رواية تدري وش اللي يقلب فيني أوجاعي -53
ساره : من جد الحمدلله إننا صغار ماعجزنا مثل بعض الناااااس
اروى : لاياشيخه انتي احلفي انا توني صغيره
شوق : اجل حنا وش نصير نونو بالمهاد
ساره : ايه والله
اروى : انا ماكلم مبزره اكلم رئووود الكبير
شوق : نعم نعممم عمتي الحين انا صرت البزره ورئود هالبزر الي اصغر مني طلع الكبير لو قلتي هالكلام لسوير ممكن بس انا ارقى حبتين منهم
ساره : هاااه شويقه انقلبتي علي
شوق : الكبيره مع الكبيره والصغار مع الصغار خلاص
ساره : ياشيخه بس انتي ومساعه تتكلمين عن الكبر والصغر
شوق : زلة لسان
ساره : ياشيخه بس انتي
شوق : علقتي ياشيخه وياشيخه
ساره : غيري الشريط هههههههههههههههههه
شوق : نضحك يعني
ساره : ايه اضحك انا صووح هههههههههههههههههههههه
اروى : الحمدلله والشكر من جد بزره هذا بنات الثانويه بزران
ساره : انطمممي ووجع قصدك هذا بنات الثانويه وسيعين صدر وراعين ضحك مو انتوا يالجامعيات غثيثين
اروى : والله الحمدلله هذا احنا نضحك ونسولف مابيننا فرق
ساره : لا في فرق بنات الثانويه مايحبون الحزن ابد طول الوقت ضحك وسوالف ويالجامعيات كله حزن بحزن تلاحقنه ملاحق
اروى : اقول بس ابلعي العافيه
شوق جاتها حالة هدووء فجـأه وانقلب مزاجها وجلست تناظر بالنافذه وهي ساكته
رائد : خلصتوا هواش
ساره : الحمدلله
رائد : يالله اجل انزلوا المطعم
نزلوا كلهم للمطعم واخذوا لهم طاوله مفتوحه .. ساره جمب رائد واروى جمب شوق وكانوا متقابلين
ساره : هممم انا بطلب ستيك لحم
اروى : وانا وجبتي المفضله باستا
رائد : وانا مثل ساره ستيك لحم وانتي شوق وش تبين
شوق بهدوء غير طبعها : شبعانه
اروى : من جيتي من مكه ولا كلتي شئ وش كلتي هااه قولي
شوق : شبعت هم شبعت ضيقه شبعت بكا شبعت ألم ( وانهارت دموعها على خدها) ماعمري ذقت طعم الفرح من تزوجته اكرهه ماحبه قولوا له يطلقني تكفون قولوا له ماحبه اكرهه
سكتوا كلهم وناظروا ببعض وبعدها ناظروها
رائد : مو هذا الي سويتي ضجه إعلاميه عشانه مو هذا فارس الي كنتي تموتين فيه مو هذا فارس الي سويتي المستحيل بس عشان تتزوجينه ليه الحين ماتبينه تحسبين الزواج لعبه تتزوجين وتطلقين انتي تدرين وين راحتك بالعزوبيه لو إنك ماتزوجتي كان مامريتي بكل هالعذاب .. انتي تفكرين بنفسك ماتفكرين بكلام الناس تحسبين الناس الحين سكتوا على طلاقك من بدر لا يتكلمون للحين ولين اخر نفس بالحياه بيتكلمون ..
شوق : بس راحتي اهم
رائد : راحتك إنك تتزوجين وتطلقين وتتزوجين وتطلقين وش بيقولون الناس العيب مو في الرجال العيب فيها
شوق : يقولون الي يقولون ماهمني وش يقولون انا همني بس راحتي
رائد : وبعدها وش بتقولين حبيت وبتزوج وبتتزوجينه بعدها بتقولين كرهته ماحبه ابي اطلق وتستمر الحياه معك
شوق : انتوا ماتحسون فيني ماتحسون بالمعاناه الي اعيشها
رائد : إلا نحس .. تعاطفنا معك بالبدايه ووقفنا معك لكن بالنهايه طفشنا كل يوم تتشكين كل يوم تتشكين كل يوم طالعه لنا بسالفه كل يوم طالعه لنا بهم جديد خلاص طفشتينا انا انا اخوك طفشت كيف امي وابوي وش يقولون يتمون الموت لما تجين تتشكين عمرك ماجيتي وبشرتيهم ببشاره تفرحهم دوم تجين وتبشرينهم ببشاره تبكيهم وتضايقهم
شوق بكت اكثر وحطت يدها على وجهها : بس خلاص اسكت انا ادري إني تعبتكم معي الله ادري لكن شسوي انتوا اهلي .. مالي غيركم بس صدق المثل لاتشكوا للناس جرحاً انت صاحبه لا يؤلم الجرح إلا من به ألم ...
رائد : لا حنا معك وبنظل معك لكن طفشنا .. هذا اروى عايشه حياتها بعذاب فقدت زوجها وولدها بكت وتضجرت لا بالعكس رضت بالقدر ورضت ببنتها ماجات اشتكت لنا حبت تعتمد على نفسها ودورت وظيفه وقطعت نفسها لحد مالقت عشان تقوم نفسها وتقوم بنتها وتعيش بنتها بفلوسها مو بفلوس اهلها وهذا ساره عاشت بمراره ماتت روحها الثانيه نوف بكت وتضجرت لكن ماشكت لأحد كتمت كتمت لكن غصب عنها انفجرت لكن بعدها اسعدت نفسها بالحياه تزوجة واحد اكيد تمر معه بمشاكل لكن ماتقول شويها تضح وتسولف ليه ماتكونين مثل اروى وساره ليه انتي فوق راسك ريشه
شوق نزلت راسها بضيقه : خلصت كلامك طلعت الي بقلبك عسى
رائد : انا مابيك تزعلين مني .. بس هذا الواقع
شوق : بس انا ماحبه
رائد : ماتحبينه كيف ماتحبينه لعبة بزران هي مره تحبينه ومره تكرهينه ماعرفنا لك
شوق : بس خلاص رائد تكفى اسكت
رائد : شوق غيري من طبعك صدقيني مو بس انتي بتكرهينه وبتطفشين منه ومن حياتك حتى هو بيكرهك وبيطفش منك ومن حياته معك
شوق : خله يطفش ويكرهني انا ابيه يطلقني اصلاً
رائد : وخلي الناس تتشمت عليك شوق بنت صالح الـ؟؟؟؟ تزوجة مرتين وتطلقة اكيد البنت فيها عيب
شوق : اوووووه بس خلاص رائد تكفى اسكت بس خلاص
ومسكت راسها من الألم تحس الدنيا تدور وكأن احد يجرها كتمت صرختها وآهاتها لكن انفجرت وصرخت بقوه
شوق : آآآآآآآآآآآآآآآآآآآآآآآآآآآآآآه راااسي بينفجر راااسي
اروى وساره من بعد كلام رائد وهم ساكتين كلامه جد بس ماتوقعوا يقوله لها ودفعه وحدها وكاش
اروى وساره راحوا لها
اروى بخوف : شوق وشفيك
شوق : هدوني اتركوني راسي يألمني راسي
سدحوها على ثلاث كراسي عشان يهدونها لكن شوق تضرب برجلها ويدها وتصرخ من الألم .. والناس تناظرهم مستغربين من الصراخ
نوره ضمة اختها اسيل وهي تبكي بتشتاق لها
نوره : اسيل انتبهي على نفسك
اسيل وهي تبكي : نوره لاتتركيني انتي اختي الوحيده مالي غيرك اخذيني معك ابي ادرس برا
نوره ابتسمت بوسط دموعها : اسيل لاتبكين انا بسافر ادرس ماجستير وبعدها برجع لكم وبين فتره وفتره بزوركم لاتبكين
اسيل مسحت دموعها : إذا كنتي بتنبسطين هناك فحتى انا مبسوطه
نوره : ايه حلم الطفوله اني ادرس ماجستير برا
اسيل : الله معك
ضمة نوره اسيل بقووه ضمة الوداع .. خلاص بتسافر نوره بتدرس ماجستير طفشت من حياتها طفشت من كلام الناس الي بكل مكان ينقال لها " ماتزوجتي .. ليه ماتزوجتي اكيد فيك عيب .. يووه مسكينه ماتزوجتي يالله عقبال ماتتزوجين " قررت تسافر عشان تفتك من هالكلام
ناظرت نوره بأسيل وطلعت من البيت مع ابوها
اسيل جلست على الكرسي الهزاز وتكورة وجلست تبكي
ام نوره جلست جمبها : اسيل لاتبكين
اسيل ضمة امها : وبيفضى البيت يايمه وبستاحش لحالي
ام نوره : وش بيفضى يابنتي انا وابوك موجودين معك
اسيل : بتسهرون معي بتسولفون معي بتضحكون معي بتطلعون معي بتوسعون صدري لاضقت
ام نوره : لاتضيقين صدرك وانا امك
اسيل : يمه خلينا نرجع للشرقيه لأهلي نغير جو الطفش والكئابه الي بيعم البيت
ام نوره : بقولك لأبوك يشوف إجازه
...................
بعد ساعه وصلوا للمطار
نزلت نوره وابونوره ونزل اغراضها وجلس يدفها لها
نوره مسكت الأغراض : لا خلاص يبه انا ادفهم
ابونوره : لا والله حلفت عليك انا اشيلهم عنك
مشى ابونوره وخلص الإجرائات
ضمة نوره ابوها وبكت من قلب
نوره : بابا بشتاق لك حيييل
ابونوره : وانا بشتاق لك كثير
نوره : قول لأسيل تكون مبسوطه لأني بنبسط ولأني بنجح وبتكون معي شهادة ماجستير وإن شاء الله دكتوراء وقول لها وقول لأمي إني بشتاق لهم موت وكل يوم بدق عليهم
ابونوره : يوصل إن شاء الله
ودعت ابوها ودخلت .. وبعد نصف ساعه نادوا الطياره وركبت الطياره وجمبها بنت لبنانيه
.................................
رجعوا من المطعم اروى وساره وشوق ورائد
كلام رائد أثر كثير في شوق .. وحست إنها طفشت من نفسها اكثر من إن الي حولها طفشوا منها
دخلوا ساره واروى للمطبخ
ساره : مدري اروى شوق مو عاجبتني اداً
اروى : وانا مثلك
ساره : كذا احسها متغيره وحييييل
اروى : انا بيني وبينك احسها مسحوره
ساره : لاا فال الله ولا فالك
اروى : مدري بس كذا احسسسس
ساره : لالا ماتوقع
اروى : بس حالتها مدري مو عاجبتني مره تضحك وتسولف ومره مكشره وتصارخ وتعصب شفتيها بالمطعم وش سوت جلست تصارخ وتضرب مثل المجنونه
ساره : اييه لمت الناس علينا كأننا مسرحية ويتفرجون علينا
اروى : من جد
دخلت عليهم شوق المطبخ وتخصرت وقالت بدلع : ليه تركتوني لحالي وجيتوا المطبخ اعترفوا وش خامرين عليه
ساره : ابد نسولف
شوق : وليه ماتنادوني يالدوبيين
ساره : مانبيك
شوق : ياسلام والله حتى انا مابيكم
اروى : ماتبينا اجل ليه لاحقتنا للمطبخ
شوق : هممممم لأني بشرب مويه مو لسواد عيونكم
اروى : واااضح
وبدوا مناقر شوق منها كلمه وساره منها كلمه واروى منها كلمه وكل وحده ترد للثانيه الكلمه بعشر
.......................................
ياسر كان جالس على لاب توبه ومشغول وشجون تهذر فوق راسه وده يقولها سكتي بس مو حاب يرجها لحد ماطفح الكيل وعصب من هذرتها الي زادت
ياسر بعصبيه : بسس خلاص شجون من جيت وانتي تهذرين سكتي بالعه مسجل
شجون عصبت ووقفت راحت غرفتها وجلست تنتظره يجي يراضيها ويترجاها ترضى لكن ماجى وجلست تنتظر وطفشت وراحت للمطبخ فتحت الثلاجه واخذت لها مارس وبيبسي تموت فيها .. جلست على الطاوله وجلست تاكل بتلذذ
شجون : همممم لذيذ
جاء ياسر وجلس معها بالطاوله ولا كأن صار شئ واخذ منها المارس وجلس ياكله
شجون بعصبيه : اوووففف مشتهيه ليه تاخذه .. كيفك بيجيك شئ لأني حطه عيني عليه
ياسر : اعوذ بالله - ولاحه عليها - خلاص خلاص مابيه
شجون ابتسمت : لايفداك
ياسر : وش هالريحه خيااااس
شجون : ريحتي
ياسر : قصدي المطبخ ريحة بصل خيااس
شجون : خياس هاااه
واخذت لها بصل وحطته عند انفه وياسر يطلب منها تبعده وهي تقربه اكثر ومبتسمه بخبث وياسر دمعة عيونه لأن فيه حساسيه ومايتحمل
شجون : حسسس بمعاناتنا
ياسر : حسسيت والله حسيت بس ابعيده
شجون : هههههههههههههههه بس حس
ياسر : اووه شجون حبيبتي ابعديه
شجون ابعدته عنه وهي حست إن دموعه نزلت من البصل
ياسر : ماتدرين يعني إن فيني حساسيه
شجون ببراءه الأطفال : مدري
ياسر : لا مسكينه ماتدرين وكنتي بتذبحيني
شجون : انا اذبحك اذبح نفسي ولا اذبحك
ياسر : شايفتني بزر تلعبين علي بهالكلام
شجون : انت بعيوني بزر ..
ياسر : ياشيخه بس احلللفي
شجون : ههههههههههههه مالت هذا جزاي اخاف عليك وادلعك
ياسر : تخافين علي وتحطين البصل عند انفي وتقولين اخاف عليك وادلعك
شجون : حرام عليييك عاد لاتظلمني
......................................
اريج : هاي حياتي
: اهلين حبيبتي
اريج : شششخبارك وشخبار اشواق
: بخير واشواق والله مدري شقولك
اريج بخوف : وشفيها ..؟
: والله حالتها مو مستقره فشلت عملية التجميل
اريج بخوف وضيقه : ريان سامحني انا ادري إني السبب والله أن ماكنت اقصد اهملها بس صدقنـي أني ندما
ريان بمقاطعه : بس خلاص لاتتعذرين هذا قضاء وقدر لاتتعذرين .. وإن شاء الله تنجح العمليه الثانيه اشغلي نفسك بنفسك وببنتنا شموخ
اريج ببتسامه : تمنيت انك تكون جمبي وتكون اول من تشوف بنتك وتضمها قبل اخوي وابوي
ريان : المهم إنك ولدتي
اريج : بس فرحتي بتكمل بوجودك بمجمبي
ريان : اكييد
اريج : ياشين الثقه
ريان : هههههههههههههههه
اريج : همممم افف طفشانه
ريان : ليه وين امك ..؟
اريج : امي مسكينه ماتقدر تنام على الأرض وراحت تنام بالبيت
ريان : ليه ماتنام على سرير
اريج : يقولون كل الأسره مشغوله مافي ولا سرير فاضي وانا قلت لها تروح تنام بالبيت مسكينه ظهرها يألمها حيل
ريان : اجل شكلك طفشانه حدك
اريج : اففف بقووه ياليت منال او لميس نايمين معي يسلوني
ريان : نامي
اريج : انام من جدك انا متعوده على السسهر مستحيل انام قبل الفجر
ريان : يالله عشان ماتغتلقين مع شموخ لأن الأطفال يبي لهم سهر
اريج : بس انا لا نمت ابي انام بدون إزعاج وانت تعرف إزعاج الأطفال مايخلون احد ينام
ريان : عاد يالله تحملي .. يالله حبيبتي انا بسكر تامريني على شئ
اريج : لييه وين بدري ..؟
ريان : والله بسكر عندنا ترى الصباح وانتوا اخر الليل
اريج : تمشي على نظامهم ولا نظامنا
ريان : والله خربطت نومي على نظامهم شسوي اضطريت
اريج : فتره وتعدي
ريان : يالله تامريني على شئ
اريج : اوكي باي وأي خبر عن بنتك خبرني
ريان : اوكي حياتي باي
اريج : بايات
سكرت اريج من ريان وهي مشتاقه له مووت مشتاقه لحضنه وتبكي بحضنه مشتاقه لصوته وريحته وطيفه تبي اول من يشيل بنتها ويجيبها لها وهو طاير من الفرحه زوجها وحبيبها وحياتها ريان مو اخوها جد اخوها له مكانه بس تمنت إن ريان
اريج : تمنيت إن ريان يدلع بنتي انا وبس لكن شكل الدلع نصه بتاخذه اشواق والنص لشموخ
..........................................
فارس : يالله انا احتريك برا
: طيب
وسكرت الخط بوجهه تحس مخنوقه حتى من صوته كيف بتتحمل تشوفه مو طايقتهتحس نفسها مخنوقه من طاريه
لبست عبايتها وطلعت وركبت السياره
فارس : السلام
شوق :.......................
فارس : قلنا السلام
شوق : فارس اسكت تراني مو رايقه لك
فارس : براحتك
شوق : اكيد براحتي وشئ راجع لي
فارس : شكلك تبين هواش وانا مو فاضي لك
شوق : ولا انا
وصلت الشقه ونزلت بسرعه تبي تهرب من الخنقه الي تحس فيها دخلت دورة المياه "الله يكرمكم" وجلست على البانيو ماتبي تشوفه مو طايقته
فارس تمدد على الكنب وحس إن شوق تأخرت كثير دورها بالغرفه مالقاها وبالشقه كلها مالقاها خاف عليها هي داخله قبله بس وين مايدري جلس يدورها ويدورها وسمع صوت بدورة المياه " الله يكرمكم" وقال اكيد تتروش
جلس بمكانه لكن تأخرت ضرب عليها الباب : شوق شووووق
شوق :...................
فارس : شوووووووووووووووووووق افتحي وشفيك طولتي
ضرب الباب مره ومرتين وثلاث ولا بفاتحه والباب قوي مستحيل يقدر عليه
فارس جلس يضرب بقوه يبي يكسره مو قادر من قوة الباب شوق طلعت من دورة المياه "الله يكرمكم"
فارس فرح وضمها بقووه وشوق دفته بقوه مو طايقه حتى ريحته وراحت للغرفه وقفلت عليها الباب
فارس : وشفيها هذي متغيره .. كثيييير موطبيعيه
............................................
اروى : سوسو بليييز لاتروحين
ساره : يعني شسوي اروى يقول دقايق وجاي
اروى : نامي عندنا
ساره : وش انام عندكم مهبوله انتي
اروى : جد نامي عندنا انتي بتنامين ببيت اهلك مو ببيت الغريب انا اطفش لحالي
ساره : اول مره تنامين لحالك
اروى : لا بس غيري جو تكفين حاولي معه
ساره بدلع : انا ادري مايقدر يروح الشقه بدوني بس شسوي بحاول لعيونك
اروى : ياشين الثقه
ساره : يحق لي اثق دام عندي من يموت فيني
اروى : بس لايكثر واتصلي انا ادري إنك مشفوحه على النومه ببيتنا
ساره : اكيد بشتاق لأيـ
اروى : لاتسوينها فلم ويالله اتصلي
ساره ابتسمت وطلعت جوالها من شنطتها واتصلت على تركي بعد ثلاث رنات رد
ساره بدلع : مرحباااا قلبووو
تركي : هلاا
ساره : ترووكي ممكن طلب بسسيط
تركي : هممممم انتي امري وتدللي
ساره : وهـ بس فديتك .. طلبي انام بيت اهلي
تركي : ليييه ماقدر على فراقك
ساره : شسوي ادري بس والله اختي رورو أصرت انام ببيتهم مسكينه تطفش لوحدها
تركي : لا ساره مايصير
ساره برجا : تركي بليييييييييييييييز بنام
تركي : شكلك ماتبين ترجعين معي وتبين تنامين بيت اهلك
ساره : لا والله اكيد بشتاق لك بس بنام مشتهيه
تركي : طيب عادي
ساره بفرح : جد
تركي : ايه جد
ساره : اوكي باااي
سكرت الخط وقالت بفرح : رضى انام
اروى : واااي بنقلبها فلله ونقهر شويقه
ساره : جججد نبي نفلها مع رئوود
اروى : اوكي
................................
لميس جالسه بغرفتها وتفكر بسعود وشكله وهيئته ووسامته ورزته وهيبته
لميس وهي تحرك خصل من شعرها بدلع : يابختي والله جاني واجد هيبه ورجوله ورزه ووسامه وهذا الي استاهله مو عمر هالغبي .. بس اتوقع هل حياتي بتكون معه سعيده ولا بتكون معه تعيسه .. لالا ماتوقع اكيد بتكون مثل القصص والأفلام حب في حب مايدمرها ولا شئ .. وإن شاء الله يكون حظي احسن من حظ اختي منال ويكون نصف من حظ اريج اما النصف الثاني مابيه هع هع هع
تغطت بالبطانيه وغمضت عيونها لكن تفكر بالملكه ووش بتلبس وكيف بتكون بيعجب فيها ولالا .. كيف بتكلمه كيف بتشوفه ماتدري تحس خجلانه قبل لايصير أي شئ
غمضت عيونها ونامت
...................
منال : ليه الحظ عمره معي ماكمل ليه خواتي احسن مني ليه اريج متزوجه واحد يحبها ويدلعها جد انصدمت به وماتوقعت يطلع منه كذا لكن يحبها وجاء لعندها يترجاها ترضى والدليل إنه يحبها ويموت فيها وهذهي حياتها مستقره وماشيه وحملت وجابت بنوته قمر وانا الي حلمي اجيب بنوته او ولد وافرح لكن عيال اختي مثل عيالي .. ليه حظي مو مثل حظ اختي لميس البزر تزوجة احسن رجال رزه ووسامه وهيبه ومنصب وفلوس بيعيشها بنعيم وبيدلعها وولد عمها ومن دمها وماراح نسبهم لبعيد لولد عمها .. واهله حليوين بس الشاذه بينهم ديما وامه تسلك نفسها معها وبتمشي .. آآآآآه ياليت حظي مثلهم او نصف منهم ليه حظي كذا زوح يخونني مع وحده ويعذبني ويحبها خلاني ارجع من امريكا مع اخوي ولا اهتم ولا فكر سحرته بكلامها وبحركاتها وبدلعها والله ثم والله إني اسوي له الي يبي لكن هذي ساحرته لكن الحمدلله افتكيت منها وماتت ويارب يذوق الي ذوقني إياه
...........................................
في بيت ابو سعود
غدير جالسه بغرفتها وتفكر بينها وبين نفسها
غدير : ليه شخصيتي ضعيفه مقدر ادافع عن نفسي ليه دوم الناس يقولون عني هيلقيه وشيفه حتى اقرب الناس لي وهي اختي ديما تتمصخر وتطنز علي وصديقتي هيام الي تتفشل مني ولا صارت لها عزيمه ماتعزمني متفشله مني لاني بس اسم وعائله وفلوس بس لبس مافيه تحسب اللبس كل شئ .. لكن هذا ذوقي وش اسوي .. الشخصيه ايه الشخصيه انا ماحب المشاكل ششسوي لاتمشكلت مع احد اخاف تكبر مافيني جرئه اتهاوش ولمى وحده مغروره ودلوعه وبتكبر السالفه حتى لو كانت سخيفه وتافهه .. اكون كذا والناس تحبني ولا اكون مغروره وطويلة لسان مثل لمى والناس تكرهني
......................................
في اليوم الثاني .. اشرقت الشمس وتجدد اليوم .. الساعه 1 الظهر
كانوا متجمعين على طاولة الطعام بدر ودانه وام بدر وابوبدر .. وام بدر وابوبدر هو الي ياكلون اما دانه وبدر مشغول تفكيرهم بشئ ثانيه
دانه تفكر بحياتها مع سلطان بعد ماتمت الملكه وصارت له .. تفكر فيه وتفكر بتجهيزاتها وتحس إنها تنحف يوم عن يوم بسبب إنها ماتاكل وكله تفكر
وبدر يفكر بحياته وكيف ممله من بعد شوق .. لو إن شوق معه وقاسيه عليه اهون من إنه لغيره وتقسى عليه الأيام والظروف .. مشتاق لها مووت مشتاقه حتى لصراخها ودموعها لو يشوفها
بدر : ( هالبنت جننتني ذبحتني .. اخذت مساحة من تفكيري كبيره خلتني اهمل شغلي ومافكر اتعالج بسببها اعشقها هالأنسانه اعشقها بشكل جنوني )
دانه :( سلطان ذبااح .. كل بنت تحلم فيه ياويلي على ضحكته وغمازته تذووبني .. حنوون ورومنسي فديته والله )
................................
ازعجها صوت جوالها وتقلبت بالسرير يمين ويسار يمين ويسار حطت ايدها على أذانها تبي تنام ماتبي صوت الجوال يزعجها لكن مستمر بالرن اخذته من العصبيه ورمته بالأرض وانفك والشريحة انفكت
وساره مو مهتمه غمضت عيونها ونامت وتحس إنها ارتاحت ماعاد شئ يزعجها
لكن اروى المزعجه كانت ناويه عليها نيه شينه بتلعب فيها وتعرف ساره من وهي بنت ماتحب احد يصحيها او يزعجها
دخلت الغرفه وكذا عناد جلست تصارخ عند اذنها : سااااااااااااااااااااااااااااااااااااااااااااااااا اااااره
ساره حطت يدها على اذنها وغطت نفسها بالبطانيه من الإزعاج
اروى فتحت النافذه وسحبت الستاره ودخلت الشمس للغرفه وفتحت الأنوار وسحبت منها البطانيه
ساره عصبت ووقفت وهي ناويه عليها نيه واروى شافت وجهها المعصب وطلعت من الغرفه تركض وسره تلحقها من العصبيه
ساره وهي واقفه بنصف الدرج واروى بنصف الصاله : انا علييك يالدبه انتي وبنتك والله لأوريك شئ عمرك ماشفتيه بس الحين بنام بس بعدين يصير خير
وراحت لغرفتها وقفلت الباب مرتين وناظرت بجوالها وماهتمت وكملت نووم
.....................................
منال صحت من النوم ولبست الشبشب وغسلت وجهها ونزلت تحت كانت لميس جالسه على النت فاتحه على ازياء
منال : صباح الخير
لميس : أي صباح حنا الظهر
منال : ادري
لميس : اجل بلا استهبال
منال : وشتسوين بالنت
لميس : هممم ادور ازياء
منال : لشنو
لميس بمرح : لملكتي
منال : ملكتك بعد اسبوع متى بتخيطين وبيطلع
لميس : هممممم مدري بحوس
سكرت لميس الاب توب والتفتت على منال وهي مبسوطه
لميس : احس يعني كنت شايله فكرة زواجي لا من عمر ولا من سعود لكن مدري قلبي اتجه لسعود وارتاح له كثير حسيت إنه إنسان حبوب وحليو ويشبه غدير ببلاهتها وعفويتها وبرائتها وامي دوم تمدحه واحس إنها مرتاحه له مو بس انا واخوي سامو دوم يمدحه ويحكي عنه وحسيت يوم عن يوم يزيد إعجابي له وامس واحن
منال بمقاطعه وقفت وراحت للمطبخ وهي معصبه
منال اخذت لها كاس وصبت لها مويه وهي تشرب المويه نزلت دمعه حاره على خدها
منال بسخريه : مسكينه لميس تحسب الزواج وناسه وحب في حب ورومنسيه في رومنسبه ماتدري إن الزواج عذاب في عذاب ..
طلعت من المطبخ ومسحت دمعتها الي تركت اثرها على خدها وراحت للصاله وجلست بعيد عن لميس ماتبي تعطيها مجال تتكلم عن زواجها وتقهرها لأن هي جربت الزواج وفشلت
لميس : منالوه يالدبه اكلمك وتقومين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك