رواية تدري وش اللي يقلب فيني أوجاعي -5
المشرفه : هيه انتو وياها يالي ورا سكتوا ولا ترى براا
شوق بصوت شوي عالي : افففففففففففف
ملاك ابتسمت برضا على حركة شوق بردت شوي من حرتها
المشرفه ناظرت شوي بأستحقار لحركتها الاستفزازيه
وكملت تراقب وكانت انظارها لملاك وشوق
جوري همست : اقول شوقو شكلها بتحولك للاداره نظراتها كلها عليك
شوق : عادي تحولني وش وراي اروح
المشرفه انتبهت لجوري وشوق
المشرفه بصراخ وبصوت عالي : الي فوق الثلاثه طلعوا برا
ملاك بصوت شويه عالي : يالله بنات انا مالي نفس هالمحاضره خلونا نطلع زين جات منها
المشرفه وصلت معها : احترموا نفسكم واذا مو محترمين انفسكم احترموا المكان الي انتو فيه
شوق : برافوووو درس الاحترام مع المشرفه الفاضله
المشرف بمقاطعه : برااا
شوق وملاك وجوري وقفوا وطلعوا برا والمشرفه معصبه منهم مره شافت بنات كذا بس هذيلي بصوت عالي يتكلمون
طلعت وراهم وتكلمة بصوت عالي : وراي للاداره
شوق : وااااو مشتاقه لها يالله بنات سرينا
مشوا جوري وشوق وملاك للاداره قدام المشرفه عشان يقهرونها
وصلوا للاداره وفتحوا الباب
المشرفه بقهر : ياحضرة المديره هذيلي البنات قليلات ادب ويرفعون اصواتهم على المشرفه
المديره ببتسامه : بنات صح هالكلام
جوري : صح
المديره القت نظرها عليهم "ماشاء الله كلهم قمر" : حبايبي انا ماراح اهزأكم ولا بسوي لكم شئ بس ابي منكم شئ
كلهم : شنو
المديره : تعتذرون للمشرفه
ملاك بدون شعور : تخسي
المديره ناظرت بملاك : لوسمحتي احترمي نفسك والمكان الي فيه
المشرفه : تلوميني ياحضرة المديره قليلات ادب "واشرت على شوق وملاك" وخاصتاً هالثنتين
المديره ناظرتهم : سامحيهم هالمره والمره الثانيه لي شغل ثاني معهم
شوق وملاك وجوري ناظروا بالمشرفه بأنتصار وطلعوا من الغرفه واصوات ضحكهم عاليه
المشرفه : المفروض ياحضرة المديره
المديره بمقاطعه : انا اعرف شغلي وكيف اتفاهم مع طالباتي
المشرفه : بس بكذا بتخلينهم يزيدون بالقلة الادب اذا كان ماتسوين لهم شئ
المديره : ماعاش من يزيد قلة ادبه وانا موجوده وانتي تطمني مستحيل لو يعيدونها يعدونها
المشرفه ابتسمت : مشكوره
المديره بادلتها الابتسامه : هذا شغلي وواجبي
طلعت المشرفه من غرفة المديره وسمعت ضحك البنات جالسين على الكافتيريا
المشرفه : للمحاضره قدامي
شوق بأحتقار تناظرها من فوق لتحت : شنو شنو ماسمع
المشرفه : اشوفكم قدامي للمحاضره
ملاك : انتي طردتينا ليه ترجعينا جد ناس ماعندها كلمه وحده
المشرفه مشت ماتبي تطول الحديث معهم ماتحب تتعامل مع الي مثل ملاك وشوق يراددون والغرور يبين من عيونهم لكن تعاملهم مع البنات غير غير بكثير متواضعين وحبوبين
شي وخلص الكلاس وجاو البنات
روان : صراحه اليوم احسدكم لعبتوا بالمشرفه والله انتي حفله بدون كيك
جوري : افا عليك نعجبك
بشاير جلست وهي تتنهد وجلست ساكته
رنيم : اليوم توقف نص الشرح والسبب ان البنات بدوا سوالف وضحك وهرج ووصل لمسامع الدكتور وعصب ووقف شرح
روان : ايه والله عصب صراحه البنات ماسكتهم المشرفه وبس طلعت شوفي الهرج الي صار
شوق : احسن خليها تعصب
ملاك ناظرت ببشاير بغرور ورجعت تناظرهم
ملاك تذكرت شئ : اقول بنات لجين وشفيها ماجات
شوق : والله مدري غريبه تغيب بدون ماتعطينا خبر
ملاك : مدري شرايك اتصل فيها
شوق : ايه
اتصلت ملاك عى لجين بعد رنتين وصلها صوت لجين المبحوح : الو
ملاك بأستغراب : لجين
لجين : لا الجنبي ايه لجين نعم شتبين
ملاك استغربت اكثر : شفيك هبيتي بوجهي ليه غايبه
لجين : كيفي بغيب ولا انتي امي تدخلين فيني
ملاك : لا بس فقدناك
لجين : شكراً
ملاك : اخليك شكل اخلاقك زفت
لجين سكرت الخط بدون ماترد
ملاك ناظرت البنات بأستغراب : تصدقون مدري متغيره صوتها متغير فيها شئ اكيد
شوق سحبت جوالها : بتصل على نوف او ساره بسأل جات شهد ولالا
ملاك : وش تستفيدين
شوق : اذا جت لجين فيها شئ اذا ماجت فأكيد كلهم فيهم شئ عيال خالتي
روان : جد اتصلي
شوق طلعت جوالها : الو
ساره : هلا مين
شوق : انا شوق
ساره : هلا شفيك داقه
شوق : اقول سارونه شهد بنت خالتي جات السكول
ساره : تصدقين لا
شوق بأستغراب : تصدقين حتى لجين ماجات
ساره بأستغراب شديد : اكيد فيهم شئ اجل لجين وشهد يغيبون
شوق : طيب مع السلامه
ساره : باي
سكرت شوق من ساره والتفتت للبنات
شوق : ماجت شهد
جوري: لالا البنات فيهم شئ
رنيم وقفت : بنات اخوي جاء سي يو
اللكل : سي يو في الطريق تشربين ديو ياغبيو "جملتهم المعروفه"
شوق : اقول ملووكه شرايك اوصلك بيمرنا فيصل
ملاك حست بخجل وخاصتاً لانه فيصل : لالا استحي من فيصل لو السايق او رائد ممكن
شوق ناظرتها بخبث : وش هالخجل الي نزل فجأه
ملاك تفادت نظرات شوق الخبيثه وردت : خلاص خلاص بروح انتي مستحيل تفكيني
شوق : يالله بتصل عليه
ملاك وقفت : يالله
مشوا ملاك وشوق وطلعوا برا وهم لابسين عباياتهم
فيصل اتصل على شوق مايدري ان ملاك بتجي معهم
فيصل : الو انا برا
شوق : طيب ( التفتت لملاك ) يالله ملاك
طلعوا شوق وملاك فيصل ناظرهم عرف شوق بس الي معها ماعرفها بس لفتت نظره بنعومة ملامحه ومشيتها ودلعها وقوامها
ماحب يستطلع لها اكثر : ( اكيد وحده من صديقات شوق )
ركبوا السياره شوق قدام وملاك ورا
شوق وملاك : السلام
فيصل : وعليكم السلام
ملاك : شخبارك فيصل
فيصل استغرب :( صديقة شوق بتسألني شخبارك فيصل جريئه ) "ماتدري يافيصل انها حبيبة القلب" .. الحمدلله وانتي
ملاك : بخير
شوق : فيصل شكلك ماعرفتها ( وغمزت له ) هذي ملاك بنت خالي
فيصل فز قلبه من سمع اسمها "ملاك" : هلا هلا ملاك ماعرفتك كبرتي والله ياملاك
ملاك ابتسمت وبدلع ردت : هلا فيك .. ايه وانت كبرت يالدكتور
فيصل ابتسم : دكتور مره وحده لسه يعني ماصرت دكتور مرره عشان يطلق علي هاللقب
ملاك : بسميك عاد من الحين الدكتور فيصل ولد خالتوووو
فيصل : اذا تبين تسمين الدكتور فيصل عااادي سميني
شوق : اقول موكا تعالي بيتنا
ملاك بعصبيه : شويقه والله لو تقولين لي موكا لاسطرك
شوق تبي تنرفزها : موكا موكا موكا
ملاك : شوشه شوشه شوشه
شوق : تجين بيتنا
ملاك : لالا بروح بيتنا
شوق : يؤؤ منك يا ملوكه تعالي بيتنا لاتتغلين من زمان ماجيتي بيت عمتك
ملاك : لا والله بروح بيتنا مره ثانيه
شوق : اففف اليوم الاربعاء
ملاك : خلاص شويقه مره ثانيه
شوق : براحتك
فيصل وجهه طريقه لبيت خاله بونايف
في العصر
جاء وقت المقابله
ريما كانت بس بتتحجب بس بدر طلب منها تتلثم
راحوا لستار بكس وجلست ريما تحتري متعب اما دانه بالسياره وبدر متخبي ويناظرهم
بعد شوي جاء متعب وجلس : سلام
ريما بدون نفسك : وعليكم السلام
متعب : كيفك ريمو
ريما بطفش : بخير
متعب : ماتبين تسألين عن اخباري
ريما : مايهمني اخلص وش تبي مني
متعب : سلامتك مشتاق لحبيبتي فيها شئ
ريما انفجرت بوجهه : لو بجد حبيبتك كان ماصورتني وتهددني تنشر صوري
متعب : لا ياقلبي ماهددتك الا لاني احبك
ريما : خووش حب والله
قرر بدر يتقدم الحين ويبتدى بشغله
متعب طلع الصور : شوفي ياقلبي هذي الصور والنسخه الاصليه لو ماتسمعين كلامي بتعتبرينهم منشورين
بدر سحب الصور من يده وحطهم بجيبه ومسك متعب من ثوبه وبهمجية رجال قال : اسمعني ياولد الحرام لو ماتبعد عن بنت خالي والله لاذبحك
متعب شوي ارتبك ماتوقع ان ريما يطلع منها كل هذا
بدر : عندك نسخ للصور
متعب ماعنده هذي النسخه الاصليه : لا
بدر عطه بكس على خده : اسمعني ابعد عنها فااااااااااااهم
متعب حس بخوف : طيب
بدر : عطني جوالك
متعب : شتبي فيه
بدر بصراخ : عطني
متعب طلع جواله ومده لبدر
بدر فتش الصور وشاف فيه صور لريما واخذ الجوال ورماه وكسره
بدر : في شئ ثاني
متعب : لالا
بدر مسك يد ريما وطلع معها
ريما ودموعها على خدها التفتت لبدر: مشكور يابدر
بدر التفت لها والتقت عيونهم : العفو بس ياريما لاتعيدين هالغلطه وبيتم سر بيننا انا وانتي ودانه
ريما بصوت مبحوح : وامي
بدر : اتفاهم معها الحين يالله
ريما : الحين
بدر هز راسه : ايه الحين
ركبوا السياره
دانه بخوف : شصاار
بدر ابتسم : خذت الصور والجوال كسرته وهددته
دانه ببتسامه : احلف
بدر : والله
دانه : ريما ارتحتي الحين
ريما : ايه
................................
في الكويت
اسيل تجهز شنطتها
اسيل : اقول نوره
نوره : هلا
اسيل : تصدقين مالي نفس ارجع الشرقيه احس نفسي مخنوقه مالي خلق
نوره : ليه شفيك
اسيل : مدري
نوره : بالعكس فله مع البنات شوق واروى ونوف وساره ولجين وشهد وريناد وملاك والله وناسه
اسيل : امممممممممممم فله جد بس مالي خلقهم
نوره : نامي واصحي وتشتهينهم لبكره
اسيل : ايه حاله مزاج وتتغير
ام نوره : اسيل نوره خلصتوا
اسيل ونوره : ايوه
ام نوره : حطوا اغراضكم برا في الصاله وابوكم بياخذهم بيحولهم للسياره ناموا بدري يابنات عشان نستعد للطريق
اسيل : ان شاء الله يمه
ام نوره طلعت من الغرفه وصادفت بونوره
ابونوره : هاه جهزوا البنات
ام نوره : ايه جهزوا وبيطلعون اغراضهم الحين
ابونوره : انا بروح انام احس راس مصدع تكفين هيفاء جيبي فيفادول
ام نوره : سلامتك ماتشوف شر دقايق واجيب لك فيفادول ومويه
ابونوره : تسلمين
دخل الغرفه وانسدح على السرير ورمى الشماغ على السرير وانسدح بتعب ماكان تعب بس شوية ارهاق من الشغل
دقايق وجات ام نوره وقدمة له الفيفادول والمويه ونام
ام نوره ناظرته بقلق وتشوف العرق ينزل منه : شكله تعبان
اخذت منديل ومسحت وجهه من العرق ورجعت لبناتها شافتهم بالصاله الفوقيه حاطين الاغراض وجالسين
ام نوره : ابوكم تعبان بيحول الاغراض بكره
نوره بخوف : شفيه
ام نوره : شوية ارهاق من الدوام بكره اذا صحى بيتنشط
اسيل : افف يمه خوفتيني
ام نوره : لالا لاتخافون شوية ارهاق
نوره : متى بنمشي يمه
ام نوره : الساعه 4 الفجر
اسيل : امممممممممم بدري
ام نوره : تعرفين ابوك مايحب ينزل للشرقيه الا الفجر
نوره : بننام
ام نوره : اكيد بننام هناك الخميس والجمعه والسبت والاحد والاثنين
اسيل : يمممماااه والجامعه
ام نوره: ومصممماه الجامعه لاحقين عليها اخذوا اجازه
اسيل : لا يمه لا
ام نوره : اسيلوه من زمان مانزلنا الشرقيه وتعرفين ابوك لازم يرتاح كم يوم مايقدر يرجع بنفس اليوم
اسيل : اففف بتفوتني
نوره : اسيل وش هالدفره الي نازله عليك
اسيل بأستهبال : تصدقين مدري ههههههههههه
نوره : هبله هههههههه
اسيل : هبله واهبل
نوره : طسي
.....
ابونوره < عبدالمحسن .. العمر : 55 .. تاجر
ام نوره < هيفاء ... العمر : 44 ... كاتبة في مدرسة ثانوي للبنات
نوره < العمر : 23 ... اخر سنة بالجامعه .. تخصص : اقتصاد
اسيل < العمر : 19 ... في اولى ثانوي ... تخصص : طب
.........................
في بيت بوفيصل
رجعوا فيصل وشوق بعد ماوصلوا ملاك
فيصل تذكر مشيتها ودلعها وصوتها ونعومة ملامحها وابتسم بحب
جلسوا بالصاله
ام فيصل : يالله نتصل
فيصل : تونا موصلين ملاك لحظه
شوق : يمه يمه اتصلي لو بتطاوعين هذا ماراح تتصلين
فيصل : شوق مالك دخل
نوف : جد يالله اتصلي خلالاص هذا خالي ونمون عليه
ام فيصل ناظرت بفيصل ورفعت السماعه : توكلنا على الله
رد بالتلفون نايف
نايف : الو
ام فيصل : هلا نايف
نايف ابتسم : هلا والله عمتي شخبارك وشخبار البنات وفيصل ورائد وعمي
ام فيصل ابتسمت لرحابة صدر نايف : كلهم بخير ويسلمون عليك فيصل ورائد وعمك شخبارك وشخبار ملاك واخوي بونايف وامك
نايف : كلنا بخير ونسلم عليك
ام فيصل : الا اقول نايف امك او ابوك موجودين
نايف : والله امي موجوده تبينها
ام فيصل : ايه اذا مافي كلافه عطني اياها
نايف مدت السماعه لامه وبهمس : يمه عمتي ام فيصل بالتلفون
ام نايف سحبت السماعه منه : هلا والله بأم فيصل شخبارك وشخبار العيال
ام فيصل : كلنا بخير وانتي شخبارك وشخبار نايف وملاك واخوي
ام نايف : كلنا بخير
ام فيصل : شخبار اخوي غريبه ماجا
ام نايف : والله بخير وبصحه وسلامه في الدوام والله ماجاء
ام فيصل : انا اليوم داقه يا ام نايف بموضوع
ام نايف : سمي
ام فيصل : والله ياختي يا ام نايف انا داقه اطلب ايد بنتك ملاك لولدي فيصل
ام نايف تهلل وجهها بالفرح : هذي الساعه المباركه يام فيصل ان ولدي فيصل ياخذ بنتي ملاك
ام فيصل : شوفي يا ام نايف خلي ملاك تاخذ راحتها وتفكر واذا وافقت قلنا الف مبروك واذا ماوافقت يمكن فيصل مو من نصيبها وخلها تحط ببالها انا ماراح نزعل
ام نايف : وليه ترفض فيصل ماشاء الله فلوس وشغل ودكتور وجمال وش تبي احسن منه وبيدلعها وبيدللها
ام فيصل : تعرفين البنات خليها على راحتها حنا مو متسرعين وهذي بنت خاله مو غريبه
ام نايف : خلاص اكلم البنت وابوها ونعطيك الرد متى ماعطتنا الرد
ام فيصل : يالله مع السلامه وسلمي على اخوي بونايف
ام نايف : يوصل مع السلامه
سكرت ام نايف من ام فيصل والتفتت لنايف
ام نايف : ولد عمتك فيصل تقدم لاختك ملاك
نايف بفرح : والله مبرووووك فيصل رجال والنعم منه وملاك اختي تستاهله
ام نايف : ايه والله فيصل ماعليه كلام رجال والنعم وفوق كذا ولد خالها
ملاك نزلت وابتسامتها على وجهها
ملاك : هاي
نايف : هايات
ام نايف : تعالي ملاك ابيك بموضوع
ملاك : شنو
ام نايف : اجلسي
جلست ملاك جمب امها
ملاك : شنو
ام نايف : شوفي يابنتي انتي كبرتي وماعدتي صغيره وولد عمتك فيصل متقدم لك شقلتي
ملاك كانت مومستوعبه : شنو شنووو
ام نايف : ولد عمتك فيصل متقدم لك يبيك وطالب يدك ومختارك من بد عيال عمتك وعمك انتي
ملاك ابتسمت بخجل ونزلت راسها وبعدها وقفت وصعدت غرفتها
نايف بصوت عالي : يالخجووووووووووووووووووووووووله
ملاك ابتسمت وصعدت غرفتها وسكرت الباب واستندت على جدار الباب وهي طايره من الفرحه وتذكرت فيصل يوم يوصلها كل شئ فيه جذاب وحلم كل بنت بعمرها
جلست بالسرير وتحس بفرح : ( موافقه اكيد موافقه وليه ماوافق عليه بس خلني اتغلى واخليه يتوتر بتم يومين افكر عشان مايحسبني بايعه نفسي ومشفوحه على الزواج )
...........
فيصل بعد ماسكرت امه يحس بفرح
ساره : اوه اوه اوه حبتين فصصصول والله وبتتزوج
فيصل ابتسم : احم احم سموني عمكم خلالاص
نوف : ان شاء الله سمعاً وطاعاص عمي فيصل ههههههههههه
شوق : الف مبروووووووووووك
فيصل : لا توالناس على هالكلمه خلونا ننتظر الموافقه
شوق : توافق وليه ماتوافق على اخوي فصول
فيصل ابتسم بفرح
ونوف وساره وشوق فرحانين حيل لان فيصل بيتزوج ملاك بنت خالهم
اروى دخلت عليهم وصرخت : مبروووووووووووووووووووووووووووووووووووووووووووووك
وراحت لاخوها وضمته بقوه بفرح موطبيعي فرحانه حيل لاخوها فيصل
فيصل : ابعدي خنقتيني
اروى زادت وهي تضمه : فصول فرحانه فيها شئ
فيصل ابعد عنها وابتسم : ترى بدري يمكن ماتوافق
اروى : فال الله ولا فالك ان شاء الله توافق
شوق : فصول تميلح لي ترى ملوكه معي بالجامعه
فيصل جلس جمبها يتميلح : اختي احببببك اموت فيك يابعدي والله
شوق ناظرت فيه بغرور ووقفت : افف على التميلح
فيصل يقلد نبرة صوتها : افف على الغرور
شوق فاقدة فارس كثييير بشكل مو طبيعي ماكلمها من يومين
شوق وقفت : بصعد غرفتي
اللكل بأستغراب : ليه
شوق : بسم الله هبيتوا فيني بجيب شوي وبنزل
وصعدت غرفتها بسرعه وسحبت الجوال رن ورن ورن ومارد
رمت الجوال على السرير بعصبيه
شوق : ( لي يومين اتصل ومايرد ليييييييييه ولجين وشهد مايداومون اكيد بعيال خالتي شئ )
ارسلت له رساله "فاارس رد علي ليه ماترد تكفى رد اشتقتلك"
سكرت الجوال وحطته على الطاوله ونزلت شافت اللكل يسولف ومبسوط بخطوبة فيصل
رائد : وانا يمه بخطب
ام فيصل : توك صغير
رائد : الا يمممه بتزوج ماعلي ماعلي
اروى : هههههههههه اقول رئود تزوج بدال فيصل
رائد : فيصل تتبادل اخذ بدالك ملاك
فيصل : هيييييييييييه ترى اغار على زوجتي وقلبي وروحي وحبيبتي ملاك
اللكل : ههههههههههههه
نوف : بدينا بدينا من الحين قلبك وروحك وحبيبتك واحنا صفر على الشمال
فيصل : اذا حصلت على ملاك وش ابي فيكم
ساره : انا اشك هالملاك ملاك بجد اسم على مسمى من حلاتها
فيصل : هيه هيه لاتغلطين هذي مرة اخوك
شوق : وبنت خالك
نوف : تدرون انا فرحتي فرحتين
اروى : الاولى خطوبة فيصل من ملاك والثانيه
نوره وساره : جية اسيل ونوره من الكويت
شوق : احسكم فاضيين لهالدرجه غاليين اسيل ونوره
اروى : صراحه ياشوق ينقلب يوم الخميس فللله ولا بدونهم هدوء
شوق : انا جد ماقول فللله معهم بس يعني انتو معطينهم اكبر من حجمهم
نوف : سكتي سكتي لاتغلطين على حوووبي نوري واسولي
شوق : اففف انا غلطة عليهم وبغلط كيييفي
.....................
في بيت ابوطلال
بدر : ياخالتي الانسان مو معصوم عن الخطأ وكلنا نخطأ
ام طلال بصراخ وعصبيه : بس هذي مو أي غلط هذي شوهة سمعتنا الله ياخذها
بدر : بس ياخالتي اهي اعترفت عن خطأها وجايه تعتذر منك
ام طلال : طلعها براا مابيها هذي مو بنتي
ريما جلست جمب رجول امها وبرجا قالت : سامحيني تكفين انا اسفه
ام طلال ابعدت عنها بقسوه : ابعدي ماراح اسامحك
دانه : خالتي تكفين سامحيها عشاني انا وبدر اذا كان عندك لنا خاطر وتعزينا
ام طلال : اعزكم ايه بس اسامح هذي لا والله انا افكر بعض الاحيان واقول هذي بنتي الي ربيتها وتعبت عليها هذي بنتي الي شقيت عليها ودلعتها ووفرت لها كل طلباتها ماصدق مااصدق
ريما : اسسفه
طلال دخل وشاف الموقف وقف مصدوم ريما بيد بدر ودانه جمبهم وريما جالسه جمب رجول امه وتقول اسفه وسامحيني وامه قاسيه عليها وتبكي لالالا في شئ
طلال : شفيكم
ريما وقفت بأرتباك وعدلت جلستها ومسحت دموعها : مافينا شئ
طلال : الا في
ام طلال : مافي وانت ليه تدخل نفسك بكل شئ ومالك دخل واطلع برا
طلال : الحين بدر ولد خالي يعرف وانا ولدك ماعرف
ام طلال : طلال اطلع تراني معصبه لاتخليني انقلب عليك
طلال : شفيها ريما
ام طلال: مالك دخل برااااا
طلال طلع وهو معصب ومتضايق من امه كيف فشلته جمب بدر ودانه ولا بعد عيال خاله يعرفونه واهو لا
بدر : خالتي ريما عندك وتفاهمي معها والي علي وسويته الصور وعندي وجوال الرجال وكسرته وكل شئ انتهى واحرميها من كل شئ تبين بس سامحيها
ام طلال بدت تلين وتهدى : بدر اخذها معك وودها بيتكم
دانه : وابوها لو سأل عنها وش بتصرفين يومين طالعه من البيت وش بتدورين كذبه بعد
ام طلال ذكرت موضوع ابوطلال وبأرتباك قالت : خلاص جلسي بالبيت بس حالك حال الجدار فاااهمه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك