رواية يوميات حبي و حبه -25
مهند سال مستغرب مو قادر يستوعب: وليد انت خاطب عيب عليك هذي الحركات
وليد مو مهتم اساسا : شو يعني خاطب و حده و احب ثانيه
مهند : بس شموو ما تستاهل ..... الا واحد يصونها
يهز راسه ياكد : شي اكيد و هذي يبالها كلام
مهند: اذا عرفت انك تخونها
وليد : لا تبالغ ... و تقول مصطلحات كبيره.............و لو سمحت تسكر السالفه
مهند تنرفز منه يقهر: انت كيف تفكر .............. مصير ييلك يوم و تندم
ما اهتم هو اصلا ناطر اليوم الا يرتبط في حبيبته و ما هامنه احد......
.................................................. .................................................. ............
دخلت مها المكتب لفهد و في ايدها ملفات لازمه توقيع........... تقربت منه و حطت الملفات على
المكتب
فهد و عيونه عليها : شو ها
مها : شغل
مد ايده و سحبها قعدت على حجره و صار خشمه (انفه) جريب و ايد من خشمها ....... باسها على
طرف خشمها.......
انحرجت مها : فهد ما تخاف تدخل شموو ........... و الله لا تفضحنا
فهد : ما عليج منها .......... ها فكرتي .... بخصوص زواجنا
مها: فهد .... ما شي وقت متى بزهب او ادور فستان .... غير امتحاناتي..... و ماتبي لي اجازه
اتهنى فيها بعرسي
فهد و هو صدق تضايق .... ما يقدر يصبر : مها يعني كل هذي الاشياء اهم مني
مها قرت بعيونه انه تضايق : حبي لا تزعل
فهد: اوكي اول ما تخلصين عندج اجازه اسبوعين .... شو رايج
مها ما تبي تزعله .... و ما قادره تتخيل حياتها من دونه: خلاص حبي الا تباه
فهد استانس صدق و حضنها بقوه ...... بنفس اللحظه الا انفتح فيها الباب.....
شموو تفاجأت من المنظر .... غطت عيونها بايدها: انتوا ما تستحون ...... هاله تعالي شوفي
مها ارتبكت : شموو عن المصاخه ........................و تبي تقوم عنه
بس فهد مسكها بقوه و رفض يخليها .... : شموو لما تستحين اطلعي
شموو رافضه تتحرك من مكانها: ما ابي .... ابي اخذ خبره و هي في عيونها نظره !
تكمل شكلكم تحتفلون............................
فهد يبتسم : اي .... قررنا زواجنا بعد ما تخلصون تدريب
شموو شهقت : مهووو قص عليج .................؟؟؟
مها: لا ابد انا مقتنعه .................وكملت بدلع ....... صح فهودي
شموو محتجه: و متى ان شاء الله يمديني افصل ها
رفع فهد مها ووقف هو و ياها و تم يطالعها : شموو طلعي و سكري الباب لو سمحتي
شموو: لا ما ني طالعه ..... شكلك ناوي على شي عيب
فهد : كيفج ................. قرب راسه من مها ...... شموو فهمت شو ناوي يسوي .... طلعت تركض و
تسب : صدق ما تستحي ...... بعلم عليك ابوي
شافت في ويها وليد و مهند : مرحبا ................... لحقتوا تردون من المؤتمر ...!!
موجه كلمها لمهند ما قدرت تحط عينها بعين وليد....... اما وليد فعينه عليها يتأملها من فوق لين
تحت.......... و ما هامنه وجود مهند و لا تطنيشها له ... لو ظرف ثاني جان ذبحها ... هو متأكد الحين
انها تحبه .... يعني مو لازم يغار او يعصب منها لما تتقرب من احد ......
مهند يتفادى نظراتها : تأجل ............. حس بعمره انه حقير و متآمر مع وليد عليها... شو يقدر
يسوي ...... مو بأيده شي...... استأذن بسرعه و طلع
شموو حست فيه غير مو من عوايد مهند ....!!!!! و بعد وليد يبتسم و لا عصب لما طنشته ... شو يا
ترا صار بينهم.......... عيونها تتابع وليد الا راح و قعد على مكتب هاله .......... هذا شو فيه يعرف اني
ما ادانيها .... و ليش مطنشني .......... اف
وليد: الا فستانك لايق عليك كثير
هاله استحت و نزلت راسها : شكرا يا بيه
وليد: هههههههههههههه حلوه بيه ناديني وليد
شموو ما قدرت تمسك عمرها .... هي خلقه مو طايقه هاله و هو قاهرنها من الصبح و بعد يكمل
عليها و يتغزل فيها
قالت بصوت عالي شوي: وليد احسن لك تقوم تطلع من هنيه و الا اسوي لك فضيحه بعمرك ما
خطرت على بالك
ابتسم وليد ... هذا الا يباه يقهرها وده يطلع كل الا في قلبه و كل الا شياء الا سوته فيه .....طنش
ووجه كلامه لهاله : هذا لون اعيونك الحقيقي ... حلويين ما شاء الله
هني شموو ما استحملت قامت شلت اول شي طاح بايدها و فرته له .. يا على كتفه .... وليد
تفاجأ .... ما توقعها.......و كملت تفره بكل شي يطيح بايدها
صرخ فيها: انت خبله
شموو: هي توك دريت...... قوم اطلع برا
وليد : لا ما راح اطلع .............. انا هني اكلم المدير مو انت
شموو ما اهتمت للباب الا انفتح و كملت تمد ايدها على اي شي على المكتب و تفره و لما وصلت
ايدها على الموبايل.... تقدم وليد منها بسرعه و هو يحاول يتجنب الاشياء الا تفرها له .... و مسكها
بقوه : شو استوى لج ............. خبله
فهد بعصبيه: شموو............ بس عاد
شموو مو مهتمه باحد و قعدت تصارخ بصوت عالي: حضرته ياي يتغزل بالسباله هذي ........... و مو
كفايه الا عنده بعد يدور غيرها ......
فهد انقهر منها تسوي له فضيحه بالمكتب و تقدم بسرعه مسكته مها بقوه و تترجا فيه
اما وليد حاول يهدي الموضوع : فهد ما عليك منها ... هي بس منقهره شوي
ضربته شموو على كتفه : مو شوي وايد ....... و ليدووو تأدب .......
تجدمت مها منها و حضنتها بقوه و هي توجه نظرات اللوم لوليد .... يا ربي كيف احس ساعات اني
اكره موت........سحبت شموو و طلعت .... تبي تهديها شوي...
وليد حط ايده في شعره و ابتسم .:..... انا الا استفزيتها .......
فهد : و لو ما يوصل الموضوع لجي
وليد: صدق انا مو زعلان ........ بس حبيت اقهرها و هي طلعت حرتها ...... بس علشان خاطري
عديها لها.....ما ابي اسوي لها مشاكل
هاله: انت طيب يا بيه ........ بس هيه الله يسامحها لسانها طويل
فهد : انسه لو سمحتي ....................!!!! تفضل داخل خل نتفاهم....!!!!
................................................. .......................................
بالاستراحه .... شموو تصيح بقوه و تشاهق .......: يا ريت فلعته .... شو فيني مو معبرني و
حاقرني ... لهذي الدرجه كارهني ....... مره يتمنى لي الموت و الحين قاعد يتغزل فيها جدامي .....
على الاقل يحترمني و يحافظ على كرامتي مو جي ...
مها خلتها على راحتها تفضفض .... عشان ترتاح.......
مها: شموو سالفه وليد لازم تنتهي ............ شوفي شو صار لج ....... شو يجبرج تتحملينه....
شموو تضرب قلبها بقوة : هذا الا معذبني ..... يا ريت اموت و افتك
مها : شموو حرام .......... يالله قومي استغفري و غسلي ويهج .... خل نسوي لنا كم حركه نص
كم.....
بعد ما هدت شوي تفكر : شو انسوي .......!!!
مها : اول شي ننزل الكفتيريا و نتحرش بالشباب .... احمد و فيصل و مهند ....
شموو: شكلج راح تنذبحين واياي .... فهد بسوي مجزره لنا
مها: هههههههههههه ما عليج منه ........ يحبني
شموو:مها و الله مالي بارض
مها: اوكي طرشي بابووووو يبنجر تواير سيارته شو رايج
شموو حبت الفكره ... : ويقعد له بالشمس كم ساعه ...... يالله قومي بسرعه خل الحق عليه.....
مها تجرها من ايدها : صبري .......... ابيج تدلعين عليه .... ارجعي شموو القبليه كل ضحك و
لعب ......... تحرشي فيه اقهريه .... يا دورج الحين تربيه ...!!
شموو تهز راسها مقتنعه : انا ارويه ....... و الله لأطب بيتهم كل يوم ..... اذا هو كارهني شوي
بخليه الحين يكرهني زود............ يصبر علي السبال........
.................................................. .................................................. .......................
نهاية الدوام ....
من القهر الا فيها نفذت فكرت مها ...... اتفقت مع دريول مها و نفذ لها الخطه .......
نزل وليد و هو يحس مستانس .... يمكن اول مره من الخطوبه و هو يحس بهذي
المشاعر ........راحة البال...... انتبه لتواير (عجلات ) السياره نازله و الا استغرب منه انها كلها مو
بس واحد ............اف من وين اييب اسبير.... المشكله ان الكل روح و انا بروحي هنيه ....... اتصل
لكم واحد من الربع بس الظاهر كلهم رقود ...و حاول يتصل بالكراج بس بعد ما يردون .... الحين
الظهر منو موجود لآزم انتظر للعصر ....تقدم للشارع و انتظر لأكثر من نص ساعه علشان يحصل
تاكسي...... و يدوب وصل البيت اذن العصر .... ما يمديه الا ياخذ له دوش سريع... و اتصل بفهد الا
متساند و يشوف التلفزيون ويا امه و ابوه و شموو..........
فهد: هلا ................. لا و الله ................... مو مشكله انا امرك....
كلم امه : انا طالع اشوف وليد الظاهر عنده مشكله بالسياره
شموو ارتاحت انها نجحت و بهدلته شوي ............. رغم انها تحس بأنه تصرف صبياني ..... فكرت
اطرش له مسج ............
.................................................. ............................................
وليد : يعني الحين كيف الاربع مره وحده
فهد: شكله واحد قاصد
وليد يفكر : منو يعني ............. و الله لأدوسه تحت ريلي
متوتر و منقهر للمقلب السخيف الا استوا له........... اذن العشاء و هو ما زال يدور للكراجات يدور
احد يساعده....... اخيرا اضطر انه يشتري ثلاثه يداد و بدا شغل بنفسه ........
فهد: الووو ............. ها وليد شو سويت
وليد: بروحي قاعد اعابل فيه
فهد: امرك الحين
وليد: لا خلاص ............ الحين بمرني واحد من الربع
فهد: ههههههههههههههههههههه و الله و ضاع عليك اليوم كله
وليد: هي شو عليك اضحك ....... و انا متغربل
فهد: بس ابي اعرف منو مسوي فيك هذا المقلب ..........هههههههههههههههههههه
وليد: فهووووود ........... فارق
و الله فاضي هذا .......... دق موبايله تافف يعرف انها نوره .... ما له خلق يرد ..... وبعد فتره سمع
صوت المسج ....... مد ايده و فتحه ...."" تعيش و تاخذ غيرها"" قراها مره و اثنين و ثلاثه ........
المرسل الخبله............المشاعر المتناقضه الا حس فيها ساعتها ما قدر يترجمها ...... شموو ..... و
الله طلعت مو سهله..... رغم نفسيته الزفت الا انه ابتسم ...... كيف ما خطرت على بالي من
الاول .... طول عمرها تاخذ حقها بأيدها.....
فهد: عيل توي ارمسك اخلاقك زفت و الحين تتبسم
وليد يحط ايده على شعره بتوتر : ههههههههههههههه ....... لا بس عرفت منو صاحب المقلب
فهد: منو ............. و بدل لا تعصب عليه تضحك
اذا عرف انها شموو ما راح يسكت كفايه الا سوته اليوم في المكتب...: واحد من الربع ........ يحاول
يغير الموضوع : و انت شو يايبك ... قلت واحد من الربع الحين بيوصل
يشيل بعض الاغراض و يحاول يساعده: و متى ناوي تخلص باجر الصبح .... يالله اقول كمل
شغلك....
اندمجوا كل واحد بشغله و افكاره ... وليد مع شموو ... الا صارت ما خذه حيز كبير من افكاره ... و
فهد بمها الا ما شافاها اليوم و لا رمسها بالتلفون .....و العرس الا ما باقي له الا 4 او 5 اسابيع .....
فهد: الا ما سمعت اخر الاخبار
وليد: لا
فهد: عرسي بعد ما يخلصون البنات تدريب
وليد: يعني قريب ............ كيف قدرت تقنعها
فهد يبتسم و سرح بشكلها : لما البنت تحبك .......... تصير خاتم في ايدك
عدل من وضعه و قعد يفكر في كلامه: مو كلهم ؟؟؟؟؟؟؟؟؟؟؟؟!!!!!!!
فهد: لا كلهم .......... مجرد انها تحبك اضمنها تنفذ كل الا تباه انت
عندك مها ...فسخت خطوبتها الا فاتت بس بسبب انه رفض لها بعض الشروط...... و شوف انا
ملجت و بعرس قبل لا تخلص دراسه و بعد تركت السواقه ... و اذا قلتها ما شي شغل بعد راح
توافق..؟؟؟؟؟؟؟؟؟ و هذ كلها عكس رغبتها .... بس مقتنعه انها تنفذها علشاني........
يفكر في نوره عنيده و ما تسمع الكلام ... بعكس شموو ؟؟؟؟؟؟؟؟!!!!!!!!
يحس بمشاعره متخربطه يحب نوره و متعلق فيها و يبي يرتبط فيها بيوم من الايام .. و ما يقدر
يتخيل شموو بعيده عنه او انها ترتبط بشخص ثاني .... و الله لأذبحها .... هي تحبني يعني ما راح
تتخلى عني بسهوله ..... و انا ما افكر فيها كزوجه ....تنهد بصوت عالي .....
فهد: كل هذي تنهيده ........... يالله خلص خل نروح
وليد: خلصت ............
كل واحد ركب سيارته و سار بطريقه و افكاره .....
.................................................. ............................
مها: كله منج ........... يعني لازم تنفذين الخط .....
شموو: من الله خطتج
مها: اتغشمر (امزح) و انت على الله ما صدقتي
شموو: احسن خل يتادب
مها: و شو ذنب فهودي حبيبي تعذبينه معاه ...
: و الله صديقه خل يسانده ....ههههههههههههههههههههههه .........
مها: ما يضحك يالسخيفه
شموو: الا مها كيف قدر فهد يقنعج يقدم الزواج
تتنهد بقوه : ما لج شغل .... عيب ..... ما ابي اخربج
شموو: عدال عن ما خربتوني .... يالله باي ...اكوو فهد يا
مها: الحمد الله ............ باي بدق عليه
.....................................
اليوم الثاني
مرينا لمها مثل كل يوم .... مسك فهد ايدها و باسها برقه
وحشتيني .... و كأني من زمان ما شفتج
مها استحت نزلت راسها و ما ردت
جدمت راسي بين فتحت الكرسيين : انا بسألك انت مو شايفنها امس في الدوام ... و طايحين
غراميات
فهد : ما يخصج و ارجعي مكانج
شموو: اف مللتوا فيني ...... كل يوم و انا قاعده مثل الكرسي اطالع برا عسب ما ازعجكم ... بس
الصراحه مصختوها .... عبروني على الاقل
مها تضحك بخجل تعرف شموو تحب تغصص فيهم
اما فهد ضحك بصوت عالي : يخي هذي مو رومنسيه موووووول ........... الله يعين وليد عليج....
نزلت بسرعه و سبقتهم ..لأني اعرف انهم ياخذون وقت لما ينزلون
وصلت الدور الرابع .... كنت اعدل عباتي و احاول المها رفعت راسي شفته واقف عند باب المكتب و
عينه على .... هذا شو عنده كل يوم و الثاني ناط لي هني..... تقدمت منه بكل ثقه و لا هامني
وجوده .... خطفته لداخل المكتب .....
مسك ايدي بقوة و همس: السلام لله ................ و الا ما مالي عينج
شموو تطالعه : شو تبي .... فكني من اذيتك ...... كل يوم و الثاني مسوي لي مشكله
وليد : انا ....... و هو يلعب بطرف شيلتها (وقايتها) .... و منو مكسر سيارتي ... انا
: تستاهل .... هد ايدي
وليد: مو قبل لا تسلمين مثل الاوادم
شموو: لا و الله ... و كيف بتجبرني
تم يطالعها بنظرات ...... خافت منها
: وليد عن المصاخه ... شو على بالك ياهل
ضحك : انت الا قلتي مو انا .................... و ابي اعتذار عن الا سويته بالسياره
شموو: انزين فكني من اذيتك............ ترسم ابتسامه مزيفه على شفايفها .... ها وليد شو
اخبارك ....... و شو اخبار سيارتك .... اعتذر لي منها .... كسرتها......
و كملت بعصبيه زين
وليد ما قدر يمسك عمره من الضحك عليها و على اسلوبها ....
انقهرت منه و داسته بقوه على ريله
وليد: اي .........شموو اول مره اعرف انج شريه...
ردت تطنز : و العب كرتيه.... سمعته يضحك .... و ما قادر يمسك عمره من كثر الضحك.... تاملت
ملامحه الا لانت بالضحك ... هذا وليد الا اعرف ...... ما شايل هم و لا متكدر و الابتسامه على
ويه ......
شافها تتامل فيه و سرحانه .... سكت وسرح فيها .... تمت عينه بعيونها ..... تدارك الموقف بسرعه
و ترك ايدها و بعد شوي عنها...... بالنفس اللحظه الا وصل فيها فهد و مها...... كانت على ويهم
ابتسامه و زادت لما شافوهم مع بعض
فهد بصوت واطي لمها: و الله و حصلت فرصه انتقم من شموو
مها: حرام لا تحرجها
فهد: عيل هي كل يوم تحرجج .... خل انتقم لج
و هو يكلم وليد: هلا وليد الا كثرت يياتك
وليد يحط ايده بشعره مرتبك و هو عارف هذى النظره من فهد: عادي اسلم على خطيبتي
شموو تفاجأت اول مره يقولها ...
صدت لفهد و مها و في عيونها علا مات التعجب .......
ضحك فهد ...: بس بطل حركات من صباح الله خير ... خلها تركز معاي في شغلها
رد وليد: ادري انها كسوله و دلوعه .... بس شاطره ما عليك منها
شموو انقهرت مها تضحك و الاثنين يطنزون عليها ...
حطت ايدها على خصرها : لا و الله ...... تتكلمون عني و لا كأني موجوده ها... و تمد بوز ... و الله
اعلم عليكم ابوي..... و كانت فعلا طالعه لأبوها بس فهد مسكها من ايدها و رجعها المكتب :
نتغشمر ......... و الله انج مستويه حاره هل اليومين
شموو: من حركاته ............ وليدوووو لا تكون تيي هني مره ثانيه ..... و هي تطالع بهاله ...... و اذا
هذي السباله عايبتنك ....... خذها و فكني من ويها...
قدر يقرا الغيره بعيونها ... غبيه تحسبني ياي علشان غيرها ..... و انا مثل الغبي ما ادري شو الا
يسحبني كل يوم هني .... قالها : و انا اقدر اطالع غيرج و انت موجوده
شموو بهتت فيه ....
اما فهد يحاول يمسك عمره و ما يضحك على شكلها ....: مو كانك تتغزل باختي
وليد: فهوووووووووووووووووووووووووووووود
هو مرتبك مو عارف كيف طلع هذا الحجي منه .... و فهد يتطنز عليه ..... و شموو شكلها مو
مصدقه .... احسن شي يشرد من جدامها و من نظرات فهد الا قاعد يراقب كل شي ..... اشر بايده
و سار ......
فهد ما قدر يمسك عمره ... دخل المكتب يضحك عليهم .... اول مره يحس بوليد منحرج .... و لا
يتغزل فيها بعد......
اما شموو ما صدقت كلمه من الا قالها .... هي عارفه انه يحاول يمتص غضبها و يبعدها عن السبب
الا ياي علشانه..... تشوف هاله بحقد ... و تصد عنها كارهتنها...
.................................................. ........
وقت الغدا
مرت شموو و مها بالقرب من المكان الا دايما يشوفون فيه وليد .... بس هذي المره
مش موجود .....
شموو: اول مره من داومت ما الاقيه هني .... وين يكون راح
مها : شو تبين فيه احقريه .....
شموو تدزها على الخفيف: شوفي مهند و فيصل ...... يحشون ..... تعالي نخرعهم
مها: شموو ....... الا يسمعج يقول واحد من الشباب....
شموو: شو اسوي متربه مع شبان .....هههههههههههه......... تعالي خل نسولف معاهم
شوي ....... و الله زمان ....
تقدموا منهم ....مهند ركز نظراته على شموو...... يفكر خساره وليد فيها .... و يا ريت يعرف
قيمتها ....
شموو تضحك: مهند جنك اول مره تشوفني..... تلف لمها .... مهوو شوفي يمكن فيني شي
غلط........ اخاف لابسه غترة ابوي بدل الوقايه
ضحك مهند و فيصل....: انت ما تبطلين حركاتج هذي .......... اكي مها شوفي شو حلاتها لما
انخطبت عقلت مو شراتج...
شموو تحط ايدها على خصرها : لا و الله شو قالولك عني خبله و الا خبله
فيصل: ههههههههههه .. انت الا قلتي ..... خبله مو انا
شموو بغيض: حرمتك ....
فيصل يسوي نفسه معصب: اييييييييي لا تغلطين على حرمتي
مها: عدال من زينك انت و حرمتك........ و لا تصارخ على شموو
فيصل يطالع مهند : ابوي مهند خل نشرد .... الحين اجتمعوا الاثنين.... هم وليد ما رحموه .... انا شو
بيسوون فيني .....
مشوا مع بعض للكفتيريا ....... مهند تعمد يكون قريب من شموو .... و فيصل بحذاله.... و مها
بالطرف الثاني ........ يعني شموو بالنص..... في المصعد مهند قرب من شموو وايد لدرجه حس
فيها بكل مشاعره .... مشاعر بعمره ما عرفها من قبل .... عرف وايد بنات و لا وحده اثرت فيه مثل
شموو .... شموو مش ماخذا بالها ترمس مع مها و فيصل .... لفت تشوف مهند .... يعني هادي مب
من عادته .....
شافت نظراته ... حست فيه... و بشو يفكر ... مهند زميل و لازم يتم زميل ..... طنشته بكل بساطه
و لفت تسمع سالفة فيصل ....
مهند حاول يندمج معاهم .... و عند باب الكفتيريا تلاقوا مع وليد ...
فيصل : مها و شموو لو سمحتوا ابعدوا عنا .... ما فيني اتكفخ مثل مطر
ضحكوا عليه البنات .... و مشوا بطريقهم .... اما وليد و لا اهتم .... تقرب منهم و سلم على
البنات .... اما الشباب كملوا طريقهم ....
شموو: وليد اذا بتسوي مشكله فانا ............
قطع كلامها ورد: وليش اسوي مشكله ......زملاء عمل و الا شووووو
مها و شموو تموا يطالعون بعض .... من متى ....
شموو: و ليد انت صاحي .... تقربت منه و حطت ايدها على يبهته.... يمكن حار و مأثره عليك الحراره
ضحك و مسك ايدها برقه ... و احتفظ فيها بين ايدينه....... حس بقلبه يدق بسرعه من لمستها ...
سحبها بقربه و مشى معاها....
مها : احممممم شكلي غلط موووو ........ تطالع شموو و في عيونها نظره
شموو متفاجأه من حركة وليد من متى ......؟؟؟؟؟؟؟؟؟؟؟؟؟؟
كملت مها : شموو انا سايره عند البنات ........ كملت بصوت واطي ..... وليد مو جنك مصختها ....
الناس تطالع .....
حاولت شموو تسحب ايدها .... اما وليد ما اهتم .... راحوا مع بعض يابوا غدا و خذها معاه لطاولة
فهد .......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك