رواية تدري وش اللي يقلب فيني أوجاعي -42
شجون : عندك اربع جدران اضرب راسك بأي جدار
ياسر بأصرار : كلمه وحده ياشجون ما أثنيها افسخي عباتك واهجدي في البيت
شجون : لا مو على كيفك بطلع ولا علي منك
وفتحت الباب وياسر مسكها من يدها وبعصبيه وأصرار : قلت لك ارجعي
شجون : لا مو راجعه بطلع
ياسر وهو يصرخ : ارجعي قلت لك
شجون دزته ورجعت لداخل وفسخت عباتها وارتمت بالسرير تبكي اول مره تحس بالضعف اول مره احد يمشي كلمته عليها اول مره تحس انها مو قادره تدافع عن نفسها
طلعت برا الغرفه وهي تفور من الغيض وهبت بوجهه ياسر : انت هيه مالك كلمه علي انت اصلاً ماتسوى حتى جزمتي "الله يكرمكم" انت إنسان حقير انا اكرهك ماحبك ماحبك انا اهلي غصبوني علييك ياسر انا ماحبك ترضى تعيش مع وحده تـك
قطع عليها كلامها كف قوي من ياسر طبعه على خدها
اول مره شجون تتعامل بهالاسلوب دائماً كانت تدافع بأسلوب غرور ألا هالمره دافعت بضعف حيله دافعت وهي تبكي
كف ياسر حسسها إنها اضعف اضعف ماتخيلت نفسها بيوم إنها تكون بهالضعف
ياسر ناظر بيده وكف تجرأ يضربها
شجون دخلت غرفتها ورمت نفسها على السرير تبكي بقووه اول مره تبكي كذا ~~< مشكلة شجون الغرور لو تنزع هالصفه منها كان تغيرت .. غرورها يمكن يخسرها كل من حولها ويخسرها الي يحبونها وتحبهم
.....................
في شقة اريج وريان
بيطلعون بيروحون يتغدون على الكورنيش تجهزت اريج وتجهز ريان وركبوا السياره واتجههوا للكورنيش وصلوا ونزلوا عدة الشوي واختاروا لهم مكان وجلسوا فيه
شغل ريان الفحم على الشواية وحط فوقه الدجاج والكباب
ريان كان يناظر بالشوي وايج كانت تجهز الصحون وتسون الكباب وتعطيه
بعد ساعه استوى الششوي وبدوا ياكلون ريان واريج
ريان : شرايك بالششوي
اريج : هممممم لذيذ
ريان : بالعافييه
اريج : الله يعافيك
ريان : ليتني داق على اختي الهنوف وخليتها تجي معنا
اريج : ايه والله ماجاء ببالي
ريان : اكيد الحين تلقينها جالسه بالبيت طفشانه
اريج : اكيد
...............................
بعد ماطلع فارس راح للدوام شوق كانت نايمه
تحركت يمين ويسار والافكار والاشكال مازالت مستمره جلست تحرك راسها يمين ويسار تبي تبعد هالافكار لكن هالافكاره مستمره
شوق صرخت وهي تمسك راسها من الالم : بسسس خلاااااااااااااااااااااااااااااااااص
رفعت التلفون لكن الصوت الخشن الي يطلع لها مستمر صرخت بالتلفون وكأنها تكلم احد : بسسسسسسسسسسسس خلاص ارحموني بسسسس
وسكرت السماعه ودفنت راسها بحضنها وجلست تبكي رفعت جوالها واتصلت على اهلها
شوق وهي تبكي : يمممممممممممممممه
ام فيصل بخوف : شوق حبيبتي شفيك
شوق : يمه انا تعبانه تعبببببببببببببببانه
والاشكال بدت تطلع لها من جديد ورمت الجوال وجلست تبكي
.........................
ام فيصل رمت السماعه : رائد يارااااااائد
رائد : نعممم يمه
ام فيصل : تعال اخذني لشقة شوق
رائد : لييه ؟
ام فيصل : مدري كلمتني وهي تبكي تقولي تعبانه تعبانه وتسكر الخط
رائد : يالله يالله البسي عباتك ونروح
ام فيصل : طيب
الساعه 11 الليل
وصلوا ساره وتركي لأيطاليا بسس ماكان عندهم الوقت مثلنا 11 الليل عندهم توه بادي الصباح ..
كانوا ساره وتركي طالعيين ككون الصباح والليل الطلعه ابداً مو حلوه فيه
ساره كان حلمها من وهي بمتوسط إنها تزور أيطاليا وتروح لمدينة روميو وجوليت
طلبت إنها تزوره بمكاان روميو وجوليت راحوا للمدينه .. وطلبت إنها تفسخ عباتها بأيطاليا وتركي مايقدر يرد لها طلب والي خلاه يوافق إن شكلها بالعباه مابين أهل بريطانيا غلط .. وعادي عندهم فسخ البنت عباتها بس بدول عربيه مستحيل يخليها تفتح عباتها وحجابها .. وراحوا للمكان الي يكتبون فيه بأوراق ويعلقون الاوراق
اخذت لها ورقه ورديه وكتبت " تركي آحببببببببببببببببببك آللهـ لآيحرمني منك يآرب "
وتركي كتب " يالبى والله قلبك ياساره الله لايحرمني منك (وبالاخير كتب) ساره + تركي .. عشق لآينتهي
ساره توها بتعلق الورقه سحبها منها تركي وساره عصبت وسحبت ورقته وقروا اوراق بعض وابتسموا لبعض وعلقوا الصور
شابكوا ايدين بعض ببعض وراحوا لبيت جوليت
ساره : توقعت بيتهم وااوز كشخه
تركي : روميو وجوليت جاو على العصر القديم . بس مهما كانت بيوتهم تراثيه لكن احسها حلوه
ساره : من جد
تفرجوا على بيت جوليت وبعده راحوا لمدينة روميو وبيته
كان فيه درج يصعدون فيه الناس ويروحون للبلكونه ويهتفون بأسماء الي يحبونهم
ساره : تركي بصعد الدرج وانت أبقى هنا وبهتف بأسمك مثل كل حبيب وحبيته اووكي
تركي : اووكي
ساره راحت للدرج كان زحمه اللكل يبي يدخل واخيراً وصلت للبلكونه وقفت فيها وشافت تركي يأشر لها من تحت وهو يبتسم لشكلها
ساره وهي تحرك يدها اصرخت بصوت عالي بقوه : تركييييييييييييييييييييييييييييييييييييييييييييييي يييي احبببببببببببببببببببببببببببببببببببببك
تركي بصوت عالي : ههههههههههههههه وانا بعد اموووووووووووووت فيك
ساره نزلت له وشابكوا أيدين بعض ببعض وجلسوا يتمشون بشوارع أيطاليا المنظمه وساره حدها مبسوطه
تركي : شرايك نلعب بسكليت ؟
ساره : اما عاد تخيل شكلي العب بسكليت
تركي وهو يجرها للبسكليتات : يالله عاد
وراحوا للبسكليت واخذ بسكليتين واحد له وواحد لساره "بالعربي البسكلتيت "دراجه"
ركبت ساره وركب تركي وكانوا يمشون جمب بعض شوي وقام يسرع تركي وساره جلست تسرع
ساره : تركي لاتسسرع
تركي : ههههههههههههههه لالا بسسسرع
وجلس يسسرع ويسسرع وساره تحاول توصل له ومثلت إنها طاحت عشان يوقف لانها خافت لانه بعد عنها
ساره صرخت : تركيييييي
تركي التفت لها ونزل من البسكليت وركض لها : ساااره شفيك ..؟
ساره وهي تضحك : ههههههههههههههههههههه لعبت علييك
وجلست تركض على العشب وتركي يركض وراها وكل شوي تلفت له
وصل له ومسكها من يدها : ههههههههههههههههه مسكتك
ساره : هههههههههههههههه طيب الحين كيف رمينا البسكليتات
تركي : كيفهم .. تبين تركبين سفيينه
ساره : اوووكي
مشوا لمكان السفينات واخذ سفينه خاصه له اهو وساره صغيره لكن حلوه ركبوها وجلسوا برا مو داخل
كانوا جالسين جمب بعض ويناظرون بالبحر وتركي حاط يده على كتف ساره
تركي : بهاللحظه وش تتمنين
ساره : همممم إن اهلي يكونون معي
تركي : ليه انا ماكفي
ساره ببتسامه ناعمه : الا تكفي بسس مشتاقه لاهلي
تركي : تششوفينهم إن شاء الله بعد اسبوع وثلاث ايام
ساره : اووه ياكثرهم 10 ايام
تركي : بس معي كنها يووم
ساره : ياواثق
.................................................. .....
في الشرقيه
كانوا ريان واريج جالسسين بالشقه يناظرون فلم مره يضحكون ومره يحزنون ومره يتحمسون ومره ينرعبون
فلم .. مضحك x محزن X يحمس X يرعب ..
اريج : يووووووووه يالله التفتي ورى يالغبيه التفتي
ريان : هم مخلينها كذا ماتلتفت عشان يزيدون الحماس
اريج : بسس اكيد ماراح يقتلها لانها البطله
ريان : اكيييد
اريج بعد فتره صرخت : يسسسس واخيراً التفتت
رن التلفون وراحت اريج ترد
اريج : الوو
: هلالالا
اريج : هلا والله هنوو كيفك ؟
الهنوف : هلا فيك ارووج انا تمام انتي كيفك وكيف احوال خييو ريان
اريج : حنا بخيير
الهنوف : همممم دوم إن شاء الله
اريج : اممم وشمسويه بالجامعه وكيف ريماس
الهنوف : والله تمام ومشتاقه لك
اريج : هممم انا بكره برجع احس طفششت
الهنوف : ايه والله تعالي مشتاقين لك ..
اريج : انا غبت لان ريان ماخذ إجازه ولا ودي اجي واششوفكم
الهنوف : والله تعالي بكره محاضرتنا الساعه 9
اريج : ادري هع هع
الهنوف : لا احسبك نسيتي
اريج : هههههههههههه اما
بعد سوالف سكرت اريج من الهنوف
ريان : وش تقول الهنوف ..؟
اريج : عادي تسولف وتسأل عن اخبارنا
ريان : اهاا بتروحين الجامعه بكره
اريج : ايوه بداوم
ريان : اهااا اسمعك تقولين الساعه 9
اريج : ايوه ابيك توديني
ريان : طيب
..............................
دلال كانت جالسسه ترضع ولدها الصغنون مشاري
دلال : اووه منك يامشاري كل ماحط لك الرضاعه ترميها
واخذت الرضاعه من الارض وحطتها بفم مشاري ومشاري كالعاده رماها
دلال بعصبيه : مشششششششاري
راكان جاء : دلول وشفيك ..؟
دلال : اسمع راكان اخذ هذا ولدك ورضعه كل شوي طيح الرضاعه
راكان : طيب وشفيك معصبه
دلال نزلت دموعها : يالله شسوي طفشني وربي طفشني طفشت طفشت منه خلاااص
ورمته بين ايدين راكان وراحت لغرفتها
راكان وهو يبتسم لمشاري : حبيبي مشاري لاتزعل من ماما بس هي شويه معصبه منك لانها ترضعك وانت ترمي الرضاعه
جلس مشاري يبكي بصوت عالي وبطريقه تقطع القلب ويرثى لها وراكان قام يدور فيه بالصاله وهو مستمر بالبكاء
راكان وهو يدخل المصاص بفمه : بس بسس حبيبي لاتبكين خلاص لاتزعل بابا
مشاري مستمر بالبكي ولا بسساكت
طلعت دلال من الغرفه وهي تصارخ : بسسس خلااااااااااااااااااااااااص سكته
راكان بعصبيه : دلااال وش فيك تصارخين هذا ولدك والمفروض تهدينه ماترمينه علي
دلال : اووه ولدك وولدك انا ماحبه اكرهه طلعه من البيت انا ماشتهيه اففففففففف
راكان : دلااال شوفي ترى هالاسلوب مايمشي علي انتي لازم تتحملينه مدامك جبتيه
دلال : هههههههههههه ضحكتني اسسمع ياراكان هالولد ماراح اربيه اووكي
ودخلت الغرفه وراكان مو عارف وش يسسوي مع مشاري وكيف يسكته ومو عارف كيف يكسر عناد دلال
........................................
شوق كانت تهلوس بكلمه بس خلاص يكفي بس خلاص يكفي وام فيصل نامت عندها ككونها خايفه عليها
ومجتمعين حولها فارس وام فيصل وهم خايفين عليها
ام فيصل : بس ياشوق بسس
شوق : وشتبوون مني ابعدوا عني اكرهكم اكرهكم تركوني خلووني تبون تذبحوني انا ادري
فارس : شوق حبيبتي وش هالكلام فهميني وش تح
شوق وهي تصارخ : بسس اسكت انت تكرهني انا ادري وانا بعد ابادلك الشعور اكرهك انا ادري انتو بتذبحوني انتو مجرمين انا ادري
ام فيصل وهي تبكي : ياشوق وش هالكلام انا امك اذبحك اذبح نفسي ولا اذبحك ياغلى من روحي علي
شوق راحت للمطبخ وفتحت الدرج وطلعت سكينه وراحت لفارس وام فيصل الي واقفين يبون يشوفون وش بتسوي
فارس : ششوق انتي هبله نزلي السكين
شوق : بذبحكم قبل لاتذبحوني وتاكلوني مثل الذبيحه بذبحكم
ام فيصل : ياشوق صلي على النبي ونزلي السكين
شوق تقدمت لفارس وفارس حاول يبعد السكين عنه
فارس صرخ وبصرخته جمد شوق : شوووووووووووووووووووووق
شوق جمدت بمكانها وبعدها ردت : بذبحك لانك حقييييييير
وتقدمت بتطعنه وتقدمت امها وللاسف إن السسكينه جات لامها
طاحت السكينه من ايدين شوق ووقفت محلها متجمده وتناظر بالدم بيدها وفارس نفس حالتها متجمد
فارس صرخ : وشسويييييييييييييييييييييييييتي
شوق وهي تبكي وبخوف : ماسويت شئ ماسويت ششئ
فارس حمل ام فيصل بين يدينه وطلع من الشقه وشوق جلست على الكنب ودفنت راسها بحضنها وجلست تبكي
....................................
في الييوم الثاني .. الساعه 9 الصباح
في المسسستشفى
اسعفوا ام فيصل وكشف عليها الدكتور وعالجها والحين هي نايمه معطينها منوم والضربه ماجات قويه
كانوا بالمستشفى ابوفيصل واروى وفارس
ابوفيصل : هالبنت مدري استجنت ولا مدري والله شسالفتها
فارس : انا مثلك ياعمي مستغرب مدري وش جرى لها حالتها هالايام ياعمي غريبه تبكي وتصارخ وتشوف اشكال حالتها منقلبه فوق تحت والحين زودتها طعنت امها
ابوفيصل : لازم نوديها لشيخ يقرى عليها يمكن البيت فيها عين
فارس : عين تسوي كذا انا اقول البنت مسحوره
ابوفيصل : مسسحوره ... لالا مستحيل تكون مسحوره
فارس : صدقني ياعمي مسحوره اقرى عليها قرآن تصارخ وتطلب سكاتي لا هذي مسسحوره صدقني
ابوفيصل : يصير واحنا لازم نوديها لشيخ بأقرب فرصه لاتزيد حالتها
اروى فجأه تكلمت : انا رايحه اشوفها
ابوفيصل : مين ..؟
اروى : شوق
ابوفيصل : لا انتي هبله تروحين بعد تسوي لك ششئ
اروى : لا انا برووح
ومشت ولا اهتمت بكلام ابوها .. بعد اقل من نصف ساعه وصلت لشقة اختها ونزلت وكان الباب مفتوح استغربت ودخلت شافت شوق جالسه على الكنب وتناظر التلفزيون وتاكل شوكلاتات ومو هامها شش
اروى بصراخ : شووق تاكلين وتناظرين التلفزيون ومو هامك ششئ مو هامك إنك طعنتي امك ورميتيها بالمستشفى
شوق : هههههههههههههههههههههههههههههههههههههههههههههههه
اروى : شووق انا اعاتبك ما اقول لك نكته عشان تضحكين
شوق : حلوه حللللوه ..
فجأه سكتت شوق وصار وجهها كئيب ويغطيه الحزن
اروى جلست جمبها : شوق شفيك ..؟
شوق بحزن : مافيني شئ
اروى : مافيك شئ قولي لي ليه طعنتي امي قوولي
شوق : لانها كانت بتذبحني
اروى : شوق وش بتذبحك انتي من جدك تذبحك هذي امك لا انتي من جد فيك شئ
شوق : لاتقولون فيك شئ فيك شئ انا مافيني شئ مافيني شئ
اروى : طيب طيب خلاص مافيك شئ بس لاتعصبين
شوق وهي تبعد اروى عنها : بعدي عني
اروى : شووق
شوق انقلبت حالتها لهستيريه وضحك مستمر واروى مستغربه ومتجمده مكانها حالة شوق غريبه ومو فاهمتها
.................................
في الجامعه
اول مادخلت اريج الجامعه كانت ريماس مستقبلها واول ماشافتها ضمتها وهي مشتاقه لها مووت
ريماس : وااااااااااااااااااي اريج وحشتيني
اريج : حتى انتي وحشششتيني يالدبه آوي آوي
ريماس : يالله مقدر اوصف لك شوقي لك يا اريج مشتاقه لك موت موووت موووووت
اريج : فديتك والله
دخلوا داخل للكافتيريا وجلسوا ريماس طلبت لها ولاريج كبتشينو على حسابها
وجلسوا يششربون الكبتشينو ويسولفون ويضحكون وهم مشتاقين لبعض وخاصتاً ريماس مشتاقه لاريج اكثر
نطت بوجههم الهنوف : سسسلام
اريج وريماس : وعليكم السلام
الهنوف : الحلووه جات الجامعه اليوم
اريج : يسس شوفي الجامعه نورت
الهنوف : قصدك ظلمة
اريج : ايه ظلمة لان نوري يكفي
الهنوف : ياششيخه سكتي لحد يسمعك بس
اريج : هههههههههههههه قولوا لي رموسه شخبارك وشخبار الجامعه
ريماس : والله تمام انا والجامعه بخير انتي شخبارك ..؟
اريج : بخير دامك بخير ياوجه الخير
ريماس : والله مو انا وجه الخير وجه الخير انتي
اريج : فديتك والله
....................................
في الجامعه .. في مبنى بعيد عن مبنى اريج وريماس والهنوف
كانت شجون جالسه بزاويه لحالها وسديم وبشاير حولها
سديم : شجون شفيك ..؟
شجون : مافيني شئ ..
بشاير : شجون كيف مافيك شئ وانتي متضايقه وجالسه لوحدك
شجون : اووه مافيني شئ لو تخلوني لوحدي برتاح
سديم : شجون احنا قبل لانجيك كنتي بهالحاله ويوم جيناك بنفس الحاله كيف بتتغيرين
شجون وقفت وهي تتأفف وراحت بعيد عنهم سديم وبشاير ناظروا ببعض بأستغراب
ووقفوا يلحقونها بس شجون ابعدت عنهم
بشاير وهي توجهه كلامها لسديم : تصدقين أول مره اشوف شجون بهالحاله دائماً الكبر واضح بعينها هالمره الحزن الي واضح بعينها
سديم : من جد حتى انا لاحظة الحزن
شجون كانت بعيده عنهم لكن سمعت كلامهم لانهم يتكلمون كانو بصوت عالي
شجون : ( انا من تزوجة ياسر والحزن مرافقني بكل مكان وصار أقرب إنسان لي وعشقته والكبر والغرور الي كان حتى بعز ضيقاتي راح اتمنى اكون مغروره ولا اكون كذا حزينه واللكل يلاحظ حزني .. بس انا لو كنت مثل البنات الجامعه مو مغروره ومتواضعه كان الحزن والتواضع ماوضح بعيوني )
راحت للكافتيريا وجلست وكانوا موجودين اريج وريماس والهنوف فيها .. جاوا دلال وبيلسان والعنود وانفال وجلسوا بالكافتيريا
ودلال اول ماشافت شجون انتهزت الفرصه وجاء وقت إنها ترد لها الي سوته
بيلسان : دلوول وين بتروحين
دلال : ماراح أبعد
وراحت لشجون وضربته على يدها بأستفزاز : انتي هييه
شجون ماناظر بدلال بس عرفتها من نبرة صوتها مالها خلق احد ابد
دلال : هيييييييييييه انتي صرتي صمخه ولا حاطينك على الصامت ههههههههههه
شجون نزلت راسها اكثر لحد مارمته على الطاوله :...............................
دلال ماهمها حالة شجون الي مايحس بيجس إن فيها شئ : انتي هيه ارفعي راسك وواجهيني ولا شكلك خايفه ايه اكيد خايفه هههههههههه
تجمعوا حولها بيلسان والعنود وانفال ومثل العصابه حول شجون الي متضايقه ومالها خلق
العنود : ردي ولا كل إلسانك الئط "القط"
انفال وهي تضربها بظهرها بطريقه أستفزازيه : انتي هيه يالغبيه ردي ورفعي راسك يالجبانه
بيلسان : يالغبيه ارفعي راسك
دلال ضربتها على رجلها : اسمعيني ياشجون بوريك وبعلمك مين دلال الي رميتيها بالمستشفى والحيين
جاوا سديم وبشاير وركضوا ودفوا دلال
سديم : انتي هيه ابعدي عن شجون ولا تقربي منها
دلال : هههههههههههه صراحه خوفتيني ليه جايه تدافعين عنها
سديم : شوفي وقسسم بالله لو تقربين مره ثانيه من دلال لاحفل فيك الارض
دلال : احلفي انتي بسس انا وبنت عمي نصلح انتي مالك دخل
بشاير : الا لنا دخل ونصص دامك دخلتي هالخمه ربعك احنا بندخل
دلال : هاللي تقولين عنهم خمه ومو عاجبينك يسوونك ويسون اهلن جابوك
وبدت مشادات بالكلام كلمه من دلال وكلمه من سديم وكلمه من بشاير وشاركوهم بيلسان والعنود وانفال
....
الهنوف : ششفتي هاللي يتهاوشون
ريماس واريج : ايه
الهنوف : هذي الي راميه راسها على الطاوله شجون الي رمت دلال بالمستشفى ودلال الي تتهاوش مع صديقات شجون
اريج : من جدك
ريماس : صراحه مالوم دلال اذا بتطلع حرتها ببنت عمها
اريج : بس البنت احسسها متضايقه يعني من طريقة رمية راسها على الطاوله
الهنوف : صراحه هالبنت اول مره تكون كذا ولا هي مغروره وشايفه حالها
اريج : اكيد تعاني من مشاكل ..
................
مرت نصف ساعه ودلال وبيلسان والعنود وانفال يتهاوشون مع سديم وبشاير
رفعت شجون راسها وصرخت صرخه جمدت كل الي بالكفتيريا : بسسسسسسسسسسسسسسسسس خلاااااااااااااااااااااااااااااااااااااااااااااااا اااااص
وجلست على الارض ودفنت راسها بحضنها وجلست تبكي بصوت عالي
سديم وبشاير جلسوا جمبها :
بشاير بحنيه : شجون شفييك حالك مو عاجبني
شجون : مافيني شئ ورربي بس اسكتوا يكفي خلاص يكي
سديم وقفت وراحت لدلال : انتي هيه كذا تبكين شجون والله كل دمعه نزلت من شجون بخليك تدفعين ثمنها
دلال : هههههههههههههههه خوفتيني الحين
شجون وقفت وركضت لبرا الجامعه عند السيارات الي رايحه والي جايه رفعت جوالها واتصلت على ياسر
ياسر بدون نفس : الو
شجون : ياسر تعال اخذني الحييين الحيييييييييييييين
ياسر : موفاضي لك
وسكر الخط بوجهها وشجون جلست على الكراسي الي برا وجلست تبكي أكثر وأكثر مامر يوم بحياتها تذوق كل هالمر والتعب والالم تحس نفسها مخنوقه الدلع والغرور انقلب لحزن ودموع
...........................
في الجامعه
انفال : دلوول بنت عمك احس فيها شئ
دلال : فيها شئ ولا مافيها شئ بالطقاق ماهمني الا أهي
انفال : بنت عمك شايفه نفسها ومغروره ومافي شئ يكسرها بس هالمره غير عن كل مره بالجامعه هالمره احسها مكسوره وحزينه
دلال : تكفيين بس يا أم الإحساس .. جعل دووم هالانكسار والحزن
انفال : دلول لييه كذا انتي حاقده عليها حرام عليك
دلال : اووووووووووووه فكينا خلااص عاد
بيلسان : من جد انفال فكينا مسسويه فيها حبوبه وطيوبه وقلبك رهييف .. اقول دلول قوولبي انا اشجعك إنك تنتقمين منها
العنود : انا بعد
دلال : اييه هذا الصديقات ولا بلالالاش .. الصديق وقت الضيق صدق وربي المثل
انفال وقفت : اسمحوا لي بقولها لكم كاش انا اهلي ماربوني على الحقد
وابعدت عنهم ودلال والعنود وبيلسان ناظروا ببعض وضحكوا ولا كأنها قالت شئ
.....................
في المستشفى .. الساعه 12
ام فارس : شششخبار اختي ..؟
اروى : تطمني خالتي امي بخير بس الحين نايمه يقول الدكتور على الساعه 2 إن شاء الله بتصحى
ام فارس : وش الي جرى وش الي صاار
اروى موحابه إنها تخبرهم باللي صار مايبون ياخذون فكره عن شوق سيئه
فارس : الي صار إن شـ
اروى بمقاطعه : الي صار ياخالتي إن امي وهي طالعه صار لها حادث بسسيط والحمدلله عدى على خير
ام فارس : الحمدلله إنها جات على كذا ولا على ازيد
اروى : ايه والله
جاء فييصل الي توه من دقايق واصله الخبر من السكرتي الي بالشركه إن امه بالمستشفى
فيصل بلهفه : امي شخبارها ..؟
اروى سحبته لبعيد : امي بخير
فيصل : اروى وش صار ..؟
اروى : ماصار شئ بس حادث بسسيط
فيصل : من جدك دامه بسسيط ليه طاحت بالمستشفى
جاء ابوفيصل : اروى اختك شوق شخبارها
اروى : بخير
ابوفيصل : والله هذي اختك شوق مدري وش سالفتها هالمره طعنت امها المره الثانيه مدري وش بتسوي
اروى بأرتباك ناظرت بفيصل بعدها ابوها : نتكلم بالموضوع بعدين
فيصل : ارووى ابووي وش الي صار شوفيها شوق وش تخربطون امي مو صادمتها سياره صح
ابوفيصل : أي سيااره ..؟
اروى فهمت فيصل كل السالفه وفيصل مصدوم مو مستوعب الكلام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك