رواية تدري وش اللي يقلب فيني أوجاعي -37
نجد : وانتي متضايقه لان فارس خطبها
جوري : لا بالعكس وربي فرحانه حدي لها وانا مارفضت الا عشانها
نجد : جووري تدرين وش امنيتي
جوري : شنوو
نجد : ان عندي صديقة مثلك اشكي لها وافضفض لها
جوري : طيب انا اختك .. اشكي لي وفضفضي لي
نجد : بس احلى لما تكون صديقتني واشكي لها وتشكي لي وتواسيني واواسيها مثك انتي وشوق
......................
في بيت ابوسامي
خلص الحفل والمعازيم راحوا وريان طلب من ابوسامي وام سامي إنه ياخذ اريج ويطلع ووافقوا
طلعوا اريج وريان وراحوا لمطعم تشيلز عازمها عليه ريان
ريان جالس يتأمل بملامحها
اريج : رياان لاتناظرني كذا
ريان : ههههههههههه طيب اجل تكلمي
اريج : هممم ليه ماجبت معنا اختك الهنوف مسكينه
ريان : خطيب وخطيبته طالعين مع بعض وشدخل اختي تدخل بيننا
اريج : حرااام عليك اذا ماطلعتها انت مين يطلعها
ريان : ماعلينا من الهنوف شبعت من الطلعه
قطع عليهم سوالفهم دقة الباب
اريج تلثمت دخل الاكل الجرسون وبدوا ريان واريج ياكلون وريان بين دقيقه ودقيقه يناظر بأريج الي تاكل بنعومه
اريج : كح كح كح
ريان : بسسم الله علييك
اريج : ريان لاتناظرني
ريان : هههههههههههه طيب طيب
....................
في بيت ابوطلال
ريما جالسه بالصاله طفشانه حدها
دخل طلال وجلس بالصاله ونام على الكنب ريما ناظرته بطفش وكملت تناظر التلفزيون
ريما : ليتني ولد اطلع وادخل ولا اطفش
طلال : تبين تصيرين ولد اصير بنت عادي
ريما بخوف : بسسسم الله مو انت نايم
طلال : لا بسس جسدي نايم
ريما : طلوول فيك شئ
طلال : لامافيني شئ
طلال حب يستهبل على ريما ويخوفها ككونها خوافه وراح نقز بوجهها
طلال : هههههههههههههههههه انا مو طلال انا الجني
ريما : طلوووووووووول بلا استهبال
طلال التفت للمكان الي نايم فيه : طلال هناك نايم بس انا الجني
ريما وقفت ناقزه وركضت للصاله الثانيه وطلال يلاحقها ويرمي عليها مخدات وريما تمشي وتنقز عشان ماتجيها المخدات
طاحت على الارض وطلال سحبها من رجلها وجلس ينظف فيها الارض وريما تصارخ
طلال حس بتعب وجلس على الكنب
ريما وقفت وهي خايفه وترتجف طلال جلس يناظرها وهو ميت ضحك
طلال : ريما وشفيك ترتجفين
ريما : يممممممممممممممممه
طلال : لاتصارخين
ريما : طلوول انت فييك شئ
طلال : هههههههههههههههه يالجبانه اجل خفتي معك الكمرا الخفيه
ريما راحت له وضربته : يالدب يالحمااار اجل كذا وربي مت خوف حسبت جد جني
طلال : هههههههههههههه لالا مو جني انا طلال
ريما : الله يرجك
طلال : ويرجك معي
......................
في شقة راكان ودلال
دلال طلعت من المستشفى وبأحسن حال مافيها شئ
راكان كان نايم تعبان من الدوام ودلال منسدحه على السرير بس موجايها النوم
دلال : ( اففف وكل يوم نفس الحال انا اجلس مانام وهو ينام .. اففف احس مخنوقه من ريحته مع إن مافيها شئ )
وقفت واخذت بطانيتها ومخدتها وانسدحت على الكنب
...
جاء الصباح الساعه 8 صحى راكان من النوم والتفت لجهة دلال ماشافها واستغرب
قام بخوف بيدورها لكن استغرب انها نايمه على الكنب راح لها
راكان : دلال دلال
دلال :..............
راكان : دلووووول
دلال تحركت يمين ويسار : اوه خلني انام
راكان ابتسم : طيب
راكان ابتسم براحه وراح دورة المياه "الله يكرمكم" اخذ له دش ولبس ثوبه وشماغه وجزمته "الله يكرمكم" وراح المطبخ اخذ له سندويتش جبن وزعتر وعصير برتقال وجلس بالصاله يفطر وبعدها ناظر بساعه كانت "9"
وقف وراح الدوام اول مادخل الشركه عطى البودي قارد الي برى مفتاح سيارته عشان يودونها بالمواقف ودخل الشركه والي يسلم ينزل راسه بتحية السلام
راح لمكتب ابوه وسأل السكرتي : السسلام
السكرتي "محمد" وهو واقف : وعليكم السلام
راكان : محمد ابوي عنده احد بالمكتب
السكرتي محمد : لا ماعنده احد تبي تدخل له
راكان : ايه
السكرتي محمد : لحظه بس اقوله
راكان : طيب
رفع السكرتي السماعه واتصل على ابوبدر
ابوبدر : الوو
السكرتي : ابوبدر عندي ولدك راكان يبي يدخل عليك يدخل ولالا .؟
ابوبدر : ايه خله يتفضل
سكر ابوبدر من محمد
محمد : تفضل ماعنده شغل
راكان : يعطيك العافيه
دخل راكان المكتب وصافح ابوه وحب راسه
راكان : السسلام
ابوبدر : وعليكم السلام .. اليوم راكان زاير مكتب ابوه
راكان : ايه بس حبيت اسألك وشرايك بالمشروع الي طرحته لكم
ابوبدر : والله تمام المشروع بس مدري هل بنربح ولا بنخسر
راكان : ابصم لك بالعشر ان بنربح
ابوبدر : متأكد
راكان : ايه متأكد
ابوبدر : اجل حصل خير
راكان وقف : الله انا طالع سسلام
طلع راكان وراح مكتبه وبدى يكمل شغله
...
في مكتب بدر
شغله من اسابيع موقف ودائماً يقولون له ابوه واخوه اشتغل اشتغل وهو يقول طيب ولا يشتغل طول الوقت باله مشغول بشوق
بدر كان حاط صورتها ويتأملها
بدر : وينك ياشوق وحشتيني .. عذبتيني خلاص يكفي يكفي منك عذاب يكفي ياشوق عذبتيني يكفي خليتيني مقعد يكفي .. انا احبك ياشوق حسي فيني حسسي ياشوق حسسي .. خطبك فارس الف مبروووك بتفرحين وبيفرح بس انا بحزن حرام علييك تعذبيني حرام
تكملة للبارت الرابع
.....
في المزرعه
ساره : ( انا الحين وشفيني وش جرى لي ليه صرت بهالانكسار كيف سمحت لنفسي اطلع مع شاب غريب واروح لمزرعتهم انا لازم اطلع لازم ارجع لبيت اهلي ارجع للبيت الي تربينا فيه انا ونوف مهما صار ومهما كان مدى إنكساري وحزني مالي غير الله ثم اهلي لا تركي ولا الي جابوا تركي بينفعوني اهلي الي بينفوني اعذب نفسي واعذب امي والي حوولي حرام علي والله حرام علي .. لو نوف عايشه مارضت بالي اسسويه وانا لازم ارجع للبيت الي تربيت فيه انا وتوأمي وحياتي نوف )
وقفت ساره واخذت شنطتها ولبست عبايتها وطلعت برا وركضت لبرا ماتبي تصادف تركي لانها عارفه بيمنعها من الخروج وهي تركض سكرت عيونها من الانوار الي جات على عيونها وهي كانت انوار سيارة تركي جاي
بغى تركي يصدم ساره وعلى طول سحب بريك بسسرعه لايصدم ساره ونزل
تركي : سااره جرى لك شئ ..؟
ساره بخوف : لالا ابعد عني لاتجي جمبي
تركي : ساره انتي ليه لابسه عباتك وين رايحه
ساره : برجع للمكان الي طلعت منه
تركي : بترجعين مششي
ساره : لا جري ايه مشي
تركي : دمك خفيف .. اقول ارجعي بسس
ساره : منو انت عشان تقولي اقول ارجعي بسس ولا خلاص انا بمزرعتكم يعني صرت ملك لكم انا برجع لبيت اهلي وانت لاتعرفني ولا انا اعرفك
تركي : سااره لاتروحين الله يخليك لاتروحين لاتعذبيني انتي لارحتي بتاخذين روحي معك
ساره : تركي انا ادري انك تحبني بالله ياتركي وش تحب فيني وش تحب بإنسانه حزينه ومكسوره حب لك وحده تفرفشك توسع صدرك تركي انت تستاهل الي تسعدك ماتستاهلني
تركي : ساره انا احبك وابيك مابي اغيرك صدقيني انتي بتتغيرين بس حالة
ساره : تركي انا في قلبي حقد عليك تدري ليه
تركي : ليه
ساره : لان انا من يوم تجمعوا علي الشباب ونا هذي حالتي لو ماشفتك ولا شفت هالشباب كان حالي مثل قبل ماتغير لا وصلت بهالحاله
تركي : وشذنبني بالعكس المفروض تشكريني لاني طلعت من المصيبه الي كنتي فيها تخيلي اخذوك الله يعلم وش بيسون فيك حمدي ربك اني كنت موجود وانقذتك
ساره : جاي تمن علي إنك انقذتيني خلاص ياتركي ابعد عن طريقي واطلع من حياتي وانسى حبي
ومشت للبوابه طالعه من المزرعه واصدمت بأحد ناظرت في البنت الي قدامها كانت بنت
مشت تكمل طريقها تركض وتركض وابعدت شووي عن المزرعه
..
شجون دخلت المزرعه وثارت بوجهه اخوها : تريكي منو هذي ووجع
تركي : انتي وش جابك
شجون : جابتني رجولك انت قولي عايش قصة حب وحركات ولا بعد جايب حبيبتك للمزرعه ياسلام والله وانا اقول ليه اخوي العزيز طالع البيت وينام بالمزرعه اثر عشان الحبيبه موجوده فيها
تركي : شجون بلا كلام تخبيص وثانياً مالي خلقك ياشجون ابد
شجون مهما كان مدى غرورها وعزة نفسها وتكبرها على من حولها الا انها تعز اخوها رغم انه مو لهناك معها بس اهي تعزه وتحبه وتخاف عليه وهو الوحيد الي يقدر يغير من حالها ويكسر غرورها ويبدلها لو طلب منها
دخل تركي المزرعه داخل وجلس على الصاله وهو متضايق وشجون جلست جمبه
شجون : تركي شفيك ..؟
تركي : مافيني شئ انتي وش جابك
شجون بضيقه : تركي ابوي هاوشني وحفل فيني الارض عشان بنت عمي دلال لانها طاحت بالمستشفى
تركي : ايه
شجون : ولا بعد تخيل خالتي جايه تبي تخطبني لولدها ياسر وانا مو موافقه وامي قالت لها موافقه شفت وانا زعلت وطلعت من البيت
تركي : المطلوب الحين مني
شجون : المطلوب انك تهجد معي بالمزرعه لاني اخاف اجلس لوحدي
تركي : لا انا ببات بالبيت اليوم
شجون : لاياشيخ وانا اقعد هنا لحالي
تركي : شجون الي فيني مكفيني
شجون : الا صح ماقلت لي منو هالبنت
تركي : لحووول وشدراني انا عنها
شجون : تركي انا اكثر وحده افهمك واعرفك قولي مين هذي
تركي : مدري جيت انا هنا وشفتها واستغربت مدري شكلها من السراقين
شجون : هالكلام مايمشي علي ودور لك على كذبه ثانيه
تركي : اووه كيفك صدقتي ولا ماصدقتي .. وثانياً حبيت اقولك ان حتى انا موافق على ياسر وبتتزوجينه غصب عنك
شجون وقفت وتخصرت : ياسلام والله انتو الي تقررون عني انا الي بتزوج ولا انتو
تركي : نتناقش بهالموضوع بعدين ويالله لمي اغراضك وتعالي معي بنرجع للمكان الي جينا منه
شجون : لا ماني راجعه
تركي بحده : شجووون لمي اغراضك وبسرعه تعالي ماراح ارجع البيت بدونك
شجون : لا مابي مابي
تركي : بتجين غصبن عنك فاهمه ( وبعصبيه ) بسرعه يالله قدامي
مشت شجون قدامه وهي معصبه منه وتركي وراها ركبوا السياره وانطلقت سيارة تركي لبيتهم وكان يبحث بأنظاره على ساره
...........
بعد مرور سااعتين
ساره وصلت بيتهم بعد تعب رنت الباب وفتحت لها ميري
ميري بفرح : مسس ساره
ساره دخلت البيت وامها وخواتها اروى وشوق موجودي
ام فيصل اول ماشافت شوق ركضت لها وحضنتها بقوه ورفعتها شوي وجلست تدور فيها
ساره : ههههههههههههههههههههه يمه هديني
نزلت ام فيصل وبوستها : بنتي ساره وحشتيني وينك ليه تركتيني يابعد امك والله انتي
ساره : انا جيت يايمه سامحيني لاني تركتك سامحيني
ورجعت تضم امها وام فيصل من الفرح جلست تبكي واروى وشوق راحوا لها وضموها
شوق : كذا عاد ساره تطلعين ولا تقولين لنا وينك بس قلتي لنا إنك بخير
ساره : اعذروني بس كنت بحالة يرثى لها بحالة الله يعلم فيها
شوق : عاذرتك المهم شفناك وحشتينا يالدبه
ساره التفتت لاروى : رورو قلبي وشفيك متضايقه
اروى : اليوم اول يوم لقضيتنا انا وخالد
ساره : أي قضيه
اروى : خالد طالب حضانة بنتي جنى ومتهمني بخطف اطفال وموت ولدي
ساره : حسسسبي الله عليه الحقير
نزل رائد ووقف مصدوم يناظر بساره وراح لها بسرعه وطبع كف على خدها
ساره حطت يدها على مكان الكف : رائد شفيك ..؟
رائد : ايا الحيوانه يالحقيره قولي لي وين رحتي مع هذاك الرجال بسسرعه
ساره : رائد صدقني اني نزلت من السياره صدقني
رائد : اصدقك كيف اصدقك ومافي أي اثباتات طالعه من البيت تبكين وجايه للبيت تضحكين اكيد استانستي معه
ساره ارتمت بأحضان امها وجلست تبكي
ساره : صدقني نزلت من السياره صدقني
رائد تهجم عليها : روحي للمكان الي جيتي منه يالحقييره
ساره سمحت لرائد يضربها وماتلومه أي احد بمكانه بيسوي الي يسويه
ساره ماقدرت تسكت وضرب رائد عنيف صرخت بألم : بسسسسسسسسسسسسس خلاص يكفي يكفي الي فيني مكفيني خلالاص إن شاء الله اموت وتفتكون مني إن شاء الله اموت وتفتكون مني
وركضت لغرفتها
ام فيصل بعصبيه : رائد انا ماسمح لك تمد يدك على احد من خواتك فاهم
رائد : انا اخوها ويحق لي اخاف على اختي
ام فيصل : تخاف عليها تقعد تضرب فيها كأنها جدار
رائد : أي احد بمكاني بيسوي الي سويته راكبه مع رجال بالسياره وش تفسرين هالشئ هذي متواعده معه
ام فيصل : ساره فهمتني السالفه
رائد : اووه قصدك ألفت عليك سالفه وصدقتيها مو هذي كذبه من اكاذيبها الانسه ساره
شوق : رائد روح بس لجامعتك احسن لك ابوي تراه عايش وهو ولي امرنا وحتى لو مات له طولة العمر ولي امرنا فيصل مو انت انت بزر فاهم بزر انت
طبع رائد كف على خد شووق من عصبيته
شوق : لا عاد هنا وبسس تضرب ساره وبعدها انا اسمعني يالبزر انت روح قابل دروسك احسن لك بدال ماتطلع قوتك على خواتك يالفالح
رائد طلع من البيت بعصبيه
وشوق وام فيصل راحوا لساره الي بكاءها طالع صوته
شوق : سااره ماعليك منه والله حفلت فيه
ساره : خلوني لحالي خلوني ابي ارتااح صدقوني انا بخير مافيني شئ خلاص خلووني
ام فيصل : ساره افتحي الباب والله مستحيل اخليه يمد يده عليك مره ثانيه صدقيني
ساره : يالله خلووني لحالي ابي ارتاح
.............
في شقة فيصل وملاك
ملاك : فييصل فييصل اصحى يالله قووم
فيصل لف يمين ويسار : اووه خليني انام
ملاك جلست تصارخ بأذنه : فييييييييييييييييييييييييييييييييييصل
فيصل قام مرتاع : طيب طيب صحيت
ملاك : عندي لك بششاره حبيبي
فيصل : شنوو
ملاك حطت يدها على بطنها : هممممم انا
فيصل : انتي حامل
ملاك بفرح : ايوه انا حامل
فيصل فرح مو مصدق وعلى طول ضمها وهو فرحان
ملاك : هههههههههههههه شوي شوي على البيبي
فيصل ابعد عنها : اسمعيني من اليوم ورايح ماتشيلين عود من الارض
ملاك : لاياسلام يعني كيف اخلي الشقه وسخه انا ماحب الا النظافه
فيصل : طيب ياللي تحبين النظافه انا باخذ خدامة امي كل يوم واخليها تنظف .. لحد ماتوصل خدامتنا
ملاك : لالا مابي خدامه انا بسوي كل شئ بنفسي
فيصل : والله وانا فيصل ولد صالح ماتسوين شئ طيب
ملاك ابتسمت : طييب يالله روح الدوام انا ببشر امي
راح فيصل ياخذ له دش ويكشخ للدوام وملاك راحت للسماعه ورفعتها
ملاك : الووو
ام نايف : الوو
ملاك : سسلام
ام نايف : وعليكم السلام .. نسيتي ان عندك ام
ملاك : هههههههههه وانا انسى امي الغاليه
ام نايف : والله ماقدر ازعل عليك
ملاك : ادري .. يممه عندي لك بشاره ولا احلى منها
ام نايف : قوولي شنوو
ملاك : حزري فزري شنوو
ام نايف : همممممم وصلت خدامتكم
ملاك : هههههههههههه بالله هذي بشاره يالله يالله فكري بعد شنوو
ام نايف : ملاك لحستي مخي يالله قولي شنو
ملاك بفرح : يممه انا حامل
ام نايف : الف مبرووووووووووووووووووووووووووك
ملاك : الله يبارك فيك يالغاليه يمه انا حدي حدي مبسسوطه لاني حامل
ام نايف : الله يتمم عليك الحمل قولي امين
ملاك : امييين
ام نايف : والله ياملاك وكبرتي وتزوجتي وحملتي وين الاول ملاك الطفله الي تحط الكره ببطنها وتقول انا حامل والحين بجد حملتي
ملاك : هههههههههههههههههههههههه ويالله انا كنت احلم الاول اني احمل وتحقق حلمي
ام نايف : قد ايش فرحتيني يابنتي والله فرحت لك
ملاك : اكيد بتفرحين لي لو مافرحتي لي بتفرحين لميين
ام نايف : يالله انا بروح اصحى اخوك نايف واخبره بهالبشاره الحلوه
ملاك : يالله سسلام
ام نايف : مع السسلامه
سكرت ام نايف من ملاك وصعدت لغرفة نايف وصحته وصحى
ام نايف : نايف ملاك اختك حامل
نايف وهو يعدل شماغه بفرح : جد
ام نايف : ايه والله توه من شوي مخبرتني
نايف : انا مشغول اذا كلمتيها قولي لها يبارك لك نايف
ام نايف : يووصل يالله حبيبي لاتتأخر على الدوام والفطور ترى جاهز
نايف : لامالي نفس اكل .. يالله مع السلامه
طلع نايف وام نايف مو عاجبها حال ولدها ماياكل لايفطر ولا يتغدى ولا يتعشى ولا شئ
..........................
في بيت ابوفارس ... الساعه 3 العصر
فارس مبسوط حده ملكتهم بعد اسبوع والتجهيزات حار على حار اللكل مبسوط لخطوبة فارس وشوق
ريناد : انا فسستاني لملكتك بكره بيطلع من المصمم
فارس : هممممم عاد الله الله ابيك تطلعين قمر اختي الكبيره
ريناد : هههههههههههه افا عليك بصير اجنن احلى من العروس
فارس : حتى لو حاولتي مسستحيل
ريناد : ولييه مستحيل وش زودها علي جمال ولا دلال ولا فلوس
فارس : زودها عليك انها ماخذه فارس ماخذت عبدالله
ريناد ضربته على خفيف : يالحمار وشفيه عبدالله
فارس : ههههههههههههههه ابد مافيه شئ بس الي فيه
ريناد : لاتجيب طاريه على لسانك لانه ارقى
فارس : مبـيين الرقي يقطعه
لجين نطت بوجههم : ابي اسسولف معكم
فارس : يووه جات
لجين تخصرت : ليييه وشفيني بالعكس انا ملح الجلسه
فارس : الا والله مر الجلسه
لجين : وجععع
فارس : وييين امي
لجين : مالت عليك تسوي لك بشاميل كنك تستاهل
فارس : ههههههههههههه فديتها والله
لجين : انا اقولها سوي لي كوشري تقولي بسوي بشاميل لفارس من زين هالفارس
فارس : وشفيه فارس يهبل قمر
لجين : وععع انت شرق والقمر غرب
فارس : انطمي
..........................
في بيت ابوسامي
رن باب البيت وراحت منال تفتح الباب ووقفت مصدومه من الشخص الي قدامها
عبدالعزيز مد يده وطبع كف على خدها : ايا الحيوانه يالحقيره رميتيني بالسجن وخليتي زوجتي يجيها الايدز وتنتحر هدمتي حياتي الله يهدم حياتك قولي امين
منال مو قادره تتكلم السانها انربط ومالها عذر تقول شئ وش تقول تقول له "ابي اخليك تعرف قيمتي ومين منال الي تركتها ورحت لغيرها" هذا مو عذر كافي انها تتسبب بأنتحار رشا وسجن عبدالعزيز
عبدالعزيز مسكها من طرف بلوزتها ورماها على الارض وجلس يضرب فيها برجله ومنال تبكي وتصارخ
اللكل طالع مافي الا اريج ونايمه
..
في غرفة اريج
اريج تتقلب يمين ويسار
اريج وهي تتأفف : اففف مايخلون احد ينام عدل
وحطت البطانيه على وجهها ومو قادره تنام من الصراخ المستمر ووقفت ونزلت لتحت فتحت الباب وطلت من الدرج لتحت وشافت عبدالعزيز يضرب بمنال وخافت وقف قلبها من الخوف مو قادره تتحرك ماتدري وش تسوي هي مو حلال على عبدالعزيز
اريج : ( يضرب اختي ويبي يموتها وانا افكر حلال ومو حلال خلني بس اروح والي فيها فيها )
نزلت لتحت وهي تركض وعبدالعزيز مستمر يضرب بمنال بقسوه ومنال تصارخ
منال : بسس خلاص يكفي هدني ياعبدالعزيز هدني خلني افهمك السالفه
عبدالعزيز : وش تفهميني قولي لي وش تفهميني خلاص خلاص يكفي ماجرى يكفي خلااااص انتي إنسانه حقيره .. الشرع حلل اربع وانا مابيك غصب ارضى فيك غصب
اريج بسرعه رمته على الباب : انت هيييه ابعد عن اختي ولا تنسى إنك مو حلال عليها
عبدالعزيز وهو يدفها : ابعدي بسسس
اريج بسرعه دفته لبرا وسكرت الباب وراحت لمنال ورفعتها
اريج : منال ألمك
منال : آآآه اريج رقبتي ظهري رجلي كل شئ يألمني الحيوان ضربني بقووه
اريج حملتها بتعب وحطتها على الكنب وبسرعه جابت مويه وصبتها على وجهه وجابت معقم تعقم الجرح وبالمعقم زادت الجرح وصرخت منال بألم
اريج طاح المعقم من يدها : يووه وربي احسب المعقم بيعقم الجرح
منال : جيبي لي ثلج
اريج : لالا منال مايصير اجيب ثلج
منال : خلاص لاتجيبين شئ
مرت ربع ساعه والالم شوي خف من منال وجاو ام سامي ولميس من المول
ام سامي اول ماشافت حالة منال الي توهوه وحالتها حاله منقلبه فوق تحت رمت الاغراض وركضت لها هي ولميس
ام سامي : يمه بنتي منال شفيك
اريج : مدري يمه وشفيها بس جاء عبدالعزيز وضربها
ام سامي : طلع من السجن
اريج : ايه
ام سامي : حسسبي الله عليه
منال بتعب وأصطناع ابتسمت : يمه انا الي سويت مو هين انا نقلت لمرته الايدز وتسببت بأنتحارها وموتها ورميته بالسجن وهدمت حياتهم
ام سامي مو مستوعبه كلامها "نقلت لمرته الايدز وتسسبت بأنتحارها" : منال وش تخربطين
منال : يمه انا نقلت لرشا الايدز نقلت لها الايدز
وجلست تبكي من الالم ومن الي سوته وهي ندمانه حدها
لميس : انتي هيييه تتكلمين من جدك
اريج : لميس كلامها جد
ام سامي : وانتي تدرين وساكته وخليتيها
اريج : انا نفسكم مادريت الا بعد الي صار صار
ام سامي : ياويلي ياويلي ياويلك يامنال من ربك مايستدعي تنقلين لها الايدز
منال : بس خلاص يكفي لاتعاتبوني الحين لاتعاتبوني الي فيني مكفيني مكفيني
...................................
في بيت ابوشذى
دلال اليوم مسويه لهم مفاجأه بتزورهم رنة الباب وراحت شذى تفتح الباب واول ماشافت دلال ضمتها بقوه مشتاقه لها
شذى : دلووول وحششتيني
دلال : وانتي بعد وحشتيني يالدبه
شذى : اجل الحييين يالزفته عدله كذا من تزوجتي مازرتينا
دلال بدلع : ابي اشوف غلاتي عندكم
شذى : مالت حيياك حياك
دلال : شذى قبل لا أدخل ابوي متى بيسافر
شذى : بكره
دلال : طيب يالله خلينا ندخل
دخلوا شذى ودلال وسلمت دلال على امها وابوها
دلال : شخبارك يمه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك