رواية تدري وش اللي يقلب فيني أوجاعي -55
ريما : جيبي عباتي وحجابي بسرعه
نزلت ارتيني ومدت العباه لريما ولبستها بسرعه ريما وطلعت مع السايق ومتوجهه لبيت عمتها ام بدر
دقايق ووصلت ونزلت رنت الباب اكثر من مره وكانت دانه الي فتحت اول مافتحت دانه ارتمت بأحضانها ريما وهي تبكي
ريما : جاني للبيت جاني يادانه جاني
دانه بأستغراب : بسم الله عليك ريما وشفيك انهبلتي
ريما وهي خايفه ومرتبكه وترتجف : جـ..ا...نـ..ي..جأنـ....ي
دانه : تعالي تعالي اجلسي ارتاحي (وبصوت عالي قالت) سوناري سوناري
سوناري : يسس
دانه : كاس مويه واحد
سوناري : اوكي مدام
دانه : ريما وشفيك ياقلبي ..؟
ريما بصوت مرتجف : متـ..عـ..ب..جـ..ا..نـ..ي...للبـ...يـ..ت
دانه حاولت تركب كلمه على بعضها مو قادره : ريما اهدي وقولي لي السالفه
ريما هدت شوي وبلعت ريقها وشربت المويه وقالت بأرتباك : متعب جاني للبيت
دانه : ششنو ..؟
ريما : ايه جاني وخربط لي قال احبك وانتي كبيره بعيني وهالكلام انا خايفه يعيدها ويشوفنه اهلي مجنون يادانه مجنون رجع يزعجني آآه يادانه انا خايفه
دانه : اهدي بس ولا تخافين ماعليك منه جبان وشفتي كيف خاف من بدر
ريما : بس رجع يتمادى اخاف يسوي شئ هالمجنون
دانه ابتسمت : حنا مو بصحرا حنا بأمان ولا تخافي ولا شئ وهونيها وتهون
ريما : كيف اهونها وهو تمادى وجاني للبيت
دانه : لاتخافي انا معك
ريما : ماراح تتمين طول العمر معي وهذا انتي انخطبتي
دانه : وش هالكلام انخطبت يعني مت انا عايشه ولاراح ننفصل صدقيني
ريما : الله لايحرمني منك والله
.................................
شجون جالسه بشقتها وهي طفشانه حدها مو عارفه وش تسوي وياسر مارجع حست بخوف شديد له
الأفكار تاخذها لبعيييييييد تاخذها بإن الحلم بيتحقق وياسر بتفقده وبتخسر كل الي تحبهم صارت تخاف عليه صارت تخاف تفقده مثل مافقدت اهلها
شجون رفعت جوالها واتصلت عليه بعد رنتين رد
ياسر : الوو شجون انا بالشغل كل شوي دقيت
شجون وهي خانقتها العبره : ياسر وينك تأخرت انا خايفه لحالي
ياسر : اول مره تجلسي لحالك
شجون : لا بس خايفه تكفى تعال
ياسر : شجون كيف اطلع من دوامي
شجون بعصبيه : وش هالدوام الي لليل
ياسر : شجون خلاص بعدين اكلمك
وسكر الخط بوجهها وشجون من القهر رمت الجوال
شجون : هذا جزاي خايفه عليه وهو يسكر الخط بوجهي اففففففف .. يعني اقعد كذا اناظر الجدران مافي إلا ادق على سويره لااا مالي خلقها .. او ادق على نجلاء ولا سديم هممممم مين ادق عليه .. اكيد هم مشغولين مو فاضين مثلي ساره ونجلاء متزوجات ومشغولين وسديم هممم يمكن ماهيب فاضيه لاااا خلني بس ادق على سديم فاضيه
رفعت جوالها واتصلت على سديم بعد رنتين ردت عليها
سديم : مرحبا
شجون : مرحبتين .. كيفك سدووم ..؟
سديم : تمامو وانتي كيف حالك
شجون : عال العال هممم طفشانه حدي بليييز سولفي لاتجلسين تسرحين وتسوين لك حركتات
سديم : هههههههههههه افااا انا اسكت ولا أنتي
شجون : ههههههاي
سديم : لاااا النفسيه زينه
شجون : احم احم
سديم : ياشيخه على شنو مغتره إلا اقووولك مادريتي عن بشاير ياقلبي عليها
شجون بخوف : لييه وشفيها ..؟
سديم : تخيلي تعرفين الإنسان الحقير الي كلمته
شجون : ميين
سديم : ماجد في غيره
شجون : ايه عرفته
سديم : هو سنتين يكلمها ومواعدها بالزواج ياقلبي عليها رسل لها رساله من اسبوع بكره ملكتي تخيلي الحقير وهو الي مواعدها بالزواج ويوهمها إنه يحبها سنتين ياشجون تعلقت فيه والحين المسكينه جاتها سكته قلبيه وتصيح يوم زرتها امس
شجون بضيقه : يووه مسكينه حسبي الله عليه الظالم .. طيب ابي ازورها
سديم : والله مدري
شجون : الحين الساعه 6 وشرايك تمريني ونروح نزورها قبل لايسكرون
سديم : اوكي الحين اقول للسايق وامرك انا جاهزه وانتي
شجون : مالي خلق البس .. كلها بلبس عباتي واطلع
سديم تكرهه الي يطلعون بجلابيه او ببيجامه ماتحب تطلع إلا بجينز وتيشرت : لا شووجي لاتصيرين هيلقيه البسي جينز وتيشرت
شجون : ههههههههههاي اعرفك سدووم تكرهين الي يطلعون بجلابيات وبيجامات بس مالي خلق البس
سديم : اففف براحتك
شجون : اوكي بلبس لاتتأخرين
سديم : اوكي باايز
شجون : بايزات
سكرت سديم من شجون صديقتها وحبيبتها ونزلت تحت وهي تدندن وشافت اخوها سعد
سعد : على وين
سديم ببتسامه : على المستشفى
سعد : بسسم الله وشفيك
سديم : ابد مافيني شئ بزور صاحبتي
سعد موته البنات : مزيونه
سديم : انطم اقولك صاحبتي يالله السايق برااا
سعد : لا امي ماخذته تبين اوصلك
سديم : لا بحتريه لإني بمر صاحبتي
سعد : ( لا فيها مرة صاحبتها وفيه ثانيه بعد لا بوصلها بوصلها ) لا خلاص ياقلبي اختي انتي اوصلك انا يالله انا بطلع اوصلك بطريقي
طلع سعد وسديم قرت كل الي بعيونه بس حالفه بتفشله قدام شجون
شوق بعد ماهدت من الصراع الي مرت فيه وانفك الحبس وجاء فارس من دوامه
شوق برجا : فارس خلني اروح لأهلي تكفى
فارس صرخ بعصبيه : شوق رجيتيني اهلي واهلي انتي متغيره واجد ولازم تتعدلين بعدها انا اتعدل
شوق بحقد : ماتوقعتك لهادرجه حقيير
فارس : وانا بعد ماتوقعتك كذا قولي مين الي موسوس على راسك اخوياك الي كنتي تكلمينهم مثل ماكلمتيني
شوق انصدمت يشك فيها : تشك فيني
فارس : ايوه اشك وليه ماشك دامك مكلمتني يجي منك تكلمين غيري (وبأستهزاء) يابنت خالتي .. خالتي المسكينه مخدوعه فيك ربت وتعبت وهذي اخر تربيتها بنت راعية رجاجيل وصايعه
شوق انصدمت وبكت اكثر وحقدت عليه اكثر واكثر مشتاقه لأهلها مشتاقه لأمها وابوها مشتاقه لأروى ولبنتها جنى مشتاقه لساره ولهواشها معها مشتاقه لرائد ونصايحه لها مشتاقه لفيصل وزوجته ملاك ولبنتهم ليان مشتاقه لبيتهم لغرفتهم لكل شئ تحس إنها بسجن
شوق برجا وهي عند رجوله : فارس ودني لأهلي بس ابي اشوفهم
فارس .. في ذاكرته ذاك اليوم مع صاحبة عمر
.........
فارس : مدري ياعمر متغيره علي حيييل تبكي وتصارخ وماتشتهيني وكله تقولي طلقني وتردد هالكلمه وكأني عدوها
عمر : طيب يمكن مسحوره
فارس : وديتها لشيخ وقال كذا والحمدلله انفك بس مدري وشفيها هالإنسانه عجيبه
عمر : اجل صدقني الي كلمتك بتكلم مليون غيرك واكيد احد من اخوياها لعب عليها بكم كلمه وشبت مثل ماشبت يوم تبيك هذي مثل الطفل تنخدع بالكلام
فارس : لالا عمر لاتتمادى ماتوقع
عمر : ياهيييه وش ماتتوقع هذي كلمة ولد خالتها ولا فكرت بأهلها اكيد بتكلم غيرك ولعبوا عليها صدقني يافارس هذي يبي لها العين الحمرا مايبي لها اللين وكأنك انت الي ميت عليها عطها العين الحمره وحسسها إنك كاشفها وبتشوف وبتقول عمر قالها
فارس : شورك وهداية الله
.............
صحى على صوت شوق المتقطع من البكي والرجا
شوق : تكفى ودني لبيت اهلي تكفىىىىىىىىىىىىىىىىىىىىى
فارس صرخ بعصبيه : بس خلاااااااااااااااااااااااااااااااااص سكتي لأتوطى ببطنك هنا اهلك مافيه جوال مافيه تلفون مافيه طلعه مافيه فاهمه خرابيطك وحركاتك ودلعك القديم انسيه وفارس الطيب انسيه وبتشوفين الوجه الثاني لي يالصايعه
ودخل الغرفه بيرتاح يحس كارهها ويحس كل كلمه قالها عمر صدق .. مو طايقها يحس بالكرهه لها مايتخيل حبيبته وحياته تكلم غيره مايتخيل وهو شاك فيها من زمان وعمر أكد له كل شئ اكيد متواعده مع احد من الي تكلمهم ولعب عليها بكم كلمه وتغيرت مثل مالعبت ببدر لحد ماطلقها وتزوجته
...
شوق وهي على الأرض جالسه تبكي وكلمته ترن بعقلها : وانا بعد ماتوقعتك كذا قولي مين الي موسوس على راسك اخوياك الي كنتي تكلمينهم مثل ماكلمتيني ايوه اشك وليه ماشك دامك مكلمتني يجي منك تكلمين غيري (وبأستهزاء) يابنت خالتي .. خالتي المسكينه مخدوعه فيك ربت وتعبت وهذي اخر تربيتها بنت راعية رجاجيل وصايعه
شوق صرخت بقوه : اكررررررررررررررررررررررررررهك اكرهك طلقني اتركني ريحني خلني اعيش حياتي تكفى طلقني
وبكت اكثر واكثر كارهه حياتها وتحس بالأشمئزاز منه ومن المكان الي يجمعهم
تبي تدخل غرفتها تبي تنسدح على سريرها تحس بنفسها تعبانه تنام كل يوم على الكنب ظهرها يألها
ونفس الحاله هو يدخل الغرفه ويرتاح ويقفل الباب وهي تتألم من هالكنب المتعب ظهرها بيتكسر
..............................
ساره لبست عباتها وهي بتطلع سلمت على امها واروى وباست جنويه وطلعت
وبقت اروى بالصاله وقدامها اوراق وكتب وقلامه كانت حوسه ماكانت فاضيه مثل قبل وهملت بنتها كثيير وصار كل تفكيرها ووقتها تعطيه للمدرسه وقربت الأختبارات مابقى لها إلا اسبوع وصارت تحدد الأسئله وتنقلهم بورق وحوسه وحالتها حاله
تناثرت نصف الأوراق بالأرض وام فيصل تكرهه الحوسه واذا انقلب مزاجها من الحوسه والعفسه
ام فيصل بعصبيه : اروى لمي اغراضك انا ماحب الحوسه كذا
اروى : يمممه ماتشوفيني مشغوله خلي جنويه تشيلهم مشغوله حدي لحد يكلمني ويقولي شيلي وسوي
ام فيصل : ياسلام جالسه ببلاش هنا
اروى ماكانت تعبر كلام امها لأنها مشغوله مو فاضيه : بس استسلم معاشاتي بطلع
ام فيصل : اروى زعلتي
اروى اصلاً ماكانت مركزه وردت لا أرادي ولا تدري وش قالت امها لكن امها نبهتها إن السؤال محرج لها فما حبت تبين لأمها إنها ماسمعته عشان ماتعيده
اروى ببتسامه : لالا عادي مازعلت
وكملت كتابه وجنى تحس بالإحباط امها صارت تهملها وتعطي كل وقتها للمدرسه حتى الصباح صارت تتجهز هي قبل بعدين تجهزها
جنى اخذت نصف الأوراق وشققتهم وناثرتهم بالأرض وضحكت بأنتصار : هههههههههههههههههههههاي
اروى عصبت من جد وصرخت بعصبيه جمدت جنى : مجنووووووووووووووووووونه
وبعصبيه ضربتها كف على خدها وعلى ظهرها
اروى بعصبيه : والله ياجنيه لو اشوف هالتصرف يتكرر واشوفك تشقين الأوراق بعد ماتعبت عليهم والله لأذبحك فاهمه
وضربتها ورجعت وهي معصبه وجنى بكت وهي حاطه يدها على خدها على مكان الخد القوي وراحت لجدتها وارتمت بأحضانها تبكي
واروى معصبه من جنى وتصرفها بعد ماتعبت على الأوراق وماشققت إلا الأوراق إلي مكتوب فيهم اما الأوراق الفاضيه ماشققتهم وهذا الي قهرها لو إن العكس كان اهون
............................................
اريج كانت جالسه بالغرفه لحالها مع بنتها شموخ كانت ترضعها وتتأمل ملامحها تشبه لأريج كثييير وفيها لمحه بسيطه من ابوها "ريان"
اريج كانت تلاعب شموخ ومدخله اصبعها في فمها تلاعبها وشموخ تبتسم وكانت ابتسامتها تذبح اريج ابتسامتها بريئه تعشق إبتسامة الأطفال لإن فيها براءه
اريج : والله لأعيشك احلى عيشه وادللك وادلعك ولا ازعلك وكل شئ تبينه حاضر وإن شاء الله
وضمتها بقووه وهي مبسوطه فيها حيل ماتتخيل بيوم تكون ام وصارت الحين ومبسوطه عشقها وموتها الأطفال وبرائتهم وتبي بنتها تكون بريئه وعفويه مثل الأطفال الي تعشقهم
دخلت عليها لميس وهي مبتسمه وهي تشوف اختها اريج كيف مبتسمه ومبسوطه وضامه بنتها
لميس : اففف للحين مع الفلم الهندي انتي وبنتك
اريج ابتسمت للميس : وهالفلم بيستمر لأخر نفس
لميس ابتسمت وجلست جمبها : الا اقول اريج منال مو عاجبتني مو على بعضها تحتقرنا وتناظرنا بنظرات حقوده ومو طايقتنا وقالت لي كلام مدري كيف اصدمتني فيه
اريج : كيف ..؟
لميس : تقول لاتتسرعين بالحكم على الزواج وكأنها تقول بإختصار لاتوافقين
اريج : ليه وش الهدف ..؟
لميس : انا مثلك مدري يمكن شايفه على سعود شئ
اريج بسرعه فهمت على منال اختها : لا انتي لاتفكرين بكلامها سعود ماعليه كلام وانا اقولك وافقي ومهما قالت لك لاتردين عليها ولا تفكرين بكلامها هذي مجنونه تحسب كل الزواجات مثل زواجها فاشل .. وهي متعقده من زواجها وبسس صدقيني لاتفكرين
لميس : بس انا خايفه شايفه شئ انا ماشفته وهي تبعدني واندم بساعه ماينفع فيها الندم
اريج : قلت لك لاتخافين وبتعيشين احسن فيها وماراح تندمين صدقيني
لميس ببتسامه : واجيب بنوته مثلك اسمها شموخ
اريج : هههههههههههه شموخ عاد قلة الأسامي
لميس : عشان تطلع مثل بنتك قمممر
اريج : بسسم الله بسسم الله بتنظلين بنتي
لميس : ماشاء الله ماشاء الله
اريج : ايه بعد لاتنظلينها واصلاً ماراحت لبعيد تشبه امها القمر
لميس : لا وييين انتي خياس
اريج : انطمممي
لميس : ههههههههههههاي والله ماتشبهك ابد مادري فيهم عمى عيون هذي مزيونه وقمر وانتي وععع
اريج : لا والله غيرانه مني
لميس : على شنو اغار من جمالك مع جلابيتك هذي كنك عجوز
اريج : انطمي انتي بس للذم اشوفك لا حملتي وولدتي اشوف ملابسك وبطنز عليك عاد لذاك الوقت بنتي كبرت وبتبوس بنتك
لميس : يالبيييه ويكونون صحبات
اريج : وش صحبات
لميس : يعني مو كبيره بتكون بنتك كثير سنه سنتين
اريج : ايه
لميس : عاد انا لا قربت من بنتي بتضربها اقطع يدها
اريج : اقطع يدك قبل لاتمدين يدك عليها
لميس : بدينا من الحين الله يعلم ببعدين
اريج : ايه والله هههههههههههههه
...............................
عند باب شقة شجون
ركبت شجون السياره وسكرت الباب : السلام
سديم : وعليكم السلام
سعد بهيبه ورزه : وعليكم السلام
شجون سكتت ولا تكلمت وهي مقهوره من سديم قايله لها السايق مو اخوها
سعد : شخبارك شجون
شجون استغربت من جرائته : ( ماين الأخ ) بخير
سديم : اقول سعدوه ووجع انطم تراها مو تبع خرابيطك تراهي ثقيله مو رخيصه
سعد انقهر من سديم ولعن بداخله عليها
سديم : اقول سعد شخبار هذي خويتك الي مدري وش اسمها (ومثلت تفكر) ذيك اللبنانيه ايه جيلنار كيفها
سعد منقهر منها رزه وهيبه فشلته : ايه بخير بخير
سديم : سعد الحين وش سويت مع ابوي يوم ذاك اليوم هاوشك وبغى يضربك لأنك تأخرت للحين زعلان عليك هههههههههههههههههه
شجون حست إن سديم احرجت سعد واااجد وقاصده
سعد بهمس بس سمعته سديم : انطمي لأتوطي ببطنك
سديم : ههههههههههههاي وشفيك سعد شجون مثل اختي
سعد وده يقوم ويتوطى ببطن اخته
شوق جلست تناظر نفسها بمراية دورة المياه "الله يكرمكم" وجهها شاحب وتحت عيونها سواد ونحفانه كثير ووجهها متنفخ من البكي
شوق : حسبي الله عليك يافارس كانك قلبت حالي قلاب جعل إن شاء الله الي فيني بخواتك وفيك
غسلت وجهها وهي ناويه ماتسوي نفسها كذا عشان واحد نذل مثل فارس
طلعت من دورة المياه "الله يكرمكم" وراحت للمطبخ الثلاجه فااضيه مافيها غير همبرجر
شوق كشرت : شنو هذاا .. مافي شئ ينأكل هالبخيل ذا ماكلف على نفسه يفتح الثلاجه ويشوف وش ناقص او يشتري أكل للحماره الي في البيت < تقصد نفسها
اخذت الهمبرجر حطت المقلا عل النار وفتحته بحذر هي ماعمرها دخلت المطبخ سنه كامله مرت على زواجهم ولا عمرها فتحت المقلا كله اكل من المطعم واذا دخلت سوت خفايف ماتسدعي النار
دورت على سندويتش الهمبرجر مالقت عصبت من جد وضربت الطاوله بعصبيه
شوق : شنو هذااا شاري همبرجر بدون سندويتشه صراحه غالي السندويتش هاللي ماشراه الله يقلعه مقفل الباب وشايل التلفون ولا دقيت على التموينات توصل ........ اففففففففففف جوعانه شسوي باكله كذا
طلعت لها كاس وصبت لها مويه وانتظرت الهمبرجر لحد ماخلص وحطته بصحن وطلعت للصاله
جلست على الكنب تاكله وهي حدها جوعانه وناظرت بالتلفزيون مافيه شئ طاحت عينها على الدفيدي وراحت شغلته ودورت على السيديات فلم اكششششن ولقت فلم تعشقه رهيب اكثر من مره تناظره ولا تطفش منه
..........................................
لقى غيري ولا همه من وراه شيصير فيني
ماني قادر انا القى حب غيره ينسيني
شلي فيني عشان تبعد انا انسان حالي من حالك
ولا اللي مثلي ماعاد يبقى بقلبك اللي ناسيني
لقى غيري ولا همه
تخليني ليش معا اجروحي
تخليني ليش معا الاحزان
وانا اللي كنت احسبك بيوم عمرك ماتخليني
يعني ذنبي اني حبيتك وبديتك على نفسي
فوق السحاب عليتك بالغدر تجازيني
لقى غيري ولا همه
حبنا كان احلى قصه
رحت ودمرتها بايدينك
ماخذيت وعطيت فرصه
اذا معا غيري حلى قربه
تهنى ياسبب ياجرحي
لقى غيري ولا همه
.....................
في المستشفى
الصراخ والبكي يملي المكان تضرب بنفسها وتبكي على الأيام الي قضتها معه قضتها معه بالحلوه والمره غرقها بالكلام الحلو خلاها تنسى من هي ووين عايشه خلاها تنسى نفسها إنسان حبته وعشقته ماتخيلت بيوم إنه بيكون لغيرها .. مو مستوعبه والمسج تقراه اكثر من مره وتقرى اسمه اكثر من مره
بكت ضيم بكت قهر بكت حزن
ضمة صديقاتها وهي تبكي من قلب تعلقت فييه واجد ويخبرها بنفسه بزواجه .. بزواجه
شجون : تعوذي من الشيطان ياقلبي انتي ولا تنقهري وتبكي عشانه
بشاير تبكي وبصوت مبحوح : خـ..اننـ...ي
وبكت بقوه من الألم والحزن
سديم : بس خلاص اهدي وهذا واحد حقير ونذل ولاعب
بشاير بعصبيه بوسط دموعها : لاتقولين عنه كذا اكيد مو اهو الي رسل المسج
وبكت تكذب وتصدق كذبها تبي تدور له عذر مالقت
شجون : بشاير حبيبتي اهدي وترى الدنيا ماتسوى تبكين على واحد نذل مثله وفي مليون غيره
بشاير : بس انا مابي غيره ابيه هوو والله والله والله وثلثتها إني ماخليه يتهنى واخرب عرسه واقلبه فوق تحت ولا اخليه يعيش مرتاح والله
شجون : استغفري ربك وهو راح بنصيبه وانتي صغيره والطريق قدامك وإن شاء الله تتزوجين والله يوفقك
بشاير : آآآآآآآآآآآآآآه ياحرقة قلبي ياشجون ياحرقة قلبي حسبي الله عليه والله باخذ حقي منه حتى لو بالذبح باخذه باخذه
سديم : لا هذي حالتها خاصه ننادي السستر تعطيها مهدئ
بشاير : انا ماحتاج مهدئ انا احتاجه هو .. هو المهدئ لحالتي هو شفائي الوحيد هو علاجي جيبوه جيبوووه
وبكت بقووه وبعنف
وشجون وسديم ضايق صدرهم لحالتها وهم اصلاً مو عاجبهم كل شئ كانت تسويه بشاير
..
بشاير << بنت يتيمه تتربى ببيت عمها معطينها الحريه مايهتمون فيها ولا كأنها بنتهم وعدم اهتماهم فيها ضيعها ضيعها كثيييير لكن الله عطاها صديقات صالحات بيصلحوها
.............................
اروى : جنى حبيبتي
جنى كانت تبكي وزعلانه من امها عشان ضربتها : وحلي وحلي "وخري وخري"
اروى : ياعيني على الزعلانه تعملين عملتك ولا تضربوها او تزعلوها
جنى : ضربتيني بقووه
اروى : وانتي شققتي الأوراق كلها
جنى : عادي
اروى : عادي وانا تعبت
جنى لفت للجهه الثانيه : تعبي لاحه "راحه"
اروى : هههههههههههههههههههههههههه من معلمك هالكلمه ياعسوله
جنى : لاتدحكين "لاتضحكين"
اروى بعناد : هههههههههههههههههههههههههههههههههه
جنى : افففففف قلت لك لاتدحكين
اروى : الا الا بضحك
جنى : لا لا لاتدحكين
اروى : الا بضحك
جنى : اففف
اروى : انتي متى بيتعدل كلامك دخلتي اولى وطالعه لثاني وكلامك كذا
جنى : كيفي كيفي
اروى : ياعيني على كيفي بس
جنى : هههههههههههههههههههههههههاي
اروى : وشفيك تضحكين مهبوله
جنى : ههههههههههههههههههههههه
اروى : من جد هبله
جنى : مثلك
اروى : مالت انا هبله يالدبه
جنى رفعت تيشرتها وبينت بطنها : انا دبه شوفي مافي يدبه انتي الي فيك دبه
اروى : افااا انا فيني دبه انا نحيفه
جنى : لالا انا انحف انتي دبببه كبيييييييييييره
اروى : انتي الدبه
جنى : لا انتي
اروى : لا انتي
.............................................
شجون رجعت شقتها وهي متضايقه حدها اول مره تشوف بشاير الرومنسيه الدلوعه تبكي وتصارخ مثل كذا
دوم تشوفها تكلم تسولف وتضحك بدلع ونعومه اول مره تشوفها بهالصوره تبي ترجع بشاير المنحرفه بس ماتشوفها كذا
رجعت الشقه وجلست على الكنب وهي تحس بلوعة بكبدها
وركضت لدورة المياه ترجع " الله يكرمكم" طلعت بعد فتره وهي حاطه الكلنكس على فمها ويدها الثانيه على بطنها
جلست على الكنب وانسدحت وبطنها يألمها وتحس كل شوي باللوعه ترجع لها
شجون : يالله لييكون
وحطت يدها على فمها بخوف خافت من هالفكره
شجون : لالالا بس ألم بسيط وبيروح اكيد ماكله شئ والمني بطني
دخل ياسر الشقه وبيده اكياس شاري اغراض من الهايبر
ياسر : وشفيك ..؟
شجون بتعب : مدري بطني يألمني وترجيع "الله يكرمكم"
ياسر : اكيد ماكله شئ تبين مره
شجون تكرهه المره لاجاها بطنها امها تغصبها عشانها تنهدت بضيقه : ( امي آآآه يا امي وينك يا امي وينك كان الحين تداريني مداراه كان الحين حسيتي فيني وتتعبين لتعبي وتحوفيني وحوف وتجيبين لي خلاطتك حق البطن اااه وينك يا امي .. حرام عليكم تتركوني ليه تعذبوني محد لي بهالدنيا غيركم انتم اهلي وعزوتي من بعدكم تعلن الدنيا وفاتي ) غرقت عيونها بالدموع وياسر خاف عليها يحسبها تتألم وهي تتألم لفراق اهلها
ياسر : تبين اوديك المستشفى
شجون بصوت مبحوح : لالا الحين بخف
ياسر : لا والله حلفت اني بوديك يالله البسي عباتك واوديك
شجون : لا ياسر مالي خلق اقوم تعبانه
ياسر راح لها ووقفها بالغصب وجاب عباتها ولبسها
....................................
ساره الله يعلم بحال ساره الي تتمنى الطفل وكل يوم تحلل بالجهاز ولا يطلع شئ
تتحمس لما تحمل بس بعدها تحس بالعبره تخنقها لما يطلع ولا شئ
تركي : ساره وشفيك ..؟
ساره رمت الجهاز من يدها بعصبيه على السرير : كل يوم احلل مو حامل اففففففففف ابي اكون ام
تركي بضيقه : بدري على الطفل خلينا نعيش حياتنا
ساره : وانا حياتي الطفل
تركي : انا مابي الطفل وشذنبي اتحمل عذاب الطفل وانا مابيه انا ماستاهل اكون اب << الله ماكبر كذبتك انت يتقطع قلبك على الطفل
ساره بضيقه وعصبيه : تركي تكفى خلنا نروح المستشفى خلني اتعالج يمكن فيني شئ
تركي : لاتتعبين نفسك مافيك شئ (وبضيقه) يمكن انا الي فيني
ساره مانتبهت للضيقه الي بصوته لما قال "يمكن انا الي فيني" : خلنا نروح تكفى خلني افرح اهلي وافرح انا
تركي : يكفي انا افرح بوجودك الطفل ماراح يغير شئ
ساره : لا الطفل يغير اشياء كثيره يكفي إن عندك طفل يناديك بابا هذا بس شعور يجنن
تركي : ( آآآه ياساره كذا تعذبيني تكفين بس اسكتي لاتجيبين طاري الطفل لاتعذبيني اكثر من العذاب الي احسه وتأنيب الضمير )
ساره وهي تهزه من يده : تركي عيش معي الحلم ورد
تركي : شسويلك يعني انسي سالفة الأطفال فاهمه
وطلع من الشقه وساره ناظرت الباب وهو يتسكر
ساره : اففففف ناس تحمل وتجيب عيال بالثلاث والأربع وناس لهم الله بسس خلني ساكته لأقهر نفسي هالغبي ذا .. هو ماخذ الموضوع سهالي وانا الي احترق من داخل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك