رواية يوميات حبي و حبه -26
مها : احممممم شكلي غلط موووو ........ تطالع شموو و في عيونها نظره
شموو متفاجأه من حركة وليد من متى ......؟؟؟؟؟؟؟؟؟؟؟؟؟؟
كملت مها : شموو انا سايره عند البنات ........ كملت بصوت واطي ..... وليد مو جنك مصختها ....
الناس تطالع .....
حاولت شموو تسحب ايدها .... اما وليد ما اهتم .... راحوا مع بعض يابوا غدا و خذها معاه لطاولة
فهد .......
قعد و طالعها : تفضلي
شموو: شو تفضلي ..... يا حلاتي و انا يالسه معاكم ...... و يا خالد .....
وليد: ما عليج من خالد يلسي
شموو: وليييييييييييييييييييييييد........... انا سايره عند البنات .... صراحه ما ادري شو بلاك اليوم........
سارت و هي فيها قهر منه مستغربه تغيره المفاجأ .... و قلبها ناغزنها من حركاته...........
اما فهد يراقب من الصبح و على ويه ابتسامه ... و ماسك ضحكته غصب.... من سمع رد شموو و
طالع ويه وليد ما قدر يمسك ضحكته ......
وليد: فهد ................... بس عاد
فهد : و الله ما يلق عليكم .....
وليد : لا خليته لك
................................
مهند ما فاتته حركت شموو و قربها من وليد ..... شاف وليد ماسك ايدها و يسحبها معاه .... تابع كل
حركه لهم ...
فيصل: مهند ............. انت مو قد وليد ......
تنهد بصوت عالي و رفع عينه من عليها: تجذبني بشكل كبير
فيصل يضحك : كل بنت تقول عنها جي
مهند يهز راسه بالنفي : شموو غير
فيصل: انت تعرف انهم يحبون بعض ........... و ين ناوي تدخل عرض
مهند : وليد ما يهمني .... بس هي .......... واضح انها متعلقه فيه ....
فيصل متفاجأ: مهند وليد واحد منا شو ما يهمك ...........
مهند : سمعته يرمس وحده ثانيه ..... شو تفسر هذا....
فيصل يحط الاكل الا بايده : هيه و انا بعد سامعه كم مره ........ بس مو معناته انه ما يحبها .....
مهند مقتنع انه داخل عرض .... اثنين يبون بعض و يحبون بعض انا ليش راز ويهي.....
.................................................. ...................
وليد قضى طول اليوم سرحان و يفكر بالمشاعر القويه الا يحسها بتجاه شموو .... هو ما ينكر انها
كانت دوم موجوده بس الحين اقوى..... و ما قادر يقاومها .... مثل اول..
اعترافها بحبها له يرن بذونه .....احبه و ما ارضي عليه.... صار واثق بأنها له و مستحيل تطالع احد
غيره ... ما عاد يشعر بالغيره من مهند و الا فيصل و الا غيرهم ......!!!!!!!!!!!! و ما متخيل عمره
بموقف ثاني مثل الا صار اليوم ...كان مكشوف ... و فهد ما بطل ضحك عليه ........و بالاخير اتخذ
قراره بانه يرجع يطنشها عسب ما تكشف مشاعره لها ..........
حب مها و فهد كل ماله يزيد و ينغرس بقوة بقلوبهم
الجزء السابع و العشرين
ماجيت جنبك اطلب اليوم تبرير
ولاجيت ابشكي لك زمان الهواني
شفت الاذى منك من دون تقصير
زدت الجروح اللي سببها حناني
النفس طابت ماتبي منك تفسير
لاتحسب ارتجي من نساني
ما باقي لعرس مها وفهد الا اربع اسابيع.......
مها : هاي شموو ما تعبتي
شموو : اف الا هلكانه ...... ماخذه شغل الاخت ..... علشان ما اعطيها فرصه تدخل لفهود
مها: ههههههههههههههه انا ما اعرف انت طالعه شكاكه لمنو
تطالعها بنظرات قهر: انت غبيه و الا تستغبين ..... في احد يأمن على الريايل هذي الايام....؟؟؟؟؟؟
رغم انه اخوي و حبيبي و واثقه منه .... بس مو واثقه من هذي...
مها: شموو من يت و انت محطيه دوبج دوبها .... شو تبين فيها
ردت شموو: تقهر .... ما تشوفين لبسها ...... استغفر الله كل صدرها طالع اليوم......الحمد الله وليد
ما عاد يمر هني و الا ذبحته....
تضحك مها برقه و تقول اخل اشوف حبيبي ابرك لي
قالت شموو: هي شو عليج ... ما صرنا ننفع
دخلت بهدوء للمكتب و مشت ناحيته و هو مندمج بالا قاعد يسويه .......
قلت بدلع : كل هذا حبي اندماج .....
رفع راسه و على ويه ابتسامه حلوه ..... تفضلي حبي
يرها من ايدها و يلسها في حجره
مها بدلع: و الله ان دخلت شموو .... تفضحنا
رد بحب و ضحك: هههههه ياهي شمووو الا مسويه لج رعب
تنزل راسها بخجل : لا حبي بس انحرج ......................................
باسها على خدها .... و هي تلعب بزر ثوبه من جدام
ممممممم اقول حبي ............. عندي طلب هل كبره ..... و تاشر بايدها
قال :الا تبينه من عيوني
بدلع : تسلم لي .... ابي اروح اسوي بروفه للفستان.....
شافت نظرات الرفض و قالت بسرعه
بعد الغدا موعدي .... بتمر علي مي مع الدريول و بنروح..
رد عليها فهد بعتاب: يعني ما راح اوصلج اليوم ..... يهون عليج تخليني مع شموو بروحي
ضحكت عليه مها ..... لا شموو بعد بتيي
فهد: خلاص عيل شكلي برجع مع بابوووو
ردت بدلع: حبي بس اليوم ........ لا تزعل
سحب فهد شيلتها و فتح شعرها .... احب اشوفه جي
كمل و هو عيونه بعيونها ..... تروحين بشرط
سكت ما يبي يكمل لأن شكلها فهمت عليه .... يا ربي منها تفهمني و تعرف الا ابي اقوله قبل لأنطق فيه .... و كأنها روحي الثانيه ...
حاولت تقوم من عنده ....مسكها و ابتسم .... بتشردين ... مثل كل مره .....
ردت و هي مستحيه منه موت : و الله ما اقدر ...... خلها لبعدين
تنهد فهد بصوت عالي .... امري لله ..... اصبر ..... تدقين علي اول ما تردين اوكي
قامت بسرعه و هي فرحانه ... انه وافق .... اكيد حبي .... يالله باي عندي شغل وايد
قعد يتأملها و هي تطلع ..... يار بي و الله احبها و اموت على الارض الا تمشي عليها .... متى بس
نتزوج ....تذكر شكلها و هو يطلب منها تبوسه .... من كل شي تستحي .....رسم ابتسامه حب
على ويه .... تذكر ليلة امس ... كيف انجرف بالمشاعر معاها لدرجه ما قدر يمسك عمره .... لولا
تصرفها و تداركها السريع .... صارت مرته..... وشو يمنع ........ بس هي عنيده ............
.................................................. ....................
وقت الغدا
شموو : اموت و اعرف ليش كل مره تطلعين من عند فهد محمره
انحرجت مها وقالت بصوت واطي ............. هو يحرجني و يعاملني بطريقه ....
شموو : شووو رومانسيه صح ........... اي يالخذيه هذا انا مو فهد تستحين جي .. و الله انج
سالفه ...هههههههههههههههههههههه
سمع ضحكتها رنت بأذونه لف يدورها مشتاق لها و لصوتها .... شافها تغايض بمها و الثانيه تعصب
عليها و تهددها...... تقربوا منه
مها : وليد ما تبي تتغدى اليوم و ياها و تفكني من لسانها
شموو: و الله صدق بتغدى معاي
رد وليد و على ويه ابتسامه ... اشتاق لأيام كانوا بقسمه كل نجره و ضحك ...
: على حساب منو
شموو : مها طبعا هي الا عازمتنك
مها: لا و الله هو خطيبج ....... يعني على حسابج
وليد : للأسف مشغول .......... فرصه ثانيه
شموو: عدال ... ليكون صدقت ....!!! و تعال في شو مشغول ..... و الله لأذونك تدل المحكمه شكت
عليك.....ارحمها
انقهر منها : مدام مريح القلب اكيد هي بعد مرتاحه ....
شاف بعيونها نظره ما عرف يفسرها ... و مثل ما ظهرت اختفت .... رجعت تتكلم بشكل طبيعي و لا
كأنه جرحها : و متى ناوي تعرفني عليها ............ و الا ناوي تاخذها بالسر........ ايييي كل شي
يبدأ غلط ........................ ينتهي غلط
سحبتها مها بقوه من عنده .و دخلوا المصعد .... هي عارفه ان شموو ممكن تتمادى اكثر من
جي ..... وليد ما تركها دخل معاهم و تم يطالعها
قال بكل برود : وليش متضايقه ....... انت عارفه بالقصه من الاول
تصنعت ضحكه : وليش اتضايق ..... كل واحد له حياته و خصوصياته
بكل جرأه قال: بس انا سبق سمعتج ترمسين عن حبج ................سكت و ترك علامات التعجب
باينه على ويوهم ..................... و كأنه ياكد شكهم .... اي سمعت كل شي....
ضحكت مها : انت ما تعرف شموو ........ كل يوم حابه لها واحد
شموو ابتسمت لمها عرفت تطلعها من هذا الموقف بسهوله: مها لو سكتي ... و خليتيه ياخذ مقلب
بعمره.
شافت عيونه تضيق و كأنه مو مصدق كلامهم .... بس متى اتفقوا يقولونه ... و شكل مها ما
تجذب.... يعني كل الا سمعته ما له معنى..... يعني شموو الحين ما تحبني و احتمال متعلقه
بشخص ثاني ...... تنرفز من مجرد فكره ... شلون لو صدق ...؟؟؟؟!!!
تركهم معصب و ضايق خلقه .... كان وده يمسكها و يكفخها ..... مستحيل الا سمعته جذب ........ انا
حاس انها فعلا تحبني......
شمووو: و الله و يبتيها يا مها و انقذتيني
مها بفخر : اعجبج............. يستاهل انا من الاول ما ادانيه و هو بالطلعه و بالنزله يجرح فيج و انت
ساكته..
شموو: شو اسوي احبــــ
مها: حبتج اليراده .............. يا ويلج اذا سمعتج تقولينها
شموو: و انا اشوف الاخ ما عاد يتضايق لما اكلم منهد و الا فيصل .... دوم ياكلني .. اكيد قال تحبني
و ضامنها ....يقهر
: علشان تعرفين جنس الريايل زين
تكلمها شموو بجد : و انت خذي بالج زين .... حلات البنت بيوم دخلتها ..... هو نعم اخوي .... بس
يبقى ريال .... و انت فاهمه على زين
مها احمرت : عارفه شموو ... بس هو يضغط على بطريقه صعب علي اقاوم
شموو: تذكري اذا خذ الا يباه الحين ... ما راح يشتاق لليوم الزواج ... راح يعتبره ... واجب
بسرعه تأكد عليها ....: لا تخافين ... انا عارفه كل هذي الاشياء .... ما عليج مني
شموو: هي سوي عمرج قويه جدامي و جدامه رقيقه
تدزها مها : شموو بس عاد تذلين الواحد ذل ....
.
.....................................
وليد فيه قهر مووووت من شموو .... من يومين بس كان حاس عمره طاير من الفرحه و الحين
بسهوله سحبتها منه ... و رجع للقاع .....هو حاس في مشاعرها و عارف من نظرت عيونها مكانته
عندها....... بس مجرد انكارها له يألمه ....
و مثل كل يوم خذ له زاويه يرمس بالموبايل و يحاول يتناسى .... شموو .......
.................................................. ..............................
البنات سوالف و ضحك كالعاده
حصوو: مها ليش محلوه شو مسويه
مها بدلع: انا دوم جي حلوه
حصوو: عدال .......... تدور بعيونها على احمد......
سألت بصوت و اطي: الا وينه اليوم ما بان
شموو بنفس الطريقه: منو...... ليكون حبيبي
حصوو متنرفزه: شمووو يا السباله شو ابي فيه حبيبج ....... انا اقصد حبي انا
شموو : انا سباله ها ....... و تتلفت تدور على احمد ...... و الله اعلم عليج .....
مها: اكووو شوفيه يرمس بالموبايل ........... ليكون شرات وليد
شموو: لا حرام .......... مسكين احمد .......هو وين و وليد وين..... احمد يستحي من ظله
مها : ما تذكرين بالمكتب .... كل يقول .... تقلده.......... حشا مو بنات .... الله يعين ازواجكم ....
ضحكوا البنات .... اما حصووو : هو صادق ..... بعد انت و ياها ليش تحشون في ريلي .......... ها ...
شموو تدق مها : مهوووو صار ريلي .... و قبل كانت تقول عيب و عيب.... و الله و اطورنا
انحرجت حصووو : شموو عن المصاخه....
مها تضحك : يا حلات احمد يي الحين و يشوفج كيف محمره ......
توقف شموو بسرعه و تسحب مها معاها .....
حصوو: على وين ........ و الله لأذبحكم اذا سرتوا له .....
ضحكت شموو: ليش عبالج خبله ....... و اعطي وليد حجه عسب يطلع حرته فيني....كفايه قاهرتنه
اليوم ...... بروح اييب بارد تبين ...........
حصوو وقفت : بيي معاكم .......... خل اشوفه من قرب....
مها: الا طلعتي حركات..... اونج عاد .....
حصوو: اووووش لا تربكوني .......
مر احمد بالقرب منهم و هم يحاسبون .... استغلت شموو الفرصه و اشرت له .....
قالت بصوت واطي: حصوو تسأل عنك ........
تقرب منها .... حصوو كانت لاهيه مع مها مو منتبه لشموو و لا لأحمد.......
شموو تسحب مها و تبعدها عنهم ......
احمد ظل واقف مرتبك كيف يبدأ و هي لين الحين مو منتبه فيه ...... لفت تدور على مها و
شموو ..... لاقت في ويها اخر واحد تتوقعه ........... ارتبكت و كانت الصينيه بطيح من ايدها ........
مسك الصينيه بقوه و ايده على ايدها ..... و عيونه بعيونها .... ابتسم برقه ....... اما حصوو سحبت
ايدها بسرعه و هي بداخلها تسب مها و شموو عارفه انها وحده من حركاتهم .....
احمد: تسأل عليج العافيه ........
حصوو مرتبكه و ساكته تطالع فيه ..... يمكن هذي اول مره تكون بهذا القرب منه ... و شافت
ملامحه عن قرب ....
كمل : شو ما بسلمين
حصوو ما ردت ..... تحاول تتصرف بسرعه .... و ترجع عند البنات ....... ارتبكت من نظراته و من قربه
و حست بريولها مو قادره تشلها اكثر .... منعها تتحرك
قال بصوت واطي: كل هذا مستحى ........... و لما ما ردت .... شموو تقول انج تسألين عني .......
بغيتي شي
قالت بسرعه : انا كنت عارفه انها هي ....... سكتت لما شافت نظراته
احمد: هههههههههههه ...... امشي خل اوصل لج الصينيه ...
حصوو : شكرا عطني اياها
احمد رفض : قلت امشي ...... و انا ايبها
تقدمت بسرعه و هو لحقها ..... قعدت ماسكه نفسها .... لما حط الصينيه
شموو: اشكري الريال ........
حصوو: مشكور
مها: اف ع المستحى
شموو ترمس احمد : شفتها النظره الشرعيه ............و الا ............ اييييي
حصوو شاتتها بريلها بقوه من تحت الطاوله ....
شموو: حصوو يالسباله ليش تشوتين
ضحكوا البنات و احمد ....قرب من شموو قال بصوت واطي: لا يكون تسبين حرمتي ...... ترا اسب
ريلج....
شموو بصوت عالي: لا و الله شو يخصه ريلي ها ........
احمد : شموو فضحتينا ........... الله يعينها عليج ........... و قبل لا يروح ....... هالله هالله فيها .....
تراها امانه.....
مها: ليش كيس عيش
ضحكت شموو ..... : كفج ........ يبتيها ........
احمد يهز راسه : بليز لا تبدون ....... خل اشرد ...... يكلم حصوو: ما تبين تشردين معاي
حصوو شرقت ..... و تمت تطالعه ... مستغربه ..... اما هو ضحك...... هههههههههههه .... شو
اسوي من عاشر القوم .... ياشر على شموو و مها ..... عن اذنكم .....
حصوو ما خلت سبه الا قالتها لهم ...... : و الله خل اشوف وليد غير ما افرج بحضنه
شموو تضحك : يعني على بالج ما طايحه بحضنه ...... اسالي مهوو كم مره داعمتنه ... غير اخر
مره حاضنني بقوه .... فعصني
حصوو تضربها على كتفها : ما تستحين
شموو : شو اسوي .... مو قاصدين
مها : اي انا اشهد ........... بس الحضنه ما حضرتها يا خساره
حصوو : اي تراج ذيلها لازم تشهدين معاها
مها: لا و الله اخر عمري اصير ذيل ........ هي ذيلي
شموو: وع ..... انت ذيلي
تموا يتناقشون و حكت لهم شموو عن سالفه الحضن ...... و هي تضحك ... اما هم منصدمين .....
حصوو فيها غبنه : حرام شموو كنت بتموتين ....... و الله انا ما اعرف شو عاجبنج فيه من حلاته......
شموو: حلو الا قمر ........ و لو سبال بعد احبه ......
.................................................. ....................................
طلعوا البنات .. و بقى فهد بالشركه ينطر الملف الا طلبه من هاله
هذي ساعه لما تيبه .... و الله شموو هي الا خربتها مسويه لها حضر تجول ... و الحين النتيجه ما
تعرف شموو وين تحط الملفات .... سمعها تدق الباب بتردد
رد و هو ضايق خلفه منها : تفضل
هاله : اسفه يا بيه ..... هو ده الملف
سحبه بقوه من ايدها .... ارتبكت و طاح على الارض و كردت فعل سريعه نزلت تلم الاوراق في
نفس اللحظه الا نزل فيها هو ...... طاح نظره على صدرها باين كله بوضعيتها هذي ... حاول يغض
النظر بس ما قدر يزيح عينه من عليهم....
ارتبكت هاله و هي تشوف عيونه عليها ... ما عرفت تصرف ..... ابتسمت بأغراء و قالت : هو في ايه
يا بيه
تدارك فهد عمره و طالعها بنظرات عصبيه .....: اطلعي برع ..... و بصوت عالي شوي ........
بسرعه .....
هاله ما خافت و الا زعلت .... اخيرا حست انه لاحظاها و قدرت تجذب انتباه .... تفكر...... الايام بينا يا
بيه ....
.................................................. .........................................
هز راسه بقوه و هو يحاول يبعد صورة هاله من خياله ..... و الشيطان يلعب دوره بتزين الصوره و
ترسيخها براسه ..... تم يلف بالسياره لما وصل لبيت مها نزل كالعاده استقبلته بكل الحب و الحنان
الا نساه هاله..؟؟؟؟؟؟؟؟؟؟
قعدت جدامه و حطت ايدها على فخضه و هي تقرا بعيونه مشاعر مختلفه .... و شكله كان متوتر:
حبي شو فيك مو على بعضك
فهد يحاول يشيل عينه من عيونها ... هو ما فيه على المشاكل معاها .... تقدر تعرف الا فيني بكل
بساطه ...... حب يضيع الموضوع تقرب منها و حضنها بقوه..... استجابت معاه .... كل يوم يعلمها
اشياء جديده و مشاعر جديده صعب تقاومها .... سمع تنهيدتها ... تمادى باظهار مشاعره لها ...
لدرجه حس فيها انه وصل الى لا رجوع .......... بس مها كالعاده تتراجع باللحظه الاخيره ... و
كسرت الجو الساحر و سحبت عمرها منه بهدوء..........ما قاوم و لا اعترض ...... و لا رفع عيونه من
عينها ........... و كان الصمت هو المتحدث الوحيد بينهم ......
هي من خجلها لسماحه له يتمادى معاها و تشجيعه ...... انربط لسانها و ما قدرت تعبر عن الا في
خاطرها
فهد من الاحباط الا شعر فيه و هي تشجعه ثم تنسحب بهدوء ضايقه اكثر مما يتصور ... ابتعد و
طلع بدون سلام .......
تطالع ظهره ..... ما قدرت تمنعه ........ ما لها ويه .....
تنهدت: مو مشكله بالاخير راح يفهم و يقدر.................
اول خيوط التوتر بدا ...........
شو تتوقعون دور هاله الحين ؟؟؟؟؟؟؟؟؟؟؟؟؟
الجزء الثامن و العشرين
آسف إذ اني غلطت وجيت عكس إرادتــــك
وآسف إذاكاني خذلتك بدون قصد وباخــتـــصـــار
أنت الحنان اللي نزل بالكون ساع ولادتك
وأنا اليتيم اللي بدونك دون ربــــــع ودون دار
أموت فيك وفي غلاك وفي دلعك وعادتك
وأرجع وأقول إني غلطت وجيت بهديك أعـــتــــذار ............................................... منقول
ثاني يوم الجمعه في بيت شموو
شموو محصله لها هوايه يديده ...... زارعه لها ورود بالحديقه و تهتم فيهم
تكلم ورودها : و الله انكم عسل و حلوين ... يبا لي بعد عصفورين ... و احطهم هني كل صبح
وليد سمعها تتكلم راح صوبها يشوف منو معاها.... : انت خبله ترمسين بروحج
شموو: وليد الناس تتحمحم قبل ........ و الله خرعتني
وهو عيونه عليها : و الا ييب لج العصفورين
شموو تهز كتوفها : منك ما بي شي
تقدمت تبي تروح داخل : امك هني
ما رد عليها و كمل : ليش يعني ........ و لما ما شاف منها اي جواب مسكها من ذراعها قبل لا
تبعد .......... الا مها تقول .. انت كل يوم و الثاني حابه لج واحد ...وقف يتامل ردت فعلها على
كلامه ........
هي تفاجأت ما توقعت انه راح يهتم او يمكن يسألها : ليش تسأل .... يهمك
رص على ايدها بقوه اكبر ....: شو رايج يعني
حس بعمره متوتر و هو يترقب اجابتها ... يخاف يكون واحد ثاني بحياتها ...
شموو: وليد يعني انت ما تعرف الحين اني كل يوم لي مطرب و ممثل و هذي الخربيط
حط عيونه بعيونها يشوف صدق كلامها و هو مرتاح نسبيا لكلامها : يعني مها كانت تقصد هذا
شموو: اكيد ....... بعد لو كنت احب شاب مثلا ..... تتوقع انها راح تكشف لك هذا الشي ...... اكيد لا...
قلب كلامها براسه و اقتنع ابتسم : اوكي .... سيري عند امي لما اييب لج العصافير
كملت بسرعه : و ارانب بعد............... منو قالك تستوي كريم و تعرض خدماتك
ضحك : و لا يهمج ................. الا وينه فهد
شموو: ما اعرف ........ يالله بسرعه ... سير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك