رواية تدري وش اللي يقلب فيني أوجاعي -38
دلال اليوم مسويه لهم مفاجأه بتزورهم رنة الباب وراحت شذى تفتح الباب واول ماشافت دلال ضمتها بقوه مشتاقه لها
شذى : دلووول وحششتيني
دلال : وانتي بعد وحشتيني يالدبه
شذى : اجل الحييين يالزفته عدله كذا من تزوجتي مازرتينا
دلال بدلع : ابي اشوف غلاتي عندكم
شذى : مالت حيياك حياك
دلال : شذى قبل لا أدخل ابوي متى بيسافر
شذى : بكره
دلال : طيب يالله خلينا ندخل
دخلوا شذى ودلال وسلمت دلال على امها وابوها
دلال : شخبارك يمه
ام دلال : الحمدلله انتي شخبارك وشخبار ولد عمتك إن شاء الله مرتاحه
دلال : ايه مرتاحه وراكان مايقصر
ام دلال : إن شاء الله دوم مرتاحه .. شخبار البيبي
دلال وهي تحط يدها على بطنها وببتسامه : بخير ويسلم عليك
ام دلال : متى بيجي حفيدي متى
دلال : يقول ولدي انا قريب ياجدتي جاي قريب
ام دلال : هههههههه يتربى بعزكم
دلال : اكيد بعزنا
دلال التفتت لابوها وببتسامه : يبه بكره بتسافر مع عمي
ابودلال هز راسه بنعم
دلال : تروحون وترجعون بالسلامه
ابودلال : تسـ...لـ...مـ...يـ...ن
...............
في غرفة سساره
حابسه نفسها بين الجدران تبكي وتونون من ضربة رائد لها
ساره : ( ليتني مارجعت هنا ليتني بقيت بالمزرعه ولا رجعت وتعذبت اكثر )
دفنت راسها بحضنها وجلست تبكي
ساره : ( نوووف تعالي الله يخليك دافعي عني دافعي عنك نوووف )
فتحت الدرج وطلعت الدفتر الي فيه ذكرياتها مع نوف من ايام الطفوله لحد ماكبروا ودخلوا ثانوي لكن من ماتت نوف وهالدفتر مات معها ساره مافتحته والحين بتفتحه
فتحت الصفحات وقرت شخابيطها اهي ونوف
اخر رساله كتبتها نووف
نوف "Dr.noOof"
اليييوم بنرووح بيت خيتو نووف الجديد انا وسوسو ورئوود وحششتني آوي آوي شوقو آلدووبهـ .. آللهـ لآيحرمني منهآ ولآ يحرمني من سوسو ورور ورئود وفصصصول .. مآخلت آحد .. صووح صووح نسسيت آغلى آثنين .. ولآ يحرمني من الي على العز ربوني فديتكم يامامي وبابي .. Brb
ساره بكت بقوه
ساره : ( قلتي برب قلتي برب يعني بترجعين .. نووف انا الحين صرت متأمله بالبرب لاتخلين أملي يتلاشي .. نوف تعالي تكفين تعالي كلنا نحبك كلنا .. ليه رحتي وخليتي توأمك لييه )
وضمة الدفتر وبكت بألم بعد دقايق تعوذت من الشيطان
ساره : ( اعووذ بالله من الشيطان الرجيم .. خلني بس اروح واصلي ركعتين واذكر ربي .. وانا لازم اتعود على الوضع نوف ماتت ماعادت عايشه )
جالسه تواسي نفسها مادرت انها وهي تواسي نفسها بتزيد من حالتها دفنت راسها بحضنها وبكت بألم
ساره : لاااااااااااااا ماماتت ماماتت قالت برب عايشه بترجع بترجع
تواسي نفسها وتزيد حالتها تواسي نفسها وتزيد حالتها وهذا حاله
ساره وقفت وضربت راسها على خفيف : بسس خلاص خلاص نوف طلعي من بالي طلعي خلاااااص
وراحت لدورة المياه "الله يكرمكم" وتوضت ولبست جلالها وصلت صلاة العصر وبعدها رفعت يدينها للسما
ساره : يااارب ترحم اختي نوف وتسكنها في فسيح جناتك .. يااارب انها تكون بخير ياارب .. يارب تسعدني وتوفقني وتساعدني إني انساها واطلع من هالحاله وان اهلي يصدقوني ان ماصار شئ بيني وبين تركي ياارب مالي غيرك ياربي
فسخت جلالها وطوت الجلال داخل السجاده وحطتهم على الطاوله وجلست على سريرها واخذت لها قرآن وقرت سورة البقره وتمت لها ساعه وهي تقرا ونفخت على الغرفه وسكرت القران وحطته على الكومدينه
ضربت الباب شوق وراحت ساره فتحت لها الباب وابتسمت لها ابتسامه بشوشه ودخلت شوق الغرفه وهي مرتاحه لانها شافت الابتسامه على وجه ساره
شوق : دوم إن شاء الله هالابتسامه
ساره : تسلمين ..
شوق : هممم زعلتي من رائد تراه مايقصد صدقيني
ساره بمقاطعه : انا ادري إن كل واحد بمكانه بيسوي الي سواه وبيروح فكره لبعيد
شوق : ساره قولي لي السالفه كلها وبصدق وصدقيني راح اساعدك اذا نوف مو موجوده انا شوق موجوده اختك مالك غير اهلك قولي لي ياساره قولي
ساره : شوق تذكرين الشباب الي تحرشوا فينا
شوق : ايه
ساره : المهم انتهت سالفتهم رحت المول مره ثانيه وتجمعوا عليه شباب وجاو الشابين وحسبت ان اهم الي مسوين هالخطه انقذني واحد من الاثنين وكانوا بيخطفوني وهو انقذني وبعدها جلس يتعذر ويبرر موقفه ويقول انه ماله دخل وانا مو مصدقته وقالي انه كان حاقد علي وكان مقرر يخطفني لانه ولد عز ودلوع مبين عليه المهم وانا ابكي ومو بحالتي وبعدها اعترف لي انه يحبني وان حقده اول ماشافني تحول لحب وخوف علي
شوق : ايه كملي
ساره : طيب ركبت السياره وكذا وحالي انقلب فوق تحت موت نوف وتجمع الشباب صرت اخاف من الناس والعالم صرت اخاف من اللكل وقررت اهرب واترك هالعالم واهاجر ويوم جلست اركض برا ركض وراي رائد وشفت سيارة الشاب الي انقذني من الشباب وركبت فيها ابي ابعد عن رائد وربي وبعدها وداني لمزرعتهم ودخلت وجلست هناك صدقيني ماصار بيني وبينه شئ صدقيني والله إنه طيب وخلوق إن حتى الصاله مايدخلها يافوق ياطالع او يجيب الاكل وربي وبعدها قررت اطلع وطلعت وبسس والله هذي السالفه
شوق : وهالسالفه تحسبينها هينه .. غلطه وحده ياساره تكلف البنت حياتها
ساره : بس انا ماغلطت
شوق : وش ماغلطتي يكفي إنك رحتي مع شاب غريب مزرعتهم وجلستي معه بمكان يضمكم اثنينكم
ساره : بسس شوق انا ماقلت لك عشان تعاتبيني انا قلت لك عشان تساعديني
شوق : ساره انصحك انا لاتكذبين الكذب حبله قصير وعمره ماراح ينجيك من المشكله الي انتي فيها اما الصدق فراح ينجيك صدقيني عمر الكذب مانجانا من مصيبه
ساره : شوق كيف اقول الصدق صدقيني بيذبحوني
شوق : يذبحونك ليه بايعينك ههههههههههه ساره انتي اذا مو حابه تخبرينهم بالصدق خبري بس رائد لانه معصب حده
ساره : لا لا اخاف
شوق حطت يدها بيد ساره بحنيه : لاتخافين انا بكلمه وصدقيني بيتفهم
ساره : لا شوق تكفين لاتقولين اخاف
شوق : لاتخافين على مسؤليتي
ساره بضيقه وخوف : طيب
شوق بفرح : جد سوسو مادريتي
ساره : شنوو ..؟
شوق : فارس خطبني
ساره بفرح : احللللللللللللفي
شوق : ايه ووافقة وملكتنا بعد اسبوع
ساره : واااااااااااااااااااي الف الف مبروووووووووووووووك يالدبه
شوق : الله يبارك فيك .. بس أنا ناويه أأجلها لحد ماتهدى الاوضاع ببيتنا انتي واروى
ساره : شوق لاتأجلينها ولا شئ .. انا بخير
شوق : بس غيرك مو بخير
ساره : مين ..؟
شوق : اروى اختي
ساره بخوف : وششفيها اروى
شوق : زوجها الحقير رافع عليها قضية يبي حضانة جنى ومن قبل رافع عليها قضية خطف اطفال وهي سبب بموت مروان لكن اروى فهمتهم السالفه وعملوا اجراءات وجاو الي خاطفينهم وشهدوا وكذا والحين هم مسجونين بس الحين صار عليها قضية حضانة جنى وحالتها حاله
ساره : حسبي الله عليه الحقيير
في بيت ابوسامي
منال راحت لغرفتها بتعب ورمت جسمها بأسترخاء على السرير وهي تتألم من ضرب عبدالعزيز القاسي
منال حطت يدها على راسها وتألمت : آآآآه
مو قادره تحرك شئ كل شئ فيها تعبان .. رن جوالها والتفتت له وبس مجرد التفتت حست بتعب يقطع جسمها من ضربه
مدت يدها بتعب للجوال وقاموت ألمها وشافت المتصل "عبدالعزيز" بسرعه ردت
منال : وشتبي
عبدالعزيز : اسمعي يامنال ترى البي بيننا الحساب مانتهى
منال : وش الي باقي وش يكفي الضرب
عبدالعزيز : انتي بس جاك ضرب بس صدقيني بيجيك اكثر من الضرب يامنال صدقيني انتي قتلتي زوجتي قتلتيها يالحقيره والله لاوريك شغلك يامنال والله
وسكر الخط بوجهها ومنال رمت الجوال بالارض وبكت من الالم
...................
تحت في بيت ابوسامي
اريج كانت جالسه وقلقانه على اختها منال رن جوالها ورفعته كان ريان ردت عليه
اريج : الوووو
ريان : هلا اريج .. شخبارك ..؟
اريج : لو اقولك بخير فبكون كذابه
ريان بخوف : ليه وشفيك ..؟
اريج : اليوم طليق اختي منال جاء وضربها وحفل فيها الارض ياحياتي عليها الحين طايحه بالسرير لاتتحرك ولا شئ وكلها تتألم
ريان : لييه مو طلقها ليه يضربها ..؟
اريج : اختي منال بذيك الايام اول ماطلقها حقدت عليه وراحت له بيته هو وزوجته تتهاوش معه وضربها وانكسرت رقبتها ورفعت عليه قضيه انها متهجم عليها وسجنوه وماتت زوجتي بمرض الايدز وطلع من السجن ومن حقده جاء يضربها كله بباله إن هي سبب موت زوجته وسبب حالته هذي
ريان : لاحول ولا قوة إلا بالله الله يصبرها المسكينه
اريج : ايه والله حالتها حاله جاها ضرب المسكينه مو صاحي عاد هي جسمها هيكل عظمي ماتتحمل
ريان : الله يقومها بالسلامه .. طيب اريج وشرايك نطلع اليوم نغير جو انا وانتي واختي الهنوف
اريج : ايه والله حدي متضايقه وحابه اغير جوو الا اقول ريان وشرايك اقول لاختي لميس تجي معنا مسكينه كل مره اطلع وهي البيت والحين منال تعبانه تجي تغير جو معنا
ريان : افاا تطلبين مني هي مثل اختي الهنوف حياها الله
اريج : تسلم والله .. يالله متى بتجي
ريان : امممممم الحيين
اريج : اوكي بروح اتجهز يالله سسلام
ريان : مع السلامه
اريج سكرت من ريان وراحت لغرفة لميس شافتها على الاب توب
اريج : لميس يالله تجهزي بنطلع
لميس : جد والله وين بنروح
اريج : بيطلعنا ريان انا وانتي واخته
لميس : لالا فششله ماني رايحه
اريج : يلا عاد بلا استهبال اخته معنا
لميس : قلتيها بلسانك اخته حلال عليه .. اما انا موحلال وثانياً عندي بحث للمدرسه
اريج : اففف تبين ماتبين بكيفك
لميس : طلعي برا وسكري الباب وراك
اريج : مالت
طلعت اريج وسكرت الباب وراحت لغرفتها لبست لها جينز وتيشرت ولبست عبايتها ونزلت تحت وبيدها جوالها وعلى كتفها شنطتها ماركة "لويز فينتون" ومتحجبيه بطريقه أنيقه وصايره ناعمه وعطتها شكل نظارتها ماركة "جورج ارماني" رن جوالها وبعد رنتين ردت
اريج : هلاا ريان
ريان : هلا يالله انا برا
اريج : اوكي
طلعت اريج بطله جذابه وكانت الهنوف بتنزل تركب ورى
اريج قربت منها وصافحتها : لالا الهنوف خليك قدام
الهنوف : لا انتي حياك قدام
اريج : لا وربي انتي بتجلسين قدام
الهنوف : يلا عاد انتي اركبي
اريج : اوه عاد حلفة مو مستعده اصوم ثلاث ايام
الهنوف : ههههههه قلعتك من قالك تحلفين
وراحت وركبت ورى واريج استسلمت وركبت قدام
ريان : وين تبون تروحون
الهنوف : انا ابي اروح تشيلز نتغدى حددددي جوعانه
اريج : على راحتكم
ريان : هممم وانا جوعان انتي اريج جوعانه مثلي انا والهنوف
اريج : لا امي مسويه غدا
ريان : اجل بطلنا مطعم نروح مكان ثاني
اريج : لا والله عادي روحوا
ريان : لا مايصير حنا ناكل وانتي تناظرينا
اريج : هممممم عادي اناظركم .. توكلنا على الله
ريان : اوكي وبعد تشيلز شنوو
اريج : هممم الهنوف وش تبين
الهنوف : هممم مدري نروح الواجهه البحريه
اريج : شرايك ريان
ريان : حلووو ..
...............................
في بيت ابوفيصل
رائد رجع البيت وجلس بالصاله
ام فيصل : رائد حبيبي روح وراض اختك مهما كان هذي اختك وترى الي سويته غلط إنك تضربها
رائد : يمه فكينا من هالموضوع
ام فيصل : رائد حبيبي المفروض تفهم السالفه من اختك قبل لاتحكم عليها أي شئ حبيبي رائد روح وراضها وافهم السالفه منها كل شئ ينحل بالتفاهم يارائد الي في اختك مكفيها ترى اهي متضايقه وحالتها حاله موت نوف مأثر عليها للحين رائد ارفق على اختك ترى مالها غيرك انت اخوها وعزوتها فيصل الحين تزوج وماصار فاضي صارت عنده مسؤليه والحين زوجته حامل وانت الحين سندها من بعد ابوها له طولة العمر
رائد وقف : بس يمه اهي
ام فيصل : لا بس ولا شئ انت ماتدري عن شئ صح
رائد : صح
ام فيصل : اجل لاتحكم بشئ قبل لاتفهم السالفه منها يالله حبيبي روح وكلمها وحاول تفهم منها السالفه ترى ولو هذي اختك
رائد : بعدين
ام فيصل وهي تبكي : يارائد ريح امك ترضى تشوف دموعي انا خلاص والله ماعدت اتحمل .. خلاص يكفي يارائد ريحني القاها من اروى وقضيتها وضيقتها ولا من شوق وطلاقها الي للحين الناس يتكلمون عنه وانخطبت ومازالوا يتكلمون عنها ولا القاها من نوف الي راحت وتركتني ولا ساره الي حالتها منقبله فوق تحت ريح امك يارائد ريحها وروح راض اختك يالله
رائد باس راس امه : طيب بروح اراضيها
وقف رائد وراح لغرفة اخته ضرب الباب شافها تسولف وتضحك مع شوق ابتسم وهو يشوفها تبتسم من زمان ماشاف هالابتسامه
راح لهم بالبلكونه وسحب كرسي معه وجلس معهم وصاروا ثلاثه شوق وساره ورائد
ساره التفتت تناظر بالناس الي رايح والي جاي يقال زعلانه
رائد وهو يمسك يدها : سااره انا اسف
ساره :.............
رائد : صدقيني وربي إني ماقدرت امسك اعصابي بذيك اللحظه مشتاق لك وبنفس الوقت خايف عليك
ساره : خايف علي تعطيني كف
رائد : صدقيني وربي ماكنت حاس بنفسي وربي الحين حدي متحسف ساره انا اسف يالله عاد فليها
ساره : طيب احلف ماتضربني مره ثانيه
رائد : والله مامد يدي عليك واصلاً مين انا عشان اضربك
ساره : ترى مره ثانيه لو تعيدها ماراح اسامحك
رائد : ومن قال بتجرأ وبعيدها
شوق : لوووووووووووووووووول واخيراً تصالحتوا
رائد : بهالمناسبه شراايكم نطلع
شوق : نطلع واليوم اول يوم لمحكمه اروى وخالد بقضية بنتهم
رائد : يووه وربي نسيت
ساره : اليوم اول جلسه لهم بالمحكمه
شوق : ايوه ماتشوفينها حالتها حاله
ساره : مسكينه مارحت لها ولا ششئ خلني اروح لها اكيد حالتها حاله
شوق : لاتتعبين نفسك ماراح ترد عليك كأنهم حاطينها على الصامت
ساره : لاحول ولا قوة إلا بالله
انفتح الباب فجأه ودخلت جنى تركض وبيدها شوكلاته وجلست تنقز
جنى : خالتو خالتو خالتو سساره
ساره اخذتها وباستها وجلستها على حضنها : هههههههه جنوويه وحشتيني يالدبه ماوحشتك ..؟
جنى : الا وسحتيني "وحشتيني"
ساره : مع إنك عفستي الكلمه إلا انها تجنن من لسانك الحلوو
جنى طلعت لسانها : لثاني "لساني" حلوو
ساره : هههههههههه فديتك .. صراحه مالوم امك لا بكت وتعذبت عشانك بتروحين
جنى : ستقولين خالتو "شتقولين"
ساره : هممم اقول إني بعطيك جالكسي
جنى : جد
ساره : والله افتحي الدرج وبتشوفين جالكسي يالله
جنى راحت لدرج وفتحت واخذت الجالكسي وطاحت صورة نوف وساره الي ضامين فيها بعض كان عمرهم 15 سنه .. وصوره ثانيه لهم وهم اطفال .. والثالثه كانت حالياً مصورينها قبل لاتموت نوف بكم يوم
جنى ماهتمت للاوراق وبسرعه طلعت من الغرفه
ساره : اكيد جنويه عفست الدرج عفاس بروح ارتبه
وقفت ساره وراحت للدرج وشافت الصور الي تضمهم هي ونوف ابتسمت بحنيه ومسحت دموعها قبل لاتنهار واخذت الصوره وجابت لزقه وحطتهم من وراها وحطته بالجدران على شكل مرتب وحلو عطاها شكل ككون الصور حلوه ومرتبه كانوا مصورينها في مشغل وفيي صورة مصورينها يوم كانوا بأمريكا يوم كانوا اطفال بالبحر كانوا يلعبون بشغف ومرح كانت كل صوره احلى من الثانيه
رائد وشوق ناظروا بالصور الي تعلقهم ساره بالجدران وناظروا ببعض بضيقه
رائد : ساره شكلها للحين متأثره لموت نوف
شوق : ايه واضح عليها بس احس نفسيتها تحسنت
رائد : حتى انا حسيت
ساره رجعت لهم : علقت صورنا انا ونوف ورجعت
رائد : همم حلوين
ساره : اييه يجننون
....................................
الساعه 5 العصر
جاء وقت المحكمه اروى من الخوف والتوتر طلعت من البيت من 4 وراحت للمحكمه مع ابوها واخوانها فيصل ورائد وامها وشوق وساره كلهم راحوا معها كلهم خايفين
: القضيه رقم 5 القضيه رقم 5 .. اروى صالح الـ؟؟؟؟ وخالد محمد الـ؟؟؟؟
اروى وقفت وبخوف مشت وضمة امها : ادعيلي
ام فيصل : اذا مادعيت لك بلساني بيدعي لك قلبي ياقلبي
اروى باست راس امها ودخلت وهي تسمي بالله جلست على الكراسي وهي خايفه
ناظرت يمين ويسار تبحث عن خالد ماشافته
مرت نصف ساعه وخالد ماجاء
اروى : بيطول خالد
المحامي : بكلمه
رفع المحامي حق خالد جواله واتصل على خالد مره ومرتين وثلاث ولا براد
المحامي للقاضي : مايرد
اروى تهز رجولها بخوف وتوتر : يالله
جاء السكرتي الي براا دخل فجأه
القاضي : انا قلت ممنوع الدخول عندي قضيه
السكرتي : حضرة القاضي .. المهندس خالد صار له حادث واحتمال كبير يموت
اروى مثل المويه البارده الي انكبت على وجهها ابتسمت بفرح وبنفس الوقت حزن .. فرحانه لان اكيد الحضانه بتصير لها ومتضايقه لان الي شاركها بالحلوه والمره بيموت
القاضي : الحضانه الحين للام وهي اروى صالح الـ؟؟؟؟ لحد مايصحى الاب لا صحى القضيه بتظل مثل ماهي واذا ماصحى الحضانه للام
وقفت اروى وطلعت برا وضمة اهلها كلهم وابتسمت بفرح
ام فيصل : هاه بششري الحضانه لك
اروى : اييه
ابوفيصل : والله الف مبروووك
اروى : خالد صار له حادث ويقولون احتمال كبير بيموت والحضانه لي لاصحى بتظل القضيه مثل ماهي واذا ماصحى ومات الحضانه لي .. الحضانه لي لي
فيصل : فرحانه لان طليقك بيموت
اروى : قلتها طليقي ماعاد زوجي ماعاد زوجي وماعاد يهمني
شوق : لاحول ولا قوة إلا بالله .. اروى انتي راضيه بنتك تتيتم ماعندها ابو فرحانه
اروى : اووه مو لهالدرجه انا بدون قلب انا فرحانه لان جنى بتظل معي
ام فيصل : يالله خلونا نروح البيت
اروى : يالله
ابوفيصل : لا انا واروى وفيصل بنروح نزور خالد
اروى : لا
ابوفيصل بمقاطعه واصرار : يالله اروى وفيصل قوموا نروح المستشفى
مشوا شوق وساره وام فيصل مع رائد وفيصل واروى مع ابوهم
رن جوال فيصل كانت ملاك رفعه ورد
فيصل : هلا ملاك
ملاك : هااه بششر الحضانه لاروى ولا لخالد
فيصل : صار له حادث وبين الحيا والموت والحضانه الحين لاروى
ملاك : لاحول ولا قوة إلا بالله الله يشفيه ويقومه بالسلامه
فيصل : اروى فرحانه إنه بين الحيا والموت لان الحضانه لها وانتي تدعين إنه يقوم بالسلامه
ملاك : يوه من جدها لهالدرجه تتمنى له الموت مايستدعي
فيصل : ملاك الحين احنا بنروح نزوره بالمستشفى انا واروى وابوي
ملاك : اروى بتزوره وهي تتمنى له الموت
فيصل : ابوي أصر نزوره .. يالله سسلام
سكرت ملاك من فيصل والتفتت لامها وخبرتها بكل شئ
ام نايف : والله كل وحده بمكانها بتتمنى له الموت الحين وفهم السالفه ليه مسوي هالسالفه كلها خلاص رجعها وفكنا
ملاك : انا ادري عنه ..
دخل نايف وجلس على الكنب بتعب من الدوام
ام نايف : نايف فيك شئ
نايف : يمه انا لو بس اتنهد قلتي لي فيك شئ .. تراني مو نايف البزر الي تخافين عليه نايف البزر كبر وكل صغير يكبر
وقف وراح لغرفته واخلاقه مقفله
ام نايف بخوف : وشفيه نايف
ملاك : علمي علمك مدري وش فيه يمه لاتحاتين اكيد تعبان من الدوام
ام نايف : عادي هو كل مره يتعب ليه هالمره معصب
ملاك : بنفهم السالفه كلها بعدين
جاء ابونايف بعد نايف وهو معصب
ابونايف : وين ولدك ..؟
ام نايف بخوف : ابونايف وشفيكم
ابونايف بعصبيه وصراخ : قلت لك وين ولدك نايف ..؟
ام نايف : بغرفته فهمني يابونايف وشصاير
ابونايف مارد عليها وراح للدرج يركض لغرفة نايف فتح الباب شافه على السرير منسدح
ابونايف بصراخ وعصبيه : نااااااااااااااايف
نايف فز من السرير من صراخ ابوه وبعصبيه : نعم خير
ابونايف : اسمع والله يانويف لو اشوف هالشئ صاير بالشركه مره ثانيه والله لاني ابوك ولا اعرفك
نايف : ليه هو حرام إني احب ..؟
ابونايف : لا مو حرام بس مو بالشركه وبمكان عام ولا بعد مفتوح الباب والي رايح رايح والي جاي جاي
نايف : بس البنت تحبني وانا احبها وبتزوجها مافيها شئ وانا ماسويت شئ غلط الي سويته إني جلست اسولف واضحك معها
ابونايف : يانايف الناس يدورون علينا الزله
نايف : وانا وش علي من الناس يبه انا بتزوج البنت ومحد عليه مني ولا بجلس افكر بالناس
ابونايف : اذا انت بتعند وتبي البيت انا بعند وبقولك مافيه
نايف : لا بتزوجها
ابونايف : مافيه اصلاً هي مو من نسايبنا البنت على قد حالها وفقيره وحنا ناس معروفين وش تبي يقولون الناس عننا
نايف بعصبيه : وش تبي يقولو الناس ووش تبي يقولون الناس انا وش علي من الناس انا علي من نفسي وبسس .. شوف اخر كلام عندي اذا مو موافق اتزوج سهام انا طالع من البيت ومالي رجعه
نزل تحت وناظر بأمه وملاك بعصبيه وطلع من البيت وابونايف نزل تحت يبي يلحقه مو قادر جلس على الكنب
ابو نايف : اسمعي والله لو ماتعقلين ولدك هالمطيور والله لاعقله انا بنفسي وبطريقتي الخاصه
ام نايف : ليه يابونايف وشصاير
ابونايف : ولدك هالمطيور عايش قصة حب لا وين بالشركه قدام الي رايح والي جاي جايب بنت مدري من وين وسوالف وضحك معها بالشركه ووش قال يبي يتزوجها ويحبها
ام نايف : طيب يابونايف مو هذا الي نبيه إنه يتزوج ليه الحين معصب
ابونايف : اولاً الطريقه الي ابتدى فيها اكبر غلط يحب بنت وسوالف وضحك وبالشركه وكلن شافه واكيد بتنتشر هالسالفه .. وثانياً البنت على قد حالها وفقيره مو من نسايبنا
ام نايف : يابونايف انا ادري إنها غلط بس صدقني نايف عاقل ومافكر بطريقه غلط فكر بالصح حب وفهم البنت وبيتزوجها
ابونايف : مو هنا السالفه السالفه إنها مو من نسايبنا
ام نايف : وش علينا من نسايبنا وما نسايبنا الولد اذا صار يحبها ماعلينا من هالشئ
ابونايف : بس الناس يهمهم هالشئ وخاصتاً نسايبنا
ام نايف : اسمعني انا مع نايف وانت لو بتجلس بتفكر بالناس والنسب وهيبتك عند الناس بكيفك
وراحت لغرفتها وملاك جلست جمب ابوها
ملاك : يبه
ابونايف هدت اعصابه والتفت لملاك وابتسم : هلا حبيبتي
ملاك : يبه تدري إني حامل
ابونايف : ايه خبرتني امك
ملاك : هممم وش الهديه
ابونايف : عيوني لك
ملاك : تسلم عيونك بس انا مابي عيونك ابي الهديه
ابونايف : امري تدللي وش تبين
ملاك : ابي سلامتك
ابونايف : فديتك والله انا بسوي احلى حفله لاحلى ملاك
ملاك : لييه ..؟
ابونايف : لان بنتي الوحيده الدلوعه حامل
ملاك باسته براسه : فديتك والله يابوي الله لايحرمني منك
ابونايف : ولايحرمني منك ولا يحرمني من حفيدي الي جاي بالطريق
ملاك : تسلم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك