رواية تدري وش اللي يقلب فيني أوجاعي -29
شوق :( تعذبي مثل ماتعذبت تعذبي انا جد نسيت فارس وحبيت بدر بس ذوقي العذاب انا مابيك تتعذبين الا عشان بس خذتي الي كنت احبه وتدرين اني احبه ) ~~< شوق تحسب ان جوري تبي تقهرها وتوافق وجوري هالشئ موببالها
مشت شوق لجهتهم وجلست وحطت رجل على رجل بغنج وغرور
شوق : رنوومه وش هالحزن والبكا انا ماحب اجواء الحزن
رنيم ناظرتها بنظره حاده وبعدها جلست تهدي جوري
رنيم وهي حاطه يدها على كتف جوري : خلاص جوجو لاتبكين ترى دموعك غاليه
وقفت جوري وناظرت بشوق بنظره حزينه ومكسوره
شوق بغرور : مثلي دور الحزينه والطيبه انتي تبين بهالطريقه تخلين اللكل يكرهني بس هيين ياجوري بعلمك مين شوق الي
قطع على كلامها ضربه على بطنها على خفيف من رنيم معناها "سكتي" وجوري ناظرت بحزن وبكت قدامها وشوق ماهمها ولا هزها شئ
جوري : تخسرين صداقتنا بهالسهوله
شوق : اوهوووه صداقتنا وصداقتنا ياحلوه صداقتنا انتي هدمتيها لو تبين مانخسر هالصداقه الي تقولين عنها ارفضيه واذا تبين نخسرها وافقي
جوري مشت عنها وهي تبكي وراحت للبوابه وطلعت وهي تركض تتمنى الموت ولا تسمع هالكلام من شوق ماتوقعتها بيوم بتكون بهالقساوه عليها وهي صديقتها والي مواعدتها مايفرق بينهم غير الموت
رنيم : عرفت الحين ان انتي السبب بضيقة جوجو
شوق : المطلوب الحين
رنيم بعصبيه : شوق انتي وش هالكلام الي قلتي لها شنو توافقين تخسرين صداقتي ترفضين بنظل اصحاب وش هالكلام
شوق : هههههههههههههههههه رنوومه ماعليك منها تراهي تمثل الطيبه وانها تكسر الخاطر عشان تكرهكم فيني
رنيم : شوق انتي من جدك تتكلمين عن جوجو كذا
شوق : ايووه
رنيم : لا بالله انتي موصاحيه اقول يالشيخه فيك شئ اليوم شاربه شئ
شوق هزت راسها بنفي : نووب ماشربت شئ ومافيني شئ
رنيم : هذي جووري الي ترجين العالم عليها لو تشوفين دمعه تنزل منها تقومين الدنيا وتعدلينها عشان بس دمعه وهالمره تشوفينها تبكي بقوه ومايهمك
شوق : اوهووه اقول ترى اخوي يحتريني برا موفاضيه لكلامك
رنيم بأستغراب : وزوجك ليه ماياخذك
شوق : همممم لاتستغبين زوجي عامل حادث
رنيم : لاحول ولا قوة إلا بالله لا والله مدري توك تخبريني بس اشوفك مبتسمه وكذا غير مو محزنه
شوق : لا بس هو بخير مافيه شئ عشان كذا مبسوطه المهم لاتأخريني الحين اخوي بيزعجني
رن جوالها ورفعته وناظرت الرقم "رئود"
شوق : هذهو دق
رفعت جوالها وردت توها بتتكلم الا وهب بوجهها رائد : وجععع إن شاء الله مخليتني احتريك بهالشمس اطلعي بسسرعه
شوق : طيب طيب اعصاابك لايطق فيك عرق بس اخذتني السوالف وهذاني اجي ولا مستخسر علي الوناسه
رائد : شوق انبسطي وفليها اذا مافي احد يحتريك بس لما احد يحتريك برا اطلعي بسسرعه ولاتقعدين تتصلين علي رائد تعال لي وتعال لي وانتي فالتها يالله بسس تعالي بسسرعه دقيقه لو ماتجين بمشي
شوق : تقدر
رائد : اقدر ونص بسسرعه طلعي
سكر بوجهها رائد وشوق ابتسمت تبي تعصب فيه شوي جلست على الكراسي وحطت رجل على رجل ولا كان احد يحتريها برا او احد قايل لها اطلعي
رنيم : انتي هيييه اخوك يقولك اطلعي وصوته طالع من السماعه تحطين رجل على رجل
شوق : بششوفه بيمشي ولا لا
رنيم : مهبووله انا بروح لجوجو تجين معي
شوق : افففففففففف تصدقين انا بروح احسن لي لو اجلس معك بترفعين ضغطي
لبست عبايتها وحجابها ومشت لبرا وطلعت وركبت السياره وراء
رائد : ياسسسلام والله سايق انا عندك تركبين ورا
شوق : يووه والله نسيت رئود مشها هالمره مالي خلق انزل وافتح الباب واركب الله الله مششوار
رائد : والي يقولك مومتحرك الا لما تجين قدام
شوق : اوووه
نزلت شوق وركبت قدام
رائد حرك السياره ومشى متوجهه للمستشفى ككون شوق طالبه هالشئ وصلوا للمستشفى ونزلوا وكانوا الموجودين ام بدر وابوبدر راح لدوامه وراكان بالدوام
راحت لها شوق وسلمت عليه بيدها وبالخدود ورائد سلم من بعيد بصوت عالي وجلس بكراسي بعيده عنهم بس بنفس الممر
شوق : شخبار بدر
ام بدر : الحمدلله بخيير
شوق : نفسيته تمام
ام بدر : لا والله مو تمام
شوق : اهم شئ انه بخير ومافيه شئ ونفسيته بترجع إن شاء الله
ام بدر : ماظن
شوق بخوف : لييه
ام بدر : الاحتمال الي قاله الدكتور صار
شوق : اي احتمال
ام بدر : انتي قايلته لي وتعرفينه
شوق فتحت عينها بصدمه وبخوف ورجفه : بـ..در....مقـ...عـ...د
ام بدر : للاسف يابنتي بدر مقعد
نزلت دمعه حاره على خد شوق ومشت بسرعه ركض لغرفة بدر وفتحت الباب شافته يحاول يقوم موقادر لدرجة طاح من السرير
صرخت شوق : بـدررررررررررررررررررررررررررررررررررررررررررررررر رررررررررررررررررررررررر
وتقدمت له تبي تساعده يقووم
بدر دفها بقوه لللارض : بعدي عني مابي مساعدتك
شوق بكت بقوه : بدر ليه تعاملني كذا انا وش سويت لك انا احبك
بدر : هههههههه وشسويتي لي قولي وش ماسويتي .. تحبيني هذي جديده ومن متى إن شاء الله نزلت هالمحبه
شوق : انا ادري قصرت معك كثير وعذبتك معي بس صدقني انا ندمانه واحبك وخلاص نسيت فارس
بدر : قصرتي ماقصرتي انا خلاص ابي انهيك من حياتي وانتي بعد انهيني من حياتك واعتبري بدر مااات
شوق بكت بقوه ودفنت راسها بوجهها : ليه تقول هالكلام انا احبك احبببك بدر انا احبك
بدر : انا اكرهك اكررهك اكرررهك تقدرين تقولين لي الحب والكرهه يجتمعون ببيت واحد ؟
شوق : انا الاول كنت اكرهك وانتي تحبني واجتمعنا مع بعض وش الي فرق الحين
بدر : بس انا لاكرهت ماتحمل
شوق وقفت بتطلع بس ام بدر دخلت وانصدمت بدر طايح وشوق تبكي
ام بدر : بدرر وشفيك ؟
وركضت له تبي تساعده
بدر أشر على شوق : يمه هذي الحيوانه طلعيها براا اهي رمتني بالارض رمتني تبي تموتني يايمه تبي تعذبني يمممه
ام بدر التفتت لشوق وبعيونها يلمع الشرار تقدمت منها وطبعت كف على خدها قوي رمى وجهها على الارض من القوه
ام بدر : ايا الحيوانه يالحقيره تمثلين دور الطيبه والي تحبين ولدي وانتي تبين تموتينه
شوق بكت بقوه : يكذب ياخالتي يكذب
ام بدر : ولدي مايكذب انتي الي تكذبين
شوق بكت ودفنت راسها بحضنها وام بدر مسكتها من طرف عباتها ووقفتها بقوه ورمتها برا الغرفه مثل النجسه تبي تتخلص منها
رائد اول ماشاف ام بدر ترمي شوق ركض لاخته شوق وجلس جمبها
رائد : شوق شفيك ؟
شوق جمعت شتاتها ووقفت وارتمت بأحضان رائد تحس الدنيا تدور من حولها تعبانه موقادره تمشي جلست على اول كرسي قدامها
شوق : بدر ليه تسوي كذا لييه
رائد : وش سووا فيك علميني والله لاحفل فيهم الارض
شوق : ماسووا شئ ماسووا شئ
وبكت ورمت راسها على الكرسي الثاني بتعب ودوخه ورائد اول ماشاف حالتها ركض لغرفة بدر وهو يفور من الغيض
دخل الغرفه وفتح الباب بهمجيه
رائد بصراخ : وش سويتوا بأختي ياحقيرين
ام بدر : روح اسأل اختك وش سوت
رائد : اختي ماتسوي الا الصح ماتسوي الغلط عشان ترمينها يا هانم ام بدر هالمريه وكأنها نجسه تبين تتخلصين منها
ام بدر : اختك الي رافع الراس فيها الي واثق انها كلها صح على صح راميه ولدي من السرير تبي تموته تبي تتخلص منه وتمثل دور الطيبه الي تحبه
رائد : اختي ماتسوي هالشئ وانتو كذابين
ام بدر : ولدي بدر مايكذب انتو الكذابين
رائد : انا ماتفاهم مع ناس مثلكم لان احنا ارقى من هالمستوى
وطلع من الغرفه وراح لشوق ووقفها وهي راميه جسمها عليه وركبها السياره بصعوبه ككونها راميه جسمها كله عليه
وحرك السياره وتوجهه لبيتهم
رائد : ( والله مدري ياشوق انا مصدقهم ومو مصدقهم مصدقهم لاني عارف كرهك لبدر وكيف تبي تتخلصين منه ويمكن مثلتي دور الطيبه عشان تبينين للي حولك انك تحبينه ورميتيه ومحد يشك فيك لكن طاحوا عليك ومو مصدقهم لان انتي ماتوصل فيك المواصيل تسوين هالشئ وانتي ناويه تفتحين صفحه جديده وتنسين فارس وتحبين بدر )
شوق : رائد انت مصدقهم
رائد : لالا مومصدقهم
شوق : عيونك واضحه انك مصدقهم
رائد : صراحه مدري مصدقهم ومو مصدقهم
شوق : صدقني يارائد صدقني انهم كذابين انا دخلت الغرفه شفته يحاول يقوم وانت تعرف هو مقعد مايقدر يقوم وطاح على الارض وبسس والله اني ماطيحته والله يارائد والله
وبكت بقووه وهي تتذكر كيف بدر رمى البلوى عليه
شوق : ( هههههههههههههههههه خلاص ياشوق بدر ماعاد يحبك بدر صار يكرهك بدر يبي يتخلص منك وانا مالومه انا الي سويته فيه مو قليل )
في بيت ابوفيصل
رن الباب وراحت الخدامه تفتح الباب
الخدامه "ليلي" : مين
اروى : ايوه انا اروى
الخدامه فتحت الباب لكن الصدمه شافت اروى ترتمي على احضانها لدرجة طيحتها على الارض ككون الخدامه ليلي هيكل
ساره نزلت تركض وشافت اروى طايحه على الخدامه ومبين عليها التعب
ساره صرخت : اروووووووووووووووووووووووووووووووووووووووووووى
وراحت لها وشالتها بصعوبه وجلستها على الكنب
ساره بخوف : اروى شفيك ؟
اروى بتعب خبرتها كل السالفه وساره مصدومه
ساره : خالد طردك من البيت لهالدرجه وصلت فيه المواصيل يشك فيك
اروى : هذا الي قاهرني يا ساره فهمته السالفه لكن الشك مسيطر عليه
ساره : ياربييه وش نسوي
اروى : انا مو غالقني خالد انا الي غالقني عيالي الي بالسالفه هم اهم شئ انا ابي عيالي ابي عيالي
وجلست تضرب بنفسها وتصارخ بكلمه "ابي عيالي ابي عيالي"
ساره ضمتها بقوه تحاول تهديها بهالكلام : إن شاء الله تلقينهم
اروى : طالبين ملييون ساره ملييون من وين اجيبها
ساره : من ابوي
اروى : لا فشله اتسلف منه ومتى برجعهم له انا لا اشتغل ولا شئ كيف برجعهم له
ساره : وش سلف ماسلف اخذيهم منه وابوي بيسوي اي شئ عشان عيالك
اروى : المشكله لاجبت الفلوس كيف اعطي الي مهددينا
رن التلفون وركضت ساره ترد
ساره : الووو
: الوو موجوده اروى
ساره : ايوه مين اقولها
: الي خاطف عيالها
ساره : طيب (واشرت لاروى تجي بكل أهتمام واروى جات تركض)
اروى : الوو
: هاه وش صار على الفلوس
اروى : طيب بعطيك الفلوس بس قوولي مين ماخذ عيالي وليه ماخذينهم
: ماعلينا من هالكلام متى بتجيبينهم
اروى : بعد بكره
: طيب تعرفين ..................
اروى : ايووه
: حطي الفلوس بهالمكان ونجي ناخذه ونجيب عيالك
اروى : طيب تكفى عطني عيالي ابي اكلم عيالي
: لا
اروى بصوت مبحوح : ابي عيااالي
: طيب
جاها صوت جنى الي مبين عليه يبكي
جنى : ماما وينس "وينك"
اروى : حبيبتي جنى وحشتيني شخبارك
جنى : مو بحيل "بخير"
اروى : ضربوك سووا لك شئ
جنى : لا بس ابيس "ابيك" وابي بابا مااامااا
اختفى صوتها وبان صوت بكاءها وجاء مروان
مروان : ماااااااااماااااااااااااااااا
اروى : حبيبي مرووااان
مروان : ماما انتي وينس "وينك"
اروى : انا بجيكم حبايبي بس انا مسافره
مروان : بس الي ماحدينا "ماخذينا" مايحبونا كله يقولون لنا ثكتوا"سكتوا" ولا كلمه
اروى : ياحبيبي يامروان بجيك انا بجييك
انسحبت السماعه من مروان وجاها صوت الرجال
: وسمعتي صوت عيالك وشتبين بعد
اروى : ابي عياااااااااااااااالي
: مليوون ريال بعد بكره بنفس المكان الي قلنا لك علييه فاهمه
اروى : طيب طييب بس تكفون لاتعذبونهم
: مجرد تأخرين موعد الفلوس اعتبري عيالك رااحوا
واتسكر الخط واروى طاحت السماعه من يدها ودفنت وجهها بحضنها وبكت وساره جلست جمبها تهديها
اروى : ابي عيالي ابيييهم
دخل ابوها بهاللحظه وشاف منظرها تبكي وحالتها مقلوبه فوق تحت وخاف عليها وجلس جمبها
ابوفيصل : اروى حبيبتي شفيك
اروى ارتمت بأحضان ابوها وقالت له السالفه وابوفيصل رق قلبه لحالة بنته
ابوفيصل : ولا يهمك اعتبري المليون جاهزه
اروى ناظرت بأبوها بنظره مكسوره وحزينه : جد يبه
ابوفيصل : ايوه جد
اروى : مششكور يبه مشكور
وبكت بقووه
اروى تنهدت بضيقه : انا لو اعرف بس مين ورى هالسالفه كلها لو اعرف لاقلب الدنيا فوق راسه
ابوفيصل : ماعلينا مين ورى السالفه اهم شئ عيالك بعدين فكري بهالموضوع
اروى : يبـه وخالد شاك فيني شاك فيني
ابوفيصل : خالد ماعليك منه انا اكلمه واتفاهم معه
اروى : طيب
.....................................
في اليوم الثاني
......
الييوم بيجون اهل فارس يتقدمون لجوري
في بيت ابونجد
...
نجد دخلت غرفة جوري وشافتها دافنه وجهها بالسرير وتبكي راحت لها وجلست جمبها
نجد : حبيبتي جوري شفيك ؟
جوري رفعت راسها الي مليان دموع : مابـييه مابـيييييه
نجد : من جدك ياجوري ماتبينه الرجال ماينتفوت
جوري : بس الصداقه اخسرها بهالسهوله
نجد : يالليل ياجوري الصداقه والصداقه خلاص انتي تزووجي وماعليك من شوق اهي الي بتخسر اطلز بنت في العالم
وقرصتها بخدها على خفيف وجوري ابتسمت بألم
نجد : يالله ياقمووره امسحي دموعك وتروشي وبدلي ملابسك شوي واهل فارس يجون لاتبينين لهم شئ اوكي حبيبتي
جوري مسحت دموعها وكلام نجد اذا سمعته يغيرها وبس تفكر بشوق يتغير كل شئ وتنقلب فوق تحت
جوري : طيب
نجد : جوجو الي مايبيك لا تبينه حتى لو كان غالي
جوري ابتسمت بنعومه : اعتبرها حكمه منك
نجد : همممم يسس
جوري : طيب اطلعي براا باخذ لي دش وببدل وهممم بكشخ
نجد : الحين هذي اختي جوجو الي اعرفها مو الي مساعه الحزينه الي تبكي
جوري : طيب وريني عرض اكتافك
نجد : طيب وش بتلبسين
جوري : هممممم مدري وش البس
نجد: مو انتي شاريه لك تنوره السوداء القصيره ومع تيشرت عرفتيهم
جوري : يسس عرفتهم
نجد : البسيهم
جوري : نووب نوووب اوب حلوين
نجد : همممم تيب شرايك بالفستان السكري
جوري : يسس هذا حلوو
نجد : ايوه البسيه
جوري : طيب اطلعي براااا
نجد وقفت : طيب
طلعت نجد من غرفة جوري وجوري حاولت بقد ماتقدر تنسى موضوع شوق والي صار معها امس واخذت لها دش واستشورت شعرها ككونه ناعم بسرعه خلصته وخلته طايح على وجهها ولبست تاج احمر وفيه ورده عطاها لوك وشكل رووعه
وفتحت الدولاب وطلعت الفستان السكري ولبسته عطاها لووك ومظهر رووعه كان الفستان موديله
فستان سكري في كرفته حمرا من البدايه وبعدها باف وفيه كسرات للخصر وبعدها ضيق لونه احمر كبير وفيه ورداء سكريه وبعدها ضيق من تحت يجي للركبه ومن الاكمام ضيق للمفصل وبعدها باف وفيه كسرات وفي البدايه فيه ورده حمراء صغيره كان شكل الفستان رووعه وعطيته رونق وشكل اروع جسم جوري طولها ونحفها وملاحها الناعمه
لبست كعب احمر عطاها شكل ارووع وحطت كريم اساس وكحل ومسكره وروج احمر ولبست حلق احمر
نزلت لتحت تبي توري اختها شكلها ماكان عليه كلام قممر شافتها امها تنزل
ام صالح : ماشاء الله تبارك الله ياجوري قمر والله قمر
جوري ابتسمت بنعومه : جد امي
ام صالح : ايه والله جد تهبلييين
جوري : طيب ويين نجد
ام صالح : في المطبخ
جوري : برووح لها
راحت جوري لنجد شافتا تعمل موكا وهذا عشقها الموكا نجد راحت لها وغمضت عيونها
نجد : جووجوو
جوري بعدت يدها عن نجد ونطت بوجهها وبثقه : شرايك
نجد : وااااو خطييره
جوري دارت دوره وحده : جد
نجد : اييه جد
جوري : هممم متى قالوا بيجون
نجد : بعد صلاة العشااء الساعه 7 والحين الساعه 6 الا ثلث مابقى ششئ بيجون
جوري : طيب جد انا صايره حلوه
نجد : والله حلوه انقللعي خليني اكمل الموكا
طلعت جوري وصادفت اخوها "صالح"
صالح : اوه وش هالكشخه
جوري بدلع : اليوم بيتقدمون لييي ناس
صالح : مبرووك
جوري : كذا تقول مبروك بكل بروود
صالح راح لها وضمها بقووه هذي حبيبته ودلوعته جووري مهما كبرت يعتبرها طفله بعينه مدلعها لاخر حد
صالح : الف الف الف مبرووووك ياحلى جوري بالدنيا
جوري : الله يبارك فيك عقبالك
صالح : قريب إن شاء الله
جوري بفرح : يعني مقرر تتزوج
صالح : قلت لك قريب ماقلت لك قررت
جوري : طييب شرايك فيني
صالح : تهبببببببببببببببببببببببببببببببببببلين
جوري : فديتك
صالح باسها بخدها مايقدر يقاوم اخته ونعومتها ودلعها ورفعها بين يدينه وجوري تصارخ
جوري : صلووووووووووووووووووووووح نزلني
صالح : لالالالا ماراح انزلك
وجلس يركض فيها بالبيت
ابو صالح : صالح نزل اختك وشفيك شايلها ماكبرت على هالحركات
صالح : هههههههههههههههه يبه بنتك هذي حلووه ماقدر اقاومها
جوري : يبااااااااااااااااااااااااه قووله ينزلني
ابو صالح : صالح نزلها
نزل صالح جوري وجلس جمب ابوه الايسر وجوري جمبه الايمن ونجد جات وتكتفت
نجد : وانا وين اجلي صلوح بجمبك الايسر وجوجو بجمبك الايمن ولا خلاص ماتبوني
ابو صالح : تعالي انتي الغاليه نجد الكبيره
نجد راحت له وجلست جمبها وتهاوشت مع جوري وجلست جمبه وجوري جمبها
..........................
ابو صالح ~~< سالم ... العمر : 44 .. تاجر معروف
ام صالح ~~< ساميه .. العمر : 36 .. دكتوره في الجامعه .. متزوجه وهي صغيره حيل
صالح ~~< العمر : 24 .. يشتغل مع ابوه وله مكانته وقدره بالشركه ككونه ولده الوحيد المدلل
نجد ~~< العمر : 22 ... في رابع جامعه .. قسم : الاداب .. تخصص : لغة إنجليزيه
جوري ~~< العمر : 20 .. في ثاني جامعه .. قسم : تربيه .. تخصص : رياض اطفال
.............................
في بيت ابوفارس
فارس لابس جينز وتيشرت وجالس بالصاله يحتري اهله نزلت امه وشهقت
ام فارس : بتروح بهالملابس
فارس : ايه فيهم شئ
ام فارس : فرووس انت انهبلت ولا انهبلت هااااه من جدك الحين بتروح بهالملابس
فارس : يممه مافيهم شئ رووعه
ام فارس : شوف والله مانروح الا لما تبدل ملابسك
فارس : يمه لبسي عاجبني يالله وين بناتك
ام فارس : بيجون بس اسمعني محنا برايحين الا لما تبدل ملابسسك فااهم واذا مابدلت اعرف ان محنا برايحين واني زعلانه عليك
فارس وقف : طيب ببدل
صعد غرفته وبدل بس ثوب وشماغ وعقال ورش عطر ولبس جزمه وصار جذاب وهيبه ورزه
نزل تحت وشاف خواته ريناد ولجين وشهد وامه جاهزين
فارس : جاهزين
اللكل : ايه
ام فارس : ايه الحين صرت رجال مو مساعه بجينز وتيشرت
فارس ابتسم : ابوي وينه
ام فارس : ابوك يحترينا براا
فارس : بيودينا ابووي
ام فارس : ايه يقول خلاص كلنا بسياره وحده
فارس : طيب يالله قوموا
وقفوا كلهم وركبوا السياره وطبعاً فارس قدام وامه وريناد ولجين في السيت الثاني وشهد بالسيت الاخير
.......................
في بيت ابوفيصل
شوق كانت جالسه بالصاله وحزينه وعيونها واضح فيها الحزن واروى بغرفتها حابسه نفسها تبي عيالها
ساره : لحوول اروح لارى اشوفها تبكي وضايقه فيها الوسيعه انزل تحت اشوفك حزينه وضايقه فيك الوسيعه وش هالخوات
شوق ابتسمت بألم : شتسوين احنا خواتك
ساره : اففف اقول شوشو وشرايك اليوم نطلع نغير جو
شوق : هممم لا والله ياساره مالي خلق
ساره : اسمعيني بنطلع يعني بنطلع فاااااااااااااااااااااااهمه
شوق : مين بيفكني منك
ساره : بتروحين
شوق : اوكي بروووح
لبسوا عباياتهم وخبروا امهم وقالوا لاروى تجي بس رفضت وعذروها لحالتها وراحوا ركبوا السياره واتجهوا للمول
وصلوا لمجمع الراشد ونزلوا شوق وساره كان شكلهم رووعه وجذاب وكل وحده احلى من الثانيه
دخلوا المجمع وجلسوا يتسوقون
ساره كانت تشتري وكأن لها سنه ماشرت اما شوق فما لها خلق تتسوق وتشتري واذا قالت لها ساره هذا حلو تقول لها اي او لا واذا دورت لها ساره شئ مايعجبها او بالاحرى ماتناظره عشان يعجبها او لا تفكيرها ببدر
طلعوا من محل يستز
ساره بعصبيه : انتي هيه ماتحمسين احد يتسوق كله اي و لا ومحزنه
شوق : ساره لاتقعدين تعصبين بوجهي ساره انتي تعرفيني اني متضايقه وحالتي حاله الي فيني مكفيني
ساره : انا اسفه اذا غصبتك تجين معي وانتي حالتك حاله
شوق : انا تعبت خلاص مو قادره اتحرك او امشي قوي نصعد للمطاعم
ساره : يالله
صعدوا للمطاعم وجلسوا بالطاولات العامه الي مليانه شباب وفيه بنات وحريم
ساره : انا بطلب من هارديز شكن هالبينو وانتي
شوق : اطلبي لي من ماكدونالدز بيج ماك دجاج
ساره : اوووكي
وقفت ساره ومشت وكانت جذابه تجذب بطولها ونحفها وملامحها الناعمه ككونها بس متحجبه فملامحها مبينه كانت جذابه وناعمه تبرزها عيونها العسليه الناعسه وحواجبها المرتبه الي ماتحتاج لا قص ولا تشقير ولا شئ ومعطيه لعيونها شكل احلى وانفها الصغير الطويل وشفايفها الصغيره الفوشيه كل شئ فيها صغير وناعم ملامحها ناعمه
مشت بالطريق الي يودي للمطاعم كان مليان شباب ومستحيل ماتصدم بشباب ومستحيل مايتحرشون فيها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك