رواية يوميات حبي و حبه -39
شموو: تبي اصدق ....!!!!!!!!! على بالك غبيه بين يوم و ليله تنهي كل شي مو!!!
وليد: شموو بس عاد ....... بعد شو هني .... و هو ياشر على راسها .... جوتي ..
شموو: لا و انت الصادق قلم رصاص مسجل لك كل كلمه قلتها و سويتها ..
وليد: شموو لا تستوين حقود
شموو: بلي انا حقود زين .............. شو تبي و بوحده حقود ...
وليد : مو مشكله عسل على قلبي
شموو: وليد قوم عن ويهي لأفرك بالجوتي
و تموا على حالهم كل واحد يقهر الثاني
.................................................. ...........................
فهد ما سك ايد مها وهم نازلين بعد نهاية الدوام ..... مها حاولت تير ايدها منه عسب تروح سيارتها .... فهد رفض....
مها: فهد و السياره
فهد : خليها تولي ..... بطرش احد ياخذها بعدين.....المهم انت بتردين معاي ..... و ما ابي اي نقاش بالموضوع فاهمه
مها بهمس و دلع: الا تشوفه
فهد يطالعها ... يا ناس ما اروم على دلعها انا .....: شو ورا هذا الرضا كله
مها: دومي جي
فهد: مها بتقولين و الا ..................... يسحبها صوبه .......
مها بسرعه: فهد نحن بالشارع............. بعد ابي رضاك فيها شي...
فهد: فديت الحلوين و الله اموت عليج.....
مها ضحكت بخجل: فهد ...!!!
بالسياره مها تذكرت موعد امها بالمستشفي و هي ما تقدر تروح معاهم عسب الايام الاخير لها بالشركه .... بتم بروحها بالبيت و هي قررت تقضيه مع شموو
قالت بحماس: اوه نسيت ان امايه بسير المستشفي و كلهم معاها الا انا
فهد : بتمين بروحج
مها : لا قررت ارز فيسي بيتكم و اتم مع شموو
فهد استانس : و الله........ ليكون اليوم........ بعد منو راح يسمح لج تقعدين مع شموو و انا موجود ...!!!
مها : اي اليوم و خلاص بقضيه معاك .... بس خل ادق لأمايه اشوفها وين صاروا..
.................................................. ................................
شموو ملت تبي تروح ... و الاخ فهد لاهي مع مها ....
اخيرا قالت : وليد وصلني
وليد : اخيرا .... ياه انت اقناعج صعب ...... عنيده
شموو: ترا اغير رايي
وليد وقف : يالله قومي قبل لأغير رايي انا و اخلج ناقعه هني
شموو: وليد بذلني على هذي الروحه بلاها
وليد: و انا اقدر .... يالله امشي
سمر: وليد شو فيك عليها .......خلها تتعشا
وليد: من متى و انا اقنع فيها و هي مو راضيه ....... و بعد عشاها علي
تمشوا بالسياره ... قدر وليد يغير مزاجها و قعد يضحكها و هي استانست وايد معاه ... نست كل زعلها منه ......... خذ لهم سندويشات و سار صوب البحر
شموو راقبته ينزل و ناداها تنزل معاه ..... نزلت و قعدت على السياره من جدام ... و ساد الصمت و كل واحد يطالع البحر و يشم هواه و ينعش نفسه .....
وليد بهمس: شموو لازم نتكلم عنا
شموو: اممممممممممممممم
وليد وقف بويها و عيونها بعيونه ... و قالوا بصوت واحد: نوره
وليد بسرعه: انا فعلا قطعت علاقتي فيها من هذاك اليوم ما رمستها
شموو ساكته تحاول تصدق بس خايفه ..
وليد: شموو انا ابيج انت ..... صح اني انقهرت من طريقة مشي الامور فيها ... بس مقابل اني اخذج راضي و الله اني راضي .....
شموو ما قدرت تتكلم انربط لسانها و هي تشوف كل هذي المشاعر بعيونه ... وليد يحبني ....!!! و انا اموت عليه
وليد مسك ايدها وحضنها بين ادينه: شو قلتي
شموو: ما اعرف ابي افكر
وليد: اف على عنادج ..... بعد ما شي وقت تفكرين كلها يومين...
شموو ابتسمت تطمأنه ... و هي خايفه من تهورها .... هو حلم حياتها ترتبط فيه ... من غير ما يفكر بوحده ثانيه ....
بادلها الابتسام ........اخيرا ارتاح .... انها ما راح تخذله ... هي له و بس
رن موبايله قطع عليهم الجووووووووووووووو
رد وليد مبتسم: هلا فهد
بس المتصل مب فهد ...................................نوره ...........
تغير ويه و لف بسرعه عسب ما تنتبه له شموو .....فكر ... الله يغربلج ما تدقين الا الحين........
قال ببرود: نعم
نوره: حبي و ينك ... ليش قطعت ما تدق كأنك ما صدقت
وليد ببرود و بصوت يحاول ما تسمعه شموو: ادق بعدين اوكي و قطع الخط
شموو عارفه منو من طريقة كلامه ........ سكتت و لا عصبت بالعكس فرحت من قلبها ان الله كشفه جدامها و هي اونها مصدقه كلامه ......
شاف نظراتها ... عرف انها كاشفتنه ...
قال بسرعه يحاول يبرر: ما دقت الا اليوم و انا راح افهمها انا خلاص راح نملج و تنسي سالفتي
شموو ببرود: مو لازم بعدين تزعل عليك
وليد : شموو ..........
و سكت تعب وهو يحاول يقنعها تصدقه و الحين مستحيل بعينه....
كمل: تروحين البيت
شموو: يالله مشينا ....
بكل بساطه المشاعر الا تحسها شموو الحين برود و لا كأنها قبل شوي ذايبه في عيونه .... و كانت مصدقتنه .......لأنه وليد هو هو ما تغير رغم الا يحاول يبينه لها ... و هي خلاص صار عندها مناعه ضد مشاعره ....
قضوا طول اليوم يتمشون و وقت العشا
مها : حبي و الله تعبت خل اروح البيت اريح
فهد: اهلج بعدهم ما ردوا شو تسوين هناك بروحج .... خل نروح بيتنا
مها : بس تعبانه ابي اتمدد شوي
فهد و بعيونه نظره: افا عندج غرفتي حلال عليج
مها: و شموو شو اخبارها
ضحك فهد: وليد بيوصلها .... شكلي اليوم بتهزء منها .....
مها: اوكي حبي خل نروح و الله تعبانه....
وصلت معاه لبيت فهد و خذت لها غفوه بالسياره ..... فهد قعد يتأملها و هي راقده ... رفعها برقه و هدوء و خذها داخل غرفته و رقدها على سريره ....... مها ابتسمت و رفعت ايها طوقت عنقه...... ما كانت بكامل وعيها .......بعد ايدها من حولين رقبته هو عارف انها مو حاسه بالا تسويه .... طلع من الغرفه بسرعه..... خذ نفسه بقوه و تنهد بصوت عالى و هو يتكي على الباب.الغرفه من برع.....
بنفس اللحظه الا كانت شموو ماره بحذاله تبي تروح غرفتها .....
شموو : سلامتك من الاه ........ شو عندك....
فهد: هذي ربيعتج الا بتخبل فيني
شموو: عدال من الله هي مش موجوده .....
فهد تقدم ناحيتها و بعدها عن الباب ..: مها داخل راقده .......... و صوتج عالي عن تزعجينها....
شموو..فتحت عينها على الاخر : شو تسوي في غرفتك....
فهد: راقده ............... بعد هي زوجتي لو نسيتي
شموو: اي .... بس كيف
فهد طفر من كثر اسألتها: تعالي افهمج.....
بعد ما حكى لها ...شموو: يعني لازم تكون في غرفتي مو غرفتك
فهد : شموو ..... بسير ارقد في غرفة احمد و لا تقعدين تحنين ....
و اتصلي باختها خبريها انها بتبات معاج.....
...
سار فهد تحت بالصاله يكمل سهرته.... طفر من الملل و سار الغرفه عسب ييب له ثياب نوم و يسير يرقد في غرفة احمد .... دخل بشويش الغرفه و وصل للدولاب الملابس و فتحه ..... بنفس اللحظه الا حست فيها مها و صحت من النوم ..... مدت ايدها على الابجوره الا بحذالها وولعتها
قالت بصوت هامس: منو فهد
فهد ترك الا بايده و سار لها: عيونه ........... ليكون ازعجتج
مها: لا ما حسيت فيك ..... و انتبهت على عمرها راقده بالعباه .... ضحكت برقه و نشت تفسخها ...... شاف فهد لبسها تنوره ضيقه من فوق و واسعه من تحت مع بلوزه ضيقه مره عليها و فيها فتحه بطول الظهر على شكل سبعه بالعربي.....وشاده من جدام .....
تقرب منها وضمها ....
قال: شو هذا اللبس .... اخر مره تلبسيه
مها بهمس: ليش شو فيه
فهد : ما عايبني
مها: و الله انه حلو
فهد : ششششششششششششششششششششش لا تزيدين حجي ... ممنوع اوكي...
و طبع بوسه على خدها .... خاف يتمادى هو عارف بموقفها.... تفاجأ فيها تبتسم
.................................................. .......................................
بلاد الغربه
احمد استسلم اخيرا لجو........... صار يترقب وجودها و يهتم بكل شي فيها..
أحمد و هو لاف ايدينه حولين جو و لازق فيها بطريقة العشاق... هي تاكله و هو بعد
همس لها: كل هذا الاكل و لا يبان عليج
جو بزعل : احمد انت حاسبهم علي
ضحك برقه ورد: لا ....... بس ايدي عورتني و انا ااكلج ....... ولما انت جي اكول ليش ما تاكلين بروحج
جو تدفه بعيد عنها : احمد انت عكس العرب كلهم رومانسيه و رقه و انت .......
احمد يغايض فيها : الا انا ابو الرومنسيه ..... تعالي نرقص و بطلي دلع او اكل ...هههههههههههههههه
و بعدها بفتره
احمد : جو صار لازم نروح عندي دراسه باجر
جو: و انا بعد
رفعت جسمها و طبعت بوسه على خده....... احمد توتر من جرأتها ... هي تطالبه باشياء ما يقدر ينفذها لها.... و مشاعره الا يحس فيها ناحيتها تضعف من قوة مقاومته.... بعدها برقه بس بحزم ...
قال: جو يالله خل نروح
وصلوا لشقتها و استضافته ... تردد وايد بالدخول .... دخل وهو يتأمل كل شي بالشقه ... شقه صغيره بس نظيفه و حلوه ... اثاثها احمر و ديكورها هم احمر.... كل شي يدل على رقه و ذوق صاحبته......
صفر يعبر عن اعجابه بالشقه: واو الشقه حلوه وايد
جو: هههههههههههههه عجبتك ............ و هي تتقرب منه و عينها مركزه في عيونه و تتمايل بمشيتها ...قالت : تعال شاركني فيها
احمد بهدوء يحاول يبعد عيونه من عليها : و شقتي .... لا شكرا
باسها على جبينها و كان بيطلع ........ تمسكت فيه بقوه و هي تحضنه و تصيح : متى تحس فيني انا ابيك
احمد خاف لا يضعف .... ما توقعها تصيح .... لمها يبي يهديها و قال بهدوء: عطيني فرصه ممكن ........!!!!!!!!!!!!!!!!!!!!!!!!!!!!!!
قالت و هي تشاهق : انا احبك ليش ما تحس
تم ساكت يبي يركز ..... قرر يهديها و بعدين يروح
جو استغلت ضعف مقاومته و قامت تستعرض مشيتها و تمايلها .... فكرت الفرصه بايدها تستغل وجوده هني في شقتها .... استأذنت بتبدل.....
احمد خاف من نظراتها ما تطمأن .... شل بعمره و طلع ....... ما يبي يضعف الحين... و هو عارف احساسه بالحرمان يمكن يوديه بداهيه .... انسان محترم قراراته .......
.................................................. .......................................
رجع وليد البيت و هو منقهر من عناد شموو ... كيف يراضيها و يقنعها ...... طلع موبايله و دق على نوره يبي ينهي العلاقه معاها
نوره و هي تصيح: و يهون عليك حبي .......
وليد متوتر : نوره و الله مو بايدي ....... انا احبها
نوره ماتت قهر: و انا .............. شو ... من يومين بس مخبرني انك تموت علي
وليد يلف بالحديقه و هي فعلا غامضتنه: شو اسوي ... ما اقدر يا انت او هي .......سكت .... تنهد بصوت عالي
نوره: كل هذا لها....... وليد شو صار لك
وليد: نوره و الله اني اعزج و انت حبي الاول ..... بس شموو بدمي ما اقدر اتخلى عنها
نوره بعصبيه: اي الحين ما تقدر و قبل تسبها ,,, طول عمري و انا قلبي ناغزني منها .............. بس و الله لأرويك يا وليد انت و ياهها
وليد: نوره حبي.....................سكت زلت لسان ..... لأنه تعود عليها
نوره فرحت .... يعني بعده في مشاعر لي في قلبه: شفت وليد انا بعد في دمك .... رويني كيف راح تراضيني.... و الله لأخليك تحفى وراي
و قطعت الخط بويه................ تنهد وليد بقوه ... هو بحصلها من وين و الا من وين ........... ما متخيل يومه من غير ما يسمع صوت نوره و ضحكتها رغم دلعها الا يقهره ساعات..... و هم ما متخيل يرتبط بشموو و نوره بحياته ...و لا قادر يبعد عن شموو .......................................... نارين و محتار بالاختيار.....!!!!!
و الريال اذا كره شي و مقرر البعد عنه و لا قوه بالارض تجبره.................أحمد
الريال لو بغى شي يسعى وراه باي طريقه و بكل السبل ليحققه....................فهد
و المرأه اذا حبت ضعفت و تنازلت و تجعل ميولها كلها لزوجها ................مها
المرأه لين حبت حب صادق بدون امل زادها قوه....................................شموو
وليد حب بطريقه بدايتها غلطه و الغلط ما يستمر .......... دافع عن حبه بقوه و لما عرف مشاعره الثانيه لشموو تناسى حبه الاول و صارع عسب يكسب شموو ....
وليد يمثل لنا الحب بوجوه مختلفه ........ و الصراع الا داير بينهم ...... السؤال من الا راح يكسب .................................................. .......................؟؟؟؟؟؟
الاجابه بقرار وليد ..... اذا اختار حبه الاول فهو المنتصر ..... و اذا اختار شموو فالحب الصادق هو منتصر.................................يعتمد على صدق مشاعره و رغبته الحقيقيه .................................................. .....!!!!!!!!!!!!!!!
ناصر ضعف ايمانه سبب بانجرافه ورا المحرمات .................... لو كان عنده اراده رفض بقوه مثل احمد ......مثال بسيط عن بعض من شباب اليوم
نبذه بسيطه عن مواقف ابطالنا ................ توضح مشاعرهم
الجزء 40
قالت شو اكثر شي يعجبك فيني
قلت بصراحه كل ما فيك جذاب
اسمك و رسمك و الشعر و الجبيني
و عيونك و صوتك و خدك و الاهداب
قالت تبالغ قلت لا صدقيني
ترى وصفك ما فيه شي ينعاب
ما كنك الا الليل للعاشقيني
و ما كنك الا الوصل ما بين الاقراب
كلك على بعضك كذا تعجبني
و في كل يوم لك يزداد الاعجاب
اشراق يوم جديد يحمل مشاعر جديده متفجره بقلب عشاقنا .....
مها و فهد
اشراق يوم جديد يحمل مشاعر جديده متفجره بقلب عشاقنا .....
صحا فهد من الفجر .... و انتبه بمها بحذاله .... باسها على خدها و مد ايده يلعب بشعرها ..... مها فتحت عينها و استحت من نظراته رفعت اللحاف و تغطت منه ... ضحك فهد من حركتها ....
مها: فهد بروح البيت
فهد : تو الناس
مها: ما ابي ادخل و كلهم صاحين .....
فهد يحس براحه نفسيه كبيره .... و حب كبير لها .... قال: خلاص نشي الحين اوديج
مها : انزين اطلع برا عسب البس
فهد بنظره : لا ماني بطالع
مها بدلع و عامله نفسها زعلانه: و الله انزعل
فهد يبوسها على خدها: كله الا زعل الحلوين ...
خلاها على راحتها .... و لما رد كانت لابسه .... مسكها من ايدها و قعدها على السرير....
قال: مها حبي انت عارفه الا صار شي طبيعي و نحن ما سوينا شي غلط....
ابتسم و هو يشوف ارتباكها و خجلها .... كمل : ابي اعرف بموقفج .... انت معاي مو
مها هزت راسها موافقه ما كانت عندها الجرئه ترد .....
.................................................. ....................
بيت شموو
شموو كانت ناطره فهد ينزل ..... مو من العاده انزل قبله ........ تفاجأت فيه راجع من برا....
شموو: من وين ياي
فهد متجه صوب الدري: اوصل مها
شموو: اوه نسيتها ....... و انا اشوف الاخ مستانس
طنشها فهد و كمل طريجه لفوق .......... و مزاجه توب و البسمه ما فارقة ويهه
دق موبايلها ...... استغربت منو من الصبح بيتصل فيني..........
شموو حست بتوتر و هي تشوف رقم وليد .... ليكون صاير شي......
ردت بتردد: هلا ..................... شو صاير
وليد ضحك : الناس تصبح تسلم ...............عافان الله
شموو بعصبيه : شو عندك من الصبح داق.......
وليد سمع نبرة العصبيه قال بهدوء: اصبح عليج فيها شي............... بعد ليش متاخره اليوم
شموو: انطر الاخ لما يخلص ........ شكله كان سهران يشوف افلام رومنسيه
سمعها فهد تتكلم عنه ضربها على راسها و هو يقولها : عيب
شموو: اي يعور .... اف
وليد ضحك: هذا لسانج العياز بالله منه ....... الا شو رايج انا اردج اليوم
شموو و هي واقفه تلحق فهد للسياره و قفت و تمت تطالع الموبايل .... شو صار عليه .. الا يقول ميت علي ما يبي بعدي......
قالت : لا شكرا ...... بعد اذا رديت معاك منو بيغصص على فهد و مها
وليد.....ضحك: اتاريج شريره ..... خلاص حبـ...
قطع الكلمه على طول .... شموو مو منتبه لها كانت تشوف فهد و هو يسوي لها حركات يستعيلها ........
كمل منقهر انها ما انتبهت له و لا اهتمت : اشوفج بالشركه ....باي
شموو تمت تطالع الموبايل .... ليش قلب ..... احسن فكه ...........
.................................................. ....................
نزلت مها تصبح على امها .....
مها و هي تبوس راس امها : صباح الخير يا احلى ام بالدنيا
امها : صباح النور حبيبتي ....... متى ييتي
مها : الصبح ... فهد يابني ................. حست بالخجل و هي تنطق باسمه ....
كملت بسرعه : ها شو اخبارج شو سويتوا امس
امها: و الله الطريج متعب ..... الا هو رواتزم ما فيها شي اتعالج هني الا ابوج الله يهديه لازم بوظبي يعني.....
مها و هي تسمع صوت سيارة فهد : خلاص يمه .... و الله احسن لج ..... و الله يشفيج ... خل اروح فهد برع...... و باستها على خدها و طلعت تركض
شموو: عدال لا تطيرين
فهد : شموو سكتي عن حرمتي
شموو: ربيعتي كيفي
قعدت مها و هي تتجنب نظرات فهد .... حاسه بخجل فضيع منه .... ابتسم برقه و سحب ايدها و باسها .....
هجمت شموو بالنص و قالت: طول اليل مع بعض ... و شكلكم بتكملون سهر ... و انا اطلع منها يعني..... اف يا ريت سمعت كلام وليد و سرت معاه......
فهد و مها ما ردوا عليها ... عايشين بعالمهم ...
شموو: شكلي اكلم عمري ...... فهد يالله تحرك
فهد انتبه لها و قال : اف ليش ما تسيرين مع وليد
شموو ضحكت : عيل انا شو اقول من الصبح ................ الا شو سويتوا امس .... ناسيني بيت خالتي ......
مها ارتبكت و وجهة نظراتها لفهد الا ضحك بدوره و عيونه تطمنها .....
شموو بملل : ليش ما تردون ..... مهوووو و صمخ
فهد بتهديد: ريلج ...... لا تدعين لحرمتي
شموو : و الله اعلم .... على الاقل انا بويها ... انت من وراه
مها اخيرا نطقت : شموو و منو ريلج...؟؟؟
شموو: يعني تستغبين موووو
فهد : على حد علمي انت رافضه
شموو : امممممممممممممممممم الصراحه احس انه يلعب علي و قررت اوافق عسب اطلع عينه .......
ضحكوا عليها مها و فهد
فهد: كل هذا و ما طلعتي عينه
مها : خلها تاخذ حقها ................
شموو: اي سمعت خل اخذ حقي بأيدي
فهد: لا اله الا الله ... شو سوى فيج الريال
شموو: صايع .... يقول ابيج و هو يرمس حبيبته ... قهرني الصراحه
فهد : ما راح نخلص من هذا الموال مو ..... نزلي سيري لشغلج ابرك لج
شموو: و انتو شو بسوووون
مها ضحكت و فهد عمل معصب : شمووو
شموو نزلت تضحك .....
زقرها فهد و ردت بسرعه : نعم
فهد اشر صوب البوابه : و تقولين تنتقمين منه و هو وحليله ناطرج.... اذا عميه شوفي نظراته كلها حب
شموو: فهد عن المصاخه ... صدق فري ... شو تقولي هذا الحجي استحي
مها: ههههههههههههههههههههههههه لا صدق مستحيه .... سيري طلعي حرتج فيه
شموو: اي هذا الكلام الحلووووو.......مو مثلك اول مره اسمع اخو يحرض اخته تحب...
فهد يضحك و قال باستسلام: اسف يالله هوينا
.................................................. .................................
مشت شموو و عيونها على وليد و هو بعد يراقبها تمشي بدلع
وليد بشوي عصبيه: عباتج ضيقه
شموو: عاديه لا تبالغ .....ناطرني عسب تعصب علي
وليد يهدي من عمره: لا لأني اشتقت لج
زادت دقات قلب شموو ... و طنشت و شلت عينها بعيد عن عينه: هههههه العب غيرها.... امس طول اليوم بويهك
وليد يزخ ايدها و يمشي معاه للمصعد ... حاز بخاطره رفضها لمشاعره .... انا استاهل ... الحين اجني الا سويته قال: بعدج زعلانه
شموو: لا و ليش ازعل....
وليد يركز نظراته بعيونها : تعرفين ان باجر اخر يوم لج هني ..... و باجر راح نملج
شموو توترت من سيرت الملجه : اكيد بترتاح من وجودي .... كل محطي دوبك من دوبي
وليد بانكار : انا و الا انت
شموو: اي ليكون نسيت ..... بعد شكلك مستانس تفتك منى و ترجع لمكالماتك
وليد يضغط على يادها و يهمس: انت شو .... ما تفهمين .... انا بطلت ....
شموو: اي قص علي ..... شو امس ... سامعتنك بذوني .... بعد وليد لا تحاول معاي لأني عارفتنك و لا تزيد تطري لي هذي السالفه ...ممكن....
وليد منقهر منها : و الله بكيفج ... صدقتي و الا لا ... وباجر بنملج برضاج او غصب عنج ........
تمت تطاعه معصبه منه وايد واثق حضرته ......
فتح باب المصعد و مسكه لها وليد : تفضلي ..... و هو واقف بمكانه يراقبها تمشي بسرعه و معصبه ...... تنهد ... هذي كيف اقنعها ... و الله انها عنيده و ترفع الضغط....
.................................................. ............................
وقت الغدا
مها تساسر شموو: شو نويتي تسوين
شموو تتنهد : و الله ما اعرف ..... تعرفين انه اليوم الا كنت اتمناه طول عمري .... بس وليد مشاعره مو عندي ..... كيف يعني اخذه و انا عارفه الا متاكده يحبها
مها : شموو انت عارفه انه تغير وايد................ و باين انه يحبج
شموو: عارفه .... بس ما اقدر اربط عمري معاه و انا عارفه انه متعلق باحد ثاني...
مها: شموو لا تفوتين الفرصه يمكن ما تتكرر .............. يلسي معاه تفاهمي
شموو باصرار: ما شي فايده صدقيني..... امس قعد يقنعني ..... و اخرتها اتصلت عليه و كلمها جدامي ............ كيف تبيني اصدق بسهوله انه تركها ....... و الله ما اقدر....
بالطرف الثاني من الكفتيريا
وليد: فهد اخاف شموو باجر ترفض و تفضحنا جدام القاضي
فهد: ما اعتقد .... اذا كانت رافضه راح تعاند و ما تسير المحكمه..
وليد: اوكي نييب القاضي في البيت
فهد: هههههههههههههههههههههههههههههه و تقول رافضه و تبي تملج غصب
وليد: انت تعرف اختك حالات ... بعد هي مو رافضه .....
فهد: و لا عطت موافقتها
رد وليد بتوتر : تعتقد راح ترفض .!!!!!!!
فهد: لين الحين ما قالت رايها ..... بس اذا فعلا رافضه راح نوقف كل شي
توتر وليد زود: يعني كيف احتمال ما ترضي
ضحك فهد: ههههههههههههههه انا شو قاعد اقول من الصبح عيل
وليد سكت يفكر .... هو مستبعد فكرت رفضها طول الوقت .... معقوله توقف كل شي .... و تضيع من ايدي...... وقف فجأه ... ماله خلق للأكل و لا للكلام .... طلع برع الكفتيريا و الشركه بكبرها ...... تم يلف بالشوارع و الافكار تاخذه و تيبه .... و ما لاقى الحل الا يقدر يقنعها فيه ...
دقت امه : هلا يمه
ام وليد: تعال يمه خذنا السوق ما شرينا الذهب .... باجر تملج و بتلبسها و ما زهبنا شي بعدنا....
وليد: دقايق و انا عندج.....
فكر مستحيل تخذل امي و لا حتى امها او ابوها .... حس ببعض الراحه و توكل على ربه ......
.................................................. ..............................
بلاد الغربه
حالة احمد قلبت .... تغير و ضاقت فيه الدنيا.... مل من جو و سيرتها و حتى النظر في ويها كارهنه..بعد ما شافها بنفس الليله سهرانه مع واحد من العرب.... شكل العرب يجذبونها .....حبس عمره بالبيت ما يطلع و رافض كل الزيارات من غير صديق عمره ناصر الا كل شوي و هو طاب عليه
احمد: انت ما تفهم ... تارك اخوك وياي لازق فيني
ناصر: ههههههههههههههههه توك تعرف ان ويهي لوح ..... احبك و ما اقدر اصبر عن شوفتك
احمد فر عمره على الكرسي : ما لي خلق لأحد ......
ناصر : انت الحين ليش مهموم .... مو انت كارهنها من الاول ..... ليش مضايق عمرك لما شفتها مع غيرك
احمد بضيق: هي ما بعدت الا و عارفه اني بديت اعزها ......كأنها ترد لي الصاع صاعين....
ناصر : هههههههههههههههههههههههههههههه لازم الصراحه .. انا لو منها ما صبرت كل هذي المده
احمد يفره بالمخده الصغيره : خل تولي ..... من حلاتها .... زين اني ما انجرفت معاها ....
ناصر: و ليش ضايق بعمرك جي عيل
احمد : منقهر منها عرفت تلعب فيني زين ......
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك