رواية تدري وش اللي يقلب فيني أوجاعي -46
ام سعود بعد ماطلعت غدير من الغرفه نزلت الروج وحطته على التسريحه وراحت للتلفون ورفعت السماعه رودت
ام سعود : الوو
ام سامي : هلا والله بأم سعود
ام سعود : هلا فيك .. غريبه داقه
ام سامي : أبد بس حابه اسولف معك ولا فيها شئ
ام سعود : لا مافيها شئ
ام سامي : شخبارك وشخبار غدير وديما وسعود ومحمد وبسام
ام سعود : والله بخير كلهم وانتي شخبارك ووشخبار سامي ومنال واريج ولميس
ام سامي : والله انا بخير والبنات بخير
ام سعود : وشخبار اريج مع الحمل
ام سامي : تمام بس تعرفين البنات ودلعهم
ام سعود : تعلميني بديما يوم حملت لعبت فيني
ام سامي : ايه بنات هالأيام مافي صحه
ام سعود : ايه والله
ام سامي : الا اقول شخبار سعود للحين يبي لميس
ام سعود : ايه والله المسكين للحين يبيها وشاريها هاه بشري لميس وافقة
ام سامي : ايه وافقة وداقه اخبرك
ام سعود : جد
ام سامي : ايه والله
ام سعود : كللللللللللللللللللللللللللللللوش الف الصلاه والسلام عليك ياحبيب الله محمد
ام سامي : ههههههههههههه عاد بدري مابعد يتم شئ
ام سعود : كيف ماتم شئ والبنت وافقة خلاص
ام سامي : يالله بسكر انا تامريني على شئ
ام سعود : لا سلامتك وانا داقه اخبر سعود وافرحه
ام سامي : طيب مع السلامه
...........
ام سعود ~~< الاسم : سعاد .. العمر : 42 .. مصممة أزياء
ابوسعود ~~< الاسم : صلاح .. العمر : 55 .. تاجر معروف
سعود ~~< معيد في جامعة الملك فيصل بالخبر .. ومعه شهادة الماجستير والدكتوراه .. العمر : 26
ديما ~~< دكتوره أطفال .. العمر : 27 .. متزوجه عندها ولد وبنت "نواف ومها"
محمد ~~< العمر : 25 .. دكتور في الجامعه
ديما ~~< العمر : 22 .. في ثالث جامعه .. تخصص : صحافه وإعلام
بسام ~~< العمر : 16 سنه .. في أولى ثانوي ..
.............................
شوق كانت ببيت اهلها مشتاقه لساره لكن انقلب حالها وصارت تصارخ على اللكل مالها خلق أي احد
ساره : شوشو قلبي وشفيك تغيرتي
شوق بصراخ وبصو غريب : وشتبين مني هااه قولي
ساره تغيرت ملامح وجهها لتغير صوت شوق وخافت والتفتت لاروى : اروى شفيها شوق صوتها صـ
شوق مدت يدها لرقبة ساره كانت توها بتضغط لكن اروى دفتها وساره وقفت وابعدت عنها
شوق ناظرت اللكل بعصبيه وشرار ووقفت وصعدت لغرفتها واخذت الاغراض بكل الغرفه وترميهم على الأرض
وتكسر كل شئ وهي تصارخ بصوت غريب يرعب
اروى وساره وام فيصل دخلوا الغرفه
ام فيصل : شوووووووووق انتي هبله
شوق بعصبيه : انتو الهبلان كلكم هبلان
ام فيصل مسكتها من يدها بقوه وبعصبيه : طلعي برا اششوف يالله قدامي براا
شوق سحبت يدها من امها بقوه وبصراخ : مابي اطلع غصب انتوا طلعوا برا هذي غرفتي
اروى : غرفتك بشقتك هذي بقايا شتات وذكريات من ايام العزوبيه
شوق جلست على السرير بعصبيه وام فيصل طلعت وطلعوا اروى وساره معها
ساره : يمه شفيها شوق غريبه تصرفاتها وصوتها يرعب
ام فيصل : مدري
اروى : انا مو عاجبتني والي قاهرني أكثر إن فارس يعرف أن حالتها منقلبه ولا مسوي شئ
ام فيصل : هو وش بيده يسوي
اروى : يويها لشيخ يقرى عليها أو يوديها لمستشفى
ساره : لييه شفيها ..؟
جلست ساره واروى تحت وامهم راحت المطبخ
اروى : طاعنه امي
ساره انصدمت وبعدها استوعبت : ششنو كيف فهميني
اروى : تخيلي اخذت السكين وطعنت امي خلال ما أنتي في أيطاليا .. ونقلوها للمستشفى والحمدلله طلعت
ساره : من جدها هذي استجنت
اروى : مدري منقلبه فوق تحت .. مره تشوفينها تضحك وتسولف ياحليلها ومره تشوفينها معصبه وتصارخ وصوتها يتغير وحالتها النفسيه زفت ولا تطاق
ساره : وانتوا للحين ماسويتوا لها شئ ..
اروى : انا ادري عن فارس
ساره : قولي لابوي يكلمه
اروى : نقوول
ام سعود : سعود
سعود : نعم
ام سعود : بنت عمك لميس وافقة عليك
سعود : والله
ام سعود : ايه والله
غدير وهي تزغرد : كلللللللللللللللللللللللللللوش الف مبرووك ياحلى واطلز واكمل اخو بالدنيا كلها
سعود : هههههههههههه الله يبارك فيك
ديما : مالقيت عاد إلا لميس
سعود التفت لها : ليه ديما وشفيها لميس جمال ودلال وعز ولله الحمد مافيها شئ ..؟
ديما : لا بس دلوعه وبزره
سعود : عادي طيب هذا مو عيب فيه
ديما : مدري مدري انا مارتحت لها امي انتي شرايك
ام سعود : هي ماشاء الله من ناحية الجمال ماعليها كلام .. بس جد صدقة ديما دلوعه وبزره
سعود : تو هالكلام يطلع يوم وافقة .. ولا تبوني اقول الحين مابيها
غدير : لا يمه والله البنت ماعليها كلام
سعود وقف : انتوا اصلاً ماتخلون فرحه تكتمل لازم تخربونها
ديما : انا مو قصدي مو حلوه أو أن فيها شئ بس قلت دلوعه وتوها صغيره في ثانوي
سعود : وهذي زوجتي قريبأ وانا مارضى عليها
وطلع من البيت وديما ناظرت بأمها
ديما : من بدايتها كذا
ام سعود : الله يعيننا من الجاي
غدير : من جد حرام عليكم مسكين حطمتوه بزره ودلوعه بزره ودلوعه من جد قهرتوه هم ولو زوجته قريبأ ومايرضى عليها
ديما : سكتي بس سكتي انتي بس محاميه صايره له تقوينه بعد علينا .. هذا ياحلوه الاول معك ويدلعك لكن بس ياخذ السوسه لميس وبتغيره علينا وبتاخذ الدلع اهي وانتي على الهامش
غدير : تو ماصار شئ وظالمينها الله يعينها بس عليكم
صعدت الدرج وهي صاعده شافت اخوها بسام نازل ولابس جينز طيحني وتيشرت وشعرها مسويه كدش ورافع اكمام تيشرته "يا أدي محد أدي" ~~< لا تلومونه مراهق
بسام : هيه هيه انتي تراني موجود
غدير : يعني شسويلك احب راسك ولا ايش
بسام : سلمي مو حنا طوفه هبيطه
غدير : بسام روح بس طالع نفسك بالمرايه وعدل من شكلك طيب تراني مو رايقه لك
وصعدت غرفتها وبسام نزل
بسام : يمه وشفيها هذي معصبه
ام سعود : ماعليك منها حبيبي .. تعال تعال اجلس جمب امك ياحبيب امك والله انت
بسام جلس جمب امه
ام سعود : اسمع عاد البشاره بنت عمك لميس وافقة على اخوك سعود
بسام : تو الناس توافق لا بعد كان طولت
ام سعود : شفت عاد تدلع
بسام : مايحق لها تدلع .. وهي تحصل أحلى من اهل رجل مثلنا
ام سعود : ايه والله بهالشئ صدقة
بسام : اقول يمه فديتك والله ..
ام سعود : هاه قول وش تبين .. يمه وفديتك والله وراها سر تبي فلوس صح
بسام باس راسها : فديتك والله يالغاليه فاهمتني
ام سعود : كم تبين ..؟
بسام : هممم 500
ام سعود : ليه ..؟
بسام : والله بنطلع انا والشله رحله وكذا وتعرفين يعني احتاج فلوس واذا زادت ابشري برجعهم بس يعني الاحتياط واجب
ام سعود : تامر امر وانا كم بسام عندي وااحد .. بعطيك واذا بقوا خلهم لك
بسام : تسلمين والله
وقف بسام وطلع
ديما : يمه تراك مدلعته كثيير
ام سعود : خليني أدلعه وليه مادلع اخر العنقود
ديما : تعرفين مين تدلعين وانا وغدير البنات المفروض تدلعينها وتحوفينا حوف ماعطيتنا شئ من الي عطيتيه بساموه
ام سعود : عاد تقارنين زمانك الي جيتي فيه بزمانه ولا تقارنين غدير الغثيثه ببسام
ديما : ايه والله غدير وبسام مافي وجه مقارنه
جاء نواف ولد ديما وراح لامه : ماما
ديما : عيون ماما
نواف : أبي اشتري لي بدلة رياضه حق المدرسه .. كل اصدقائي شروا بدلات رياضه جديده ألا انا
ديما : تامر امر والله وكم نواف انا عندي .. كان قلت لي من قبل شريت لك احلى بدلة رياضه
نواف : طيب اليوم نروح مع خالي
ديما : إن شاء الله وين اختك مها
نواف : مدري مع خالتي غدير فوق
ديما : روح نادتها لا تتعقد منها هالمعقده
نواف : إن شاء الله
ديما : عفيا عفيا على الشاطر يالله روح نادها
راح نواف ينادي اخته
ام سعود : وليه إن شاء الله ولدك يسميك ماما صار رجال ماشاء الله في رابع إبتدائي ويسميك ماما
ديما : خليني ادلعه ولدي الوحيد هذا انتي تدلعين بسام تعطينه القمر بيد والشمس بيد وولدي توه صغير لا صار بمتوسط يقولي امي
ام سعود : مبين توه صغير
ديما : ماعليك مننا انا وولدي نحلها
...
نواف ~~< العمر : 10 سنوات .. في رابع إبتدائي
مها ~~< العمر : 8 سنوات .. في ثاني إبتدائي ..
...............................
ياسر : شجون يالله قومي نروح الشقه يالله
شجون بأصرار : لالا بجلس بيت اهلي لا
ياسر : شجون وش تجلسين هنا مافي احد
شجون : لاا هنا امي وابوي
ياسر : شجون حبيبتي امك وابوك ماعادوا عايشين ماتوا ولازم تتعودين على هالشئ
اول ماقال ياسر كلمة "امك وابوك ماعادو عايشين ماتوا" حست بطعنه مثل السكين بقلبها طعنها فيها ياسر
ورمت راسها على رجله وجلست تبكي وهي تكور ونزل نفسه لها ومسكها ووقفها وهي مرتميه بأحضانه وتبكي سكر الباب
وشجون التفتت لورى وناظرت بالبيت يملأه اللون الاسود ظلام x ظلام
وجلست تضرب بصدر ياسر ماتبيه يوديها للشقه تبي تجلس بالبيت الي ضمها بين امها وابوها
ياسر ركبها السياره بالغصب وياسر ركب وعلى طول حرك السياره لأنه يتوقع منها أنها تنزل من السياره وقفل الحبات خاف لاتنزل لأن هي مو بحالها بحاله يرثى لها
شجون وهي راميه راسها بحضنها : ماتوا اغلى اثنين ماتوا ماتوا الي ربوني ماتوا .. حياتي صار مالها معنى من بعدهم خلاص انا كلي مالي داعي من بعدهم ..
ياسر : شجون حبيبتي أهدي كل نفس ذائقه الموت وهذا قضاء وقدر وماعلينا اعتراض عليه
شجون : لاتهونها تراهي صعبه صعبه علي بس يمكن مو صعبه عليك ماتوا امي وابوي من بقى لك ميين
ياسر : انا ياسر باقي لك انا احبك وبظل احبك وبظل معك ماراح اتركك لاخر نفس
شجون :.................................
وصلوا للشقه ونزلوا ياسر وشجون وشجون تبكي بقووه دخلت الشقه ورمت نسها بأقرب كنبه وهي تبكي
ياسر : شجون قومي انسدحي على السرير الكنب مو مريح
شجون : من متى يهمك الكنب مريح ولالا
ياسر : شجون لا تعاندين وقومي انسدحي على السرير أريح لك
شجون : مابي بنسدح هنا .. من كثر الألم ماصرت أحس فيه
ياسر : شجون
شجون : بس خلاص انا كرهت اسمي تدري ليه
ياسر : ليه ..؟
شجون : لأنه ذكرى من امي وابوي
وجلست تبكي بقووه عمرها ماتخيلت بتعيش يوم واحد او لحظه وحده من دون امها وابوها
...............................................
فارس كان في بيت خالته ام فيصل بياخذ شوق وبيوديها لشيخ يقرى عليها
فارس جالس بالصاله يحتري شوق تنزل
نزلت ام فيصل وهي متضايقه
فارس : خالتي وشصاير وين شوق ..؟
ام فيصل : والله مدري شقولك ياولدي أحس إني ظلمتك مع بنتي
فارس : خالتي وش هالكلام لاسمعتك عايده هالكلام ترى ازعل عليك .. ماعلينا وين شوق ..؟
ام فيصل : رافضه إنها تنزل مدري وشفيها
فارس : لا خالتي انا لازم اوديها حالتها هذي مو عاجبتني ابداً بالغصب تنزلونها ولا انا ارقى وانزلها
توام فيصل بتتكلم الا سمعوا صراخ في الدرج شوق تصرخ واروى تجرها بالغصب تنزل وساره تساعدها
فارس رقى لوين ماهم ومسك شوق وجرها بقوه وطلعها لبرا البيت وركبها السياره بالغصب وقفل الحبات واتجهه لأحسن شيخ مشهور بالخبر
شوق : مابي مابي اروح غصب هوو غصب
فارس :....................
بعد دقايق وصلوا للشيخ بسرعه ككونه قريبه نزل فارس وفتح الباب لشوق ونزلها بالغصب
وصلوا لوين ماكان الشيخ وشوق وهي تسمع الشيخ يقرى على الناس جلست تصارخ وماسكه راسها من الألم
الشيخ خلص من الي عنده وكان فاضي ماعنده ناس كثير بهاليوم بذات
الشيخ : وشفيها تصارخ اختك
فارس : هذا مو اختي زوجتي .. ياشيخ مدري وش فيها مره طعنت امها ومره حاولت تخنق اختها وتصارخ ويتغير صوتها
شوق : كذااب كذاااااااااااب مافيني شئ والله كذاب
فارس : وياشيخ لا سمعت صوت القرآن تصارخ ويجيها ألم براسها
الشيخ : دخلها لداخل
دخل فارس شوق بالغصب والشيخ قال إنها مسحوره
......................................
أريج وريان رجعوا الششقه وكان اليوم أحلى يوم تعتبره أريج وكأنهم توهم متزوجين
ريان : انبسطتي اليوم
أريج : ايه انبسطت
ريان كان بيتكلم لكن قاطعه صراخ اريج المفاجأ
ريان راح لها : اريج شفيك
اريج وهي تبكي : مدري ريان بطني
ريان وهو يضحك : ههههههههههههه والله خوفتيني اريج اكيد بيجيك بطنك
اريج : لا ريان يألمني كثيير كثييير
ريان : اريج كم مره بفهمك اكيد بيألمك بطنك لانك حامل والحين الطفل صار له شهر الحين
اريج جلست على الكنب وهي تبكي وتكورت وبطنها يألمها اكثر
ريان خلاها تعدل من جلسة ظهرها : كيف ماراح يألمك بطنك وظهرك وانتي كذا جالسه
اريج : عطني الجوال
ريان : ليه ..؟
اريج : بكلم امي بششوف وش اسوي لاجاني بطني
ريان : ههههههههههههه ليه امك دكتوره اقول بس والله لادقيتي عليها بتموت عليك ضحك
اريج : ريان انت تضحك ومبسوط وانا اتألم وابكي
ريان : حبيبتي ليه تبكين عادي تحصل بأكبر العوائل
اريج : اففففففففففففففففف تجيب الغلايق
..........................
في بيت ابوسامي
لميس : منال تتوقعين موافقتي على سعود صح ولا تسرعت
منال : لا صح صراحه سعود مافي احسن منه ماشاء الله تبارك الله جمال ودكتور وفلوس وعز وبيعيشك احلى عيشه
لميس : مدري احس تسرعت
منال : لا ماتسرعتي صدقيني
لميس : احس خايفه من مرة عمي وديما
منال : ليه ..؟
لميس : منال لاتسأليني ليه تسوين نفسك ماتعرفينهم مرة عمي مافي أشر منها وبنتها عاد أشر وأشر بيلعبون فيني لعب
منال : من هالناحيه مالومك مرة عمي سعاد وبنتها ديما بيلعبون فيك اما غدير مسكينه بتصير صديقتك
لميس : مدري منال احس خفت يوم فكرت فيهم
منال : ماعليك انتي منهم اهم شئ سعود
لميس : مرات اقول كذا ومرات افكر فيهم واخاف
منال : ماعليك بسس .. بس انتي برزي نفسك وفرضي نفسك على سعود وعلى اللكل ولا تخلين احد يهينك ويدوس على كرامتك ولا تدلعين وتسوين نفسك ناعمه وعلى أي كلمه يرمونها عليك تبكين لا رموا عليك كلمه ابتسمي وسكتي ولا تبينين إنك منقهره هذا الي ينفع مع مرة عمي وديما
لميس : بس تعرفيني يامنال بسرعه ابكي ماقدر احبس دموعي
منال : لاتقدرين .. ياويلك لو تبكين قدامهم اذبحك
لميس : ههههههههههه اما تذبحيني .. بس صراحه مع مرة عمي وديما بعيش بمر
منال : توك في البدايه لاتحاتين
................................
بعد مرور اسسبوع .. الساعه 2 الظهر
في شقة شوق وفارس .. شوق الحمدلله بخير أبطلوا السحر وهي بأحسن حال لكن جاتها شوي حالة نفسيه يعني صارت أنطوائيه كثير مو مستوعبه الي صار وبالإغلب ناسيه كل شئ
فارس : شوق قومي نتغدى بمطعم
شوق : لا فارس مو مشتهيه
فارس : يلا عاد ششوق عشاني قومي
شوق : لا فارس مابي اروح مالي نفس
فارس : كذا بتزعليني
شوق : براحتك
فارس ماحب يضغط عليها وهو مراعي شعورها طلع وخلاها لحالها
................................
ريان كان طالع راح لحي قديم ومتواضع نوعاً ماا .. نزل ورن الباب بعد رنتين فتحت بنت صغيره ناعمه
ريان : هذا بيت الـ؟؟؟؟
: اييه مين انت
ريان : انا ريان انتي مين
: انا أشواق
ريان ابتسم لأشواق بحنيه وسلم عليها : وين ماما وبابا
أشواق : ماما ماتت وبابا مات
ريان كلمة بابا ماتت حزت بخاطره ماتوقع إن أهل زوجته سابقأ بيقولون لها إن ابوها مات وهو عايش لكن مالمهم
ريان : نادي ابوك
أشواق : انت ماتفهم اقولك بابا مات
ريان : لا انا قصدي جدك
أشواق : طيب
اختفت أشواق وبملامحها وبرائتها ونعومتها خطرت بباله أشواق تشبه لأشواق
جاء ابو أشواق وفتح الباب وريان صافحه
ريان : السسلام
ابو اشواق : وعليكم السلام .. مين ..؟
ريان : قبل لأقولك مين بتخلينا نتكلم وحنا واقفين
ابو اشواق : لا تفضل
وفتح له الباب وخلاه يدخل لمجلس الرجال واختفى ابواشواق جاب مويه لريان وشرب ريان المويه جف ريقه من الخوف
ابو اشواق : من معي
ريان وهو يشابك ايدينه ببعض : انا ريان
ابو اشواق : عاشت الاسامي انا مابي اسمك ابي عايلتك بعد وليه جاي
ريان : انا ريان الـ؟؟؟؟ زوج بنتك أشواق
ابو اشواق مثل المويه البارده الي منكبه عليه صدمته وجمدته بمكانه
ريان : ادري بتتفاجأ وبتستغرب ليه جاي وماراح تستقبلني بس صدقني انا ندمان وندمان كثير كيف فرطت ببنتي الي جايبها من الغاليه اشواق لكن مريت بحاله ياعمي يرثى لها ماكنت مستوعب موت اشواق
ابو اشواق : عاذرك ياريان ومو شايلين بخاطرنا عليك لكن وش جاي له الحين ..؟
ريان بتوتر وأرتباك : جاي اخذ بنتي اشواق
ام اشواق كانت بتدخل الشاي والقهوه وطاحت من يدها يوم سمعت كلمة "جاي اخذ بنتي اشواق "
ابو اشوق اول ماسمع صوت شئ طاح عرف إنها ام اشواق وقف وفتح الباب وشافها تبكي
ابو اشواق : جاي تاخذها بعد ماربتها زوجتي شوف حالتها الحين تحسبها سهله
ريان برجا : هذي بنتي وانا ابوها ليه اخليها تعيش مع اهلها وابوها عايش مو ميت
ابو اشواق : بس احنا الي ربيناها وين ابوها لما كان عمرها سنه ماتعرف ولا شئ وين ابوها لما كبرت ودخلت الروضه والمدرسه وفرحنا لها وربيناها احسن تربيه وينك ولا بس الحين جاي تبي تاخذها كذا سهالي وحنا الي ربيناها وتعبنا عليها ودخلناها احسن المدارس
ريان : صدقني انا لاخذتها والله كل يوم راح اخليكم تزورونها وتزوركم
ام اشوق برجا : لا لاتاخذ بنتي لاتاخذها
ابو اشواق : يا ام اشواق لاترجينه مستحيل ياخذ بنتنا الي ربيناها
ريان : بس هذي بنتي وانا ابوها
ابو اشواق بعصبيه : وينك 8 سنوات ماسألت عنها يوم كبرت وتعلقت فينا جاي تبي تاخذها
ريان نزل راسه بضيقه ورفعه : بس انا ابوها وباخذها مهما صار فاهمين
وشاف اشواق تلعب بلعبها ببراءه وشالها بين يدينه وركض فيها لبرا وابواشواق يلحقه ركب ريان السياره وحركها بسرعه واشواق مستغربه ومو من طبعها الخوف
اشواق : منو انت
ريان : انا ريان توني قايل لك
اشواق : ليه اخذتني من بيت جدي وجدتي
ريان : لأني بوديك الملاهي وبلعبك وبشتري لك العاب واجد
اشواق : لا انا العابي ببيت جدي احلى
ريان : بشتري لك احلى منها
اشواق : طيب
ريان بعد عن بيت ابو اشواق بكثير ونزل لنادي العاب وشرى لاشواق كل الالعاب الي تبيها ووداها سوبر ماركت وشرت لها شوكلاتات وحلويات وشيبسات .. وكل شئ كانت محرومه منه
ركبت السياره وجلست تلعب بألعابها وتاكل بحلوياتها
اشواق : يسسلمو خالي ريان على الالعاب
ريان ابتسم :.................
اشواق : ماوديتني الملاهي
ريان : هههههههههههه بعدين حبيبتي الحين بوديك لمره طيبه كثيير
اشواق : ماما صح
ريان : ايه صح
وصل ريان لشقته ونزل ونزل معه بنته اشواق رن الباب وفتحت اريج واستغربت من البنت الصغيره الي معه
اريج : ريان مين هالبنت
ريان دخل ودخلت معه اشواق وجلسها على حضنه : هذي بنتي اشواق
اريج منصدمه وبعدها استوعبت : ششنو بنتك وبكل قواك العقليه جايبها لهنا
ريان : ايه هذي بنتي مثل مالي في بطنك بنتي وقطعه مني هذي بعد بنتي وقطعه مني
اريج : ريان انت من جدك بعد كل شئ جايبها لهنا نسيت إن تزاعلنا انا وانت وهي السبب نسيت إن تونا متراضين
ريان : اريج انسي كل شئ وكل انمحى اشواق وزواجي منها كان ماضي وانتي مالك داخل بماضي ماكنتي عايشه فيه .. والحاظر إني انا وانتي بنربي اشواق وشموخ
اريج : لا ياسلام والناس بيسمونك يابو اشواق وبنتي الي ببطني على الهامش
ريان : ايه ابو اشواق .. وهذا مو المهم المهم يا اريج إنك ترضين إنها تعيش معنا فرد رابع
اريج : لامو راضيه وبلييز اخذها والباب يوسع جمل
ريان : لا طردتني بنتي كأنك تطرديني
اريج : مامدى حبيتها وتعلقت فيها .. وش هالحب الي نزل فجأه ماكأنك مخليها على الهامش 8 سنوات الحين صارت بنتك وحبيبتك
ريان : انا قد شعر راسي متحسف كيف رميت بنتي ببيت اهلها ولا سألت عنها
اريج : وتو هالإحساس نازل عليك
ريان : ايه
اريج : لاتحاول ياريان مستحيل ارضى ببنتك تعيش معنا
ريان برجا : تكفين اريج هذي بنتي وين اوديها ويين
اريج : ودها وين ماتبي هذي بنتك وانتي كيفك معها مو بنتي
ريان سحب بنته وفتح الباب وناظر فيها وطلع واريج جلست على الكنب مقهوره رفعت الجوال واتصلت على اهلها وردت منال
منال : الوو
اريج : الوو تخيلي يامنال تخيلي
منال : هلا ششفيك هبيبتي بوجهي بسم الله
اريج : تخيلي يامنال الحقير ريان جايب بنته يبيني اربيها ويعيشها معي تخيلتي
منال : معصبه عشان هالشئ
اريج : تحسبين هالشئ هين ولا يعصب جايبها لي وش قايل ربيها هذي بنتي ماقدر استغنى عنها
منال : ايه هذي بنته اكيد يبي يربيها
اريج : يوم صار عمرها 8 سنوات يبي يربيها وطول الـ 8 سنوات مايعرفها ولا يدري عنها
منال : اريج تخيلي إنتي بمكانه اكيد تبين تربين بنتك بنفسك
اريج وهي منقهره وتبكي : منال انتي ماتحسين فيني جايب بنته ويبيني اربيها فوق إنه متزوج وماتت زوجته وانا اخر من يعلم
منال : منال انسي كل شئ وخلينا الحين ببنته
اريج : انا مابي اربيها
منال : بس اذا هو يبيها اكيد بتربينها
اريج : يعيشها معي بس والله ثم والله ماربيها ولا المسها ولا احركها
منال : براحتك
وسكرت الخط بوجهها واريج تفور من القهر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك