رواية يوميات حبي و حبه -34
خبرتني او ما تركتني بروحي ..... تحاول تهدي من عمرها ... و تفكر ... و الله يا شموو و طلع لج بعد
نظر .... تذكر نصيحتها ... لا تنجرفين مع اخوي.... هو صح اخوي على عيني و راسي بس يبقى
ريال ... البنت حلاتها يوم دخلتها .... و الحمد الله سمعت كلمها .....قامت صلت لربها ركعتين شكر ...
انها ما انجرفت بمشاعرها معاه ... و الا شو ممكن يستوي ....
.................................................. .....................
شموو بوادي ثاني .... يالسه بالحديقه مع وليد ... صاير لزقه ..... ههههههههه........ طول الوقت
ضحك و هواش و مشادات بالحوار ....
وليد : شموو لو سمحتي ابي ماي
شموو: سير يب لك يعني انت غريب
وليد : عن المصاخه ... قومي اقولج ... و الا افرج بهذا .... ياشر ع الموبايل
شموو: عيل عناد ما بقوم فرني فيه احسن خل يتكسر....
وليد بصوت عالي : خالتي
نقزت شموو بسرعه : اف خلاص اروح اييب لك
راقبها و هي تقوم برشاقه و تمشي بدلع لما غابت عن عينه .... يحب دلعها و خفت دمها رغم
ساعات ينقهر منها و من تلقائيتها الا مخليه اي احد تلتقي فيه مثل اخوها .. هز موبايله ... حاطنه
على الهزاز عسب اذا سوت نوره ما تخرب عليه مزاج شموو. رد بصوت واطي: هلا حبي
نوره تعاتب : وينك ما صرت اسمع صوتك مثل قبل ....
وليد يراقب شموو ما يبيها تشوفه يرمسها: حبي انا مشغول الحين .... ارد البيت ادق لج ... اوكي و
باس الموبايل و نزله بسرعه ....
شموو شافته يبوس الموبايل .... رغم القهر الا فيها ... عملت نفسها ما شافت شي و لا منتبه
لشي .... عطته كوب الماي و يلست بهدوء......
سالته : شفت فهد
يهز راسه بالنفي: ليش شو فيه
شموو: ما اعرف احسه معصب ..... و كأن الجو متوتر شوي بالداخل ... و انا قاعده معاك .. و لا
ادري بالدنيا
ضحك و طالعها بنظره حست برجفه بجسمها كله : و انا شوي بالنسبه لج....
شموو سيطرت على انفعالاتها .... لأنها تعرف انه هو الاولاني ما تغير ... بعده على حبه الجديم .....
و كلها كم يوم و يفسخ الخطوبه و لازم ما اجاريه بالا الحين يسويه لأني الخسرانه الوحيده من هذا
كله ......
قامت : سير لاه ... من زينك.. كل الا فيك طويل هبيل
وليد يعقد حواجبه : شو هبيل هذي بعد
شموو : اهبل .... ما تعرف شو يعني اهبل..
يعمل نفسه معصب : شموووووووووووووو
ضحكت له بطنازه : هاهاهاها ... انصدمت اكيد اول وحده تقولها لك بويهك مو ....
قام لحقها لعند العصافير ..... : انت دوم لسانج طويل....
قالت بدلع : و يقطر عسل ..... سكتت تشوف العصافير............
قالت بسرحان : بعطيهم لأولاد فهود و مهوو ....
وليد: لا تحلمين وايد .... هذا النوع ما يطول
شموو: عادي اشتري غيرهم .... التفت له ... وليد احس في شي صاير فهد مو طبيعي .... سير
شوفه
وليد: شموو لا تبالغين ..... وين يعني بلقاه الحين
شموو: سير البحر اكيد هو هناك
استغرب منها كيف تعرف .... كملت : لا تطالعني جي .... كل مره يتضايق يسير البحر.... هز
موبايله ... شاف رقم نوره ... حاول يبين انه عادي ... هذي(نوره) ما تفهم ... اكره الحاحها....
شموو تابعت حركاته : وليد .... شو الا تغير دوم ترد عليها و انا موجوده يعني الحين غير .......... ما
يهمني تكلمها او لا .... لأنك ببساطه تحبها هي .....انا الا طلبته منك ما تجاهر بهذا الحب و الكل
يعرف اني خطيبتك .... يعني تحافظ على كرامتي ... بس...
ركز نظره بعيونها ... يعني تحاول تفهمني انها مو مهتمه : يعني ما يهمج ....
قاطعته بسرعه: اي ما يهمني .....
تحاول تبين له كبريائها و انه شخص عادي بحياتها ....و هذا قهره ... هو حاليا حاير بينها و بين حبه
لنوره .... لازم ياخذ قراره بسرعه .....
لفت تشوف العصافير : تعرف يمكن اخليهم لأولادي ..... هههههههههه .... يا خوفي يطلعون شريين
مثلي لما كنت صغيره و يذبحونهم كلهم ....
ابتسم و هو يتذكر ... كانت تمسك الحمام من رقبته و تضغط عليه بقوه لما يموت ..: بعد تو الناس ....
شموو: شو تو الناس .... متى يعني تبيني اعرس لما اعنس...... اسبوع و اخلص تدريب و بعدين
اسبوعين دراسه و بعدها امتحانات و اخر شي النتيجه ... كلها شهر ... و يا ويلك تسوي عرسك ايام
امتحاناتي .... خله بعد بشهر او اثنين ... يمكن نسوي عرس جماعي ....
وليد تضايق تتكلم عن عرسه عادي و لا كانها مهتمه و لا و عن عرسها بعد .... مب متخيل انها راح
تكون لأحد ثاني .... و عرس جماعي .... مسكها من ذراعها ....
وليد: شموو لا يكون تيبين سيرت عرس و خرابيط ... و الله تقهريني...
ردت بهدوء غير عن المشاعر الا تحسها : مو هذا الا راح يصير
ما رد و عيونه قالت لا ... و اشياء ثانيه قرتها عيونها و رفض عقلها يستوعبها ... قال بهمس : تبين
الصدق ما اتخيلج تكونين لغيري
شموو حست بعمرها طايره من الفرح اخيرا بدا يحس و لا ويتكلم بعد .... هي مصدقتنه ... لأنه
عيونه تقول نفس الكلام .... ابتسمت برقه و هو بعد ... ما كان يحتاج احد يتكلم ....
قطع عليهم صوت سياره ... لفوا الاثنين بسرعه .... شافوا فهد نازل و يقفل باب السياره بقوه ...
شموو خافت من شكله : يا رب استر شو صاير
تقدمت ناحيه فهد و هي تناديه و وليد وراها .: فهد .... شو فيك ..... شو صاير
رد بقوه: يعني ما كلمتي ربيعتج ؟؟؟؟؟؟؟؟
شموو صدق خافت سألت بتردد: مها شو فيها....
رد بنفس الطريقه: سيري اساليها ..... و ليش تتعبين عمرج موبايلها مغلق ...
شموو تحركت بسرعه : مو لازم موبايلها انا اسير لها الحين....
تركها فهد و سار غرفته .....
وليد مسكها من ذراعها : شموو باين الموضوع ... انهم اختلفوا و خلاف كبير ... لا تدخلين فيه ...
خليهم بروحهم يحلون مشاكلهم...بعد الوقت متاخر ... شو تروحين الحين بيت الناس...
شموو سكتت تفكر معاه حق ... و مها بروحها بدق لها بتخبرها السالفه ....
.................................................. .................................
فهد ما رقد الليل فكرت مها ما تثق فيه مأرقتنه و هي الا معكره مزاجه ..... حاول يدق لها كم مره
و هي مغلقه موبايلها ...... و شكل شموو ما عرفت بالموضوع ... و لا والله تشب نار بالبيت .....
مها تحاول تقلب الموضوع من كل جهه ... شو سبب تغير فهد بهذي الطريقه ... و قرار تاجيل
العرس ... كل هذي الاشياء يت مره وحده و هزتها بقوه ..... هجرها النوم هي الثانيه .....
وليد بالغصب ترك شموو و رجع البيت .... ما يبي يبعد عنها ... و خاصه بمزاجها المتعكر .... تذكر
خجلها وهو يودعها .... احمرت ..... ضحك من الخاطر عليها ... و الله ما يلق لشموو الخبله تحمر.....
تافف و هو يطنش مكالمة نوره ... بطت جبده كل شوي و تتصل ... خل تنقع .....
شموو حايره من المشاعر الا تشوفها بعيون وليد و الا يحاول يبينها لها .... تغير وايد ما عاد يصرخ
فيها ... او يرد على الموبايل ... كل اهتمامه هي .... تتذكر لما يا يطلع ... مسك ايدها و ما يبي
يتركها .... و بالاخير رفعها لشفايفه و باسها ... شموو انحرجت و فوق هذا دفته بقوه و بعدت عنه :
ولييييييييييييييييييييييييد ما تستحي ..
ضحك عليها .... كملت بعصبيه: لازم عندك خبره ..... متدرب من قبل....
صدق نقع ضحك هذي المره و ما قدر يمسك عمره .....
هو نفسه مب عارف كيف سوي هذي الحركه .... و ردت فعلها عيبته ... حلوه لما تنحرج.....
و يطول ليل عشاقنا .....................
ثاني يوم الجمعه
فهد نش من الرقاد متاخر يدوب لحق على الصلاه .... و بعدها قعد بالصاله مع امه و ابوه يناقشون
سالفة الزواج الا تاجل...... نزلت لهم شموو و هي خلقها ضايق ... تعرف ان مها فيها شي و مغلقه
موبايلها .... و البيت ما يردون
قالت بملل : صباح الخير..... وين الغدا
ردت امها: بيت خالتج بيوون يتغدون معانا
هزت راسها بهدوء...... فهد يراقبها .... اكيد ما عرفت بالسالفه و الا مستحيل تكون بهذا الهدوء.....
هو لو بايده ما يبيها تعرف الموضوع ابد.....
بعد الغدا وليد عينه على شموو.... ما شالها او انه ما قدر يبعدها...
تطنز عليه فهد : شو رايك تنتقل لبيتنا ..... امس طالع متاخر و راد لنا من نشيت من الرقاد ...... خذ
غرفة احمد و ريح عمرك من الطريج...
وليد يطالعه و على ويه ابتسامه : مو كأنك كنت جي
فهد يبتسم : ما سمعت اخر الاخبار .............. اكيد لا ..... عسب شموو ما عرفت ..
وليد باهتمام و هو يسمع نبرة فهد: شو صاير.... انت و مها مو
هز راسه باي: اجلت العرس ....
وليد حاس لأنه فهد سبق و مخبرنه : بس انت قلت بتفكر ........ يعني انت الحين واثق من قرارك
فهد : اي ..... لازم تتعلم تثق فيني....
وليد يفكر: و شموو ما عرفت لين الحين .............. حلو .... الحين بتستوي ضرابه و يقلب مزاجها
علي ..... طلعت عينك...
فهد ضحك رغم انه ما له بارض ابد ...
تقربت شموو منهم : شو تقولون .... اسرار من وراي
امها نادتها ... قالت : راجعه لكم لا تفرحون
خالتها : شموو حبيبتي تعالي هني بحذالي
شموو يلست بحذالها و هي حاسه بشي .... نظراتهم تقول جي
قالت خالتها : يمه صار لكم فتره من الخطوبه .... و انا كل مأذيه وليد ابيه يملج .... و هو الا مصر ما
يبي لما تعبت ....
شموو ساكته و ما ردت عليها .... كملت خالتها : يتحجج فيج اونج ما تبين الملجه الحين الا عقب
عرس فهد ....... و انا سكت بس ما دام عرسه تاجل .... ليش نحن ناجل بعد .... خل نتوكل
شموو فتحت عيونها على الاخر .... عرس منو تاجل ........لفت لأمها تسال: يمه عرس منو تاجل
امها : يعني ما تعرفين ان عرس اخوج تاجل ..... ما لقى حجز....
وقفت شموو بسرعه .... شو ما لقى حجز .... على منو هذا الكلام ..... سارت لأخوها تستفسر منه
قالت بدفاشه و هي داخله : فهد شو هذا الا سمعته....
اعتدل بيلسته و طالع وليد : و شو الا سمعتيه
شموو: اجلت العرس
رد : اي .... ما لقيت حجز
شموو تحط ايدها على خصرها : و انت اصلا متى سرت تدور حجز علشان ما تلاقي حجز .......ها ....
سكتت تشوف ملامحه .......كملت: فهد مو معقوله من سبب سخيف .... تتصرف بهذي الطريقه .....
في شي اسمه تفاهم و الا ما تعرف هذا المصطلح
فهد : شموو انت مو عارفه السالفه .... فلو سمحتي سكتي
شموو: خلاص فهمني ........ بعد اصرارك الا تقدم الزواج تتراجع عنه بسهوله ...... ليكون بطلت تزوج
فهد عصب منها شو قصدها يعني: شمووووووووووو
قالت بكل جرئه : ليكون ناوي تكرر حركتك السخيفه يوم الخطوبه....
وقف فجأه و سار باتجاها قال من بين اسنانه : اذا انت افكارج جي فهي ما تنلام
شموو: عطني سبب واحد مقنع ...... المسكينه ماجره فستان العرس .... كيف قدرت تاخذ مثل هذا
القرار من غير ما تشاورها ..... متى بس تبطل تفكر بعمرك متى.....
سكتت تاخذ نفس و تراقب ملامح ويه .... كلامها قوي بحقه .... هي عارفه انه مو جي .... كملت :
يعني شو تعتقد انها راح تفكر انك تحاول تبعد .... خاصة قرارك يا بعد زعل .......
وليد ساكت يسمعهم و لما شاف فهد و هو يضغط بقوه على ايده .... عرف انه يحاول يضبط اعصابه
و ما يمد ايده ..... وقف على طول وسار لها سحبها من جدامه ...
قال لها : خلاص .... سيري الحين ....
قالت بعناد : مو قبل ليخبرني ليش سوي جي
فهد بعصبيه : شموو خلج بحالج .......... فهمتي
المتها الكلمه قالت : اي الحين خلج بحالج ........ و الله لتحفى بعدين اراضيك عليها
لفت تبي تبعد تذكرت خالتها و كلامها عن الملجه
طالعت وليد و قالت بكل برود : ترا انت مو احسن عنه ..... كلكم واحد
وليد تفاجأ من انقلبها عليه .... رفض يتركها : و انا الحين شو لي بالموضوع كله
قالت : ليش تعشم خالتي بالملجه و انت عارف ان ما شي ملجه ..... توا تترجاني علشان اقدم
الموعد ....... انت شو صنفك ..... لهذي الدرجه جبان ..... تخاف تقول لها الحقيقه ........
وليد عصب : شموو سيري غرفتج ابرك لج .....
شموو: اي هذا الا تقدورن عليه .... سيري غرفتج ..... لو عندك الجرئه اليوم تخبرها بالموضوع
كله ....... و علمها عن حبك الاسطوري بعد لا تنسى.....
سارت ركض لغرفتها فيها قهر من الاثنين ..... وليد لف يشوف فهد و هو يحط ايده على شعره
بتوتر ..قال : صدق عاد عينك صابتنا بقوه بعد ...
ابتسم له فهد ....: الله يعينك صراحه ....
قال وليد و هو يفكر : تبي الصدق ...... معاها حق ما كان لازم اعشم امي على الفاضي ......
سكتوا كل واحد يفكر بحل لمشاكله .......... بالاخير طلعوا للبحر و كل واحد بسيارته ....
مر يوم الجمعه كئيب على ابطالنا .........
شموو و مها كل وحده حابسه عمرها بالغرفه ..... شموو تخاف تطلع و تشتبك مع فهد و ما تبي
تواجه وليد ..... كل ما تذكرت خالتها تسبه سب..........و مها تخاف امها و ابوها يشوفون ضعفها ......
و هي حاولت وايد تبين ان الموضوع عادي
بلاد الغربه
احمد يالس بكفتيريا الجامعه مع ناصر .....
ناصر : استغفر الله .... هذول ياين يدرسون و جي متفسخين .... عيل لو بالبحر شو بيسوون
احمد ياكل سندويش:..... ههههههههههه ..... اكيد بدون ملابس
نقز ناصر : شو رايك نروح نشوف
احمد : انت خبله .... منو يسير البحر بهذا البرد ........ بعد تعال كأنك اول مره يعني تشوف هذي
المناظر
ناصر: تبي الصدق ..... بعد ما تادبت كل شي عندي اول مره
يت شقرا تتقردن لهم .... هم ملاحظيها من فتره تلاحقهم
ناصر بالعربيه : احمد ...... تشوفها ....... اكيد محتاره تختارني او تختارك
احمد بغرور: اكيد انا ..... ليش ما تدري اني احلى عنك
ناصر يدزه : عدال يا الحلو
الشقرا..: ممكن كرسي .....
رحبوا فيها ..... توجه كلامها لأحمد ...: انت عربي صح
احمد ابتسم : اي .... وانت من هنا
الشقرا فرحانه عطاها ويه : اي .......... ممكن تصير صديقي
احمد ردها بلطف: اسف ... انا حاليا مشغول بدراستي وبس....
تفهمت الموضوع ببساطه .... و راحت
ناصر : و الله انك حمار .... شو تبي......... يايه لك و تعرض صداقتها شو تبي اكثر
احمد: يا خي تعقدت ...من جو .... بسني بنات .... خل اخلص السنه و اروح اتزوج و ايبها معاي ....
تعاوني على مقاومت الشقراوات ....
ناصر يضحك: و تطلع جو مره ثانيه بحياتك و تغصص عليك عيشتك مو.....
احمد: الله لا يقول... انا ما صدقت
ناصر و هو يضحك: يبنا سيرت القط.....
احمد يتلفت يمين و يسار ..... شاف جو يايه لهم و راسمه على ويها ابتسامة... تافف من الخاطر
قعدت و قالت : احمد انا فكرت وايد .... و انا الصراحه احبك و ما اقدر اعيش بدونك.....
احمد شرق ... هذي مينونه .... و الا انا المينون ... شو تبا ...
ناصر ضحك بصوت عالي لفت له الانتباه ...... و لما شاف نظرات احمد و شوي بيذبحه .... خذ
اغراضه و تركه بروحه ...
احمد حاول يكون مقنع و سياسي بكلامه: جو انت تعرفين اني .............
قاطعته وقفت تقربت منه : ما يهمني .... كل الا يهمني ... اكون بقربك
وهو صدق مب قادر يستوعب .... كيف يخلص منها ....
رد بتردد : بس انا حاليا مركز على الدراسه بس .... انت عارفه هذا الاسبوع و الا بعده امتحانات
ابتسمت : توعدني بعد الامتحانات نكون مع بعض
احمد ينظر لها بتمعن: كيف مع بعض
جو بابتسامه : اصدقاء ..... انا محتاجه صديق و انت الوحيد الا اثق فيك ....غير احب طبعك
العربي .....
احمد بلع ريقه بقوه ..... الله يعيني على هذي البلوه ......
احمد : جو بليز لا تضغطين علي ...... خلي كل شي مثل ما هو ..... اتفقنا ... المهم نحن مش اعداء
ابتسمت بفرح و كأنه عطاها الضوء الاخضر .... ودعته
جو: لازم تروح بسرعه الحين لك محاضره
احمد ما رد عليها كثر ما تراقبني تعرف محاضراتي و كل شي عني تقريبا المهم الحين اكسبها كصديقه افضل من كونها عدوه ...
جو هم على قلب احمد عقدته بحياته برع .... كره البنات و سيرتهم بسبتها ...
شو نوع العلاقه الا راح تكون بينهم ....
الجزء 35
السبت
شموو منقهره موووت من مها مغلقه موبايلها من امس و ما ترد عليها .... شلت بعمرها و طلبت
من ابوها يوصلها لمها
بو فهد: يمه ما اعرف ليش مكبرين السالفه ... اخوج ما لاقي حجز ... يعني مو بأيده
شموو: يبه الناس من يقررون الزواج يحجزون و هو قبل العرس باسبوع ساير يدور شي طبيعي ما
يلاقي
بوفهد: انزين الا هم اسبوعين غيرهم
شموو: يبه يعني بعد الامتحانات على طول ..... ما اعتقد صعبه
كملت : كان المفروض يناقشها بالموضوع .... يبه البنت مخلصه كل زهبتها و مجهزه الفستان و
حاجزه الصالون .... اكيد تفاجأت
بو فهد : ما عليه يمه .... انت سيري هديها و سلمي عليها وايد
دخلت شموو بيت مها ... ما لاقت احد .... نطرت لما الشغاله يت و سالتها عن مها ...دقت الباب و
فتحته .... لاقت مها راقده ....هجمت على السرير... وراحت تلعوز فيها.....
مها : شموو ... شو يايبنج من الصبح
شموو: ما قدرت ارقد .....
ترفعت راسها و توسع مكان لشموو: تعالي عيل كملي ارقادج
شموو: اف مها يالله نشي .... عندي فكره جهنميه
مها تطالعها بنظرات : اذا عني ...... لا شكرا ما ابي
شموو: لا مو عنج .... عني و وليد ..... تخيلي اوهم خالتي بان الملجه بعد عرسكم
سكتت شموو و حطت ايدها على حلجها ..... مهوو سوري مو قصدي .....
مها تبتسم : على شو ....
كملت شموو: ذكرتج و اكيد غلست عليج ........ و انا ابيج فرش تنتبهين لي زين.....
تضربها مها : قولي اسمعج
شموو: و خالتي يحليلها مصدقه ... و امس تقولي لما عرس فهد تاجل ليش نحن نتعطل.... خل
نملج ......
مها: و الله هذا وليد ما اعرف كيف ....
شموو: عبالج سكت عليه .... عطيته فرصه يعلم خالتي بالحقيقه و الا انا اعلمها
مها تنهدت : شموو صراحه انت وايد معطتنه ويه ....
شموو تتقرب منها: تعرفين اذا ما كنسل الخطوبه و الله لأخليه يملج غصب
مها فاتحه عينها كلها: شمووووووووو....... انت مو صاحيه ....
شموو: عيل عيبج الحال جي ....... لا انا مخطوبه مثل الناس و العالم و لا انا حره ... بسني
مليت ..... تنهدت
حطت ايدها على كتف مها : مهووو لا تزعلين من اخوي .... تراه حالات
مها فضلت الصمت ... ما فيها تصيح مره ثانيه ....: الغلط كله مو بعرس تاجل الغلط انه ما اخذ رايج
قبل مو
مها متفاجأه من شموو لها قدره غريبه تعرف كل الا يدور براسي و احاسيسي رغم اني ما ناقشت
معاها الموضوع ...: و الله انج عندج قدره رهيبه بالاحساس فيني
شموو: الله اكبر انا دوم جي ........ سكتت تفكر .... تعتقدين ان احساسي بمشاعر وليد حقيقيه .....
مها : بشو تحسين
شموو: اهتمامه و يمكن حبه ..... ما تتخيلين امس كيف عصب لما علمته لازم ينهي الموضوع ...
مها : خلاص عيل صدق ..... هههههههههه ... و هي تشوف نظرات شموو المبهته .......
شموو: مهووو عن المصاخه انت تعرفين انج غير ... عشرت عمر
ردت : وليد شو مو عشرت عمر
سكتت شموو تفكر ....: عيل بخليه يملج غصب
تضحك مها و تضربها بالمخده ....
تثاوبت شموو و تمددت معاها على السرير : فيني ارقاد ...... برقد و يا ويلج ان صحيتيني....
وقضوا وقت الصبح و الظهر بالرقاد.............
مها: شموو قومي خل نتغدا و الله اني ميته يوع
شموو: اف و انا ميته رقاد ....... سيري تغدي .... انا ما ابي
مها تهزها : لا بتقومين ........ يالله بسرعه
شموو تتافف: كنت احلم اني ماسكه فهد بايد و وليد من ايد من اعناقهم
مها تضربها : ما لج دعوه بريلي .... تبين تموتيه
شموو: لا و الله عيل اموت ريلي بس
مها : انت خبله ..... اخوج و الا ريلج ها منو الاهم
شموو: اخوي اكيد ............... تمت تطالع مها ..... شو نفسيتج الحين ...
مها : ييتج خففت عني وايد..... مشكلتي اني تفاجأت ..... شموو شو اسوي ويا فستان العرس و
الصالون ...
شموو تنش : شو يعني اجلي لوقت العرس
تنهدت مها : تعتقدين انه بيتخلى عني مره ثانيه
شموو تطالعها بقوه .: و اذا فكر راح تسمحين له بسهوله يتخلى عنج من غير ما تطلعين عينه...
مها تضحك: هذا اخوج و جي ....تفكر ... كيف اواجهه
شموو: عادي و لا كأن القرار هزج .... فهميه ان مشكلتج و يا الحجز بس.... اف يالله نتغدا يعانه ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك