رواية تدري وش اللي يقلب فيني أوجاعي -56
تركي : لاتتعبين نفسك مافيك شئ (وبضيقه) يمكن انا الي فيني
ساره مانتبهت للضيقه الي بصوته لما قال "يمكن انا الي فيني" : خلنا نروح تكفى خلني افرح اهلي وافرح انا
تركي : يكفي انا افرح بوجودك الطفل ماراح يغير شئ
ساره : لا الطفل يغير اشياء كثيره يكفي إن عندك طفل يناديك بابا هذا بس شعور يجنن
تركي : ( آآآه ياساره كذا تعذبيني تكفين بس اسكتي لاتجيبين طاري الطفل لاتعذبيني اكثر من العذاب الي احسه وتأنيب الضمير )
ساره وهي تهزه من يده : تركي عيش معي الحلم ورد
تركي : شسويلك يعني انسي سالفة الأطفال فاهمه
وطلع من الشقه وساره ناظرت الباب وهو يتسكر
ساره : اففففف ناس تحمل وتجيب عيال بالثلاث والأربع وناس لهم الله بسس خلني ساكته لأقهر نفسي هالغبي ذا .. هو ماخذ الموضوع سهالي وانا الي احترق من داخل
.........................
في المستشفى
الدكتور : الف مبروك المدام حامل لها اسبوع
شجون ناظرته بصدمه ورددت الكلمه الي قالها : حامل .. حامل ... حامل .... حامل .... حامل
ياسر ابتسم بفرح وصافح الدكتور ووقف : الله يبارك فيك
الدكتور : أي شئ يحصل للمدام تقدرون تراجعوني وانا تحت الخدمه
ياسر : مشكور ماقصرت وأي شئ راح نجيك
الدكتور : حياكم الله
وقف ياسر وطلع ويحسب شجون وراه لكن طلع وحس شجون ماطلعت التفت لورى وماشافها ودخل الغرفه شافها تغرق عيونها بالدموع
ياسر : شجون قومي
شجون بأرتباك وهي تمسح دموعها : هـ.. هاه
ياسر : شجون قومي يالله مشينا
شجون وقفت معه وبكت .. << ناس تبي العيال وناس تبكي ماتبيهم
ياسر : شجون حبيبتي وشفيك ..؟
شجون جلست على الكراسي وضربت ببطنها : مابي الطفل مابيييه
ياسر : استغفري ربك هذي نعمة من رب العالمين وش ماتبينه
شجون : ابي امي ابي ابوي مابي هذا مابيييييه انا ادري بيموت بيموت صدقني بيموت بتعلق فيه وبيموت مثل غيره
ياسر : شجون وش هالكلام هذا ضعف إيمان
شجون بكت : صدقني بيتركني او بتركه مابي اتعذب زياده وافقد ثلاث اشخاص
ياسر : شجون بلا هالكلام وافرحي (وببتسامه) ولا نسيتي هذا حلم امك وابوك وانتي اسعي عشانه حتى وهم ميتين
شجون ناظرت فيه .. في الذاكره
..............
ام تركي وهي شايله ولد بنت اخوها "سلمى"
وفرحانه فيه وراحت لشجون توريه شجون
ام تركي جلست على سرير شجون مع الطفل : هاه شرايك فيه شجون يهببل والله قمر
شجون ماهتمت له ناظرته بنظره وبعدها التفتت للجهه الثانيه
ام تركي وهي رافعه يدينها للسماء : ياارب افرح فيك واشيل عيالك قولي امين والله لو تحملين لأسوي لك احلى حفله وكل شئ علي
شجون ابتسمت لأمها هي ماتحب الأطفال واجد لكن امها تموت فيهم
........
صحت من افكارها ببتسامه تذكرت كلام امها لما دعت لها تحمل لكن تمنت انها موجوده كانت اكتملت الفرحه
...................................
في اليوم الثاني .. الصباح
في مدرسة الثانوويه
...
في غرفة المعلمات الكل يسولف ويضحك متعودين على بعض إلا اروى كانت جالسه بطاولتها وكرسيها وتستعد للحصه الجايه عندها شرح درس
ابله ندى : اروى
اروى وجهها بشوش على طول ابتسمت ورفعت راسها : هلا
ابله ندى : شفيك جالسه لحالك تعالي اجلسي معنا
اروى : لا استعد للحصه الجايه للشرح عندي درس
ابله ندى : بلا شرح بلا هم تعالي بس وسعي صدرك
اروى ابتسمت لأبله ندى مو كبيره اكبر منها بسنتين وحبوبه
ابله عواطف : ليه تتغلين علينا ولا حنا مو قد المقام ومو عاجبينك
اروى : استغفر الله وش هالكلام
ابله عواطف : وجهك يقول كذا
اروى : لا بس ماتعودت عليكم فتره واتعود وثانياً انا مشغوله
ابله عواطف التفتت .. شرسه حقوده حسوده تكرهه اللكل محد يطيقها بالمدرسه حتى البنات
........
ترن .. ترن .. ترن .. ترن .. ترن .. ترن .. ترن .. ترن .. ترن
صفرت الحصه واروى اخذت ملفها الي فيه الأوراق وكتاب الأنجليزي وراحت للفصل ضربت الباب وسلمت
البنات وقفوا وردوا السلام عليها
اروى : Huairou
البنات : Fine Thaniko .. Huairou
اروى : Fine Thaniko .. Today we have looked easy, but time shows him a little focus and calm and you will understand .. I Bsporp lesson books and Tngulwh quickly and then begin to explain, because we have studied easy times
البنات : ok
في الجامعه
اسيل راحت للهنوف وضمتها : وااااااااي الف مبرووك وصرتي عمه يالدبه
الهنوف : هههههههه ايه افا عليك
اسيل : والدبه اريج صارت ام والله فرحت لها
الهنوف : ايه يالبى قلبها بنتها شموخ تجنن
اسيل : الحماره اقولها سميها اسيل تقول وعع
الهنوف : ههههههههههههه لو تشوفينها نسخه من اريج
اسيل : وااي تحمست اشوفها
الهنوف : اليوم انا وريماس بنزورها
اسيل : بجي معكم
الهنوف : الا تعالي انتي متى جيتي من الكويت
اسيل : جينا امس الفجر
الهنوف : اهاااا
................
في شقة شووق
كانت جالسه وهي متضايقه وشوي تبكي شافت فارس بيطلع وكاشخ بيروح الدوام
شوق برجا : تكفى فارس بروح الجامعه
فارس : ايه عشان تلعبين لعبتك هناك
شوق : يالله هذي دراستي وانا من شروطي اكملها والله اروح واشتكي عليك
فارس : هههههههههههههه ياشيخه بس انتي تهدديني يعني يالله ابي اشوف كيف بتطلعين وانتي بين جدران مافي ولا باب مفتوح لي غير باب دورة المياه "الله يكرمكم" والمطبخ والغرفه حتى البلكونه مقفل بابها اخاف تتهورين وتنطين لنا مجنونه انتي
شوق ناظرته بقهر وعيونها مغرقه بالدموع وقالت بصوت مبحوح : ابي اروح الجامعه هذي دراستي مستقبلي
فارس : انا مستقبلي وياك وانتي ضيعتي مستقبلنا وانا بضيع مستقبلك
شوق : انا وش ذنبي طيب وش ذنبي انا ماسويت لك شئ والله ماسويت شئ ولا خنتك ولا اذيتك
فارس بأستهزاء : ما أذيتيني وكل هالأذيه والرجه الي مسويتها ما أذيتيني
شوق : طلقني خلاص طلقني ريحني منك وارتاح مني ولا نعيش بهالعذاب
فارس : امممممم لما اطفش منك بطلقك
وطلع من الشقه وشوق ناظرته وهي مقهوره ودموعها انهارت على خدها
شوق : إن شاء الله اموووت يارب امووت وافتك وارتاح
................................
اريج جالسه بالصباح تهدهد بنتها الي تبكي ولا خلتها تنام
اريج : يالله منك ياشموخ ناامي ورانا ضيوف يالله حبيبتي نامي
شموخ : وآآآآآآآآآآآآه وآآآآآآآآآآآآآآآآآآآه وآآآآآآآآآآآآآآآآه
وتصارخ وتبكي واريج وقفت تدور فيها بالغرفه وهي تبكي وتزيد وتزيد واريج كل شوي ينفذ صبرها
اريج صرخت : خلااااااااااااااااااااااااااااص
شموخ تبكي من صراخ امها واريج تصارخ اكثر وكل وحده تزيد
لحد ماطفشت اريج ورمتها على السرير وتغطت بالبطانيه وحطت ايدها على بطنها وجلست تدندن وسكتت شموخ واريج تنهدت بأرتياح وهي تتأفف من الموسيقه الي كانت ماليه الغرفه << تقصد صراخ وبكاء شموخ
...................................
فيصل كان بيروح الدوام ويتصل على ملاك الزعلانه من يومين ورايحه بيت اهلها من شكوكه
فيصل : اففف مو راده اكيد نايمه بس لازم ترد
استمر بالدق لحد ماردت وصوتها مليان نوم : خير
فيصل برومنسيه : صباح الخير
ملاك : خير نعم وشتبين
فيصل : واللللل بسم الله هبيتي بوجهي
ملاك : نعم وشتبي
فيصل : وشدعوا عاد يومين زعلانه لهالدرجه ماشتقتي لي
ملاك : ولا بشتاق لك
فيصل : يالله عاد تجهزي وبجي الحين امرك
ملاك : يحلمون الي فيني وفي بنتي يفكرون
فيصل : ملااك يالله عاد الحين بمرك او بعد مارجع من الدوام
ملاك : ماراح ارجع إلا لما تعتذر وتوعدني إنك تترك هالغيره والشك
فيصل : وعد وانا اسف
ملاك : طيب الحين انا نايمه وتعبانه وليان نايمه الظهر لارجعت من الدوام اخذنا
فيصل : اوكي .. سسلام
ملاك : سلام
سكرت ملاك من فيصل وهي مبتسمه مشتاقه له بس تكابر ..
وتغطت بالبطانيه ونامت
...................................
في المدرسه
شهد اول يوم تداوم بالمدرسه بعد الفضيحه الي صارت وتحس بنظرات البنات لها
شهد بهمس لنفسها : اففف ياشين هالنظرات اكرهه الناس لما يسون هالحركات
مروا بنات من جمبها ويناظروها ويضحكون وهي شوي وتبكي لكن الله نجاها وشافت سمر صديقة بنت خالتها ساره
شهد بصوت مبحوح : وين ساره ..؟
سمر ناظرتها بأحتقار من فوق لتحت واقفت وخلتها بمكانها
شهد نزلت دمعه على خدها من القهر : انا وشذنبي وشذنبي .. هين يالحماره سمر انا لك انا وشسويت لك اجل مالت عليك
وجلست تبحث بالمدرسه وهي منزله راسها على ساره واصطدمت ببنت
البنت : آآآآآه عميه ماتشوفين .. ههههههههههههههههه ولا من هول الفضيحه صرتي مجنونه تمشين وتصدمين
ومشت وهي تضحك وشهد ماهمها كلامها لأن خلاص تعودت وياما جاها كلام
لقت ساره جالسه لحالها ومن الفرح راحت لها وضمتها وبكت
شهد : سااااره
ساره بأستغراب : شهوود وشفيك تبكين
شهد : وينك
ساره : هذاني هنا
شهد : جرحوني رموا علي كلام .. انا مالي ذنب بفضيحة اختي والله مالي ذنب الذنب ذنبها ليه حنا نتحمله
ساره : ماعليك من البنات وكلامهم وياجبل مايهزك ريح
شهد : وش ماعلي منهم وانا بس امشي خطوه إلا متم سبه وكلمه ماتجيني لهالدرجه الناس ماعندهم إلا الكلام مافي ولا وحده منهم طيبه وتراعي الشعور الله ياخذهم كلهم واتمصخر عليهم بيوم
ساره : استغفري ربك ولاتهتمين فيهم وامسحي دموعك لايشوفك احد ويعرف إنك مهتمه لكلامهم
شهد مسحت دموعها وجلست جمب ساره تسولف وتضحك وتمثل دور المبسوطه وإن ماهمها البنات وهي تتقطع وتتحطم من داخل
.....................................
الساعه .. 2 اليل
................
ريان ارتسمت الإبتسامه على شفاته وحس بنشوة فرح تسري بجسمه خبر إن بنته رجعت مثل قبل انعش الروح فيه
طلع جواله من جيبه وعلى طول دق على اريج يفرحها .. بعد رنتين ردت
اريج : الوو
ريان بصوت مليان فرح : اهليين وسهلين
اريج : اهلين فيك
ريان : ابشرك يا اريج ابششرك بنتي اشواق بخير بخير بكره طيراتنا بكره
اريج بفرح : والله
ريان : ايه والله
اريج : مبرووووووووووووووووووووووووك
ريان : الله يبارك فيك مقدر اوصف لك يا اريج شلون فرحت وكيف فرحتي ماتنوصف ولا تنوزن بالميزان
اريج : إن شاء الله دوووم
ريان : يالله حبيبتي انا بسكر بس دقيت اخبرك
اريج : مع السلامه
سكرت اريج من ريان وهي مبتسمه بفرح واخيراً بتعيش حياتها مثل الناس واخيراً بيرجع لها زوجها
اريج : الحمدلله الحمدلله وااااااااي قد ايش فرحت
وقامت من السرير ركض للصاله شافت امها وضمتها من الفرح
اريج : ماميي حبيبتي
ام سامي : بسم الله عليك اريج وشفيك
اريج : ماما اشواق بخيير تشافت وبكره بيرجعون
ام سامي : الحمدلله سلامها .. والف مبروك
اريج : وااااااااااي قد ايش فرحانه واكيد ريان فرحان لأن واخيراً بيشوف بنوتته الحلوه شموخ
ام سامي : دوم إن شاء الله هالفرحه قولي امين
...........................
بعد مرور اسبوع
شوق جالسه بالشقه وهي تبكي من القهر والضيم والحزن تحس بنفسها وحيده وفارس يوم عن يوم يزيد عذاب
نحفانه نحفااانه واجد وجهها شاحب وتحت عيونها سواد ماتاكل كله تبكي وجها متنفخ وعيونها حمراااا
جاء فارس من الدوام واول ماشافته شوق ركضت له
شوق : فارس تكفى سامحني الله يخليك
فارس مد لها ورقه وراح لغرفته يشيل اغراضها من الدلاب
شوق مسكت الورقه بين يدينها وهي ترتجف وتبلع ريقها وصرخت : حقييييييييييييييييييييييييييييييييييييييييييييير
بكت ألم بكت ضيم بكت قهر راحت للغرفه وضربته بصدره وهي تبكي للمره الثانيه مطلقه مستحيل تتخيل نفسها مطلقه وش بيقولون عنها الناس عار هي الناس تنظر نظره للمطلقه غير العانس والعازبه
رمى عليها فارس شنطة اغراضها وطردها من الشقه وهي تبكي راحت بتاكسي لبيت اهلها واول مادخلت ارتمت على الأرض وشنطتها مرميه بالأرض وملابسها متناثره بالأرض وهي تبكي بهستيريا وقهر
جنى : خالتوووووووووووووو شوق وشفيك
اروى كان اليوم ممتع بالنسبه لها عطت البنات درس وتوقعت نفسها بتتعب نفسياً منهم لأنهم كبار غير الصغار لكن مشت معهم وهم حليوين وحبوين
ركضت اروى لشوق : شوووووق وشفيك
شوق ارتمت بأحضانها وهي تبكي بهستيريا : طلقني الحقير طلقني يا اروى اختك صارت مطلقه مرتين
اروى : شنو
شوق رمت عليها الورقه وهي تبكي بهستيريا : وش بيقولون الناس اكيد البنت فيها عيب طلقني ولا اهتم بمشاعري هدم حبنا هدمه يا اروى هدمه
اروى قرت الورقه وطاحت من بين يديها وهي ترتجف مو مصدقه مستحيل الحب الطفولي العفوي ينهدم بهالسهوله الحب الي صار ينطري بكل مجلس الحب الي انولد معهم من انولدوا انهدم بهالسهوله
اروى : من جدك انتي طلقك ولا الورقه مزوره
شوق بسخريه : وبهالسالفه في لعب
بكت بقوه وهي تضرب بنفسها
...................................
ساره طاحت الورقه من بين يديها وصرخت : عقييييييييييييييييييم ..؟
تركي كان منزل راسه ومتضايق
ساره كانت دموعها على خدها : ليييييييه ليه ماخبرتني ليه حرام عليك تعذبني والله حرام
تركي : صدقيني كنت بخبرك
ساره بمقاطعه : تخبرني متى تخبرني ولا كنت لاعبها انت واختك تخدعوني وبعدها ارتبط فيك وتحطوني بالأمر الواقع
تركي : لا والله مو كذا قصدي ... ساره والله كنت بخبرك والله
ساره : متى كنت بتخبرني قبل لأموت وبأخر انفاسي بتخبرني انت إنسان حقير ولا تعرف شئ اسمه إنسانيه او إحساس ماهتميت بمشاعري ماهتميت بحلمي إني اكون ام ليه تعذبني ليه
تركي : انا اسف
ساره : وش يفيد الأسف هااه وش يفيد انت عذبتني وهدمت حلمي هدمته .. اطلع برااا براااا خلني لحالي خلني
طلع تركي من الغرفه يخليها براحتها مراعي شعورها
ساره جلست على الأرض تبكي وتناثرت قدامها صور الأطفال وكتاب اسماء للأطفال كانت تحلم تجيب طفل وكانت تشوف صور الأطفال تبي ولدها او بنتها يكونون مثل الأطفال وتفكر لهم بأسماء لكن حلمها تلاشى وانهدم ماراح تكون ام هي ارتبطت بواحد عقيم
ساره : لييه الدنيا كذا قاسيه فقدت توأمي وروحي الثانيه والحين فقدت كلمة ماما فقدت الطفل الي كنا نحلم فيها انا ونوف
...................................
لميس تمت ملكتها الراقيه بأفخم القصور
كانت جالسه بغرفتها تحاكي سعود : مدري انت براحتك تبي نسكن ببيت اهلك ولا بشقه مستقله براحتك
سعود : الراي رايك ياقلبي
لميس بنعومه وخجل : تسلم بس انت وشرايك يعني اكيد ودك بشئ
سعود : والله ودي ببيت اهلي هناك تنبسطين مع خواتي وكذا
لميس بخجل : بساطتي وفرحتي وياك انت وبس
سعود : افهم من كلامك ماتبين تسكنين مع اهلي
لميس : لا بالعكس اهلك حبوبين وانا موافقه اعيش معهم
سعود : جد
لميس : ايوه جد .. طيب حياتي انا بسكر تامرني على شئ
سعود : لا سلامتك وانتبهي على نفسك
لميس : اوكي وانت انتبه على نفسسك .. سي يو
سعود : باي
سكرت لميس من سعود ونزلت تحت وهي تدندن وتهز من الفرح
...............................
شجون اقنعها ياسر بكلامه اقنعها بالطفل وفتحت صفحه جديده صفحه خاليه من اهلها صفحه مافيها غير ياسر والطفل الي ببطنها
ياسر معطيها القمر بيد والشمس بيد ويادهينه ماتنكتين
ياسر : الو يمه
ام ياسر : هلا والله
ياسر : ابششششر صرتي جده
ام ياسر : شنو
ياسر : يمه شجون حامل حاامل
ام ياسر بفرح : والله
ياسر : ايه والله حامل اليوم حللنا وطلعت حامل
ام ياسر : كللللللللللللللللللللللللللللوش الف الف مبرووك
ياسر : الله يبارك فيك
ام ياسر : والله لأعوضها بأمها واسوي لها احلى حفله ماصارت ولا استوت
ياسر : تسلمين والله لاتتعبين نفسك
ام ياسر : لا تعب ولا شئ .. عطني اياها اكلمها وابارك لها
ياسر : لا والله الحين تعبانه لا صحصحت خليتها تكلمك
ام ياسر : ماتشوف شر وربي فرحت لك
ياسر : تسلمين والله
ام ياسر : بارك لها وسلم عليها
ياسر : يوصل إن شاء الله
ام ياسر : مع السلامه
سكر ياسر من امه وراح جلس جمبها وهو طاير من الفرحه
ساره جالسه تبكي بحرقة قلب .. وتلاشى حلمها وتناثر
ساره : عمري ماذقت طعم السعاده .. واساس السعاده هي نوف وإذا اساسها راحت من وين القاها من ويين حتى تركي ماعوضني بغيابها
بكت من القهر وتحس نفسها مخدوعه بتركي غرقها بكلامه غرقها بحبه غرقها برومنسيه لكن الخافي أصم الخافي جرحها وحطمها ولاشى حلمها الخافي إنه عقيم خلاها تبكي وماتوقف من البكي والضيم
طلعت من الدرج صورة نوف وهم بسويسرا .. عمرهم : 16 سنه .. في أولى ثانوي
لابسه شورت اسود ضيق لتحت الركبه وتيشرت ابيض وفيه كلمات بالأنجليزي وفيسات بالأسود وشعرها متناثر على وجهها .. كانت مبتسمه وباينه غمازتها
دققت ساره على ابتسامتها .. ابتسامتها آآه يا ابتسامتها ياكثر من قالها احلى مافيك ابتسامتك وغمازتك كان ابتسامته ذباحه ورهيبه
تأملت ملامحها الناعمه إلا في شبه بين ملامحها وملامح نوف جسمها نفس جسم ساره طوال ونحاف واجسامهم مثل العارضات الأزياء
لكن بعيون نوف براءه وطفوله مو صاحية وساره عيونها عسليه وصغيره
ضمة الصوره بقوه لصدرها وهي ماتبي تفقد الصوره مثل مافقدت صاحبتها نزلت دمعه حاره على خدها احرقت خدها .. لكن ماحست مقهوره من تركي لأنه خدها مقهوره منه وتفضفض للصوره تتمنى نوف موجوده وتفضفض لها
.........................................
نايف الحزييين الي مايعرف السعاده من نوف وسهام مشكلته رومانسي زيادة عن اللزوم وضعيف وشخصيته مهزوزه بسبب ابوه الي يمشي كلمته عليه ويهاوشه ويضربه فصار ضعيف مايقدر ياخذ حقه وطيوب
جالس بغرفته على الاب توب يناظر بصور البنات صار كذا فجأه يعشقهم هو نفسه مايعرف وش فيه
نايف : اخص هذا وربي خطييره
دخل عليه ابوه وسكر الموقع بسرعه والتفت عليه مبتسم بأرتباك
ابونايف : وشفيك مرتبك ..؟
نايف : انا مافيني شئ تشوف فيني شئ
ابونايف : لا بس اشوفك مرتبك وسكرت الاب توب اول مادخلت
نايف تنهد : لحوول تحقيق هو كنت بسكره دخلت او مادخلت
ابونايف : طيب ابيك بشغل
نايف : مالي خلق
ابونايف : حلوه هذي مالك خلق اشوف يالله قدامي على الدوام
نايف : توني راجع
ابونايف : طيب شسويلك يالله قدامي يالله
نايف شخصيته مهزوزه جمب ابوه وقف وهو مقهور يبي ياخذ حقه يبي يدافع عن نفسه مو قادر يحس نفسه عاجز ضعيف
.........................
دانه ضمة اخوها بدر : بدر
بدر : دانه لاتبكين انا بسافر اتعالج وبرجع لكم وبتفرحون الحين بكا بكره فرح
دانه : بدر تكفى لاتتركنا
بدر : انتي بكره بتتزوجين وبتتركينا وانا بتعالج وبرجع لاتبكين امسحي دموعك
دانه مسحت دموعها : بشتاق لك مووت
بدر : وانا بعد بشتاق لك وبكلمك كل يوم صدقيني
ام بدر جات وضمة ولدها وهي تبكي : بشتاق لك والله ياولدي
بدر : وانا بشتاق لك يالغاليه
ام بدر : انتبه على نفسك واذكرنا بكل وقت
بدر : إن شاء الله .. للمعلوميه انا بسافر اتعالج مو بسافر بهاجر ماني براجع
ام بدر ابتسمت لبدر وهي فرحانه إن الفكره دخلت براسه يتعالج تحسبه بيتعالج لنفسه مادرت إنه بتعالج لشوق لعيونها
ودع بدر اهله ودانه بتطفش لحالها راكان ومسافر مع خالها يعالجه وبدر سافر مع ابوها يتعالج
بتشتاق لهم موت راحوا الأخوان الي يونسونها ويوسعون صدرها ايامهم مع بعض حلوه لكن الزمن فرقهم وكل واحد منهم تزوج وراح بنصيبه
.........................
شوق جالسه على الأرض متكوره وتبكي من الألم وورقة طلاقها مرميه على الأرض وتحت ملابسها وسخ جالسه على الأرض والأرض غبار ووسخ .. توقعت من فارس القسى العذاب الضرب إلا الطلاق ماتوقعت منه ابد ماراعى شعورها ماراعى احساسها الرهيف ..
شوق : حرام عليك يافارس تعذبني يكفي إني تعذبت بأول عمري يكفي إني تعذبت مع بدر وطلقني وعشت بعذاب وتطلقني الحين انت .. وبتنعاد قصة مأساة عمري في هواك
نزلت دمعه حاره احرقت خدها لكن ماحست بحرارتها من الألم
طلعت دفترها وكتبت الأغنيه الي كانت تأثر فيها حييل وتعشقها والحين مناسبه للأجواء الي تعيشها :
اذا ناوي تروح ابفهم وين اروح
تخليني اعيش بعدك بألم و جروح
و اذا عني مشيت و اذا غيري لقيت
منو غيرك انا بلقى يا روح الروح
يعني ترضاها علي تترك ايدينك ايدي
تنسى من عايش عشانك ان كان ميت او حي
و اذا نويت تعشق تحب ثاني امانة لا تنساني
إني [ احبك ] مووووووووووووووت
طمني عليك إذا حسيت بـ اي اذى
بتلقاني مع قلبك اذا بكى
منو يحس فيني انا اذا ذقت العنا
منو يداري قلبي في يوم اذا شكى
يعني ما شوفك بعد ولا اسمع صوتك ابد
و اذا ضاقت علي دنياي مالي غيرك اي احد
و اذا نويت تعشق تحب ثاني امانة لا تنساني
إني [ احبك ]موووووووووووووووووت
تذكر هالمكان انا وانت زمان تذكر يوم تسقيني
حب و ح ـنان
اذا ناوي الغياب ابرضى بالعذاب ابرضى وانا في قلبي
ألم وأحزان
خلاص روح الله معك بخليك انا بهواك
وإذا خايف انا انساك انسى روحي مانساك
اذا نويت تعشق تحب ثاني امانه لاتنساني إني
[ احبك ] موووووووووووت
ارتجف القلم بين يديها وطاح ودموعها انهارت على خدها وهي تقرى الإغنيه وبكت أكثر وأكثر
وارتمت على الدفتر لمجرد ذكرى إنها مطلقه مرتين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك