رواية تدري وش اللي يقلب فيني أوجاعي -65
راحوا لدورات المياه "الله يكرمكم" فسخت كل وحده منهم عبايتها كانت لجين لابسه تنوره حمرا ضيقه لنصف الفخذ وتيشرت ابيض وفيه ازارير بالأحمر وفيونكه حمرا ومن الاكمام باف وفيه كسرات وبعدها فيونكه حمرا وجزمه "الله يكرمكم" لونها ابيض وشعرها بارمته من الجهتين وفيونكه حمرا وبعدها ناعم على مموج ومنزله لها خصل على بشرتها
ومروى لابسه فستان بلون المانجو توب ضيق لنفذ الفخذ ومن ورى قماش يرجع لورى لما تمشي يطير شعرها فكتوريا فاتحته على بشرتها
ولمار لابسه تنوره لنصف الفخذ عنابيه وفيه فتحات على جنب وتيشرت رصاصي من فوق ضيق وورده فخمه وكبيره باللون العنابي وبعدها باف وفيه كسرات وشعرها عاملته كيرلي نازل
ووجدان لابسه تيشرت ابيض طايح على يديها نازل من على كتوفها وفيه رسمة بنت بالأسود وشورت اسود للركبه وشعرها مستشور ومن تحت مجعد
طلعوا للحفل وكل وحده مشتيتها تملأها الغرور ورافعين راسهم اخذوا لهم طاوله كانوا واقفين والكراسي مرتفعه مثل الأجانب جات المضيفه ووزعت عليهم موكا
جاتهم مصممة الأزياء وراعية الحفل "انوار"
انوار : مرحبا
التفتوا عليها البنات
انوار : كيف حالكم
اللكل : بخير
انوار : إن شاء الله عجبكم ا لحفل وراق لكم
وجدان : ايه الحفل مره راقي
لمار : ايه يجنن
لجين بتعالي وغرور : ايه حلوو
مروى ببتسامه : مره حلو مثل راعيته
انوار : رأيكم عن حفلي وتصميماتي يهمنا .. اهم شئ عجبكم يالله سلام
وراحت عنهم وهي تمشي بكل غرور وكبرياء وبيدها شنطتها الصغيره ماسكتها بيدها النحيفه البيضا
راحت للمسرح ومسكت المكريفون وقالت : حضوركم لحفل عرض الأزياء شرف لي ووسام على صدري والأن ستعرض الأزياء
الأضاءات والأنوار المختلفه توجهت للستاره المغطيه وبدوا يطلعون عارضات الأزياء وعيون الناس على الأزياء والتصميمات الأكثر من روعه
بعد ماخلصت الأزياء طلعت المصممه انوار واللكل صفق لها على التصميمات الروعه والأنيقه
لمار : خلاص بنات السايق يحترينا برا خلونا نطلع
وجدان : لا لمار بدري
لمار : ناظري بالساعه صارت 12 وش بدري خلونا نفلها بمطعم مرتب ونرجع لليت
مروى : من جد فكره مره حلو نتعشى بتشيلز ونتمشى ونرجع
لجين كانت ساكته وتستمع لهم
وجدان : وشرايك لجيين
لجين : عادي بس الأفضل نمشي لأن لو كذا بنتأخر والوقت تأخر صارت 12
وجدان : يالله اجل مشينا
لبسوا عباياتهم وتحجبو وركبوا سيارة السايق وراحوا لمطعم تشيلز يتعشون
دانه لابسه بلوزه كحليه على جسمها النحيف ومن الأكمام وسيعه حيل واكسسوار ثلجي وجينز ثلجي ضيق وشعرها متناثر على بشرتها السمرا المملوحه
طلعت للصاله وجلست بكنب بعيد عن سلطان الهادئ الأنطوائي وبعض الأحيان تشك فيه التوحد وتدخل بالنت عن التوحد وكيف تعالج هالمرض
دانه : سلطااان
سلطان التفتت عليها ولا تكلم ومعنى نظراته تكلمي .. دائماً كلامه بالعيون عيونه فاضحه كل كلامه
دانه : تصدق عاد مشتهيه اروح للبحر الجو بأخر الليل يكون جنان وشرايك نغير من هالروتين ونطلع
سلطان ناظر بساعته وناظرها معناها شفتي الساعه كم والوقت متأخر وماراح نطلع
دانه : ( ياويلي بيذبحني هالأنسان وربي لو مايتكلم هالحين بتوطى ببطنه ناس تتمنى تتكلم وهو مايتكلم اففف ..... هههههههههه خلني اجرب لفته واتكلم بعيوني )
ناظرت فيه وكان معنى كلامها إلا بلييز نبي نطلع لكن عيونها غرقت من كثير الضحك الي كانت كاتمته من نفسها والسخريه على حالته
انفجرت ضحك ونزلت دموعها من كثر الضحك وغطست عيونها تستغرب منه بعض الأحيان تعتبره مريض نفسياً تحس نفسها غبيه وماراح يفهم عليها بس هي كيف تفهم عليه
سلطان ناظرها وابتسم يدري إنها تتمسخر عليه بس هو مو مريض هو طبعه هادئ مايحب يتكلم كثير
دانه : اقول بس ادخل غرفتي أزين لي لايجيني شئ منك
ووقفت ومرت جمبه بتروح الغرفه وسلطان مسكها من ايدها ووسع لها تجلس جمبه
سلطان : دانه دوم تتضايقين من طريقة كلامي وهو بالعيون ودوم تتضايقين لأني هادئ لكن هذا طبعي وانا ماقدر اغيره مثل مانتي طبعك راعية هذره
دانه : بس انت كلمتين على بعضهم ماتقوليهم قلنا هدوء بس مو كذا
سلطان : انا هدوء غير عاد
دانه : افففف
سلطان : خلاص حبيبتي لاتتضايقين لو تبين اغيره بغيره لعيونك انتي وبس
دانه ابتسمت بنعومه رغم كذا ورغم هدوءه وتضايقها منه كثيير لكن تحبه بشكل كبييير
.......................................
في اليوم الثانيه .. الساعه 4 العصر
بالحديقه دلال تلعب ولدها وتطيره للهوا وتمسكه بيدينها وهو يضحك ببراءه وطفوله
مشاري فقد هالحب والحنان من امه دلال والحين عوضته بكل شئ وعلمته كلمة الله ماتبي اول كلمه على السانه ماما او بابا تبي اول كلمه على لسانه اسم الله
راكان جاء من وراها وسحب مشاري من يدها : لو يطيح الحين
دلال : لو يطيح انا قبله اطيح
راكان : وانا قبلك اطيح
دلال ابتسمت : اماا عاد وش هالطياح الي عند الباب
راكان دار بمشاري بالهوا ومن جد طاح اهو على الأرض من كثر مادار راسه وفوقه طاح مشاري وصار يبكي
دلال : مشااااااااااااااااااااري
راكان كان مثل السكران من كثر الدوران طاح على الأرض راسه يدور
دلال اخذت مشاري وصرت تمسك راسه وتقرى عليه لحد ماهدى وسكت من البكي وانحنت لعند راكان
دلال : الله يهديك شفت كيف الحين لو اني اطيره بالهوا أزين من إنك تدور فيه وتطيحون اثنينكم
راكان وقفت وابتسم : حبيت العبه مادريت إني بطيح
دلال : طيب يالله قوم خلنا ندخل
راكان : يالله
...............................
شهد الإنسانه الحالمه الطموحه الي تسعى بأي طريقه لتحقيق أحلامها
تقرى بالنت عن علم النفس وتهتم بعلم النفس طموحه بشكل خيالي عندها طموح وحلم إنها تكون دكتورة علم نفس
تتواصل مع ناس بعلم النفس وناويه بتروح الرياض الرياض تتخصص علم نفس بالرياض
كانت تتصفح بالنت الألوان في علم النفس قرت كل الألوان وهي تعشق اللون الفيروزي والأحمر الفيروزي ماطلع لها
اما الأحمر هو : لون الطاقة والحيوية إذ يتمتع الأشخاص اللذين يفضلونه بالنشاط والحيوية والديناميكية والشجاعة والحساسية الشديدة وهم يهتمون بالجانب الحسي أكثر من اهتمامهم بالجانب المعنوي.
أما بالنسبة للصحة فيؤثر اللون الأحمر تأثيرا إيجابيا على الأكزيما والحروق والأعضاء التناسلية وينشط عمل المثانة ولكن يجب الحذر من هذا اللون إذا كان عند الشخص استعداد للإصابة بارتفاع ضغط الدم، أو كان سريع الانفعال.
شهد تنهدت بحماس متى تتخرج من الجامعه وتكون دكتورة علم نفس وتسأل الناس وش اسمك وش لونك المفضل وبمجرد اشياء بسيطه بمجرد كتابتك اسلوبك اسمك توقيعك لونك المفضل تعرف كل شئ عنك
نزلت تحت وكانت عندهم خالتهم ام فيصل دخلت داخل وهي لابسه شورت اسود ضيق لتحت الركبه وتيشرت ابيض فيه رسمة بنت انمي كيوت بالأسود وشعرها مسويته باف نازل ومنزله لها خصل
دخلت الصاله وسلمت على خالتها وباست راسها وجلست جمب امها
ام فيصل ببتسامه : شخبارك شهد ..؟
شهد ببتسامه : الحمدلله بخير وانتي خالتي كيفك شخبارك وشخبار را - سكتت بخجل وارتباك لأنها كانت بتنطق اسمه -
ام فيصل : الحمدلله بخير ورائد بخير
شهد نزلت راسها وخدودها انقلبت حمرااا من الخجل ودها تبكي لأنها غلطت وخالتها فهمت عليها وردت تمنت بهاللحظه لسانها انقطع ولا انطقت بأسمه
ام فيصل : وش هالخجل انا خالتك
شهد برجا ( بليييييييييييييييز خالتي اسكتي وربي كذا مقدر احس إني بذوب خالتي سكتي لاتقولين شئ اكثر )
ام فارس ابتسمت : والله بنات هالأيام خجولين وخاصتا شهد خجوله مع مرتبة الشرف
شهد : ( يااربي ياكرهي لما يكون الحديث عني -- خلني بس اغير الموضوع ) خالتي ليه ماجاوا البنات
ام فيصل : والله تعرفين مشغولين اروى ومشغوله مع تحضيرات المدرسه وشوق والله تعرفين الزواج والمسؤليه وكذا وساره وكذلك
شهد : ايه والله تمنيت ساره بالذات تجي استهبل معها شوي وحشتني حتى بالسكول ماشوفها
ام فيصل : خلاص ولا يهمك اقولها شهد تعاتبك
شهد : لا ماعاتبها بس زعلانه عليها حتى سلام ماتقولي
ام فيصل : افاا والله ولايهمك يامرة ولدي لأخليها تجي وتسلم عليك كل دقيقه
شهد ابتسمت بخجل ونزلت راسها
......................................
اريج جلست من النوم وناظرت ببنتها شموخ النائمه بكل عفويه وبراءه واشواق هذي حالتها مقابلتها وتناظرها
اريج : اشواق
اشواق ابتسمت : ماما صحيتي
اريج تحس لما اشواق تنطق كلمة ماما تحس إنها مالكه الكون : عيون ماما
اشواق راحت لأريج وباست راسها وخدها : صباح الخير ماما
اريج باستها وحطت ايدها على شعر اشواق : صباح النور .. شوقتي وين بابا
اشواق بتفكير هزت كتوفها : اممم مادري
اريج : طيب تبين تروحين السوبر ماركت
اشواق ببتسامه : يس
اريج ابتسمت لها : يس وحركات مين معلمك يس ..؟
اشواق : المدرسه علمتني يس و نو وثانكيو وهواريو وفاين
اريج : طيب هواريو شوقتي
اشواق ببتسامه طفوليه : فاين ثانكيو هواريو مذر
اريج ضمتها وهي تضحك لبراءتها : حبيبتي والله انتي
وقفت ومسكت يدها وطلعوا برا
اريج : وش تبين نعمل اكله
اشواق : نو ماما انتي قايله سوبر ماركت نروح
اريج : لا حياتي بعدين السوبر ماركت الحين نتغدى
اشواق هزت راسها بأعتراض ونفي : لااااا ماما نبي السوبر مارك
اريج نزلت لمستواها وحطت ادها على خدها بنعومه وفرصتها على خفيف : نعمل غدا انا وانتي وبعدين نروح السوبر ماركت خلاص لاتعانديني
اشواق : طيب
اريج سمعت صوت بكاء شموخ العالي تركت الطبخ وقالت لأشواق : شوقو انتبهي للأكل وطلعي المعكرونه وحطيها على الطاوله اوكي حبيبتي
اشواق ببتسامه هزت راسها : اوكي
اريج راحت غرفتها واخذت شموخ ورفعتها بيدها وباستها : حياتو والله شموخ صحيتي
شموخ ناظرت بامها وهي تلعب بالعقد الي لابسته
اريج ناظرت بعقدها وضمة بنتها : قلبو شموخ الحين وين اوديك انا ابي اطبخ تجلسين مع اختك اشواق وانا اطبخ طيب شموختي
شموخ ماكانت تدرس عن السالفه تتبسم وتلعب بالعقد حق امها
راحت للمطبخ ونادت اشواق : شوقو اجلسي مع شموخ وانا بطبخ اوكي
اشواق : إن شاء الله ماما
اخذت شموخ من ايد امها وجلست جمبها بالصاله تلعبها دخل ريان البيت وناظر ببناته بحب وحنان
جلس جمبهم وباسهم : كيف حبيبتي اشواق
اشواق ببتسامه وهي تفرد اصابعها ببراءه : فاين ثانكيو هواريو فذر
ريان ابتسم لأشواق يوم عن يوم بنته تتفوق بالأنجليزي وهو مبسوط : فاين ثانكيو
اشواق : امممم بابا
ريان : هلا
اشواق : ليه خالتو منال تقول لشموخ بنت اختي وانا خالتك وانا ماتقول لي
ريان : لأن اهي توها جديده وانتي خلاص من زمان جيتي
اشواق بزعل : لا مره خالتو منال قالت لي انتي مو بنت اختي انتي بنت ابوك
ريان بعصبيه : لا هي مو قصدها وإذا قالت لك لاتهتمين طيب
اشواق : إن شاء الله
ريان راح المطبخ لأريج وقال بحزم : اختك منال هذي ليه تقول لبنتي انتي مو بنت اختي ولا انا بخالتك
اريج التفتت له وطاح كاس المويه من ايدها : لا والله ماتقول كذا بنتك كذابه << اهي الكذابه تدري عن اختها إنها تقول هالكلام وتقول اكثر لأشواق بس هي تتهاوش معها ومنال تزيد بالكلام
ريان : لا بنتي ماتكذب
اريج : لا اختي ماتقول كذا بالعكس تحبها ودوم تبيها تنام ببيتهم
ريان : اريج اشواق اعتبريها مثل بنتك وهي امانه برقبتك مثل ماشموخ امانه برقبتك اوكي
اريج : اوكي
ريان طلع من المطبخ واريج بقت وهي ناويتها على اختها لأنها ماتتوقع اشواق تقول لأبوها
..................................
منال تتمشى بالحديقه وبداخل قلبها انات وونات واهات كاتمتها
تبين الحب والسعاده تبين الصدق والوفا تبين الحب والحنان لكن بداخلها حقد وحسد بداخلها جفا وجمود بداخلها كره وغرور بداخلها قسى للبشر
عبدالعزيز صورته تمر بذاكرتها تشتاق له وتذكر تصرفاته وتكرهه متناقضه ماتفهم لنفسها
ماهي قادره تبرر موقفها ماهي قادره تفهم مشاعرها تحبه ولا تكرهه تبين الكرهه لكن بداخلها اشتياق
وش اصعب من وحده تزوجة واحد عاشت معه بالحلوه والمره عاشت معه على الحب والحنان عاشت معه على الألفه والموده وبكالمه بنت انهدم كل شئ
وين الحب وين الحنان وين الألفه وين الموده وين حبه لها كله تلاشى وراح صارت تحس بالكون من بعده سواد
والحزن صار يفرض نفسه عليها كابرت وقست كابرت وقست وقالت اقوى ثم اثوى ثم اقوى واخرها انهارت وبكت
النار الي بقلبها تشتعل ودها تشوفه وتركض له وتضمه وتشكي له عن قلب ماليه بغلاته تشكي له عن قلبه هو نبضه ماسكنه غيره
دخل عليها اخوها سامي وغمض عيونها من وراها
منال لفت له مابتسمت بس طاحت عينها بعينه هو الوحيد بالبيت تفضفض له لكنه مايحس مثل ماتحس لو اشتكت لبنت ممكن تحس لأن البنت والبنت نفس المشاعر لكنه ولد مشاعره تختلف عن مشاعر البنت حبه للبنت فيه كبرياء وغرور مايبينه يحترم رغبة كبرياءه لكن البنت للحب ضعيفه ويعميها وماتخلي شئ بقلبها
سامي : منال وشفيك ..؟
منال صدت وعطته ظهرها وناظرت بالشلال والماء خانتها مشاعرها وغرقت عينها بالدموع
قلبها رهيف مايتحمل كل هالشوق تنام وتصحى وتدعي إنها تنساه لكن الحب اكبر من إنها تنساه ولو نسته فهي تتناساه
سامي لفها لوجهه وكان بيتكلم لكن جمدته دموع اخته مسح دموعها بحنيه : لاتبكين وانا اخوك دموعك غاليه إذا تبينه والله لأخليه يجي ويبوس رجولك عشان ترجعين له
منال : ابيه واحبه وش اسوي ابي اعيش مثل خواتي زوجي يحبني ويدلعني واحمل واجيب بنت او ولد يسموني ماما الناس وش تقول الصغار متزوجين والكبيره مطلقه ماتزوجة انا كلام الناس تعبني والله تعبني طعنه ورى طعنه طعنه ورى طعنه قلبي الرهيف ياسامي مايتحمل هالكلام
سامي : ماعليك اسمعي من أذن وطلعي من الأذن الثانيه
منال : هذا الي قلبه من حجر مايهزه شئ لكن انا قلبي رهيف ماقدر اسمع من هنا واطلع من هنا
سامي : منال انا اخوك ماراح اتزوج إلا لما تتزوجين هاه وشعندك بعد
منال : إذا على كذا بتم عازب طول عمرك وش يبون الناس بوحده مطلقه لو مطلق كان تزوج له وحده بنت وملاك بس مطلقه مايتزوجها إلا مطلق مادري ليه المجتمع كذا يفرق بين البنت والولد والمطلق والمطلقه المطلقه العيب فيها والمطلق العيب في مرته ماصانته لا حافظة على زوجها
غدير تتمشى بالحديقه وبيدها كبتشينو تشربه وتدور بالحديقه وهي سرحانه وتفكر
قطع عليها حبل افكارها صوت الباب الي انفتح وروعها وصوت الضحكات العاليه الجايه
..
بسام بصوت عالي مايدري إن احد هنا : هههههههههههههههههههههههههههههههه حبيبتي والله انتي
: دووم الضحكه قلبو
بسام تنهد : آآآه ويلوموني ليه احبك انا اصلاً لاسمعت صوتك اطير فووق فووق لسابع سما
بمياعه ودلع : يالبى والله كلك
..
غدير بخطوات ثابته وسريعه راحت له وسحبت الجوال منه وحطته بأذنها
غدير بصوت عالي : يالحيوانه يالحقييييره منو انتي يالتبن
الخط الثاني .. طوووط طوووووط طووووووط
غدير مسكت الجوال بيدها وكف قوي انطبع على خد بسام
بسام حط ايده على مكان الكف : ماني ببزر تضربيني
غدير بصراخ : إلا بزر وبزر بعد الي بكبرك يعرف الصح من الغلط الي بكبرك يعين اهله بكل شئ الي بكبرك مايسود وجه أهله ويحافظ على شرفهم
بسام بصوت اعلى : مو انتي يالمريضه نفسياً تجين تحاسبيني
غدير : إلا احاسبك واحاسب امثالك بعد
بسام : لا والله مانتي بأبوي ولا بأمي عشان تحاسبيني
غدير بصوت عالي وبعصبيه : انا اختك ولي حق احاسبك مثل ما الأخو يحاسب اخته الأخت تحاسب اخوها ولا بس انتوا يالرجال تستقون على الحريم لأنهم ضعاف وتحسبونا مانقدر نحاسبكم إلا لا شفنا الغلط وبعيوننا وبأذاننا نسمعه بحاسبك
بسام : روحي زييين متعالجه عند دكتوره نفسيه وجايه تسمعين الكورسات الي معطتك اياها عندي يالله فارقي بس فارقي والله وطلع لك لسان
غدير صرخت : لاتحسب نفسك كبير تراك بزر بتفكيرك بعقلك فقدت الحنان ولجأت للطريق الغلط تدري إنك واحد طايش
بسام بسخريه وهو يتكتف : لا والله توني ادري
غدير : لاتخاف مننا خاف من الي فوقك خاف من الي اعلى مننا خاف من رب العالمين يوم الحساب لما يحاسبك وش بتقول له بتتكتف وتتكلم بهالسخريه بترادده عاد بذاك الوقت ماينفع لا الصوت ولا الفوت ولا انا ولا الي تكلمها بننفعك
بسام سكت دوم تخطر هالفكره وتجمده يحاول يترك هالطريق لكن يحس نفسه عشقه
غدير هزته من كتوفه : بسام اصحى اصحى انا اختك غدير غلطت مثل غلطتك لكن تبت انا جربت الي جربته انا ماقدرت اترك هالطريق لأني حسيت نفسي عشقته لكن بالعزم والإراده تركته كون مثلي بسام كون مثلي انا اختك مجربه الي جربته لايحصل لك شئ تندم عليه لاتحسب بتسرح وتمرح وبتسوي الي تبي بدون عقاب وجزاء الي تسويه
بسام : غدير والي يرحم والديك فكيني خليني اروح لاتعطيني من محاضراتك بليييز
غدير صرخت : والله ثم والله ثم والله وثلثتها يابسام لو ماتترك الطريق الي مشيت فيه لأفضحك واخليك تندم من جد
بسام : روحي فضحيني محد ماسكك
غدير ناظرت بجواله الآي فون الي يكلم فيه بنات الخراب ورمته بالأرض بكل قوتها وداسته برجلها بقوه
غدير : والكلب الي تكلم فيه الكلابه وكسرته والسياره الي توديك لهم باخذها
وسحبت منه مفتاح السياره ودخلت لداخل وبسام مصدوم معصب خايف متوتر مرتبك مو قادر يعبر واقف بمكانه مثل الجماد خلاص شرفه بيد اخته بتنطق بكلمه بينفضح بتسكت زين على زين
طلع من البيت وناظر بالشارع بسيارته كيف يركبها والمفتاح عندها صار يمشي بالرصيف للبحر الي مو بعيد عن بيتهم
........
غدير جلست بغرفتها وناظرت بمفتاح السياره وحطته على الكوميدينه
اخوها يكرر الغلطه الي هي عملتها اخوها يكرر دمار حياتها وهي مو قادره تسوي شئ غير تعاقبه
ماتقدر تنطق بكلمه ماتبي تفضحه لأن تعرف امها ماترحم وبتحفل فيه الأرض
دخلت ديما غرفتها وقالت وهي متخصره : ليه جالسه هنا ..؟
غدير ناظرت فيها وناظرت بالبلكونه : كيفي
ديما : مالت علييك وانا الي صاعده لك لفوق ابي اسولف معك كذا تردين علي
غدير : بليز ديما ماني رايقه لهذرتك
ديما جلست جمبها بالسرير : غدير وشفيك ..؟
غدير : مافيني شئ انتي تشوفين فيني شئ
ديما : لا بس مدري ليه كذا عصبتي ومتنرفزه لكل شئ سبب
غدير : وبعض الأحيان بدون سبب
ديما : وش سويتي مع الدكتوره خلصتي معها ولا بتستمرين
غدير : ايوه بستمر لأن انا مو لهناك اقوى كم شهر وبعدها ارجع مثل ما انا
ديما : اهاا احسن لك
غدير : ديما انا قويت
ديما : عن قبل بكثير قويتي
غدير ابتسمت : من جد
ديما : لا من عم ايوه من جد قويت وحييل بعد .. طيب يالله قومي نزلي تحت لميس وسعود
غدير : لا مابي
ديما : لييه
غدير : احس لميس تتمسخر علي بنظراتها إني اتعالج عند دكتوره نفسيه
ديما : غدير لايكثر بس هي ماتدري
غدير التفتت عليها : ماتدري ..؟ غريبه نشرة الأخبار امي ماقالت لها
ديما : هههههههههههه لا ماقالت لها
غدير : طيب انزلي انتي وانا بعدك انزل
ديما : اوكي
طلعت ديما وغدير كانت تجاملها وبالها مع بسام وش صار له وين راح بغرفته ولا طلع .. طلع هالفكره جات ببالها خافت طلع وصار له شئ
وبسرعه وقفت وراحت لغرفته مالقته من جد وقفت نبضات قلبها لو يصير له شئ هي السبب الضعف والطيبه رجعت لها غلطان وهي الخايفه وتغطي عليه نزلت تحت وهي مثل الهبله تركض
غدير بصوت عالي ممتلي خوف : وين بسام ..؟
اللكل التفت عليها : وشفيك ..؟
غدير صرخت : وين بسااااااام
وصارت تدور بالبيت عنه طلع برا الحديقه تدور بسام جلست بالأرض جمب الباب متكوره وتحتريه خايفه صار له شئ
سعود طلع لها وقال : غدير شفيك
غدير وقفت وقالت بنبره مليانه رجا : تكفى دور على بسام تكفى بدون ليه وما ليه
سعود : وشصاير غدير فهميني
غدير : قلت لك دوره بدون ليه تكفى وتكفى تهز الرجاجيل
سعود : طيب طيب
..................................
شوق جالسه على الكنب وحاطه ايدها الطويله النحيفه على بطنها وتتحسسه وهي مبتسمه
كثيير تمنت تكون ام وتسمع كلمة ماما ابتسمت تتخيل شكل بنتها صغنونه ودبدوبه وتنطق بطفوله وبراءه ماما
ابتسمت بحماس وفرح متى بتطلع وتضمها بأحضانها والله لتعيشها احلى عيشه وبتدلعها
ماراح تعيشها بالي عاشته والعذاب الي مرت فيه بتعيشها حياه غييير غيير بتعيشها بين العز والدلع بتعيشها بين الفرح والإبتسامه بتعيشها بين الحب والحنان والدفئ بتعيشها عيشه يحلم فيها كل طفل وطفله
..
تررن ترررن تررررن تررررررن
شوق وقفت وهي تمسك ظهرها بيدها وراحت للتلفون ورفعته
شوق : الوو
:..................
شوق : الو مين معي ..؟
:........................
شوق : الوووو
:.................................
سكرت الخط وهي تتأفف من الناس الغثه الي مثل كذا واستمر بالدق ولا كانت ترد وقفت وردت بعصبيه
شوق : الوووو
:..............................
شوق : والله ثم والله لو تدقون مره ثانيه لأحفل فيكم الأرض
وسكرت الخط
...
فارس سكر السماعه وابتسم بألم مشتاق لصوتها مشتاق لعصبيتها مشتاق لأبتسامتها مشتاق لطيفها مشتاق لكل شئ فيها
هو طلقها هو الغلط منه هو تسرع وسمع كلام عمر وندم الحين وماعاد ينفع الندم شوق تزوجة وحامل
هو ماتحملها لما انسحرت مرتين لكن بدر تحملها وعالجها هو غلطان ايوه غلطان
هو قصر بحق زوجته وهي ماقصرت معه هي عطته قلبه وروحها وحياتها كلها سلمتها إياه لكن هو واثق
إنها له وكان يلعب فيها مثل الكره بملعبه ويلعب فيها وطلعها من الملعب برجله
رمى راسه على الجدار وتنهد بضيقه
................................
في السوبر ماركت
اشواق كانت معبيه السله كلها شوكلاتات تتكون من [ كوكيز , ماكنتوش , اولكر , اوريو , باونتي , كيندر , سنيكرس , تويكس , جالكسي , مالتيزر , مارس , فليك ] ووآلخ
اخذت الي تحبه والي ماتحبه المهم تعبي السله
اريج جات لها وقالت : اشواق حبيبتي كيف كذا اخذتي كل الي بالسوبر ماركت
اشواق : ايه انا جوعانه
اريج هزت راسها : بعدين تتعبين ونعطيك دواء بدال الشوكلاتات
اشواق : لا لا ماراح اكلهم كلهم بخليهم سنه
اريج : نششوف إذا خليتيهم يوم واحد ماكون انا اريج
اشواق : لا بخليهم سنه وبعدين ماراح تكونين اريج بتكونين مين ..؟
اريج ابتسمت لغباء وعفوية اشواق وقالت : بكون اشواق
اشواق هزت راسها بنفي : لاااااا كيف انا اسمي اشواق ام وبنتها اسمهم اشواق
ريان كان جاي وسمعها تقول "ام وبنتها اسمهم اشواق" ابتسم بألم بنته كبرت وصارت تفهم واخر شئ بتعرف هي بنت مين ومين اريج
حاسبوا وطلعوا من السوبر ماركت وهو يتمشون بشوارع الخبر والبحر على يمينهم
اشواق فاتحه النافذه ومطلعه ايدها ووجهها من النافذه والهواء يطير شعرها وهي مبتسمه بفرح
ريان : ماما اشواق دخلي راسك
اشواق : لا بابا ونااسه
ريان : حبيبتي اشواق قلت لك سكري النافذه بعدين تطيحين
اشواق : هههههههههههههههههههههههههه
ريان : وشفيك تضحكين ..؟
اشواق : تقول اطيح انا كبيره ماطيح
ريان : طيب يالكبيره سكري النافذه
اشواق سكرت النافذه وقالت : انا كبيره سكرت النافذه
ريان : ايه كبيره
.................................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك