رواية شمس وسحاب -10
لانه دفني على الارض وجلدني لين جلدي تقطع
ام راشد وحنين صراخهم غطى على صوت السلك وهو نازل على جسمي
حنين زاد صراخها: خاااااالتي ... راااااشد الحق علي خااالتي
رمى الي بيده وركض فتح الباب
كنت مرميه على الارض متكوره على نفسي ومغطيه ويهي بيدي
حاولت اقوم ماااا قدرت زحفت لين الجدار وتسندت عليه
شفت امي طايحه على الارض وراشد منزل راسه على صدرها
حنين : راشد ماتتحرك... ماااااااتت ؟؟ ..... خاااااالتي ماااتت
الارض من تحتي اهتزت وطحت في حفره مااااالها نهايه ،،،،،،، ظلام في ظلام
***********
من بعد الظلام ..... صرت اشوف اللون الابيض محاوطني وانا نايمه على بطني
ابوي عندي وهو ينصحني <<< زي يوم كنا صغار اذا دخل واحد نايم على بطنه>>
لا تنامين على بطنك الرسول صلى الله عليه وسلم نهى عنها ...هذي نومة اهل النار اعوذ بالله
احاااول اعدل من وضعي .. مااااااقدر!!!! بابا انت وين؟؟؟ وارجع انااااام
امي واقفه عندي:شمس ساعتج حلوه عطيني اياها
افك ساعتي وامدها لها ... ترفض تاخذها وتروح!!! ماما لا تروحين ؟؟؟.وانااااام
********
اوووه ايييييي ظهري يعورني.... يااااربي ..قدامي ممرضه و...و....و تذكرت .....امي ...بشوفها قبل يـ ـ
Let me clean up completed : ظهري كله مكشوف ......الممرضه
تفك اللصق وتمسح على الجروح معقم وبعدين كريم مضاد للالتهاب وترجع تغطيها
وتشيك على ابرة المغذي:How are you .. now
Nurse when I came here:شمس
Two days ago :الممرضة
I want to speak by phone:شمس
Give me the phone number:ترفع سماعة التلفون
عطيتها رقم حنين
حاولت امسك نفسي ومااصيح : امي مااااتت ياحنين ... ماااتت ولحقت ابوي ... راشد حرمني منها ... هو الي!!!؟؟؟؟
رميت السماعه ودموعي الي كنت ماسكتها بللت المخده,, اااه يمه
ناديت الممرضه بضغطة زر..
Yes, how help you
I want make phone call:شمس
حنين : السلام عليكم ......الف الف مليون حمد لله على السلامه
ابي اتحرك واقابل حنين لكن الممرضه مسكتني ورجعتني زي ماكنت
Do not move this way :الممرضه
How long to be in this situatio:صرخت عليها
Scream deferred recovery:الممرضة
حنين وهي تمسح على شعري: حبيبتي موب زين لج الصراخ
شمس: ياليت اموت احسن لي ... اااااه يمه
حنين: شمس حبيبتي ماله داعي كل الي تسوينه.. خالتي الحين بيبها لج
شمس: شلوووون تيبينها ... يعني امي ماااا ماتت ..لااا انتي اكيد تقصين علي
حنووون ابي اشوف امي ابي اروح عندها
تسندت على يدينني عشان ارفع نفسي: حنين ساااعديني
Do not do this:الممرضه
حنين: لاااحبيبتي انا بروح اجيب خالتي انتي ارتاحي
Please help me I want go to see Mama:كلمت الممرضه بصوت حزيييييين
حنين :اخص ياالعنجليزي
Well.... I will help you:الممرضه
ساعدتني حنين مع الممرضه ودوني عند امي واول ماشفتها منسدحه : رميت نفسي بحضنها
امي: حبيبتي شلونج الحين
شمس: بخير دامج بخير ياكل الغلاااا
امي بصوت منهك : يمه سامحي راشد .. اخوج يبي مصلحتج
بس عشان امي ترتاح: خلاص يمه الي راح .. راح وانا مافي قلبي شي على راشد. اهم شي انج بخير
******
بعد يومين امي طلعت من المستشفى .... و التأمت بعض الجروح وقدرت انسدح على جنبي اليمين
رن تلفون الغرفه رفعته بكسل : الوو
عبد الله : هلااا عمري .... شلونج حبيبتي... احسن الحين
شمس: الحمد لله احسن .. ليش متكلف وداق علي... جان نطرت لين اطلع واكلمك
عبد الله: اووه اووه... ليش هالرد البارد .شكلج شايله علي واايد
شمس: اسأل روحك ... هذيى فترة الخطوبه الي مفروض نعيش فيها احلى ذكرياتنا
عبد الله: انتي عارفه اني مشغول ...وضاغط على نفسي عشان اقدراخلص قبل السنتين
شمس: عبد الله تعبت والله تعبت حس فيني ... حرااااام عليك
رق صوته وهو يقول: حبيبتي تأكدي اني راح اعوضج عن الايام الي راحت بأحسن منها
واخليج تعيشين احلى الذكريات ....هااااا شرايج
شمس: لاااا
عبد الله : شنوووو الي لااا؟؟؟؟ يعني انتي زعلانه عشان ما كلمتج
ترى بس اليوم عرفت انج طايحه من درج بيتكم وتنومتي في المستشفى
شمس: لاااا <<ابي اكمل بس مو قااااادره وخايفه
عبد الله: شمس وبعدين وياج
شمس:لاااا مابي خطوبه ولاا زواج مااابي
عبد الله شكله ما استوعب: هههههه شمس انتي خايفه .. امممم ... متردده
..... ولااااا للحين زعلاااانه
شمس: مووو زعلانه ...بس مااقدر استمر !!لازم ننفصل
.......وبلعت ريقي ... عبد الله انا بطلب منك الطلاق
عبد الله :اسف طلبج مرفوض...شيلي فكرة الطلاق حالياً من راسج
شمس:انت موب راضي تفهمني
عبد الله : بالعكس انا فاهمج زيييييين... بس انتي الي ماعرفتيني
كبري مخج الي جنه مخ عصفور...
كلامه نرفزني: انت واحد مغرور ومتسلط ما تحب الا نفسك .. طلقني مااااا احبك
عبد الله : هههههه شنووو احنا نلعب .. و يقلد صوتي
عبد الله احبك تزوجني
عبد الله مااااحبك طلقني..... صج انج ياااهل
شمس: ايييييه انا ياهل ماصلح لك.. انت لازم لك وحده مثلك مغروره و ماتفكر الا بمصلحتها
يعني وحده مثل فريال او الهام!!! يناسبونك اكثر مني
عبد الله: وانتي من وين عرفتي ها لاشكال؟؟؟ مابيج تماشينهم فاهمه ولا لااااا
صرخت وانا اصيح: انت مالك خص فيني .. ياخي طلقني
كملت وانا اشاهق: انت ماعندك كرامه شلون تتمسك بوحده ماتبيك
اااااااه ... الجروح الي في ظهري وتوها التأمت ردت تفتحت... اااااااااه
عبد الله : شمس خلاااااااص ..... لااا تصيحين ... انا بنفذ لج طلبج
لكن..... عندي شرط واااحد..... وبتعرفينه اذا رجعت السعوديه
اOh God, the wounds will not heal in this way:الممرضة تتحلطم
الممرضة تكلمني وهي مكشره: سمس هبيبتي انت لازم مافي زعلان واجد مافي حركه واجد
عسان يروح بيت سرئه
I will try : رديت عليها وانا اضحك
You speak English: الممرضة
Nurse, when I get out?:شمس
Perhaps after two days:الممرضه
*******
وقت الزياره دخلت علي وحده مايبين منها شي
السلام عليكم... انتي شمس
شمس: نعم.. من انتي
ورفعت غطاها : انا فاتن زوجة نايف .. طهووور ان شاء الله
شمس:هلااا فاتن حياج!!! والله ما توقعت هالزياره
قعدت على الكرسي ونزلت راسها : انااا... اناااا..في الحقيقه
شمس: ههههه صراحه فاتن ..انا حبيتج من اول مرة شفتج
فاتن: احبك الله الذي احببتني فيه
فتحت عيوني وصرت اطالعها وهي منزله راسها
جميله بكل معنى الكلمه ... عمرها يمكن تحت العشرين....18 او19
فاتن: انا جايه اقدم لج نصيحه.. واتمنى تتقبلينها برحابة صدر
طالعتهامن فوووق لتحت
فاتن: ادري انج بتقولين خل تنصح نفسها بالاول
وكملت وهي تمسح الدموع الي سالت على خدها: لكن وربي اناااا قصدي مصلحتج
شمس: تصدقين عاد !!! انا كنت ناويه اكلمج واقولج عن عمايل زوجج المحترم
فاتن:ههههه تحسبيني ماااادري عنه
وتحط يدها على صدرها: اناااا كنت وحده من ضحياااه
ضحك علي بكلام الحب والغزل ومثل دور الولهان بكل جداره
صدقته .. وضيعت اعز ما تملكه البنت ... شرفي.. وسمعة اهلي الي صارت في التراب
زاد صياحها وتحول الى شهقات
نزلت من السرير و قربت منها وعطيتها المناديل: الانفعال يضر البيبي صح؟؟؟
حبيت اللطف الجو: يارب البيبي يطلع شبه امه هههههه
فاتن: حاوت اتخلص منه بس ولامره ضبطت معاي
لدرجة اني رحت مع ماما عيادت متخصصه للاجهاض
شهقت: امج كانت تدري ؟
فاتن: مافي ام ترضى على بناتها حتى لو كانت ..... مو مسلمه؟؟
شمس: طيب شلون خليتوه يوافق يتزوجج وماانكرفعلته؟
فاتن : ماوافق !!! بالعكس انكر وهدد انه ينشر الصور الي عنده وبابا حاول يصلح الوضع
عطاه بيت مايحلم فيه وسياره ورصيد في البنك نص مليون ريال
مقابل انه يكتب علي وبعدين يطلقني وغطت ويها بكفها وزاد صياحها
نايف خان الاتفاق وصار يبتز بابا ويهدده بالفضيحه اذا ماخذ الي يبيه
ااااااااه مرت علي ايام كرهت فيها نفسي وتمنيت الموت
مسحت دموعها ورفعت عينها شافتني مندمجه وياها
شمس: هههههه كانت نصيحه.. وغمزت لها ..صارت مسلسل مدبلج
فاتن:نصيحتي انج تتركين الطريق الي انتي ماشيه فيه... ترى اخرته الندامه
ما توقت فاتن تقصد الي فهمته: انتي شتقصدين .... واي طريق الي تتكلمين عنه
فاتن: الطريق الي كنت اناااا ماشيه فيه بسبب ضعف الايمان والبعد عن الله
شمس: فاتن انا مو من النوع الي في بالج والله انا اخاف ربي وما اسوي شي يغضبه
بس السالفه اني سكت عن الغلط من البدايه والنتيجه ان سكوتي وضعفي انقلب ضدي
فاتن: انا مصدقتج .. بس الناس لسانهم ماااايرحم
شمس :يووووو والناس شدخلهم
فاتن: الناس تتكلم يا شمس .... طبعا موب قدامج ....سيرتج صارت على كل لسان
شمس: انا واثقه من نفسي ومااا علي من الناس
*********
كنت اجهز نفسي لان الدكتور بيكتبلي خروج اليوم
انطق الباب ودخلت حنين : السلام عليكم..... شتسوين
شمس : مثل ماانتي شايفه
حنين مسكت يدي وقعدتني معاها : ابي اقولج شي .. بس ماااابيج تنفعلين وتعرفين انه كل الي صااار وبيصير عشان مصلحتج
فكرت ان عبد الله تراجع عن الشرط وطلقني: حنين دخلي في الموضوع .. ترا انا متوقعه ان هذا بيصير في اي وقت
حنين متردده.... قررت اسهل لها الموضوع.... عبد الله قال لكم شي عني
حنين تهز راسها لاااا: اصلن عبد الله ما يدري عن السالفه
تساااارعت نبضات قلبي.... احس ان في مصيبه على راسي
حنين تكلمي وقفتي قلبي
حنين : ر...رااا..رااشد ...يبي يتأكد انج ... انج يعني
صرخت :حنون تكلمي راشد شيبي يتأكد منه ؟؟؟؟
حنين: راشد كلم الدكتوره الاخصائيه ... عشان يتأكد انج للحين ... يعني ... للحين بنت... اوووف
نزلت على راسي زي الصااااعقه: مستحييييل راشد يفكر اني ؟؟
حنين: شمس لاازم تسوين جذي هذي هي الطريقه الي تثبتين فيها برائتج
شمس: ههههههه ليش انا متهمه وشنهو جريمتي ان شاالله
وصااارخت باعلى صوتي :حنون روحي قووولي حق ريلج اني رافضة والي مايطوله بيده يوصله بريوله
اندف الباب ودخل راشد مثل الاعصار:انتي ليش خاااايفه
وطراااخ طريخ..... كفوف على ويهي
حنين ركضت وسكرت الباب : راشد عن الفضاااايح
راشد: يعني للحين ما نفضحنااااااا والبركه في اختي العفيفه
شمس : انا عفيفه غصبن عن الكل
راشد : يالله عند الاخصائيه ليش خاااايفه
شمس: انا مو خايفه ليش اخاااف بس شبتقول للدكتوره ابي اثبات ان اختي ؟؟؟
راشد : مو مشكله بنقولها انج طحتي من الدرج ونبي نتأكد انج سليمه عشان زواجج قريب
ولبست عبايتي ونزلنا العياااده
************
لى متى ....والبعد ....يولد غضب
.... والمصيبه تشتعل في صدري نيرانها
!!لاهي هدت في الصدر ولا عنادي تعب.. ماتدري إن ابتعادي كان من شانها
<<<25>>>
خلصت الدكتوره من الكشف . .. لبست العباايه وطلعت بدون مااسمع رد
راشد : هااااا .. شصاااار؟؟؟
الدموع تجمعت بعيني : تفضل استلم شهادة على شرف اختك .... ولا تنسى تطلب ختم الجوده والضمان ؟؟
رفع يده .. رجع نزلها من شاف الناس حوله: نشووووف!!! ا
في غرفة انتظار النساء.. ورميت نفسي على اول كرسي فاضي قدامي....نزلت راسي وسندته على يدي
شلون بواصل حياتي بعد الي شفته من راشد؟؟
التفت للحرمة الي حطت يدها على رجلي: سلاااامات يابنتي شفيج؟ عسى ماشر
رديت بصوت مبحوح من كثرة الصياح: ابد ما شر ياخاله مراجعه بس
الحرمه : انتي في العيادة رقم كم
يوووو والله ماني ناقصتها
قلت اي رقم: عياده رقم 12
الحرمه: اشوووه مو شي ثاني .. تحمدي ربج يا بنتي على الصحة والعافية.. بس ترى عيادة 12 من الجهة الثانيه
ولتفتت على الي قاعدة يمها : قبل كم يوم كنت جايبه حمودي للطوارئ
وشفت راشد كنا تونا امس حاضرين عرسه ..واخته معاه شايلين امهم ميته
اماا العروس زوجته نزلوهاااا من السياره بنقاله ودمااانها تقطر جنها ذبيحه ياكافي
الحرمه الثانيه: يووووو مساكين ما عرفتي شفيهم
الاولى: وقفت عندهم لين جا الدكتور وقعد يحقق مع راشد اكثر من ساعة ماقدرت افهم منهم شي
الثانيه: وزوجته
الاولى: يقولون انه ليله عرسهم اكتشف انها مو بنت... وكفخها لين بقت تموت.. وامه يوم درت جاتها سكته
الثانيه: لانها بنت اختها.. ....وسمعتها من سمعتهم
الاولى : بنات هالايام ....سواياهم تفشل
التفتت علي وجنها تذكرت شي مهم: انتي من بنته؟؟
امبيييه شاااا قول لها الحين
شمس : بنت ابوووي
سمعتنا صااارت على كل لسان...وحنين مسكينه مالها ذنب ..ما قدرت ادافع عنها
حنين وراشد واقفين عند باب العياده
شمس :حنين .. ابي اروح البيت .... اشتقت لامي الغاليه
في السياره راشد كل شوي يرفع عينه للمرايا ويطالع شمس .... واخيراً قااااال
شمس فهميني ابي اعرف علاقتج بنايف... لي وين وصلت؟؟؟
شمس: لو انك سألتني ها لسؤال قبل الي سويته كله... جان جاوبتك
الحين شتبي تعرف؟؟؟؟ خلاااص الدكتوره علمتك اني محافظه على شرفي... ؟؟؟ مو هاذا اهم شي عندك؟
راشد شاااد على اسناانه: تدرين ..فاتني شي واحد.. اني اقص لسانج !!!لكن والله لو ما تمسكينه لااكون قاااااصه
وقد اعذر من انذر
حنين: الله يهديج يا شمس.. تعرفين راشد يبي مصلحتج
راشد: لو تدور الدنيا ماراح تلقا واحد يحبها زي عبد الله
شمس: والحين من جاب طاري عبد الله ....وسكت
راشد : زين الي سكتي.. ولا ترى المقص في درج السيارة
********
تحسنت حالة ام راشد ورجعت صحتها زي اول ... نخاف عليها ونحااااول نرضيها باي طريقه
ام راشد : عيل وين حنين ؟
راشد : في المطبخ
ام راشد : حرام عليك توها عروس تخليها تدخل المطبخ
راشد: والله ياالغاليه شكلي بعد شهر ماني قادر ادخل من الباب والبركه بحبيبت قلبي حنين
ام راشد: هههه جاااان زين ترد صحتك ..وتمتن شوووي
راشد: حنين موب مقصره كل شوي ..حليب.. عصير...كيك..فطاير غير الوجبات الرئيسيه
ام راشد : وانتي ...بدال ما تساعدينها وتتعلمين منها مجابله ها سوني وقااااعده
شمس: يمااااه ..شفيج قلبتي علي واشرت لها
يمه تعالي اعلمج شلون تلعبين
ام راشد تسحب الاسلاك وتطفي اللعبه: قوومي اشوف.. رحمي حالج لااكل ولا نوم زي العالم
دخلت حنين شايله صينية كيك ووراها ميرنا بالشاي والقهوة
ام راشد : هلاا وغلااا بنظر عيني
حنين ..لابسه فستان اورنج فيه تموجات البني والاصفر طالعه تينن فيه
شمس: يالبرتقاااااله عذبتي حااااله
حمر ويه حنين ونزلت راسها.. وقعدت يم راشد
شمس: هههههه تينن تهبل مرت اخووي الخجوله رااشد تكفى عطها وحده زي كل يوم
حنين قامت .. وغيرت مكانها : شمس عن المصاااخه ترى كله محسوب عليج
كان راشد دايم يتغزل بحنين ..و يبوسها قدامنا وحنين تولع من الخجل
ام اشد : عندي لكم مفاجئه
كلنا طالعنا بامي وبصوت واحد: شنهي
ام راشد :هههههههه اذا قلت ما تصير مفاجئه ...بكره الفجر بعلمك يا راشد
بعد ما طلعو راشد وحنين لغرفتهم... انسدحت شمس على ريل امهاا
شمس: يمه عااااااد تكفين علميني شنهي المفااجئه
ام راشد : بعلمج بس عشان ترتاحين... انا وخالتج حصه حجزنا لراشد وحنين رحله لمدة اسبوعين بماليزيا
انرسمت ابتسامة فرح كبيره على شفاايف شمس: صج .... حنين تستاهل اكثر..جان خليتوها شهر
امي: اسبوعين وعسااااه يوافق ؟؟ موب راضي يروح ويخليني... ياعمري راشد
ام راشد.. دخلت في موضوع ثاااااني: الحين انتي.. ليش ما تكلمين عبد الله
وتعرفين شيحب وشيكره ..وشنهي الاكلات الي يحبها .. والالوان الي يفضلها
شمس بملل : اووو يمااااااه تو الناس
ام راشد: لاا يمه موب تو الناس!! تعلمي من حنين.. السنع والذرابه ..كسبت قلب راشد وفكره
وانتي ياحضي ما عرفتي تخلين عبد الله يحبج زي ما راشد يحب حنين؟
شمس: ماااقدر يمه والله ماقدر..عبد الله غير عن راشد
ام راشد: ليش ما تقدرين .. عبد الله ريلج ... كلميه وقوليله من هالكلام الحلو الي يجيب الريال على راسه
..شمس:هههه .... تخيلت عبد الله طايح على راسه
شمس: يمه انا موب من النوع الي يفضله عبد الله .... انا مادري ليش متزوجني
امي : كلامج ابد مو عاجبني ... شنو ناقصج عشان ما تعجبينه.... هااااا
حبيت اوضح لامي وامهد الطريق وتتقبل فكرة الطلاق: يمه اصلن انا وعبد الله ما نصلح لبعض
امي: لا ياشمس بالعكس عبد الله اكثر واحد يصلح لج .. من يوم انتو صغار وانا اقول عبد الله ما ياخذ غير شمس
وديري بالج... تزعلينه ولا تقولين مابيه ..ترى لاانتي بنتي ولا اعرفج
حاولت شمس.. : يمه افهميني ..انا ماا بي اتزوج .. مابي ريال يقرب مني .. احس بقرف ماااقدر يمه
لو تزوجت .. ترى ماراح اخليه يلمسني ..وذيك الساعه حلوها عاد
ام راشد تغير ويها ...وانخطف لونها ..وهي تصرخ: شمس !! شالكلام؟؟؟
شمس من خوفهااعلى امهاا : خلااااص يا ست الحبايب .... الي تبينه يصير بس لا تعصبين
وعطتهاا تشرب ماي:هاج يمه شربي
يااااربي انا شسويت
ام راشد ..بعد ماا هدت: يابنتي لاتعبيني .. عبد الله ما في زيه ..ولو زعلج بشي حاولي تلتمسين له العذر
شمس : خلااااص يمه.. انا بكلم عبد الله .. واحاول اخليه يحبني
امي: لااا ياشمس لا تفهميني غلط ؟ عبد الله يحبج ..بس مو زي ما راشد يحب حنين!!!! فاااااهمه
شمس : الي تبينه بيصير
ام راشد.حضنت شمس : ايه عفيه على بنتي العاقل .. ابيج تبيضين ويهي .. وتصيرين زي حنين واحسن. يالله الحين
قومي غرفتج وكلمي ريلج ولا تخلينه الا وهوراضي ..فااااهمه
شمس: تصبحين على خير
شمس ..من حطيت ريلي في الغرفه تذكرت ان جوالي عند راشد من يوم الي صااار خذ الجوالين والاب توب والصور
اووووه شاسوي الحين مااقدر اطلبه منه ... اصلن استحي اطق الباب عليهم
وبعدين.. امي شدراهااا اني كلمته ولا ما كلمته ... اهم شي اخليها ترضى علي
شغلت المسجل ..ورقصت.. على اغاني ماجد المهندس
إنت تجنن ها الليله ياريت تطول الليله
تصدق يا أغلى أحبابي بس إنته تنال إعجابي
وما تكفي بحبك ليله إنت تجنن ها الليله
إنت تجنن .. تجنن .. تجنن ها الليله
إنت تجنن بالمره يتمنوا الكل بس نظره
حقهم طبعاً وأعذرهم ساحر إنته وساحرهم
وأحلى الكل إنته الليله إنت تجنن ها الليله
إنت تجنن .. تجنن .. تجنن ها الليله
إنت تجنن وأشهدلك ما كل متألق مثلك
أرقص وإتمتع وإفرح بس لك اليوم المسرح
ومنور السهرة الليله إنت تجنن ها الليله
الى ان حسيت جسمي يعورني من التعب... نمت بسرعه بدون تفااااكير ..كل يوم
******
الساعه خمس صليت وطلعت اودع العرسان طقيت الباب عليهم ماحد رد فنزلت تحت
لقيتهم يفطرون .. سلمت وقعدت وياهم
شمس: يعني ما تصحوني افطر وياكم ولا خلاص حنين .. نستكم شمس
راشد : يالله صبح خير ... وبعدين انتي منو!! تحطين نفسج عند هالقمر وخطف بوووسه على خد حنين
شمس: يااالله صبااح الخير والبوس الخطااافي.. ههههه
امي: نبيج تنامين كم ساعه زياده .. يمكن يزيد وزنج ..جنج هيكل عظمي
حنين: ههههه ..لازم تمتنين .. ترى عبد الله ما يحب المره العصله
امي: هههههه . تذكري شقلت لج امس
راشد : يالله عشان يمدينا نمرخالتي ..ونسلم عليهم
راشد طلع شنطه كبيره وثانيه وسط وصعد مع حنين .. يبدلون ملابسهم
ام راشد : شمس كلمتي عبد الله زي ما قلت لج
شمس ..ركزت على كوب الكافي قدامها: كلمته.. ويسلم عليج
***********
راشد : شمس تعالي خذي ..جوالج والاب توب.. كنت بعطيج اياهم يوم طلعتي من المستشفى ونسيت
نظراااات ام راشد زي السهام لشمس: ايه ... عطها جوالها ..عشان تكلم ريلها على راحتها
سلمت شمس على راشد وحنين.. وتمنت لهم اسبوعين عسل احلى من العسل..
شمس ...حطيت الاب فوق الطاوله ووقفت اطالعه ... ما قدرت امسك سلك الشاحن
نزلت راسي على الطاوله ...احس بألم وفرااااغ صحت .. وتطور الصياح الى شهاقات متواصله
انطق الباب مرتين ..وانفتح...راشد: وهو يمسح على ظهري: شمس حبيبتي .. سااامحيني
لفيت يدي على رقبته: راشد ..انت سامحني ..تعبتك ..وما خليتك تتهنى بصباحيتك
راشد : ابيج وانا مسافر.. تنتبهين على الوالده وما تخلينها بروحها واذا
صار اي شي...لاتتصرفين من راسج .. اتصلي علي او على
عبد الله او عمي تركي .. راشد ..شبك سلك الشاحن حق شمس
ودع شمس .. ونزل يودع امه
********
بعد ثلاثة ايام من سفر
راشد وحنين ... دخلت شمس على امها..لقتهااا حاضنه صورة راشد
شمس: يماااااه راشد يسلم عليج توني مكلمته
امي: انا بعد توني مكلمته
شمس:هههههه شكله ما يفتك منا الا اذا جا ينااام ههههه
ام راشد : يالله كلمي عبد الله
شمس: ان شاءالله ..بروح اكلمه الحين
ام راشد : كلميه الحين ..قدامي
شمس دقت ومااارد
ام راشد: بيشوف الرقم واكيد بيتصل
رن الجوال .. البطل نيوف يتصل
شمس: ههههه هذا البطل ..هلاااا وغلاااا
نيوف: هلا شمس شخبارج
شمس: وحشتووني موووت
نيوف: حتى رهف.. تصيح تبيج
شمس : يا قلبي رهووفه.. وينها
نيوف: راحت تلبس.. ابوي قال لها بوديج عند شمس
شمس..فرحاانه: صج ..صج يالله انطركم.. لااا تتأخرون
لاحظت مكالمة عبد الله انتظار
نيوف: لا مو متأخرين !!بس قلت اشوفج يمكن تبي شي ولا نا قصكم شي؟؟؟
شمس: يااا بعد قلبي ...يا عمري لااامو ناقصني شي الا شوفتكم
نيوف وشكله محرج : احححم...... طيب بس بنجيب كيكه ويانا مع السلامه
شمس:ههههههه كيفكم ...باااي
سكرت ورن الجوال مره ثانيه... عم بو عبد الله يتصل
شمس: الو .. السلام عليكم
عم تركي: وعليكم السلام والرحمة شلونج يا بنتي
شمس: بخير عساك بخير
عم تركي : تسلمين.. شمس ناقصكم شي ولا قاصر عليكم حاجه
خجلت من طيبته:لاا يا عمي ما تقصر خيرك ساابق
السواق .. جاب كل الي وصيناااه وزياده ..و مارضى ياخذ ولا ريال
مكالمة عبد الله انتظار
عم تركي :افاااا يابنتي ... تبين تزعليني ... غلاج من غلاة عبد الله
شمس: لا ياعمي ..لاا عاش منو يزعلك
عم تركي : متى اخر مرة كلمتي عبد الله.. تراه يابنتي في غربه .. ومحتاج للكلمه الحلوة تهون عليه غربته وتصبره
شمس: ان شاء الله عمي ..مايصير خاطرك الا طيب
مكالمة .. عبد الله انتظار
عم تركي: بجيب رهف لكم الحين ..صدعت فيني من الصياح ..تبي تشوفج .. مع السلامه
شمس :حياكم الله ... مع السلامه
شمس تبي تتصل برقم عبد الله ا.. خالتي حصة يتصل
هلاااا خالتي..هههه
الخاله: اهلين شمس ... شفيج
شمس: ماااادري صدفه.. ولا انتو متفقين.. كلكم دقيتو علي ورا بعض!!!هههههه
الخاله: لا بالله صدفه ... مادريت عن الباقين
شمس: ههههه واحلى صدفه
الخاله: ترى رهف تبي تنام عندج...تبينها
شمس: افاااا ياخالتي شلون مابيها وهي عيوني وقلبي
مكالمة ...عبد الله انتظار
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك