رواية يوميات حبي و حبه -36
جو تتضايق من اسلوبه ... هي عارفه انه يقصد ... بس تطنش....
تقرب منهم عبدالله و راسم على ويه ابتسامه ..... طيب و حليوه ...... جريء ..
عنيد....و في شوي انانيه.. الصفه الحلوه فيه .... يحب اخوه ناصر .... و يمر
باستمرار لزيارته ..... رغم بعد جامعته عن جامعة ناصر ......
عبدالله : مرحبا شباب ...........عيونه على جو........ ابي اعرف انت من وين ترقط
البنات الحلوات
ابتسمت جو له بدلع ...
طالعها احمد بنظره حاده : خلك بعيد عنها .... هاي معاي .... انت فاهم .... وقف
يسلم عليه و يهمس له .... خذها الله يخليك و فكني منها هذي عله ...
ضحك عبدالله على احمد .... دوم حركات ..... سلم لأخوه : الا وينك ما تسأل
ناصر بدون نفس : شو تبا فيني
عبدالله حاس بمشاعر ناصر اتجاه .... حاول كم مره يتقرب منه بس هو ما معطنه
ويه ...... كله من امه و تدخلها بينهم .......
حضنه : افا انت اخوي الكبير .... سندي
احمد: كل هذا الطول و تبي سند ...... حلوه ....هههههههه ...... صح جو ... و
يضربها مره ثانيه على كتفها
جو توقف معصبه: احمد بليز .... دونت بي سلي .....لا تستخف دمك
احمد: اوووووو ليكون زعلتي ......
جو: لا ... بس انا عندي محاضره .... امرك بعدين
راقبها و هي تبعد : اف عله ما بغت تروح
ناصر : خلها حقي .... و انت مو راضي
احمد: هذا و انت اونك بتبطل حركات البنات ...
عبدالله :ههههههه .... ناصر .... ما اعتقد ...... يا حبه للبنات .... طول الاجازه هو
يحن يبي يخطب ...... و ابوي رافض
ناصر : البركه بامك ..... انت الحين ما تقول بنت عمي ما تباها .... خلاص انا
اخذها.....
عبدالله ارتبك .... هو يبيها ...و محيره حقه ..... من عرف اخوه يفكر فيها بعد .....
حاول يفتح له المجال .... بس ابوه رافض........
ناصر : ليكون تحبها و تبيها .......... خلاص اخذ بنت خالي عيل
عبدالله يبتسم : يعني انت ما فرقت عندك بنت عمي و الا خالك ......
ناصر و يمعن النظر باخوه : هي ما فرقت ....... شكلك الا تحبها مو .....
حاول يتجنب عيون اخوه و يغير الموضوع : الا احمد شو سالفت جو.....
احمد يشيل كتبه : عله على قلبي .... خل ناصر يحكي لك السالفه ... انا عندي
محاضره .....
عبدالله حاول يسحب الحجي من ناصر ..... لما اندمج معاه و صار يسولف و يعلمه
بسالفة جو ....
الجزء 37
يوم يديد في اخر اسبوع للبنات ............ الهدوء الا بالسياره بين شموو و فهد مسوي جو متوتر .... شموو ما تبي تعطي فهد فرصه و يقلب الموضوع عليها .... كفايه الا هي فيه ........ وفهد قرر يترك الموضوع كله لوليد يحله ..... خلاص الموضوع مصخ........
اتلاقا مع مها و مشو الثلاثه بهدوء .....
بالاخير تقرب فهد من مها و مسك ايدها .....
ضحكت شموو: من الاول بدل حركاتكم النص كم .... كل واحد نافخ صدره على الفاضي
ابتسم فهد: سيري مكتبج ....... اكيد وليد هناك
شموو مو مستعده حاليا لمواجهته .... يبست بمكانها
ضحك فهد : صدقت ........... الا بيقول بياكلج يعني
شموو بضيق : فهد مالي بارض لسخافتك ...........
مها غامضتنها شموو و عارفه مشاعرها الحين : عطها وقت تفكر براحتها ...
فهد لف يشوفها ...: اخيرا رمستي ..... و الا لازم اقعد اهزء بشموو عسب تردين.... لهذي الدرجه تحبيها....
شموو تتخصر: لا و الله ليكون مو عايبك .....
فهد: شموو سيري مكتبج ليش واقفه هني ......
شموو تطالع مكتبها خايفه وليد صدق داخل ينطرها : ما ابي .... مها تعالي معاي
مها تضحك : يعني وجودي بيمنع وليد ......
شموو ضربت بريلها بقوه على الارض: اف منكم تقهرون ...... وراحت بسرعه لمكتبها
تنهدت لما عرفت انه مش موجود .... حطت اغراضها و بدت تضيع افكارها و تحاول تركز........
.................................................. .......................
كلها نص ساعه و حست بوجوده معاها بالمكتب من غير ما ترفع راسها .... طنشت و عملت نفسها تكمل شغلها و مو منتبه .............. هو واقف متساند على الباب يراقبها بصمت .......... شاف رجفت ايدها و اخيرا حطت القلم بقوه و رفعت راسها تطالعه .............. نظراتها كلها غضب و قهر و شي ثاني ما يبي يعترف فيه .....كره........ تقرب منها ببطء و قعد على اقرب كرسي لها .......
بعد صمت طويل كل واحد منهم يطالع الثاني من غير ما ينطق: تفضلي ...... عندي لج امانه .......... و مد ايده لها بالدبله
شموو تفاجأت ....... هذا ما ييأس .... ليش مصر على هذي المهزله ...رفضت تمد ايدها ......
وليد: مو لازم تلبسيها ...... كلها يومين و ترجعين تفسخيها مره ثانيه
صدق انقهرت موت منه ....: عيل ليش ياي
وليد : سبق و خبرتج خل ننهي الموضوع بطريقه ترضى الطرفين
شموو: وليد خلاص الموضوع منتهي ........ شو تبى ... تقلب المواجع .... يخي خلاص ارحمني
سكت وليد يفكر بعمق ....... و يدرس ملامح ويها .... معقوله قلبت علي بهذي الطريقه .... كنت دايما احس بمشاعرها .................ليش تغيرت
وليد : شو الا غيرج ...
شموو سكتت ما عرفت بشو ترد او ما تبي ترد
كمل: انت ليش ما تفهمين امي متعلقه فيج بطريقه صعب علي افاتحها بالموضوع ... تبيني اخذ لها الدبله و اقولها شموو فسخت الخطوبه
شموو تفكر: انت الغلطان من الاول سوي احساب هذا اليوم
وليد: خلاص سيري انت و خبريها و فهميها ....... و بالمره خبريها انج شفتيني مع وحده .....
شموو: تطنز حضرتك ..........و تبي تفهمني الحين كل اهتمامك خالتي بس ......
وليد : عيل شو على بالج .......... ذايب بحبج مثلا
وقفت بطريقه مفاجأه له ...: وليد قوم اطلع برع ... قبل لأسوي لك مشكله و فضيحه
وليد بنفس اسلوبها : مو قبل ما تاخذينها ..... و هو ياشر على الدبله
مدت ايدها و تاخذها منه بالقوه : هاتها اذا على الدبله بتم بالشنطه لما تفكني منها و منك
وليد يبتسم : انت متاكده تبين الفكه مني؟؟؟؟؟!!!!!!!!!!
شموو بقهر و عصبيه: اي ....... وليد ترا ناويه لك على نيه سوده.... ابعد عن طريقي احسن لك
يتطنز عليها : لا و الله رويني شو هي نيتج السوده ..... شو ممكن تسوين اكثر من صراخ
شموو: انا ارويك و الله لأخليك تندم ....طلعت ركض من مكتبها تبي تبعد .... كارهتنه و كاره كل شي فيه .... نظراته و ثقته الكبيره بعمره .... و الله لأرويك يا وليد الزفت....
.................................................. ............................
مها ما زالت متوتره و من وضعها مع فهد ... هو صح اليوم كان غير ... بس بعد في حواجز لازم نزيحها ...
وقفت تبي تروح له ... استوقفها صوت شموو لفت تشوف كانت طالعه ركض .... فكرت وين سايره هذي .... طلقائي لحقتها .....
شموو من الغيظ الا فيها ما كانت حاسه بعمرها ... خلاص ملت منه .... توجهة على طول للحمام ..... تساندت على المغسله تنافخ
دشت بعدها مها: شموو شو بلاج تركضين جي...
شموو بضيق : و الله احسه واقف لي هني ...و هي تاشر لبلعومها .... مثل العظم الا في بالعوم
مها تحط ايدها على كتف شموو: حبيبتي .... خلاص مو انتهي الموضوع
شموو: اي انتهى ياي يرجع لي الدبله ...... و غصب ......
تمشي رايحه و راده في الحمام بتوتر و كملت..........تخيلي هل مره يتحجج بخالتي .... قهرني موووووت
مها: و الله ما عرفت لج .... انت تبيه و هو بعد ....... شو يمنع....
قاطعتها شموو بسرعه : بعد ما شفته معاها .... و بعد الا قاله بالمكتب و الله لأرويه شغل الله
مها : حبيبتي اهدي عسب تعرفي تفكرين زين
تطلع موبايلها من جيبها و تتصل لخالتها ...: الو هلا حبيبتي .... عندي لج خبر بمليون .... شو بشارتي ................ خلاص قررنا نملج ....هههههههههههه اكيد .....الله يبارك فيج .... اوكي اخليج الحين .....
مها شهقت بقوه و تمت تطالع شموو كأنها وحده خبله صرخت فيها : انت خبله
شموو: خل يتربى .... بشوف شو راح يسوي ....
مها تهز راسها: انت صدق خبله .... راح تربطيه فيج غصب
شموو بعصبيه : خله احسن ........... المهم احرمه منها .... و راح اوصل لها الخبر بروحي
مها : انت مو صاحيه .....
شموو: مهووو ..... بس خل يعرف اني مو سهله يلعب معاي على كيفه .... خل يتربى............... سكتت تاخذ نفس بقوه ........... بعدين راح ااجل الملجه ... و انتهي من الموضوع بكبره
مها: شموو حرام و خالتج
شموو تهز كتفها : عادي بملج ....... بنشف ريقه و بعدها بتطلق
مها: لا صدق انت مو صاحيه اليوم ....... شو بلاج ... في احد يخطط يتطلق قبل العرس ....
شموو: شو عرفج يمكن يتمسك فيني و يطنشها ...
مها : خل عنج ..... انت اليوم خبله رسمي .......... تبتسم مها .... اتخيل شكله لما يعرف ...ههههههه
ابتسمت شموو: احسن .... و الله لأضحك عليه و اضحك العالم بعد .....
كملت بسرعه : قومي خل اروح و الله عندي شغل هل كثر .... و تاشر بايدها ....
مها: يالله مشينا
وقبل لتروح لمكتبها : شو تقولين ان قلت انه بعده داخل و ما طلع
مها : اصدق ... يالله ادخلي المعركه بقوه
شموو : الله يستر ....
تقدمت ببطء لمكتبها ... وقفت تطالع فيه ... و هو بعد.... يراقب الباب متى ترجع ... ما كان يبي ينرفزها بهذي الطريقه ... بس هي دوووووم تعصب فيه ... و يقول اشياء مو قاصدها
سارت لمكتبها و يلست مطنشتنه ...... و من غير ما تقول حرف .... سمعته يقول: احسن شي فيج تهدين بسرعه .... و اخس شي تعصبين بسرعه
شموو تمت تطالعه و في عيونها نظره ... قهرته ... ما يحب هذي النظره عارف وراها شي....
انحني جهتها و قال : شو ورا هذي النظره ..... اكيد ناويه على شي و الا يمكن مسويه شي ... جايد ...
شموو بابتسامه حلوه : امممممممممممم .... ما توقعتك بهذا الذكاء
عقد حواجبه و قعد يفكر ....: قولي باختصار شو سويتي
شموو تهز كتفها : منو انا ...... و لا شي ..... ممكن الحين تخليني عندي شغل
وليد : اوكي .... مصيري بعرف .....
طلع و تفكيره مشغول .... شو سوت خلها ترجع تبتسم ... و الله ينخاف منها هذي شموو....
.................................................. .............................
بلاد الغربه
عبدالله انتقل للعيش مع اخوه ناصر ... رغم معارضته الا انه قدر يقنعه...
عبدالله : بصراحه ما توقعتكم بهذي الاخلاق .....
احمد و هو يرشف من عصيره : اي اخلاق
هز كتفه بغرور: هذي ....... يعني وايد مأدبين ..... لا بنات و لا بيره ..... بصراحه انصدمت
ناصر من ورا خاطره : ليش يعني ....
عبدالله : كنت خايف على عمري ... و اخترب شراتكم .... بس الحين اخاف انتوا الا تختربون .....
احمد ضحك: ليش ع شو ناوي ....
رد : داخل ببنت و طالع ببنت ...
ناصر عصب: و انا ما اقولك حاقد على مثل امه ........ انا ما صدقت اترك هذي البلاوي ... تيي انت بكل بساطه تبي.............
قاطعاه عبدالله بسرعه : يخي امزح انت دوم جي نار .... ما اروم اقول كلمه الا قلبت علي ..... الا يقول عديلتك....
احمد ضحك لتشبيه ...: حلوه .... هات ثانيه
عبدالله ابتسم .... رغم جرح اخوه له ............ تحرك يبي يطلع : مره ثانيه ..... بروح اشوف الربع ....
ناصر يتطنز : و ابتعد عن البنات ما اوصيك
طنشه عبدالله .... هو تعود على اسلوب ناصر معاه ..... اشتاق لناصر الاولاني .....هو قرر يعيش هني معاه بس علشان يستعيد اخوه .....و ناصر مو معطنه مجال ابدا.....
احمد : يخي ارحمه ... واقف عليه على كل كلمه
ناصر: خل يولي .... مو كفايه ياي يسكن معاي .... اكيد امه مطرشتنه عسب يراقبني
احمد : انت مو صاحي ....
ناصر : قاهرني ... يضحك و يسولف .... و انا ميت قهر
احمد : من شو ميت قهر ....
ناصر : ليش ابوي يبديه علي
احمد: انت قلت ابوك ... يعني مو هو ...
ناصر: كل من امه السوسه
احمد: لا اله الا الله ... كل هذا عسب ما زوجوك بنت عمك ..... ترا اخوك يبيها .... انت الا راز فيسك
ناصر: لا ما يبيها بس عناد فيني... سكت يفكر ....... اذا يبيها بيقول
احمد : و انت عطيته فرصه .... اكيد لما عرف برغبتك فيها هو بعد
ناصر: لا تطلعه طيب .... و انا شرير
احمد: الا انت الشرير...
ناصر سكت يفكر .... بكلامه ..... معقوله يبيها .... وليش ما قال .... ادور وحده ثانيه بدل اضيع وقت ..... عسب جي ابوي رفض يزوجني .... لو وحده ثانيه بيوافق ...
احمد: وين سرت
ناصر: خل نروح مكان ناكل لنا شي.... ميت جوع
احمد : و اخوك ...
ناصر بملل: شو فيه ... ليكون بعد بحاتي اكله ..... شو رايك اييب له وجبه اطفال
احمد: ههههههههههه اتخيل شكله ....هههههه
عبدالله .... نزل ضايق خلقه من اخوه .... بس حاول يتناسي بسهوله .. مشي شوي يفكر... لو كل كلمه و الثانيه بقولي شي بطلع ... عيل ارجع شقتي ابرك لي....و هو يبي يصلح علاقته باخوه .... رجع لهم الشقه و هو شال بايده العشا....
.................................................. ......................................
فهد طلع و شافها مندمجه بشغلها ....: الا وينج من ربع ساعه
مها رفعت راسها تطالعه : امممممممممممم مع شموو
تم يطالعها .... ابتسمت له برقه ... اشتاق لها وايد قال : الا ما غيرتي رايج بخصوص السياره
هزت مها راسها بلا......
طالعاها منقهر .: كيفج ...... و مشى لشموو ......
حست بعمرها انها غلطت لما ردت له ... لو سكتت احسن.......... لحقته ......
دخل فهد لشموو و اتساند على الباب : الا شو هذي الاخبار الا سمعتها
رفعت راسها شموو : اي اخبار .............
فهد حس بمها بحذاله ... طنشها : امي توها داقه تخبرني عن ملجتج ........ و انا اخر من يعلم .....
شموو وقفت بسرعه ... ما توقعت الموضوع يوصله بهذي السرعه .... عيل لو وليد درى الحين شو بسوي فيني ....!!!!!!
تقدمت منه : فهوووود حبيبي لا تعلم وليد بليز
فهد مستغرب منها : ليش ....... بعد ما تبيني ابارك له
شموو: على شووو ........... و هي تطالع مها تبي تساعدها .......كملت ...فهود حبيبي انا اخترعت هذا الشي .....
فهد يطالعها مره و مره مها : ما فهمت
شموو: قهرني .... ياي يرجع الدبله غصب .... يخي شو يبي فيني خل يتركني بحالي
فهد تقريبا فهم عليها : و انت علشان تقهريه خبرتي خالتي بالملجه
شموو كانت متوتره و خايفه من ردت فعله .....: عسب يعرف انه ما يقدر يلعب على بكيفه ... انا بعد اقدر .......
قاطعاها فهد معصب : انت خبله و الا خبله ...... في احد عاقل يلعب بهذي السوالف
مها خافت ليتهور ..حطت ايدها على ذراعه ... تحاول تهدي فيه ....التفت عليها و صرخ فيها : انت بعد معاها مو .......!!!!!!
مها متوتره : و انا شو علي .....
شموو بسرعه : مها مالها خص ......
فهد : تنكرين انج تعرفين بالموضوع .... ها ردي
مها تركت ايده بسرعه و كأنها كهربا ..... و ما ردت لفت تبي تطلع .... مسكها من ايدها بقوه ....: انا بعدي ما خلصت كلامي ......
شموو تحاول تهدي من الوضع : فهد هي الحين شو عليها ...... انا فكرت و قررت و نفذت .... هي ما يخصها ... بعد اليوم لما ارد احل المشكله ..... و لا يهمك ...... بس لا تعلم وليد شي
فهد : و الله العظيم يا شموو اذ سويتي مشاكل ......
سكتته بسرعه : فهد لا تعقد الموضوع........ شو مشاكله .... نغزه لوليد وبس.... وبعد انت تعرف انه ممكن يسوي لي مشكله كبير هني .....
فهد : خلاص ..... بس مالي خص .... تحملي نتايج تصرفاتج بروحج .....
ترك ايد مها و طلع .......
مها فركت مكان ايده بقوه و توتر: انا الصراحه ما اعرف كيف تييج الجرئه و تعصبين فيه .... و الله شكله يخرع
شموو: هههههههه ما شفتي شي عيل ....!!!! تعالي اليوم بيتنا لما يعرف وليد ..... شكلي بنذبح .....
مها : خبله انا ... و الا بايعه عمري ... خليني بعيده ابرك لي......اف ... شموو ... و الله خايفه ارجع المكتب ... بيطلع حرته كلها فيني
شموو: يالجبانه ..... تصرفي ... صدق ما توقعتج جي
مها: شو اسوي ... ما تعودت احد يصرخ علي ....
شموو: مهووو ترا تقهرين ... طنشيه ..... و الله ليركض وراج ..... و الا نسيتي كلامج ....
مها رغم توترها و خوفها من مواجهته الا انها مشت بكل ثقه للمكتب ..... لاقته ناطرنها .... حست بدقات قلبها تدق بسرعه .... ما تحب تشوفه معصب ... يخوف...
شجعت عمرها ووقفت بويه .....
شاف توترها من عيونها رغم الا تحاول تبينه من برود و شجاعه ..... ابتسم
قال : تعالي المكتب
ردت بسرعه و عناد : لا شكرا ..... عندي شغل وايد
كملت طريجها لمكتبها .... زخها من ايدها بقوه ...
قال من بين اسنانه : لا بتيين .... و بعد انا ما تعودت احد يطنشني و يروح ....
مها بصوت واطي: مو كأنك تبالغ شوي برد فعلك ...... شو فيك علي
تلفت حوالينه و رفع حاجب واحد : تبين ترمسين هني ....
مها تنهدة: فهد شو في .... انت ليش معصب منى انا ما سويت شي .....
مل منها و عنادها سحبها معاه للمكتب.......
وقبل لا يقول اي كلمه ... بدأت الهجوم: اذا بتغلط على ترا ما راح اسكت لك ..... و بعد منو عطاك الحق تصرخ على جدام شموو
فهد ضحك عليها ....: لا و الله يديده هذي ..... نسيتي اني زوجج
مها: لا .... بعد ما لك حق تعصب علي جي......
تنهد فهد : الاقيها منج و الا من ذيك الخبله ...... قعدي ابيج بموضوع ثاني ......
مها فركت ايدها ببعض و ترددت تقعد .... لما شافت نظراته يلست على طول ...
قعد مقابل لها ... يتاملها من راسها الى ريلها و كأنه اول مره يشوفها .... اخيرا سالها عن اخر يوم لها عسب حجز العرس و اي صاله ......................الخ
مها بالبدايه تجاوبه بهدوء ... و قبل لا تطلع قالت بهدوء: مو كأنك متأخر وايد عن هذي الاسأله .... لو ترييت شو بعد .... يمكن نسوي عرس جماعي مع شموو و وليد
حس فيها تطنز عليه ..... اف هذول الحريم ما يعيبهم شي ابد ..... اذا حجزت بسرعه حشرونا و اذا تاخرت هم حشرونا ....
قال ببرود: كأنه مو عايبج
مها بنفس اسلوبه .: الا عايبني .... و انا اقدر اقول شي..... كملت طريجها للباب ... سمعته يقول بصوت بارد و غريب كش له شعر جسمها كله ......
: لو تبين تاجلينه ما عندي مانع ..... و لو السنه اليايه
كان يبي يبين لها عدم اهتمامه و يشوف ردت فعلها ....و لما سمع ردها تفاجأ.... بعمره ما تخيل انها ممكن يوصل الموضوع الى هني....
قالت بسرعه و بعصبيه : ليش ما تلغيه و تريح عمرك مو احسن لي ولك.....
ما خافت و لا اهتمت لردت فعله .... باين انه عصب و من الخاطر ....
تقرب منها بسرعه و مسكها من ذراعها بقوه : احلمي .... و العرس بالموعد الا راح احدده ........ انت فاهمه ....
مها : فهد بليز ........ فكر زين ....... بلاها لعبت الاعصاب هذي
فهد مستغرب منها و من كلامها : لهذي الدرجه مو واثقه فيني ....
مها حاولت تمسك دموعها : مو قصدي ....... بس شوف اسلوبك كيف صاير ..... و كل يوم و الثاني مأجل العرس ... شو صار عليك
فهد ما تحمل يشوف دموعها المتجمعه في عيونها ... يرها لحضنه .... و حضنها ....
اخيرا حست انها رجعت لمكانها الطبيعي بين احضانه .... اما فهد حس بغبائه كل هذي الفتره و اليومين الا بعد فيها عنها ..... عساها ما تثق فيني ... المهم تتم بحضني و تحت عيني .....
.................................................. .......................................
وليد يالس طول الوقت بدون موبايل و كأنه مقطوع من شيره و مكانه غلط ...... ندمان انه وعدها ما يشيل الموبايل طول ما هي موجوده هني ....... يفكر ..... اف شو بلاني في وحده خبله و غبيه مثل شموو......... انتبه لتعليقات الشباب
فيصل : الا بعض الناس بدون موبايل صراحه قويه
مهند : هههههههههههههه و منو هذا ....!!! اذا بابو عنده ....
فيصل يضحك بستهزاء : ههههههههه و الله الله يستر عليه .....
مهند و احمد ضحكوا .... اما عزووووه ماسكه عمرها ....
وليد : عادي .... ضحكوا .... بييكم الدور
احمد : و الله سنعه و بنت ابوها ..... قدرت عليك
وليد عصب : احمد شو قدرت عليك بحرب نحن ...!!!!!
فيصل : لا ابد ........... على ما اذكر ما مر عليكم يوم الا بضرابه ....
وليد: شباب لو سمحتوا سكروا الموضوع .......
رجع يحاول يركز على شغله .... باله كله معاها .... بردت فعلها الصبح و كيف عصبت .... و لشو تخطط ..... و الله قلبي ما كلني .....
طلع وقت الغدا بسرعه قبلها و سار لها المكتب .... لقاها ترتب ملفاتها ..... و اول ما رفعت عيونها التقت بعيونه ..... شاف توترها و اشاء وايد ما فهمها ....
قال بصوت هادي .... هزها من اعماقها : بعدج زعلانه
شموو يلست ... حست بريلها ما تروم تشيلها ...كيف له قدره غريبه يقلب مشاعرها بهذي الطريقه .....
قالت : و ليش ازعل ....... انت لك حياتك الخاصه و انا بعد
وليد : شو قصدج
شموو: مثل ما انت مصر تخطط لحياتك بروحك و انا بعد ..... و اتخيل تخطيطي .... مسكت لسانها في اخر لحظه .....
وليد : شو كملي
بابتسامه : مفاجأه .....
وليد طنش ... ما يبي يعرف هي لها هفات وايده..... تقرب منها : تعالي خل ننزل للغدا .....
شموو تبعد عمرها عنه متوتره : لا شكرا ........... انا بروح مع مها ....
وليد: شموو بلا عناد ..... يالله امشي ........ و لما شاف رفضها .... مسك معصمها و يرها بقربه ....
حس فيها بكل كيانه ... بقربها منه بهذي الطريقه و ريحت عطرها دخلت بانفاسه
توتر .... سرح بجمالها و خدودها الا احمرت ..... ابتسم
شموو حركته هذي كانت كافيه تشلها .... سمعت دقات قلبها باذونها ....... و درجة حرارة جسمها ارتفعت ...... ولما شافت ابتسامته .... مر جدام عيونها شكله بالمركز ... دفت ايده بقوه و بعدت عنه .....
قالت بصوت هي نفسها حست فيه غريب عنها : وليد لا تلعب علي ..... انا مو قد لعبك هذا .... و انت تحبها .... فسر لي وجودك الحين معاي ......
وليد يحاول يلم مشاعره و يركز معاها: شموو بلا عبط .... انت غير
شموو بعصبيه : شو غير ........ فهمني
وليد : شموو و بعدين معاج ...... خل ننزل
شموو بعناد و ماده بوزها : ما ابي ........ روح بروحك ... و الا كل شي عندك غصب .....
يلس على الكرسي المجابل لها ....: اوكي براحتج ...... خل اموت يوع
شموو: هاهاها ... تنكت ........ طول و عرض تموت يوع
يرد عليها بلهجه لها معني : ليش منو مخلني ارقد و الا اكل مثل الاوادم....
شموو تتجاهل الا يبي يلمح له : و الا ماخذ عقلك ........ عساه المو..........
وليد بعصبيه : شمووو و لا كلمه زياه انت فاهمه .......
كمل و هو يوقف : لج طريقه عجيبه تقلبين فيها مزاجي ..... و ساعات احس اني ابي اذبحج و اريح عمري....
طلع ..... تمت تراقبه و هو طالع ...... عيل لما تعرف شو سويت شو بسوي ..... اكيد رايحه فيها رايحه.......... تنهدة بقوه .... و طلعت تدور ع مها
.................................................. ......................
شافت بطريقها هاله ..... حبت تغلس عليها من زمان عنها
شموو: ازيك مدام هاله
هزت هاله كتفها بقوه : هو انت مبتفهميش انا انسه
شموو: اووووو نسيت ... بعد ليش تعصبين .... مو ذنبي اذا شكلج وحده متزوجه و عيوز
هاله : اي هو ده........... انا مش عارفه انت بتكرهيني ليه ...؟؟؟
شموو: افا ... انا اكرهج ............. الا ما تنزلين لي من زور.....بعد تعالي على كل حركاتج و تفصخج تبيني احبج ........... لا و الله احلمي.....
بنفس الوقت الا مروا فيه فهد ومها و يضحكون عليها ...
فهد : عادت ريما لعادتها القديمه
التفتت لهم شموو: اوووووو و الله و اطورنا ..... اشوف تصالحتم .... عقبالي يا رب
فهد: انت بروحج شريه ... و تختلقين المشاكل على الفاضي
شموو: لا و الله ..... عيل اشوفه قاعد مع وحده اصفق له ......
فهد : و الا سويتيه اليوم شو اسمه
شموو: اووووووووووو فهد و الا يرحم والديك ..... بروحي ابي انسى الا سويته
فهد يكلم مها: الا انت كيف مستحملتنها .... اختي و ساعات ابي افرها من الدريشه ..
مها تتقرب من شموو : حرام ... و انا مالي غنى عنها ..... و هي تدافع عن عمرها بس
فهد : انا انسحب .... مدام انتوا الاثنين اجتمعتوا ... ما اقدر لكم .....
مها تتلفت تدور هاله ..: الا وين سارت .... و الله ضحكتيني .... ليش تسبلين فيها ...
شموو: بس تقهر ... خل نروح ميته يوع...
كملت .: تدرين يا وليد المكتب
مها تلتفت لها : شو يبي ... ليكون عرف
شموو: تضنين لو عرف بتحصليني سليمه و الله ليكسرني
مها: يقدر هو عسى ايده القص
شموو: مهووووووو ما اسمح لج
تدفها مها بقوه : سيري لاه خل ينفعج....
شموو: مهووو و الله ايدج قويه .... اف عورتيني...
مها : تستاهلين و الله ما اعرف كيف تفكرين .... انت اليوم صدق مو صاحيه ...
شموو: انا و الا انت........ شو سويتي خليتي فهد يراضيج ....
مها انحرجت : شموو عن المصاخه
شموو: اوووه احمرت ..... يعني رديتوا لحركاتكم ....... الا صدق شو سويتي...
مها : بخجل مالج دعوه
شموو: الحين ما لي دعوه ها ..... ليكون رفعتي عباتج و طلعتي نص ساقج و هو اكيد تخبل .....
مها دفتها مره ثانيه : انت صدق ما تستحين ...
ضحكت عليها شموو من خاطرها .... : شوفي شكلج
دخلوا الكفتريا و شموو ناقعه ضحك تبي تمسك عمرها ما قادره .... سارت للبنات و حكت لهم السالفه و الكل يضحك و مها مره تضرب هذي و مره هاذيك
.................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك