رواية يوميات حبي و حبه -33
شموو بدلع : فهد بليز لا تحرجني معاهم ....... و الا يعني تبي ناس تتوسط لنا
فهد ابتسم عارف تلميحها : ما تقدرين تيبينها ...
هو عارف ان مها مستحيل تيي بعد المشاده الا صارت الصبح بينهم ...
شموو تطالع وليد الا ما شل عينه من عليها من يت ... و لما تكلمت بدلع ابتسم ... صار يحب
دلعها ....
قالت : و تعطينا ساعه اوف .....
فهد : اعطيكم ....
وهي تقوم بسرعه : وليد خلك شاهد ..... اروح ايبها ...
شموو و هي تسحب مها بعيد عن البنات ..: مهوو قال اذا انت طلبتي منه يعطينا اوف بيرضا
مها استغربت : شموو يعني تبيني اروح و الطلب منه .... تخيلي ما اروم
شموو: هو اصلا رافض ... هو وافق بحاله وحده بس انج انت تطلبين منه .... مهوو عن المصاخه و
تخربين الطلعه .... بعد يا غبيه فرصه تتصالحون ...
مها فكرت : اوكي بس تيين معاي
شموو: شي اكيد .. عيل وليد منو بيطرده
تقدمت مها ببطء متردده ... شموو تسحبها سحب ....
فهد ما توقعها تقتنع بسهوله و تيي عنده ... سكت يطالعها
اما شموو اشرت لوليد ... و قام معاها .... راحوا ناحية الباب ....
شموو: يارب يرضي
وليد: شكلهم متزاعلين مو
شموو : شو عرفيني انا ....
وليد: و ما تبين تاخذين اذني انا بعد
الحين لفت انتباها كله .... لشو يلمح ...تطالعه مستغربه : بشو
وليد يقرا ردت فعلها : بطلعتج من الشركه .... مو خطيبج
شموو بصراحه : لو كنت صدق خطيبي شي اكيد .... بس انت لوحده ثانيه هي بس تاخذ
اذنك.............
وليد انقهر منها : شموو لا تخليني اقول لفهد يمنعج انت ... لأني مو راضي
تمت تطالعه بنظرات : وليد لا يكون تسويها .... احقد عليك العمر كله
ابتسم : عسب مطعم
شموو : هي ...
ضحك ....: بتظلين طول عمرج ياهل
شموو: وليييييييييييييييييييد
......................
مها يلست بهدوء مع فهد بدون ما ترمس.... حاولت كم مره و الكلام مو راضي يطلع من حلجها
تنهد فهد و هو يراقبها...قال: خلاص مو لازم تفكرين سيري...
تمت تطالعه مستغربه ...كمل : ما توقعتج تيين عسب جي قلت لشموو اذا يت راح اسمح لكم
تروحون ....
يتكلم بكل هدوء ... و ناسي الزعل .... ابتسمت و قامت ... سمعته يقول : ديري بالج و انت
تسوقين ..... و لا تسرعين ...
هزت راسها و سارت ...... سحبت بطريقها شمووو
اما فهد اذا كان ندمان فهو ندمان انه سمح لها ترجع تسوق .....
وليد: بشو تفكر
فهد: هذي منو يامن عليها تسوق و هي ما تعرف تسوق مثل الاوادم
يضحك وليد: ههههههههههه و ليش سمحت لها عيل تطلع
فهد: تعرف اني ما اقدر ارد لها طلب..
وليد : خلاص عيل تحمل ....
في السياره
البنات شالين البقعه اغاني ...
مها: حرام عليكم .... خل اركز
شموو: مهووو عن الدلع من زمان ما طلعنا مثل هذي الطلعه خل ناخذ راحتنا ...
سكتت و هي تحاول تركز على الطريق .... وصلوا المطعم يضحكون و يعلقون على بعض .... لفتوا
انتباه الجماعه الا يالسه .... طلبوا طاوله بجناح العائله ...
بعد ما خلصوا ........ باجي نص ساعه .... قرروا يتمشون فيها بالسياره .... طبعا شلة بنات و
مسوين ضجه اكيد لفت لهم الانتباه .... من مجموعه من الشباب .... الا تموا يراقبوهم لما طلعوا و
لاحقوهم بالسياره ...
.................................................. ...................................
وليد من طلعت شموو و هي شاغله باله .... مشاعره الا بدت تظهر و يعترف فيها بعد ما كان يحاربها
بقوه ...تجاهلها له بالفتره الاخير و فسخ الخطوبه .... كل هذي الاشياء دفعته يفكر فيها بقوه و
ماخذه حيز كبير من افكاره ..... و يستغل الفرص علشان ينفرد فيها.... يراقب ساعته كل دقيقه ...
نزل يرمسها بالموبايل .... هو مو مطمأن لسواقة مها و كل تاخير ياكل بعمره اكثر ...
.................................................. ........................
اما فهد مندمج بشغله و حاول يتناسى انها مش موجوده .... و يقاوم بقوه ما يدق لها او لشموو ...
ولما حس انها تاخرت قام يلف من مكتبه لمكتبها..... يفكر انا الغلطان اني سمحت لهم يطلعون .....
هذول منو يعطيهم ويه.....
.................................................. ...........................
البنات
شموو: مهوو سيري صوب البحر
مها ماخذ بالها من السياره بس ما حبت تعلمهم ... تعرف حصوو و فطيم خوافات ... بالاخير قالت
لهم لما اصروا ينزلون : بنات ترا ما نقدر ننزل و لا نلف اكثر ... لازم نرجع
حصوو: بس باجي وقت ....
مها : عارفه بس شوفي الا ورانا ... من طلعنا و هم ورانا .....
شموو نقزت : قولي و الله ....
مها لفت تشوفها : شموووو
بنفس اللحظه الا تعرضت لهم السياره الثانيه و لولا تدارك مها للموقف بسرعه كانت دعمتهم ....
داست على البريك بسرعه رهيبه ... الا خلى البنات يندفعون لجدام بقوه .... و طبعا الا تضررت
شموو لأنها يالسه جدام و بدون حزام الا خلى راسها يضرب بقوه على الزجاج الجدامي... عم
الهدوء و لا وحده صرخت .... مها صدت بسرعه لورا تشوف البنات : حصوو عزه فطيم
كلهم ردوا عليها لفت لشموو : شموو ........... بس شموو ما ردت ..... صدق خافت من قلبها و
البنات بعد هجموا لجدام يشوفونها ..... سمعوا ضحكتها
شموو: ههههههههههههه عليكم واحد .... حصلت لها كم ضربه من البنات ....
مها : الحين دور السبلان الا برع..... لولا الله ستر جان مسوين حادث كبير ... انا ارويهم
شموو تمسكها بقوه : مهووو انت خبله تنزلين بروحج ... شوفي كيف يطالعونا
حصوو: شموو دقي على اخوج
مها بسرعه : لا فهد بيعصب و بيسوي لنا مشكله كبيره
عزه: انزين احمد
حصوو: لا الله يخليج .... بعدين بياخذ فكره شينه عنا...
مها و هي تطالع شموو : ما في حد غير وليد
شموو: اف ما كنت ابي اقولها و انت تقولينها بسهوله... مهوو وليد بذبحني
مها: لا هو هذي الايام يبي رضاج... ما راح يعصب وايد...
شموو: مستحيل .... بيعصب و بيطلع حرته فيني
بنفس اللحظه الا دق فيها وليد لشموو: هو هو .... شو اسوي
مها : ردي و خبريه خل يي بسرعه ..... و لما شافت ترددها...... شموو شوفي الاولاد يتقربون منا
قالت بتردد: الو
وليد: مو كأنكم تاخرتوا .... و الا استحليتوا الطلعه ...
شموو: انت وين .... مو تقول الموبايل بالسياره
وليد: اي و انا الحين بالسياره
شموو: اوكي ممكن تيي شوي عند شارع .....
وليد : شو في .... صاير شي
شموو: مو حادث بس مشكله صغيره ...
ما كملت ... قفل الخط في ويها ..: مهوو و الله ليذبحني الحين ...
مها : الله يعينج صراحه
شموو: يالزفته ..... عبالج ما بيعلم فهد .... و الا احمد
حصوو صدق خايفه : شموو بليز اكدي عليه ما يعلم احد ....
شموو بنذاله : على حسب معاملة وليد حقي .... اذا ما عصب و زاعق ... بتوسط لكم
شافت سيارة وليد جريبه ...: يا ويلي .... مهوو حسي بقلبي بيوقف كثر الدق
مها تبتسم: و انت متى ما دق قلبج و وليد موجود....
راقبوا وليد بصمت و هو يتقرب من السياره الثانيه يحاول يفهم الموضوع .... و شافوا السياره الثانيه
تتحرك.....
تقرب منهم وليد جهة شموو طبعا: شو صاير
ترد مها بسرعه : طلعوا لنا فجأه و بعدها ما رضوا يتحركون
وليد: زين ما كنتي مسرعه.............. الله يهديه فهد ما كان لازم يسمح لج تطلعين بالسياره .... منو
يامن على الحريم ...
شموو ضحكت و البنات بعد ....
كان بيمشي بس سمعها تناديه : وليد بليز مو لازم تعلم فهد....
و تدخل حصوو بسرعه : و احمد ....بليز
وليد استغل الفرصه ..: بشرط .... تيي شموو معاي
شموو شهقت و تيبست بمكانها .... هذا خبله شو يبي فيني .....
مها : اي عادي .... بس توديها الشركه على طول ...
شموو تقرص مها : لا ما ابي
وليد : عيل بكيفكم و سار
حصوو : شموو ... شو يعني الا هو للشركه و كلها دقيقتين...
مها : شموو يرضيج ... فهد يزعل .... انت عارفه الموضوع ...
شموو: اف منكم ... كل تورطوني .... مو كافي راسي اندق بقوه بالزجاج و الله احس استوت لي
طوطه .....مهوو شوفي شي علامه
مها تركز : اي تبان .... غطيها لينتبه لها وليد و يسوي لنا سالفه ثانيه ...
شموو تتافف و تنزل من السياره سايره لوليد الا ناطرنها ... و كأنه واثق بانها راح تيي..... و تمت
ساكته
وليد : اذا بتمين ساكته راح الف فيج لما تتكلمين
شموو: شو اقول يعني .... تبيني اغني حاضرين
و تمت تغني له اقرع مقيرع و حمامه نودي... هو ناقع لها ضحك
شموو: وليد لازم انزل مع البنات ... ما فيني على المشاكل ..... سوق بسرعه ... اكي مها سبقتك
وليد: هي وايد تسرع .... لف يطالعها .... الا ما سألتيني شو ابي
شموو تشوفه : شو
بركن السياره و لف يشوفها : اممممممممممممم ........... ما اعرف بس جي ابي ارمسج........
شموو بهتت ...... هزت راسها تستوعب
وليد تم يطالعها يتامل بملامحها ........ شموو جد ارتبكت ... و يمكن هذي اول مره تحس باحد
يراقبها من هذا القرب
.... انتبه وليد للأحمرار الا على يبهتها .... مد ايده و لمسه ... شموو تاوهت و رجعت لورا
وليد: شو ها
شموو : ولا شي
وليد: شمااااااا
شموو: ما احب تناديني جي ....قالت بصدق ... مهوو ضربت بريك بسرعه و دقيت راسي .......
وليد: لا تركبين معاه عيل
شموو: وليد عن السخافه .... اصلا كل مره هي تبيني احط الحزام بس انا ارفض...
وليد: عيل حطيه ....
شموو: وليد يالله بسرعه خل نروح
ابتسم لها برقه ....... حست بقلبها ذاب من ابتسامته.... يا خوفي تلعب على يا وليد و الله لأذبحك
نزلت شموو من السياره و بسرعه للداخل .... تلاقت مع البنات ......
فطيم : شو يبي
حصوو: اشوف استحليتوها ... لنا ربع ساعه واصلين و ناطرينج....
شموو: اوووش وليد وراي .....
مها تتقرب منها : تصدقين اخوج و لا اتصل يسال ليش تاخرنا ...
شموو: ههههههههههه اوكي اتصلي انت
مها : ما ابي ... خل اشوفه الظهر.... و اشفط جدامه
شموووووو : هاهاهاها ... اتحداج تقدرين .....
.................................................. ..........................
وصلت مها المكتبه هي و شموو على راحتهم يناقشون موضوع وليد و التغير الا حاصل له بالفتره
الاخيره
شموو: انت نسيتي شو قايلي من يومين
مها : و اعتذر
شموو: بس قالها انت بنت خالتي و بس ..... و هذا يدل على نيته .... فهو لو اظهر لي كل اهتمامه
ما اقدر اصدق لأن نيته واضحه ...
مها : تصدقين معاج حق..... و هو اذا فعلا حبج .... طبيعي بيترك هاذيك و يرتبط فيج
شموو تفكر : اي صح ..... و الله رغم اني ما احقد على احد و لا اكره احد من اشوفه يرمسها
اكرهم الاثنين....
مها تضحك برقه : لازم....
شافت فهد بمكتبها و شكله ناطرنها .... تقدمت للمكتب و قالت بهدوء: مرحبا
فهد منقهر يعطيها ساعه و ترد بعد ساعه و نص.... غير افكاره الا كانت تاخذه و تيبه .... و هي راده
مستانسه و تضحك.....
قال بعصبيه: مستعيله ... ليش ما تميتي لنهاية الدوام ابرك لج ........ تقدم منها و كمل : ترا ما
عندج شغل ....كل يوم و الثاني طالعه....
شموو: اوه شو هذا الهجوم على البنت ... يخي تحاتي تاخرنا جان دقيت...
وزع نظراته بينهم ....كملت .: بدل مبهدل حالك بالانتظار...
فهد صرخ عليها : شموو سيري شوفي شغلج لو سمحتي.....
شموو معانده: و اخليك بحالك معاها .....
لف يشوفها : شو يعني باكلها ....
شموو: و انت بهذا الشكل اشك الصراحه....
فهد نفخ , تم يطالعها بتهديد ....تدخلت مها علشان ما يزيد الموقف حده : سوري تاخرنا ... ما انتبهنا
للوقت
شموو باصرار: لا حسينا و طالعين من المطعم قبل الوقت بنص ساعه ..... و استوى
مها تقاطعها بسرعه: شموووو؟؟؟؟؟!!!!!!!!!!!!
فهد يحاول يهدي عمره : شو صار ليش هذا التاخير كله عيل...
ابتسمت شموو : هذا الا كنت ابيك تسال عنه اول ما دخلنا مو تضارب و تصارخ علينا ..... و تطالع
هاله ..... و تخلينا فرجه ........ ممكن تاخذ مرتك على جنب و تسالها .... و طلعت عنهم
مها ... و الله انج خطيره يا شموو ... سمعته يقول : تفضلي
مها مرتبكه مشت معاه .... صراحه شكله يخوف و هو معصب..........
وقفت متردده بالقرب منه .... بالعاده يسحبها من ايدها و يقعدها على حجره و الحين يكلمها
برسميه مو كانه هو الانسان الا حبته
قال يحاول يكسر التوتر الا يحس فيه ... و هو يقاوم ما ياخذها بحجره مثل قبل .. لازم تاخذ درس
بالاول و تعرف ما تلعب بمشاعري مره ثانيه: احكي لي شو الا صار
مها منقهره منه و من اسلوبه قالت بعناد: و لا شي ...... شموو تحب تلعب عليك ... هذي كل
السالفه
قال ببرود عكس مشاعره : اوكي سيري شوفي شغلج
جد عصبت و كانت بتصرخ في ويه مسكت عمرها على اخر لحظه و لفت تبي تطلع...سمعته
يقول : من باجر بمرج انا و انسي سالفة السياره
لفت تطالعه قالت بغيض الا فيها : اسفه ... بس انا عندي سيارتي ... ما يحتاج
وقف و توجه ناحيتها : بس انا اقول ما شي سياره
مها بنفس لهجته : و انت ما خذني و تعرف اني اسوق سياره ..... مو معنى اني ركبت معاك كم
مره يعني خلاص ......
مسكها من ذراعها بقوه: مها لا تعانديني ... انت الا بتخسرين
مها تسحب ايدها و تبعد : و انا مو مستعده كل يوم و الثاني طاردني من السياره
فلو سمحت خلني بكرامتي
سكت تم يطالعها بهدوء ... خلها على راحتها ... هو الغلطان ....ما كان لازم اقولها جي......
مها قعدت على كرسيها بقوه ... منقهره منه و من اسلوبه معاها و ين راح الحب بخلاف واحد
يختفى كل هذا ... شموو محذرتني ما اعاند فيه و انا الغبيه كنت شوي و اخليه يسحب السياره
منى... تفكر كيف تصلح الامور بينهم......
.
.................................................. ...............................
نهاية الدوام .....
فهد ناطرنها تخلص شغل عسب يطلعون مع بعض مثل كل يوم ... طلع و يلس على الكرسي الا
في مكتبها و يتاملها تشتغل بسرعه و تلم اوراقها .... رفعت راسها تشوفه شو يبي ... سمعته
يقول: مطوله
ردت متوتره : شوي .... سير انت لا تتعطل علشاني
فهد طالعاها بنظرة قهر ... هو اكثر من شهر تقريبا ما يطلع الا ايده بايدها ...قال: خلصي بسرعه و
بلا كلام فاضي
مها سكتت ما تبي تحتك معاه اكثر ... و خلصت بسرعه و لمت اغراضها و شنطتها و قالت : خلصت
وقف معاها و مشوا مع بعض بجنب بعض .....
شموو ناطره عند المصعد : جان رقدتوا مو احسن........... لي ساعه ناطره
ضربها فهد على راسها : ليش انت اليوم مو راده مع وليد
شموو: لا و الله تبي الفكه منى..... امس ما رجعت معاكم و تضاربتوا ... اخاف الحين تذابحون ...
مها: شموو امشي ابرك لج بسرعه.....
شموو تتحرطم: اونه طالع لي سيري مع وليد ... حلاوه هو كل يوم راده معاه ... حلاوه ...لالالالالا
قول اذا حلاوه قول
فهد : لا اله الا الله ..... هي حلاوه زين
شموو : عيل كلها ....
ضحك و ضربها على كتفها : شموو ترا صدق افرج له ......
شموو: اف .... ليش تضرب الحين بقولون يضربها ....
مها تضحك : شموو ... ممكن تسكتين .... وليد ناطرج عند السياره
لفت تشوفه بسرعه : فهد ما ابي اسير معاه ... و اذا غصبتني راح ارجع مع مهووو و اخليك
بروحك...
فهد : كنتي تبين تردين معاه .. شو استوى الحين
شموو : هذاك اول عسب اقهرك بس... الحين و الله استحي
يضحك و عيونه على مها الا ميته ضحك لشموو.... شافها تسير جهة سيارتها
قال: ديري بالج ..... و لا تسرعين ..... انا بكون وراج
مها ماسكه ضحكتها غصب : حاضر
شموو تدزه: سير اركب معاها و ريحنا من محاضرتك ....
فهد يتلفت يدور وليد: وين سار هذا خل ياخذج و يفكني من اذيتج
مسكته شموو : لا فهد اخر مره ..... يالله خل نروح...
فهد لاحق مها لين وصلت البيت بعدين حول لبيتهم
شموو: لما تحاتيها جي .... ليش كل كلمه سيري بسيارتج
لف يطالعها ساكت....كملت .... من ركبت السياره معانا انا استغربت انها تنازلت عن شي عزيز
عليها ... كله علشانك ...... و انت ؟؟؟؟؟؟؟؟؟؟
و حددت موعد العرس بوقت هي رافضتنه نهائيا .... و علشانك وافقت ..
فهد يفكر بكلامها .... هو كان منقهر منها .... يا ريت مسكت لساني .... لو درو اني ناوي اجل العرس شو بيسون ...؟؟؟؟؟
الجزء 34
أنتهينا مابقى شيٍ نقوله
لايضيع الوقت في كثر الكلام
كل منّا بان للثاني ميوله
الصراحه ما اعتقد فيها ملام
ساعة الفرقى على اللقيا عجوله
أنتهينا وانتهى ذاك الغرام
فرحتي من خلقت الدنيا خجوله
الامل فيها تلاشى في السلام
خلّ يبقى حبنا باجمل فصوله
الفراق المنتظر مسك الختام
مها ضايق خلقها صدق ........ ما تبي فهد يزعل منها او يطول زعله ..... ودها تدق له بس خايفه ما
يعطيها ويه ....... بالاخير نزلت تشوف امها و ابوها ... تقعد معاهم لوقت العشا....... استغربت من
الاجواء الموجوده ..... كانوا يتكلمون و لما يت هي الكل سكت ... غير نظرات الوالده و عيونها
المتروسه دموع .... لفت تشوف ابوها عيونه تلف بكل مكان من غيرها هي ..... يعني يتجنب
يشوفها
قالت بكل هدوء: شو صاير ..... في احد صاير له شي
امها ما قدرت تمسك دموعها .... وصاحت .... ركضت لها و حضنتها .... خافت شو سبب صياح
امها ..... : يبه شو في ....
قال حمد بهدوء: الموضوع عادي و بسيط .... بس تعرفين امج تبالغ
مها تشوفه ... لو الموضوع سخيف ما تكلم بهذا الهدوء
اخيرا ابوها قال: تأجل العرس
مها مو مستوعبه : اي عرس
ابوها: عرسج......
مها متفاجأه من الموضوع بكبره .... عرسي تاجل ... و فهد ليش ما يخبرني قبل ... ليكون الا
استوى له علاقه .....؟؟؟؟
قالت بهدوء تكلم امها : شو يعني تاجل يمه .... اكيد فهد ما حصل حجز ... انت تعرفين ما يمديه ....
هدت الام شوي: اخاف يكنسل الزيجه بكبرها
مها خافت فهد ما يسويها .... الخطوبه لما تكنسلت ما كان يحبني او حتى يعرفني .... الحين يحبني
و ما اضن الموضوع جي...... قامت بعد ما هدت امها و حاولت تقنعهم برايها .....شلت موبايلها معاها
و دقت له .......
فهد شاف رقمها ... تردد يرد عليها ... يمكن تكون معصبه و يحتدون بالكلام ... و بعد الحاح اتصالها رد
بهدوء: مرحبا
مها متوتره و واصله معاها: فهد ... ليش لما تاخذ قرار مثل هذا ما تناقشني فيه بالاول..... يعني
عيبك اني اتفاجأ فيه مثل غيري...
فهد يحاول يمتص غضبها : مها.... ما حصلت حجز .... و ابوج كان مع ابوي لما خبرته .... قلنا ناجله
بعد اسبوعين ... ما فيها شي
مها صدق منصدمه .... الا يسمع فهد و هو يرمس بهذا الهدوء ما يقول هو نفسه الا اصر و قدم
موعد العرس ..... و بالاخير يا خوفي تصدق امي بكلامها ....
فهد استغرب صمتها : مها انت معاي
فكرت حتي حبي مثل قبل ما عاد يقولها : نعم........ فهد يا ريت تصلي استخاره ... تتاكد برغبتك من
الزواج منى و الا لا
فهد بسرعه: مها عن السخافه .... ما لحقت احجز ... يعني مو بايدي
مها تحاول تقتنع : اتمنى ..... صدق اتمنى من قلبي يكون هذا السبب..... ممكن الحين اروح
اريح ...... ما سمعت رده قالت باي .... و قطعت الخط.....
فهد صدق خاف من نبرت صوتها .... اكيد شاكه اني ما ابي اتزوج .... و تخاف الا صار قبل يتكرر...
دليل على انها فعلا مو واثقه فيه .... و هذا الا قاهرنه ..... الا موتنه قهر .... بعد كل هذا الحب لازم
تتعلم تثق فيني ..... انا ارويج يا مهووو.... و اخليج تتبعيني و انت مغمضه .....
مها منهاره بغرفتها .... تخاف الا ببالها يكون صدق .... بس وين شموو اكيد ما تعرف و الا من زمان
خبرتني او ما تركتني بروحي ..... تحاول تهدي من عمرها ... و تفكر ... و الله يا شموو و طلع لج بعد
نظر .... تذكر نصيحتها ... لا تنجرفين مع اخوي.... هو صح اخوي على عيني و راسي بس يبقى
ريال ... البنت حلاتها يوم دخلتها .... و الحمد الله سمعت كلمها .....قامت صلت لربها ركعتين شكر ...
انها ما انجرفت بمشاعرها معاه ... و الا شو ممكن يستوي ....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك