رواية تدري وش اللي يقلب فيني أوجاعي -41
ساره : بقووه وربي إني حزنت يوم قلتوا ابوكم عنده شغل وماتقدرون تنزلون للشرقيه فرحتيني يوم شفتكم
اسيل : هههههههههههههه الف الف مبرووووك يالدبه
ساره : الله يبارك فيه وعقبالك
ابعدت اسيل عن ساره وجاء دور نوره تبارك لها وتضمها
نوره : الف الف الف مبرووووك
ساره : الله يبارك فيك عقبالك
نوره : تسسلمين
تجمعوا البنات من جديد حوالين ساره وعلى كل وحده ابتسامه ناعمه صورتهم المصوره كم صوره وسجى طلبت تصور مع ساره صوره لوحدهم وصوروا ثنتينهم مع بعض
صاروا البنات مجتمعين حوالين ساره وسوالف وضحك وتعليقات على ساره
نوره : والله وكبرتي وتزوجتي قبل بنت خالتك يالشينه
ساره : ليه تبيني انتظرك
نوره : اييه
اسيل : لاجلست تنتظرك بتتعب لان مافي امل إنك تتزوجين هههههههههههه
نوره ضربتها على خفيف : وجععع ليه وش ناقصني
اسيل : لاتخليني اعدد وش ناقصك
نوره : عددي لان ماناقصني ششئ
بنات جلسوا بالكوشه جمب ساره وبنات وقفوا
جات كذا فجـأه حرمه ووقفت قدام نوره
الحرمه : شسمك انتي ..؟
نوره : نوره ليه ..؟
الحرمه : ماشاء الله كم عمرك ..؟
نوره : عمري 23 ليه السسؤال
الحرمه : لا بس اسأل .. متزوجه ولا عازبه
نوره : لا عازبه
الحرمه : مو محجوزه ولا شئ
نوره : لا بسس أسألتك كلها اعتبرها خصوصيات ليه تسألين ..؟
الحرمه : لا بس أسأل الا اقوول كيف مايخطبونك قمر ماشاء الله
نوره ابتسمت : ماعندهم ذوق
الحرمه : صدقتي .. انتي نوره الـ؟؟؟
نوره : نوره الـ؟؟؟؟
الحرمه : ماشاء الله .. انتي الي امك ساكنين بالكويت
نوره : ايه
الحرمه : ماشاء الله .. وين اختك اسيل
نوره أشرت على اسيل : هذي اختي
الحرمه : ماشاء الله ثنتينكم قمر
مشت الحرمه منهم والبنات شوق واروى وساره ولجين وريناد وشهد واسيل ونوره وسجى ناظروا ببعض بأستغراب
اروى : كل شئ واضح وضوح الشمس
نوره : كيف
اروى : المره معجبه فيك وتبي تخطبك شوفي سألت عنك انتي عمرك واسمك وعايلتك ومخطوبه ولا محجوزه
نوره : بس سألت بعد عن اسيل اختي
ملاك : ايه يالذكيه عشان ماتخليك تشكين إنها بتخطبك سألت بعد عن اسيل ولا اهي شوفيها جات من مكانها لك
نوره : يعني في أمل
البنات : ههههههههههههههههههههههههههه
ريناد : ايييه في أمل .. اجل مبروك مقدمأ
نوره : ووجع خليها تخطبني قبل
اسيل : وآآآآآآآآآآل مشفوحه على الزواج
نوره : ههههههههههههههه بيطق عمري الثلاثين وبظل عازبه
ملاك : لاعاد لاتبالغين تو عمرك 23
......................................
في شقة ريان واريج
كانت اريج توها منسدحه ونامت ودخلت بسابع نوومه وريان جالس يناظر التلفزيون
رن جواله وكانت اخته الهنوف
ريان : الوو
الهنوف : هلا وغلالا ريون وحشتني
ريان : وانتي وحشتيني كيفك هنوو
الهنوف : مو بخير وربي مستاحشه البيت من دونك احس خاايفه
ريان : معك الخدامه والسايق ليه خايفه
الهنوف : تصدق عاد اليوم جلست اسولف مع الخدامه والعب مع بالحوش وبالالعاب الي براا والعب معها شطرنج ههههههههههه وربي انا حفله من الطفش جلست اقرقر معها
ريان : تضيعة وقت والله الخدامه حلييوه
الهنوف : ايه بقووه توني اكتشف فيها هالطبع
ريان : يالله سلي نفسك معها
الهنوف : شخبارك اريج ..؟
ريان : هممم بخير
الهنوف : عطني اكلمها
ريان : والله نايمه الحين
الهنوف : وانت ليه مانمت
ريان : ماجاني النوم
الهنوف : اهااا يالله انا بسسكر بنام سي يو
ريان : سي يو
سكر ريان من الهنوف وناظر بالغرفه الي كان بابها مفتوح شاف اريج نايمه بالعسل
وقف وراح الغرفه وشافها نايمه بدون بطانيه اخذ البطانيه وغطاها فيها وجلس على مكانه بالسرير
وانسدح على السرير وناام
في العرس .. صارت الساعه 3
راحوا المعازيم وماصاروا الباقين غير اهل تركي واهل ساره
جالسين بأحدى الكراسي والطاولات شوق واروى يسولفون مع بعض وجمبهم بطاولة شجون مع بنت خالتها نجلاء وبطاوله قريبه منهم ام فيصل وام تركي وام ياسر مع بعض يسولفون
بطاولة نجلاء وشجون
نجلاء : ايه وشخبار اخوي معك ..؟
شجون : بخير
نجلاء : تقولينها من غير نفس
شجون : لا قلتها بنبرة طبيعيه
نجلاء : شجوون انتي بنت خالتي الوحيده عمري ماحسيت إنك تعامليني كأني بنت خالتك تعامليني كأني وحده ماتعرفينها
شجون : وشقصدك بهالكلام يعني إن علاقتنا انا وانتي فاشله
نجلاء : وبقوه
شجون : يعني كيف تبيني احسسك إنك بنت خالتي اضممك وابوسك
نجلاء : لا مو قصدي كذا قصدي فضفضي لي سولفي معي حسسيني إنك بنت خالتي كذا تسولفين معي وكل سوالفك بإختصار مدري احسك ماتهضميني
شجون : نجلاء بلا هالكلام والخرابيط وش افضفض لك اقول ياشيخه بسس اسكتي
نجلاء : شفتي شفتي كيف تكلميني شجون اذا كنتي ماتعتبريني بنت خالتك على الاقل احترميني تراني اكبر منك
شجون : جد والله معلومه جديده إنك اكبر مني
نجلاء وقفت وقبل لاتمشي قالت : الله يهديك
وراحت عنها
في طاولة شوق واروى وكانت جنى معهم
شوق وهي تلعب بيد جنى : جوجو الحنه يهبل
جنى : ادري
شوق : افف واضح عليك واثقه
جنى : ستقولين "شتقولين"
شوق : اقول إنك حلوه اليوم طالعه
جنى : ادري
شوق التفتت لاروى : توك معلمتها كلمة ادري
اروى : هههههههههههههه بنتي بتطلع واثقه على امها فديتها
شوق : اذا بتطلع عليك ياشينها واذا بتطلع على خالتها شوق ياحلوها
اروى : ماالت
جنى : انا بصيل "بصير" مثل ماما الوى "اروى"
شوق بزعل : ماتبين تصيرين مثل خالتو شوق
جنى : خالتو سوق "شوق" آع
شوق : انتي والله آلآع
اروى : شوق خليها والله الحين تصدق وتقلبها هواش وتراكض وراك بالقاعه تعرفينها عاد انتي
شوق : ايه والله
اروى : الا اقول تتوقعين سوسو شتسوي فوق مع تركي
شوق : احسها منزله راسها وعلى الصامت وهو يتغزل فيها وهي تبتسم بنعومه
اروى : ههههههههههههههههههه حتى انا حسيت كذا
شوق : بس الله يعينها على اخته شجون واااي مغروره
اروى : ايه والله عاد ساره راعية بكي
شوق : ايه والله بتلعب فيها
اروى : احنا لازم نكلم ساره ونقولها تقوي من نفسها لاتقعد تبكي قدامها وتحسسها إن شخصيتها ضعيفه
شوق : من جد
..................................
في شقة ياسر وشجون رجعوا شقتهم كانت الساعه 4 الفجر
اول مادخل ياسر شغل الانوار وشجون فسخت عباتها ورمتها على الكنب وانسدحت على الكنب بملابسها وبميك آبها وشعرها مفتوح وبكامل انوثتها ونعومتها وغمضت عيونها ونامت من التعب
ياسر ولأول مره تترك له فرصه أنه يتأملها جلس يناظر في ملامحها الناعمه وانوثتها كل شئ فيه ناظره بالتفصيل
ياسر : حرام عليك ياشجون تعذبيني حراام وربي .. كل هالنعومه والانوثه تخبي حقد وكرهه بقلبك مايلوق عليك
دخل غرفته وارتمى على السرير وناظر بالمكان الي المفروض تنام في شجون
ياسر : من تزوجنا ولا مره نمتي بهالمكان
غمض عيونه ونااام
................................
وفي الييوم التالي . يوم الخميس .. الساعه 12 الظهر
كانت ملاك لابسه قميص النوم لونه فوشي حرير لفوق الركبه وفوقه جكيت وردي فاتح لتحت الركبه وفاتحته كان ناعم وخاصتاً عليها كان شعرها متناثر على وجهها
راحت لبنتها ليان وباستها بخدها
ملاك بحنيه : لييون ليون حبيبتي يالله اصحي
ليان من أزعاج امها فتحت عيونها وبكت
ملاك رفعته بين يدينها وباستها بخدها : يممه فديتك باكلك باكلك
ليان قامت تضحك ببراءة الاطفال وهي تشوف امها تلعبها وتبوسها
جاء فيصل وراح لملاك واخذ منها ليان وجلس يلاعبها وملاك تلاعبها وليان تضحك بعفويه
فيصل : شرايك اليوم نزور اهلي ..؟
ملاك : اوكي متى
فيصل : الحين نتغدى عندهم ككونك ماعملتي غدا
ملاك : اوكي اتسبح واسبح ليون ونلبس ونجيك اووكي
فيصل : اووكي
ملاك دخلت الغرفه وفتحت الدولاب وطلعت لليان تيشرت ابيض وفيه ازارير بالوسط اسود ومن الجنبين كسرات وتنوره للفخذ لونها اسود وجزمه بيضا ودتها لدورة المياه "الله يكرمكم" وسبحتها وبعدها طلعتها ولبستها ملابسها وشعرها كان مايحتاج ناعم فتحته على وجهها صارت ناعمه تجنن ماخذه النعومه من امها وابوها
بعدها ملاك راحت تسبحت وفتحت شعرها متناثر على وجهها ولبست تيشرت بيج وفيه ورود بالاسود وفوقه جكيت خفيف اسود ومن ورى شفاف وتبين الورود الي بالتيشرت البيجي وجينز اسود كان لبسها ناعم واهي ناعمه وحلت اللبس
حطت مسكره وكحل وقلوس فوشي ولبست ساعتها ماركة "بربري" وجزمتها "الله يكرمكم" لونها بيج كعب خفيف
ولبست عباتها ماركة "لويز فينتون" .. طلعت شافت فيصل جالس يلعب مع ليان
ملاك : يالله فيصل جهزت
فيصل : يالله
طلع فيصل وملاك وراه وبيدها ليان ركبوا السياره واتجهوا لبيت اهل فيصل
وصلوا ونزلوا فيصل وملاك ودخلوا البيت كانت موجوده ام فيصل بسس
فيصل باس راسها وملاك سلمت عليها وباست راسها
ام فيصل : تو مانور البيت والله
ملاك ببتسامه : منور بوجود عمتي
اخذت ام فيصل ليان وبوستها وحطتها بحظنها وكانت ليان تلعب بعقد امها
نزلت جنى وهي تفرك عيونها : اميييييييييييييي
ام فيصل التفتت لها : عيون امي تعالي حبيبتي تعالي
نزلت جنى وراحت جلست بحضن ام فيصل < غيرانه من ليان هع هع ..
جنى : امي نزلي هذي
ام فيصل : ليه هذي بنت خالك ليان
جنى : آآع ماحبها
ملاك : ليه جنويه حبيبتي ليان صديقتك بعدين تكبرون وتصيرون صديقات
جنى : آع آع ماحبها .. اصلاً انا مابيها تصيل "تصير" صديزتي "صديقتي"
ملاك : ليييه
جنى : بسس
ليان ضربت جنى على خفيف وجنى جن جنونها
جنى صرخت : آآآآآآآآآه
ام فيصل : بلا مساخه ياجنى اصدق ضربتها ألمتك والله عيارتك
ملاك وفيصل : هههههههههههه ايه والله
نزلت اروى وهي لابسه بيجامه بنطلون حرير احمر وتيشرت حرير احمر وفيه ازارير بالوسط كان كيوت عليها
اروى ابتسمت : اليوم زايرينا ملاك وفيصل وليييونه
فيصل : عندك مانع
اروى : طبعاً لا
سلمت اروى على فيصل وملاك وبعدها اخذت ليان وجلست تلعبها وجنى جن جنونها
جنى : لا تلعبينها
اروى : ليه حبيبتي
جنى : ماحبها لاتلعبينها
اروى : عييب جنى هذي بنت خالك لاتقولين ماحبها
جنى : كلكم تهاوشوني عشانها انتو ماتحبوني تحبون ليان
اروى : ياقلبي والله انتي وكيف مانحبك وانتي الاصل
..........
ليان ~~< العمر : سنه وشهر
......................
في شقة احلى عروسين ..
|[ تركــــــــــ سـآره ــــــــــــــــي ]|..
ساره كانت صاحيه بدري لابسه جينز اسود ضيق وفوقه تيشرت فوشي فيه فيسين بالاسود وشعرها عاملته من الجهتيم كفرات ومنزله خصل كانت حاطه قلوس فوشي وكانت ناعمه رغم ملابسها الناعمه كانت ناويه تكشخ بس ككون بيسافرون والسفر يحتاج لجينز لكثرة الحركه وفي شنطتها اغلب ملابسها جينزات
تركي توه صاحي اخذ له دش ولبس جينز اسود وتيشرت اخضر فاتح فيه كلام بالانجليزي بالاسود كان سبيشل
تركي : جاهزه ..؟
ساره : ايوه
تركي اخذ الشنطتين وحده لساره ووحده له ركبهم السياره دقايق وجاء ينادي ساره لبست عباتها ماركة "قوتشي" ونزلت ترددت تركب قدام ولا ورى بس تركي قطع حيرتها وفتح لها الباب قدام وركبت قدام
ركبت قدام وكانوا متجهيين للمطار قطعت الصمت ساره : تركي
تركي : عيون تركي
ساره : تسلم عيونك ممكن ازور اهلي قبل لانسافر
تركي : من عيوني وبعدها لاهلي
ساره : اوكي .. الا قولي متى بنسكن ببيت اهلي وبنطلع من الفندق
تركي : اول مانرجع من السفر خلاص بنروح بيت اهلي بينقلون الاغراض اهلي
ساره : اهاااا
وصلوا لبيت اهل ساره ونزلوا تركي وساره وكانت بجية رائد من السوبر ماركت شاري شوكلاتات وحلويات لجنى وللبنات
رائد : اووه ساره وتركي عندنا
ساره راحت لساره وضمته : وحشششتك صح ؟
رائد : صراحه ماوحشتيني وامس البيت فللللللللللله انا واروى بسس حماس بدونك طبعاً
ساره ضربته على خفيف : وجععععععععع الا قول امس طفشش لاني مو موجوده
رائد : ههههههههه امزح معك لاتعصبين اكيد بنفقدك واذا مافقدنا ساره مين نفقد
ساره : همممم شوق
رائد : لايكثر بس ادخلي
تركي : احم احم انا هنا
رائد : يووه هالدبه ساره نستني (وراح وصافحه) ششخبارك ..؟
تركي : بخير وانت شخبارك
رائد : والله تمام
دخلوا تركي ورائد وساره .. ساره دخلت الصاله وتركي مجلس الرجال
ساره اول مادخلت ضمة امها وبعدها اروى وبعدها ملاك ..
ام فيصل : شخبارك حبيبتي إن شاء الله بخير ..؟
ساره : ايه بخير وانتو شخباركم وحشتوني
ام فيصل : بخير بشوفتك
جلست ساره جمب اروى وملاك
اروى : هااه بششري شمسويه
ساره : همم تمام
اروى : هالامممم وراها سر قوولي وش صار
ساره : ارووى لاتحرجيني يعني وش صار عادي
ملاك : روومنسي
ساره : اووف اكثر ماتتصورين
ملاك : همممم متى بتسافرون ..؟
ساره : الحين الساعه 12 الطياره الساعه 3 ونصف بتقلع
ملاك : همممم لو إن شوق جات كان ودعتيها
ساره : ايه والله بس مالله كتب يالله مره ثانيه
جاء فيصل وسلمت عليه ساره واخذت اخباره ورجعت جمب البنات ملاك واروى
ساره اخذت جنى وليان : وااااااااااي فديتكم تهبلون بتوحشوني انا بسسسافر
جنى : وين بتلوحين "بتروحين"
ساره : تعرفين الطياره
جنى : ايه
ساره : بركب الطياره وبسسافر بروح بااح
جنى : احزيني "اخذيني" معك
ساره : هههههههههههههه فديتك روحي قولي لخالي تركي بجي معكم
جنى : تيب
وركضت جنى لمجلس الرجال
ساره : من جدها بنتك صدقة
اروى : ههههههههههههه تخيلي عاد تجي معكم وش تحسس فيه
ساره : من جد
................................
في شقة فارس وشوق
شوق ماكانت نايمه كان اصوات تزعجها كانت تناظر في منامها كوابيس فجأه كذا حست إن قطه سودا قدام وجهها مزعجتها وقامت من السرير تصرخ : يمممممممممممممممممممممماه
فارس فز معها من صراخها : شووق شفيك ..؟
شوق : شفتي قطه سودا تنط بوجهي شكلها يخررع
فارس : تعوذي من الشيطان
شوق : اعوذ بالله من الشيطان الرجيم
فارس وقف : رايح اجيب لك مويه
شوق : طيب
راح فارس للمطبخ يجيب لها مويه وبخلال ماهو راح يجيب لها مويه صارت تشوف اشياء بالجدران ايدين كأنها بتمسكها ودميات وصور رجال متلثمين وبيدهم عصا
صرخت من الخوف : فااااااااااااااااااااااااااااااااااااااااارس
فارس جاء لها يركض وبيده الماء : بسسم الله عليك اشربي المويه
شربت شوق المويه وارتمت بأحضانه من الخوف : لاتتركني لاتتركني اخاف اخاااف
فارس : شوق من جدك انتي كبيره وش تخافين وانا لازم اروح الدوام
شوق وهي تبكي : لاا لاااا تروح تكفى لاتروح
فارس : شووق ماتوقعتك طفوليه لهالدرجه
شوق : فارس انا من فتره اشوف مثل هالاشكال ورجال يضربون الباب (وخبرته بكل شئ كانت تحس فيه من ايام)
فارس : من جدك لالالا لازم تروحين لشيخ يقرى عليك
شوق : لالا مابي شيخ مابي
فارس : لا شششوق مايصير لازم تروحين لشيخ حالتك هذي ماينسكت عنها
شوق : لاتخليني اندم لاني خبرتك
فارس : طيب براحتك يالله انا بروح الدوام
شوق : لا لاتخليني تكفى
فارس : شششوق
شوق : طيب طيب
راح فارس ياخذ له دش وسمعت التلفون يرن رفعته وبيدها ترتجف جاها صوت ضخم يضحك بخشونه
شوق من الخوف رمت السماعه ومسكت راسها من الالم تحس براسها يدور من الالم تبي تستعيذ من الشيطان تحس لسانها انربط
ارتمت على السرير وجلست ترتجف من الالم والخوف والاشكال الي تطلع كانت مثل المسرحيه قدامها
غمضت عيونها من الالم خلاص مو قادره تتحمل الالم
خلص سبوح فارس وطلع وهو لابس ثوبه واول ماشاف شوق بهاله مرتميه على السرير وترتجف وتعتصر من الالم ومغمضه عيونها ركض لها
فارس : شششوق بسسم الله عليك وشفيك .. لالا انا لازم اوديك للمستشفى
شوق : ابعد عني ابعد عني
فارس : شووق وشفيك
وقام يقرى عليها ايات من القران
شوق صرخت : لااااااااااااااااااا بس اسكت اسكت
فارس استمر يقرى عليها ويحاول يهديها وهي تصارخ تقوله اسكت وتمسك راسها من الالم وهو يقرى ويقرى وهي تصارخ وتصارخ
شوق صرخت : بسسسسسسسسسسسسسسسسسسسسسسسسسسسس
فارس تصنم بمكانه
فارس : ( هذا مو صوت شوق اييه مو صوت شوق بسسم الله وشفيها )
فارس بحنيه : شوق قومي اوديك للمستشفى
شوق صرخت : مابي ماااااااااااااابي
فارس مو عارف كيف يتصرف واتصل على المستشفى يرسلون له دكتوره دقايق ووصلت الدكتوره وكشفت عليها
وطلعت من الغرفه
فارس : دكتوره وشفيها ..؟
الدكتوره ببتسامه : لالا هي سليمه مافيها شئ بس مجرد صداع عطيته مهدئ هلأ بس بتصحى بتصير مثل الئمر "القم"
فارس : جد يادكتوره مافيها شئ
الدكتوره : لك شوو بكزب "بكذب" عليك انا
فارس : لالا ماقلت كذا
الدكتوره : يالله الله يئومه "يقومه" لكم بالسلام
فارس : مشكوره
الدكتور : ولو هذا عملي
طلعت الدكتوره وفارس دخل الغرفه لشوق شفها نايمه وواضح على وجهها وخاصتاً عيونها التعب
..........................................
في بيت ابوفيصل .. صارت الساعه 2
طلعوا تركي وساره واتجههوا للمطار بعد نصف ساعه وصلوا ونزلوا للمطار وودوا جوازاتهم ودخلوا الاغراض
صارت الساعه 3
: نداااااااااء لرحلة رقم ( 5 ) المتوجهه لرحلة إلى أيطاليا تتوجهه للبوابه رقم ..|[ 7 ]|..
وصار يكرر الكلام ثلاث مرات
وقفوا تركي وساره واخذوا اغراضهم وراحوا لبوابه رقم 7 واعطى السكرتي التذاكر ودخلوا وكان مكانهم جمب بعض في اول المراكب
ساره جلست على النافذه وتركي في المقدمه
تركي : مرتاحه ..؟
ساره : ايه مرتاحه
اقلعت الطياره وصارت فووق فوووق بين السماء والارض
.............................
في شقة ياسر وشجون
صحت شجون من النوم واخذت لها دش ولبست بيجامه زرقا ناعمه لون البنطلون سماوي فاتح وفيه رسما والتيشرت ازرق غامق وفيه رسمة فيس بالسماوي الفاتح ناعمه عليها
راحت للمطبخ وعملت لها سندويتش ومويه وجلست بالصاله وجلست تاكل وهي ملانه من روتينها اليومي
صحى ياسر وجلس بالكنب الثاني بعيد عنها : متى صحيتي
شجون :......................
ياسر : انتي اهلك حاطينك على الصامت
شجون : هههههه تنكت انت وفيسك
ياسر : لا امزح
شجون : اووف على الاستهبال .. الا بقولك انت بنت كله جالس بالشقه ماتطلع
ياسر : ليه عندك مانع
شجون : ايه لاني طفشت من وجهك طفشششت
ياسر : هههههههههههه مشكلتك عاااد
وقفت شجون ودخلت الغرفه ولبست عبايتها وطلعت كانت ناويه بتزور صديقتها سديم هي اكثر وحده فاضيه لها
ياسر : على وين
شجون : ماتعودت احد يسألني على وين
ياسر : بس من الحين تعودي اني أسألك على وين
شجون : بروح بيت صديقتي عندك مانع
ياسر : ايه عندي مانع
شجون : عندك اربع جدران اضرب راسك بأي جدار
ياسر بأصرار : كلمه وحده ياشجون ما أثنيها افسخي عباتك واهجدي في البيت
شجون : لا مو على كيفك بطلع ولا علي منك
وفتحت الباب وياسر مسكها من يدها وبعصبيه وأصرار : قلت لك ارجعي
شجون : لا مو راجعه بطلع
ياسر وهو يصرخ : ارجعي قلت لك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك