رواية تدري وش اللي يقلب فيني أوجاعي -36
شهد : طيب رائد ليه ساره ماتجي المدرسه دائماً يسألون عنها الابلات ونصرف صار لها فتره غايبه
رائد : هي تعبانه شوي
شهد : وش فيها ..؟
رائد : اوووه تعبانه وبس
وسكر بوجهها هو الي فيه مكفيه مو فاضي لشهد واسألتها
شوق : مين داق ..؟
رائد : هذي شهد بنت خالتي
شوق ماهتمت مو فاضيه تسأل ليه داقه وليه وليه الي مضايقها الحين اختها اروى وساره وحالتهم
................
في بيت ابوفارس
شهد : مدري يمه سكر بوجهي رائد
ام فارس : يوه وشفيه غريبه
شهد : مدري معصب صوته
ام فارس : اكيد فيهم شئ عيال اختي ريناد تتصل على اروى ماترد وانتي تدقين ويسكرون بوجهك واختي مقفل جوالها لا اكيد فيهم شئ قوومي يالجين دقي على شوق
لجين : لا يمه اكيد فيهم شئ لانزعجهم .. ياخبر بفلوس بكره ببلاش
ام فارس : الله يهديك
جات ريناد وعلى وجهها احلى ابتسامه باست راس امها وسلمت على لجين وشهد وجلست
لجين : وعع وش هالابتسامه ماتذكريني الا بالبقره الضاحكه
ريناد : مالت عليييك ولا غيرانه لان عندي غمازه
لجين : وععع
ريناد التفتت لامها : ويين اخوي المعرس
شهد : بدري على المعرس
ريناد : لا بس خلااص الحييين تم كل شئ ووافقة شوق مابقى الا يكتبون الكتاب
ام فارس : ايه مابقى شئ .. بس الي بقى ان بيت اختي يردون
ريناد : ليه ..؟
ام فارس : ساره ماتجي المدرسه وماترد ورائد مساعه مسكر بوجهنا واروى ماترد عليك واختي مقفل جوالها
ريناد : القى لكل واحد وحلول .. ساره يمكن تعبانه
شهد : ايه قال رائد تعبانه
ريناد : ايه تعبانه .. ورائد معصب .. وخالتي اكيد جوالها مافي شحن او خربان .. واروى اكيد جوالها مو عندها او بنتها جنى تلعب فيه
لجين : ماشاء الله لقيتي حلول
ريناد : ههههههههههههه ايه افا عليك
ام فارس : والله مدري حاسني قلبي ان اختي فيها شئ
ريناد : لامافيها الا العافيه إن شاء الله .. والله تعالوا وين فارس بجد
شهد : لحوول وين فارس ووين فارس مالت عليك وعلى فارس فارس طالع
ريناد : يووه كنت ابي اكلمه
شهد : بششنو
ريناد : مالك دخل يالملقوفه
.........................
في بيت ابوسامي
اليوم يوم خطوبة اريج وريان عاملتها اريج بيوم اكتمال القمر .. وعشان اسيل موجوده بالشرقيه
اريج لابسه فستان فوشي كت للركبه .. من فوق ضيق وبعدها تجي وردة كبيره لونها رصاصي وبعدها منفوش على خفيف وفيه كسرات الفستان للركبه ولبست كعب رصاصي زاد من طولها وقوامها ولبست اكسسوارات رصاصيه وعامله شعرها ويفي وحاطه كريم اساس على خفيف وكحل ومسكره وروج فوشي صارت كيوت وناعمه وجذابه بنعومتها وملامحها الطفوليه
كانت الخطوبه رووعه ببيتهم الكبير الفخم واقفه اريج مع صحباتها ريماس والهنوف واسيل وكل وحده وبيدها عصير ويسولفون ويضحكون
اريج : لا جد وشرايكم فيني ..؟
اسيل وهي تبوسها : قمر وربي قمممر
اريج : من ذوقك وانتي عسسل
اسيل : لا تمر احسن هههههههههههه
اريج : ههههههههه ... هنووو رمووس وشرايكم فيني
الهنوف : خطييره
ريماس : تهبلين
اريج : وااي فديتكم من ذوقكم وربي وانتو كلكم تجنون
كلهم : من ذوقك
جات ام سامي : بنات جالسين هنا بزاويه بلحالكم موجالسين مع الناس .. اريج ترى الناس جايين لك مو لي يالله قوموا جلسوا بين الناس
ابتسموا البنات وناظروا ببعض وراحوا للناس والانظار عليه وخاصتاً على اريج
اريج : اففف شوفوا الناس كلهم يناظروني
الهنوف : اكيد بيناظرونك لانك انتي العروس .. طيب انا ليه مايناظروني تراني اخت المعرس طالعوني تكفون
اريج : هههههههههههههه وربي انتي حفله بدون كيك قايلها ريان مشفوحه على الزواج
الهنوف : هههههههههههههه هذا انتي تزوجتي ليه ماتبيني اتزوج ولا حرام
اريج : لالا مو حرام
اسيل : اقول بنات تعالوا اعرفكم على اختي نوره
اريج : نوره جات ..؟
اسيل : ايييه جات
اريج : وااي فلله قوموا نسلم عليها
مشوا اسيل واريج والهنوف لنوره اما ريماس وقفت مقهوره
ريماس : ( الله ياخذك يا اسيل انتي ونوره جيتي من الكويت وجبتي الشر معك ليتك ماجيتي )
ابتسمت ابتسمه ناعمه ماتبي تبين قهرها وحقدها لاسيل
الهنوف جاتها وسحبت يدها : ريماس تعالي
ريماس سحبت يدها من يد الهنوف : لا مابي اجي وانا ماعرف نوره هذي
الهنوف : طيب انا ماعرفها مثلي مثلك وبروح اسلم عليها اخلصي تعالي
ريماس : اووه مابي اجي غصب هو اجي
الهنوف : براحتك
مشت الهنوف لاسيل واريج
نوره : ماشاء الله عليك يا اريج قمر وربي لو ان ندري ان هالقمر موجود كان خطبناك
اسيل : ههههههههههههه اقول بتخطبينها لمين لابوي
اريج : هههههههههههههههه
نوره : شخبارك اريج إن شاء الله بخير ..؟
اريج : الحمدلله تمام انتي كيفك ..؟
نوره : تمام التمام
اريج : دوم .. اعرفك الهنوف صديقتي واخت خطيبي
نوره صافحة الهنوف : هلا الهنوف .. تشرفت بمعرفتك انا نوره
الهنوف : ياهلا وغلا .. وانا اتشرف اكثر انا الهنوف اخت المعرس
نوره : ياهلا ياهلا
لميس نطت بوجهه اريج وضمتها : ارييييييييييييييييييج
اريج : شفيييك ..؟
لميس : اريييييج لاتتركيني
اريج : هههههههههههههههه مهبوله
لميس مسحت دموعها : وربي فرحانه لك
شدت اريج ضمتها للميس : للمعلوميه ترى انا مابعد اتزووج
لميس ناظرت فيها : ادري بسس مدري قربتي تروحين
اريج مسحت دموع لميس : يالله عاد لاتقلبينها دموع مردك بتتزوجين وبتروحين بعد مثلي
لميس : وييين هالنصيب وينه
اريج ضربتها على خفيف : انطمي
جات منال : اريييييييييييييييييييييييييج
اريج : وجعع لاتصارخين
منال : مبروووووووووك
اريج : تو الناس تراني مملكه منذ مبطي والحين الخطوبه
منال : ههههههههه جد الف مبرووك
وباستها وضمتها واريج مبتسمه بفرح
راحت منال وسلمت على نوره وماسلمت على صحبات اريج ككونها مسلمه عليهم
منال : شخبارك نوووره
نوره : الحمدلله انتي كيف احوالك
منال : تمام التمام
نوره : اجل رجعتي لعش العزوبيه
منال بضيقه : ايه
نوره بأرتباك : منال انا مدري
منال ببتسامه : لا لا عادي خلاص تعودت اصلاً يالله سسلام
البنات : سلالام
مشت منال ولميس جلست مع صحبات اريج
في المزرعه .. الساعه 11
ساره غمضت عيونها ونامت بتعب وكانت مثل الطفله وهي نايمه
دخل تركي وبيده اكياس حطهم بالمطبخ وجلس يناظر بساره ويتأمل بملامحها الطفوليه اخذ بطانيه من فوق وجابها لساره وغطاه فيها لكن روعه جلوس ساره الي مبين عليها الخوف
ساره : وشتبي ..؟
تركي بخوف : مابي شئ .. بس اغطيك
ساره : ابعد عني لاتغطيني شكرأ شكراً
تركي : طيب انا فوق بنام
ساره : لااا لاتنام فوق اطلع براا
تركي : ساره وشفيك ترى هذي مزرعتنا
ساره : خلاص رجعني بيتنا
تركي : ياساره وش هالكلام انا بنام فوق وماراح انزل الا لما تناديني
رن جوال ساره ورفعته بسرعه كان المتصل اختها "شوق" رنت ورنت ورنت وماردت وبعدها دق "رائد"
ساره دفنت راسها بحضنها وجلست تبكي ضغطت على زر مشغول واستمر رائد في الرن استسلمت وردت
ساره : الوو
رائد : سااره انتي وين قولي لي عشان اجي اخذك
ساره : رائد طمن امي وابوي واخواني قول لهم إني بخير
رائد : ساره اذا انتي بخير حنا مو بخير
ساره : تطمنوا لاتخافون علي انا الحمدلله بخير مبسوطه
رائد : ساره تعرض لك هذاك الشاب
ساره : لا تطمن اصلاً انا نزلت من السياره رائد قول لامي وابوي واخواني اني بخير
ام فيصل : رائد عطني الجوال بكلم ساره
رائد مد الجوال لامه وام فيصل بلهفه : سااره
ساره : يمممه
ام فيصل : بنتي ساره وينك ليه رحتي لييه
ساره : يمه لاتخافين علي تطمني انا بخير
ام فيصل : ساره حبيبتي رجعي الله يخليك
ساره : لاتخافين علي يمه انا محتاجة اجلس لحالي انا بخير
وسكرت الخط بوجهها ودفنت راسها بحضنها وجلست تبكي وتركي جلس يناظرها
تركي : ليه ماتبين ترجعين بيت اهلك ..؟
ساره : لان مابي اشوف اهلي
تركي : وليه ماتبين تشوفينهم هذيلي اهلك مهما صار مدى حزنك ومن المفروض يشاركونك بحزنك ياساره
ساره : بس انا مابي احد يواسيني مابي احد يخفف عن آلآمي
تركي : انا بطلع واذا احتجي شئ هذا التلفون وجمبه كرت فيه رقمي
طلع تركي وساره بقت بالمزرعه تبكي
......................
في بيت ابوياسر .. عيال خالة شجون وتركي
كان ياسر جالس الكنب منكسره رجله ككون الضرب الي جاه من الشباب كسر رجله رفع جواله واتصل على تركي
ياسر : الوو
تركي : هلا ياسر
ياسر : ايا الحمار يالخاين اجل توديني للمول ولكرسبي كريم وتخلي الشباب يطيحون فيني طق تروح تمشي وتخليني ولا بعد ماتدق علي
تركي : ياسر انا الي فيني مكفيني
ياسر بخوف : تركي وشفيه صوتك حزين ..؟
تركي خبره من ذاك اليوم الي الشباب تجمعوا على ساره .. وانه جلس يراقبها .. وان ركبت معه السياره .. ووداها للمزرعه ..
ياسر : انت هبل ولا مجنون تبي تبتلش معها ياشيخ قطها بأي مكان بس مزرعتكم تخيل ان ابوك جاء وشافها وش بتصرف ..؟
تركي : ماراح يجون والجو شتاء
ياسر : بس هذا عذرك
تركي : يااسر ماعلينا الحين انت وش سووا لك
ياسر : توك تسأل وش سووا لي
تركي : اخلص وش صار عليك يقولون دخلوك المستشفى
ياسر : ايه انكسرت رجلي
تركي : لاحوول ولا قوة إلا بالله
ياسر : تركي وشفيك ..؟
تركي : وش فيني مافيني شئ
ياسر : هالبنت قلبت كيانك فوق تحت
تركي : شفت عاد وانا الي كنت حاقد عليها وكنت اتوعدها واني بخطفها اول ماشفتها تغيرت كل تخطيطاتي واول ماشفت الشباب متحاولينها جن جنوني واحس بخوف عليها
ياسر : تركي انت تحبها ..؟
تركي : لو اقولك ماحبها فبكون كذاب
ياسر : انت الحين تحبها ليه متضايق طيب ..؟
تركي : حالها يا ياسر يضيق الخلق
ياسر : وانت وشدخلك فيها
تركي : الي دخلني فيها إني احبها
ياسر : تركي وشرايك نروح المول ندج هناك ومغازل
تركي : لالا مابي اروح هالحركات قررت ابطلها
ياسر : اخص من جدك تركي
تركي : ايه مو انت كنت تعصب لما نسوي هالحركات ليه الحين تبي نروح
ياسر : لا بس حالك مو عاجبني وابي افرفشك
تركي : مايفرفشني غير إني اشوف ساره بخير
ياسر : اسمها ساره
تركي : ايه
ياسر : طيب تركي انا بسكر تامر على شئ ..؟
تركي : لا سلامتك مع السلامه
سكر ياسر من تركي
ياسر : ( والله وتغيرت ياتركي جد هالبنت عملت فيك خير بس صدقني اتمنى ترجع مثل قبل ولا اشوفك متضايق والحب يعذبك )
جات اخته نجلاء وجلست جمبه
نجلاء : اخوي ياسر شخباره اليوم
ياسر : الحمدلله انتي شخبارك نجلاء وشخبار زوجك
نجلاء : دوم إن شاء الله (بضيقه) والله مدري وش اقولك ياياسر حال زوجي فهد ماتغير نفس ماهو
ياسر : يعني مابطل شرب
نجلاء : للاسف ياياسر مابطل ماعلينا وين امي ..؟
ياسر : امي رايحه بيت خالتي ام تركي
نجلاء : اهاااا
ياسر : نجلاء برجع لموضوعنا ماراح ترجعين لفهد زوجك
نجلاء : ياسر ماراح ارجع له الا لما يبطل شرب انا ماقدر اعيش حياتي مع واحد خمِار ترضى ياياسر يجي يوم من الايام لي سكران ويسوي فيني شئ
ياسر : لاطبعاً مايرضيني بس هذا ولو زوجك
نجلاء : زوجي لما يصير مثل الرجال رجعت له
ياسر : براحتك
.....................
نجلاء ~~< العمر : 25 .. متخرجه من الجامعه من سنتين .. دكتوره اطفال ..
.............
في بيت ابوتركي
ابوتركي وهو يصارخ : شجووووووووووووووووووووووووووووووووووووووووووووووو
شجون بغرفتها طاح الجوال من يدها من صراخ ابوها الي سمعته من برا الغرفه
ابوتركي فتح الباب بعصبيه وهب بوجهه شجون : اخر تربيتي لك ياشجون تتهاوشين مع بنتك عمك بالجامعه وترمينها بالمستشفى وتخلين الناس يتكلمون عننا بنت عم متطاقه مع بنت عمها بالجامعه
شجون : يبه هي متسببه
ابوتركي : شجون انتي بنتي وهذي بنت اخوي مثل بنتي .. اعرف دلال كثر ماعرفك يابنتي .. دلال اعرفها مهما كان كرهها لك مستحيل تطاق معك بالجامعه واعرفك ياشجون حقوده ولا حقدتي تسوين كل شئ عشان تطلعين القهر الي بقلبك بس صدقيني ياشجون انا ماراح اسامحك الا لما تتأدبين وتاخذين هالشئ درس لك
ونزل ابوتركي وشجون رمت نفسها بالسرير كل شئ ولا زعل ابوها الي مدلعها
شجون : ( يالله الحين اذا ابوي زعلان مني اكيد بقعد على بساط الفقر ماعندي فلوس وانا الحين ببوكي بس 100 يالله افففففففففففففففففف كله مني وهالزقه دلال إن شاء الله تموت )
ام تركي دخلت : شجون حبيبتي ابوك سوى لك شئ
شجون تتصنع البكا : ماما هاوشني وحفل فيني الارض عشان هالحماره دلال
ام تركي ضمتها : بس خلاص حبيبتي شجون لاتبكين كل شئ ولا دموع دلوعتي شجون لاتبكين يابنتي عشانها انا بكلم ابوك واخليه يجي لك ويراضيك
شجون : جد ماما
ام تركي : ايه جد وانا كم شجون عندي .. طيب حبيبتي خالتك شجون تحت وشرايك تنزلين لها
شجون : افف ماما مابي انزل لخالتي
ام تركي : ليه حبيبتي خالتك لها فتره ماشافتك ومشتاقه لك
شجون : ماما انتي تعرفين خالتي اول ماتشوفني تكلمني بموضوع ياسر الا تبيني اوافق
ام تركي ببتسامه : ياشجون ياحبيبتي وليه ماتوافقين على ياسر ياسر رجال ولد رجال ماشاء الله .. وصديق اخوك واخوك يمدحه ليه ماتوافق واذا على الجمال ماشاء الله يهبل واذا على اخلاقه اخلاقه عسل وش تبين احسن من ياسر
شجون : ماما مانتكلم بهالموضوع الحين
ام تركي : طيب براحتك بس انزلي تحت طيب
شجون : طيب
نزلت ام تركي وشجون لبست جينز ضيق اسود وتيشرت ابيض مخطط بالاسود وفيه ازارير بالوسط وفيه حزام صغير لونه اسود وفتحت شعرها وحطت قلوس وصارت ناعمه وكيوت ونزلت
كانت انظار ام ياسر على شجون الناعمه
ام ياسر : ( آآآه ياشجون لو توافقين بس على ولدي والله لامشي واعلم اللكل ان ولدي ماخذ هالقمر )
سلمت شجون على خالتها
ام ياسر : شخبارك شجون ..؟
شجون ببتسامه ناعمه : تمام انتي شخبارك خالتي وشخبار نجلا (وبتردد) وشخبار ياسر
ام ياسر : دوم إن شاءالله .. انا بخير الحمدلله .. ياسر ونجلاء بخير ولله الحمد انتي شمسويه بالدراسه
شجون : همم ماشي الحال بس الاختبارات وكذا تعرفين تعب
ام ياسر : الله يوفقك
شجون : تسلمين
ام تركي : اليوم شجون عامله حلا غير شكل ذوقيه يا ام ياسر
مدت ام تركي الحلا لام ياسر وشجون على وجهها مليون علامة استغراب
شجون ابتسمت : ( هههههههههههههه متى سويت الحلا ومتى دخلت المطبخ اصلاً )
ام ياسر : هممم لذيذ .. تسلم يدينك ياشجون
شجون : تسلمين خالتي
ام ياسر : الا اقول يا ام تركي هذا احنا ننقي لولدي ياسر بنت الحلال
ام تركي بانت على وجهها علامات الضيقه ودها ياسر لشجون
شجون بفرح : ( اففف اشوى بفتك منه )
شجون بفرح : جد خالتي الف مبرووووك
ام ياسر انقهرت من شجون واصلاً هذي كذبه منها عشان تبي تشوف شجون تبي ياسر ولالا بس للاسف ان شجون فرحت
ام ياسر : بنت الحلال الي نبيها جمبي الحين
شجون خافت : ( يووه يافرحه ماتمت ليكون انا )
ام ياسر : شجون انا ابيك لولدي
ام تركي تهلل وجهها بالفرح
ام تركي : وهذي الساعه المباركه ان ولدك ياسر ياخذ بنتي شجون
ام ياسر : الله يبارك فيك يعني نقول مبروك
ام تركي : ايه شجون موافقه صح شجون
شجون انقهرت وراحت لغرفتها وقفلت على نفسها الباب
ام ياسر : ام تركي وشفيها شجون
ام تركي : لا مافيها شئ بس اكيد خجلانه
ام ياسر : متى تبون نكتب الكتاب
ام تركي ببتسامه : ماسرع يا ام ياسر تو الناس
ام ياسر : متى ماتبي شجون يتم كل شئ
ام تركي : يصير خير
...................
في بيت ابوسامي
كان الحفل للحين ماخلص والفرحه باينه بعيون اللكل وخاصتاً اريج ككون عرسها والهنوف ككون عرس اخوها وصاحبتها
ريماس : يالله حبيبتي اريج تامريني على شئ ..؟
اريج : اووه ريماسوه ترى اليوم خطوبتي بلا استهبال بدري
ريماس : بدري من عمرك يالغلا بس والله اعذريني الساعه 11 ونصف تأخرت واجد وامي موصيتني ماتأخر عن الساعه 11 والحين تأخرت نصف ساعه
اريج : طيب الله معك ولاتقطعين
ريماس : بتجين الجامعه السبت ..؟
اريج : اكيد بجي ..
ريماس صافحة اريج والهنوف وطلعت
الهنوف : ريماس دوم تطلع اول وحده
اريج : امها تخاف عليها لانها بنتها الوحيده
الهنوف : جد ريماس بنتها الوحيده
اريج : اييه
اسيل جات للبنات : هااي وحشتكم
اريج : وين رحتي يالخايسه
اسيل : رحت دورة المياه "الله يكرمكم" اعدل ميك آبي
اريج : اخص على الميك آب اقول لاتحاولين مهما سويتي بتكونين شييفه
اسيل : انطمممي يالحماره
اريج : ههههههههههههههه امزح معك
اسيل : طيب انا بمشي بنات تامروني على شئ ..؟
اريج : اسييل لالا عاد انتي ماتقبلها منك خطوبة صديقتك وبتمشين بدري
اسيل : لا والله اريج بنمشي الكويت
اريج : من جدك اسيل بتمشون الحيين في الليل
اسيل : ايه والله ابوي دقوا عليه الشركه وقالوا إن الشغل تراكم عليهم ومحتاجين له
اريج : يالله
اسيل : خلاص اريج اول مارجع من الكويت مره ثانيه بجي لك اوكي
اريج بضيقه : طيب
اسيل ضمة اريج : ارييج يالله عاد لاتتضايقين
اريج : اسيل كيف ماتضايق وانتي صديقتي واقرب وحده لي وكم فرحتيني بجيتك خطوبتي
اسيل : وانا فرحت لك من كل قلبي وربي يا اريج اني فرحانه لك واول مارجع الخبر مره ثانيه بجي لك
اريج : طيب
ودعت اسيل اريج وطلعت واريج بقت مع الهنوف سوالف وضحك
في بيت ابوفيصل
جالسسه شوق مع اروى الي متكيه بزاويه ومتضايقه
شوق وهي حاطه يدها على كتف اروى : اروى
اروى ارتمت بأحضان شوق وبحزن : شوق لاياخذون بنتي لاياخذونها
شوق : صدقيني يا اروى ماراح ياخذوها صدقيني
اروى : كيف ماراح ياخذها والابو هو الي له الحضانه .. حرام عليهم الا الي تحمل وتتعب وتربي وبالاخير تكون احضانه للابو
شوق : اروى لاتتضايقين ولا تبكين عيشي حياتك وتفائلي إن الحضانه لك
اروى : شوق إنتي لو تحسين بمعاناتي كان ماقلتي هالكلام .. انتي يوم بس فقدتي فارس شوفي وش صار فيك .. كيف لو تفقدين بنتك
شوق :...............
اروى : يالله انا بروح انام
شوق : ارووى بدري
اروى : ماني قادره اقعد اكثر ابي انام ويجي بكره
شوق : طيب
صعدت اروى غرفتها وجلست شوق بالصاله تناظر بفلم اجنبي .. رن جوالها ورفعته بدون ماتناظر الرقم
شوق : الووو
: هلا شووق
شوق بفرح : هلا وغلا بـجوجو
جوري : وحشششتيني
شوق : توحشك برشا برشا كثر هكا وهكا
جوري : شوووشووو يقولون انخطبتي
شوق : اييييه انخطب
جوري : الف مبروووووووووووووك .. الا قولي لي يالدبه ميين الي خاطبك
شوق بتردد : فاارس ولد خالتي
جوري بفرح : والله واخيراً بتتزوجون
شوق : هههههههههههه ايه والله واخيراً
جوري : ومتى الملكه يالدبه
شوق : هممم بعد اسسبوع
جوري : اهااا طيب اعزميني هههههههههههه
شوق : ههههههههههه افا عليييك اوول وحده
جوري : طييب بس حبيت ابارك لك سسلام
شوق : سسلام
سكرت جوري من شوق وهي فرحانه ومتضايقه
جوري : ( ليه اتضايق وانا الي رفضته عشانها .. هذي صديقتي والمفروض افرح لها )
جات نجد ونطت بوجهها
نجد : الي ماخذ البال يتهنى به
جوري : نجد شوق تقدم لها فارس ووافقة والملكه بعد اسبوع
نجد : احلللفي
جوري : وقسسم
نجد : وانتي متضايقه لان فارس خطبها
جوري : لا بالعكس وربي فرحانه حدي لها وانا مارفضت الا عشانها
نجد : جووري تدرين وش امنيتي
جوري : شنوو
نجد : ان عندي صديقة مثلك اشكي لها وافضفض لها
جوري : طيب انا اختك .. اشكي لي وفضفضي لي
نجد : بس احلى لما تكون صديقتني واشكي لها وتشكي لي وتواسيني واواسيها مثك انتي وشوق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك