رواية تدري وش اللي يقلب فيني أوجاعي -70
رائد : يمه انتوا اجلسوا هنا مالاداعي حنا بمستشفى واحد لا صار شئ بندق عليك
ام فيصل : لالا ماقدر لازم اجي
رائد : خلاص يمه قلت لك اقعدي
ومشى ورى بدر ودخلوا ام بدر ودانه وام فيصل واروى وساره غرفة ريما وجلسوا واللكل قلقان
وكلن بهمه شقى ليله
......................................
في بيت ابو سعود
لميس كانت بكامل اناقتها وكشاختها لابسه جينز ابيض ضيق وتيشرت ازرق فضفاض وضيق من على الخصر ومن جهة الكم الأيمن طايح على زندها وباين كتفها ولابسه اكسسوار ابيض وشعرها الذباح متناثر على بشرتها الناعمه والقلوس الفوشي يملي شفايفها الصغيره
ديما تهز بغيره من شكل لميس الجذاب الي مافي شبه مقارنه بين بعض ديما متوسطة الطول ولميس طويله ديما مليانه ولميس نحيفه ديما شعرها قصير ولميس شعرها طويل ديما سمرا ولميس بيضا لكن الملامح والدقه نفس بعض بس ديما ملامحها هنديه ولميس اجنبيه
لميس : وشفيييك ترى الهز خطر كبير على القل
ديما بنرفزه : شئ راجع لي
لميس : ( افففففففففف هالغبيه ذي وشفيها بعد يبي لها كف يخليها تحس على نفسها وتحترم نفسها )
ديما : متى بتروحين ..؟
لميس : ليه طفشتي مني ..؟
ديما : لا بس طولتي شكل مو بس احنا طفشنا منك شكل حتى سعود طفش منك -وبسخريه- هههههه
لميس ناظرتها من فوق لتحت بنظره مليانه استحقار وعصبيه وقالت بدلع ينرفز ديما : وهـ بس يالبى قلبه سعوود مايطفش مني بس عنده شغل ماقدر يخليني بالشقه لحالي قال بجيبك بيت اهلي يخاف علي يالبى والله كله
ديما انقهرت اكثر منها وهزت اكثر والتفتت للجهه الثانيه
نزلت غدير وهي مبتسمه سلمت على لميس : كيف الحال ..؟
لميس : تمام وانتي ..؟
غدير : تمام التمام
لميس : دووم مو يووم
غدير : تسلمين يالغلا
جلسوا لميس وغدير يسولفون مع بعض
ام سعود جات وقالت وهي نافخه ريشها وبنبرة أمر : لميس
لميس : لبـيه
ام سعود : تعالي ساعديني بالطبخ
لميس بأستغراب : اناا
ام سعود : ايه انتي اجل انا .. يالله قومي
لميس تنقهر من سلطة ام سعود على اللكل : مو خدامه انا عندك بنات
ام سعود : ياسلام والله .. بتقومين ولا بتندمين على كلمتك اسحبيها بسرعه وقومي
لميس : لو بقوم مو عشانك مرة عمي عشان بس خاطر سعود
ام سعود : عشتو والله لميسوه بنت التجار تعرف تحترم زوجها وتقدره
لميس : ايه اهلي ربوني على الأخلاق
ام سعود : الله والأخلاق الي ربوك عليها إلا والله ربوك على الخراب
لميس تنهدت نهده طويله فيها طولة بال
ام سعود : يالله قـ
غدير بمقاطعه : خلاص يمه من جد البنت مو خدامه جايه زياره انا بقوم اساعدك
لميس وقفت ببتسامه تقهر ام سعود وديما : لا خلاص غدير انا بقوم اساعد امي - وشددت على كلمة امي عشان تقهرها اكثر -
ام سعود : ايه غصب عنك بتقومين
مشت لميس مع ام سعود وهي تحاول تطول بالها اكثر لشتايم الي بتجيها من ام سعود
ديما بأنتصار : ايه عفيا هذي امي ولا بلاش
غدير : مبسوطه
ديما : وكيف مانبسط وانا اشوف لميسوه تنذل وتقوم المطبخ وحنا جالسين حاطين رجل على رجل
غدير : اصحاب العقول في راحه
ام سعود بأمر : جيبي الجالكسي بالثلاجه
لميس راحت للثلاجه وطلعت الجالكسي ورمته بقوه على الطاوله تفرغ عصبيتها
ام سعود بصراخ : انتي هييييه شوي شوي على الجالكسي يالدفشه
لميس تنهدت بقووه وغمضت عيونها تعد من الواحد للعشره تطول بالها اكثر
ام سعود : انتي هيه لاتغضمين عينك افتحيها ويالله اشتغلي بيجوني ضيوف
لميس بدت تشتغل مع ام سعود وهي تحاول تلطف من اسلوبها
ام سعود بعد ماخلصت شغل قالت بأمر للميس : جيبي شطافة الماء من الحوش
لميس : إن شاء الله
طلعت برا لميس وراحت للمكان الي فيه الشطافه وصدمت بشخص طويل ونحيف وجذاب مافي فاصل بينهم جسمها بجسمه وجهها بوجهه انفاسهم قريبه حييل كتفها الخالع بكتفه المغطى بالتيشرت وعيونه بعيونها
ابعد بسام بأرتباك : أ..سـ..ف
لميس وقفت مجمده بمكانها وهي مرتبكه وترتجف
بسام : اسف ..
لميس السانها انربط ورجولها انشلت ماهي قادره لا تتكلم ولا تتحرك
صوت ام سعود الهزاز وصل لهم : لمييييييس لميسوه ووجع إن شاء الله كل ذا تجيبين الشطافه
لميس هزت راسها من صرخة ام سعود واخذت الشطافه وركض للمطبخ
وبسام مرتبك وخايف مو قادر يستوعب الي صار كانت قريبه منه حييل حييييييييل اختنقت انفاسه بسبب قربهم من بعض
بسام ابتسم بأعجاب : وش ذا كنها ممثله اجنبيه قممر والجسم عارضات ازياء خقق .. قالوا حلوه بس ماتوقعتها بهالجمال والحلاه ... يابختك ياسعود والله ورسيت على وحده خقق
لميس دخلت المطبخ تشتغل لكن عقلها مو معها مع الموقف الي حصل لها مع بسام
ماتقدر توصف كيف انحرجت وودها بهاللحظه الأرض تنشق وتبلعها بس حمدت ربها بسام ولا محمد
................................
بدر بخوف : بشرني يادكتور كيف شوق ..؟
الدكتور : انت زوجها ..؟
بدر : ايه انا زوجها ..؟
الدكتور ببتسامه : لا تطمن البنت بخير ومافيها إلا العافيه بس شوية آلم تعرف الآم الحمل
بدر تنهد براحه : الحمدلله .. يعني الجنين سليم
الدكتور : ايه سليم -وببتسامه- مبروووووك
بدر بأستغراب : على شنو ..؟
الدكتور : المدام حامل بولد
بدر ابتسم ابتسامه عريضه وقال بفرحه مو سايعته : جد يادكتور
الدكتور وهو يصافحه : ايه الف مبروك
ضم بدر رائد وهم حده فرحان وطاير من الفرحه
....
شوق تهلوس : بـدر .. بدر .. يممه .. وينكم تعالوا تعبانه
النيرس : مدام شوق
شوق التفتت عليها وصحت من هلوستها
النيرس : مبرووك الف الف مبرووك انتي حامل بولد
شوق ماصدقت وبعدها ابتسمت بفرح : جد
النيرس : ايه جد حامل بولد
شوق ابتسمت ورفعت يدينها : الحمدلله الحمدلله يارب
..........................
ريناد كانت منسدحه على السرير وحاطه يدها على بطنها
الطفل الي ببطنها يوم عن يوم يكبر ويوم عن يوم تحس ببطنها يبرز شوي والألم يزيد
عينها ماجفت من الدموع يوم عن يوم تزيد الدموع وخدها يحترق بصمت بسبب الدمعات الحاره المستمره
دمعة حزن دمعة شوق دمعة فرح ووآلخ دمعاتها مختلطه مره تدمع عينها بالحزن لأنها حامل من واحد نذل ومره تدمع عينها بشوق لأهلها وكيف تمنوا تحمل ومرات دمعة فرح لأنها بتجيب طفل
ماهي عارفه كيف تعبر عن شعورها هل هي فرحانه ولا مشتاقه ولا متضايقه
دخل عبدالله وفتح الباب بقوه وقال بعصبيه : انتي هيييه وشفيك حابسه نفسك بهالغرفه هااه ..؟
ريناد فزت من قوة فتحت الباب مرتاعه : بسم الله .. في شئ اسمه ذوق واتيكيت اضرب الباب لو سمحت قبل لا تدخل
عبدالله : هذا الي باقي تعلميني الذوق والأتيكيت .. لا يكثر بس هرجك وقومي عملي لي اكل مرتب جوعان
ريناد : جوعان تبي اكل وانا شبعانه من اللهم وابي فرح
عبدالله : لحوووول بتعيد لنا المسلسل الي كل يوم اسمعه
ريناد : انت لييه كذا ماتحس انت لهالدرجه قلبك قاسي ومن حجر
عبدالله : عاد قلبي وانا حر لو يصير من جماد مالك دخل .. ويالله سوي لي اكل
ريناد : انا تعبانه ومقدر اعمل لك شئ
عبدالله : حلوه ذي تعبانه يالله بس لاتعبانه ولا شئ مافيك إلآ الكذب
ريناد ودموعها تنهار بخدها : رجعني للشرقيه رجعني للخبر .. ابي اروح لأهلي تكفى ودني
عبدالله : اصصصص .. ياويلك لو تعيدين لي هالموال ودني لأهلي فاهمه ماراح ارجعك انتي طلبتي تجين للندن لاتقعدين الحين تبين ترجعين
وطلع من الغرفه وسكر الباب بقوه
ريناد بكت ورفعت جوالها بيد مرتجفه ودقت بلا شعور على رقم حافظته
رد صوت تعشقه وحافظته صور يبعد الأحزان عنها
: الوو
ريناد بصوت مبحـوح : يمـ...هـ..
ام فارس : ريناد ..؟
ريناد بكت وشهقت اكثر
ام فارس بخوف : ريناااد
ريناد : يمممه
ام فارس : ياعيون يمه وشفيك ..؟
ريناد : يمه وحشتوني وحشتووني حيييل
ام فارس : ريناد ارجعي الخبر ارجعي ابي اضمك انتي بنتي ابي اضمك
ريناد : محتاجه لحضنك يايمه محتاجه لحنانك بهالوقت بالذات يمه عبدالله قاسي ومايحس يضربني ويعذبني وعنده بنات وسهرات حقيير ونذل يايمه حقير ونذل والمصيبه يايمه المصييييـبه
ام فارس : ششنو ..؟
ريناد : حامل منه يايمه حااامل بيجي بهالدنيا طفل يربطني بواحد منحرف وضايع
ام فارس شهقت : ياويلي
ريناد : انا متورطه يايمه ومحتاجه لشورك وش اسوي يايمه متورطه بمصيبه ماني قادره اطلع منها ابي الطفل ومابيه
ام فارس : اجهضيه ياريناد اجهضيه هذا عبدالله صايع ولا يخاف ربه بيعذبك وبيعذب هالطفل لاتيتيمن هالطفل وتعذبينه اجهضيه
ريناد : مادري يايمه مادري شورك ابي شورك
ام فارس : شوري يابنتي اعملي إجهاض
ريناد : شورك وهداية الله .. رغم إن هالطفل قطعة مني وهو روحي الثانيه
ام فارس : الحياه قدامك يابنتي والله يعوضك بغيره ويسعدك ويوفقك مع غيره
ريناد : يممه
ام فارس : عيون امك انتي
ريناد : ابي اطلق ابي اطلق ماحبه اكرهه خاين نذل حقير سافل منحرف
ام فارس : لو بيدي يابنتي كان قلت لأبوك بس تعرفين الحال يابنتي ابوك متبري منك ولا يبي يشوفك وشالك من القائمه
ريناد بكت :.............................
ام فارس : لا لا يابنتي لاتبكين مابي اسمعك تبكين يابنتي .. بحاول مع اخوك او ابوك
ريناد : ايه تكفين يايمه ابي اطلق ترضين يايمه ترضين بنتك تعيش بضياع وعذاب
ام فارس : لا يابنتي اكيد مارضى بعمل كل جهدي عشان اخلصك من هالنذل عبدالله
ريناد : تسلمين .. يمه شخبار لجين شخبار شهد ..؟
ام فارس : الحمدلله لجين بخير وبصحه وسلامه وشهد يافديتها حاجزها رائد ولد خالتك وتجهز لملكتها الي يوم عن يوم تقرب
ريناد ببتسامه : جد ..؟
ام فارس : ايه والله جد .. وشرايك تنزلين للخبر ..؟
ريناد بضيقه : لا مانعني من الرجعه للخبر
ام فارس بعصبيه : لا عاد لهنا وبس حنا اهلك وبنرجعك غصب عنه لا انا ماسكت لازم اكلم ابوك حتى لو متبري منك ومو راضي عليك بيرجعك للخبر وبيطلقك بعد
ريناد : تسلمين
ام فارس : لا يابنتي وش تسلمين انا امك
ريناد : الغربه خلتني احس إني غريبه عليك وإنك مانتي بأمي
ام فارس : مهما كان يابنتي ومهما الدول فرقتنا بتضلين بنتي الي حملت فيك وولدتك وربيتك وتعبت فيك مانساك
ريناد : الله لايحرمني منك ياغلى ام وأحن قلب بالدنيا
ام فارس : يالله الحين بسكر ابوك جاء بكلمه
ريناد : اوكي باي
سكرت ام فارس من ريناد والتفتت على ابو فارس
ام فارس : يا ابو فارس بقولك سالفه وتكفى لاتعصب
ابو فارس : شنو ..؟
ام فارس : بنتك ريناد
ابو فارس كشر وقال بعصبيه : تكلمينها انتي ..؟
ام فارس : ايه اكلمها هذي بنتي
ابو فارس بعصبيه : كم مره قلت لك انسي إنها بنتك انتي ماعندك غير لجين وشهد وفارس وبسس
ام فارس وهي تبكي : لا يا ابوفارس لا هذي بنتك .. بنتك وبنتي لا تعافها عشان كلام الناس
ابو فارس : لو على الإشاعات وكلام الناس كان ماعصبت لكن هذي فضحتني وضيعت شرفنا وشرفها
ام فارس : طيب تكفى يا ابو فارس طلبتك بنتك تعيش بعذاب زوجها حقير ونذل وراعي بنات وخرابيط وصايع
ابو فارس : هذا الي اختارته وضيعت شرفها عشانه
ام فارس : لا يا ابو فارس لا تقسى انت والزمن عليها هي مهما كان بنتك
ابو فارس : قلت لك ماعندي إلا لجين وشهد وفارس وبسس
ام فارس : انت تتناسى إنك نسيتها لكن اكيد بتضل بالقلب هذي ريناد دلوعتك وحبيبتك الي لا ضربت احد من خواتها وقفت بوجهك ومارضت على خواتها هي بنتك الي لاتضايقت تتضايق لضيقتك لا بكيت تبكي معك هي بنتك يا ابو فارس بنتك الي كانت اقرب وحده لك من البنات وفارس
ابو فارس ماينكر هالشئ :.....................
ام فارس برجا : تكفى طلبتك عشان زوجتك وام عيالك اوقف مع بنتك بالمحاكم هي تبي تطلق زوجها حقير ونذل تكفى يا ابو فارس مهما كان بتظل بنتك
ابو فارس :.......................
ام فارس : تكفى يا ابو فارس طلبتك خلها تطلق .. ومانعها من الرجوع لنا
ابو فارس : طيب بوقف لها بالمحاكم وبخليها تطلق منه وترجع للخبر -وبحزم- لكن تنقلع لأي مكان يضفها هالبيت مايضفها
ام فارس ببتسامه : عادي والله عادي .. المهم بنتي تكون قريب مني مو بعيده عني
ابو فارس وقف : يالله بروح انام ارتاح
صعد غرفته وام فارس مبتسمه بفرح وبشرت ريناد الي طارت من الفرحه واخيراً بتلقى لها سند وظهر تستند عليه وبتقهر عبدالله وبتوقف معه بالمحاكم
..................................
بشاير تحضر الأكل لـ فهد
حطت الأكل على طاولة الطعام ورتبته بطريقه انيقه ومرتبه دقايق ودخل فهد وهو متنرفز
جلس على الكنب وحط ايده على راسه وغمض عيونه والعرق ينصب بخده
بشاير وقفت وراحت له بخوف وجلست على ركبتها : فهد وشفيك .؟
فهد : تعبااان جيبي لي مويه بارده باارده مليانه ثلج
بشاير : طيب طيب
وقفت بشاير وجابت مويه بارده يملاها الثلج وعطته اياها وفهد بطريقه جنونيه اخذها وصبه على وجهه والثلج يطيح على وجهه وثوبه امتلا بالمويه
بشاير شهقت : فهد مجنوون
فهد : تعباااااان حرااان .. طولي على التكييف
بشاير : هبل انت عشان تمرض على هالثلج الي رميته على نفسك
فهد كانت يمرر على وجهه سحبته منه بشاير بقوه ورمته بالأرض وتناثرت بكل مكان
بشاير بعصبيه : حشا ماصدق إنك كبير وعاقل بزر تصرفاتك بزر -وبنرفزه- الأكل جاهز
فهد : لا مابي بنام
بشاير تنهدت وضربت برجلها بالأرض : خيير ماتبي والله انا الغلطانه اني اسوي لك اكل
فهد : خلاص خلاص وشفيك معصبه ..؟
بشاير : لاتعيدها وترمي الثلج على نفسك لو مرضت الحين انا وش بيصير فيني
فهد : هههههههههههه يافديت الي تخاف علي .. خلاص يالله قومي ناكل
وقف فهد وراح وبدوا ياكلون بتلذذ وبشاير كانت طول الوقت تاكل ومبتسمه
في الذاكره
................
عبدالملك اخذ الثلج ورماه على نفسه وهو يهوي نفسه يبعد ثوبه ويلصق بجسمه من كثر العرق
عبدالملك : افففففففف حر حر حررر .. هجيير طولي على التكييف
هاجر تخصرت : ياسلام والله خدامه عندك وانا مدري
عبدالملك : بيشو فتحي التكييف ارفقي بحالي شوفي كيف تعبانه والعرق بكل مكان ينزل
بشاير وقفت ماتقدر ترد طلب وفتحت له التكييف وجابت له مويه ومدتها له
عبدالملك ببتسامه : يالبى والله هالأخت حنووونه -والتفت على هاجر- مو مثلك يالنحيسه
هاجر رمت عليه مخده : انطم انا نحيييسه يالكسول .. ولا تبيني اطول لك على التكييف واجيب لك مويه انا اختك الكبيره
عبدالملك : الله والأخت الكبيره عاد
هاجر تخصرت : لييه مو عاجبتك
عبدالملك : ايييوه اكيد ماتعجبيني
صراخ وصل من فوق مها وريم يتهاوشون
ريم وهي تبكي : وخري عني وخررري يالدفشششه
مها بصراخ : جيييبي الجوااال
ريم : مابي مابي بسمع اغنيه
مها : من وانتي صغيره صايعه وشلون لاكبرتي .. جيبيه قلت لك جيبيه
هاجر : جاووكم القطو والفار
ريم تخصرت : انتي هييه لاتغلطين
هاجر : بسم الله علييك انتي يالبزر تجين وتتخصرين قدامي يالله ياله
ريم : ليه انتي كبيره بس بعقل بزره وانا صغيره لكن بعقل كبيره
هاجر ضربتها بيدها على ظهرها بخفه : انقلللعي يالملسونه
ريم طلعت لها لسانه وضربتها وجلست بقوه ومها سحبت منها الجوال وحطت السماعات بأذنها وصارت تدندن وريم تناظرها بنظرات ناريه ودها تسحب السماعات منها لكن مها بتذبحها
فكرت بفكره شيطانيه راحت للمطبخ ومثلت الخوف وصرخت : يممممممممممممممممممممممه يمممممممه لحقوووني حريقه حريييييييييييييقه
وقفوا كلهم خايفين وناظروا ببعض مشى عبدالملك ومعه هاجر ومها وبشاير جمب بعض كلهم خايفين
ريم تمثل تبكي : يممممممه لحقوني بموووت حريقه حريييييييييييييييقه عبدالملك هااااااااااااجر بشششاير مهاااااا لحقوووني يممممممممه يبببببببببببه
دخلوا المطبخ من جهه وناظروا بكل المطبخ فاضي مافي أحد وصوت الصراخ اختفى ريم الخبيثه طلعت من البوابه الخارجيه وركض للبوابه الرئيسيه دخلت وسحبت الجوال وحطت رجل على رجل وتسمع الأغاني وتضحك وتدندن وتهز
جاووا اخوانها وكل واحد يتوعدها اكثر من الثاني
بشاير تخصرت : ياسلام والله مسويه مقلب انتي وفيسك الحين
ريم : ههههههههههههههههههههههه صج انكم مخفففه ميييييييييييييح
مها صرخت : يالحيوااااانه مسويه هالمقلب السخيف عشان الجوال
وسحبته منها بقوه والهواش يتكرر
............
بشاير تتمنى تفقد الذاكره عشان تفقد ذكرياتهم مع اهلها الحللوه تنسى هاجر وهبالها ورجتها ومناقرها ولا عصبت كيف اخلاقها تقفل وكيف لاتضايق احد او زعل هي البلسم الي تشفي جروحه . تبي تنسى عبدالملك ونكته وضحكه وهباله وحبه لخواته وكيف مايحب يزعل احد حتى بأقل كلمه ... تبي تنسى مها وخفة دمها وروحها الحلوه ووساعة صدرها ورجتها وعايشه الحياه ببساطه بحلوها ومرها ماتعرف الحزن ماتعرف غير الفرح .. تبي تنسى ريم وهبالها ومقالبها بخواتها واخوها وكيف بعض الأحيان تروعهم وتعيشهم الموقف جد وهو مقلب
تبي تنسى امها وابوها وطيبة قلوبهم وقلوبهم البيضا وحنانهم وعطفهم ودفئهم لعيالهم
تبي تنسى كل شئ يذكرها بأهلها بس الأول لما تتذكر اهلها تحس نفسها حزينه ومتضايقه ومشتاقه لهم لكن الحين لا تذكرت اهلها تنبسط ماتتذكر المواقف الحزينه تتذكر المواقف المضحكه بعز ضيقها عشان تفرفش نفسها
فهد ناظرها سرحانه وتفكر وعينها تلمع بشوق وفرح والإبتسامه الهادئه على خدها
فهد حرك يده قدام وجهها : ياهوووه
بشاير التفتت عليه وابتسمت : هلا
فهد : مين الي تفكرين فيه انا .؟
بشاير هزت راسها بالنفي : لا
فهد : اجل مييين سعيد الحظ الي بيشو تفكر فيه ..؟
بشاير تنهدت دلع بيشو ماتسمعه إلا من اخوها عبدالملك : بأهلي بهاجر وبمها وريم وعبدالملك وامي وابوي
فهد قال بضيقه : مشتاقه لهم ..؟
بشاير : اكيييد .. تدري كيف كانت حياتي معهم فرح وحب وهبال ودجه -لمعة عينها بحزن- اذكر هبالنا مع بنات خالتي وخالي ودجتنا وطلعاتنا للمول واستهبال على الناس ونومنا ببيت اهلي ومناقري مع مها وهاجر وريم وعبدالملك -تنهدت وعيونها لمعت بششوق واضح- مشتاقه لهم يافهد مششتاقه حيل احلى ايام حياتي لمتنا انا واهلي
فهد قال يطيب بخاطرها : وانا ..؟
بشاير ببتسامه عكس الشوق والحزن الي يلمع بعينها : انت كل حياتي .. لكن مين يعوضني بأهلي سته يافهد سته فقدتهم بيوم واحد ليتني مت معهم لييتني
فهد شهق : بسم الله عليك بشاير لاتفاولين على نفسك .. انا سبب وجودي بهالحياه وسعادتي هي انتي بالعكس المفروض تفرحي لأنك سبب في سعادة غيرك يابشاير
بشاير ابتسمت ورفعت يدينها وقالت وهي تدعي : يارب لا تحرمني من فرحة سنيني وبسمة ايامي .. يارب تخلي يا فهد ولا تحرمني منه يوم لا يغيب عني ثانيه او دقيقه او ساعه .. يارب ترحم اهلي وتسكنهم بفسيح جناتك يارب ياكريم .. يارب انت الوحيد الي عالم بعذابي يارب تجمعني مع اهلي وزوجي في جنات النعيم .. يارب تغفر لي على كل ذنب سويته يارب توفقني في حياتي يارب لفهد طولة العمر .. يارب انا مالي غيرك ياربي يارب استجيب دعائي
فهد ابتسم وهو يناظر شكل بشاير وهي تدعي وعيونها تلمع بالدموع
.........................
الساعه 10 الليل
لجين ضمة اسيل بلهفه : يمممه ماني مصدقه اكلمك الظهر والحين اشوفك قدامي لالا انا بحلم مو بعلم
قرصتها اسيل بقووه : هااه استوعبتي
لجين صرخت : آآآآآآآآآآآآآآه اسيل يدي
اسيل قوت بقرصتها : استوعبتي إني هنا
لجين : ايه ايه استوعبت
اسيل ابعدتها عنها : ههههههههههههههه
لجين رجعت تضمها وشوي وتبكي : وحشتيني حيييل اسيل
اسيل : لجين وششفيك مو اول مره انا اجي
لجين وهي تبكي : انا محد بهالدنيا يهمه شعوري كلن يجرحني بطعنه من جهه صديقاتي كلهم تركوني اهلي يوم عن يوم يهاوشوني والسبب اني ماطلع ولا اختلط بالناس وسبب حبسي بالبيت انخطبت اختي الصغيره وانا مانخطبت .. تغيرت تجبرت اغتريت واللكل كرهني ومايحبني حتى اقرب الناس لي واهلي عيال خالتي كلهم تغيروا علي ويعتبروني غريبه - وبصوت متقطع من البكي - وشهد اختي الصغيره شهد صارت تغتر علي بكلامها تتكلم عن رائد وانا ودي ابكي من القهر انا وش اسوي دام الحظ كله لأختي وش اسوي انا مو كبيره صح اسيل انا مو كبيره انا توني بأولى جامعه مو كبييره
اسيل رق قلبها لبنت خالتها لجين ماتدري ليه يقولون إنها مغروره ومتجبره وحقوده بالعكس تشوف الحزن يلمع بعينها ضمتها بقوه وقالت وهي تهديها : ماعليك يالجين لايهمك احد اذا صديقاتك تركوك في مليون بنات بالجامعه يتمنون نظره منك انتي بنت والنعم منك وتنحطين على الجرح يبرى واللكل يتمناك صديقه لها .. ماعليك من عيال خالتي الي تركوك انا بنت خالتك وماراح اتركك ... لجين لاتقولين على الحظ لكن رائد انتي بالله مثلاً تصلحين له انتي قريبه من عمره لكن الفرق بينه وبين شهد وااضح
لجين : بس اهلي يوم انا انخطبت قبل ريناد ماوافقوا مايبون يكسرون بخاطر ريناد ويوم الحين شهد انخطبت ماهتموا بمشاعري وش بيقولون الناس الكبيره اكيد فيها عيب دامهم زوجوا الصغيره قبل
اسيل : لجوون ماعليك من كلام اللكل .. خالتي قلبها طيب وصدقيني مو قصدها كذا وبالله يالجين كيف تقدر ترفض رائد وهو ولد اختها كييف صدقيني هي امك واحن إنسانه عليك
لجين : يمكن كلامك صدق
اسيل : مو يمكن إلا اكييد ماتقدر ترفض لأن ولد اختها .. وشهد إذا ماجات وعبرت لك عن فرحتها لمين تروح انتي اختها ومو قصدها شئ عاد شهوود طيوبه وعفويه ماينأخذ عليها كلام ولا ينزعل منها
لجين :..................
اسيل : لجوون يالله قومي نطلع هناك بسلم على خالتي يالله قومي ابتسمي بلييييز
لجين ابتسمت : توني عرفت معزتك وغلاتك بقلبي
اسيل : وهـ بس يابختي عندي ناس تعزني وتغليني
لجين : وانتي في احد مايعزك ويغليك
اسيل : يالله قومي نطلع للصاله
طلعوا لجين واسيل
الجده "منيره" بعصبيه : انتي وياها وش مجلسكم داخل -وجهة كلامها لأسيل- وانتي يالفاجره جايه من الكويت سيدا لبنت خالتك وانا جدتك حتى ماتلفتي لي
اسيل وهي تضحك : هههههههههه يمه منيره الله يهديك انا اقدر على زعلك وعصبيتك عاد .. بس وربي مانتبهت لك احسب الصاله فاضيه
الجده منيره : ايه عاد يوضح الأنوار مشغله كننا بعرس
اسيل تقدمت لجدتها وباست راسها ويدها : امسحيها بوجهي هالمره اسسفه
الجده منيره وجهة كلامها للجين : وانتي جماد مو جايه تسلمين
لجين ابتسمت وباست راس جدتها ويدها وجلسوا يسولفون معها وانقلبت عصبية الجده منيره لضحك وسوالف مع حقيداتها اسيل ولجين
...................
شوق وهي تلبس عباتها وتسكرها وتعدل الحجاب بطريقه مرتبه وانيقه واخذت شنطتها ماركة "قوتشي"
وطلعت من الغرفه الي حست بنفسها مخنوقه فيها
طلعت لبدر ومشت معه للسياره واهلها ركبوا مع رائد وتوجهوا لبيت اهلهم ككون هناك مجتمعين بسبب رجوع خالتهم ام نوره واسيل من الكويت بعد غياب 4 شهور
وصلوا لبيت اهلهم الكبير والفخم ونزلوا كلهم ودخلوا
دخلوا وسلموا بصوت عالي وتقدموا يسلمون على الخالات
ام نوره ضمة شوق : يافرحتي لبنت اختي شوق والله وكبرتي وحملتي
شوق : ههههههه الكبير يصغر ياخالتي
ام نوره : والله يوم خبرتني امك فرحت لك من قلب
شوق : تسلمين
تقدمت من ام فارس خالتها وسلمت عليها خالتها بكل برود وهي تناظرها بحسره
ام فارس : ( مهبول والله مهبول فارس ترك كل هالجمال والدلع وخلاها تروح لغيره كان الحين حامل من ولدي مو من ولد الناس .. مالت على هالحظ العاثر حتى ولدي يوم حصل على هالملاك طلقها غبي ومتهور )
ام نوره وهي توجه كلامها ساره : هاه ياساره متى إن شاء الله بتحملين ..؟
ساره حزت بخاطرها كلمة " متى بتحملين " لمعت عينها بحزن وارتسمت على شفايفها ابتسمه سخريه فيها شوبة حزن
ساره وهي تخفي ثورة الوجع الي تغلي بداخلها : مابي والله عيال ياخالتي
ام نوره : لييه ياحسره ومين مايبي العيال ..؟
ساره : انا مابيهم -والتفتت على شهد تسولف معها تضيع الموضوع تخاف تبكي وتنهار-
ساره كانت تبتسم وتضحك لما تشوف شهد تبتسم وتضحك وهي بالها مو معها مع الأطفال
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك