رواية تدري وش اللي يقلب فيني أوجاعي -8
يمكن حبت بدر من بعد الي سواه لها وكيف تعامل مع متعب واخذ الصور وحرقهم وكسر جواله وحاول مع امها انها ترضى لكن امها اثار الصدمه والضيقه للان تبين على ملامحها
بدون ماتحس نامت ودموعها على خدها
................................
في المستشفى
ابوفارس : اقول لجين وشهد روحوا بيت اهلكم اخاف يشكون
لجين : انا خبرتهم
فارس بصدمه : شنوو خبرتيهم
لجين : لايروح فكركم بعيد مولهالدرجه بزر وماعرف اتصرف مثل ماتحسبون انا قلت لهم ريناد تعبانه وبغيبوبه وبالمستشفى ومنومه
فارس : بسس
لجين : بس يعني وش قلت لهم ولا تبيني اقولهم اختي متزوجه بالسر وح
ام فارس بعصبيه صرخت : اصصصصصصصصصصصصصص
ودخلت ام فارس بحالتها تصارخ وقومة المستشفى وشهد وفارس وابوفارس يهدونها ولجين جالسه مصدومه تمنت تموت ولا تشوف امها بهالحاله
طلعت من الغرفه وهي تبكي بأنهيار وين تروح تجلس على الكراسي اللكل بيشوفها وهي تبكي تكون وحيده
قررت تروح غرفة ريناد ركضت بسرعه لهناك ودخلت جلست على الارض تبكي بأنهيار ورمت راسها على فخذها
وبكت بصوت عالي : ( وشفيك يالجين صرتي ترمين كلام وكلام مره على شهد ومره على امك صرتي ماتثمنين كلامك .. والله هذي اثار الصدمه خلتني كذا )
كانت تبكي بحرقة قلب وبصوت عالي واثقه انها بتبكي على راحتها محد بيسمعها ولا احد بيحس فيها
لكن ماحست الا بحركه بسيطه من ريناد تقلبت بالسرير
ناظرت فيها ورجعت تبكي : ( انتي السبب ياريناد انتي السبب خليتي امي بهالحاله خليتيني بهالحاله ابوي بهالحاله كلنا غيرتينا انتي السبب .. اكررهك )
ريناد حست بأحد يبكي والتفتت للجين شافتها حاطه راسها على فخذها وجالسه على الارض وتبكي قالت بتعب : لجـ..ين
لجين شافت ريناد تتحرك بس توقعت عادي وقفت عن البكي وتقدمة من ريناد وقالت بصدمه : ريناد
ريناد مسكت يد لجين : انـأ....و...ي...ن
لجين ابعدت يدها عنها وبقسوه ردت : انتي بالمستشفى وان شاء الله تتمين طول عمرك بالمستشفى وماتطلعين
ريناد بكت بصوت عالي يقطع القلب فيه شهقات جف ريقها صارت تكح تكح بقوه تكح لكن الصدمه اها كحت دم
ونزل دم من فمها خلا لجين توقف مصدومه تناظرها بسرعه راحت للدكتور
لجين بخوف : دكتور دكتور اختي ريناد صحت من الغيبوبه جالسه تبكي وتكح دم
الدكتور مشى بسرعه وراح للغرفه
دخل شاف ريناد بحال يكسر الخاطر ويرثى له تبكي وراميه راسها لفخذها وتبكي بكل موطبيعي والدم مبلل الفرش وتكح وتكح
ريناد : كح كح كح كح كح كح كح كح كح .....................كح كح
الدكتور بسرعه راح وعطاها مهدى وقال للنيرس تغير المفرش كان عادي مافي شئ
الدكتور فضل يسوي لها فحوصات وتصوير وش سبب الكحه العنيفه والدم الي يطلع معها
طلع من الغرفه وعطى خبر لاهلها بيسوي لها فحوصات وتصوير واشعه
راح للمكتب وهو مستغرب بغيبوبه بسس .. بس وش سبب هالدم بالكحه
في غرفة ام فارس عطوها مهدئ ومنوم وهذا حالها من فتره
شهد كانت متشتته تبي تجلس مع امها وتبي تجلس مع اختها لكن فضلت مع اختها لان امها نايمه
شهد ببتسامه : اشتقنا لك
ريناد ماقدر ترسم الابتسامه على شفايفها وهي تتذكر كلمات لجين ماردت عليها
شهد وفارس يناظرونها بعطف
فارس : رنوووده
ريناد : خير
فارس : شخبارك
ريناد : زفت
شهد : ترى امي مسامحتك
ريناد رجعت تبكي بأنهيار اول ماسمعت اسم امها رجعت لها نوبة البكاء
فارس : خلاص ريناد ماصدقتي تصحين تجلسين تبكين
ريناد مسحت دموعها وغمضت عيونها مثلت النوم وهي مانامت تبي تريح اخوانها
شهد : فارس خلنا نروح لامي دامها نامت
فارس : روحي لامي وانا بجلس هنا عندها
شهد وقفت : اوكي
طلعت شهد من الغرفه لكن وقفت مصدومه شافت لجين راميه راسها على فخذها وتبكي بأنهيار موطبيعي
شهد بخوف جلست جمبها : لجين شفيك
لجين ارتمت بأحضانها : شهد ابي اموت مابي اعيش كاسره خاطري ريناد وامي وابوي واللكل
شهد : لجين لاتقولين هالكلام بدونك حنا ولا شئ
لجين تبكي بأنهيار : ابي امووووووووووووووووووووت
شهد بكت معها : لجين
لجين بصوت متقطع :نـ....عـ.....م
شهد : لاتبكين تكفيييين لا تقولين ابي اموت ترى هذا ضعف إيمان
لجين : مو ضعف إيمان بس الزمن سوى كذا خلاني كذا
شهد : لجين كلنا مرينا بالي مريتي فيه
لجين بكت اكثر واكثر مومستوعبه الي يصير يمر قدامها كل الاحداث وتنهار : تدرين ياشهد شرفنا راح
شهد : لجين لاتقولين هالكلام محد يدري باللي صار
لجين : يكفي الدكتور لما خبرنا انها حامل قلنا ماهي متزوجه تسحبين بيمشيها ياحلوه بيقول للمحكمه
شهد بكت وضمة لجين : لجين انتي تفكرين بالشرف ومالشرف مافكرتي اختك والحاله الي فيها امك وابوك والحاله الي هم فيها مافكرتي فينا فكرتي بشرفك وبشرفنا هذا همك ماتوقعتك كذا ماتوقعت تفكيرك لهالدرجه بزر
لجين : تبيني افكر بوحده مافكرت فينا
شهد : امي وابوي مافكرتي فيهم
لجين : امي وابوي بيوم بيرجعون مثل قبل
شهد بصراخ : بيرجعون مثل قبل وامي كل ماطرى اسم ريناد بكت وانتي السبب ترمين كلمه لريناد وتجيبين لها الجنون وترمين كلمه لامي وتخلينها تصارخ وتقوم المستشفى انتي مدري كيف
لجين : الزمن خلاني كذا ولا انا مو كذا
شهد : حلوه حلوه والله هذي الزمن خلاني كذا ولا انا مو كذا
لجين : انا ماعاد يهمني احد لا اختي ولا امي ولا ابوي
شهد وقفت عنها : انتي مو اختي انتي انسانه حقيره
مشت عنها وكلمات شهد تتردد ببالها زرعت لها جرح جديد انا حقيره ايه حقيره تصرفاتي وقحه وحقيره اروح لامي اخليها تصارخ وتقوم المستشفى اروح لريناد وارمي عليها كلام مثل السم واخليها تقوم المستشفى ببكاءها انا جد حقيره ووقحه انا بهالطريقه بخلي اللكل يتحاشاني ويكرهني انا ليه صرت كذا ومن متى كذا وين لجين الحبوبه ليه انقلبت قاسيه ووقحه وجريئه مايهمني احد الزمن خلاني كذا اوووووووف وانا ماعندي عذر غير الزمن خلاني كذا حلوه والله هذي الزمن يتحكم بالانسان ولا الانسان يتحكم بالزمن لالا اوووف خلني بس اروح بيتنا
راحت دورات المياه "الله يكرمكم" غسلت وجهها وطلعت وهي بتطلع صادفة رجال بيدخ
لجين ارتبكت : لوسمحت هذي دورات مياه "الله يكرمكم" للنساء
الرجال مشى ولا كأن احد موجود بفضو لحقته شافته يصرخ بأسم : ارجوااااااااااااااااااااان
ارجوان بصوت يقطع القلب : صالح انا هنا
ركض صالح للمكان الي سمع فيه صوت ارجوان فتح الباب بقوه ودخل شافها منسدحه على الارض وترتجف وماسكه راسها من الالم والدم ينزف منها
لجين وقفت عند هالموقف مصدومه تحس بخوف ينتشلها تحس بالحزن يرجع لها نزلت دموعها حست برطوبه ونزلت حجابها على اكتافها ودموعها تتسابق
صالح رفع ثوبه شوي وقال بعطف : ارجوان يألمك شئ
ارجوان : تعبانه صالح تعبانه الحقني
صالح حاول يشيلها لكن ارجوان تعاصر الالم وكأنها تتهاوش معه
ارجوان خلت صالح يبعد عنها تغير صوتها ماعاد صوت ارجوان : وخر عني اطلع اطلللللللللللللللع
صالح خااااف ووقف محله : ارجوان
ارجوان : وخر عني اطللللللللللللللع
صالح : ارجوان فيك شئ
ارجوان صوتها تغير شبه رجال : وخر اطلع عني وخررررررررررررررررر
صالح ارتبك "اخته مسحوره وفيها جني"
بسرعه التفت لورى شاف لجين تبكي للموقف كان وجهها موطبيعي شكلها رغم مليان دموع الا جذاب كانت واقفه تناظر بأرجوان بصمت ودموعها تتكلم عنها وعيونها تلمع بالالم والحزن
صالح كسرت خاطره : لوسمحتي
لجين :...........
صالح : لوسمحتي
لجين :..............
صالح : اختي فيك شئ
لجين بضيقه واضحه : نعم
صالح : فيك شئ
لجين هزت راسها بنفي
صالح : انادي لك السستر
لجين هزت راسها بنفي
صالح طلع برااا
صالح : هلبمي سستر بلييييز سستر مي سيك
السستر : اوك
دخلت السستر ورفعت ارجوان بين يديها بتعب وودتها لغرفه مخصصه على حسب ماطلب صالح
صالح قلقان على اخته كثيير ويتذكر شكل البنت الي شافها كيف حركة شئ بقلبه شكلها وهي تبكي يكسر الخاطر
في دورات المياه "الله يكرمكم" للنساء
لجين غسلت وجهها من الدموع وطلعت براا صادفة فارس اخوها
مشت ولا كأنها تشوف احد
فارس بخوف : لجين شفيك
لجين مسحت دموعها الي نزلت : مافيني شئ
فارس : الا فيك قوولي ليه تبكين
لجين : ليه ابكي يعني ابكي على الي يصير لنا
فارس ابتسم بحنيه : ترى انا ماحب اشوف دموعك
لجين بكت وبصوت مبحوح : بس الدنيا تحب تشوف دموعي
فارس ابتسم وضمها ونسى الي حوله : مابي اشوفك متضايقه اوكي
لجين : كيف ما اتضايق واحنا مصيبه ورى مصيبه مصيبه ورى مصيبه وكل وحده اقوى من الاولى
فارس : قومي نشوف امي ونطمن عليها
مشت لجين مع فارس مره تعصب وتصير قاسيه ومره تلين
فارس التفت لها وهم بنص الطريق : ترى الاوضاع هدئت ريناد وصحت وكل يوم عن يوم تتحسن وامي شوي بدت تهدى فلا داعي تقلقين
لجين : ادري بس
فارس : لا بس ولا شئ لاتقولين شرفنا الله ياخذ الشرف وابو الشرف اهم شئ امي واختي صح
لجين هزت راسها وببتسامه باهته قالت : صح
....................
نزلوا تحت البنات وراحوا للحوش وجلسوا يسولفون والضحك يمليهم بعد مافازت السعوديه 3 اقوال واليابان 2 قولين
في الحوش كانوا البنات يلعبون صيده والضحك يمليهم
ساره تتخبى ورى اسيل : نوووف صيديني
نوف تركض لساره كانت بتمسكها بس طاحت
البنات : ههههههههههههههههههههههه
نوف وقفت : تضحكون هاه
وراحت لهم وبسرعه ضربتهم كلهم بقوووه
جلسوا البنات على المرجيحه يلعبون بمرح شديد الشمس بدت تغيب ووقت الغروب حلوو
شوق فجأه : نفسي اروح البحر واشوف الغروب عند البحر حلووو
اللكل : لاتحمسينا
شوق : امووت بوقت الغروب (دخلت بجو) الشمس مثل الانسان وصاحبه يتم معه مرافقه وبس يجي المغرب يروح ويفارقه
نوره صفقت : اوففف يالشاعره مقدر
شوق ابتسمت : ثاانكس
بهاللحظه البنات وقفوا وجلسوا يتمشون لكن دخلت عليهم قطوتين وجاو جمب ملاك
ملاك نقزت وبخوف : يمااااااااااااااااااااااااااااااااه
وقامت تركض بأنحاء الحوش ووحده منهم تلحقها والبنات مايدرون شسالفه لحد ماشافوا وحده ثنتينهم اسود
ملاك نزلت دموع وقامت تبكي : يماه يماااااااااااااااااااااااااااه
ومن الربكه والخوف راحت للباب الي يطل على الشارع وصدمة برجال
التفت لها وناظرها تبكي ابتسم
ملاك كانت للحين صادمه فيه ووقفت مرتبكه التفتت تشوف مين
: حصل خير
ملاك بخوف : ....آ..سفه
فيصل : ماصار شئ
ملاك بخوف توها بتبعد لكن القطوه الي كانت تلاحقها رجعت وبسرعه راحت ورى فيصل تتخبى
اما فيصل انفجر ضحك على شكلها : الحين تبكين عشان قطوه
ملاك : تخووف لونها اسود
فيصل اخذ القطوه وبقوه رماها برااا لبعيد والثانيه وراها
البنات كانوا واقفين جلسوا على الارض كلهم بتعب وماعبروا وجود فيصل
ام ملاك كانت ورى فيصل ماسكه بتيشرته بسرعه هدته ورجعت داخل تركض وهي تحس بخجل
دخلت الصاله وجلست بسرعه
الجد صفق بيده : لعبتي ومرحتي واستانستي ونسيتي جدك وجدتك وعماتك
ملاك ناظرته بأستغراب ماعرفت قصده : شنوو
الجد : حضرتك جيتي طيران لفوق ولا سلمتي علينا
ملاك ابتسمت بخجل وراحت بتبوس راس جدها بس بعده : لاتبوسيني مولازم روحي للبنات احسن لك
ملاك : جدوو والله نسيت انا اسفه
الجد ابتسم : هالمره وبسس
ملاك : ان شاء الله
وباست راسه ويده وراس ويد جدتها وتقدمة لعماتها وحبت راسهم
ام فيصل : شخبارك ملاك
ملاك : الحمدلله بخير وانتي عمتي شخبارك
ام فيصل : الحمدلله بخير
ملاك ناظرت بأمها : يمه متى جيتي
ام نايف : منذ مبطي بس انتي طايره مع البنات
ملاك ابتسمت : من زمان عنهم
جاو البنات وهم ميتين ضحك على ملاك والي صار بينها وبين فيصل وكيف تخبت وراه ومن التعب جلسوا على العشب وماعبروا وجود فيصل
البنات بصوت واحد وعالي : اووووووووووووووووووووووووووووووه حبتين
ملاك ضحكت بدلع وخجل : ههههههههههههههههه
شوق بخبث : وش مجلسك ملاك هنا اعتررفي
ملاك ابتسمت : بسس تعبت
شوق : اها وااضح الا اقول ملوووكه ترى حنا بننام هنا
ملاك : والله حتى انا بنام
ام نايف : ياسلام اسلام قالت حتى انا بنام ولا عبرت امها الي جالسه جمبها
ملاك ابتسمت : يمه موافقه انام بيت جدي
الجد : توافق وليه ماتوافق
ملاك : هااااه يمه
ام نايف : بعد رأيي جدك ماعندي كلام
ملاك باستها بخدها بفرح : ثااانكس
راحوا البنات للغرفه الداخليه وجلسوا يسولفون والضحك يملي المكان
دخلوا فيصل ورائد ونايف للصاله ويسولفون
نايف : شفت المباراه والله السعوديه بدًعوا
فيصل : من جد بدًعوا بهالمباراه
رائد : اووه روح شوف الشارع تكفى انواع الهبال انا بهايط مع الشباب
نايف : اقول فصول شرايك نهايط بالشوارع مع الناس جالسين كذا لا شغل ولا مشغله
فيصل راقت له الفكره : يالله قوم
ام فيصل بأعتراض : لالا وين ان شاء الله تفحيط وايش مافيه
رائد : يمه ماهو تفحيط بس اغاني ورقص واستهبال وتفحيط خفيف
ام فيصل : بسس
رائد ببراءه : بسس
ام فيصل : مافيه
فيصل : يمممه انا دكتور حتى لو صار لي شئ اعالج نفسي وانا تعبان
ام فيصل وام نوره وام نايف : ههههههههههههه
فيصل ونايف ورائد طلعوا وركبوا السياره وشغلوا الاغاني على الاخر وراحوا لشارع فيه ازدحام شباب
وفتحوا النوافذ ورائد بأستهبال طلع من النافذه والصراخ والاغاني
كانوا بسيارة نايف وفاتح على اغنيه : حيو السعودي حيوو سعودي مافي زيو
رائد اخذه الطرب وبدى يرقص
فيصل : هيييييييه رئود لاياخذك الطرب
نزل رائد من السياره وهو على كتفها علم السعوديه ومتلثم كان شكله جذااب بهالشكل
قام يرقص بالشارع ويغني ويصارخ ويصفر كان مثل المهرج
نايف : هههههههههههههههههههههههههههههههه اقول فصول امسك اخوك شكله بيسكر
فيصل : ههههههههههههه خله يستانس
نايف فتح النافذه وطل براسه : رئووووووووووووود
رائد : نعمممم
نايف : فشلتنا شوف الناس تطالعك اركب اركب
رائد : ماني راكب مالك دخل
نايف : رئوود بمشي عليك
رائد شاف ربعه فهد واحمد
راح لهم وسلم عليهم
فهد : اووووووووووووووووه رئود شعندك شكلك راايق
رائد : بقووه تعالوا تعالوا معي اخوي فيصل وولد خالي نايف
مشوا فهد واحمد وراحوا للسياره سلموا على نايف وفيصل وركبوا السياره ورا مع رائد
احمد : اقول رئود حاطينك ورى مسكين هههههههههههههه
فهد : كنك شغاله كسرت خاطري هههههههههه
رائد : انطموا انطموا
نايف : كل شئ ولا رئووود
رائد : احم احم فدييتك نوفي تعجبني
نايف : ترى بنقلب عليك اذا ناديتني نوفي عمك نايف مو نايف حاف
رائد : انطم فيها شروط بعد
نايف : لا تبيها بلالاش
فيصل : اقول زحمه هنا والله بيصير لنا حادث خلنا نطلع من هالشارع
نايف : جد
فهد واحمد : لالالالالالالالالالالالالالالالالا
فيصل : بسسم الله شفيكم
فهد واحمد : حلو منظر الناس كذا
فيصل : رهيب صراحه شوف بس هالزحمه ماتقدر تمشي خلنا نمشي الحين بس نطلع من هالشارع بالموت بنطلع على الساعه 9
احمد : لالا عاد تبالغ
فيصل : والله
رائد : صراحه انا اختنقت
شافوا واحد يرقص مثل الحريم ماتو ضحك : هههههههههههههههههههههههههههههههههههههههههههههههههه ههاي
فهد : والله هذا حفله بدون كيك ههههههههههههههههه شكله مايلوق
وبدوا السوالف والضحك الشباب وهم يحاولون يطلعون بس موقادرين
.....
الساعه 10 الليل
ام فيصل : اقول يا ام نايف ماقررتوا
ام نايف : على شنو
ام فيصل : رأيي ملاك بولدي فيصل شوفي يا ام نايف اذا مو موافقه ورافضه هالزواج عادي تقول محنا بزعلانين ولا تقول هذا ولد عمتي ومضطره اوافق ومابي اخسر عيال عمتي لان هذا زواج مو لعبه يا ام نايف وقولي لملاك هالكلام واما اذا موافقه بأقتناع فألف مبروووك
ام نايف : لا ويه ماتوافق ومين المهبول الي يرفض فيصل والله فرحت يوم عرفت ان فيصل خطب بنتي ويبيها شريكة العمر وام عياله ويبيها تشاركه بالحلوه والمره
ام فيصل : يعني موافقين
ام نايف : والله يا ام فيصل للحين ملاك ماعطتنا رأيها بس انا وابوها موافقين
ام فيصل : اهم شئ رأيي ملاك
ام نايف : اناديها لك الحين وتكلمينها
اروى : لاتكلمونها ولا شئ انا كلمتها من شوي وقالت انها موافقه
ام نايف : هالشينه تقول لبنت عمتها وماتقول لامها وابوها
اروى : انا اصريت أعرف رأييها وقلت لها انت مو مضطره توافقين وقالت موافقه وعن اقتناع
ام فيصل بدت تزغرط بصوت عالي : الف الصوت والسلام عليك ياحبيب الله محمد كللللللللللللللللللللللللللللللللللللللللوش
ام نايف وام نوره واروى : كللللللللللللللللللللللللللللللللللللللللللللللللل لللللللللللللللوش
البنات طلعوا من الغرفه الداخليه : شفيكم
ام نوره كانت فرحانه لولد اختها ولبنت اخوها وبنفس الوقت تحس بحزن لانه بدى بنت خاله على بنات خالته
اروى : تعالوا باركوا لفيصل وملاك خلالالاص
اسيل بانت على وجهها الفرحه : ملاك وافقة
اروى : ايييه
راحوا البنات كلهم وضموا ملاك
شوق : مبرووووووووووووووووووووك يامرة اخووي
ملاك كانت تبتسم بخجل : الله يبارك فيك عقبالك
نوف : الف الف الف مبروووك يالعروس
اسيل : مبروووووووووووووووووك
ساره ونوره : الف مبروووك
وتموا البنات يعلقون ويضحكون بسالفة ملاك وفيصل وملاك طول الوقت مبتسمه بخجل
اسيل : ملالالاك وين سرحتي (وغمزت لها) بحبيب القلب فييصل
ملاك : اسيلوه سكتي (واشرت على النعله"الله يكرمكم") ولا بهالنعله "الله يكرمكم"
اسيل : لالا خلاص بسكت (وحطت يدها على فمها)
ساره : ترى انا وشوق ونوف واروى بنلعب فيييك لعب
شوق ونوف : ايه ترى بنلعب فيييك
ملاك بغرور : فصول حبيبي مايخليكم تلعبون فيني
البنات بصوت واحد وبأستهبال : اووووووووووووووه فصول وحبيبي من الحين
نوف : يؤيؤ من الحين مغتره بفيصل شلون بعدين
نوره : بعدين ماراح تعتبر لكم وجود لانها ماتتنزل تطالع حتى فيكم
شوق : الا انا ماتقدر تشيل عيونها عني
اللكل : ليه شفيك زود
شوق : ماتقدر تشيل عيونها عني من جمالي
نوف : يالثقه
ملاك : قالت شئ غلط لا ماقالت
شوق راحت وجلست جمب ملاك انها اهي وملاك بصف واحد : صح ماقلت شئ غلط
اسيل : اقول بس تلايطوا مسويه الحماة الي تحب مرة اخوها
شوق : ههههههههههههههه شوفي الحين بس بصير معك لا تماديتي ترى بنقلب وبوقف مع نوف وساره
ملاك : لا وه فديتك انتي تقدرين توقفين ضدي (واشرت على نوف وساره) مثل هالسحليتين
شوق : لا انا مزاجيه
دخلت عليهم اروى وشاركتهم بالسوالف وهي نظراتها لملاك
ملاك كانت تسولف شوي وتسرح شوي تسولف شوي وتسرح شوي
اروى : خبرتوا فيصل
شوق ونوف وساره : لا
اروى طلعت جوالها : اجل ببشره
نوف : انا ببشره
ساره : لاانا
شوق : لالالا انا
نوره بأستهبال : اقول ملاك ترى هذي من بدايتها مدخلين بكل شئ بكره لاطلعتي كلهم معك
اللكل : هههههههههههههههههههههههه
اروى تصلت على فيصل
فيصل : هلا اروى
اروى : هلا بأخوي
ملاك احمر وجهها ونزلت راسها بخجل وهي فرحانه
فيصل : تو الناس نحتري رأيي العروس
اروى : مو يالهبل رأيي العروس وصلنا وخللص
فيصل : احللفي
اروى : انصب والله
فيصل : شنو الرد
اروى : كم تدفع
فيصل : يالله اروووى قولي
اروى : مواافقه مواافقه
ملاك بهاللحظه ذاااابت
فيصل الفرح باان على صوته : قولي والله
اروى : اكذب عليك والله وافقة
فيصل من الفرح قام يضحك : هههههههههههههههه
اروى : شفيك تضحك
فيصل : فرحااااااااااااااااااااااااااان
اروى : دوووم دوووووم الفرحه
البنات صرخوا بصوت واحد لملاك : اووه ملاك
ملاك بخجل : اووه سكتوا ماعندكم غير التعليقات
اروى سكرت الجوال من فيصل : لو تسمعون فيصل مسكين مو مستوعب يقولي تكذبين
ملاك ابتسمت بخجل
اروى كانت تناظر بملاك طول الفتره بأعجاب كانت نااعمه مره ملامحها وابتسامتها طولها ونحفها وقوامها وشعرها وعيونها الرماديه وكل شئ فيها جذااب
اروى : ( يابختك يافيصل تستاهل ملالاك بنت خالي تهبل )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك