني ما يعورك شي؟؟
باسل:لا ابدا
وما مداه يكمل كلامه إلا هذاك الكف على وجهه..باسل انفتحت عينه على الآآآآخر من الصدمه..
حلا وهي تبكي:إنت اشلون تروح تضارب معهم..اشلون تضارب
ناس أكبر منك...لو صار فيك شي أنا شنو اسوي..وتصارخ..قلي..!!...شنو أسوي..والله مت عليك من الخوف وتخيلت لو رحت مني شنو بسوي من بعدك..وبعد المضاربه قلبت الدنيا عليك..ومن خوفي مابقيت مكان ما دورت فيه وبالنهايه اجي وألاقيك مع هذي..!!
وتأشر على ريماس اللي كانت جنب باسل..
باسل طول ماهي تتكلم وهو مصدوم بس لما قالت آخر جمله عرف إن الدعوه غيره لا أقل ولا أكثر عشان كذا عذرها..
قرب باسل من حلا اللي كانت منهاره تبكي..ومسكها من كتفها وضمها لصدره..
وبعد هالموقف صارت حلا متمسكه بباسل بأقوى شي عندها..وتبكي بصوت عالي..
باسل كان محوط بيد على كتفها واليد الثانيه كانت على شعرها..:خلاص..حلوي..خلاص..هدي بس..والله محد يجي بمكانك يالغاليه..
كل هذا وريماس تراقب ونار الغيره تحرق قلبها..ريماس تحب باسل بس هو ما درى عن هوى دارها..وهي بعد ما أعترفت له..بس حلا كانت حاسه بكل شي..وكانت خايفه إن ريماس تاخذ مكانها عند باسل..عشان كذا ما تحملت تشوفها واقفه مع باسل وتحاكيه..
ريماس:باسل!!..ماجاوبتني على سؤالي؟؟
بعدت حلا عن حضن باسل وناظرت ريماس وعيونها تطلع
شرار..باسل:أي سؤال..
ريماس:الظاهر نسيت..ما مداك!!..عالعموم الحين ما نقدر نتكلم..بس بعدين راح اجيك وأقلك..أوكي
باسل:اوكي..
وراحت ريماس...حلا:إش الي اوكي..
باسل:ما سمعتيها؟؟
حلا:إلا بس من جد بعدين بتكلمك..!!
باسل:حلا لا تسوين حركات بزران تراها بزره وخذيها على قد عقلها..
حلا وتصارخ:لا هذي مو بزره هذي تفكيرها أكبر مني ومنك..وبعدين لأني ما أبيها تكلمك تقول علي حركات بزران..
باسل وبدأ يعصب:الحين من جد صارت حركاتك حركات بزران..شنو اكلمها وما أكلمها..تراها بالنهايه بنت عمتي..وتصير لي..
حلا وعيونها ملياااانه دموع وبكلمات يالله تنسمع:مشكور ياباسل..الحين انا صرت البزره وهي العاقله عندك؟!!..الله يهنيكم ببعض..من جد ماتقصر..ومشت وخلته..
باسل مزاجه قفل:لا حووووووووول الحين أنا اش قلت..هذا وقته
ياحلا!!
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك