رواية تدري وش اللي يقلب فيني أوجاعي -47
منال : اريج تخيلي إنتي بمكانه اكيد تبين تربين بنتك بنفسك
اريج وهي منقهره وتبكي : منال انتي ماتحسين فيني جايب بنته ويبيني اربيها فوق إنه متزوج وماتت زوجته وانا اخر من يعلم
منال : منال انسي كل شئ وخلينا الحين ببنته
اريج : انا مابي اربيها
منال : بس اذا هو يبيها اكيد بتربينها
اريج : يعيشها معي بس والله ثم والله ماربيها ولا المسها ولا احركها
منال : براحتك
وسكرت الخط بوجهها واريج تفور من القهر
في شقة ششوق طلع فارس وشوق بقت بالشقه فتحت ألبوم فيه صورها اهي وفارس بشهر العسل يوم كانوا بـ ..|[ كندا ]|.. البلاد الي درس فيها فارس والي اخذ شهادته منها حب يودي شوق لها .. ويوريها المكان الي عايش فيه وجامعته وكل شئ سواه بكندا
شوق ناظرت بصوره في كندا كانوا شوق وفارس راكبين السفينه وجالسين جمب بعض ومبتسمين بشغف
ناظرت هالصوره بتأمل وبسرحان
شوق : يالله وش فيني على فارس وين الحب الي كنت احمله له .. مو هذا فارس الي سويت كل شئ لحتى بس اتزوجه
فتحت لصفحه ثانيه وناظرت بكل الصور وكلهم كانوا حلوين ودائماً مع بعض
فتحت ألبوم ثاني البوم صور عرسهم
فتحت اول صوره كانت صورتها وهي لابسه الفستان الأبيض الناعم ومبتسمه بنعومه وغمازتها الصغيره باينه
وفتحت للصفحه الثانيه كانت اهي مع فارس جالسين بالكوشه
شوق : اووه كثير تمنيت إني البس الفستان واجلس جمبك عروستك لك انت وبس وانت لي وبس .. وش الي تغير وش الي جرى
قطع عليها تأملها بالصور جوالها الي يرن رفعته وكانت المتصل صديقتها "جوجو" ضغطت على الزر وردت
شوق : الوو
جوري : هلا ششخبارك شوقو
شوق : تمامو وانتي ..؟
جوري : بخييير
شوق : جوري انا خلاص قررت بجي الجامعه
جوري من الفرح صرخت : احللللللللللللللللللللللللللفي
شوق : والله يعني جالسه بالبيت بلا اسباب
جوري : احسن حل تتخذينه
شوق بصوت متضايق : انتوا كلكم ماكنتوا تدرون ليه كنت غايبه عن الجامعه تحسبوني تزوجة وانشغلت وماعاد لي خلق للمذاكره والمحاضرات
جوري : اجل وشفيك ..؟
شوق : انا مريت بحزن وضيقه وتقلب بحالتي ياجوري محد درى وش جرى لي غير اللهـ ثم اهلي
جوري : قولي لي شوق وش فيك وش مريتي فيه ..؟
شوق : انا ياجوري كنت مسسحوره (وبهاللحظه جلست تبكي)
جوري مصدومه : ششنو
شوق : ايه ياجوري مسحوره ومره اضحك ومره اعصب وابكي وهذي حالتي .. امي تحسبونها صاير لها حادث لااا امي انا طاعنتها صدقيني وربي مو قصدي وربي وربي إني ماكنت بوعيي انا كنت مسحوره ماكان عقلي معي (وجلست تبكي) ......... كل شئ جرى ياجوري مو بأرادتي وربي ومره حاولت اخنق اختي ساره
جوري مو مستوعبه كل شئ قالته شوق
جوري : شوق انتي تتكلمين من جدك
شوق : ايه من جدي .. جوري خلاص غيري السالفه
جوري : شوق انتي تتكلمين بجدك ولا تمزحين
شوق : جووري انسي كل شئ وتكفين لايطلع
جوري : سرك في بير ياشوق .. خلاص بيني اغير السالفه بغيرها
شوق : شخبار رنيم وروان إن ششاء الله بخير
جوري : تمام والله ومشتاقين لك كل البنات
شوق : تشتاق لهم العافيه وانا مشتاقه لهم .. متى المحاضره بكره ..؟
جوري : الله نسسيتي حتى المحاضرات متى
شوق : ههههههههههه ايه والله كثير ايام انا غايبه اييام وبس الا شهور وشهور
جوري : ايه والله .. بكره المحاضره الله يسسلمك الساعه 10
شوق : اهاا طيب 10 انا موجوده
جوري : اوكي بإنتظارك تبيني اخبر البنات إنك بتجين ولا تبين تسوين لهم سوبرايز
شوق : سوبرايز
جوري : اوكي على راحتك يالله تامريني على شئ
شوق : سسلامتك
جوري : سسلام
شوق : مع السسلامه
سكرت شوق من جوري وناظرت بالألبوم المفتوح على صورة تضمها اهي وخواتها حولها وامها ومبتسمين بفرح لشوق
شوق سكرت الأبلوم وحطته بالدرج وطلعت للبلكونه تشم هوا نقي رجعت للغرفه اخذت لها كتاب "ومات الجسد وانتهت كل الحكايات" وجلست تقراه بتمعن وبحماس .. وش كثر تحب الكتب والقراءه مو همها مثل البنات الكشخه واللبس والموضه ووآلخ والخرابيط همها الكتب تموت بالقراءه والاستطلاع وتموت بالضحك والفرفشه لكن الحزن فرض نفسه عليها .. يهمها اللبس بس مو مثل اختها ساره الي تعتبر بتصير كامله باللبس وبتثير اعجاب الناس ..
في بيت ابوتركي في الدور الثاني الي مخصص لتركي وساره
تركي كان جالس بغرفته يسلي خاطره باللنوم وساره جالسه على الكرسي وتهز رجلها طفشانه
ساره وهي تتأمل تركي : وربي حاسه فيك ياتركي ووش مدى حزنك .. انا يوم ماتت اختي تعذبت وحالتي حاله كيف لو خسرت اغلى اثنين امي وابوي وبيوم واحد وبوقت واحد .. بس لو تفضفض ياتركي وتترك هالكتمان والغموض وربي بترتاح
تركي تحرك يمين ويسار وناظر بساره جالسه على الكرسي وواضح تكلم نفسها وقف وسند راسه على السرير
ساره راحت له : تركي فيك شئ ..؟
تركي : اول شئ صباح الخير
ساره ابتسمت بأرتياح يوم رجع صوته طبيعي : صباح الخير
تركي : وشفيك جالسه واضح عليك طفشانه
ساره : اف بقوه
تركي : انا متضايق وببالي نطلع مكان يسلينا ويطلعنا من هالحزن
ساره : اوكي وين تبي نروح
تركي : هممممم مدري والله على راحتك انتي
ساره : البحر امووت بالبحر
تركي : نششوي
ساره : ايه نشوي
تركي : باخذ اختي شجون معنا
ساره : لا
تركي : ليه ..؟
ساره بأرتباك : لا بس .. اختك شجون اكيد متضايقه وبتزيدك ضيقه وانت تبي تغير جو
تركي : لا مستحيل ياساره اختي هذي وانا ماراح اطلع الا معها
ساره : طيب طيب خلاص
تركي : روحي اتصلي عليها
ساره : انا اتصل عليها
تركي : ايه اتصلي عليها وقولي لها بنروح الواجهه البحريه انا وتركي وتعالي معنا واذا قالت لا أصري عليها لحد ماتوافق طيب
ساره : طيب
تركي : يالله روحي اتصلي
ساره : الحين
تركي : ايه الحين اجل بكر يالله روحي
ساره راحت للتلفون وهي تتحلطم رفعته واتصلت على شقة شجون دقايق ورد ياسر وهي مرتبكه ردت
ساره : الو
ياسر : الو
ساره : ممكن تعطيني شجون
ياسر : مين اقولها
ساره : ( اففف تحقيق هو ) مرة اخوها
ياسر : شجون تعبانه
ساره : ابيها ضروري
ياسر : طيب
راح ياسر ونادى شجون وجات وهي تعبانه حدها رفعت التلفون وردت
شجون : الو
ساره : اهلييين شجون
شجون : هلا
ساره : شخبارك وشعلومك إن شاء الله بخير ..؟
شجون : وش تبين ساره داقه
ساره : ( انا الغلطانه والله الي طاوعت اخوك ودقيت عليك ) انا وتركي بنروح الواجهه البحريه بنشوي وبنغير جو وشرايك تجين معنا
شجون : لا شكراً
وسكرت الخط بوجهها وساره ناظرت السماعه بقهر وطبقت السماعه بقوه وراحت لتركي وهي منفجره
ساره : شفت اختك الحماره اقولها انا وتركي بنروح الواجهه البحريه بنشوي وبنغير جو شرايك تجين معنا تخيل وش قالت لي
تركي : وش قالت لك ..؟
ساره : قالت لي لا شكراً وسكرت الخط بوجهي حتى ماخلت لي فرصه ارد عليها
تركي : ساره انتي متأكده دقيتي عليها ولا سالفه ملفقتها
ساره بعصبيه : تركي وش فيك متغير مو هذي شجون الي كنت تقولي مغروره وشايفه نفسها وبعض الاحيان ماتطيق حركاتها .. الحين صرت تتهمني بالكذب ومدري اعيش عشانها وربي منافق
تركي : ساره اهدي انا اصلاً من قال إني ابيها تجي معنا بس صدقيني انا ابيها تجي تغير جو مسكينه حطي نفسك بموقفها امك وابوك راحوا وخلوك ومابقى لك بهالدنيا غير اخوك واذا تغير عليك اخوك وصار كله مع مرته .. وزوجك تحبينه .. وش بتحسين فيه ووش شعورك لما اللكل يتخلى عنك والي بقى لك بس بهالدنيا اخوك يتخلى عنك مو صح بتكرهين نفسك والحياه
ساره ماعاشت هالأحساس عشان تتعمق فيه فما كانت مراعية شعور شجون الكره والحقد لها مغطي .. وتركي السبب يوم صار يحكي عنها بالشينه
ساره : افففف .. اقول بس لاتمثل دور إنك طيب والاخو المثالي
تركي بحده : سساره عدلي اسلوبك طيب
ساره بأرتباك : طيب طيب انا اسسفه ماكنت اقصد
تركي طلع من الشقه وساره منقهره وتفور من شجون وتصرفها معها
..............................
اروى وهي تصرخ : يمممممممممه يمممممممممممممممممه
ام فيصل جات تركض ودخلت غرفة جنى : اروى وش فيك
اروى : يمه جنى تعبانه وحرارتها مرتفعه
ام فيصل راحت لها وحطت يدها على جبهة جنى : حرارتها مرتفعه الحين اقول لرائد اخوك يودينا المستشفى
اروى : يالله بسرعه
راحت ام فيصل وخبرت رائد إن يوديهم المستشفى واروى لبست عباتها وحملت جنى بين يدينها وركض للسياره
بعد نصف ساعه مع زحمة الطريق وصلوا للمستشفى نزلوا وكان زحمه ورقمهم 20
اروى مو قادره تصبر بتنفجر بنتها تصيح وتتألم وهي رقمها 20
اول ماشافت المره طلعت من الدكتور فتحت الباب وتوها بتدخل الا طلعت النيرس
النيرس : مدام عليا
اروى دفت النيرس ودخلت على الدكتور وبرجا : تكفى دكتور بنتي حرارتها مرتفعه وهذي بنتي الوحيده تكفى يادكتور جسمها ناار
الدكتور : لا الحين الرقم 8 ولازم تنتظرين انتي كم رقمك ..؟
اروى : رقمي عشرين وبنتي تعبانه كلها بتكشف عليها وبتعطينا ادويه
الدكتور : طيب خليها تنسدح على السرير ودقايق وجاي اكشف عليها
اروى : مشكوره دكتور
واخذت جنى وسدحتها على السرير
جنى بتعب : ماما ماما
اروى : عيون ماما شفيك حبيبتي ..؟
جنى : تعبانه
اروى باستها بخدها : معليه حبيبتي الحين الدكتور بيجي وبيعطيك دوا
جنى وهي تبكي : مابي ابره مابي
اروى : جنى حبيبتي انتي كبيره وماراح يعطيك الدكتور ابره
جاء الدكتور وهو مبتسم لجنى : يالله حبيبتي اشوف افتحي بطنك
اروى رفعت تيشرت جنى وكشف عليها الدكتور وجلس على كرسيه ورفع اروى جنى وجلست بالكرسي وبحضنها جنى
اروى : هاه دكتور وشفيها بنتي ..؟
الدكتور : معليه لاتخافين البنت تمام التمام بس شوية حراره بكتب على مضاد يومين إن شاء الله وبترجع مثل قبل واحسن
اروى : جد يادكتور
الدكتور : ايه والله (دقايق ومد لها ورقه) هذا الدواء روحي للصيدليه وبيعطيك اياه .. بالعافيه ماتشوف شر
اروى : تسلم دكتور
رفعت جنى وطلعت والتفتت لامها : يالله يمه
طلعت اروى مع امها وخبرتها بكل شئ راح رائد للصيدليه وشرى الدواء وعطوه جنى
..................................
شجون منسدحه على السرير وسرحانه ووجهها شاحب وبعينها واضح الحزن
دخل ياسر وبيده صينيه فيها شوربه حطها على الطاوله
ياسر : حبيبتي شجون قومي اشربي شوربه
شجون :.................
ياسر : شجون اذا انتي متضايقه انا متضايق قومي ويالله أشربي
شجون جية ياسر وبيده صينية الشوربه ورجاءه لها إنها تشرب ذكرها بشئ .. في الذاكره
.................
كان عمرها ( 16 ) سنه في أولى ثانوي
كانت منسدحه على السرير تعبانه مرتفعه حرارتها وتتألم دخلت عليها امها وهي مبتسمه وبيدها صينية شوربه
ام تركي جلست على طرف السرير : يالله حبيبتي شجون أكلي
شجون بتعب : لا يمه مالي خلق أكل تعبانه
ام تركي : ترى بتزعليني منك يالله حبيبتي قومي وأكلي
شجون لفت وجهها للجهه الثانيه وهي مكشره : لا يمه نفسي منسده وتحوم
ام تركي : يالله قومي بس بتشربين الشوريه وبتطيبين يالله قومي
شجون استسلمت لأمها ووقفت وسندت جسمها على السرير وامها بيدها تشربها الشوربه
......................
صحت لواقعها المر .. ونزلت دموعها بألم وهي تتذكر ذاك اليوم تتمنى ترجع تعبانه ومرميه على السرير وامها حولها تباريها
ياسر مسح دموعها بيده وبخوف : شجون شفيك ..؟
شجون : امي ابوي تعالوا انا وش ابي بالحياه من دونكم ياملح الدنيا وسكر الايام
ياسر : شجون اذا راحوا امك وابوك انا ياسر زوجك موجود
شجون ناظرته بنظره حزينه : انت موجود وتحسب إنك بتحل مكان امي وابوي
ياسر : انتي بأرادتك تقدرين تنسين أمك وابوك وتعيشين معي احلى ايامنا الي ماخليتينا نعيشها
شجون نزلت راسها للفراش وناظرت بالشوربه الي جايبها لها ياسر
شجون : انت عاملها
ياسر : ايه
شجون : تعرف تعمل شوربه
ياسر : ايه لعيونك اعرف كل شئ
شجون ابتسمت ونزلت راسها ورجع الضيق يفرض نفسه عليها
ياسر : تصدقين من تزوجنا اول مره اشوف هالإبتسامه
شجون صارت تخاف تخسر ياسر مثل ماخسرت امها وابوها واخوها متزوج ومو فاضي لها
شجون : تحب تشوف إبتسامتي
ياسر : ايه
شجون ابتسمت : انا خسرت كل الي اعزهم بهالدنيا امي وابوي .. واخوي مو فاضي ليه متزوج ومشغول بحياته وبكره بتحمل مرته وبتجيب له عيال وبيشنغل وماعاد فاضي لي .. وصديقات ماعندي غير سديم وبشاير الي يخافون علي خوف موطبيعي أي دمعه تنزل مني ينجنون رغم غروري وتكبري عليهم إلا أنهم يحبوني ويعزوني بس عمري مافضفضت لهم وحبيتهم مثل ماحبوني مصداقتهم بس لتضيعة الوقت بالجامعه .. وانت الحين زوجي وكل حياتي من بعد كل الي تركوني
ياسر كسرت خاطره بهالكلام تجمد لما شافها ضامته وتبكي بأحضانه
............................
ريان كان ببيت اهله قال لاخته الهنوف بكل شئ
الهنوف : وتبيها تاخذها بالأحضان
ريان : بس هذي بنتي
الهنوف : وتحسب إن خلاص لارضت فيها اريج بتعيش وانت مرتاح بتحسب إن جدها وجدتها بيسكتون .. وبنتك 8 سنوات ماتدري عنها تو تدري عنها
ريان بضيقه : هذي بنتي وانا ندمان كثير لأني فرطت فيها كل هالسنين
الهنوف : اوه زين تو تحس
ريان : بس خلاص الهنوف انا ابيك تساعديني مو تعاتبيني
الهنوف : اريج راسها يابس اعرفها اهي بنفسها بتقتنع واريج عاقله ماراح تفكر الا بالصح
ريان : واذا سوت شئ مو صح
الهنوف : صدقني اريج صديقتي واعرفها زين عاقله ورزينه وعندها اختها منال ماشاء الله ثقل واكيد بتعقلها لو كانت بتسوي الخطأ
ريان : يعني اطمن
الهنوف : ايه
.............................................
في بيت ابوسعود
....................................
كانت غدير جالسه تقرى كتاب "البكاؤون من خشية الله" تموت بشئ اسمه ثقافه وفلسفه .. هي اطيب قلب بالبيت ماتحقد ولا تهمها الدنيا ومظاهرها همها دراستها
جلس نواف ولد اختها جمبها يعزها بشكل كبير رغم إن امه دائماً ترمي كلام على غدير وقدامه لكن مايكرهها لأنها احن وحده اما جدته فدائماً تهاوشه وخوالها دائماً مشغولين مافي الا خاله بسام ونادر يكون فاضي له الي متفرغ له بالبيت هي غدير
نوف : خالتي غدير
غدير حطت الخيط على الكتب وسكرت والتفتت له وهي مبتسمه : عيون خالتك غدير
نواف : انا طفشان امي تطبخ ومها تذاكر وجدتي طالعه وخالي سعود وبسام طالعين وخالي محمد نايم
غدير : بتعطيني تقرير للبيت كله هههههههههه
نواف : ههههههههههه .. خالتي ذاكري لي
غدير : من عيوني وش تبيني اذاكر لك
نواف : هممم رياضيات ..
غدير : جيب كتابك يالله
نواف راح فوق وجاب كتابه الرياضيات ونزل : ذاكري لي الضرب علينا اختبار كل الضرب
غدير : يالله
نواف : يالله سمعي لي من ضرب الاثنين لـ الخمسه وبعدها اذاكر من الخمسه للعشره
غدير : يالله سمع بسألك .. اثنين ضرب ثلاثه كم ..؟
نواف : سته
غدير : طيب اثنين ضرب اربعه
نواف : ثمانيه
غدير : اثنين ضرب خمسه
نواف : اممممممم عشره
غدير : اثنين ضرب اثنين سـ
قطع عليها كلامها دخول ديما وسحب منها الكتاب
ديما : نواف مو انا قلت لك انا بذاكر لك
نواف : بس انتي تطبخين وخالتي غدير ماتسوي شئ قلت لها ذاكري لي وقالت طيب
غدير ببتسامه : طيب ديما وشفيك انا خالته بمقام امه وبذاكر له ماعندي شغل فاضيه
ديما : لا شكراً .. انا مايدعيني قلبي الا لما اذاكر له انا مو غيري
غدير : براحتك
وفتحت غدير الكتاب وجلست تقرى وديما جلست تذاكر لنواف
مها : خالتي غدييير
غدير : هلا مهوويه
مها : تعالي تعالي بوريك ششئ
غدير : لحظه حبيبتي انا اذاكر
مها سحبتها : قومي قومي بوريييك شئ
وقفت غدير مع مها وطلعت للحوش واول ماوصلت للحوش كذا هبت ماء جاتها
وصرخت غدير : واااااااااااااااااااااااااي
مها وبسام : هههههههههههههههههههههههههههههه
غدير : بسسام تكفى بس يالله سبحتني بسسسسسسسسسام
بسام يعاندها ويزيد ويزيد وغدير راحت له وهي مبتلله ماء وسحبت منه الماء وصارت تصب علي
بسام : غديروووه لا حرااااااااام عليك والله بطلع الحين
غدير : حرام علي هاااه حرام علي وانا مطلعيني من دخل عشان بس تسبحين بهالمويه
مها : هههههههههههههههههههههههههه
وسحبت مها من غدير الماء وجلست تصب عليها
بسام : صح عليييييك مهووي تعجبيني هذيلي عيال الاخت ولا بلاش
مها نزلت الماء : خلاص خالي مسسكينه تعبت
بسام : خلاص
غدير : هين اورييك
وركضت لداخل بدلت ملابسها وعدلت شعرها وراحت لغرفته وطلعت جواله آلآي فون ونزلت لتحت
طلعت للحوش وهي ماسكه الماء وشبه بتفتحه والجوال تحته : بسام افتح الماء افتحه
بسام كان يغسل سيارته واول ماشافها بتفتح الماء على جواله صرخ : لااااااااااااااااااااااااااااااااااااا
غدير : ههههههههههههه هاه افتحه افتحه
بسام : لا غدير تكفين لا ابوس رجلك لااا
غدير : قول ماعيدها
بسام : والله ماعيدها
غدير : هههههههههههه غصبن عنك بتقولها
واخذت الجوال ودخلت لداخل
بسام : وديه لمكان ماجبتيه
غدير : تتشرط بعد
بسام : انتي الي منزلته
نواف : هههههههههههههه خالتي متى تسبحتي ..؟
غدير : هاهاها تستهبل انت وفيسك
مها : لا نوييف هذا خالي بسام البطل سبحها بالماء
نواف : احلللللللللللفي
مها : والله
نواف : هههههههههههههههه مسكينه خالتي
غدير : تضحكون انتو وجهكم لأسويها فيكم بس
نواف : لا خلاص اسف
غدير : ايه كذا
.................................................
في اليوم الثاني ... في الصباح الساعه 9 ونصف
شوق لبست تنوره سوداء وتيشرت بربري فيه ازارير بالوسط ومن الاكمام باف فتحت شعرها وبرمته من الجهتين ونزلت لها خصل وصارت ناعمه ولبست جزمه بربري
دخل عليها فارس : يالله جهزتي
شوق : ايه جهزت دقايق البس عباتي
فارس : يالله احتريك بالسياره
شوق : طيب
نزل فارس وشوق ماعادت تهتم فيه وتعزه مثل قبل كذا فجـأه تغيرت بس ماحبت تشغل تفكيرها ليه تغيرت وتبي تجدد حياتها كل تفكيرها بالجامعه وكيف استقبال صديقاتها لها مشتاقه لها وتحس إنها اول مره تروح الجامعه
لبست عباتها ونزلت تحت وركبت السياره
فارس : متى تبيني ارجعك
شوق : لا بقول سايق اهلي يرجعني لأني بروح بيت اهلي
فارس : مو المفروض تستأذنين مني
شوق : فارس انا وين رايحه مجمع ولا رايحه اتغدى مع صديقاتي انا بروح كلها بيت اهلي
فارس : بس انا زوجك والمفروض تقولين لي فارس انا بروح بيت اهلي من باب الأستذان
شوق : وهذاني قلت لك
فارس : يوم قلت لك برجعك
شوق بنرفزه : فارس وش فيك قلبتها سالفه انا دوم اسويها ليه هالمره متغير قولي ليه ..؟
فارس : الله يعلم من المتغير انا ولا أنتي
شوق التفتت للشباك تناظر السيارات وهي متنرفزه منه ماتحب احد يتحكم فيها
فارس : لاتناظرين بالشباك
شوق :.......................
فارس : الحين إشاره وكلن واقف لا تناظرين
شوق التفتت لقدام وهي متنرفزه حدها
وصلت الجامعه ونزلت وسكرت الباب بقوه وفارس مشى وهو دوم ينتظرها لين ماتدخل
شوق التفتت وانقهرت إنه ماتنظرها لين ماتدخل
شوق : ليه احاسبه وماحاسب نفسي قبل هو زوج ويبي زوجته تحوفه مو تقاطعه وتتهاوش معه وتسوي الي تبي وكنها بنت مو زوجه .. اقول بس بعدين خلني احاسب نفسه واحاسبه خلني افلها بس اليوم
اول مادخلت شافت البنات قروبات مشتاقه لهالأيام والأجواء راحت لقروب الي فيه صديقاتها واول ماشافوها صرخوا
: ششششششششششششوق
وراحوا لها وضمموها وهي مشتاقين لها
شوق : ههههههههههه ذبحتوني
رنيم : يالدبه وحشتينا
شوق : فديتك والله
روان : وااي مو مصدقه شوق بكبرها بالجامعه لالا مو مصدقه
شوق : تبين اضربك على راسك عشان تصدقين
روان : لا خلاص صدقة
جوري ضمتها : يالبى كلك والله اشتقتلك مووت
شوق : وانا اشتقتلك واشتقت للبنات كلهم
لجين : هاه شويق شخبارك
شوق : شويق بعد وانا لي فتره ماشفتك مالت
لجين : مشكلتك عااد
شوق : وين مرة اخوي موكا
جوري : الحماة المثالي ياشيخه بس انتي
شوق : هههههههههه لاجد وينها
رنيم : مسكينه ملاك مشغوله ببنتها ليون فاضيه للجامعه
شوق : يعني ماتجي
رنيم : طلعت من الجامعه
شوق : قولي قسسم بالله وانا حماتها وبنت عمتها اخر من يعلم
لجين : الا والله كلن يدري انتي الي منقطعه عن العالم مو اهي
شوق : والله مدري .. من جد منقطعه عن العالم تصير كل هالأشياء ولا ادري غريبه
روان : انتي قولي وين عايشه بالمريخ واحنا بالخبر
شوق : لا في شقتي العزيزه
روان : يالشقه العزيزه انتي
شوق : هع هع .. يالله بنات والله الحين المشرفه الخايسه بطلعنا برا لأننا تأخرنا دقيقتين يالله قوموا نروح
جوري : ايه والله يالله نروح
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك