رواية واللي جمعنا والتقينا وكنت لك واللي فطر قلبي بحبي لك -3
الورد اول شي النصيب وثاني شي بعض القبايل ماتقبل بالاجانب خليني كذا احسن
مريم الله يرزقك بالرجال الصالح
------------------------------------
في المجلسكان الكل داخل عليهم وطالع يتحمدولهم بسلامة عبيد الكل شاركهم الفرحه حتى جيرانهم حمد ومشعل مستلمين صب القهوى على الرياجيل اما فهد دخل داخل البيت ينادي على مريم بس مالقها فنادا امه
فهد ابوي يقولج لا تطبخون عشى في البيت هو طلب من المطعم ذبيحه فسوى حسابكم انا جايبلكم معنى
ام فهد الله يعطيه العافيه مايقصر ابوك والله ان شال عنا حمل الطبخ
فهد مريم موهني لايكون راحت بيتها سالت هديل عنها ةوتقولي مو هني
ام فهد راحت تصعد بنت عمك فوق توديها غرفتها
فهد وش ودها معها قولي لبناتك لا يقربونها حنا ماندري عن تربيت بنت الكويت
ام فهد لا تظلم حظك ينمك انت عندك خوات والله انها تكسر الخاطر
فهد اقول يما بلا كلام زايد تقوليلهن ولا انا ابلغهن بطريقتي
ام فهد الله يهديك يوليدي ان شاء الله اني ابلغهن ماقول الا الله يعين الضعيفه
---------------------------------------------------------------------------------------------------
الى هنى اقف عن الكتابه حتى اجمع مذكراتي واسطر احرفها بين يديكم اختكم في الله ------عبير الورد والشوق
, ,,,,,,البارت الخامس,,,,,
مشت ام فهد رايحه صوب الصاله وتكلم نفسها الله يهديك يافهد حكمت على البنت وانت ماعشرتها انت واهلك الله يصبرها
مشى فهد متجه للمجلس سمع صوت وراه يناديه ولف بتجاه الصوت الا هي شوق تناديه
شوق فهد فهودي
فهد يالبيه ياشوق الفهد
شوق لبية وانت حاج يانور عيوني
فهد امريني شبغيتي ياغلاي تدللي بس
شوق كنت ابي اشوفك ليش جاي هني شعندك
فهد افا وانا اقول الحين تبي تقول مشتاقتلي وطلع تحقيق وصار فهد يقلب عيونه مثل الاطفال
شوق والله والله اني مشتاقه وميته بس متى يجي هاليوم
فهد اي بيجي هاليوم ويجمعنا بيت واحد وكون لك وتكونين لي
شوق فهود خذ هذا مني لك
فهد مستغرب وش هذا
شوق جريتلك عطر جديد اتمنى يعجبك ,,,,,اسم العطر كركديرو,,,,
فهد تسلمي ياغلاتي ليه كلفتي ع نفسك
شوق لك عيوني ياقلبي يلا روح المجلس قبل لا يشوفنا احد ونروح فيها
فهد عطها بوسه طايره على الهوا باي ياشوق الفهد
راحت شوق للصاله اللي متجمعين فيها الحريم اما فهد راح صوب سيارته وحط هدية شوق بالسياره ويقول في قلبه الله يخليك لي ياشوق وتكوني من نصيبي
ام راشد شوق وين كنتي ادور عليك مالقيتك
شوق برتباك كنت بالمطبخ يما
امراشد وش عندك بالمطبخ العشى ويبجيبونه من المطعم وشهوله المطبخ
شوق شفيج يما تحقيق كنت ابي اسوي حلا بمناسبت رجوع خالي بس المكونات اللي ابيها ناقصه
ردة الجده وليه تعبين نفسك الحلا اللي عندنا يكفي يمج
شوق كنت ابي اذوق خالو من ايدي هذي جزاتي يعني
مريم خلاص كل وحده تسوي طبق وتذوقه خالو ههههههههههه
شوق مريمو المليغه بايخه زين هههههههههههههه
ناديه كلكم مليغات واملغ وحده فيكم هالكويتيه الخايسه
ام فهد ناديه عيب يمك لا تشيلين ذنوب هذي بنت خالك ومن لحمك ودمك
الجده انتي مالك شغل يام فهد خلك بعيد تراك غاليه
ام فهد ياخاله وتدرين اني احبك وعتبرك مثل امي الله يرحمها بس الظلم حرام
ردة شيخه وهي تتكلم بدون نفس 0 ام فهد الله يهديك لا تتدخلين في مسائل عائليه
ام فهد اللي يقول الحق غلطان المهم اني ماظلمت وربي يشوف وعالم وانا ماقول الا الله يهديكم
الكل منهم سكت وقام يلهي نفسه في نفسه هديل ونوف اصعدو فوق لغرفة ناديه وناديه معاهم ام الحريم الكبار
قامن يتقهون والبنات مريم وحنين وشوق حطو على قناة فاشن يشوفون عرض الازياء والكل شغل في نفسه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
في بلد ثاني من الخليج العربي
في شقه من شقق الرذيله كانت سويره جالسه على الصوفه وهي نايمه على ظهرها وماده رجولها على سنادة الصوفا
ولابسه قميص شبه ساترها مبين كل مفاتنها وفي ايدها زقاره كانت تدخن بشراسه ام هو فكان جالس مقابلها وي
ويتغزل فيها ويعطيها من الكلام المعسول لين ذوبها ماقدرت تسيطر على مشاعرها فقامت من مكانها وجت تقعد في
حظنه وحوط ادينها بين خصرها وقامو يتبادلون العشق بحراره بعد ماشيعت رغبتها منه وهو اضهر الغريزه اللي فيه
سويره اقول حبيبي شنو سويت في موضوعنا
--------- انا قررت اني اتزوجك
سويره والله تبي تتزوجني اجل متى تطلق اللي عندك
-------راح اتزوجك عليها
سويره تطالعه وهي مصدومه تزوجني عليها كيف انا ابيك لي بروحي
------كم مره اقولك انك انتي لي بس ليش مو راضيه تفهمي لو مابيك ماعملنا الغلط الي احنا فيه ولو مابيك مابتزوجك
سويره كيف تاخذني عليها يعني اكيد ماتبي تعدل وبخليني اتشفق عليك
------ اجل ماراح اطلقها الحين لين اسويلي كذا شغله
سويره بصبر وامري لله صبرت كم سنه يعني عجزتنه على كم يوم
كانو تلذذون ومتعين انفسهم لاكن نسو ان في رب يراقبهم وشخص اظلموه معهم وش بتصير نهاية الخيانه
عبير-----وامها ام موضي خلصومن موع طبيب ام موضي وبدء مشوارهم
اموضي اقول عبير شلون زوجك وبناتك ماعلمتيني عنهم
عبير بخير يالغاليه يسلمون عليك والبنات ابي اجيبهم لك بكرا في يوم زورتنا
ام موضي الله يخليلكم ابوكم وبناتج وتفرحين فيهن عرايس امين
عبير امين يما ويهدي نايف لنا
ام موضي عسى ماشر لا يكون صاير شي بينكم
عبير لا والله يما مابينا شي بس كلام ساره خوفني
ام موضي انتي خبله تسمعين كلام سويره هي لو فيها خير ماطلبت الطلاق من رجلها وخلت بنتها
عبير الله يهديها والله مو كاسر خاطري الا هالورد اللي ضايعه بينهم
ام موضي اشون ابوها خذها لو هي عند اختك جان ماندري شحال هالمسكينه
عبير اي والله جان تلقين البنت ضايعه بس بسم الله عليها ترها عاقله يمه
ام موضي تربية ابوها اقول عبير مري فيني الجمعيه باخذ اغراض للبيت ادري تعبتج
عبير 0 تعبج راحه يالغاليه انتي شلتيني وانا صغيره لزوم اشيلك وانتي كبيره
ام موضي الله يخليج لي انتي وموضي ولا سويره من عمرها مانها فايده بس ماقول الا الله يهديها
ووقفت عبير سيارتها عند مسافط احد الجمعيات وانزلت هي وامها اخذت عبير لها عربانه وامها لها عربانه وقامو
كل وحده تشتري اللي ناقصهم بعد ماحاسبو وطلعو من الجمعيه ودة عبير امها لي بيتها وبعدين عبير طلعت وراحت
لبيتها تبي تسوى غداء لزوجها اتصلت على نايف رد عليها
نايف الو
عبير صباح الخير حبيبي
نايف صباح الورد وين طالعه
عبير كنت موديه امي الطبيب
نايف شفها لا يكون فيها شي
عبير ماشي ان شاء الله بس عندها موعد السكر والحمدلله تمام ودتها الجمعيه ورديتها بيتها
نابف خير ماسويتي ترها امج انا لو امي عايشه ماقصر عنها والله
عبير انا امك وابوك وانا كل اهلك شرايك ههههههههه
نايف تدرين انك دنيتي ومالي غنا عنج ياام جزل
عبير الله لا يحرمني منك ياابو بناتي الا ماقلتلي شنو تبيني اغديك اليوم
نايف كل شي منج حلو سوي اللي تبينه
عبير يعني اسوي اللي ابي موبعدين تقولي ليش ماسويتي جذيه
نايف انا اليوم مصرحلك سوي اللي تبين
عبير اجل بغديكم غدا راقي ههههههههه
نايف انتي الراقيه والله يالله حبيبتي على طول البيت لا مني ولا مناك اوك
عبير ان شاء الله على هالخشم ياقلبي
وسكرت التلفون منه وهي في قمت سعدتها وهو كذالك كان مستانس من زوجته اللي حبها وبغها وقضى يومهم في مهماتهم
,,,,,,,,,,,,,,,,,,,,,,
وننتقل الي المملكه العربيه السعوديه
فرشت لها فراش على الارض كانت اهي وابوها في غرفه وحده وفضلت ابوها ينام علي السرير وهي على الارض
حطت ملابس ابوها في الدولاب وجا دور ملابسها اللي خلتهم في شنطها لي تنتقل لغرفه ثانيه وهي لاهيه في ترتيب
الغرفه فجاء ونفتح باب الغرفه بقوه وضرب بالطوفه وطلع صوت قوي لفت شوق صوب الباب وبطلة عيونها من
الخوف تشوف منو هذا الا بعمتها شيخه قربت منها شيخه ورجعة الورد لي وراء لين الزقت بالطوفه مدت شيخه
ايدها ومسكت شوق مع رقبتها وقالتلها بصوت كله تحذير وتهديد وشوق تطالعها ماتدري شتسوي تبي احد يمر بس
محد داري عنها
شيخه اسمعي مني اللي اقوله لك انا احذرك من الحين والله انتي ماتعرفيني ترا اقلب عيشتك مثل ماقلبتو عيشت اخوي
الورد بصوت مرتجف ليش تحملوني ذنب انا مالي فيه
شيخه ذنبك الوحيد انك بنت سويره تفهمين منو سويره
الورد انا ماعندي ام امي ماتت من بعد مابعتني وضيعتني
شيخه اقول انتي ضايعه وصايعه واسمعي بناتنا مو تقربينهم ولا لك شغل فيهم مانبيهم يخربون من تصرفاتك الخايسه
الورد ليش تحكمون علي وانتو ماعرفتوني انا يكفي اني محافظه على نفسي ومامشيت بالغلط
شيخه لاتضحكين على نفسك انتي تربية امك وراح تسوين زيها وتلفين بعقل بناتنا
الورد انا بنت ابوي وامي خلاص ماتت تفهي ماتت وقامت تصارخ الورد بصوت عالي
دزت شيخه الورد على الارض وظرب راس الورد الدولاب وصارت تصرخ وتبكي من العوار وقالتلها شيخه بكل
تهديد تراك ماعرفتيني واذا حطيتك براسي لا تلومين الا نفسك وطلعت من الغرفه وسكرت الباب ورها بقوه
سكرت شوق اذانيها من قوة صوت الباب وصارت تزحف لفراشها اللي على الارض نامت في جنزها وبلوزتها
غطت نفسها بالبطانيه تبي تخفي رجفت قلبها كانت تبكي بحراره بالام بحرمان كانت تبي توهم ابوها لا دخل عليها انها نايمه
دخل ابو الورد غرفته يكلمها بس ماردة عليه سوت نفسها نايمه بدل ملابسه ورمى نفسه على الفراش ونام نوم
عميق يبين على انه مرتاح لرجعته لاهله
الورد ااااااااااااااه يايبا ماتدري سنو سوو بنتك انت فرحان ومتهني وانا اتعذب من اهلك وينك يما ليش خليتهم
يعايروني فيك ليش ماخليتيني جنبك وجنب ابوك هنت عليك
نامت في ليلتها الاولى نامت على انغام الاهااااااات وعلى سنفونية الشتائم وعلى غيتارت الكره نامت حتى تنتظر
يوم جديد من الموسيقى موسيقة الذل والكره والظلم هم يسعدون في تعظيبي وانا ابكي من قهرهم
في مكان ثاني من بيت اهل عبيد
الجده ان ماعلمت بنت سويره وطفشتها من البيت اخليها تفضل نار امها ولا جنة ابوها
شيخه ماعليج يما ماقصرت فيها زريتها لج ودزيتها على الارض عشان تعرف من اول يوم ان ماعندي لعب
ناديه وانا بخليها تهلك لين تعرف ان الله حق اللي سوه في خالي موشويه
الجده يكفي انهم احرموني منه كل هالسنين الله لا يوفقهم
ناديه جدووووه شفتي مرت خالي وبنتها واقفين ويا بنت النسره لا يكون حبتها
الجده حبتها القراده اللي تحبها انا بكلم خلج يكلمها مانبي على اخر عمرنا مشاكل ويا مرت خالج بسبب وردوه الله ياخذها
--------------------------------------------------------
الى هنا اقف حتى اسطر دفترى بتكملت روايتي اتمنى ان تنال اعجابكم واكون وفت في شرح تفاصيلها قراءه
ممتعه للجميع ولا تحرموني من ردودكم اختكم في الاسلام,,,,,,,, عــبـــيـر الـورد والـشـوق
الـــــبــــارتـ الـــســــادسـ
اخذت الجدهـ تلفون البيت واتصلت على بيت هادي--------------
ابوفهد 0الــو
الجدهـ 0قوه فهد شلونك
ابوفهد هلافيج يمه فيكم شي عسى ماشر
الجدهـ مافينا الا كل خير متصله عليك ابي اشوفك شلون حالك بعد جية اخوك
ابوفهد ابشرك بخير والحمدلله فرحان مثلك واكثر
الجدهـ عسى دوم فرحان ومتهني الا ابي اسالك متى تسوي عشا اخوك ابي اعزم اهلي وجيرانه
ابوفهد متى مابغيتي تصير العزيمه
الجدهـ اجل خليها السبوع الجاي يكون اخوك مرتاح وحنا نجهز شغلنا
ابوفهد على بركة الله يما واللي تبينه يصير
الجدهـ الله يخليك لي انت واخوانك ولا يفرقكم احد الا يمك ابي اقولك شي بس لا تصب
ابو فهد خير يمه صاير شي
الجدهـ ابي منك تقول لام فهد مالها شغل في بنت اخوك هي وبنتك مريم انا بربي بنت اخوك على عادتنا
وتقاليدنا شنو اللي تسمعه نقولها ملها شغل فيها
ابوفهد ابشري يمه اقولها ان مالها شغل في بنت عبيد بس ولا زعلك يالغاليه
الجدهـ ماني زعلانه بس مابي بعد هالعمر اتزاعل انا ومرتك عشان بنت اخوك تفرقنا بعد هالعمر
وام فهد اعتبرها وحده من بناتي وغلى منهن بعد
ابوفهد والله اني داري انج تحبينها ولا ترضين عليها تعلميني فيج لا تخانقت انا معها صفيتي في صوبها
جني مو ولدج هههههههههههه
الجدهـ 0هههههههههههههههههه المهم تصبح على خير بس امانه لا تهاوشها ترها غاليه
ابوفهد ابشري يمه والله اني لي زعلتها تبي ترقدني برا البيت
سكر التلفون بعد ماخلص كلام مع امه وقعد يتكلم في خاطره هذي من اول ماجت سوت مشاكل بين امي
وزوجتي الله يعينا عليج يابنت استغفر الله
ابوفهد ام فهد تعالي ابيج
ام فهد امر ياابو فهد تبي شي
ابو فهد اقعدي ابي اكلمج في موضوع
ام فهد خير ان شاء الله بشرني عسى فهد يبي يعرس
ابو فهد ولدج هذا مايتزوج لين يطلع روحي مادري على منو طالع
ام فهد اي والله انه عنيد كنت مختارتله بنت اختي بس مايبيها والله انها خوش بنت
ابوفهد لا تكلمينه لين هو يطلب منج مانبي نغصبه اقول لا تطلعيني من موضوعي تدرين ان امي تحبج وتغليج
وتعتبرج وحده من بنتها
ام فهد وانا شهدنها تغليني وعمرها مازعلتني
ابو فهد امي تبي تربي بنت اخوي على كيفها ماتبي احد يتدخل يعني انتي وبناتج ماكم شغل
ام فهد بس يابو فهد انت ماشفت كيف يعاملونها كنها مو بنتهم كنها وحده من الشارع
ابوفهد يابنت الناس انا قلتلج وافهمي مابي بعد هالعمر تجي بنت اخوي تفرق بينكم
ام فهد الله لايجيب الزعل بيني وبين خالتي هذي بنتكم وكيفكم فيها وربي فوقكم يحاسب في اللي تسونه
ابو فهد ادري انج زوجه عاقله شلي محببني فيج انج مطيعه وماتكسرين كلمتي
ام فهد ماعاش من يكسر كلمتك يالغالي تراك بقلبي محفور
ماكان عاجب ام فهد بس شتسوى ماباليد حيله والله يعين الورد على اللي جاي
ابوفهد يلا امشي فوق خلينا نام
ام فهد اي والله خلنا نرتاح تعبنا اليوم تعب
صعدو لغرفتهم وتسكر عليهم باب يخفي كل مافي قلوبهم ومشاعرهم حتى يبتدو يوم جديد
---------------------------------------------------------------------------------------------------
ننتقل الى غرفه في احد المنازل بين شخصين متفاهمين في كل شي واجمل شي بينهم هو الحب الصادق
تزوجها زواج تقليدي لاكن بعد الزواج لايستطيعان ان يفترقا عن بعضهما كانا بلابل الحب يصفان في الحب الصادق
بكل انواعه تزوجت حنين من ناصر ولاكن لم تنجب في اول زوجها وبعد ست سنوات رزقهما الله بتوؤم
غزل وغزلان في عمرهما السنتين
ناصر حنونه شفتي اليوم بنت خالي
حنين اي ناصر ترها بنت طيوبه
ناصر بس احس في داخلها حزن
حنين حتى انا اقول جذيه بس اللي بالبيت مو مخلينها على راحتها وخاصتن خالتك شيخه
ناصر تعلميني في خالتي شيخه الله يصبر البنيه ويهديهم هم
حنين ابي اطلب منك طلب اذا تقدر اوكي واذا ماتقدر امري لله
ناصر امري تددللي شنو خاطرج فيه
حنين ابي اسكن بروحي ابي استقل بنفسي
ناصر ليش تطلعين شقتنا كبيره علينا وبعدين احد مضاقج لا يكون شوق قايلتلج شي
حنين لا والله ياناصر انا ابي اعيش في مملكتي واذا على شوق تعودة عليها
ناصر خليني استشير ابوي وافكر وحسبها على مزاجي
حنين اخذ راحتك في التفكير بس صدقني بنرتاح ويكون لنا حيات بروحنا
ناصر حنوو خلينا من البيت وخرابيطه الا شفيج شكلج متغير ونحفانه شفيك لا يكون تعبانه
حنين حتى انا اشوف نفسي نحفانه بس قلت يمكن اضحك على نفسي
ناصر اجل بكرا اوديج الطبيب اخذلك تحاليل لايكون فيك شي
حنين ابي اقولك شي بس مو متاكده
ناصر شنو اللي مو متاكده منه فيك شي
حنين انا متاخره علي الدوره شهرين بس مادري فيه حمل ولا مافيه
ناصر اذا فيه خير وبركه واذا مافي العمر جدامنا
حنين الله كريم خاطري اترسلك البيت عيال ابي اشوف الفرح بعيونك
ناصر بيرزقنا رب العالمين وعندنا الغزلان الثنتين وخلي هالامور عنك تعالي حضنيني وضميني ابي
احس بدفاك ابي اشم عطرك وتنفس انسامك من الحيا رمت عليه حنين الكوشيه بس قاومها وسحبها يمه
وضمها وضمته وهني انغلق عليهم باب باب العشق والشوق العشق الحلال الطاهر
-----------------------------------------------------------------------------------------------
ننتقل الى بيت ابو راشد---------------------------
صحت على صوت التلفون اللي ازعجها وكانت الساعه 2 بالليل شافت المتصل وطارت من الفرحه
شوق 00هلا حبيبي
فهد هلا فيك ياشوق الفهد نايمه بدري ياعسل
شوق غلبني النوم ياقلبي ماحسيت في نفسي الا الحين
فهد نوم العوافي ياقلبي ياليتني جمك ونايم بحضنك
شوق ياليت يافهد اشتقتلك ذبحني شوقي لك
فهد وانا كمان ذبحني شوقي لك اتمنى تكوني معي خطوه بخطوه
سكتت شوق لحظه وترددت في السؤال لفهد لاكن تشجعت
شوق فهد انت تحبني ولا تلعب في
فهد انتي صادقه في اللي تقولينه ولا تمزحي
شوق انا سالتك جاوبني
فهد انا لو ماحبك ياشوق كان ماكلمتك وانتي بنت عمتي وتقربيلي ماقعدة معك سنتين ليش العب بنفسي انا
شوق حاسه في شي يبي يصير احس انهم يبي يفرقونا
فهد ماراح يفرقنا الا الموت انا لك وانتي لي
شوق الله كريم يافهد الله يحقق لنا امانينا انا مو مخوفني الا بنت خالي شكلهم بيخلوك تاخذها
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك