رواية تدري وش اللي يقلب فيني أوجاعي -27
اريج بأرتباك : لامافيها شئ بس دوخه براسها
ام سامي تقدمت لمنال : انتي حالك مو عاجبني من اسبوع وشفيك
منال مشت وخلت اريج ولميس الي ماسكينها يمشون معها وام سامي متضايقه لحالة منال الي يوم عن يوم تسوء وماتعرف السبب وسبب ضيقتها عند اريج وسامي
.............................
في بيت ابوبدر
دانه : وش اصعب شئ يا ريما ان رجال يهجم عليك وش اصعب شئ
ريما : حاسه فيك يا دانه والله حاسه فيك بس انتي خلاص لازم تنسين
دانه : انسى كيف انسى وذكرى ذاك اليوم تمر قدام عيني
ريما : لو انتي بمكان دلال وش بتسوين
دانه : دلال مسكينه دلال الله يعينها انا اذا متضايقه وش تقول اهي
ريما : شفتي يعني في اصعب منك
دانه : لكن ياريما حاول معي لكن ماقدر بس الي قدر عليه انه ضربني بقوه
ريما : جات على كذا ولا على شئ ثاني
دانه ارتمت بأحضانها وبكت
ريما وقفت فجأه ووقفت معها دانه : قومي معي
دانه : لا ظهري يألمني
ريما : بجيب لك الكرسي
دانه : وين بتوديني ؟
ريما : لمكان بيغير من حالتك ويحبه قلبك يالله تجهزي
وركض جابت الكرسي وبصعوبه جلست دانه فيه ودفتها ولبست عبايتها ولبست دانه عبايتها وركبوا السياره وانطلقوا للمكان الي تبيه ريما
........................................
في المستشفى
شوق : تكفى دكتور بشوف زوجي
الدكتور : بس هو نايم وتعبان ولازم نوفر له الراحه
شوق : وعد مني يادكتور بوفر له الراحه وماراح ازعجه بس اشوفه بس اشوفه
الدكتور : يا اخت شوق
شوق بمقاطعه : ابي اشوف زوجي اب اشوف زوجي ليه تحرموني منه حرام اشوفه مو حرام بشوفه انا بدخل لزوجي يعني بدخل
الدكور : طيب اهدي اهدي روحي وشوفيه ولاتطولين ولا تزعجينه
شوق : طيب
ركضت شوق لغرفة وفتحت الباب ودخلت وجلست على السرير ومسكت يده
شوق : بدًور حبيبي اصحى ترى في حولك كثير ناس يحبونك واولهم انا يالله عاد لاتدلع اصحى
كانت تقول هالكلام وعارفه محد يسمعها وصدى صوتها يتكرر لكن الصدمه ان بدر رد
بدر : مين الي يحبوني
شوق اول شئ انصدمت بعدها ابتسمت بفرح : بدر صحيت
بدر : ايه صحيت جاوبيني انتي تحبيني من قلبك
شوق : لا من روحي ايوه من قلبي ياحبيب شوق والله
بدر : هههههههههه هذي نكته جديده قصدك الي بالقلب فارس وانا زوج بالاسم
شوق : بدر وش هالكلام فارس ماله وجود بحياتي محيته انت الحين كل حياتي انت زوجي وحبيبي وروحي وحياتي وقلبي وكل شئ فيني انت
بدر : لعبي غيرها لابغيتي تكرهيني كرهتيني لابغيتي تحبيني حبيبتي مو لعبه انا عندك انا تغيرت تغيرت كثير ولازم اتخلص منك قبل لاطلع من المستشفى وامحاك من حياتي مثل مامحيتيني من حياتك وخليتي كل حياتك فارس وكل كرك لي وانا برد لك كل شئ انتي عذبتيني ذوقتيني طعم العذاب والويل وانا بعذبك وبذوقك طعم العذاب
شوق وهي تبكي : بدر وشفيك تغيرت علي
بدر : ههههههههه تحسبيني انا هذاك بدر الاولي الي وراك وراك تكرهيني وانا احبك واترجاك تحبيني لا تغيرت
شوق بكت وجلست على الارض تبكي وبدر صار إنسان عداوني تغير كذا فجأه حس انه إنسان بلا كرامه يركض ورى بنت عشان تحبه لكن اول ماشاف حالتها كذا رق قلبه لها لكن تغيرت رقة قلبه لعداوه
بدر : طلعي برااا تمثلين دور الطيبه الي تحبيني لعبي غيرها براا
دخل فيصل الغرفه من صوت الصياح
فيصل ركض لشوق : شوق شفيك
شوق ارتمت بأحضان اخوها الكبير الحنون فيصل : فيصل ابي امووت
فيصل راح لبدر ونسى انه مريض وقاله وبعيونه الشرار : شقايل لها يالحيوان شقايل لها مو كفايه عذبتها ببداية حياتها مو كفايه خليتها تذوق طعم العذاب والويل مو كفايه ان فرقت حبيبين عن بعض مو كفايه بعد تبي تزيد تعذبها الحين بكلامك اسمعني ياولد الناس انا مارضاها لاختي
شوق : بسس خلاص
ووقفت وسحبت فيصل وطلعت برا وارتمت بأحضان
شوق :فيصل..انا..احـ...بـ...هـ...ليه..ليـ...هـ...يعذبني ..انـ..أ....اد...ري...اني...عذبته..بس ...الـ..ي....يـب...ـيه...إنـ..ي...احبه...وحبيته... .وشيـ...بي بعد وش يبي
فيصل رق قلبه لاخته وضمها اكثر لصدره : خلاص بس لاتبكين ترى مايستاهل تنزل دموعك على واحد مايسوى على واحد ماهتم بمشاعرك واحاسيسك
شوق : فييصل تدري وش اتمنى اتمنى الموووت الموووووووووت
فيصل : بسم الله عليك من الموت ياشوق من بعدك وش يصير فينا
شوق : يكفي الي يصير فيني انا يكفي
فيصل : انتي لازم ترتاحين
قطع عليهم كلامهم فارس الي اول مره يجي من دخول بدر المستشفى والسبب مايبي يشوف شوق وينقهر شاف حالتها
وابتسم بسخريه : ( انساها يافارس انساها شوفها تبكي عليه تحبه يافارس وماتحبك انساها )
فارس : سسلام
التفتوا شوق وفيصل عليه وشوق اول ماشافته حست بكرهه له حست بكرهه شديد له
شوق بحقد وكرهه : وشتبي جاي وشتبي مو كفايه انك شوي وتفرقني انا وبدر وانت بتتزوج وبتستانس وشتبي
فارس : اووه الحين انا صرت السبب انتي يوم تزوجتي بدر مافكرتي بعذابي مافكرتي باللي احس فيه ذوقي شوي من الي ذقته (وحقد) ذوووقي ياشوق ذووقي بقهرك وبقهرك وبتزوج صديقتك وبعطيها كل حبي وبمحيك من حياتي ياشوق
شوق : انت جاي تتشمت ولا ايش وشتبي جاي (والتفتت لفيصل برجاء) قوله يروح قوله مابي اشوفه اكرهه مابيه
فارس : الحين تكرهيني الحين والاول تحبيني وتكرهين بدر والحين تحول كل شئ صرتي تحبين بدر وتكرهيني جد ماعندك كلمه
شوق : كنت احبك ولاحظ اني قلت كان كنت احبك بس انت يوم قررت انك تتزوج ومين صديقتي كرهتك كرهه ماله حدود
فارس : هههههههههههههه انتي يوم تزوجتي تعذبت بس ماكرهتك صرت اهيم بحبك اكثر وانتي بس عرفتي اني بتزوج كرهتيني
شوق : عادي تزوج الله يهنيك بس انت ماخترت الا صديقتي عشان تعذبني عشان تعذبني
فارس : الله يسامحك انا اعذبك انا اعذب نفسك ولا اعذبك
مشى واختفى عنهم وهو متضايق
فيصل : شوق حبيبتي لازم نرجع البيت يالله
شوق : طيب
مشوا فيصل وشوق متوجهيين لبيت شوق ككون طلبت بتاخذ اغراض من بيتها
في بيت ابوشذى
دلال راميه نفسها على السرير واحداث ذاك اليوم تمر بذاكرتها ودموعها على خدها
حست بلوعه بكبدها وركضت لدورات المياه "الله يكرمكم" واستفرغت ورجعت حاطه يدها على بطنها ورمت جسمها بأسترخاء على السرير وتحس ببطنها يألمها
دخلت عليها شذى ومعها عصير تفاح عاملته حطته على الطاوله : خف بطنك
دلال : لا توني مستفرغه
شذى : إن شاء الله يخف يمكن من الضيقه طيب حبيبتي اشربي العصير عاملته لك بأيدين
دلال اخذت العصير وشربته وانسدحت على السرير : انا بنام خليني لحالي
شذى : اوكي نووم العوافي احلام سعيده
دلال : الله يعافيك
طلعت شذى ودلال نامت ودخلت بأعماق النوم
............
في الواجهه البحريه
نزلوا دانه وريما .. ريما تعرف ان دانه تموت بالواجهه البحريه ركبتها الكرسي ونزلتها
مشتها للعشب وجلسوا عليه
دانه شافت الناس من حولها الي يضحك والي يلعب والي على البحر والي يسولف والناس ماليه المكان والجو برد وروعه بس دانه ماحبت انها بنت صغيره جالسه على الكرسي مثل العجوز
دانه : ريما خلينا نمشي
ريما : ليه ندووش بالعكس الناس والجو بيغيرون من نفسيتك
دانه : بالعكس زادوا نفسيتي تحسبين ياريما يهون علي اجلس على هالكرسي مثل العجوز مابي رجعيني البيت
ريما : يالليل بالبيت متضايقه برا البيت موعاجبك وش الي بيعجبك هااه
دانه : انا ادري ضايقتك معي وتعبتك مولازم تتحمليني خلاص رجعيني البيت وروحي مع شذى او اي احد لاي مكان محد يتحملني حتى انتي اقرب وحده لي ماتتحمليني
ريما التفتت لها : انتي من جدك تتكلمين اصلاَ تعبك راحه وانا بظل اتحملك لاخر نفس بهالحياه انتي بنت خالي واختي الي ماجابتها امي وش هالكلام يادانه ماتوقعتك تقولين هالكلام لي
دانه نزلت راسها بضيقه : انا اسفه بس نفسيتي زفت رجعيني البيت
ريما بعناد : لا بنجلس هنا
دانه : اففف منك
جلست ريما تسولف على دانه سوالف مالها داعي لكن تبي تغير من نفسيتها لكن دانه ماترد الا بكلمه وحده مختصره ريما فضلت تسكت وتخلي دانه ساكته لان واضح دانه مالها خلق تتكلم بس فكرت انها ماتبي تشغل بالها بضيقتها وكدرها وسولفت عشان تغير من جوها
ريما : همممم ابي اعرف انتي الحين ليه ساكته وكل ماكلمك ماتردين الا بكلمه
دانه : لاني مومرتاحه بالمكان
ريما : ترى بزعل
دانه : زعلي
ريما مدت بوزها وناظرت لقدام وطاحت عينها لشخص من زمان ماشافته وقفت بسرعه بخوف وهي ترتجف وشوي وتبكي
دانه : ريما شفيك ترتجفين ووقفتي فجأه
ريما مسكت دانه من كرسيها ومشتها بسرعه للسياره ودانه تسألها شفيك وشفيك وريما تمشي ركبت دانه السياره وسكرت الكرسي وقبل لاتدخله شافت الي ماتبيه وراها
: اووه وحشتيني
ريما التفتت له وطاح الكرسي من يدها وبخوف : نعم وشتبي
: وشفيك تراني مو ماكلك
ريما : متعب تكفى ابعد عني وابعد عن طريقي خلاص فكني
متعب التفت لصاحبه ريان : اقول ريون هذا الي قلت لك عنها
ريان بسخريه : هذا ماغيرها بنت الشوارع الي اسمها (يعمل حاله يفكر) الي اسمها شنو اسمها
متعب : ريما
ريان : اهااا
ريما ركضت للسياره حطت رجلها لكن مسكها متعب من يدها
ريما بصراخ : ابعد عني لاجمع الناس كلهم حواليك ابعد
متعب : هههههههههههه بفلم مصري حنا
ريما تكذب : ابعد عني تراني الحين مو عازبه وراعية خرابيط انا الحين متزوجه وزوجي يحبني وانا احبه ابعد
ركبت السياره وسكرت الباب وقالت للسايق يحرك وكان ريان ورى السياره ابعد بسرعه وضرب باب السياره بعصبيه يعني انتبهوا
تحركت السياره وريان التفت لمتعب
ريان : وش تبي فيها ياشيخ مو حفلوا فيك الارض
متعب : هههههههههههههه بيني وبينك صراحه احبها
ريان : ههههههههههههه نكته جديده تحبها ياشيخ هذي حلوه
متعب : لا جد ياريان انا حبيتها
ريان : اقول متعب بلا هالخرابيط
متعب : قوم نجلس بس على المدرجات
راحوا ريان ومتعب على المدرجات وجلسوا
متعب : عمرك حبيت
ريان : صراحه بيني وبينك يا متعب ايه
متعب بأهتمام : مين
ريان : مره شفت وحده بالمول صار لي موقف معها تحرشت فيها وشافنا اخوها ورميت الغلطه عليها واكيد تمشكلت مع اخوها ومن كلام اخوها لها عرفت ان اسمها اريج
متعب : تتحرش فيها وتمشكلها وتحبها
ريان : عادي صراحه تحرش عادي لكن مدري كذا يامتعب حبيتها وصارت تاخذ مساحه كبيره من تفكيري
متعب : وحبك هذا بيروح عبث ياريان
ريان : وهذا الي اقوله لنفسي لان ماعرف عن البنت ولا شئ غير اسمها
متعب : واسمها وش بينفعك مليون بنت بالخبر اسمها اريج
ريان : من جد
متعب : اقول ياغرقان بالحب خلنا نمشي احس نفسي متضايق
ريان : وليه إن شاء الله متضايق
متعب : تصدق اول ماشفت ريما وشفت الحقد بعيونها والخوف مني احس تضايقت ولا بعد زادت ضيقتي ضيقتين هو زواجها
ريان : مصدق انها متزوجه تنصب عليك تبيك تبعد عنها
متعب : وشدراك الحقد واضح بعينها ويمكن اهلها عرفوا بالموضوع وزوجها يسترون عليها
ريان : والله مدري يمكن بس انا الحين الي شاغل بالي هو اريج والله لو اشوفها لاعترف لها بحبي
متعب : ههههههههههههههههههههههههههههههه اتوقع اللكل يحب الا انت ياريان
ريان : للاسف وقعت فيه
.....................
في بيت ابوسامي
في غرفة اريج منسدحه على السرير تفكر بمنال لكن تلاشت هالافكار برنة جوالها رفعت الجوال
اريج : الوو
اسيل : هلا وغلا كيفك
اريج : تمام وانتي
اسيل : وحشتك
اريج : هههههههههههههههه وين وحشتيني اليوم مكلمتني
اسيل : ههههههههههههه طفشانه تخيلي رورو بنت عمي مسكينه مريضه
اريج : لاحول ولا قوة الا بالله بشنو
اسيل : الايدز
اريج تذكرت رشا الي نقلت لها منال الايدز وباهتمام : وش اسمها
اسيل : رشا
اريج : زوجها موجود
اسيل : لا مسجون
اريج : ( لا هذي رشا ياويلي ياويلي ليكون اهي ) اهو كان متزوج
اسيل : ايه وزوجته اسمها منال الـ؟؟؟؟ اول ماعرفت الاسم قلت ليكون اخت اريج هههههههههههههه
اريج تصرف الموضوع : هههههههههههه اسيل انا بسكر تامريني على شئ
اسيل : اوكي باي سلامتك
سكرت اريج من اسيل وجلست تفكر
اريج : معقوله معقوله رشا بنت عم اسيل اهي الي ماخذه زوج اختي لالالا مستحيل وش مستحيل اهي فيها الايدز وزوجها مسجون وكان متزوج وزوجته منال الـ؟؟؟؟ هذي اختي انا لازم اخبر منال
طلعت من الغرفه وشافت سامي بالصاله الفوقيه وجلست جمبه وخبرته بالسالفه
سامي : انتي متأكده
اريج : ايوه متأكده هذا كلام صاحبتي اسيل متأكده
سامي : اعقلي تخبرين منال
اريج : ليه لازم تعرف
سامي : لا لاتخبرينها بعد تروح وتخبر صحبتك واهلها هذي منال صارت مجنونه
اريج : بقولك شئ
سامي بأهتمام : شنو
اريج : ترى منال نقلت الايدز لرشا
سامي : شنوو
اريج : اهي راحت لها البيت وغصبتها ودخلت الابره لها ورشا صاحيه وتدري ان منال اهي الي نقلت لها المرض
سامي : كيف وشلون ومنال من وين لها الايدز
اريج : يوم في المستشفى عملت حالها دكتوره واخذت دم مريض بالايدز ونقلته لرشا وبسس
سامي : لا بالله هالبنت مجنونه الحين رشا عرفت مين نقل لها وبتشتكي على منال
اريج : وهذا الي خايفه مني ومتوقعته وخاصتاً ان منال خربت حياتهم فأكيد تبي تنتقم وتسجنها
سامي : يالله هذي مجنونه ولا ايش من جدها سوت هالشئ لالا مهبوله
اريج : لاتكلمها ولا تقولها شئ حالتها النفسيه زفت
سامي : يالله مو مستوعب مومصدق
اريج : استووعب (وقفت) انا رايحه ابدل والبس عباتي لاني بطلع
سامي : وين بتروحين
اريج : مدري بقول للميس لان طفشش بغير جوو البيت
سامي : طيب وانا بطلع
اريج تذكرت شئ ماله داعي : تعال تصدق صديقك فيصل
سامي بأهتمام : شفيه
اريج : صديقتي اسيل يصير ولد خالتها
سامي : اهااا
اريج : لو انك بنت كان اهتميت وتحمست بس انت ولد مافي حماس بارد
سامي : يعني وش اسوي انطط ولا وش اسوي
اريج : افففف
مشت اريج ودخلت غرفة لميس وجلست
لميس : خييير
اريج : وش تسوين
لميس : اذاكر
اريج : اهااا يعني ماتبين تطلعين
لميس : وين بتروحون
اريج : مدري ابي اطلع
لميس : يعني مافي شئ محدد
اريج : لا انا اسألك نروح المول
لميس : لا مالي خلق خليها بكره
اريج : طيب
طلعت اريج وراحت تحت تحوس من غرفة لغرفه طفشانه حدها
........................
في بيت بدر
دخلت شوق غرفتهم وفتحت الباب وراحت للدلاب وفتحته وناظرت بثياب بدر وراحت لها مسكتها وضمتها وريحتها اختلطت ريحة عطرها بريحة عطره
شوق : ليه تقول هالكلام لييه انا احبك بدر انا احبك ليه تبي تعذبني انا اسفه انا جد عذبتك يابدر عذبتك بس انا ندمانه سامحني بدر سامحني انا احبك
جلست على السرير وثوبه ضامته لصدرها ودموعها على خدها دخل هاللحظه فيصل وناظر شكلها ورق قلبه لها
دخل وجلس جمبها : شوق لاتبكين خلاص ترى الدنيا ماتسوى
شوق : فيصل انا احبه وقررت افتح صفحه جديده ليه تغير علي ليييه
قطع عليهم كلامهم رنة جوال فيصل وقف واستأذن منها وطلع برا
فيصل : هلا ملاك
ملاك : فيصل حبيبي وينك ؟
فيصل : في بيت اختي شوق
ملاك : وشتسوي
فيصل : يعني شسوي موصلها واحتريها
ملاك : ايه تعرف مين توصل ومين تحتري وانا لا قلت لك احترني تقولي مشغول موفاضي
فيصل : ملاك .. انا موفاضي لكلامك وعتابك
ملاك : طيب متى بترجع انا طفشت من بيت اهلك صراحه
فيصل : قبل لايكون بيت اهلي بيت عمتك
ملاك : ادري بس فيصل بيتكم ساره نايمه وامك وابوك طالعين شسوي لحالي طيب شسسوي
فيصل : دقايق الحين بتجي اروى اهي قايله وبجي انا معي شوق
ملاك : صراحه انا اليوم مروقه ولا شفت اختك شوق بيضيق صدري اهي صارت مصدر الحزن مابي اشوفها
فيصل بعصبيه : ملاك وش هالكلام هذي اختي وبنت عمتك مارضى عليها
ملاك : والله يافيصل لو ان مو ضايق صدري عليها ولا كان ماقلت مابي اشوفها مابي اشوفها وحالتها كذا
فيصل : طيب طيب دقايق واجيك
سكرت ملاك من فيصل وجلست تتأفف وحاطه رجل على رجل لابسه جينز ضيق اسود وتيشرت بيج ضيق من فوق وفيه حزام بالوسط اسود ومن تحت منفوش وفيه كسرات ووورود سوداء كان لبسها نايس
ملاك : اففففف
قررت تروح وتصحي ساره
وقفت وركضت في الدرج وماعرفت وين غرفة ساره دخلت غرفة بالغلط والصدفه انها شافت طيف رجال فيها
كان رائد على الاب توب اول ماشاف احد فتح الباب شاف جسم انثوي ناظر في ملاك وملاك اول ماشافت رائد سكرت الباب وطلعت
ملاك : ياويلي لو اني جالسه تحت احسن لي مالت علي ملقووفه
مشت ودخلت غرفة فاضيه وخاليه عليها صورة كبيره عرفتها صورة نوف المملوحه
تأملت بالصوره بلهفه وشوق سمعت صوت وراها
: شتسوين بغرفة نوف
ملاك التفتت ورى وابتسمت : صح النووم
ساره ابتسمت : شكل لك فتره هنا
ملاك : ايه طفشت جلست احتريك تحت قلت بجي اصحيك وبالغلط دخلت غرفة رائد وبعدين دخلت غرفة نوف ماوصلت لغرفتك
ساره : هههههههههه اكيد خق عليك رائد
ملاك ضربتها على خفيف : بلا استهبال يالدبه
نزلوا ملاك وساره وبجية اروى وعيالها جنى ومروان وشغالتهم ريتا
اروى : السسلام
ملاك وساره : وعليكم السلام
اروى : همممم ماجات شوق من المستشفى
ملاك : تو داق فيصل يقول شوق ببيتها وبيجيبها الحين
اروى : اهاااا
جلست اروى بتعب على الكنب : توني جايه من تشيلز
ساره : اهااا مع عيالك
اروى : اكيد ماتشوفينهم معي
ساره : اجل ازعجوك
اروى : اكيييد لو مازعجوني كان يكتب في التاريخ
ساره : اووما
دخلوا فيصل وشوق وشوق اول مادخلت فسخت الحجاب وجلست على اقرب كنب ورمت راسها على المخده
اروى التفتت لها ككونها جمبها : شفيك شوق
شوق : مافيني شئ تعبانه
ساره : بدر وصحى وبخير ليه كل هالحزن بعد
شوق وقفت : افف مافيني شئ بس تعبانه مانمت
صعدت غرفتها وساره وملاك واروى مستغربين وفيصل خبرهم بالسالفه وتضايقوا على حالها
في المستشفى
بدر معطي اخوه راكان وامه ظهره مايبي يشوف احد متضايق من بعد ماشاف شوق ومتحسف على كلامه وبنفس الوقت يحس بحقد لها لييه هو بنفسه مايدري ليه حبه تحول لكرهه وحقد
ام بدر : يابدر ياحبيبي خبرني شفيك ليه متضايق
بدر: اوووه
راكان : اقول يمه شكل هالعاده وراثه دانه وبدر لاصار لهم شئ لاحد يكلمهم ويتأففون ونفسيتهم زفت
ام بدر ببتسامه : ايه والله انت واختك نفس الطبع
راكان : اقول يالطيب مادريت عن السالفه ووش صار لاختك دانه
بدر : مايهمني وش صار ووش ماصار
راكان : بس الي صار كلن عرف به اختك دانه عاملين لها عمليه بظهرها
بدر حالته زفت ماله خلق يتكلم : مبروك
راكان : ههههههههههه يووصل لها
بدر : مبروك
راكان : يمه سكري المسجل وشفيه علق مبروك ومبروك
ام بدر : هههههههههه يالله راكان خلنا نخليه على راحته
بدر : يكون احسن جات منك بدون طرده محترمه مني
راكان : اووه اقول انا بجلس هنا وشعندك
بدر بصراخ : اووه راكان ترى اخلاقي زفت اطلع برا لاحفل فيك الارض
راكان : اعصابك اعصابك لاتقوم تعطيني كف
بدر : اووه برااا
طلعوا ام بدر وراكان برااا
ابوبدر جاء اقبل وببتسامه : يقولون صحى بدر
ام بدر : ايه صحى بس مثل اخته دانه مايبي احد
ابوبدر : هالطبع عليك مو علي
ام بدر : لا علييك
ابوبدر : لا عليك انتي انا لاصار لي شئ ماسوي كذا عليك
ام بدر : والله عليك
ابوبدر : تذكرين يوم تحملين ببدر وتولدين اول ماولدتي ماتبين احد يكلمك وبدال ماتخلينا بالغرفه معك طلعتينا كلنا برااا هااه مين طلعوا عليه بدر ودانه علييك اما راكان رجال على ابوه
ام بدر ابتسمت
راكان : احم احم
ابوبدر : ابعد خلني اجلس
ابعد راكان وخلى ابوه يجلس على الكرسي
......................
في بيت ابوفيصل
شوق مسحت دموعها بالمويه وتروشت وبدلت لبست بيجامه فوشيه شورت وتيشرت ساده حرير ورووعه على جسمها ومعطيها رونق وشكل غيير
جلست على سريرها وانسدحت وتفكر بكلام بدر
شوق : ( ليه اشغل نفسي بتفكير بكلامه يمكن اهو بسبب حالته النفسيه صار يقول هالكلام ... لالا احسه قاله بصدق بدر يحبني ليه تغير اكيد شايل بقلبه عليه ... اوووه مني انا المفروض ماشغل تفكيري بهالموضوع اهو اكيد متضايق على حاله خلني بس اغير جو ولا افكر وازوره بكره اذا شفته طبيعي خلاص انسى واذا شفته موطبيعي هذا شئ ثاني )
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك