رواية تدري وش اللي يقلب فيني أوجاعي -40
ساره : يوه حسافه وربي بدري خلينا نوصلك
سجى : تسوق وتسوقنا عشى وتعشينا وش الي باقي
ساره : نوصلك
سجى : مره ثانيه
سلمت على البنات ومشت وبقوا البنات يسولفون خلصوا عشا واتصلوا على السايق ودقايق جاء السايق شالوا كيسهم ونزلوا تحت وركبوا السياره واتجهوا للبيت
......................
في شقة ياسر وشجون
ياسر بعد ماجاء من الدوام جلس بالبيت وطفش من الجلسه بالبيت وخاصتاً لان شجون ماتتكلم ولا شئ طلع من البيت مع خوييه ناصر ومارجع الا الساعه 10 وهو طالع من 3 .. كان بالبدايه يحسب هذا طبع شجون انطوائي ماتتكلم لكن بعدها شافها سوالف وضحك بالجوال مع صديقاتها ومع اهلها .. فأكتشف إن شجون ماتبيه ومغصوبه عليه بس الي مستغرب منه إنها دلوعة امها وابوها كيف غصبوها عليه .. هالبنت موقادر يفهمها
شجون جالسه طبعاً تكلم جوال وضحكها وسوالفها ماليه الشقه
شجون : ههههههههههههههههههههههه الله يرجك يابيشو وربي عليك سوالف ولا اطلز منها
بشاير : اييه افا عليك اعجبك
شجون : الا قوولي لي شخبار خوييك ماجد ..؟
بشاير : بخير يسلم عليك
شجون : اما يسسلم علي سلمي لي عليه
ياسر مثل المويه المنكبه عليه مومتسوعب إن شجون كانت راعيه هالحركات جن جنونه يسلم عليك وسلمي عليه
بشاير : وربي إنه تحفه تخيلي يقولي بجي اتقدم لك وين بيتكم
شجون : اماااا عاد وين بيتكم
بشاير : وربي الولد حبوب اعطيه بيتنا
شجون : هيييه انتي تستهبلين .. وش تعطينه بيتكم هالولد يكلمك ويكلم من وراك عششر
بشاير : ههههههههههههههههههه ليه تحسبيني بايعه نفسي عشان اوافق عليه
ياسر بصراخ وعصبيه : بسرعه سكري
شجون وقفت ودفته بكتفه ودخلت الغرفه وقفلت الباب : ايه كملي بيششو
بشاير : وشفيه زوجك يصارخ عليك
شجون : يخسي إلا هو يصارخ علي هذا صوت التلفزيون
بشاير : حسبت بعد يصارخ على حبيبتي وقلبي وحياتي شووجي
ياسر كان يتسمع لكلامها وجن جنونه اول ماقالت " يخسي إلا هو يصارخ علي هذا صوت التلفزيون "
وجلس يضرب بالباب وشجون راحت تطل بالبلكونه
شجون : بيشو حبيبتي الحين ان بسسكر تامريني على شئ
بشاير : لا سلامتك .. مع السسلامه
شجون : مع السلامه
سكرت شجون من بشاير وفتحت باب الغرفه كانت بتصارخ بوجهه بس ماشافته واستغربت جلست تبحث عنه بالشقه ماشافته
شجون : طقاق جعله مايجي
وجلست بالكنب وهي حاطه رجل على رجل وتسمع اغاني بالجوال ومندمجه مع الاغاني حدها
..........................
ياسر طلع من الشقه وهو حده معصب
ياسر : الحقيره تخونني وتحسبني بسكت لها .. شافتني ساكت طول هالمده تحسبني بسكت لها بعد
اتصل على خوييه ناصر وقاله يجيه بالبحر راح للبحر وجلس بالمدرجات نصف ساعه وجاه ناصر
جلسوا ياسر وناصر يتأملون البحر وبعد صمت طويل طفش منه ناصر وتكلم
ناصر : ياسر
ياسر :......
ناصر : الحين جايبني عشان تسكت ..؟
ياسر التفت له : ناصر ماعدت اتحمل خلاص طفشت طفشت منها طفشتني بحياتي خلااص ماعدت اتحملها
ناصر : ياسر عن مين تتكلم انت ..؟
ياسر : في غيرها زوجتي
ناصر : وشفيها
ياسر : ياناصر ماتتكلم ولا شئ ماتشتهيني كأني ماكل حلال ابوها .. كنت اظن إنها انطوائيه لكن اكتشفت إنها مو انطوائيه بس ماتشتهيني ياناصر انا ماعدت اتحملها تسولف وتضحك مع صديقاتها واهلها الا انا ماتشتهيني مدري ليه من اول يوم ماتشتهيني
ناصر : طيب انت ماسألت نفسك ليه يمكن العيب فيك
ياسر : ماسويت لها وربي اول ماشفتها بيوم الملكه وهي على هالحال مدري هي مغصوبه ولا ششنو
ناصر : يمكن مغصوبه
ياسر : بس هي دلوعة امها وابوها مستحيل يغصبونها على شئ
ناصر : والله انا مدري
ياسر خبره بمكالمتها مع صديقتها
ناصر : طيب ياياسر يمكن هي لها علاقه مع واحد وتحبه
ياسر : لالا ماتوقع
ناصر : اذا صديقاتها كذا فأكيد هي مثلهم صدقني اكيد لها علاقه مع غيرك
ياسر : طيب وكيف اعرف
ناصر : هممممم اذا نزلت فاتورتها روح وسددها انت واخذ الفاتوره وكل رقم واتصل عليه وشوفه بنت ولا ولد
ياسر : لالا مايصير
ناصر : ماعندي غير هالكل تبيه ولا بكيفك
ياسر : خلاص بسسويه والي فيها فيها
ناصر : عشان سمعة زوجك سووا المستحيل
في شقة شوق بعد مارجعت من المول دخلت الشقه كان فارس موجود
فارس : توو الناس ليه جيتي
شوق ابتسمت : وش اسوي وربي جلست اتسوق مع اختي وخذنا الوقت
فارس : طيب .. بس مو كل مره تعيدينها وتطلعين وتقولين لي هالعذر
شوق : طيييب
دخلت غرفتها وسمعت ضرب بالبلكونه راحت للبلكونه شباب شئ اسود يغطي البلكونه وشافت ظلال رجال متلثمين ومر بذاكرتها الي صار الصباح
وركضت لفارس وهي تصارخ وخايفه حدها
فارس : شووق شفيك ..؟
شوق خبرته بكل شئ صار
فارس : اقول تتهومين اكييد دام رائد ماشاف شئ فأكيد انتي تتهومين
شوق : لا وربي ما أتوهم اششوفهم
فارس : صدقيني يتهيأ لك
شوق : صدقوني وربي صدقوني اشوف رجال متلثمين واشياء سودا
فارس : صدقيني انتي إنك تتهومين اكثري من قراءة القرآن والاستعاذه من الشيطان وبتنطرد هالاشياء من بالك
شوق : انا اقرا قرآن واصلي واستعيذ من الشيطان
فارس : اكثري منها بوقت فراغك بدال ماتجلسين على الاب توب او تكلمين جوال
شوق : طيب
......................................
وبعد مرور يومين .. صار يوم الاربعاء .. يوم عرس ساره وتركي
في فندق نوفنبيك .. من افخم فنادق الخبر .. القاعه رووعه
في السويت الخاص للعروس كانت ساره لابسه فستان ابيض فيه كرستالات ناعمه معطيه شكل للفستان وفيه من الرقبه ربطه على شكل ورده لونها احمر والفستان من البداية كان باف وسيع وفيه كسرات ومن الخصر كان فيه سي ضيق لونه احمر وبعدها منفوش على شكل كسرات الفستان ناعم مرره وساره معطته شكل بطولها ونحفها وقوامها وجسمها الحلوو .. حاطه كريم اساس خفيف هي بيضا ماتحتاج كريم اساس كثير وحاطه كحل راسمته بطريقه حلوه وحاطه مسكره وقلوس احمر .. وعامله تسريحة ويفي وصايره التسريحة حلوه ككون شعرها كثيف وطويل والورده لونها احمر وابيض حاطتها على الكنب
كانت سجى صديقتها تتأمل فيها
ساره : سجووي لاتجلسين تناظرين فيني كذا
سجى : ههههههههههه وربي من حلاتك ماقدر انزل عيوني
ساره : مو احلى منك عااد
سجى : اما مو احلى مني .. العروس احلى من اللكل
ساره : سجووي بجد انا حلوه
سجى : وربي قممر والله إن بتجننين اللكل من جمالك
ساره : احم احم
سجى : عاد لاتوثقين .. اووقفي
ساره : ليه ..؟
سجى : اوقفي وابيك تمشين بعمل لك بروفات كيف تمشين بالجسر
ساره : ههههههههههه وربي خايفه لاعملت البروفات بعجبك وبس بالجسر وربي ماراح اعجبك من الخوف برتبك
سجى : قومي قوومي اعلمك بس كيف تمشين
وقفت ساره ومشت
سجى صرخت : لااااااااااا
ساره : شفيك خرعتيني ..؟
سجى : امشي بدلع
ساره : لييييييييييه تحسبيني مايعه انا
سجى : هههههههههههه
ساره : عشان يقولون الناس بنت جريئه ودلع ومايعه خليني اكون ثقيله
سجى : اخص على الثقيله
كانت الساعه 11
دخلت عليهم اروى
اروى : يالله يالله سسسوسو الحين الزفه
ساره : احلللللللللللللللللفي
اروى : والله يالله يالله
ساره وقفت وناظرت بشكلها بالمرايه وهزت راسها بأعجاب ورضى لشكلها نزلت سجى قبلها ولبسوا البنات عباياتهم ككون تركي بيدخل
لبسوا شوق وسجى عباياتهم وتلثموا هم كانوا بيتحجبون بس ساره طلبت منها يتلثمون هع هع
جاء وقت الزفه .. نزلت ساره من الدرج وهي حدها خايفه كانت ملفته للانظار وجذابه وشوق وسجى يصورونها بالكاميرا
وصلت ساره لاخر عتبه وحمدت ربها إنها خلصت من الدرج لانها تحس نفسها بتطيح من الخوف ~~< لاتلومونها مسكينه خخخخ
نزلوا الكاميرا شوق وسجى وخلوا ساره تمشي بالجسر مشت بالجسر بطله جذابه وسرقة انظار الحاظرين
وصلت للمسرح وجلست تتمشى بالمسرح ووقفت بالجهه اليمنى واليسرى لفتره مو طويله وبعدها وقفت قدام الكوشه وجلست
جاء وقت دخلة تركي ولبسوا عباياتهم الحريم وتلثموا .. دخل تركي ووصل لساره ووقفت وباس جبينها وساره منزله راسها بخجل
وقفوا جمب بعض لفتره واخذت لهم المصوره كم صوره وجلسوا على الكوشه
ودخلوا ابوفيصل وفيصل ورائد وابوتركي
يوم اقبلوا ابوفيصل وفيصل ورائد وابوتركي وقفوا ساره وتركي
جاء ابوفيصل وسلم على ساره وبعدها سلم على تركي ووصاه على بنته وسلم ابوتركي على ساره وعلى ولده تركي
واول ماجاء رائد يسلم على ساره ضمته ساره بقووه
رائد : بتوحشيني
ساره : وانت اكثر
ابعد رائد عن ساره وضمة ساره اخوها فيصل وبارك لها وجلسوا فيصل ورائد بجهه وابوتركي وابوفيصل بجهه ثانيه
بعد نصف ساعه طلعوا ابوتركي وابوفيصل وفيصل ورائد وطلع تركي وفتحوا الحريم وجيههم وبدوا يسلمون على ساره ويباركون لها
بعد ماسلم اللكل على ساره وبارك لها جاء دور البنات
جات شجون بتسلم على مرة اخوها ساره كانوا اللكل يجون من الدرج الي بالمسرح أختصار لطولة الجسر .. اما شجون جات بالسجر تمشي بدلع وغرور تبي تلفت انظار اللكل .. وصلت لساره ومدت لها يدها بغرور وتعالي
ساره استغربت من هالانسانه المغروره مدت يدها لها
شجون : مبروووك
ساره : الله يبارك فيك
شجون : شكلك ماعرفتيني انا شجون اخت تركي اخت زوجك
ساره : ايه ياهلا والله ..
شجون : صراحه اخوي احلى منك
ساره انصدمت من جرائتها ماتوقعتها بترمي عليها هالكلمه
شجون : سووري جرحتك .. بس هذي الحقيقه وكلام الحق ينقال ماينزعل منه
ساره : الناس اذواق
شجون : قلتيها الناس اذواق الي معجبين فيك ماعندهم ذوق والي معجب بأخوي كله ذووق ..
ساره ناظرتها بقهر
جاو سجى واروى وشوق
شوق : الف مبروووووووووووووووووووووك
ساره ولا كان شجون واقفه ضمة شوق اختها وبعدها اروى وبعدها سجى
شجون : هذيلي قرايبك ..؟
ساره بأفتخار : هذي اروى اختي الكبيره وهذي اختي شوق الي اصغر منها وهذا صاحبتي سجى .. اعرفكم هذي شجون اخت حماتي
شجون طاحت عينها على شوق الفتت نظرها بنعومة ملامحها وجمالها وقوامها وكل شئ جذاب
شجون سلمت عليهم بكل غرور ومن قهرها من شوق لانها غطت عليها ماسلمت عليها
شوق مدت يدها لشجون وشجون ولا كأن احد يسلم عليها
مشت شجون من الجسر بدلع وغرور
ساره : اففف هالحيوانه اقهرتني
شوق : من بدايتها كذا وشذا امد يدي لها ماتسلم قهر
ساره : تخيلوا تقولي بصراحه اخوي احلى منك وسوري جرحتك بس كلام الحق ينقال .. والي معجب فيك ماعنده ذوق والي معجب بأخوي كله ذوق
سجى : هالحقيره وبكل ثقه تقولها .. من حلاتها عااد
ساره : وربي قهرتني جد تركي احلى مني
اروى : لاتهمك اكيد منقهره منك صدقيني انتي احلى منه ومنها بكثير
ساره : جد
اروى : وربي
شوق : هذي من بدايتها كذا اجل بنهايتها وش بتسوي هالحيوانه
اروى : انا ادري
ساره : شكلها بتطلع لي قرون
سجى : ماعاش من يطلع قرون لحبيبتي وصديقتي سوسو
ساره : فديتكم وربي
.........................................
في قسم الرجال
ابوتركي وابوفيصل جالسين جمب بعض .. وتركي بجمبه الايمن ياسر والايسر خاله بندر واخوياه "سلطان و احمد "
بندر : الله ياتريكي والله وكبرت وتزوجة قبل خالك
تركي : ايه صرت رجال مو مثلك ورع
بندر : هههههه يالله ادعي لي إني الحقكك
تركي : الحقني وتزوج احد ماسكك
ياسر : الا جد خالي الحين ليه ماتتزوج
بندر : خلني اعيش عزوبي احسسن لي
تركي : انا كنت اقول مثلك
بندر : وهالكنت تغيرت وصرت متزوج وهي ليلة عرس ياولد اختي
سلطان : اقول تريكي هاه بتجي الاستراحه للشباب وبتسهر معنا ولا خلاص بتتكبر علينا
تركي : لا خلاص خليت الاستراحه للعزوبيه والهيالق انا صرت ارقى من هالمستوى
سلطان : اقول اسكت لحد يسمعك بسس
تركي : ههههههههههههههه ليه منقهرين مني لاني بتزوج وانتي عزوبيه
ياسر : لالا انا مثلك متزوج مو عزوبي
تركي : ايه وانا ياسر راقيين انتو هيالق ورعنه
احمد : حدك حدك عااد على العزوبيه ماكنت الاول عزوبي
تركي : لا الحين صرت متزوج
احمد : يالله الحين فرحان وبكره بنشوفك طفشان
تركي : عاد لاتغلط وانا اقدر اطفش من زوجتي ساره
سلطان : احمد احمد احفظ اسمها ساااره
تركي : ووجع
سلطان : هههههههههههههه
..........................
في بيت ابوبدر
كانت ريما زايره بيت عمتها اليوم جالسين دانه وريما بالصاله
دانه : رايحه اجيب العشا اووكي
ريما : اووكي
راحت دانه وجلست ريما لوحدها بالصاله جاء بدر وريما اول ماجاء فزت من مكانها مالبست عباتها ولا حجابها
ريما ببتسامه ناعمه : بدر
بدر : هلا
ريما : شخبارك ..؟
بدر : بخير
ريما : دووم ماتبي تسألني عن اخباري بدون ماتسألني صرت بخير يوم شفتك
بدر : وين دانه ..؟
ريما : دانه بالمطبخ تبي اناديها لك
بدر : لا ادل الطريق
مشى بدر وريما جلست تناظر فيه وقالت : بدر
بدر ولا كأن احد يتكلم دخل المطبخ وشرب مويه وجلس يكلم دانه : الحين هذي وش جايبها
دانه وهي تجهز العشا : ليه وشفيها ريما .؟
بدر : ماشتهيها هذي مايعه
دانه : لا والله بالعكس ريمو حبوبه .. يمكن انت ماخذ موقف من سالفتها مع متعب
بدر حط كاس المويه على الطاوله وطلع وشاف ريما جالس حاطه رجل على رجل وتلعب بجوالها
ريما اول ماشافته نزلت الجوال ووقفت ووقفت قدامه : بدر
بدر : اووه انتي وشتبين ..؟
ريما : مابي شئ منك بس الي ابيه تبادلني هالحب
بدر : كم غيري تكلمين بالجوال وكم تحبين غيري .؟
ريما : صدقني يابدر انا خلاص تركت هالسوالف وانت الي الحين ملكت القلب وعروقه
بدر : طيب وش اسوي لك
ريما : بادلني الحب وتزوجني
بدر : ههههههههههههه ضحكتيني وانا مالي خلق اضحك اقول بس ابعدي عن طريقي اخر زمن بزره تطلب مني اتزوجها
مشى وراح الغرفه وريما ناظرته بقهر
ريما : مدري هذا فيه عمى عيون كل هالجمال ولا بعاجبه
جلست على الكنب ودقايق ودانه جات وبيدها صنيه العشا كان فيه كباب واوصال وبروستد وشيش طاووق
دانه : تفضلي
ريما : زاد من فضلك
بدوا دانه وريما ياكلون
دانه : الا قولي لي وش اخر اخبار الجامعه ..؟
ريما : والله تمام تعرفين الاختبارات وكذا
دانه : ايه والله يالله متى نتخرج ونفتك
ريما : الا تعالي دلال تزوركم ..؟
دانه : هممممم عادي تزورنا بالاسبوع مره اليوم غريبه ماجات مع إن اليوم دائماً تجي
ريما : من جدك بس مره بالاسبوع وربي قليلة ذوق .. إن شاء الله ماتجي
دانه : ريما وشفيك على دلال مسكينه وربي تغيرت صارت حليوه وطيوبه
ريما : هههههههههههه ياحلوه انا بنت محترمه ماكلم وحده معتدي لها رجال وبتجيب عن قريب ولد بالحرام
دانه : هذا شئ مو بأرادتها
ريما : بأرادتها مو بأرادتها امي ماتسمح لي اكلم هالاشكال
دانه : حرام عليييك
ريما وقفت : يالله يالله انا ماشيه تامريني على شئ
دانه : وين بدري
ريما : ناظري ساعتك كم صارت 12 يالله سسسلام
دانه : مع السسلامه
طلعت ريما وبطلعتها كانوا راكان ودلال بيدخلون ريما ناظرت بدلال بأحتقار وطلعت
دلال : السسلام
ريما كملت طريقها ولا كأن احد يتكلم
راكان : وشفيها هذي
دلال : ماعليك منها خلنا ندخل
دخلوا راكان ودلال وشافوا دلال تشيل الاكل ومعها الخدامه تساعدها
دانه اول ماشافت دلال وراكان ابتسمت : تو مانور البيت
دلال وراكان : منور بوجودك
جلسوا دلال وراكان ودانه جلست مقابلتهم
دلال : اجل ريما كانت عندك
دانه : ايه دقيت عليها قلت لها إني جالسه لوحدي قلت لها تعالي وجات وتوها طالعه من شوي
دلال : ايه شفتها وانا داخله
دانه : اييه .. زين إنك جيت ولا كان بجلس لحالي طفششانه
دلال : طلعت من بيت اهلي وفكرت اجي بيتكم كنت متوقعه إنك جالسه طفشانه
راكان : الا اقول دانه وين بدر ..؟
دانه : همممم بدر بغرفته توه جاي من شوي وصعد غرفته
راكان : اييه طيب كيف احواله تراه مو عاجبني
دانه : وانا مو عاجبني تخيل كله يكلم جوال وكله طالع وهو ماكان كذا
راكان : اكيد تغيير الروتين عليه من عزابي لمتزوج ومن متزوج لمطلق وعزابي أثر عليه
دانه : ايه اكيد بس انا مستغربه من مكالماته وطلعاته الزياده عن الازم
راكان : مع إن بدر ماعنده اخويا
دانه : ايه بس مدري احس وراه سالفه
راكان : مادري عنه بدر لو يتكلم كان عرفنا بس مشكلته غامض
دانه : ايه
دلال : الا اقووول شوق بجد يقولون تزوجة ولد خالتها فارس
دانه : ايه تزوجة الله لايوفقها
دلال : حرام عليك لاتدعين عليها المسكينه
دانه : انا متأكده هي الي قالبه حالة اخوي زواجها
دلال : اييه ولد عمي تركي بيتزوج اليوم واليوم عرسه
دانه : من جدك ولا رحتي
دلال : لا مابي اروح من سالفتي مع شجون وانا قايله مابي اروح عااد تخيلي مين بيتزوج
دانه : ميين ..؟
دلال : اخت شوق ساره
دانه : من جدك كيف عرفتي ..؟
دلال : عيال خالتي جيرانهم اهل شوق ويقولون إن زوجها تركي ولد عمك
دانه : ياحليلها عاد ساره طيب صغييره اذكر إنها في ثانوي
دلال : في ثالث ثانوي
دانه : صغييره وتركي كم عمره
دلال : عمره 24 يشتغل مع ابوه في الششركه ماشاء الله في خير
دانه : وين بتسكن ..؟
دلال : مع عيال عمي
دانه : من جدك غريبه ساره وافقة انا يوم شفتها بعرس شوق وبدر دلع احسسها
دلال : لالا عيال خالتي يقولون جد انها حلوه واللكل يتمناها بس يقولون مو شايفه نفسها بس دلع يعني مدلعينها اهلها بس يقولون محتره ماشاء الله البنت خلوقه
دانه : ماعطت اختها شوق
دلال : بسس يقولون ماتوصل بمستوى شوق
دانه : يعني شوق احلى ولا اهي احلى
دلال : يقولون يشبهون بعض بس يقولون ان شوق احلى بس حتى اهي حلوه
دانه : ايه هالشوق قاهرتني على هالنعومه .. الله يوفقها عاد ساره سولفة معها بالعرس ياحليلها والله تسولف بس حسيت من نبرة صوتها وسوالفها إنها دلع وطفوليه ماتحسين إنها كبيره وثقيله تصلح للزواج
دلال : عاد شفتي هالبزر الدلع الي تقولين عنها اليوم عرسها .. بنروح بكره بيت عمي نبارك لهم
دانه : وين بتسسكن ماجاوبتيني
دلال : امممم بتسكن مع عيال عمي الدور الثاني كله لها والتحتي لهم
دانه : الله يعينها على شجون
دلال : لاااا من حظها شجون تزوجة ولد خالتها ياسر
دانه : والله اجل من حظها بتفتك منها ولا كان بتلعب فيها
دلال : ايه والله عاد يقولون ان ساره ناعمه ودلع وراعية صياح يعني اي احد يرمي عليها كلمه تصييح
دانه : اييه وبنت عمك هذي ماتحترم احد لا كبير ولا صغير
دلال : ايه والله الوم على عمي ومرة عمي الي دلعوها وخلوها تصير كذا
دانه : ايه والله
.................................
في العرس
ملاك ضمة ساره : مبرووووك
ساره : الله يبارك فيك
ملاك : عقبال ماتحملين واشوف عيالك
ساره : ههههههههههه لا عاد بدري خليني اخلص ثانوي قبل
ملاك : يالله الله يوفقك
شهد وريناد ولجين راحوا لساره يباركون لها
شهد وهي تضمها : يالدبه بتتزوجين وبتتركيني
ساره : هههههههههه وانا اقدر اترك شوشو الحلووه
شهد : ايه وااضح يالله بتصيرين متزوجه وانا بظل عازبه
ساره : هذا لجين اختك مثلك عازبه وسجى مثلك
شهد : لا بس انتي بنت خالتي
ساره : واختك اقرب
شهد : لالالا هذي مافي امل تتزوج
لجين : ووجع ليه مو عاجبتك مليون واحد يتمناني يالعبده
شهد : انا عبده يالشينه
ساره : بسس بسسس لاتتهاوشون تهاوشوا ببيتكم بس هنا قدامي نووو خلوا هالعرس يخلص على خير
لجين : لييه يخترب برستيجك يالبرستيج
ساره بغرور : يسسس
لجين : لحد يحسدك بس على البرستيج
ساره : ههههههههههه
ريناد جات : الف مبرووووووووووووووك
ساره : الله يبارك فييييك
ريناد : اجل طلعتي من عش العزوبيه وانتقلتي لعش الزوجيه
ساره : اييه صرت انا وانتي سيم سيم
ريناد : اهم شئ سيم سيم .. الله يوفقك
ساره : تسسلمين
ملاك : بناات شرايكم ناخذ مع بعض صووره
البنات بتأييد : يسسس
اجتمعوا البنات حوالين ساره وكل وحده مبتسمه ابتسامه احلى من الثانيه تو المصوره بتصور إلا جاو بنتين وصرخوا لاااااا كانوا اسيل ونوره
اسيل : سسسسسسسوسسسسسو
ساره وقفت وضمة اسسيل : وااااااي وش هالمفاجأه يالدبه
اسيل : ههههههههههههههه شرايكم بالمفاجأه صح حلوه
ساره : بقووه وربي إني حزنت يوم قلتوا ابوكم عنده شغل وماتقدرون تنزلون للشرقيه فرحتيني يوم شفتكم
اسيل : هههههههههههههه الف الف مبرووووك يالدبه
ساره : الله يبارك فيه وعقبالك
ابعدت اسيل عن ساره وجاء دور نوره تبارك لها وتضمها
نوره : الف الف الف مبرووووك
ساره : الله يبارك فيك عقبالك
نوره : تسسلمين
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك