رواية تدري وش اللي يقلب فيني أوجاعي -39
ملاك : تسلم عيونك بس انا مابي عيونك ابي الهديه
ابونايف : امري تدللي وش تبين
ملاك : ابي سلامتك
ابونايف : فديتك والله انا بسوي احلى حفله لاحلى ملاك
ملاك : لييه ..؟
ابونايف : لان بنتي الوحيده الدلوعه حامل
ملاك باسته براسه : فديتك والله يابوي الله لايحرمني منك
ابونايف : ولايحرمني منك ولا يحرمني من حفيدي الي جاي بالطريق
ملاك : تسلم
.................................
في احياء بسيطه .. متواضعه .. ملحها الاشخاص الي فيها
..
سهام جالسه بغرفتها تبكي واختها ريهام الي اكبر منها بسنه تطبطب عليها
ريهام : بس يكفي سهام بكا يكفي
سهام : كيف مابكي وقرب وقت فراقنا كييف
ريهام : سهام حبيبتي إن شاء الله الله يكتب الي فيه الخير وتتزوجون صدقيني اذا بيحبك بيرمي نفسه للجحيم بس عشانك
سهام : تحسبين بهالكلام بتهونين علي انا احبه احبه وامووت فيه
ريهام : صدقيني اذا يحبك بيسوي المستحيل بس عشانك واذا مايحبك بيستسلم وبيتركك صدقيني بهالتجربه بيبين انه يحبك جد ولا ماخذك تسليه
سهام : لا نايف يحبني يحبني ويموت فيني
ريهام : طيب انتي وش الي يثبت لك انه يحبك ويموت فيك يمكن ماخذك تسليه وبياخذ سالفة ابوه عذر وهو كذب
سهام : لاااااااااااااااااا نايف يحبني انتي تبين تخربين بيني وبينه طلعي براااااا برااا
ريهام : طيب طيب
طلعت ريهام من الغرفه وخلت سهام بحالها تبكي منهاره
رن جوال سهام ورفعته بسرعه : هلا نايف
نايف : هلا سهام
سهام : نايف وش صار ..؟
نايف : والله مدري وش اقولك ياسهام شكل مالنا نصيب
سهام صرخت : لاااااااااااااااااا لنا نصيب لنا وبنتزوج
نايف : سهام سهام اهدي .. انا بحاول بأبوي صدقيني بسوي المستحيل
سهام سكرت الخط بوجهه ودفنت راسها بالسرير وتبكي بقووه
اما نايف ناظر بجواله بضيقه
نايف : وربي ياسهام إني احبك من بعد نووف .. بس ابوي الله يهديه مو راضي وعذره إنك مو من نسايبنا
..............................
ريهام ~~< العمر : 21 .. في ثالث جامعه .. تخصص : تربيه خاصه
سهام ~~< العمر : 20 .. في ثاني جامعه .. تخصص : تقنية ومحاماه
...................
في بيت ابوفيصل
شوق جالسه تناظر بجوالها تنتظر فارس يدق عليها
شوق : دق يالله فارس دق
وجلست تحوس بغرفتها رايحه وجايه رايحه وجايه تنتظره يدق رن جوالها وركضت للتلفون وردت بدون ماتناظر الرقم
شوق : هلا وغلا حبيبي
: ههههههههههههه اما حبيبي
شوق بأرتباك : هلا هلا جوري ... لا بس اح
جوري : تحسبيني فارس صح
شوق : لالا اخوي
جوري : ايه واضح
شوق : ههههههههههههههههههه وربي كاشفتني ياجوري
جوري : هممم شخبارك شوقو
شوق : تمام التمام وانتي كيفك ..؟
جوري : تمام ... هممم تجهزتي للملكه
شوق : ايه تجهزت بنروح اليوم المول بنكمل تجهيزات انا واختي ساره تجين معنا
جوري : هممممم مدري بششوف
شوق : يالله عاد جوجو تعالي معنا
جوري : اوكي بجي
شوق : جد
جوري : لا امزح اييه جد
شوق : بعد صلاة العشا انتي جاهزه اووكي
جوري : اووكي
...................
في المستشفى
اروى وابوفيصل وفيصل وصلوا وراحوا للغرفه الي فيها خالد
شافوا اهل خالد " امه وابوه واخته سديم " كلهم يبكون بقووه
ابوفيصل : بششروا وش صار على خالد
ابوخالد : انتو وش تبون جايين وش تبون جايين تتشمتون إن ولدي مات
اروى مثل المويه البارده الي منكبه عليها بصدمه : ماات ...؟
ابوخالد : ايه مات وانتي السبب
اروى : انا وش دخلني الموت حق
سديم : تدرين ياهانم اروى ان اخوي ماكان شاك فيك وواثق فيك اخوي يحبك ويموت فيك
اروى : كيف
سديم : اخووي مريض بالسرطان بالدم وبالرئه واحتمال كبير يموت فمثل دور إنه شاك فيك وهو اصلاً واثق فيك وبقوه والحين مات مااات رااح والحضانه لك افرحي ياروى افرحي
اروى مثل المويه الي منكبه عليها وجلست تردد بهمس كلمت : مريض بالسرطان بالدم وبالرئه
فيصل : لاحول ولا قوة إلا بالله
ابوفيصل يوم شاف حالة اروى مسكها وطلعوا مثل مادخلوا وراحوا للبيت واول مادخلوا البيت كانت ام فيصل تحتريهم وخايفه على اروى تزيد حالتها
ام فيصل : اروى شخبارك
اروى كأن جاء احد وحطها على الصامت مشت وراحت لغرفتها وهي تمشي ببطء ...
ام فيصل التفتت بخوف على ابوفيصل : وشصار ..؟
ابوفيصل : طلع خالد مو شاك بأروى كان مايبي يخليها تتعذب معه
ام فيصل : لييه ..؟
ابوفيصل : طلع مريض بالسرطان بالدم والرئه ومايبي اروى تتعذب معه وقال إنه شاك فيها وهو اصلاً مو شاك فيها واثق فيها وبقوه
ام فيصل : لاحول ولا قوة إلا بالله
وجلست على الكنب وهي حدها حزنانه لان حالة بنتها بتنقلب اكيد فوق تحت
......................
في غرفة اروى اول مادخلت على طول وراها شوق وساره
شوق : اروى قولي وش صار
اروى خبرتهم بكل شئ وهي تبكي وارتمت بأحضان شوق تبكي
شوق : اروى هذا قضاء وقدر لاتبكين
اروى : انا كنت افكر إنه مايحبني وإنه شاك فيني كرهته وفرحت يوم مات طلع مايبيني اتعذب معه لانه مريض
ساره : اروى حبيبتي لاتعذبين نفسك وخالد مات
اروى : كيف ماتعذب وانا فكرت إنه مايحبني وشاك فيني
شوق : هذا قضاء وقدر ومالنا اعتراض عليه .. وصدقيني لو خالد يشوفك بهالحاله ماراح يرضى
ساره : اروى انا مريت مثلك تعذبت لموت توأمي نوف .. وفكرت بالانتحار وفقدت السيطره على تفكيري ونفسي لكن الله هداني
اروى مسحت دموعها : خلاص لاتعذبون نفسكم خلوني لحالي
شوق : طيب انتي بخير
اروى هزت راسها بنعم : ايه بخير
شوق وقفت : اذا احتجتي شئ ترى حنا بالخدمه
اروى : طيب
طلعوا شوق وساره وهم قلقانين على اروى حدهم
...........................
شوق : فطرت ..؟
فارس : ليه انتي سويتي فطور
شوق ضحكت : لا
فارس : اجل كيف افطر
شوق : همممم طيب تبي فطور
فارس : ليه تبيني اروح الدوام والكرشه فاضيه
شوق : طيب بسسوي لك توست وجبن
فارس : اووكي
راحت شوق المطبخ وهي متفشله ماتعرف شئ بالمطبخ ابد اخذت التوست وحطت به جبن وصبت له مويه وودته لفارس واكل بسرعه وراح الدوام وشوق بقت بالشقه لحالها رن جوالها ورفعته بدون ماتناظر الرقم
شوق : الوو
: هلا شششوق
شوق : هلا مين معي ..؟
: هممم معجب
شوق سكرت بوجهه الخط
شوق : افف ناس فاضيه ماعندها اشغال وشقال قال معجب
رن جوالها مره ثانيه ورفعته وبعصبيه : والله لو تدق مره ثانيه لاحفل فيك الارض
وسكرت الخط بوجهه ورجع يرن ويرن ومستمر ابسط حل إنها قفلت جوالها رن باب شقتها وراحت تشوف من العين مين بالباب زي الشئ الاسود الي مغطي على العين
شوق هنا بجد خافت وراحت سحبت التلفون ورد عليها صوت خششن : افتحي الباب لايصير شئ ماتتمنينه ابداً يصير
شوق سكرت الخط بوجهه وراحت جلست بغرفتها وتكورت وجلست تبكي من الخوف
شوق : فاارس وينك تعال تعااااال
رن الباب وجلسوا يضربون بالباب بقوه والتلفون يرن وهي تبكي من الخوف
بعد نصف ساعه هدى الرن بالباب والتلفون وشوق مازالت خايفه راحت تطل من البلكونه شافت سيارات متجمعه حوالين الشقه وشباب واول ماشافوا شوق تطل على طول جلسوا يناظرون فيها وجوالاتهم يطلعونها وحالتهم حاله
شوق بسرعه سكرت البلكونه وتسندت على باب البلكونه خايفه رفعت التلفون واتصلت على اهلها .. رن مره ومرتين وثلاث واربع واخيراً ردوا
رائد : الوو
شوق : هلالالا رائد ..
رائد : هلا شوق .
شوق بخووف : رائد تكفى تعال لي
رائد : لييه
شوق : بدون ليه وماليه تعال لي وافهمك كل ششئ
رائد : طيب طيب
سكر رائد منها الخط وركب سيارته واتجهه لشقة اخته شوق واول ماوصل رن باب شقة وشوق ناظرته بالعين وشافته رائد وفتحت الباب ومن خوفها ضمته وجلست تبكي
رائد بخوف : شوق شفيك ..؟
شوق : راائد انا خااايفه
كان الباب مفتوح وشوق شافت شباب متلثمين واقفين ويسون لها بيدهم علامة هيين
وشوق صرخت : رااائد التفت ورى
رائد التفت ورى ماشاف شئ : مافي شئ
شوق ناظرت مافي احد بسرعه سكرت الباب وحست بيد تمسك يدها وصرخت : يدييييييييييييي
رائد مسك يدها : شوق شفيك
اول مامسك رائد يدها اليد الي ماسكه يدها اختفت وسكرت بسرعه شوق الباب
ودخلوا بالصاله
شوق : رااائد تخيل يرن جوالي ومزعجني وتخيل ارفع السماعه يقولي واحد فتحي الباب لايصير شئ ماتتمنينه واسمع ضرب واطل من البلكونه اشوف شباب ويوم اقولك التفت ورى شباب يسسون لي هين ومسك يدي واحد واول مامسكت يدي اختفت اليد يمممممممممممه رائد انا خايفه خااايفه
وضمة رائد من الخوف تبي تحتمي فيه خايفه خوف مو طبيعي
رائد : اهدي اهدي هذي مجرد اوهام
شوق : لاا صدقني مو اوهام
رائد : انا يوم جيت ماشفت شئ تحت
شوق : مدري بس انا شفت شباب تحت يناظروني
رائد : صلي على النبي وتعوذي من الشيطان بسس
في شقة شجون وياسر
شجون جالسه على الكنب حاطه رجل على رجل مو طايقه ابداً ياسر ماتشتهيه وطبعاً تعرفون متزوجته غصب عنها
ياسر جاء وهو لابس شماغه وثوبه والعطر يفوح منه
ياسر : السسسلام
شجون بصوت واطي ماسمعه ياسر : وعليكم السلام
ياسر : ياهوه انا قلت السلام
شجون جلست تفرفر بالقنوات ولا كأن احد يتكلم
ياسر : ماقالت لي خالتي إن بنتها ماتسمع
شجون :............
ياسر طلع من الشقه وهو يوم عن يوم ينفذ صبره من شجون الي محاربته لاتكلمه ولا تسولف معه ولا شئ وكأنه ماكل حلال ابوها
..
اما شجون اول ماطلع ياسر رفعت جوالها واتصلت على صديقتها سديم .. اول ماتصلت ردت سديم
سديم : هلا و غلالالالا
شجون : هلا فيك شخبارك سدووم
سديم : تمام وانتي
شجون : دووم انا مو بخير
سديم : يووه ليه مو بخير
شجون : مو مرتاحه ابداً بزواجي احس كارهه حياتي
سديم : ليه مو انتي تقولين إن ياسر طيوب وحبوب
شجون : ايه طيوب وحبوب بس انا ماشتهيه وانتي اكثر وحده فاهمتني إني ماحب ابداً الزواج وشايله هالفكره من راسي كله ابني احلامي وامنياتي إني عازبه وعايشه بيت اهلي
سديم : شجون بس انتي لازم تتأقلمين وانا ترى اعرفك زين لاصرتي كارهه الشئ تكرهين الي حولك ترى ياسر زوجك لاشافك بهالوضع بيطفش منك
شجون : يطفش طقاق مايقدر يطلقني ..
سديم : وليه مايقدر يطلقك
شجون : لاني بنت خالته
سديم : وبنت خالته خلاص .. ليه انتي يوم ماحبتيه ليه ماقلتي لازم احبه لانه ولد خالتي ..
شجون سكتت :....................
سديم : هاه ردي ماعندك رد شجون إذا هو مو مرتاح معك مايهمه بنت خالته ومو بنت خالته شجون انتي راجعي نفسك
شجون : سديم .. انا مادقيت عليك عشان تنصحيني انا دقيت عليك عشان تطلعيني من ضيقتي
سديم : براحتك انتي حره وعقلك براسك .. المهم متى محاضرتك اليوم
شجون : هممممم الساعه 11
سديم : ولا تجهزتي
شجون : تصدقين انا الي اجهز واكشخ للجامعه لي ساعه تغيرت صرت ماشتهي اكشخ ولا شئ احس كرهت حياتي كل شئ امنيتي والله امنيتي إني ارجع بنت مو زوجه
سديم : الله يهديك بسس .. يالله اخليك تجهزين سسلام
شجون : سسلام
سكرت شجون من سديم وراحت دورة المياه "الله يكرمكم" اخذت لها دش ولبست تنوره سوداء وتيشرت فوشي ساده وفوق صديري اسود وعملت شعرها متناثر على وجهها وبرمته من الجهتين وطعت لها خصل وحطت لها قلوس فوشي لونه رهيب وحطت لها كحل ومسكره اسود وصارت ناعمه لبست جزمتها "ألله يكرمكم" لونها فوشي
ناظرت بساعتها كانت قريبه من 11 لبست عبايتها الوسيعه من فوق لتحت وسيعه مره ومرسوم فيها من فوق لتحت ماركة لويز فينتون وحجاب فيه من حوافه ماركة لويز فينتون لبست الحجاب بطريقه انيقه ولبست ناظرتها الشمسيه ماركة " ديور "
رفعت جوالها واتصلت على بيت اهلها
شجون : الوووو
ام تركي : هلا والله بشجون
شجون : هلا يممه
ام تركي : شخبارك
شجون : بخير وانتي
ام تركي : تمام غريبه صاحيه بدري وداقه هالوقت
شجون : عندي جامعه
ام تركي : اكيد داقه عشان اخلي السايق يجيك مو داقه عشان امك
شجون : هههههههههه شدعوا داقه ابي السايق يجيني وعشان اسمع صوتك يالغاليه
ام تركي : فديتك .. الحين بقول للسايق يجيك تامرين على شئ بعد
شجون : لا سلامتك .. يالله مع السلامه
سكرت ام تركي من شجون وقالت للسايق يروح لها
....................
في مدرسة ساره
سجى : ايه كملي وش مفكره تسوي حركه بعرسك
ساره : مو مفكره بششئ بس مقرره اخلي الزفه اغنية عبدالمجيد عبدالله
سجى : حلوو
ساره : هممممم اليوم بيوصل فستاني من ايطاليا
سجى : واااوز اجل بجي بيتكم اليوم عشان اشوفه ههههههههههههه
ساره : جد والله حياااك بروح المول اليوم بكمل تجهيزات العرس
سجى : هممم وش شريتي
ساره : وش شريت شريت ملابس وربي شريت كل ابوو المولات
سجى : عااد انتي معروفه موتك الموول
ساره : بقووه ..
سجى : همممم طيب يكلمك تركي كل يوم
ساره : هممم ايه
سجى : صوته حلو ..؟
ساره ضربتها على خفيف : يالحماااااره
سجى : ههههههههههههه امزح معك ووجع .. مين الي يسولف انتي ولا هو
ساره : اهوو
سجى : مسويه فيها إنك خجوله .. ما كأنك رايحه مع المزرعه وانتي مو حلال عليه
ساره : سجى لاتذكريني
سجى : طيب طيب بسسسكت بس لاتتضايقين
ساره : هالسالفه تضايقني مرره ماحب اتذكرها
سجى : براحتك .. طيب عنده خوات ؟
ساره : ايه اخت اسمها شجون في الجامعه
سجى : والله اجل بتصيرين صدقه معها
ساره : تصدقين يتكلم عن اخته عادي
سجى : كيف
ساره : يتكلم عن اطباعها وكذا واحس من كلامه كرهتها
سجى : كيييف قولي ..؟
ساره : يقول إنها مغروره وشايفه نفسها حدها تحسب اهي فووق فووق والناس تحت تحت حتى عنه اهو اخوها مفتره مو معجبه بأحد تستحقر اللكل ويقول إن اهي متهاوشه مع بنت عمها بالجامعه وطيحتها بالمستشفى ويقول إن ابوه وامه مدلعينها حدها يقول لكل شئ حدود بس هم تجاوزوا حدودهم ويقول حتى انا مدلعيني بس هي بزياده تعرفين بنت
سجى : يووه الله يعينك شكلها حيوانه
ساره : لا لاتخافين من حظي متزوجه ولد خالتها بس يقول مغصوبه عليه
سجى : فكه بترتاحين .. طيب يقول إن امه وابوه مدلعينها كيف غصبوها تتزوج ولد خالتها ...؟
ساره : يقوول ان خالته كلمت امه وامه عطته الرد بدون ماتشاور شجون وشجون دائماً تتهرب من امها اذا كلمتها بهالموضوع هي ماتبيه وامها تحسبها إنها خجلانه وتحبه وراحت قالت لخالتها إنه موافقه وتم كل شئ وشجون مو موافقه
سجى : يووه .. بس احسن تفتكين منها
ساره : ايه والله
سجى : الا جد وين بيسكنك فيه
ساره : ببيتهم
سجى : لييه وش ناقصك عشان تسكنين ببيتهم ..؟
ساره : صراحه انا موافقه وخاصتاً ان بيتهم فاضي يعني البيت بيفضى لي انا وياه مافيه احد مافي الا امه وابوه
سجى : جد مافي احد وبكذا ترتاحين
ساره : الدور الثاني كله لنا والتحتي لهم
سجى : حلووو
......................................
في بيت ابوفيصل
ام فيصل جالسه تشرب حليب مع بنتها اروى
اروى : يالله هالبيت بيفضى شوق تزوجة وساره بعد يومين زواجها وفيصل تزوج وبيبقى بالبيت انا ورائد
ام فيصل : يالله وإن شاء الله افرح برائد
اروى : إن شاء الله .. بس شكله مطول
ام فيصل : ايه
اروى : الا اقول بجد وين رائد ..؟
ام فيصل : مدري والله
اروى : اليوم دخلت غرفته بقوله يشتري لي فطور ماشفته وبالصدفه شفت جدوله حق يوم الاثنين ماعنده محاظره بهالوقت
ام فيصل : مدري اكيد طالع مع ربعه
اروى : اكيد مايجلس بالبيت
ام فيصل : سكتي بس لو تقولين له ماتجلس بالبيت يقول خليت الجلسه للحريم
اروى : ههههههههه
دخل رائد البيت ومعه شوق كان بيطلع وبيخليها بس شوق من الخوف أصرت تجي معه
شوق ورائد : السسلام
ام فيصل واروى : وعليكم السلام
ام فيصل : غريبه شوق زايرتنا ولا بعد الصباح
شوق : جلسني فارس بدري وجلست طفشانه اتصلت على رئود يسليني قال بيرجع البيت قلت له بروح معك تعرفين اخاف اجلس بالشقه لحالي
ام فيصل : لمتى بتقعدين تخافين خلاص كبرتي
شوق : هههههههههههه ليه شايفتني طقيت الثلاثين وانا مدري توني صغيره
اروى : الصغر يقطعك
شوق : انطمممي
رائد جلس جمب امه : الا اقووول غريبه صاحين بدري
ام فيصل : اختك اروى صحت بدري مصحيتها بنتها وداخله طالعه علي بالغرفه لحد ماصحيت ماقدرت انام
رائد : عاااد اروى لاصحت تبي اللكل يصحى
اروى : شسوي اطفش لحالي
رائد : مشكلتك مو مشكلتنا إنك تخلينا نقعد من نومنا عشان الانسه اروى ماتطفش
اروى : الجلسه معي حلووه
شوق : على تبن حلوه الا والله مررره
اروى : بالعكس الجلسه معي عسسسسسل
شوق : مبين
.............................
ومر الوقت وصارت الساعه "8"
في الشاطئ مول
كانوا ساره وسجى وشوق واروى يتسوقون كلهم فرحانين لزواج ساره واليوم رايحين يجهزون لساره
ساره : خلونا ندخل محل كوست
البنات : يالله
دخلوا البنات المحل وجلسوا يبحثون عن فستان ناعم لساره
شوق : سااره تعالي شوفي هالفستان كيوت
ساره ناظرت بالفستان كان لونه سكري واسود وروعه فيه ورود بشكل ناعم وانيق وفيه سير بالوسط اسود كبير شكله ناعم مره وبيطلع على ساره حلوو وخاصتاً لان جسمها وقوامها حلو
ساره : واااوز روعه
تجمعوا البنات حوالينها سجى واروى
سجى : خطييير
اروى : يجنن
شوق : شفتي إن ذوقي حلو
ساره : خلاص يالله توكلنا على الله .. قوموا نحاسب
راحوا البنات كلهم للكاشير حاسبت ساره الفستان قيمته "1500"
اخذت الكيسه وطلعت وراحوا لمحل بريمود شرت لها تيشرت زيتي وسيع باف وفيه كسرات وبعدين من تحت للخصر ضيق وفيه ورود بالزيتي وكان حلوو والورود معطته شكل ومن فوق ضيق وفيه ربطه بالرقبه على شكل ورده لونها زيتي والتيشرت ناعم حاسبته كانت قيمته "435" طلعوا من المحل
وجلسوا يتسوقون دخلت نصف المحلات ماخلت محل مادخلته وشوق شرت لها فستان وتيشرت وتنوره واروى شرت لها جينز وشنطه وسجى شرت لها جزمه "الله يكرمكم" وشنطه وتيشرت
خلصوا من التسوق وصارت الساعه "11"
راحوا للمطاعم .. طلبت اروى لها من باستا وساره وسجى من ماكدونالدز وشوق من هارديز
بعد نصف ساعه جابت كل وحده طلبها وبدوا ياكلون ويسولفون ويضحكون
رن جوال شوق ورفعته نست السالفه الي صارت لها الصباح ومافكرت ابداً أن هم .. شافت رقم غريب
شوق عطته بزي وهي توجهه الكلام للبنات : والله هالشباب ماعندهم شغل غير المغازل
اروى : ليه يدققون عليك شباب
شوق : ايوه
اروى : الله يعينك اجل
سجى وقفت : يالله انا ماشيه
ساره : سجووي وين
سجى : يؤيؤ من جدك بروح بيتنا بعد وين حمدي ربك إني جايه معك المول بعد
ساره : يوه حسافه وربي بدري خلينا نوصلك
سجى : تسوق وتسوقنا عشى وتعشينا وش الي باقي
ساره : نوصلك
سجى : مره ثانيه
سلمت على البنات ومشت وبقوا البنات يسولفون خلصوا عشا واتصلوا على السايق ودقايق جاء السايق شالوا كيسهم ونزلوا تحت وركبوا السياره واتجهوا للبيت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك