رواية يوميات حبي و حبه -37
مها انحرجت : شموو عن المصاخه
شموو: اوووه احمرت ..... يعني رديتوا لحركاتكم ....... الا صدق شو سويتي...
مها : بخجل مالج دعوه
شموو: الحين ما لي دعوه ها ..... ليكون رفعتي عباتج و طلعتي نص ساقج و هو اكيد تخبل .....
مها دفتها مره ثانيه : انت صدق ما تستحين ...
ضحكت عليها شموو من خاطرها .... : شوفي شكلج
دخلوا الكفتريا و شموو ناقعه ضحك تبي تمسك عمرها ما قادره .... سارت للبنات و حكت لهم السالفه و الكل يضحك و مها مره تضرب هذي و مره هاذيك
.................
فهد يهز راسه : هذي شموو ما ادري طالع على منو .....
وليد يبتسم و هو ما شال عيونه من عليها من دشت و هي تضحك .... و شكل مها هي الضحيه هي المره ...
وليد : بس شكلها مغصصه على حرمتك
فهد : واضح.... تستاهل مها ... توها تدافع عنها خل تذوق...
وليد: الا وين وصلتوا بموضوعكم
فهد: عادي ... من باجر بروح احجز ...الا انت كيف يالس من غير موبايل
وليد يتافف: اف و الله ندمان ....
فهد: هههههههههه تستاهل ...... و الله و قدرت لك شموو
وليد: بلاكم انتوا اليوم ... طايحين فيني ....
فهد: ما تعودنا نشوفك من غير سماعه و كل وقتك تغازل
وليد: فهد بليز اسكت ... لا تقلب المواجع
وليد من يوم المركز و هو ما دق لنوره و لاهي دقت ، اول مره تطنشه ..... شكلها صدق ماخذه على خاطرها بالقوه هذي المره...... و هو حاس ببرود ناحيتها ......
.............................................
نشت مها تييب لها غدا
مها : شموو يالله نشي خل ناكل لنا شي ميته يوع
شموو: مالي خاطر في شي ........ سيري بروحج
مها : شموو بليز .....
شموو تشوف طاولة اخوها : سيري من يشوفج العاشق بيلحقج على طول
مها : تعتقدين
شموو: و اذا لحقج ............. كوفيي على حسابج ......اوكي
مها : بس الكوفي ... الا تطلبيه ....
سارت بروحها ... و لما مرت عند طاولته سمعت ضحكته الهاديه مع وليد...... و صوته الا تتخبل عليه ......
التفت فهد لها و نش وراها
وليد: عدال عن تضيع .....
فهد: هاهااها سخيف
مها مندمجه بالطلبات .... و تكلم الهندي بهدوء..... تقرب فهد منها
قال لها بصوت واطي خل قلبها يدق بسرعه: كم مره قلتج لا تقعدين تدلعين له....
ضحكت بهدوء: بس انا ما تدلعت ...... ارمس عادي
فهد : لا و الله ........ قومي خل احاسب عنج
مها : لا ما له داعي ....
فهد: مهووو !!!!!!!!.... الا وين اكل شموو ما بتاكل
مها : تقول ما تبي
يتافف فهد منها: خل تنقرض .... في البيت ما ادري متى اخر مره شفتها تاكل
تتدخل شموو : و كأنكم تحشون فيني ....!!!
و تكمل تكلم مها : شو خبرتج ...... يالله يبي الكوفي ...... و الا اعلم
مها : خلاص فهمنا ...... و يا ويلج اذا نطقتي
فهد : شو فيكم
تساندت شموو على الطاوله الجريبه لها و هي تحس عمرها دايخه: ابدا اسرار بنات
ضحكت لما شافت ويه مها احمر ....
مها : شموو ترا ازعل ......... و لفت تطلب الكوفي ......
فهد : خل عنج بروحها بتاخذه ...... وشل صينية الاكل .....كمل .... يالله تعالي ...
لحقته مها و هي تتوعد شموو بعيونها
شموو: يالخونه تخلوني بروحي ..... و تلف للهندي .......... بسرعه بابا خلص بطني يقرصني يوع
سمعت ضحكه وراها .... ولما لفت شافت مهند
مهند: و الا يوعان يشرب كوفي ........... يخي اطلبي لج شي يرزا
شموو: ما لي نفس ازط
مهند: ههههههههههههههه و شو ازط هاذي بعد
شموو استغربت : ما تعرف ازط ....... هههههههههههههههه .......... يعني اكل .... و كملت تستهبل :اخاف تركيبت اسناني تطيح
مهند : هههههههههههه ... شموو عن الاستهبال .... شو رايج اطلب لج على ذوقي
شموو: ما ابي شكرا ....
مهند شال ايس كريم له و لشلته ....: ما تبين ايس كريم
شموو و عيونها على وليد : لا ما ابي ...... شكرا
كانت حاسه بنظراته . و سوت روحها مو منتبه ...... بس غريبه ما قرب و لا سوى مشكله ......
شموو: مهند ترا الايس كريم ذاب ...شو ناطر خذه و روح
مهند : خلصي انت اول .... بتمين بروحج واقفه ....
شموو تطالعه تحاول تعرف شو الا يدور بخاطره : مهند عن المشاكل ..... سير
مهند: واذا يا احد تحرش فيج
شموو ضحكت بصوت عالي : مهند عن الاستهبال ....... و لا تطلع حجج... قول الا عندك
مهند: يالله كيف فاهمتني ......... بس الا ابي اقوله و في خاطري مو من حقي .... انت خطيبة انسان من اعز ربعي ....
شموو: خلاص عيل توكل..... و لا تخلي الانسان الا ترمس عنه يطب علينا الحين ...
مهند : اوكي معاج حق ........ باي
.................................................. ................
عند وليد كان مولع ..... و كل شوي ينافخ
فهد : اعصابك ........... الا هو زميل عمل .... ليش معصب جي
وليد: و ليش اعصب .... خل تولي
فهد: ههههههههههههههههههه .... من قلبك
وليد: ما لي بارض لك
سكت فهد يراقبه بصمت مو من عادت وليد يسكت و ياكل بعمره .....
قال : اسمع ضحكتها خل تيي لأمسح فيها البلاط
فهد: ههههههههههههههههههههههه تراها اختي ... و الا نسيت
وليد معصب : و ليش ساكت عنها قوم لها
فهد: انت معقد المسأله ..... اذا مضايق سير اسحبها
وليد يتنهد بقوه : ما اقدر و اخليها تكرهني زياده .....
مرت من قربهم و الكوفي بايدها
زقرها فهد: شموو تعالي
شموو حست بدقات قلبها تدق بسرعه ...... تقربت منهم و هي تحاول ما تحط عيونها بعيون وليد ........ سحبت لها كرسي و يلست بتعب .... تحس ما فيها طاقه من قلت الاكل
فهد: انت متى اخر مره كلتي
شموو تفكر: و الله ما اذكر ....... ليش شو في
فهد: ليكون مسويه رجيم
شموو: ههههههههه كيف عرفت ......... لازم اكون رشيقه ... عسب عرسك ....
فهد: شموو عن الاستهبال .... رجيم بس ما تذبحين عمرج جي
شموو و هي توقف : فهد لا تبالغ .... عادي يعني .... شفت صار لي شي ....
كملت طريجها و هي تسمعه يتحرطم عليها ......
فرت عمرها بقوه على الكرسي مع البنات ..
شموو: و الله ما فيني حيل .... منو منكم عنده سويت يعطيني طاقه
مها و هي تمد لها سندويش: خذي كلي
شموو تهز راسها : ما اقدر و الله احس عمري برجع.......
و شربت من الكوفي ... طولت شوي
قالت مها : خل نروح .... مو كأنا تاخرنا
شموو بتعب : لحظه خل اريح شوي بعد ....... اخاف يغمى على .... و تبتلشين فيني
مها: منو جابرنج .......... الحين اروح اييب لج شي تاكليه و يا ويلج ان رفضتي .. تحركت مها تبي تقوم .... لقت بويها وليد و في ايده صينيه اكل ...
طالعته بنظرات و قالت : لا تقنعني انك حاس فيها ........ صعبه اصدق
وليد انقهر اول فهد و الحين مها : و ليش يعني مستغربه ....!!!!! من الصبح و هي شكلها مو قادره تشيل عمرها ....... و اذا انت وفهد ما ترمون عليها انا اقدر
مها : يالله رويني شطارتك
وليد كان يراقبها طول الوقت و باين من شكلها تعبانه .... حط الصينيه جدامها و عيون البنات عليه...... قال بصوت هادي و حازم : تفضلي كلي ........ و الا تبيني ااكلج بروحي
شموو انحرجت .... كيف يكلمها بهذي الطريقه جدامهم كلهم ...... طنشت و ما ردت
وليد : اوكي عيل اسمحولي بنات انضم لكم .......... و سحب كرسي و قعد
البنات قاموا على طول .....عزووه : خذ راحتك ..... و مشوا و هم ماسكين ضحكتهم
شموو معصبه : عيبك جي ...... الحين بشو بيفكرون
هز كتفه : عادي .......... على بالج ياهل تعانديين بالاكل ......
شموو: ما لي خلق اف غصب هو ....
وليد: اي ...... انت ما تشوفين شكلج .... على الاقل كلي شي يصلب طولج .... بلا عناد.....
مسك الشوكه و اخذ فيها شوي تبوله و هددها انه بيرفعها لحلجها ولو ما تاكلها الكل بيحسب انه ياكلها .....
اخيرا قالت : خلاص باكل ..... و الله انك فضيحه
كلت و هو يراقبها .... ولما مروا الشباب بحذالهم ..... علقوا عليهم ..... و لأول مره وليد يبتسم و لا عصب .................
نهاية الدوام
نزلوا الجماعه مثل كل يوم مع بعض ...... شموو نطرت فهد عند السياره لما حضرته يوصل مها لسيارتها ......
فهد خذ عنها المفتاح و فتح لها الباب ...... وقفت مقابله له مبتسمه.....
فهد : فديت هذي البسمه الا من زمان عنها
مها: اي قص علي بكم كلمه ..... و
قاطعها و هو يحط ايده على فمها ....: اوووووووووووووش .... ممكن تنسين .....
هزت كتفها بدلع : امممممممم افكر
ضحك فهد: ترا عندي طريقه خاصه اراضيج فيها
مها بسرعه : فهد نحن بالشارع ...
رد و هو يضحك: عيل يالله اشردي قبل لأنفذ تهديدي
دشت سيارتها بسرعه : و الله صدق بشرد ... منو يامن عليك
انحى لها : عيدي
مها بتلقائيه : حبي و الله تحرجني
فهد : يااااااااااااا من زمان عنها ..... عيدي قوليها مره ثانيه ....
مها مرتبكه من قربه منها بهذي الطريقه بالشارع .... تحس كل الناس يراقبوهم : فهوووودي حبي بعدين
ير خشمها : اوكي دقي لي ها ..... و لا تسرعين فاهمه .....
في نفس الوقت الا كانت فيه شموو متملله من وقفتها ... و كل شوي تتأفف ......
مر بقربها وليد .....
وقف يطالعها : اوصلج ........... تعرفين الاخ ممكن يطول
شموو بدون نفس .... بعدها ما نست له حركته السخيفه بالكفتيريا: لا شكرا
تقرب منها اكثر ... باين لها زعلانه و ماده بوز : و الله ما عرفت لج من كل شي تزعلين
شموو تلف بعيد عنه : مالك خص فيني ...... و بعد لا تحتك معاي لما تعرف اني ما اتحمل اي شي
وليد: ما كنتي جي
شموو: اي .... بس معاك .... ارتحت .... كملت تكلم عمرها بصوت واطي...... توه حارجني جدامهم كلهم و يبني ارمسه عادي....
وليد سمعها ضحك : هههههههههههههههههه ...... تعرفين مهما تحاول تبينين انج غير .... بظلين بعيوني شموو الخبله ...... شاف نظرتها المعصبه عليه ...كمل بسرعه .... الا مخبله فيني و مطيره النوم من عيني ....
شموو بهتت فيه .... تحاول تستوعب الا قاله ..... فكرت معقوله يحبني ......
وليد بصوت هامس : فهمتي و الا اكمل
ارتبكت شموو حست بعمرها حاره .... قلبها صدقه و عقلها رفض ... مستحيل تصدق و هي تعرف انه ما زال على علاقه في وحده ثانيه ..... رفضت ترد ...
وليد لام عمره على تهوره و شاف نظراتها الغير مصدقه كلمه من الا قاله .... معاها حق ..... لازم احسم امري و اتبع احساسي .... و ما بلاقي احسن من شموو ...... و نوره مردها تلاقي نصيبها ....
قطع عليهم فهد : الا شو هذي الحركات انت وياها
شموو: فهد و الله انك سخيف ليش مخلني ملطوعه هني بروحي من ساعه .... ترا و الله ارد بتاكسي المره اليايه
وليد : و منو راح يسمح لج .... ما عندنا بنات يركبون تكاسي ..... انت فاهمه
شموو تطالعه معصبه ... هي مو ناقصتنه .....
فهد : هههههههههههه شكل النار مشتعله ..... ما ادري متى تطفى بينكم
وليد بابتسامه : خلها معاي و انا اعرف كيف اطفيها .....
فهد يفكر: امممممممممممممممممممم بصراحه فكره
شموو: لا و الله على بالكم تلعبون علي ...... كلها يومين و افتك من هذي الشركه الا تييب المرض....... فهد نروح و الا ارجع مع مها ....
قالها وليد: وليش ما تبين ترجعين معاي
شموو بسرعه : خبله .... عشان تعرف اني مخبره خالتي ..............سكتت بسرعه
فهد ضحك عليها : كملي ... اول مره اعرف انج جبانه
وليد يتبادل النظرات بينهم: شو في.....
شموو: مفاجأه الا خبرتك عنها..... سير البيت بسرعه ..... و لا تيي تزورنا لأنا مسافرين ....
وليد : شموو بتقولين و الا .....
فهد : وليد صدق شي ما ينقال سير البيت و تعرف كل شي
وليد : فهد انت الحين و ترتني ازيد .... شو في ... امي فيها شي
شموو: بسم الله على خالتي........ و حليلها خل تفرح ....
يضيق نظراته و يطالعها بتركيز ....: يعني شي زين
ضحكت : اكثر مما تتصور
وليد مو مطمئن لها : اوكي تعالي معاي
شموو زاغت و مسكت ذراع فهد بقوه : ما ابي
فهد منقهر منها : شموو سير اركبي خل نروح ... مها سبقتنا
تحركت بسرعه .....
حول نظره لوليد: وليد انت تعرف حركاتها .... يعني شي ما يخرع .... بالعكس يمكن يفرح
وليد : متاكد ...............؟؟؟؟؟؟؟ و ليش ما تخبرني انت ....
فهد : ما عندي الصلاحيه .......هههههههههههههه .... رغم اني مستعد ادفع نص عمري و اشوف ويهك لما تعرف...
وليد ارتاح شوي.... يعني مو مصيبه و الا شي جايد .... فهد يضحك .... و يمكن ما يبي يحرجني ..... سلم عليه و سار مستعد للمفاجأه ......
فهد يكلم مها: حبي وين صرتي ...
مها ...: عند الاشاره .... شو عندكم تاخرتوا
فهد و هو يلقي نظره على شموو: هذي الخبله الا معاي ... مو كفايه الا مسوتنه .... بعد تلعب عليه و تطنز ......... حس بشموو تبي تحتج ..... كلمها بعصبيه : شموو جب ولا كلمه انت فاهمه ....
مها : حبي خف عليها ..... خل تادبه شوي .....
فهد : و الله ما اعرف انت ليش معاها رغم انها على غلط
مها : خل تبرد حرتها عادي
فهد: مهووو ... خلي عنج .... و لو ذابحه لها احد بعد بتبرئينها....
مها بدلع : فهووودي حبيبي ... شكلك قلبت علي.....
فهد يحب دلعها و ما يروم يقاومها : و انا اقدر ...... حبي خذي بالج من الطريق .... دقي لي اول ما توصلين .... اوكي.... باي
شموو التزمت الصمت .... رغم معرفتها بقرارت نفسها بالخطأ الكبير الا سوته اليوم ... الا انها ساعات تحس انه يستاهل على الا سواه فيها ....... مسكت لسانها غصب ما تكلم فهد او ترد عليه عسب ما يطلع حرته فيها ..... كل الا حبيبه وليد ... الا يقول هو اخوه مو انا اخته ....
.................................................. ............
وليد داش بيته و متوقع كل شي الا الى قاعد يشوفه و يسمعه الحين..... قامت امه بسرعه له و حضنته و هي تصيح .... و خواته البنات كلهم موجودين .... ومسوين جو ضحك و الا قاعده تزغرد ... و كلهم التموا حوله ...... وليد بعده ما استوعب الا امه تقوله و شو سبب صياحها الا انه حضنها يهديها ...
يمه الله هداج .... شوف فيج .... و ليش كل هذا
امه تشاهق و تحاول تمسك عمرها : مبروك يمه .... اخيرا ريحت قلبي
وليد: سمر ... سيري يبي ماي لأمي
ركضت سمر تنفذ اوامره .... و هي راده تترقص بالقلاص ....
وليد بعصبيه : سمر ... شو فيج مو صاحيه
سمر تناول امها الماي و تروح تحضنه : الف مبروك .... اخيرا .... راح نفتك منك..
ام وليد: سمر .... خلي اخوج بحاله .... تطالعه .... و الله انك فرحتني الله يرضى عليك دنيا و اخره
وليد بعده مو مستوعب ... تم ساكت يسمع كل وحده و تعليقها ....
ريم اخته الكبيره : متى نشتري الذهب .... و الهدايا
سمر : من اليوم .... و الله ما يمدينا
ريم: وليد يا حبك للمفاجأت ... لو خبرتنا من وقت .... انك بتملج بعد اسبوع ... شوف الحين ما يمدينا نسوي شي...
وليد فتح حلجه متفاجأ و تم يطالعها .... سالها : منو خبركم ...
سمر: هههههههههه .... شكلها شموو خربت عليك و خبرتنا
يستوعب الا قالته .... اه يعني هذي المفاجأه الا قالت عنها شموو .... تخيل كل شي الا انها تتلاعب بعواطف امه و خواته بهذي الطريقه ... حرج منها بقوه ... و وقف فجأه .... و الله لأرويج يا شموو الزفت .....
امه: على وين يمه
وليد : ربع ساعه و راد
ريم : لا تتاخر .... خل نتفق على كل شي اليوم ما يمدينا ....
وليد بتهديد : و لا وحده منكم تسوي شي من غير ما تشورني ... مفهوووم
المته نظرات المتفاجأه بعيونهم ... حس انه قتل الفرحه فيها .....
تدارك عمره و رسم ابتسامه على ويه: ابي كل شي تحت اشرافي ..... اوكي
طلع و هو ضام قبضت ايده بقوه ... هين يا شموو .... صبري علي ..... خل اشوفج بس..... كل شي له حدود و هي ما تعرف اي حدود ....
وقف عند باب بيت خالته و حط ايده على الجرس و خله يدق على راحته .... بالعاده يدخل من غير ما يدق جرس لأنه تربى في هذا البيت و تعود يدخل و يطلع عادي
فتح له فهد الباب .... و لما شاف وليد ما استغرب .... و ما توقعه يكون معصب بهذي الطريقه ....
فهد: وليد مو بالعاده تدق الجرس شو صار لك ...
وليد ما له نفس بمناقشته: انت تعرف
فهد: امي دقت علمتني .......
وليد: اه....... وينها ..... خلني اشوفها
فهد فتح الباب ع الاخر .: تفضل .... الحين ازقرها ...... بس اهدى شوي .....حاول تحل الموضوع بهدوء
وليد من بين اسنانه : بهدوء ....... انت ما شفت امي و الا خواتي .... كيف اتصرف الحين ....... فهد روح يبها ....
فهد: اوكي .... راح ايبها لأنها لازم تواجه الا سوته ..... و هذي نتيجة تهورها ....
................
شموو واقفه عند شباكها تشوف وليد معصب واضح من طريقته و هو يمشي و هو يكلم فهد..... شكرت فهد بقلبها انه قعد يكلمه شوي .... عسب يهدى ... و تعرف تكمل الا سوته ..... سمعت دق الباب ... ركضت تفتحه و قلبها يدق بسرعه ... خوف و رهبه من الا راح تواجه مع وليد لأنه ما شي مجال تتهرب .......
فهد : تفضلي ..... احصدي الا سويتيه
شموو تتظاهر بالقوه : عادي على بالك خايفه منه ..... خل ابرد حرتي شوي
مسكها من ذراعها : شموو ترا وليد معصب حده ... لا تزيدين عليه ..... و انا داخل اريح شوي...
شهقت : بتخليني بروحي معاه
فهد: و الله توج مسويه روحج قويه ................... وبعد تحملي هذي نتايج فعلتج ...
سار غرفته مو مهتم .... بس الصدق هو متوتر يمكن اكثر من شموو .... ما يبي وليد يتهور و يتخذ موقف يندم عليه ..... و من يذكر غرور شموو ينقهر منها .... الحين هو ما بايده شي .... هي حطت نفسها بهذا الموقف ......
نزلت شموو بهدوء و هي تقرا اية الكرسي بسرها ...... و تحاول تبين ثقتها الكبيره من نفسها و اعصابها ...... شافته واقف عند الكرسي .... طارت الثقه الا كانت تحس فيها ....قالت بخاطرها ........ يمه شكله معصب حيل ......
حس وليد فيها .... رفع راسه يشوفها وعيونه ترميها بسهام لو كانت صدقيه ذبحتها ... حست بالكره و الحقد يتطاير من عيونه ... ما يقول هذي العينين الا كانت من شوي تتغزل فيها ......
وقف كل واحد فيهم يطالع الثاني ..... تشجعت شموو: بس عسب تعرف اني مو سهله تلعب علي
وليد ما رد .... بطرف لسانه كلمات بعمره ما قالها بويه احد ....و الحين بالغصب ماسكنها ....
كملت : قاهرني ... تحب وحده غيري و متمسك بالخطوبه الا ملوعه جبدي .... و كل ما فسختها تردها .... و الله اني كرهتها .........
تحاول تستغل الفرصه و تقول الا بخاطرها كله .....كملت:
وليد مستحيل اسمح لك تتلاعب فيني اكثر من جي ...... عني انا بردت حرتي فيك كلها......
شافت نظراته ......كملت : و لا تخاف راح تاخذ الا تباها ...... و انا راح احل المشكله كلها .... و افهم خالتي الموضوع و ننتهي من هذي المهزله ....
الحين وليد ما قدر يمسك عمره اكثر .... هجم عليها و زخها بقوه من ذراعينها .... هزها : و مشاعر الناس عندج لعبه مو .... انت ما شفتي امي و خواتي كيف طايرات من الفرح ..... و لو عندج الشجاعه و القوه تواجهيهم .... الحين اوديج لهم ...
دزها بقوه .... طاحت على الارض و هي تصارخ .......
وليد معصب حيل منها ... ناسي عمره ... بعمره ما مد ايده على بنت و لا حتى وحده من خواته .... و مع شموو تضيع كل اخلاقه و ما يعرف يتحكم باعصابه.... نزل لها و يرها من ذراعها ..... وقفها وقال من بين اسنانه : تبين تحلي المشكله و اخذ الا ابها ........... راح اخذ الا اباها .....و غصب عنج....... و الخطوبه انسي سالفتها لأني راح املج يوم الخميس و ما تهميني رضيتي و الا لا......
راقب ردت فعالها تفاجأت و انربط لسانها ما قدرت ترد او تناقشه ....
قال : شو فيج سكتي ..... هذي لعبتج و تحملي ......
تركها و هو حاس بحقد الدنيا عليها ... اجبرته يسوي شي و هو مو مستعد له حاليا ...
صح هي الا يبيها وهو مقرر من الاول ... كان محتاج الوقت بس ... كرها و كره النظر بويها طلع بسرعه و سار مكان يلم له جروحه و يطيبها ............................................... البحر............................................. ..
شموو واقفه مكانها تستوعب الا قاله .... يعني قصده انه راح يتزوجني انا و هو يحب وحده ثانيه ..... مستحيل هذا اكيد صار له شي....غير انه اكد انه ما راح يتخلى عن نوره ........... حست بايد فهد على كتفها .... لفت تشوفه و رمت حالها في حضنه تصيح .....
قالت من بين شهقاتها : فهد هذا خبله .... يقول الملجه يوم الخميس .... شو على باله لعبه بايده .....
فهد حضنها و حاول يهدي فيها .... ما علق .... بصراحه يشوف رد فعل وليد طبيعيه ... بعد الا سوته ....
حاول يستدرجها , يفهمها : شموو شو تتوقعين ردت فعله يعني بتكون ...... هو اذا وافق على الملجه فهو اكيد ما يبي يزعل خالتى و لاخواته ...... يعني شو بيقولهم و انت بروحج مبلغتنهم الخبر
شموو: انا احل الموضوع من غير زعل احد ..... بس شكله حاقد على من الخاطر
فهد: شموو بذمتج الا سويته شوي ................... يعني انت اجبرتيه على شي هو ما يبيه ..........
نزلت دموع شموو مره ثانيه : انت ليش ما تفهم ... هو مرتبط بوحده ثانيه .... انا وين راح اكون بين كل هذا .....
فهد بحنيه : شموو هو معصب الحين ... خل يهدي و انا اناقشه بالموضوع .... مستحيل اخليه ياخذ خطوه هو مو مقتنع فيها ..... و اضيع مستقبلج.....
ارتاحت شموو نسبيا .... رغم معرفتها ان فهد من انصار وليد ..... و وليد بنظره دايما صح ..... طلعت غرفتها و هموم الدنيا على كتوفها .... ما لها خاطر تدق على مها و تخبرها باخر الاخبار .... رمت نفسها على السرير تدور الراحه و الهدوء ....
الجزء 38
باليوم الثاني
شموو عرفت ان وليد و امه و ابوه كانوا موجودين امس بليل يحدود و يتفقون على كل شي....... و
هي عناد و رفض ما نزلت لهم و مصره على موقفها ....
يالسه بهدوء بالسياره .... و فهد كل دقيقه يلتفت يشوفها .....
فهد: يعني ما سألتي شو صار امس
شموو: عادي ما يهمني
فهد: شو ما يهمج ..... الملجه يوم الخميس........ يعني اليوم راح نروح للتحاليل و غيره....
شموو فتحت عيونها على الاخر: فهد تتكلم جد............... بس انا ما ابي
فهد: يعني شو الحين بتكسرين فرحتهم عسب انانيتج
شموو: تعرف اني مو معارضه على الفكره .....بس كيف تبيني اخذ واحد يحب غيري ... و هو
خبرني بروحه انه بياخذها غصب عني....
فهد: يقهرج و الا وليد بروحه مخبرني بحبه لج و انت الا اختارها ......
شموو تقاطعه بسرعه : من جدك انت و صدقت ........ هو يدوس على قلبه عسب خالتي ..
فهد: و لما تعرفين بجي خلاص تحملي مو انت الا بديتي
متنرفزه من بروده: فهد على بالك تغصبني او احد يقدر يغصبني ..... و لو اخذتني التحاليل
غصب .... بتوقع بدلي على العقد مثلا....... شوف منو بيوقع..... ما يهمني احد ......و على ابوي
يومين يزعل و بيرضى عادي.....
يهز راسه فهد : منو بيغصبج ...... انت حره ....... نحن بنسوي التحاليل و انت فكري على مهلج
شموو: لا و الله قص علي ..... ما راح احلل .....
شموو تشوف الطريق غير .....كملت: فهد ارجع .... ترا ما انساها لك .... بعد بعدني ما متريقه
فهد: و هذا المطلوب....
ضربته على كتفه : ليش تسوي فيني جي ........ اقولك ما ابى
فهد مل منها و من عنادها رفع الموبايل و دق على ابوه ....... : خذ يبه انت تفاهم معاها ......
شموو سمعت كلام ابوها و هو يقنعها على باله خايفه من الابره...... حز بخاطرها ترده و انعقد
لسانها كل الا قالته: ان شاء الله يبه
فرت الموبايل له و تكتفت و هي ماده بوز ..... فهد مسك ضحكته ... بتم صغيره بعيونه و لو تزوجت
و يابت عيال....
دق على وليد يشوف وصل و الا بعده .....
وليد بتوتر : فهد من الصبح اترياك وينك
فهد: ههههههههههه عدال شو فيك ........ الحين وصلت
وليد: وهي معاك ...!!!!؟؟؟؟؟؟؟؟
فهد: ههههههههههه اكيد معاي .... عيل انا الا بحلل بدلها يعني
وليد تنهد: كيف يبتها .......!!!!! ما عاندت
فهد: الا عاندت ...نشفت ريقي....... بس الله يخلي الوالد اقنعها ...
وليد : اوكي انا ناطر بالباركنات...
شموو: يعني لازم تزوع له كل شي.......... جان قصيت عليه و قلته طلعت لها جناحات من الفرحه
ضحك فهد: شموو انت ما تيوزين ........ يالله هذا وليد....
رجعت مدت بوز و هي تشوفه يتجدم ناحيتهم و شكله الاخ واثق وايد من عمره ...
لمحها وليد و هي ماده بوز و شكلها غصب يايه ... قال في خاطره تستاهل ... خل تذوق ....تقدم
ناحيتها بعد ما سلم على فهد
وليد : تغشي و الا لازم يعني اخبرج
شموو تمت يالسه داخل السياره بعناد .....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك