رواية يوميات حبي و حبه -38
ناحيتها بعد ما سلم على فهد
وليد : تغشي و الا لازم يعني اخبرج
شموو تمت يالسه داخل السياره بعناد ..... و طنشته ..... كمل من بين اسنانه : شموو ما شي
وقت يالله قومي خل نروح............رفع راسه يتبادل النظرات مع فهد
كمل : ترا بتنزلين بروحج و الا تبيني اشلج
شموو خافت ينفذ تهديده ... هذا خبله ... عادي يسويها ..... نزلت سمعته يامرها : و الغشوه ..........
تأففت: عبالك بحلل يعني خلاص بملج ..... تحلم من الحين اخبرك ... بعدين لا تقول فشلتنا ...... انت
و هذا
شافت فهد ماسك ضحكته : فهد ما يضحك سخيف .....
فهد: ههههههه ما قلت شي انت مستويه حاره اليوم....
وليد : يالله مشينا ........... و تغشــ....
شموو: ها جي زين و الا بعد ويهي باين .... عسب احط طبقه ثانيه و اختنق و اموت .... و ترتاح من
همي ...
وليد انقهر منها زود و كأنها تذكره بيوم المطار ... لف عنها و تقدم .....
فهد: اعوذ بالله منج .. امشي بسرعه ....
فهد يتقرب من وليد : خف عليها شوي ....... ليش ما تقعد معاها و تتفاهمون بدل هذي النجره ....
وليد: تعرف الا براسها ما تغيره بسهوله....
فهد و هو يلف يشوفها تمشي وراهم..... : معاك حق
شموو: صبروني و على بالكم شغالتكم قاعده امشي وراكم...
مد فهد ايده لها : تعالي ...
مشوا لما وصلوا عند قسم التحاليل ... ماشي زحمه لأنهم اول الواصلين .... قعدوا على مقاعد
الانتظار ....... شموو و بحذالها فهد و بعدين وليد..... فهد و وليد يرمسون بمواضيع وايد و شموو
مستمعه بس و لا علقت بكلمه ... غير الضيقه الا تحس فيها من الغشوه .... و ميته
يوووووووووووع ....
سار وليد قبلها صوب تحاليل الريايل ..... و رجع ما خذ له عشر دقايق
وليد: بعد ما زقروا اسمها
فهد : لا .... شكل السستر بعدها راقده .......
شموو ضامه ايدها و متوتره ... هي صح تخاف من الابر بس ما راح تعطيهم فرصه يطنزون
عليها ........ سمعت اسمها .....
قالت فهد: تعال معاي...
فهد: شموو ما يستوي شي حريم داخل
شموو بعناد: عادي .... اوقف عند الباب ..... بليز
وقف معاها : شموو ليكون تصرخين و الله وليد بيضحك عليج
شموو: لا ما بصرخ عبالك ياهل
يبتسم فهد: لا محشومه ....
دشت شموو الغرفه الخاصه للتحليل و هي ترتجف خوف .....
تكلم الممرضه: اشوف ايدج ........ اذا حلوه خفيفه و اذا خايسه ثجيله
تضحك عليها الممرضه: لا ايدي حلوه .... تفضلي
شموو: مواطنه ......!!!!!!!!!!! زين بعد ارحم من الهنود...
مدت ايدها و غمضت عينها ....: بسرعه ترا اصرخ
الممرضه : لا تخافين كلها دقيقه .....
بعد ما خلصت طلعت لفهد و مشت معاه : فهووود ميته يوع ..... مر ييب لي كوفي
فهد : يعني يشبعج هذا الكوفي .....
شموو: اي ............................ شافت وليد يتقرب ناحيتهم و على ويه ابتسامه شماته او انتصار ما
عرفت تميزها و حاولت تركز على ويه بس ما قدرت لأنها حاسه بضباب بعيونها غير نفسها الا ما
قادره تاخذه .... و لما حست بالدنيا تدور فيها مسكت بذراع فهد تساند عليه......
فهد حس فيها و التفت يشوفها: شو فيج
شموو: احس راسي يدور و مو شايفه شي جدامي
سحبها على اقرب كرسي و خلها ترتاح : هذا من قلت الاكل ....
التفت لوليد الا باين بعيونه نظرات قلقه : شو فيها ...
فهد : دايخه.. اكيد ما استحملت ياخذون عنها دم و هي مو ماكله مادري من متى ..!!
وليد : انزين روح ييب لها عصير فرش تشربه....
فهد: سير انت انا بتم معاها
وليد بعناد : لا سير انت و خلني انا معاها .......
يلس بالكرسي الا جريب منها و مسك ايدها
فهد مشى بسرعه يدور على الكفتيريا او مطعم
سمعته يسالها عن حالها ...... ما ردت عليه و لا حاولت تسحب ايدها من ايده....
وليد: شموو تسمعيني ..اذا ما رديتي راح ازقر الممرضه تشوفج..... شموو
ردت بصوت هامس .... تحاول تركز معاه : احس عمري مخنوقه
سحب الغشوه من على ويها ... و رجع راسها لورا عسب تتنفس نزين
سألها : و الحين مو احسن...؟؟؟؟؟
هزت راسها ..... تامل فيها .... ذبلت و ضعفت وايد .... مشى اصابعه على ويها ...
رغم انه منقهر منها ... ما هان عليه يشوفها جي ضعيفه و ذابله
فهد: هلا ...... شكلي خربت عليك
وليد يطالعه بنظره : صدق متفيق
فهد و هو يشرب شموو العصير : خساره احمد فاته نص عمره ... و هو ما شافك ذايب جي
وليد باحتجاج: فههههههههههههههههههد
ضحك فهد ...... اما شموو سحبت العصير من ايده محتجه: على بالك ياهل .... هات
فهد: توج صحصحتي .... عيل فاتج انت بعد
وليد يوجه اهتمامه لها : ها تقدرين تمشين الحين
حاولت تسحب ايدها من ايده .... بس هو رفض يتركها
قالت و هي توقف: خلاص انا اوكي ..... اترك يدي
وليد طنشها و رص على ايدها و وقف معاها ....
وجه كلامه لفهد: عطها اجازه خل تريح ...
فهد: اكيد ... ما فيني يغمى عليها جدام الموظفين
وليد: اوكي انا باخذها الحين تتريق و بوديها البيت ..... انت سير الـشركه............
شموو توها تستوعب الا يقولونه ... يرت ايدها من ايده بقوه و لفت الجهة الثانيه صوب فهد بعيده
عن وليد
قالت: ما ابي ارجع معاك .... و بسير البيت برقد مو اكل
وليد يألمه تعامله بهذي الطريقه ...........(. نسينا ما كلينا) ..
كلم فهد: خلاص عيل خذها انت بيتنا أمي اليوم مسويه ريوق دسم
فهد يطالع ساعته : ما شي وقت عندي اجتماع .... منو بيردها ....!!!
وليد : خلها هناك لين تفضى يعني منو بياكلها .....
فهد يفكر .... و اقتنع ... افضل من اني اوديها البيت و تروح ترقد
فهد : خلاص عيل .... الحين اخذها .....
شموو: فهد ما اريد...
ما كان عندها القوه على مناقشتهم او فرض الا تباه .... لأنها فعلا تحس انها تعبانه و ما تفكر الا
بالرقاد...........
وصلت بيت خالتها نزلت و سارت داخل من غير ما تلتفت وراها ....
ام وليد كانت ناطرتنها : هلا يمه .......... تعالي تفضلي
و تحضنها بقوه : متى تقر عيني و اشوفج في بيتي و ام احفادي...
شموو غمضتها خالتها و مسكت دموعها غصب .....حاولت تغير من الجووو
شموو: خالوا سمعت انج مسويه ريوق دسم ........... و هي تحط ايدها على بطنها ...كملت ....... و
الله اني ميته يووووع
ضحكت خالتها : تعالي حبيبتي ....
سمر : و الله من الحين خذتي الجو
شموو: هههههههههههههه دوم مو بس اليوم ..... بعد انت ما تعقلين تزوجتي و بعدج خبله
سمر: عدال ... بسم الله عليج ... ملاك
شموو تمت تضحك اشتاقت لها من زمان عنها... قعدت مرتاحه و شاركتهم بالاكل
سمر تقرب من شموو و تساسرها : الا شموو متى طيحتي اخوي
شموو:هههههههههه هو الا طيحني .....
سمر: لا جد ..... عشر مرات اتصل و هي تقلده.....شموو بتي اكلوها ... تسمعين سمر اكليها و
تاكدي انها تاكل ....... كملت ... الا يقول ياهل ياكلونج ...
شموو تضحك بارتباك ..... هي بروحها مستغربه منه و من اهتمامه الزايد.......... تغير الموضوع
بسرعه : سمر ودي ارقد .... قومي وصليني
سمر تمددت بحذالها : و انا بعد فيني رقاد ..... خذي غفوه شوي لما اتنشط و اروم اسوق
شموو بكسل : اوكي ...... و غمضت عينها ........
سمر ترمسها ... : شموو ليكون صدقتي و رقدتي ...... شموو شموو
اف منها ما صدقت ... على الاقل دخلي داخل الغرفه .... شمووو
يأست تصحيها و حطت راسها بحذالها و رقدت
الشركه
مها طول اليوم ملانه .... على الاقل شموو مسويه جو .... و منقهره من فهد لما الصبح سألته عنها
رد بعصبيه : ما هامج الا هي ..... عندج موبايلها دقي اسالي عنها ..... دخل مكتبه و هو يخبط الباب
بقوه
طنشته مها و ما راحت و راه و لا دخلت تكلمه .... و قاعده من ساعتها تطلع لها شغله ورا الثانيه ...
تشغل عمرها بالتفكير فيه.....
طلع فهد و شافها مندمجه على الاخر........ تقرب منها ... هو صح انقهر الصبح منها كل اهتمامها
بشموو و بس وما فكرت تسأل عنه .....
قال يلفت انتباها: مطوله ...
رفعت راسها تشوفه ....: تقريبا ....... ليش في شي
مد ايده لها و سحبها معاه : تعالي خل نتغدا بروحنا اليوم
مها: فهد فضيحه جدام الموظفين
فهد: لا بنطلع ... شلي اغراضج
بان التردد على ملامحها ... هي اخر مره طلعت معاه استوت بينهم مشكله و الى الان تحسن
بالوضع متوتر بينهم .... قدر يقرا الا يدور براسها .... ترك ايدها
و قال : خلاص براحتج و مشى
مها شلت شنطتها بسرعه و لحقته : فهد حبى ليش صاير عصبي جي .... ما قلت شي
كملت و هي تير ايده و تحضنها بايدها: وين بتاخذني
فهد هدى شوي: اي مكان تبينه .... اخاف اختار انا تحتجين
ردت بدلع : افا و انا اقدر
قربها منه و همس: اي العبي علي .....
مها برقه: ههههههههه .... خل استغل الفرصه و انت طيب و حبوب ....
تمشوا شوي و بعدين ساروا لمطعم مشهور ..... تذكر فهد شموو ... غريبه ما دقت له ...جرب يدق
لها بعد ما ردت
مها: شو فيك حبي
فهد: شموو ما ترد
مها: دق بيت خالتك
فهد: لا خل اشوف وليد
بعد وليد ما يرد ........ اه كل مره انسى ان موبايله بالسياره .... و الله هذي شموو قاصه عليه
ردت مها بسرعه: لا يستاهل .... و لو وحده ثانيه مسحت فيه البلاط
فهد يطالعها : صراحه ما اعرف كيف تفكرون انت و ياها .... الريال شارنها و هو بروحه خبرني .....
مها: و الزفته الثانيه
فهد يناقشها و كأنها ياهل يحاول يقنعها : هو خلاص اختار شموو و الثانيه بتشوف نصيبها ... و
شطارت شموو تنسيه
مها: وليش ما يفهمها بدل الحرب الا من بينهم
فهد: هو منقهر من الطريقه الا تم فيها الموضوع و يحس بعمره مغصوب .... يعنى مو هو الا قرر كل
هذا.... الملجه و غيره ... فهمتي ....... بس مصيره يفهمها
رن موبايله .....
فهد : هلا وليد ... عيل الموبايل عندك ها ...!!
وليد بالسياره متوجه لبيتهم: تبي الصراحه............ انا طالع
فهد: اي ........ و اضني ساير بيتكم
ضحك وليد: عفيه عليك شاطر
فهد: لا و الله ... من متى تسير هناك وقت الغدا ها
وليد: فهد قلقان ابي اطئن عليها ...... بس يخي ذليتني
فهد: هههههههههههههه اوكي ... طمني انا بعد لأنها ما ترد علي ...
وليد: اوكي .... باي...
فهد و هو يقطع الخط ... و يكلم مها ...: و تقولين ما يحبها ....
مها صدق فرحانه لشموو من قلبها : الله يوفقهم....
.................................................. ..............................
وليد دش بيتهم و هو يدندن و سار الصاله عسب يسلم على امه ..... بس تفاجأ فيها متمدده و
شكلها راقده ......... تقرب منها يتأملها ..... فاله شعرها و متناثر على ويها و مغطيه ....... نزل على
الارض بقربها و دقات قلبه تدق بقوه .... بعد خصله من على ويها باطراف اصابعه عسب ما
يزعجها ... و نزل بنظراته يتأملها....
كانت لابسه بدله حمره و كمها قصير وايد .....و الاحمر عاكس على لون بشرتها البيضه و معطنها
لون حلوووو.....
تقربت منه سمر : وليد ليش راد الحين .......بعد شو تسوي هني .... عيب عليك ... تشوفها راقده
وقف وليد متضايق منها : سمر بالعه راديو ..... ما تشوفينها راقده ....
سمر تتكتف : لا و الله ..... سير برع بسرعه
وليد: اف ... ابي اعرف انت ليش لازقه هني ما عندج بيت
سمر, هي تسحبه برع: بلى بس قاعده على قلبك ....
وليد: سمر حبي بس دقيقه ... خليج برع
سمر: هاهاها العب غيرها ...... و الله ازقر امي
وليد القي نظره اخيره عليها لمح علامات صغيره زرق على ذراعها سأل: شو هذا على ذراعها
سمر تلف تشوف: و الله ما اعرف .... بسألها لما تنش.... يالله وليد اطلع حرام
وليد: اوكي كلتيني .... وين امي
سمر : بالغرفه الثانيه تتابع مسلسل....
وليد يسير صوب المطبخ يشرب ماي و هي معاه: وليش ما خليتيها ترقد فوق
سمر: هي بروحها تمددت بالصاله .... و حضرتها منامها ثقيل ما رمت عليها..
يبتسم وليد: و كلت
سمر: الا شو سالفت الاكل .... ما تفهمني .....
وليد: سرنا حللنا اليوم و هي حضرتها ما استحملت و اغمى عليها ...
سمر: حرام و ليش ما خبرتني ....
وليد: سمر غصبيها تتغدا بعد انزين حبي........ و حاولي تعطليها لما ارد من الدوام اوكي
سمر: انزين و انت وين ساير ... ما بتغدا
وليد: لا ....
سار سلم على امه و يلس شوي و رجع الشركه ...
باله مشغول فيها وايد لدرجه كل مره يغمض عينه يلمح صورتها و هي راقد .... و انا الغبي كنت
بضيعها من ايدي....و رغم كره للموقف السخيف باجباره على الملجه ..... حمد ربه الف مره انها
من نصيبه هو ....
.................................................. .................................................. ...
بلاد الغربه
احمد و ناصر قاعدين على واحد من الكراسي الا في شوارع
احمد يشم هوا بقوه و يتنهد: و الله الا احبه من هذي البلاد هل مكان .....طبيعه و خضره
حولينك..... بعيد عن ازعاج المدينه
ناصر: اي و الله ................... يتلفت يدور على عبدالله........... الا عبدالله ما ادري وينه و كأنه يدبر
مكيده
احمد: انت ما اعرف ليش ظالمه ..... وهو ذابح عمره عسب رضاك
ناصر يفكر ..... دوم عبدالله من صغره لازق فيني ..... بس ما قادر ابلعه بسبت امه
دق موبايله ........
ناصر: مرحبا ...... من ........ اوكي الحين ياي
احمد يشوف ملامح التوتر على ويه ناصر: شو في
ناصر: هذا ربيع عبدالله ........ يقول سوى حادث..... وشكل عنده كسور
احمد: قوم انزين روح شوفه
ناصر : يالله ما بتي معاي
احمد يوقف : اكيد
دشوا المستشفى قسم الطوارئ ..... سمعوا صوت صريخ عبدالله .... فزوا الاثنين و ناصر خاف من
قلبه على اخوه ... ركض يدور عليه .... و هو مثل الخبله من غرفه لثانيه .... بالاخير شافه و اثنين
معاه من الداكاتره يعابلون بذراعه ......
ناصر: شو في ..... عبدالله شو صار لك
الدكتور : برع لو سمحت .... خل ننتهي من شغلنا
ناصر معاند: بالاول شو فيه اخوي
احمد يسحبه : ناصر المهم شفته يالس و ما عليه الا العافيه خل يخلصون شغلهم و بعدين ندش
له ....
ناصر واقف متوتر .... شاف ممرضه و زخها من ذراعها .: شو فيه اخوي
الممرضه: خلع بذراعه لا تخاف
ناصر بعد ما هدى شوي: الحمد الله .... عبالي شي جايد
احمد : زين اقعد شكل السالفه مطوله .
عبدالله رغم الالم الا في ذراعه الا انه ارتاح و هو يشوف اللهفه بعيون اخوه ...... الحمد الله المهم
ما يكرهني مثل ما يبين لي........ و تمت عيونه معلقه بالباب ينطره يدخل .....
بعد نص ساعه
ناصر : ليش طولوا .......... بدخل اشوف اخوي خل يولوون
دخل و لحقه احمد .... ناصر هجم على عبدالله و حضنه ... كان صدق خايف من قلبه عليه ... و ما
ارتاح الا الحين لما حضنه و شاف بسمته
عبدالله: و الله لو ادري انك بتحضني جان من زمان فريت عمري من على الخيل
ناصر يضحك: هههههههههههه عبالك كل يوم عيد ........ اليوم بس
احمد:ما تشوف شر عبدالله ............ ها ناصر ارتحت الحين ...... يكمل كلامه و هو يشوف
عبدالله ........... له نص ساعه يلف في المستشفى الا يقول حرمته تربي
ضربه ناصر على كتفه: هاهاهاها تنكت ........ جان زين عندي حرمه ........ متى اتزوج
عبدالله : و الا يزوجك
ناصر : يا ريت و اقفل لها الشقه انا وياها و يا ويلكم لو شبرتوا عندي
عبدالله : لا عيل احلم ..... ما استغنى عنك
ناصر : شكل امك متفله عليك بالتقردن ها
احمد و عبدالله ضحكوا عليه ...
طلع من عندهم احمد و هو يفكر بحال صديقه .... مسكين ناصر ابوه و الزمن ضده ... دعم و حده ...
و كانت بطيح بس مسكها بقوه من ذراعها .... و تفاجأ منها ......
احمد: جو شو تسوين هني
جو متوتره و تشوفه زين من راسه لين ريوله : شفتك داخل المستشفى خفت عليك .... لي اكثر
من ساعه ادور عليك
احمد جد استغرب منها .... رغم كل الا عرفته عنه و متمسكه فيه بطريقه غريبه.... ابتسم يمكن
اول مره يبتسم لها من قلبه : و انت خايفه علي
جو: اكيد.... يعني انت ما تعرف مكانتك عندي
لف ذراعه حولين كتفها و مشا معاها برع المستشفى: انا صراحه مستغرب منج ....تعرفين عني
كل شي و متمسكه فيني ....... موغريبه
قالتها صريحه : لأني ما شبعت رغبتي فيك
احمد .. و الله البنات هني ما يحشمون حتى عمرهم....: جو ما راح اعيد و ازيد انت فاهمه
جو: شو اسوي .... ما اقدر
احمد : و انا ما امشي بالحرام
جو بسرعه و كأنها مسكت حبل و ضعيف: و انا مستعده لأي شي و لو الزواج
احمد وقف بهت فيها .... انا اتزوجها .......... و الله فكره .... هز راسه يبعد الفكره من راسه........ مو
الحين تلعب علي بكلمتين
احمد راح يستسلم لها و لأغرائها و الا يستمر بالمقاومه
عبدالله كيف راح يكسب ناصر
الجزء 39
وليد طالع قبل نهاية الدوام تقريبا بساعه يبي يلحق على شموو قبل ليمرها فهد...... دش بيتهم و هو يسمع ضحكها مع سمر ..... تقدم منهم و شموو ما شلت عيونها من عليه .... ابتسم و يلس باقرب مكان لها ...... شموو متوتره حدها منه ... تخاف منه لين عصب و تخاف اكثر لين ابتسم ببرود.... و قلبها قارصنها حاسه ورا هي الابتسامه شي ......
سمر حست بالجو الا توتر : شو رايكم اسوي عصير فريش لكم
طلعت من غير ما يرد عليها احد
وليد: شو اخبارج زينه
شموو: الحمد الله ........ ليش تبتسم .......
زادت ابتسامته : ليش حرام
شموو: اي ....... لأني حاسه ان وراها شي
وليد: دوم ظالمتني......
شموو استغلت الفرصه ما دام راضي و نفسيته حلوه ...... و قفت و تقربت منه ... قعدت قربه و مدت ايدها تمسك ايده...... وبدت تتكلم برقه: وليد فكر زين لا تخلي عنادك يحطمنا
وليد تفاجأ فيها تتقرب منه وايد و تمسك ايده و تتكلم برقه .... و راها شي اكيد.... و لما سمع كلامها ..... سحب ايده من ايدها ....
وليد: شموو نحن مو نلعب و الموضوع منتهي .......
شموو عصبت منه و قفت و صرخت عليه: شو منتهي انت على بالك بوافق على القعد ...... احلم
وقف وليد: وليش ما توافقين ان شاء الله ها ...... مو كله من ورا راسج ..... يا حلوه
شموو: انت كيف تفكر ........... يعني انت ما تبيني و فوق هذا مخبرني انك بتاخذها غصب عني ....... يعني اخرتي انا الا بضيع
وليد يحاول يهدي من عمره و تقرب منها و قال بهمس: و منو مخبرج اني ما ابيج ..
شموو بهتت ... قربه و همسه حست بالرجفه بكل جسمها .... بعدت عنه و تحاول تبين انها مو مهتمه : بس انت تبيها بعد
وليد: انسيها ممكن
شموو بعناد: مستحيل..
دخلت سمر بالعصير : شو عندكم واقفين
شموو يلست بقوه و هي تقول: هذا اخوج يرفع الضغط
اما وليد ابتسم و رجع يقعد مكانه: لا و الله محد يقلب مزاجي كثرج
سمر: شكل حياتكم كلها اكشن ..... تفضلي شموو العصير
شموو بدون نفس: ما لي خاطر شكرا
وليد باصرار : لا بتشربينه
شموو : غصب
وليد: اي .....
تقرب من كرسيها : اممممممممممم يمكن بتشربيه من ايدي .....
سمر: هههههههههههههههههههههههههه اكيد بعطيه طعم ثاني
شموو: لا شكرا
وليد مسك العصير و قربه منها: خذي اشربي و لا تعاندين فيني ...
شموو : هات............ و الله شكلي بستوي فيل من ورا راسك ....... بسألك انت كل شي عندك غصب
وليد ضحك: هههههههههههههههههههههههههههه شو رايج يعني ..... في مره غصبتج على شي
شموو تطنز : لا و الله .... بسم الله عليك
همس لها بصوت ما تسمعه اخته: و الله انج عسل .... و لما تحمرين تستوين تفاحه
شموو : وليييييييييييييييييييييييييييييييد
سمر : هههههههههههههههههههههههههه شكلي مخربه عليكم
وليد: اخيرا حسيتي
سمر: شو قصدك اروح يعني ......... هذا بعدك......
شموو مو مستوعبه تغير وليد و تقلب مزاجه بسرعه .... تغير وايد عن قبل... هي حاسه فيه و بمشاعره و مو غبيه انها ما تفهمها ... اهتمامه الزايد فيها و يدور رضاها .... بس عقلها ما راض يصدق .... لأن عيونها بعد رافضه تمسح صورته معاها..... و اذا ارتبطنا .... و بعدين يمل منى و يرجع لها ..... و انا اموت .... و الله ما اخليه ... انا مو لعبه .... عادي اعيش بناره و لا حبه الا بيحرق كل شي و يحطمنا...........
سمعته يكلمها: وين سرتي ....
شموو طالعته و هي ساكته .......كمل: تتعشين معانا
شموو بسرعه: لا بسير فهد الحين بمرني
وليد: خساره كنت ابيج تتمين هني و لا تروحين اي مكان ....
شموو عقدت حواجبها : ليش؟؟؟؟
يهمس لها : جي احس من زمان عنج.....
شموو بدفاشه: ليش انقطعت التسليه القبليه و الا مليت منها و راكننها على الجنب
وليد: شو قصدج
شموو مو مهتمه : نوره .......!!!!!!!!!!!!!!!!!!!!!
وليد: انت ما تفهمين انتهت علاقتي فيها
شموو: تبي اصدق ....!!!!!!!!! على بالك غبيه بين يوم و ليله تنهي كل شي مو!!!
وليد: شموو بس عاد ....... بعد شو هني .... و هو ياشر على راسها .... جوتي ..
شموو: لا و انت الصادق قلم رصاص مسجل لك كل كلمه قلتها و سويتها ..
وليد: شموو لا تستوين حقود
شموو: بلي انا حقود زين .............. شو تبي و بوحده حقود ...
وليد : مو مشكله عسل على قلبي
شموو: وليد قوم عن ويهي لأفرك بالجوتي
و تموا على حالهم كل واحد يقهر الثاني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك