رواية تدري وش اللي يقلب فيني أوجاعي -62
لمى سحبت يدها من امها : ماما شوفي هذي القليلة الأدب تسبني وتحفل فيني الأرض
ام لمى : خلاص لمى تعالي معي بلاها مشاكل
لميس : شوفي عمتي إذا ماربيتي بنتك انا بربيها بنفسي .. مفتخره فيها على ايش على الأدب ولا الأخلاق ولا الشطاره ولا الأحترام بنت فاجره وقليلة ادب ولا بمحترمه بس اللهم نعومه وياليت جمال بعد
ام لمى طبعت كف قوي على خد لميس جمد البنات
منال : عمتي الله يهديك بلاها هواش اخذي بنتك وروحي
ام لمى : بنتي ماتربت يالحيوانه انا بنتي ماتربت إلا والله انتي الي ماتربيتي انا الي بربيك بنفسي
ومثل الوحش هجمت على لميس وشدت شعرها بقوه والناس تجمعوا حولهم ولميس تصارخ وتبكي والبنات يحاولون يبعدون عمتهم وام سامي جات تشوف بنتها وش صاير لها اخترب العرس واندمر والسبب لمى المغروره
لمى مبتسمه بأنتصار وتبتسم وتتضحك على اساس تشوف مسرحيه قدامها مو هواش وطق
ام سامي صرخت بقوه : خلااااااااااااااااااااااااااااااااااااااااص
ام لمى بعد ماعطت لميس ضرب مو صاحي ابعدت عنها وقالت : الحين ربيتك
وسحبت بنتها وراحوا لبرا وهم ناوين يطلعون من القاعه وتمنوا ماجاوا بس لمى فرحت إنها جات وشافت عرس الي تكرهها يخترب والسبب هي تحس بنشوة أنتصار تسري بجسمها مو صاحيه فرحانه بتنشر خبرها بكل شئ حتى بالنت بتنشره من الحقد الي بقلبها
ام سامي موجهه كلامها للناس : خلاص روحوا مسرحيه تناظرون العرس انتهى روحوا
الحريم كل وحده مشت وتجمعوا عند البوابه بيطلعون لأن العرس اخترب
لميس متكوره وهي تبكي وشعرها صاير كشه ومتبهذله وحالتها حاله واللكل يناظرها بشفقه
ارجوان ضمة لميس : بس خلاص لاتبكين عشان هالحيوانه
لميس وهي تبكي : ارجواان .. خربوا ليلة عمري خربوا عرسي كيف بروح لسعود وانا بهالحاله ناظرتني بوجهي ناظرتي بالكدمات الي فيني وجهي مضرب ومنتفخ من هالحيوانه الي اسمها عمتي الا والله حمارتي مو عمتي
ارجوان : بس خلاص لميس
ام سامي : ياقلبي عليك يابنتي ليلة عمرك وانهدمت والله لأرد كرامتك منهم هالحقيرين
لميس ارتمت بأحضان بنتها وهي ترتجف وتبكي والبنات يناظرونها بشفقه
حنين ناظرت بربى وهي ودها تبكي مع لميس الي بكاءها الي مايبكي يبكي
اريج جلست جمبها ومسكت يدها : بنقول لأبوي وانتي دلوعته صدقيني بيحفل بعمتي
لميس : ابوي طيب مستحيل يسوي الي سوته
اريج : صدقيني اهو اخوها وهو ولي امرها لأن ماعندها لا زوج ولا ولد صدقيني بننتقم منها
لميس بكت اكثر : يممه ليلة عمري اختربت
كل ماتتذكر إن اليوم زواجها وانقلب لعزا تبكي اكثر وبحسره العرس الي جهزت له وتعبت ينهدم وين التعب الي سوته بالمولات والمصممات والبوتيكات والصالونات بس عشان تلقى ملابس وفساتين لزواجها الي اخترب
...........................
شوق بالصاله متمدده على الكنب وبيدها الكنترول تغير القنوات بطفش رمت الكنترول وصرخت : طفششش
اروى : عادي هذي حالتي انا كل يوم ماعمري تضجرت
شوق : بس انا ماتعودت على كذا دقي على رئود يطلعنا
اروى : احلفي انتي بس هذا التلفون وجمبك ارفعيه ودقي عليه
شوق : افففف انتي بس حضري لهالمدرسه كنها بتطير
وراحت للتلفون ورفعته ودقت على رائد قالها اهو مشغول وبعيد
وسكرت بطفش : اووه محد بيطلعنا يعني نجلس بهالبيت كيف يعني
اروى : ايه مالك إلا البيت
شوق ضربت الأرض بعصبيه : حلوه هذي نجلس بالبيت بطلع يعني بطلع
اروى : ومين بيطلعك إن شاء الله
شوق : قومي نطلع مع السايق
اروى : ابوي قايل السايق للمشواير مو للتمشيه
شوق : عادي يودينا الواجهه البحريه او الكورنيش ويودينا فرايديز نتعشى عادي مشاوير
اروى : شوق يرحم امك اسكتي تراني ماني فاضيه لك واصلاً حتى لو رضى رائد يطلعك انا ماني طالعه مشغوله
شوق : افففف
ودخلت المطبخ وقررت تعمل حلا المالتيزر بدال هالطفش
طلعت المقادير :
بسكويت اوريو , كرتون كيك يمامه بالفانيلا , كوب حليب سائل , كوب حليب بودره , ملاعق زبده ذائبه , قشطه , اكياس شوكلاته مالتيزر , علبة حليب مركز , قطعة جبن كيري , قليل من القهوه الفوريه , قليل من الهرشي
وبدت تعمل الحلا ومرت ساعتين كامله خلص الحلا وطلعته وحطته بالفريز عشان مايميع
طلعت للصاله وهي مبتسمه تحس نفسها غير تغيرت كثير صارت فله ونشيطه تغيرت تحاول تتناسى فارس تبي تنساه
اروى : وين رحتي
شوق : عملت حلا مالتيزي اذا تبينه بالفريز
اروى : لا خلصت شغلي وتحضيري اخذت لي
شوق طلعت برا للحديقه وناظرت بالشلال الفخم وجمبه قفص كبير فيه طيور خمسه واحد ازرق والثاني اصفر والثالث ابيض والرابع اسود والخامس برتقالي وكانت اشكالهم حلوه وحوض كبير فيه ورود واشكال رهيبه فيه اسماك تقريباً 20 سمكه كبار ووسط وصغار شكلهم حلو وقفص فيه بغباء لونه اخضر فاقع لونه حلو مميز
شوق جلست على العشب وهي تناظر بالطيور والسمك والبغباء والشلالات
شوق : بكره بأذن الله بداوم بالجامعه خلاص انا صرتي عازبه مايحكرني لا زواج ولا شئ الله ايام حبس فارس لي - هزت راسها بقوه لأن اسم فارس انطق تبي تنساه ماتبي له وجود بحياته تبيه ينعدم - بيغير من روتين حياتي بكون نشيطه ودجه وهبال مع صحباتي جوري ورنيم وروان ولو ملاك بنت خالي ماتزوجت خييو ووقفت قيد كان دجه بقوه معها ومع لجين الله ايام حلوه وربي ماتنسي ياحلاة جمعتنا وهبالنا قروبنا معروف بالجامعه الله لايحرمني منهم ولا يفرقنا
رن جرس الباب وراحت وهي تمشي ببطيئ فتحت الباب
شوق بققت عيونها : فارس
:.............
شوق بعصبيه : نعم خير ليه جاي .. جاي تتمشت ولا تبارك لي بطلاقي اكرهك اكرهك روح خلاص ابي انساك ليه لازم تفرض نفسك علي خلاص ياخي افهم انا ماحبك اكرهك ليه جاي وش تبي من متى وانت تزورنا ولا متحسف إنك طلقتني
غرقت عينها بالدموع وهي تتكلم وسكرت الباب بوجهه بقوه
رن الباب اكثر واكثر وفتحت الباب بعصبيه : نعم خيير روح خلاص
رائد ضربها على خدها : انتي هييه وشفيك
شوق بتفهي : رائد
رائد : وشفيك .. لهالدرجه فارس ماخذ عقلك تحسبيني فارس
شوق : الي مساعه انت مو فارس انت الي سكرت بوجهك
رائد : ايه انا
شوق بأرتباك : لـ..ا.. بس انا احسبك فارس
رائد : انا ادري أنك للحين تحبينه بس تخفين هالشئ وتكابرين بس صدقيني بتنكسرين
ودخل داخل وتكرها وشوق بكت وراحت للحديقه جلست بالعشب وهي تبكي
اكتشفت إنها تحبه بس تخفي هالشئ وتكابر وتحاول تكرهه وتحس نفسها تكرهه لكن اهي تحبه .. وصارت تناظر كل الرجال فارس لأن اهو بنظرها كل الرجال وفارسهم واكملهم
.....................
شجون طلعت لها عشقها وحبيبها المارس مع الكولا وجلست بالصاله تاكلهم بتلذذ
طلع ياسر من الغرفه وريحة عطره الرهيبه ملت الصاله
شجون غطت انفها بالمنديل بطريقه راقيه وهي منقرفه من ريحته
ياسر : وشفيك
شجون : وااي ياسر وش هالريحه تجيب القرف
ياسر : ريحتي تجيب القرف افاااا
شجون : بليييز اطلع ماني قادره اتحمل اففف
ياسر : ههههههههههههه طيب طيب
طلع ياسر من البيت وشجون نزلت المنديل من انفها وهي متقرفه من ريحته الي للحين صابغه بالصاله
شجون وقفت وجابت ملطف الجو ولطفت الريحه صارت تنام بالصاله ماتشتهيه << لا تلومونها الحمل ومايسوي
دقت على بشاير بعد رنتين ردت
شجون : هاي
بشاير : ياهلا والله بشوجي حياتو
شجون : ياهلا فيك
بشاير : هاه بشري شمسويه مع الحمل والتوأم الثلاث
شجون : افف اسكتي تعب وربي
بشاير : ايه اكيد دامهم ثلاث .. الا قولي وش ببطنك
شجون : والله انا حللت امس وقالي صرتي بالشهر الرابع وبينوا إنهم بنتين وولد
بشاير : حلوو .. وش ناويه تسمينهم
شجون : دورت بالنت اسماء عجبني راما وكادي ومالك .. وشرايك ..؟
بشاير : ايه حلو وشرايك بأسم إيلاف
شجون : لالا عاجبني راما وكادي ومالك
بشاير : عيالك وكيفك ... إلا قولي كلمتي سديم
شجون : لاوالله تعبانه
بشاير : اهااا تقول تحس بصداع براسها من يومين
شجون : سلامات وشفيها
بشاير : والله مدري حللت ويقولون سووا لها اشعه مغنايسيه وبتطلع التحاليل بكره
شجون : يوه ليكون فيها شئ والله ماكلمتها لي فتره
بشاير : والله انا امس مكلمتها تقول صداع ذبحني براسي كله احس راسي يدور
شجون : ياخوفي يكون في البنت شئ .. طيب بيشو الحين انا بسكر بكلمها
بشاير : اوكي وأي جديد غير الي قلت لك قولي لي
شجون : اوكي يالله باي
سكرت بشاير من شجون واتصلت على بيت اهل سديم وردت اختها "حلا"
حلا : الوو
شجون : هلا حلوي
حلا : ياهلا والله .. مين ماعرفتك .؟
شجون : انا شجون صاحبة سديم
حلا : ايه ياهلا والله سوري ماعرفتك لي فتره ماكلمتك
شجون : ايه مالومك .. وشمسويه مع دراستك
حلا : والله ماشي الحال بس تعرفين خايفه من القدرات والتحصلي وكذا
شجون : ايه الله يوفقك .. الا اقول حلا وين سديم ابي احاكيها ..؟
حلا تنهدت : سديم الله يعلم بحالها بس خليني ساكته احسن لي
شجون بخوف : حلا وشفيها سديم
حلا بضيقه : سديم حالتها حاله راسها يألمها والم فضيع مو طبيعي يجيها دوم تطيح علينا مغمى عليها ياقلبي عليها تعبانه حيل
شجون : عطيني اكلمها طيب
حلا : الحين هي بالمستشفى توها من دقايق بدورة المياه "الله يكرمكم" طاحت واغمى عليها
شجون شهقت : ياقلبي عليها .. أي مستشفى ابي ازورها
حلا : مستشفى سعد التخصصي
شجون : طيب يالله باي
سكرت شجون من حلا وهي حدها خايفه اتصلت على سديم جوالها مقفل اتصلت على امها تعطيها مشغول خايفه على سديم حيل صديقتها وحبيبتها خايفه عليها
حلا ~~< العمر : 17 ونصف .. في ثالث ثانوي . تخصص : علمي .. طويله ونحيفه وسيمه وعيونها وساع وعسليه وانفها صغير وحاد وشفايفها صغار ومليانه ورديه وشعرها طويل يملي ظهره لونه شوكلاته كثيف وناعم ذباح ورهيب بشرتها سمرا لكن مملوحه ملح فيها مو طبيعي قمر وساحره رغم سمرها وتنافس اختها سديم بالنعومه والجمال لأنهم ماشاء الله ثنتينهم قمر لكن حلا فيها ميزه تميزها عن سديم وهي الجراءه وعيونها العسليه
في المستشفى
سديم منسدحه على السرير عيونها ناعسه وتحتها سواد ووجهها تعبانه
وامها واخوها "بندر" واقف جمبها ويناظر بأخته التعبانه بشفقه وحنان طيب بشكل مو طبيعي وخاصتاً لسديم لأنها طيوبه اما حلا ملسونه ودوم هواش بينهم
دخل ابوبندر وام بندر بلهفه قالت : بشر وشفيها بنتي ..؟
سديم كانت تناظر بأبوها بتعب يملي يسري بجسمها وكأنها جسد بلا روح
ابو بندر بضيقه نزل راسه : ماطلعت الأشعه بس خمنوا ويقولون 99 بالمئه يكون هالكلام جد
ام بندر : شنو ..؟
ابوبندر : سرطان بالمخ
صدمه ملت ارجاء الغرفه سديم كانت مصدومه وترتجف وساكته ماقوت على الكلام حتى الدموع ماقوت عليها تجمعت دموعها بعينها لكن مانزلت صارت مثل الميته تعتبر نفسها وام بندر تبكي وتشهق على سديم وابوبندر الصبور القوي مابكى ولا شئ بس بقلبه يتقطع ومتضايق وبندر جلس بالكرسي ساكت مصدوم
سديم دموعها بهدوء نزلت على خدها وصارت عيونها حمرا من البكي مالها صوت كاتمه صوت بكاءها وبندر اخوها الحنون يناظر فيها بحنان وهي تبكي بهدوء وصمت
سديم ودها تصرخ ودها تبكي بصوت عالي تفرغ كل الحزن الي بداخلها والصدمه الي تلقتها لكن جاتها حالة صمت ماقدرت تصرخ ولا تبكي بصوت عالي
ابو بندر : بندر روح رجع امك البيت
بندر : إن شاء الله .. يالله يمه مشينا
سديم ودها تنطق وتقول طلعوني ودوني معكم ابي ارجع للبيت ابي ارجع لغرفتي ابي ارجع لهبالي ودجتي مع اختي حلا لكن لسانها منربط مو قادره تحكي
ام بندر لبست حجابها وطلعت من الغرفه
سديم بصوت مبحوح : يـ..مـ..هـ
ام بندر التفتت لها : لبـيه
سديم : اخذوني معكم لاتتركوني
وبكت بصوت عالي وصارت تشهق تحس بترتاح لما تبكي وماتكتم دموعها
ام بندر راحت لها وضمتها وبكت معها : بس خلاص يابنتي لاتبكين قطعتي قلبي
سديم : يمه وش سويت بحياتي عشان يجيني هالمرض انا خلاص بموت موتي قريب قريب يايمه حيل قريب
ام بندر : لا يابنتي وش هالكلام لك طولة العمر وإن شاء الله بنعالجك بأحسن المستشفيات بأذن الله
سديم : لا تعالجوني انا بموت بمووت خلاص
وبكت اكثر
بندر : سديم تفائلي بربي هذا قضاء وقدر ولا علينا اعتراض على القضاء القدر ايوب عليه الصلاه والسلام صار له اكثر من صارلك تعذب 18 سنه عاش بمرض وعذاب وبالدعاء الله شفاه وانتي إن شاء الله بنت عاقله وفاهمه ومتدينه ادعي واكثري من الدعاء الله مابتلاك إلا اهو يحبك ويبيك تتقربين منه يمكن لهتك اشياء ويبيك تتقربين يبي يسمع صوتك تدعين له
سديم نزلت راسها : طلعوني من هنا طلعوني ابي اسولف مع حلا ابي اشوف بيتنا ابي اشوف غرفتي ابي اشوف صديقاتي بروح الجامعه قبل لأودع هالدنيا رجعوني
بندر : وكل هالكلام ومانفع .. الله يهديك يالله يمه مشينا
سديم مسكت يد امها : يمه لاتتركيني نامي هنا معي اخاف لحالي
ام بندر ناظرت بأبو بندر وعطاها نظره وهي عدم الرضا وراحت مع بندر وسديم بقت بالغرفه مع ابوها صار ينصحها ويهديها وهي تبكي
.....
بعد ساعه
حلا شهقت : سرطان بالمخ
بندر بضيقه : ايه
حلا غرقت عينها بالدموع : ياويلي ياويلي على اختي ياقلبي عليها ودوني لها خلوني اضمها واواسيها محتاجه للي معها بهالوقت كيف تخلونها لحالها كيف يطاوعكم قلبكم تهدونها ودوني لها ودوني
بندر بحده : حلا سديم بخير وكم يوم وتطلع إن شاء الله
حلا : قلت لك ودني لها بشوفها سديم خوافه وتخاف من الظلام مستحيل اخليها تنام هناك لحالها ودوني لها فهمت ودني لها
بندر : حلا مافي روحه هجدي بالبيت
حلا : لا بروح يعني بروح يعني بروح فاهم مانت الي بتمنعني من الروحه
وصعدت فوق ولبست عباتها وحجابها ونزلت وطلعت برا البيت بتروح مع السايق لها
بندر لحقها لبرا وصرخ : حلااااااااااااااااااااااااا
حلا فتحت باب السياره وكانت نفس سيارة السايق وركبت وسكرت الباب : ودني لمستشفى سعد التخصصي
التفتت لها الشاب الوسيم "سلمان"
حلا شهقت وفتحت الباب ونزلت وقالت قبل لاتسكر الباب : سوري غلطت
وهي ترتجف من الخوف والربكه
حلا : وين السايق
بندر : مافي روحه فاهمه
حلا سحبت يدها من بندر : الا بروح يعني بروح
بندر : مافييه
حلا : اووه بروح وين السايق
بندر ناظر بالسياره وشافها سيارة شاب وكان صاحبه سلمان وخزها خزه مابعدها خزه معناها ادخلي داخل لأحفل فيك الأرض حلا ماتحب نظرات التهديد والعصبيه بعيون اخوها وتعتبرها ذل وقفت اقرب تاكسي وراحت وبندر تنهد نهده طويله وهو مابي يصبره ينفذ من اخته العنيده وراح لصاحبه سلمان
بندر فتح الباب : هلا والله
سلمان : ياهلا والله .. جلست احتريك هنا إلا اشوف اختك المدام ركبت تحسبني السايق شكلها
بدر ببتسامه مجامله : ايه والله سيارتك نفس سيارته
سلمان : لا عادي اقول حنا الربع بكره بنروح الإمارات وشرايك تجي معنا
بدر : لا والله حدي مشغول وماني رايق
سلمان : يارجال تعال بس معنا وسع صدرك
بدر : لا سلمان عندي شغل
...
في المستشفى
في غرفة سديم حلا ضامه اختها ويبكون بصوت عالي
سديم : حلااااا انا بموت عن قريب عن قريب
حلا : لا تقولين لك طولة العمر انا بدونك ولا شئ انتي اختي وحبيبتي كل حياتي انتي فرحتي وبسمتي لاتتركيني
سديم : لو هالمرض إنسان والله قتلته .. بس شسوي انا قريب بتركم بتركم
حلا : لا تقولين سديم بتتركينا لاتقولين كل الي يجيهم هالمرض يشفون واهلي بيودينكم اكيد برا تتعالجين
سديم : نفس الشئ إذا الله كتب لي الموت بموت
حلا : لا لك طولة العمر بس عليك بالدعاء وانا صدقيني من اعماق قلبي بدعي لك
سديم ضمتها : الله لايحرمني منك
حلا : جعل يومي قبل يومك
سديم : لا حلا لاتقولين هالكلام انتي صغيره توك ببداية عمرك وراك مشوار طويل وسعي صدرك بحياتك مابيك تذوقين المرض الي ذقته وبتلذذ بالعذاب الي بذوقه وبتللذ بالكيماوي الي باخذه
حلا : الموت والمرض مايعرف لا كبير ولا صغير إذا الله كتب بيجي الإنسان بيجيه حتى لو كان طفل صغير بالمهاد
...................................
ساره بين اربع جدران وتعد القنوات من الطفش
ساره رمت الكنترول : افففف طفش ياربي
رفعت جوالها واتصلت على تركي بعد ثلاث رنات رد عليها
ساره : تركي وينك ..؟
تركي بدون نفس : طالع يعني وين
ساره : اففف تعالي طفشانه بلييز طلعني
تركي : مشكلتك طفشانه عاد انا مشغول مع الربع
ساره بعصبيه : احلف عاد -تقلد نبرته- انا مشغول مع الربع . لايكثر بس ومن متى عندك ربع
تركي : من اليوم طالع
ساره : عاد عساهم اولاد مو بنات هو انت كنت مغازلجي وكنت بكون ضحيتك بس الحمدلله صرت زوجتك مو ضحيتك انت وولد خالتك
تركي : لحوول شريط مسجل انتي تعيدين الكلام كل مره خلاص ياخي فكينا تراك طفشتيني
وسكر الخط بوجهها
ساره ناظرت بالجوال : يالحمار تسكر بوجهي والله اخر زمن بعد انا الغلطانه اخذ وحد بزر عمره 23 مدري 24 حلاتي ماخذه واحد عمره 25 26 مو ذا راعي البنات .. ياويلي ليكون مع بنات اففف لو اعرف وين قاعد الحين وربي رحت له - وتنهدت بضيقه -
.................................
ترن ترررن ترررن ترررن
ملاك رمت المجله الي بيدها وراحت تفتح الباب وقالت بعصبيه : من هالمزعج الي جاي بهالوقت
وطاحت عينها بعين فيصل لفتره لمدة 10 دقايق وهو ساكتين ويناظرون ببعض
فيصل : ملاك وحشتيني
وتقدم منها بيضمها لكن ملاك ابتعدت عنه وكانت بتسكر الباب لكن فيصل مسك الباب وراح لها
فيصل : تكفين سامحيني انا اسف ظلمتك
ملاك بعصبيه : وتوك تعرفك إنك غلطان كل مره هالموال تقوله لي انا اسف ظلمتك ولمتى يعني هااه لمتى بنعيش بشك مع بعض سنه ونصف مع بعض ومابيننا ثقه اسفه فيصل لهنا وبس انا ماتحمل اكثر رجعه ماني راجعه وجلست بيت اهلي حلت لي
فيصل : انا اسف لاتقسين ياملاك حسي فيني انا اسف
ملاك بعصبيه وصراخ : انت الي حس فيني خلاص يكفي عذبتني بحياتي شك في شك شك في شك ينقال الحين غيره الله ياخذ الغيره الي مثل وجهك تتحول لشك
فيصل مسك يدها وملاك سحبتها بقسوه وعصبيه
فيصل : ملاك حنا عندنا بنت انا مشتاق لها ابي اشوفها مو بنتك بس انتي
ملاك : اووه تو تعرف عندك بنت .. والله زين ذكرت إن عندك بنت وزوجه ببيت اهلهم نايمين لهم ثلاث ايام مافكرت فيهم ولا رفعت السماعه تسأل عنهم .. وثانياً هذي بنتي انا الي حملت وانا الي ولدت وانا الي ربيت وانا شقيت وتعبت وسهرت وانت بس صرفت شوف وش سويت وشوف وانا وش سويت وجاي تطالبني فيها بنتي ومشتاق لها طير ياشيخ بس
فيصل : ملاك
ملاك : اووووووووه كرهت اسمي دامك نطقته بلسانك .. ويالله برا الباب يوسع جمل وبليييز مره ثانيه لا تجي لأن صراحه شوفتك تجيب لي النكد واللهم والضيقه والكدر وكل انواع الحزن
فيصل : افاا انا فيصل زوجك وحبيبك اجيب لك اللهم وانواع الأحزان
ملاك : والله انت بنفسك خليتيني ماشتهيك واكرهك
فيصل : تكرهيني ..؟
ملاك : ايه كرهتك والسبب شكك فيني لدرجه خليتني اشك بنفسي واخلاقي .. كرهت ايدك الي بيوم انمدت علي ذليتيني بما فيه الكفايه لحالنا وقدام الناس .. ليه افرح بشوفك ليه انبسط لاشفت طيفك وانت معيني بكدر معيشني وكأني وحده حقيره وراعية خرابيط دوم تشك فيني .. مستحيل انسى كيف ضربتني ذاك الكف يافيصل مستحيل
فيصل سكت وماعنده كلام يحكيه عطاها كف وش اكثر من كذا حتى ماقدر إنها بنت خاله
ملاك بأستهزاء : اشوفك ساكت زين غلطت نفسك ولا انت دوم تحسب نفسك الصح وانا الغلط بس تدري كيف انا باخذك على قد عقلك وبنزل مستواي لك حبتين عشان نتفاهم
فيصل : يعني سامحتيني وبترجعين معي
ملاك : لاطبعاً نتفاهم على ....................................... طلاقنا
فيص شهق : طلاقنا
ملاك : ايه طلاقنا
فيصل : وبنتنا
ملاك : بنتي وانا الي بربيها وانا الي باخذها
فيصل : عاد لهنا وبس هذي بنتي وانا ابوها وانا الي بربيها والمحكمه اهي الي بتحكم البنت لمين .. انتي بنت تبين مين يحميك يصرف عليك مو قد تحمسين بنتنا انا الأبو انا الي باخذها وبحميها واصرف عليها مو انتي وصدقيني ياملاك بتندمين على قرارك بس بنفذه وبسويه
ملاك قالت هالكلام لا شعوري تطلق وبنتها تبعد عنها طاح قلبها ببطنها : لالا خلاص نتفاهم نتفاهم مانطلق بس غلطت
فيصل : لا ماغلطتي انا ادري إن الفكره براسك وتبين تطلقين وترتاحين مني بس بترضين تكملين حياتك معي عشان الصله الي بيني وبينك وهي ليان بنتنا
ملاك وهي انهارت وتبكي : ليتني ماجبتها ليتني تميت بنت ولا تزوجتك كرهتني بحياتي وعيشتي خليتني اتمنى الموت حسبي الله عليك من رجال حسبي الله عليك
فيصل رق قلبه لها ومسك ايدها بعطف : ملاك تدعين علي
ملاك : مو من قلبي انا ادعي لك مادعي عليك .. بس قسوتك وشكك فيني خلاني ادعي عليك
فيصل : انا اسف سامحيني مستعد اسوي لك كل شئ بس عشان ترضين سامحيني
ملاك ناظرت بعيونه لفتره طويله والصمت والهدوء حل المكان
نزل نايف من فوق وسمع اخر كلام من كلام فيصل وحس بكرهه لأخته ملاك كل البنات نفس هالطبع تذكر بذيك اللحظه كيف كان يترجى سهام إنها بتنفصل عنه لكن هي بقسوه تركته ودورت غيره وهو يترجاها ومستعد يسوي لها اي شئ كلهم نفس الطبع
ناظر بفيصل وابتسم وناظر بملاك وكشر وطلع << مادريت يانايف إن الحق مع اختك وماتنلام
فيصل : رضيتي
ملاك : والله مادري ولو برضى بس عشان ليان ..
فيصل بفرح : يعني رضيتي
ملاك : لو ودي مارضيت بس برضى عشان بنتي والله عشان بنتي مو حب لك
فيصل : اهم شئ بشوفك قبالي 24 ساعه اصبح وامسي على وجهك وانام على كلمة نوم العوافي واصحى على كلمة صباح الخير
ملاك غصب عنها ابتسمت قلبها طيب ونظيف تحقد وتكرهه وبكلمتين حلوين ترضى
..................................
لميس راحت للسويت حقها فسخت الفستان ولبست جينز ازرق وتيشرت وردي فيه فيس بالأزرق وشعرها الكيرلي متناثر على بشرتها والدموع تنهار على خدها
والأجواء بالسويت حزينه وماسمحت لميس لسعود يدخل ويشوفها بهالحاله والتبهذل الي هي فيه
راحت لدورة المياه "ألله يكرمكم" وناظرت نفسها بالمرايه وبكت اكثر
لميس : ( ياويلي ياويلي وش هالضرب وربي مو إنسان وحش حسبي الله عليك يالمى وامك يالحيوانين والله لأوريكم واطلع الضرب الي اكلته منكم من عيونكم يالحقيرين )
وشهقت وبكت دخلت عليها اريج ومسكتها بتطلعها
اريج : لميس لاتبكين هنا لايجيك شئ ماتسوى عليك
لميس : وش يجيني اكثر من هالضرب هااه قوي وش يجيني
اريج : تعالي معي للغرفه هناك ارتاحي انتي تعبانه جسمك تعبان محتاج للراحه
لميس : من قال إني بقعد هنا بالسويت ومن قال بخلي سعود يشوفني بهالحاله انا بجي بيتكم اصلاً لحد مايخف هالضرب
اريج شهقت : من جدك ليلة عرسك تجين بيت اهلك
لميس بأستهزاء : احلمي اطلع له بهالشكل وثانياً لبسي عادي .. وماني رايقه واخلاقي زفت .. ولا تبونه يدخل عليه ويخترع مني
اريج : لميس اعقلي ليلة عرسك اليوم احلى ليله
لميس : إلا اتعس ليله .. اترقبها على احر من الجمر واخر شئ تندمر ومين يدمرها عمتي وبنتها
بكت وضمة اريج وهي تبكي وتشهق
لميس : آآآآآآآآآآه حسبي الله ونعم الوكيل حسبي الله ونعم الوكيل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك