رواية تدري وش اللي يقلب فيني أوجاعي -34
ساره وهي تبكي : من بعد مالله اخذ روح توأمي وروحي الثانيه وحياتي نوف وانا اخاف من اللكل من كل شئ حتى انتو اخاف منكم حتى انتو اخاف منكم
شوق : ليه اعتبرها حاله نفسيه
ساره : انا مابي اشوف الناس مابي اشوف احد حتى الاكل مابي اشوفه مابي اشوف غير صورة نوف ليه نوف راحت وتركتني لييه هي ماتحبني ماتحبني راحت وتركتني ماتحبني ليييه محد يحبني بهالدنيا ليييه ..
شوق : ساره حبيبتي وش هالكلام انا احبك الي حواليك يحبونك
ساره بوسط دموعها : لا محد يحبني انا اخاف منكم اخاف من الناس ومن الدنيا مابي اطلع مابي اطلع مابي اشوف احد حتى امي وابوي مابي اشوفهم كلهم قاسين .. ابوي اكرهه اكرهه اكرهه
شوق : ساره لاتقولين هالكلام وليه تكرهين ابوي ..؟
ساره : انتي قلبك طيب ابوي فرقك عن حبيبك فارس وغصبك على حياة ماتبينها ابوي دائماً يفرض رأييه علينا ابوي مايحبنا مايحبنا وانا ماحبه اكرهه اكرهه واكرهكم كلكم كلكم
شوق وهي تمسح دموع ساره بيدها : انا مو زعلانه من ابوي ويالله مابي اشوف دموع سوسو الحلوه
ساره ابعدت يد شوق عندها : طلعي براا خلوني خلوني مابي احد مابي احد ابي نووف ابي نوووووف
شوق : لا ماراح اطلع الا معك
ساره وهي تصارخ : طلعي براااااااااااااااااااا
طلعت شوق برا ماتبي تزيد حالة ساره وساره تكورت وجلست تبكي
ساره : ليه الناس مثل الوحوش ليييه اكرهه اللكل اكرهه اللكل .. الا نوف احبها احبها نوووووووووووووف رجعي
وجلست تبكي بقووه وهي تتذكر الشباب وتركي وكلامه
......................
في اليوم الثاني
في الجامعه كان اول يوم لدلال تداوم بعد زواجها مشت بطله جذابه تحس نفسها اليوم غيير غييير الاول تجي عازبه والحين تجي متزوجه كانت تلفت الانظار بدلعها وقوامها وجمالها
شافت قروبها " العنود ’ انفال ’ بيلسان
صرخوا البنات اول ماجات ملح شلتهم دلال وجلسوا يمضونها ودلال مبسوطه وصراخ وتصفر وتزغرد واغاني مبسوطين بجية دلال
دلال بدلع : وحشتكم
بيلسان و العنود و انفال : اكييييييييد
بيلسان : دلوول وشرايك بالزواج احلى من ايام العزوبيه
دلال : هههههههههههه اكيد الزواج احلى وخاصتاً مع ولد عمتو راكان
العنود : اييه يالدبه زووجك جنان
انفال : اييييييييييييه وربي خقق
دلال : لاترى اغار ماسمح لكم تبدون اعجابكم فيه
بيلسان : صراحه احلى منك
دلال : مالت عليييييييييك
العنود : هههههههههه ايه جد احلى منك ماكذبت بيلسان
دلال : بجد احلى مني راكان
انفال : طبعاً لا انت احلى
دلال بدلع : جد
كلهم : والله
بيلسان : الا دلول الحين جد ابوك تشافى
دلال بعيونها لمعة الفرحه : اييه قام يتكلم بس بنعالجه بأوربا عشان يقدر يمشي
ضموها صديقتها وهم فرحانين لها لما شافوا الفرحه بعيونها
بيلسان : الف مبروووك
انفال : الحمدلله على سلامته
العنود : الله يقومه بالسلامه ويمشي
دلال : امييين
انفال : جد عمك بيعالجه
دلال : وشدراكم
انفال : اول شئ جد ؟
دلال : ايه كيف عرفتوا
بيلسان : ههههههههههههههههه من نشرة الاخبار بنت عمك شجون
دلال : الحماره الحيوانه ولمين قالت بعد
العنود : ياحلوه مسج مرسول للكل الي بالجامعه
دلال : حللفوا
البنات : وقسم بالله
دلال وقفت : هالحقيره الحيوانه ماكأني بنت عمها لهالدرجه تكرهني
صحباتها يلحقونها وهي تمشي بحقد متوجهه لقروب شجون الي كلهم هاي كلاس ودلع
انفال : دلال اعقلي وشفيك انهبلتي
دلال : الحيوانه والله لعلمها كيف ترسل هالمسج
وقفتها بنت بنص طريقها
: يقولون انكم تعانون من فقر الفلوس وشرايك اسلفكم فلوس عشان تعالجون ابوك بأوربا بدال ماعمك يعالجه .. هههههههههههه الغرور في يوم بيتحول لتواضع يادلال المغروره
دلال : اصصص والي قال لكم هالمعلومه كذاب ومليون كذاب حنا ولله الحمد عندنا فلوس ومانحتاج لا لك ولا لعمي ولا عشره من امثالكم .. ودامكم تكرهون صفة الغرور فيني بظل على هالصفه فاهمين
ومشت وبيلسان وانفال والعنود خايفين عليها عارفين بقصة حملها وكذا وخايفين يصير شئ بالطفل
وصلت دلال لقروب شجون بنت عمها الي يتكون من بنتين واهي الثاثه "سديم ’ بشاير "
شجون : افا عليكم انا اعلمها مين شجون ومين اهي
سديم صفقت يدها بيد شجون : صح عليك والله تعجبيني
دلال دفت شجون بقوه وطبعت كف قوي على خدها
دلال : ايا الحقيره يالحيوانه ماتوقعتك بدرجة هالحقد والكرهه
شجون : انتي هيه
دلال طبعت كف ثاني على خدها من قهرها والبنات تجمعوا عليهم
بشاير وقفت تدافع عن شجون : انتي هيه ابعدي عن شجون لانها ارقى منك لاتنجسينها
دلال : انتو النجسين مو انا يالحقيييييييييرين انتو حقيييييييييييييرين
شجون انقهرت من دلال ووقفت وطبعت كف على خدها
دلال : انتي تمدين يدك علي
شجون : لا انتي الي تقدرين
بيلسان : بس دلال اهدي
دلال : هدوني عليها
انفال : دلال انتو بنات عم بلا هالهواش
دلال : انا ماعندي عيال عم وخاصتاً مثل هالاشكال حقيرين
شجون : لا انا الي اتشرف بفقيره مثلك ابوي بيعالج ابوها هههههههههههههههه
دلال دفتها على الارض وطاحت شجون : اصصصصصصصص
شجون جمعت شتاتها ووقفت ورمت دلال على الارض بقوه ودلال ككونها حامل صرخت بألم
شجون بحقد ضربتها على بطنها ثلاث ضربات وكل وحده اقوى من الثانيه بهاللحظه دلال ماقدرت تتحمل وصرخت بقوه من الالم وصرختها روعت اللكل وشجون مشت ومامهما
سديم : مهما وصل حقدك مو لهالدرجه شوفي البنت كيف صار وجهها وتتألم لو صار فيها شئ ياويلك
شجون : هههههههههههه احسن تستاهل
بشاير : صح عليك والله ياشوجي تعجبيني وربي هذا الي بينفع مع بنت عمك
شجون : من جد
في الجامعه .. بقسم ثاني
كانوا ريماس واريج والهنوف جالسين وطبعاً اريج تتسولف وتسأل عن ريان عند الهنوف وريماس على الهامش
اريج : ايه وشخباره ؟
الهنوف : والله بخير
اريج : هنوو عطيني صوره له
الهنوف : غريبه ماعطاك ؟
اريج : الا عندي له صورتين بس عطيني بعد ثلاث
الهنوف : هههههههههههههههه لهالدرجه تحبينه
اريج : فوق ماتتصورين فووق فووق
الهنوف : وااي ابي ابي اتزوج واقول عن زوجي كذا
اريج : هههههههههههه لاحقه لاحقه خلي الزواج للكبار الي مثلي (وطالعتها بنصف عين)
الهنوف : بسسم الله عليك يالكبيره
ريماس بزعل : جالسين تسولفون وانا صفر على الشمال
اريج التفتت لها وببتسامه : وااي الا زعل رموسه
ريماس : يهمك زعلي ؟
اريج : اكيد يهمني زعلي
ريماس : ولو اسيل كان فرشتي الارض لها ورد عشان بس ترضى صح ؟
اريج بعصبيه : ريماس وش فيك بالطالعه والنازله قلتي اسيل واسيل انتي وين واسيل وين انتي غرب واسيل شرق
ريماس : يعني انتي ماتعزيني مثل اريج
اريج : اعزك واحترمك بس انتي خليتي فيها معزه واحترام اسيل صديقتي من الطفوله وانتي بالجامعه توني هالسنه كيف تكون مكانتك بمكانتها
ريماس : تقدرين انتي اسيل تركتك وسافرت الكويت ولا اهتمت فيك وتصادقت مع غيرك وانتـ
اريج : بس خلاص اقول من الاخر مستحيل تكونين بمكانة اسيل
وقفت ريماس وراحت بعيد عنهم وهي زعلانه من اريج
الهنوف : اريج وش هالكلام كان جاملتيها
اريج : يالهنوف هذي ريماس كل شوي وقالت لي اسيل واسيل اهي وين واسيل وين
الهنوف : اذا كان تفكيرها وعقلها صغير عطيها على قد تفكيرها وعقلها وكبري عقلك وتفكيرك انتي وريماس مافي منها يكفي إنك ترمين عليها كلام وتتحمله وماتزعل
اريج : انا ارمي عليها كلام
الهنوف : ايوه وانا اشوفك يوم تقول احس بنات الجامعه مايحبوني قلتي لها كل واحد يكرهه نفسه بنفسه
اريج : بس
الهنوف : لا بس ولا شئ اكيد انجرحت من داخلها بس مابينت يالله عاد قومي اعتذري منها
اريج ابتسمت : طيب يالله
وقفوا الهنوف واريج متجهين لوين ماراحت فيه ريماس وبالصدفه طاحت اريج عينها على بنت تعزها بشكل كبير
وركضت لها وصرخت : اسيييييييييييييييييييييييييييييييييييييييييييييييي ييييييييييييييل
وراحت لها وضمتها
اسيل : ههههههههههههههههههههههههه اريج وحشيني
اريج : لو وحشتك كان ماقطعتي 8 شهور 8 شهور يالدبه ماشوفك ياربي وحشتيني
اسيل : يالله مو مصدقه هذي الجامعه هذي اريج تغيرت الجامعه كثير تغيرت الخبر اشتقت لكم اشتقت لكم
اريج : هههههههههههههه وحنا اشتقنا لك تعالي اوريك الجامعه غيروا فيها اشياء كثيره
مشت اسيل وجلست تدور بالجامعه وتركض من الفرح مشتاقه للجامعه حييل تذكرت ايامها مع اريج والبنات
اسيل : الا وشخبار البنوتات امجاد ونجلاء
اريج : هممممم تصدقين اذا مروا جمبي ولا كأن احد قدامي يمر
اسيل : لييه
اريج : مدري هم راحوا مع بعض وتركوني
اسيل : الا تعالي عرفيني على ريماس
اريج : صراحه متهاوشه معها
اسيل : ليه ..؟
اريج : تهاوشت معها عشانك بالطالعه والنازله تقولي يهمك رضاي مثل اسيل تحبيني مثل اسيل
اسيل فطست ضحك : ههههههههههههههههههههه تصرفات بزره بس عطيني على قد عقلها
اريج : هذي الهنوف تقولي كذا
اسيل : مين الهنوف ..؟
اريج : اييه ماقلت لك الهنوف الي تعرفت عليها اخت خطيبي ريان
اسيل : وينها
التفتت اريج ورى ونادت للهنوف وجات
الهنوف : هلا
اريج التفتت لاسيل : هذي الهنوف اخت ريان خطيبي
صافحتها اسيل واخذوا اخبار بعض وكذا وانطلقوا لمكان ريماس كما قالوا لها راضيها
اريج راحت لها من ورى وغمضت عيونها
ريماس : ميين ..؟
اريج ابعدت عنها ونطت بوجهها : الحلوه زعلانه
ريماس التفتت لبعيد : وليه يهمك زعلي
اريج : اكيد يهمني مثل مايهمني زعل اسيل
ريماس : اشوف كلامك تغير
اريج : ايه تغير لاني قست معزتك بقلبي وطلعت بمعزة اسيل
ريماس ببتسامه : جد
اريج : ( يالله مابي احلف بكذب ) ايه جد (والتفتت اريج لاسيل) وهذي اسيل رجعت من الكويت
ريماس ناظرت بأسيل بقهر
ريماس : ( يالله وهذي جات يعني اريج بتتغير علي )
ريماس : ايه وانا اقول وشفيك مروقه عشان اسيل جات
اسيل صافحتها وريماس مامدت يدها والتفت لجهه ثانيه
اريج : ريماس سلمي على اسيل
ريماس : مابي أنجس يدي
اسيل نزلت يدها : براحتك يالله اريج خلينا نتمشى
راحوا اريج واسيل وهم حاطين ايدينهم بكتوف بعض ومبين عليهم الصداقه والحب
.........................
في شركة ابوبدر
كان راكان بمكتبه يقلب الاوراق رن جواله ورفعه
راكان : الوو
: الو راكان
راكان : ايه راكان مين معي ..؟
: انا العنود صديقة زوجتك دلال .. دلال في المستشفى
راكان بخوف : في المستشفى ليه ..؟
العنود : تعال وافهم السالفه
راكان : بأي مستشفى
العنود : سعد التخصصي
راكان : دقايق وانا عندكم
سكر راكان من العنود وعلى طول سحب مفتاح سيارته وبوكه وركب سيارته وانطلق لمستشفى سعد التخصصي نصف ساعه ووصل المستشفى ونزل وسأل السسترات عن دلال وعلموه بمكانها وانطلق للدور الثالث وشاف ثلاث بنات وراح لهم
راكان : وين دلال
العنود : ماندري الدكتور للحين داخل
راكان : وش صار لها
العنود : بنت عمها سوت مسج لكل بنات الجامعه ان ابو دلال بيعالجه ابوها وصاروا البنات يتمسخرون عليها يابنت الفقير وكذا وعصبت وتهاوشت مع بنت عمها وضربتها على بطنها
راكان : لاحول ولا قوة إلا بالله
دقايق وطلع الدكتور
راكان راح له : دكتور شخبار دلال
الدكتور : وش تقرب لها ..؟
راكان : زوجها
الدكتور : تعرضت لضرب ببطنها عنيف لكن ولله الحمد ان الجنين ماطاح
راكان بفرح ابتسم : جد يادكتور الجنين بخير ..؟
الدكتور: الحمدلله الجنين بخير وبصحه وسلامه
بيلسان بهمس لانفال والعنود : ماشاء الله شوفي كيف راضي ان زوجته تجيب ولد مو منه وراضي يربيه ولا بعد فرحان انه عاش
انفال : من جد رجال ولد رجال
العنود : ماتنلام دلال لاحبته وغارت عليه
بيلسان : ايه والله الله يهنيها معه
راكان رفع يدينه : الحمدللله الحمدلله
.................................
شجون : تريكي بسرعه تعال اخذني لاحفل فيك الارض يالدب
تركي : لا ياسلام يالدب ولاحفل فيك الارض وتبيني اجيك
شجون شوي وتبكي : تركي يالله تعال
تركي يوم حس ان صوتها موطبيعي : طيب طيب بجي
جلست شجون تحتري تركي برا ونظرات البنات كلها لها اتهاميه وتبين لهم انها مو مهتمه وهي خايفه حدها
دقايق وجاء تركي وركبت السياره وهي متضايقه وتركي مستغرب بعادتها تدلع عليه وتطلب ودني كوفي ودني مطعم ودني سوبر ماركت لكن هالمره ساكته ومبين عليها الخوف والضيقه
تركي : شفيك ..؟
شجون وبصوتها العبره خانقتها : مافيني شئ
تركي : مافيك شئ وشوي وتبكين
شجون : يالله ياتركي انا خايفه حددي خايفه
تركي : من شنو ..؟
شجون : انا راسه مسج لكل بنات الجامعه ان ابوي بيعالج عمي ابودلال عشان اقهرها وافشلها وكاتبه بالمسج انهم يعانون من الفقر ووصل المسج لدلال ودلال عصبت وثارت فيني وجمعت بنات الجامعه علي
تركي بأهتمام : ايه ..؟
شجون : وضربتها على بطنها ثلاث مرات ورميتها على الارض والله الضربه عاديه بس مدري طاحت مغمى عليها ونقلوها المستشفى
تركي : من جدك
شجون : وقسم بالله يالله الضربه عاديه ماتستدعي يغمى عليها
تركي : يمكن اهي تعاني من مشاكل واول ماضربتيها اغمى عليها
شجون : يمكن الله يعينني على ابوي
تركي : هههههههههههههههه بيحفل فيك الارض عاد هو موته ولا عيال اخوه يصير فيهم شئ مع انه ماله علاقه فيهم بس يحبهم وكان يبي يخطب لي دلال او شذى
شجون : يالله انا الحين حدي خايفه من ابوي ياويلي منه
تركي : ياويلك والله بيحفل فيك الارض
..................
..|[ ليتني بقيت بضيق بطنك يايمه .. ولا طلعت وضاق بي وسع هالكون ]|..
في بيت ابوفيصل
حال ساره ماتغير حابسه نفسها بغرفتها وتبكي
ساره وهي متكوره بوسط دموعها : مابي احد مابي احد مابي لا امي ولا ابوي ولا اختي ولا اخوي الي ابي بس توأمي وروحي الثانيه الي خلني وراحت نووف (وصرخت) نووووووووووووووف لاتتركيني نوف ليه تتركيني انا اختك توامك ليه تروحين لييييييييييييه
..|[ للمعلومه .. ساره اول ماوصلها خبر موت نوف بالاول انصدمت وظهرت منها تصرفات غير إراديه وبعدها هجدت وصارت بحالة صمت وبكاء عمييق وصدمتها وبكاءها العنيف بموت توأمها نوف اظهرت بالاخير الحين .. ]|..
ساره وهي تصارخ وتخربط بشعرهأ : ابي نوووووووووووف نوف لاتتركيني نوف ارجعي تكفين ارجعي نووووف
ودفنت راسها بحضنها وجلست تبي وتسترجع اول ماوصلها خبر موت نوف
...
الدكتور : البقى بعمرك آنسه ساره توأمك نوف ماتت
ترددت ببالها كلمه " توأمك نوف ماتت .. توأمك نوف ماتت .. توأمك نوف ماتت .. توأمك نوف ماتت .. توأمك نوف ماتت .. توامك نوف متت .. توأمك نوف ماتت "
وصرخت بقوه هزت المكان وصرخاها طلع صداه : نووووووووووووووووووووووووووووووووووووووووووووووووو ووووووووووووووووووووووف
ام فيصل كانت نازله من الدرج اول ماسمعت الصراخ استغربت وخافت على ساره وراحت لها فتحت الباب استغرتب من وضعها تبكي وتصارخ بأسم نوف راحت لها وضمتها
ام فيصل : بسم الله عليك ساره وشفيك ..؟
ساره وهي تضرب بصدر امها : ليتني بقيت بضيق بطنك يايمه ولا طلعت وضاق بي وسع هالسكون .. ولا طلعت وضاق بي وسع هالكون .. ولا طلعت وضاق بي وسع هالكون
ام فيصل : ليه ياساره هالكلام ليه وشفيك انا امك قولي لي
ساره : يمه ابي اموت ابي اموت مابي اعيش لييه نوف ماتت وتركتي ليه محد بهالدنيا يهمه شعوري ليه ماهتمت في شعوري لما تموت وش بيصير فيني لييييييييييييييييييه
ام فيصل : بسم الله عليك من الموت يابنتي يكفي ان راحت وحده بعد تبيني افقدك انتي يابنتي ياساره لو رحتي انتي مافكرتي وش يصير فينا .. والموت حق وكل نفس ذآئقة الموت .. واختك نوف راحت للي احسن منا راحت لرب العالمين
ساره : طيب مافكرت فيني مافكرت فيني
ام فيصل : هذا شئ مو بأرادتها ياساره وبلا تفكير اطفال
ساره جلست تضرب بنفسها : ابي اموووت مابي اعيش ابي اموووت
وراحت للبلكونه وفتحت الباب وصعدت فوق الطاوله الي ارتجفت ورفعت يدينها وغمضت عيونها تبي تنتحر تبي تموت
ام فيصل صرخت : لاااااااااااااااااااااااااااااااااااااااااااا ساره اعقلي
اروى وشوق ورائد جايين خايفين من الصراخ الي فوق
اللكل : سااااااااااااااااااااااااااااااااااااااااااااااااا ااااره
...................................
في بيت ابوبدر
بدر كان جالس بالصاله وماسك بيده صورة شوق كانت مبتسمه فيها بعذوبه وبنعومه وباينه غمازتها الصغيره وعيونها العسليه الزيتيه وانفها الصغير الحاد نعومة ملامحها وبرائتها شعرها المتناثر عليه
ابتسم بحب وشوق لها
بدر : ياليتك ياشوق تحبيني والله عيشتك عيشة الملوك بس للاسف انتي هدمتي كل شئ بيدك كل شئ بيدك هدمتيه فكرتي بحبك مافكرتي بحب غيرك فكرتي بمشاعرك وبنفسك مافكرتي فيني ولا بمشاعري اهنتيني حطمتي رجولتي واستحملتك يوم حبيتيني تبين ارجع لك مثل قبل للاسف ياشوق انتي فيك حب التملك تبين تملكين اللكل حولك تبين كل شئ متوفر لك ماتبين تخسرين شئ .. الله يهنيك مع غيري ياشوق بس اعرفي إني بظل احبك واحب نعومتك وبرائتك
دانه نطت بوجهه وسحبت الصوره منه وناظرت بشوق الناعمه والتفتت لبدر
دانه : تحبها ..؟
بدر سحب الصوره منها والتفت للجهه الثانيه
دانه جلست جمبه : بدر انت تحبها ..؟
بدر : كنت احبها ولاحظي إني قلت كان لكن الحين شوق ماعادت بحياتي
دانه : بدر اذا كنت تحبها ليه طلقتها ..؟
بدر : لانها ماتحبني وماتبيني هذا هي الي تبيه دائماً تقولي طلقني طلقني ويوم طلقتها تبي ترجع
دانه : يعني انت ماكنت عايش بسعاده معها
بدر : ولا ذقت طعم السعاده .. تخيلي يادانه الاكل لما اقولها غسليه تاخذ الصحون والاكل وترميه بالزباله "الله يكرمكم"
دانه : لهالدرجه تكرهك
بدر : وفوق ماتتصورين
دانه : انا توقعتها ماتحبني انا لانها دائماً تتمشكل معي وتطردني بس ماتوقعتها حتى معك
بدر : لا يادانه بس معي انا والي يقربون لي اما الي يقربون لها ينحطون على الجرح يبرى
دانه : حسبي الله عليها هالحيوانه
بدر : لاتتحسبين عليها .. انا لو مطلها من البدايه كان ماصار الي صار
دانه : جد ان قلبك ياخوي طيب بعد كل شئ سوته فيك وماتبي ادعي عليها
بدر : لان للحين حبها محفور بقلبي ومستحيل يموت
دانه :...............
............................
في بيت ابوسامي
بعد مارجعت اريج من الجامعه بدلت ملابسها وريحت لها كم ساعه وصحت على الساعه 8 وعازمه اسيل والهنوف وريماس وبيجونها الساعه 9
اريج : اووه يالله مايمدي ساعه اجهز انا يبي لي ثلاث ساعات
وركضت طلعت لها فستانها الي مقرره تلبسه وخذت لها دش واستشورت شعرها خذ نصف ساعه ككون شعرها مقصوص "فكتوريا" وناعم فما طولت فيه واخذت فستانها ولبست كان شكله اسود ضيق مخصر على جسمها ومطلع جسمها وقوامها وفيه حزام بالوسط احمر عريض وفيه صديري على الاكتاف لبداية تحت الاكتاف بشوي احمر
ولبست اكسسوارات حمرا وكعب احمر زاد من قوامها وناظرت شكلها بالمرايه كانت جذابه وناعمه اخذت لها عطرها المفضل "ديور" ورشت لها 5 شات وحطت لها لوشن "بربري" واخذت روجها الاحمر مايل على الفوشي ولونه غريب وروعه وحطته على شفايفها الصغيره وحطت كحل ومسكره سوداء ونزلت تحت
اريج وهي تدور : وشرايكم ..؟
ام سامي : قمر مااشاء الله
منال : وااوز خطيره
لميس : حلوو
اريج : ادري اني حلوه بدون طلب الشهاده منكم
لميس : مااالت
اريج : يمه ميري جهزت الاكل
ام سامي : ايه جهزت كل شئ انتي متى بيجون صديقاتك
اريج ناظرت ساعتها "9" : الحين بيجون
جلست اريج على الكنب وهي حاطه رجل على رجل تحتري صديقتها شوي ورن الباب وركضت تفتح كانت الهنوف طبعاً ريان ماصدق ان الهنوف بتروح بيت اريج وهو قال بيوصلها
اريج وقبل لاتسلم عليها وتحييها سأل : مين جايبك ..؟
الهنوف ببتسامه وهي تغمز لها : حبيب القلب
اريج ابتسمت بخجل ونزلت راسها وصافحة الهنوف : حياك الله تو مانور البيت
الهنوف : منور بوجودك .. ماراح تضيفيني
اريج : حياك حياك
دخلوا الهنوف واريج مجلس الحريم
الهنوف ضربت راسها على خفيف : اووه صح نسيت ريان قالي إنه بيدخل يشوفك
اريج : لاا استحي
الهنوف : هههههههههههه اول مره تشوفينه يالله يالله ترى بيعصب علي
اريج : طيب دقي عليه وانا بجلس برا بفتح له الباب
طلعت اريج الهنوف خبرت ريان انها بتفتح له الباب
دخل ريان وصافح اريج
ريان : وااو وش هالقمر انا بحلم ولا بعلم
اريج بدلع : لا بعلم
ريان : كل هالجمال ومخبيته علي
اريج : يالنصاب انا كل ماتجي اكشخ لك لاتنصب
ريان : فديتك امزح معك اصلاً انتي لو بخيشه قمر
اريج ابتسمت بنعومه وخجل
ريان : يالله مابي اطول عليك تامريني على شئ ..؟
اريج : وين بدري ..؟
ريان : بدري من عمرك .. بس والله وراي شغل وبعدين انتي بيجونك صديقاتك مابي أعطلك
اريج : لاتعطيل ولا شئ واصلاً عطلك راحه
ريان : تسلمين تامريني على شئ ..؟
اريج : سلامتك ورضاك وانت تامرني على شئ ..؟
ريان : ابيك تنتبهين على نفسك وبسس
اريج : طيب
طلع ريان واريج راحت وقدمت المويه للهنوف وضيفتها احلى واحر ضيافه مليانه بالحب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك