رواية تدري وش اللي يقلب فيني أوجاعي -33
شذى : كلهم بخير وابوي يوم عن يوم يتحسن .. وعمي فهد يقول انه بيعالج ابوي في اوربا
دلال : وليه ابوي مايتعالج هو بنفسه
شذى : كيف وهو مقعد الحين خلاص ابوي يعتبر بس مقعد ولازم نعالجه
دلال : انا قصدي ليه مانعالجه بفلوسنا
شذى : دلال انتي تعرفين حالتنا الماديه .. مانقدر نعالج ابوي والمصاريف غاليه .. وعمي ماشاء الله غني وعنده خير وهو الي طلب نعالجه مو حنا
دلال : شذى احنا مالنا علاقه مع عمي عشان يعالج ابوي تبين يمن علينا ماتعرفين عياله انشر ولك الاجر بيقعدون يقولون للناس اول مايشوفونا هذيلي عيال عمي ابوي عالج ابوهم في اوربا مشلول
شذى : يادلال ماعلينا من كلام الناس اهم شئ صحة ابوي وانه يقوم لنا بالسلامه .. مو هذا حلمك ان لك ابو يدلعك يطلعك يوديك يجيبك مو هذا حلمك وهذا حلمك وقرب يتحقق ليه الحين ماتبين
دلال : لان عمي ماجد بيعالجه
شذى : ماعلينا الحين شمسويه مع الزواج
دلال : والله تمام راكان طيب ينحط على الجرح يبرى
شذى : جد .. والله فرحتيني الله يدوم المحبه بينكم
دلال : امين
بعد سوالف سكرت شذى من دلال وهي حدها مبسوطه ان واخيراً اختها بتفرح وبتعيش حياتها
.......................
في بيت العم ماجد "ابو تركي"
ابوتركي : اقول يا ام تركي ماخبرتك اني بعالج اخوي بودلال
ام تركي بصدمه : بتعالجه ليه مو هو ماله علاج ؟
ابوتركي ببتسامه فرح : لا اخوي تشافى وبصحه وسلامه صار يتكلم مافيه الحين الا انه يمشي وبعالجه بأوربا
شجون : بابا بتسافرون اوربا انت وعمي تعالجه
ابوتركي : ايه بسافر معه اعالجه
شجون : ( هييين يادلال المغروره والله لاقول للكل ان ابوي معالج ابوك لان ماعندكم فلوس يالمغروره برد سمعتي الي اهنتيها بالجامعه يادلال .. وبخرب عليك فرحتك بزواجك يالمغروره )
ام تركي ببتسامه : الله يشفيه يارب .. متى بتسافرون
ابوتركي : بعد يومين
ام تركي : تروحون وترجعون بالسلامه
تركي : اقول يبه عطني خمس الاف
ابوتركي : ليه وش تبي فيهم
تركي : بشتري لاب توب جديد لاب توبي الي عندي صار قديم
ابوتركي : ليه احنا نلعب بالفلوس صار قديم بتشتري جديد
تركي : يبه مستخسر علي خمس الاف
ابوتركي : لا مو مستخسر عليك بس ياولدي حرام
ام تركي : يا ابوتركي تركي استأذن مني وانا وافقت ولد خالته ياسر شاري له لاب توب جديد ولدي مو اقل منه
ابوتركي : محد مخربه ومدلعه غيرك
تركي : ليه ماستحق الدلع
ام تركي : الا تستحق ونص
ابوتركي وقف : انا الحين بمشي .. تركي
تركي : هلا يبه
ابوتركي : لا ناديتك قل سم مو هلا يبه
تركي ببتسامه : سم يبه امرني لبـيه
ابوتركي : روح الغرفه في الكومدينه اول درج افتحه تشوف بطاقة الصراف اخذها واصرف لك خمس الاف
تركي : طيب
مشى ابوتركي وتركي اخذ بطاقة الصراف وركض للبنك يسحب
اما بالبيت شجون واقفه بنصف تفكر وش بتسوي مع دلال وكيف تخرب فرحة زواجها .. صعدت الغرفه ورفعت جوالها واتصلت على صاحبتها "رنا" دقايق وردت رنا
رنا : الوو
شجون : هلا رنوو كيفك ..؟ّ
رنا : تمام انتي كيفك
شجون : دووم انا بخير
رنا : غريبه شجون بكبرها داقه علي
شجون : وش اسوي اضطريت اسمح لكبريائي اني ادق عليك
رنا : مادقيتي الا تبين شئ وش تبين
شجون : رنو قلبي ممكن طلب
رنا : امري
شجون : رنوو ابيك تنشرين خبر بدقيقه وحده
رنا : شنو الخبر ..؟
شجون : ان ابوي بيعالج عمي يصير ابو دلال بأوربا لانهم فقاره ماعندهم فلوس طيب قلبي
رنا : ليه شجون ؟
شجون : بدون ليه .. سوي الي قلت لك عليه
رنا : انا ادري انك تبين تنتقمين من دلال .. ليه كذا ياشجون ليه بقلبك حقد على بنت عمك
شجون : انتي مالك دخل انا قلت لك سوي الي عليك ولا تسوين نفسك ام النصايح لايكثر بس هرجك واشوف لسانك طايل لاتنسين مين انا ومين انتي انا شجون بنت ماجد وانتي رنا بنت الفرٌاش وان انتي عايشه بخيري فاهمه يابنت الفرٌاش
وسكرت الخط بوجهها وابتسمت بخبث فتحت الاب توب تبي تشوف البنات وصلهم الخبر من رنا ولالا فتحت المسن
على طول جاتها بنت نكها "ahooak"
ahooak : هااي شووجي
shoojy : هايات
ahooak : كيفك يالدوبه وحشتيني
shoojy : تمام انتي كيفك
ahooak : هممم بخير .. الا اقول جد الخبر ان ابوك معالج عمك ابو دلال بأوربا لانهم ماعندهم فلوس
shoojy ابتسمت بخبث : ( انا ادري يارنا ماعملتي هالشئ الا تبين نصيبك اعرفك بنت فرٌاش محتاجه الفلوس اكثر من الفقير ) ايه جد
ahooak : بنت عمك دلال على شنو شايفه نفسها على شنو
shoojy : من جد على شنو
ahooak : بس انتي كيف تتكلمين عن بنت عمك بهالطريقه
shoojy : ماقلت انا شئ من عندي انا قلت الي بيصير بعد يومين
ahooak : اهااا .. شكلك حاقده عليها من بعد السالفه الي بالجامعه صارت بينك وبينها
shoojy : لا هذي ولو بنت عمي
ahooak : ايه مبين عليك الحب لبنت عمك
shoojy : تتمسخرين انتي وفيسك
ahooak : لا حشا مين قال اتمسخر يالله انا بسكر سي يو
shoojy : وين بدري
ahooak : تحسبيني مثلك فاضيه والخدم والحشم حولي يادهينه لاتنكتين
shoojy : وش قصدك
ahooak : لا سلامتك ماقصد شئ ... سلالام
طلعت اهواك من المسن وبقت شوجي لحالها وقفلته من الطفش
شجون : اففف بتصل على رنا بشوف مين خبرت غير ارجوان (رفعت جوالها واتصلت على رنا)
رنا : خبرت كل صحباتنا وقلت لهم يخبرون الي يعرفون وش تبين بعد
شجون : اسمعي هيه انتي تراك ماحررتي فلسطين ولا عملتي إنجاز كلها برفعة جوال نشرتي الخبر ولا كلفتي على عمرك خلصتي رصيدك
رنا : انا ماقلت شئ انا قلت لك الي سويته مو هذا الي تبين
شجون : اسمعي هيه لاتقعدين تنافخين وكأنك متذمره تراك خدامه تحت رجولي انتي بدوني ماتسوين نمله
رنا : بدونك وفيك انا فوق راسك
شجون : على تبن ياشيخه فوق راسي انت حتى جزمتي "الله يكرمكم" ماتسوونها الجزمه "الله يكرمكم" ماركه وانتي هيلقيه
سكرت رنا الخط بوجهها وهي حدها معصبه من شجون بس ماتقدر تعمل شئ لان هي عايشه تطالع الله ثم تطالع شجون
شجون بقهر : هيين يابنت الفرٌاش تسكرين اجل الخط بوجهي والله لعلمك مين الي سكرتي الخط بوجهها
اندق باب لغرفه ودخلت الخدامه "انهار"
انهار : مدام شجون
شجون بنفس خايسه : وجع انا ماسمحت لك تدخلين الغرفه
انهار : مدام خلود ماما انتي في قول ودي اكل لمدام شجون
شجون : مابي اكل وانقلعي تحت
انهار : اوكي مدام
نزلت انهار وخبرت ام تركي ان شجون ماتبي اكل وصعدت ام تركي لفوق غرفتها
ام تركي : شجون
شجون : تفضلي ماما
دخلت ام تركي وجلست جمبها : شجون حبيبتي ليه ماتبين اكل
شجون : لا ابد يمه بس تعرفيني ماحب اكل من يد الطباخ
ام تركي : طول عمرك تاكلين من يد الطباخ ليه الحين ماتشتهين
شجون : لا بس طباخنا القديم طبخه روعه اما هذا الطباخ وعع ولا بعد مخليه الخدامه الي تنظف وتكنس تجيب لي الاكل وعععع
ام تركي : شجون حبيبتي اذا ماتشتهين تاكلين من يد الخدامه انا اعمل لك الاكل واجيبه لك لفوق
شجون : ايه موافقه لاني جوعانه حدي
ام تركي : تامرين امر انتي كم شجون عندي
شجون بدلع : وحده
نزلت ام تركي وهي بتعمل الاكل لدلوعتها وحبيبتها وبنتها الوحيده شجون
............
ابوتركي ~~< ماجد .. بروفسور .. العمر : 55
ام تركي ~~< خلود .. دكتوره في الجامعه .. العمر : 40
تركي ~~< العمر : 23 .. آخر سنه بالجامعه .. تخصص : حاسب .. ~~< سبق وخبرتكم عنه هو وولد خالته ياسر
شجون ~~< العمر : 20 ... في ثاني جامعه .. قسم : آدآب .. تخصص : صحافه وإعلام
في المحكمه
خالد : ياحضرة القاضي انا ارفع قضيه على زوجتي
القاضي : ليه
خالد : بسبب خطف اطفالي وثانياً موت ولدي مروان هي سبب فيه وابي اخذ حضانة بنتي جنى
القاضي : يعني ثلاث قضايا ترفعها على زوجتك ... وش اسمها
خالد : اروى صالح الـ؟؟؟؟؟
القاضي : الحين ممكن تشرح لنا القصه من اولها لاخرها
خالد : ياحضرة القاضي جيت بيوم شفتها مع واحد بالشقه خاطف عيالي وانا اعرف ياحضرة القاضي هي سبب بخطفهم ومتواعده وياه
القاضي : وش يثبث لي مجرد شكوك
خالد : ياحضرة القاضي شايفها مع واحد عايشه علاقة حب وتمثل دور انه خاطف عيالي وانا عارف ان اهي الي متفقه معه
القاضي : كمل
خالد : وبعدها بكم يوم مات ولدي مروان بطعنه من الي خطفهم وهذا طبعاً جاي من طرف اروى
القاضي : ايه
خالد : واخر قضيه ابي حضانة بنتي جنى
القاضي : راح نستعدي زوجتك اروى بس قبل لايصير كل هذا لازم تطلقها لان الحين هي على ذمتك ومانقدر نعمل شئ
خالد : طيب بطلقها متى بتستدعون طليقتي
القاضي : بكره
خالد صافح القاضي وطلع وهو مبتسم بخبث
خالد : ( تخونيني وتخطفين عيالي وتقتلين ولدي وتبيني اسكت مثل الجدار وبتنتهي حياتك يا اروى قرب يومك )
....................................
راح تركي لبيت خالته واخذ ولد خالته ياسر وطلعوا
ياسر : الا اقول تريكي وش صار على ذيك البنت
تركي ابتسم : ياشيخ لاتذكرني خلني كذا ساكت احسسن
ياسر : الحمدلله يعني مو ناوي على شئ
تركي التفت له : ههههههههههههه انا امشي كلمة حثاله لها
ياسر : اقول اعقل وحط عقلك براسك وخل البنت بحالها
تركي : اقوول ماسألتني وش ناوي عليه ؟
ياسر : لانه مايهمني مابي أسأل
تركي تنهد بحماس : والله يابوشباب ناوي اني اخطفها
ياسر التفت وشهق : شنووو
تركي : اخطفها
ياسر : هييييييييييه انت صاحي ولا مو صاحي حنا ويين تخطفها ومدري ايش حنا بأمريكا حنا ياشيخ اعمل أي شئ بس هالشئ شيله من بالك انا مستحيل اخليك تسوي هالشئ
تركي : اقول ياشيخ ابلع العافيه بتقول شئ يحمس ولا اسكت .. وش قال قال مستحيل اخيك تسوي هالشئ ههههههههههه .. خلنا بس نرقم كم بنت كذا حلوه احسن من هالكلام
ياسر : اولاً انت قايل لي بنروح ستار بكس ماقلت لي الراشد .. وثانياً انا ماراح تتطوى رجلي الارض الا لما اشيل هالفكره من راسك
تركي : واذا ماشلتها يعني بتجلس بالسياره
ياسر : ايي
تركي نزل وسكر الباب وفتح باب ياسر وسحبه من يده وسكره ونزلوا اتجهوا للمجمع ودخلوا وياسر كان معصب من تركي ولد خالته الي موته البنات والمغازل والترقم .. ويمشي الي براسه ولا حط فكره براسه مستحيل يطلعها
راحوا للكوفي "ستار بكس" وجلسوا فيه
تركي : وش تبي
ياسر : مابي شئ
تركي : ياشيخ الحين كل هالتكشيره عشان بس بخطف البنت
ياسر : تركي حط عقلك براسك انت مهبول بتخطفها بتنفذ الي براسك وبترد لها ثمن كلمتها وبعدين بتقدر تتحمل عواقب هالشئ
تركي : ومن قال اني بتحملها ياحلو كل شئ يمشي بالواسطات بجية وحده لابوي للشرطه اعتبر طلوعي موثوق
ياسر : يارجال انت كل شئ وشوي ابوي وابوي والواسطات والواسطات واذا جية ابوك للشرطه ماتعني لهم شئ واذا أصرت البنت ماتتنازل
تركي : الفلوس تخدمك
ياسر : واذا البنت شايفه خير
تركي : اووه تفكر بكل هالاشياء خلنا الحين اخطفها وارد لها كلمتها وبعدين نفكر .. وثانياً قول وش تبي
ياسر : مابي اطلب الا لما تقول شلت الفكره من راسي
تركي نادى للجرسون : اسكيوزمي
: يس
تركي : تو موكا بارد
: اوكي
مشى الجرسون والتفت ياسر لتركي : من قالك اني ابي موكا
تركي : ولد خالتي واعرفك
مروا من قدامهم مجموعة بنات متلثمين وكل وحده تدلع بمشيتها
تركي : ياهوووووووووووه انا اذووب وربي اذوووب
ياسر التفت له بعصبيه ووقف ماشي عنه
تركي وقف وبيده جواله : ياااسر
ياسر : خلك خلك تغازل
تركي مشى وراه وهو يضحك
تركي : يسسسسوور وووقف
مشى ياسر ووصل للدرج المتحرك وتركي وراه مسكه من يده
تركي : يارجال الحين يقال اول مره اغازل
ياسر : انا مو معصبني ياتركي موضوع المغازل هذا كيفك عقده نفسيه فيك .. انا الي معصبني موضوع خطف البنت
تركي : الحين مين الي بيتحمل عواقبها انا ولا انت
ياسر : انت ولد خالتي واخاف علييك
تركي : لاتخاف علي انا رجال عن مليون رجال
ياسر : الرجوله ماتطلب إنك تخطف بنت وتبين رجولتك
تركي : اووهوووه ياسر تراك صاير حكيم زمانك اقول بس خلنا نروح للكوفي تلقى الموكا وصلت
ياسر : مابي موكا خلنا نروح بس كرسبي كريم
تركي : يالله
...............
في كرسبي كريم .. بالراشد
كانت ساره موجوده بتطلب لها كبتشينو ودونات "كلاسيك" وبتطلع اهلها يحترونها تحت
وهي بيدها الكبتشينو رن جوالها رفعت الجوال وردت على رائد
رائد : وشفيك تأخرتي سسنه
ساره : رئووود وشفيك دقايق وانا جايتك
رائد : طيب لاتتأخرين
ساره : طيب رئود احتريني شوي
سكرت ساره من رائد واجتمعوا عليها شلة شباب حوالي 5 وصاروى عاملين دائرة حولها
ساره : شنو هذاا
الاول : اوه وش هالقمر ياقلبي اذا تبين اشيل عنك الكبتشينو اشيله تعبك راحه
ساره التفتت للجرسون : وين الدونات
الجرسون مد لها الدونات وساره حاولت تطلع بس ماقدرت وطاح الكبتشينو من يدها
ساره : هبلان انتو طيحتوا الكبتشينو
: ليه متقطع قلبك على الفلوس الي دفعتيهم له ترى اذا تبين اباشر لك عليه عادي
وصلوا ياسر وتركي بهاللحظه واستغربوا من تجمع الشباب
تركي : اكيد هذي هوشه من هواشة العيال خلنا نروح نشوف
تقدم لها شاب من ضمن الـ5 وصار قريب منه
ساره بصراخ : ابعد
دفوا ياسر وتركي الشباب وشافوا البنت ووقفوا يناظرون ببعض مصدومين وساره ناظرتهم بخوف وعرفتهم
ساره : ( ياويلي ليكون يبون ياخذون حقهم مني من كلمة حثاله ومتفقين مع هالشباب ياويلي )
تركي : وش تبون منها
: انت الي وش تبي منها ولا خوييها
تقدموا الشباب من ياسر واثنين منهم تقدموا من ساره وسحبوها من يدها وجروها معهم
ياسر : ابعدوا عني يا تبن
تركي التفت لساره وماشافها ووسع عيونه والتفت يمين ويسار يشوفها وين وشاف الشابين ساحبينها
تركي جن جنونه وركض وراهم وهو يصارخ "اتركوها اتركوها"
ساره : اتركوني وش تبون مني اتركوووني
وجلست تصارخ وتبكي وتركي يركض وراهم وصل وقرب منهم
تركي سحب الشابين ورماهم على الارض من قوته
ساره وهي تبكي : هدني يالحمار هدني لهالدرجه في ناس مثلك حقيرين
تركي : سووا لك شئ ..
ساره : انت حمااااااااار
وطبعت كف قوي على خده من قهرها وركضت تنزل لتحت وتركي اثر الكف على خده والتفت لها وركض وراها
تركي : صدقيني والله مالي دخل مالي دخل
ساره : كذاب كذاااب
تركي : يابنت الناس صدقيني مالي دخل
وتقدم لها وصار جمبها وجلس يناظر فيها
ساره : يالله وش تبون مني وش سويت لكم انا وش سويت
تركي : الي سويتي لي انك بلحظه قلبتيني فوق تحت تصدقين كنت ناوي انتقم منك بس اول ماشفت شباب متحاولينك تغير حقدي لخوف عليك
ساره سكتت ووصلت للباب وطلعت تركض وتركي وراها يمشي شافها ركبت السياره وهو جلس يناظرها وهي تروح
وعلى طول ركب سيارته وجلس يلاحقهم
...
في سيارة رائد
رائد : انتي هيه وشفيك تأخرتي
ساره دفنت راسها بحضنها وجلست تبكي وبعدها تبكي بصوت عالي
رائد وقف السياره وتركي طبعاً وقف السياره وراه
رائد حط يده على ظهرها : ساره شفيك ؟
ساره : مافيني شئ مافيني شئ خلاص حرك مافيني شئ
رائد : لا ماراح احرك الا لما تقولين لي وشفيك
ساره مسحت دموعها : مافيني شئ وربي بس الي فيني اني تذكرت نوف ( آللهـ مآكبر كذبتك )
رائد : متأكده ؟
ساره : ايه متأكده
حرك رائد السياره ومشى وتركي طبعاً حرك السياره ومشى معه ووصلوا للبيت ونزلوا رائد وساره وتركي جلس قدام البيت وسكر السياره ورمى راسه على الكرسي وخلاه على شكل سرير
تركي : ( وشفيك ياتركي مساعه حاقد عليها وبقلبك حقد لها ليه اول ماشفت الشباب حواليها جن جنونك .. ياسر ياسر ولد خالتي وش صار عليه ... فاضي انا لياسر انا الحين بالي مشغول بساره .. دموعها دموعها شفتها تنزل .. تركي ليكون حبيت البنت .. لالا بس أي احد بمكاني يشوف بنت حوالينها شباب ماراح يرضى لو ان اختي بمكانها اكيد بخاف عليها وهذي مثل اختي .. هههههههههههههه والله هذي نكته مثل اختي وحاقد عليها وابي ارقمها جد نكته )
......................
في شقة راكان ودلال
دلال : اليوم امي متنقصه لنا بغداهم
راكان : وليه زوجتي الحلوه ماتطبخ
دلال : اطبخ ..؟
راكان : لا نظفي ايه طبخي
دلال : هههههههههههههههههههههه
راكان : ليه تضحكين قلت نكته ..؟
دلال : انا المطبخ المويه والكاسات ماعرف مكانهم تبيني اعرف اطبخ
راكان : لا لا وش هالكلام انا رجال احب الاكل من البيت ومن أيد زوجتي ماحب الاكل من احد ولا من المطاعم
دلال بدلع : لا لا بس انا ماعرف اطبخ
راكان : اشتري لك كتاب طبخ وامك تعلمك
دلال : طيب على امرك اتعلم الطبخ وش وراي يالله تعال أكل
راح راكان لطاولة الطعام وبدوا ياكلون
دلال : هممم وش سويت بالدوام
راكان : عادي بس تعبت
دلال : ليه ..؟
راكان : لا بس اخوي بدر شوي تعبان وماداوم وقالي ابوي امسك شغلك وشغل اخوك لان لو مامسكت شغل اخوي بتتراكم عليه وتعرفين بدر مايتحمل
دلال : اهاا .. مايشوف شر الا اقول بدر ليه يداوم ويتعب نفسه يجيبون احد بداله وخلاص
راكان : بدر اخوي صبور ومستحيل يستسلم لعقمه انه يجلس بالبيت عشانه
دلال : وإن شاء الله اخوه مثله يكون صبور
راكان : افا عليك مثله وزود
دلال : مع الايام نششوف
.................
في بيت ابوريان
ريان جالس بالصاله ورفع جواله بيتصل على اريج بعد 5 رنات ردت اريج
ريان : هلا و غلا بهالصوت
اريج : هلا فيك
ريان : بالتلفون هلا فيك وجراءه وفي الحقيقه فيس تو فيس خجلانه
اريج بدلع : ههههههههههه .. الحين توك شايفني مامدى اشتقت لي
ريان : وش اسوي اشتقت لك
اريج : ويلوموني فيك
ريان : انا خلاص بطلت ازورك كله بكلمك جوال دام بتتكلمين بهالجراءه
اريج : واذا مازرتني وش تبيني انجن ولا يجيني شئ بعقلي انا بس لو يمر يومين بدون ماشوفك يجيني شئ بعقلي اكون مجنونه
ريان : بسم الله عليك من الجنون ياقلبي ..
اريج : تسلم
دخلت الهنوف الصاله بهاللحظه وقطعت على ريان احلى لحظاته
الهنوف : ريوون مين تكلم
ريان يكلم الهنوف : اكلم حبيبتي وزوجتي وكل حياتي
الهنوف بصوت عالي : اريييييييييج انتي ماتدرين انك عامله عمايلك بأخوي مجننته وماخذه عقله ياليت يعطيني هالاهتمام ولو نصف منه
اريج سكرت الخط بوجهه وهي مبتسمه بخجل وفرح
..
ريان : شفتي خليتيها تسكر
الهنوف : يالبـيه هالمرة الاخو حبيتها والله خجووله
ريان : توك تدرين ومين مايحب اريج
الهنوف : هالاريج خذت قلب اخووي والله
ريان : ليه غيرانه
الهنوف : بلا شك
ريان : لا جاك نصيبك وتزوجتي اكيد زوجك بياخذ قلبك
الهنوف : ويينه زوج المستقبل وينه ماجاء ولا طق الباب للحين
ريان : ههههههههههههه مشفوحه على الزواج
جلست الهنوف بعيد عن ريان وتناظر التلفزيون على فلم اجنبي رعب وريان اندمج مع الفلم معها
....................
في بيت ابوفيص
رجعت ساره وركضت لغرفتها تبكي ودفنت راسها بحضنها وبكت بقوه
شوق من ورى الباب : سساره ساره شفيك ؟
ساره :.............
شوق : ساره افتحي تكفين افتحي
ساره : مابي اكلم احد مابي اشوف احد خلوني لحالي خلوني لحالي
شوق بأصرار : افتحي الباب ياساره ولا اكسره
ساره استسلمت وفتحت الباب لشوق وشوق دخلت وجلست جمبها على السرير
شوق : شفيك ؟
ساره ارتمت بأحضانها وخبرتها بكل الي صار اليوم
شوق : هذاك الولد الي قلنا له حثاله جاء لك ؟
ساره : ايه وقالي كان يبي يخطفني بس يقول اول ماشافني قلبته فوق تحت وتحول حقده لي لخوف علي
شوق : وهذا كلام حلو يعني الولد يخاف عليك مو حاقد عليك وش الاحسن يحقد ويبي ينتقم ولا يخاف عليك ومايحب لك المضره مثل الي صار لك اليوم
ساره : بس مدري ياشوق احس بلحظات اني اخاف من الناس اخاف من كل شئ حتى الجماد اخاف منه
شوق : ليه ..؟
ساره وهي تبكي : من بعد مالله اخذ روح توأمي وروحي الثانيه وحياتي نوف وانا اخاف من اللكل من كل شئ حتى انتو اخاف منكم حتى انتو اخاف منكم
شوق : ليه اعتبرها حاله نفسيه
ساره : انا مابي اشوف الناس مابي اشوف احد حتى الاكل مابي اشوفه مابي اشوف غير صورة نوف ليه نوف راحت وتركتني لييه هي ماتحبني ماتحبني راحت وتركتني ماتحبني ليييه محد يحبني بهالدنيا ليييه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك