رواية واللي جمعنا والتقينا وكنت لك واللي فطر قلبي بحبي لك -22
حمده اقول اخووك مرتااح وانتي وش دخلك خليهم بحالهم
وضحه ليه تسكتونها خلوها تفهمها
تكلمة نوره بعد صمت انا فاهمه كل اللي تقولونه كيف تبوني اعطي شخص
ماعطاني شي كيف تبوني اغير من نفسي وهو يشوفني منى قولولي كيف
غطت اينها في وجها وصارت تصيح لين جتها حمده واخذتها معها وصعدتها لغرفتها فوق
جلستها على الصوفه اللي كانت في غرفة نومها وقالت لهااا
حمده ممكن تقوليلي شلي بينك وبين تركي
نوره والدموع تنزل من عيونها مثل السيل انا ادري اني مااشوف
بس احس باللي يصير احس فيه انه مايطيقني ماخذني مجبور ولما يناديني باسم منى شيكون
موقفي وانا مجبوره اجاوبه مابي احرجه رغم انه يحرجني مايبيني مايعاشرني
حتى لما نطلع مع بعض كان ينحرج مني بس الذنب مو ذنبي انا بتليت بالعمى غصب عني
ماكل شخص يتمنى انه يكون ضرير
قربت منها حمدى وقالت لها كل كلمه قلتيها انا واثقه فيها بس ماراح يتغير شي
الا اذا انتي غيرتي في نفسك اول شي راح نراجع الطبيب عشان
سالفة العمى يمكن رب العزه يقدرنا وتحتاجين عمليه يرد بصرك فيهااا
وثاني شي راح نروح السوق ملابس جديده وراح نغيرفي غرفة النوم وحتى ملابس منى راح اخذهم
اليوم معاي واذا كلمج تركي خليه يكلمني انا بس انا ابي منك شغله انك تصبرين
على تركي لين يطلع من مرحلته اللي هو فيهااا
نوره ماعندي مشكله في الصبر والله يعيني على الي راح يجي
حمده توكلي على الله
في شركة فهد وتركي
كان تركي جالس في مكتبه وذبحه التفكير في حياته مع نوره وعدم نسيانه لمنى
لانه صار يقارن بين نوره ومنى فرق كبير
صحيح ان نوره حلوه بس موبقدر جمال منى
منى جميله وانيقه بس الفرق بينها وبين منى ان اسلوب نوره الين من سلوب منى
كانت يناقض ويدافع عن نفسه في نفس الوقت
في المستشفى
دخل مشعل الجنااااح وراح صوب مكتب الممرضي وسالهم
مشعل السلام عليكم
الممرض وعليكم السلام
مشعل ممكن اعرف اسم المريض اللي بغرفه 6
الممرض والله مانعرف عنه شي صارله حادث وماندري منو ولده
مشعل كيف وضعه
الممرض ان شاء الله مافي خطر عليه
مشعل شنو فيه بالضبط
الممرض كسر بالذراع ورضه جهة الرقبه وناحية الجبه كان جرح عميق
وخيطنااه وغير الرضوض اللي بالجسم
مشعل يعني وضعه كويس
الممرض اي بس شوي نبي ننقله لغرفة التجبير عشان نجبر ذراعه
مشعل هو عنده احد الحين
الممرض لا بس اذا عرفته عطنا معلومات عنه
مشعل ابشر
لف مشعل لي ورا ومتجه لغرفة المريض كان في خاطره يدعي ان اللي في الغرفه
فهد وخايف ان اللي في العمليات يكون فهد تشجع وفتح الباب بشوش
ودخل داخل الغرفه كان يشوف المريض نااايم ملفوف راسه بشاش ابيض
وكانت ارقبته ملفوفه بجبس اسفنجي عشان الرضه اللي صابتهااا
قرب منهوبعد ماشافه اخذ نفس طويل كنه رمى الهم اللي كان ساكن على صدره
اثنى جسمه وقرب وجهه من خد اخوه وبااسه على خده وسحب الكرسي وجلس
قرب اخووه حس اخووه وهو نايم كانه طفل يبي الحناان اللي فقده بسبب تصرفه
طلع تلفونه من جيبه وتصل على ابوه
مشعل مسا الخير يبااا
ابو فهد مساك الله بالنور هابشرني لقيت فهد
مشعل اي يبااا لقيته هو بخير ومافيه الا العافيه بس صابه حادث بسيط
ابوفهد وهو قايم على حيله بعد ماكان جالس حااادث
مشعل بسم الله عليك يبا ترى حادث بسيط مافيه الا العافيه
ابوفهد وبخوف زايد اي مستشفى انتووو
مشعل يبااا خل حمد يجيبك المستشفى القريب جمب بيت جدتي
ابو فهد الحين انا جاي مع امك
بعد ماسكر التلفون من ولده دخل صوب حوش بيت امه وقعد ينادي ام فهد ومريم
بصوت عالي
مريم00خير يبااا
ام فهد خير يابو فهد شفيك تصارخ
ابوفهد البسي عياتك انتي وبناتك وجيبي الورد معاكم
ام فهد ليه وين ناوي تودينا
ابوفهد فهد مافيه الا العافيه نبي نزور فهد بالمستشفى صارله حادث بصيط ومشعل عنده
ام فهد ياااويلي على ولدي وش صااار فيه
مريم تعودي من بليس يمه موزين الصراخ مشعل عنده ومافيه الا العافيه
نزلة الورد مع هديل على صوت صراخ ام فهد وبجيهااا
هديل شفيكم يمااا ليه الهبجي
ام فهد وشفيني فهد سوى حادث وراقد بالمستشفى ياويلي على ولدي
الورد فهد مسوي حادث وشلونه
مريم مشعل عنده يقول انه بخير ومشعل عنده في المستشفى
ابوفهد بلى كلام زايد يلاامشوو معاااي واذا سالوكم امي وعايشه
قولو رايحين البيت
لبسة ام فهد وبنتها عبيهم وقالت ام فهد للورديلا البسي عباتك رجلك محتاجلك
قالت بتردد00لا خلوني هنااا وطمنوني عليه
مريم الورد الله يهديك الفرصه جت لك لا تضيعينهاا
ام فهد يابنتي لاتضيعينه وصيري احسن منه وبدي انتي بالخير
ستسلمت الورد لهم ولبسة عبتها وطلعة معااهم لفهد
في المستشفى
بعد ماجلس مشعل عند اخووه نزل الطابق الارضي عشان يعطي معلومات
عن اخوه ويسجل اسمه وياخذون بياناته بعدها صعد لغرفة اخوه اول مافتح الباب
لقى مشعل صخى من نومه قرب له
مشعل حمدلله على السلامه
رد عليه بتعب الله يسلمك لا وش اللي صارلي
مشعل ليه انت ماتدري وش صارلك
فهد تذكرت حادث اللي صارلي
مشعل وكيف صااار وليه صار وش اللي خلاك تسويه
فهد شوي شوي علي من طلعت من بيت جدتي وانا معصب كنت امشي
بالسياره بسرعه جنونيه ومانتبهت للسياره اللي عطلانه جدامي صدمت فيها وبعدبن مدري وش
صار صحيت ولقيت نفسي هني
مشعل شنو السبب اللي خلاك تسرع بجنون
فهد مالك شغل اللي صار بيني وبين نفسي
مشعل من حقي اعرف شنو قالتلك مريم وطلعت معصب
كان يبي يجلس بس حس بعوار اااااااه مالك شغل ياامشعل خلني بهمي الله يخليك
فزله مشعل ومسك اخووه خلاص يافهد على راحتك بس لاتنسى انا اخوك وعضيدك ارمي همك علي
فهدبعد مارجع نام على السرير سكر عيونه ادري انك عضيدي ومنت مقصر معاي بس
مالك شغل في اللي يخص حياتي
مشعل على راحتك بس ترى اذا حتجتني لاتردد
فهد ان شاء الله بس ممكن تعطيني ماي
مشعل ان شاء الله
بعد ماقام مشعل عشان يجيب الماي من مطبخ الممرضات لقى اهله جاين فراح لابوه وحب راسه
ابوفهد تحب الكعبه ياوليدي اخوك وينه طمني عليه
مشعل والله مافيه الا العافيه بس رضوض بجسمه تعال معاي عشان تشوف بعينك
وداهم مشعل عند غرفة فهد وادخل ابوه وامه وخوانه عليه جا يبي يقوم لابوه
لا ابوه يقوله لاتقوم انت تعباان
فهد اي والله يبا كل جسمي يعورني
ام فهد والقلب الحنون قربت من ولدها وحبت راسه وصارت تمسح على جسمه
ام فهد وشلي سوافيك كذا يوليدي ماني اقولك لي سقت تركد
فهد الله قدر ان يصيرلي حادث
ام فهد بس ربك ماقال ارمو بانفسكم بالتهلكه
مريم الحادث وصار بس انتي دعيله يقوم بالسلامه
ولفة على فهد وقالتله الحمدلله على سلامتك
فهد الله يسلمك اقول هديل وحمد يعني ماراح تسلمون علي ولا شنووو
حمد انطر مريم وامي يخلصون شكلهم في محاضره
هديل اي صح ننطر امي ومريم يخلصون
ام فهد اقول سلموو وخلصوو بلا هذرتكم الزايده الا الورد وينهااا
لفت مريم على هديل تسالها وينها وردة ممريم بالنفي
فهد وش جايبها مابي اشوفهااا ياناس ارحمو حالي بروح اللي فيني مكفيني
مريم انا بطلع ادور عليها امشي معي ياهديل
فهد لاتدورينها عسها تموت مابيها
مريم استغفر الله انت اللي تبي تظيع وتظيع ولدك بدوونهااا
فهد مريم اطلعي برااا لا بيج ولا بيهااا كله بسببك وسببهااا
ام فهد خلاص اطلعي وانا شوي اناديك
مريم مشعل وصلني بيتي مالي قعده مع هالعنيد
فهد 00بالي مايحفظ
مريم ماراح ارد عليك مريض والله يعينك
مشعل مريم خلاص تعالي معاي
مريم لاخلني انا اتصل على راشد يجيني بس فهم اخوك ترااه بيضيع نفسه بغبااائه
فهد بصرااخ مريم اطلعي براااا
ابوفهد مريم يابوج اطلعي برا لين اتفاهم معااه وخلج مع الورد لين اناديكم ورجلك لاتدقبن عليه
فهد حرااام عليكم ينااااس مابيها لازم تلزقونها فيني انجت تراني ذابحهااا
ابوفهد ياابوك انا مابي الا مصلحتك ونبي نكفر عن ذنبنا باللي سويناه فيها
ترها بنت عمك يعني من لحمك
فهد ليه منتو فاهميني مابيهااا
طلعت مريم من الغرفه هي وهديل يدورون بالجنااح على الورد لاكن مالقوهااا
وطلعة مريم براا الجناااح فشافت الورد جالسه على كراسي الانتظار ورحتلها بسرعه
مريم وين رحتي يالورد ليه مادخلتي معنا عند فهد
الورد تكلمت بهدوء ماحبيت اصدمه بحضوري حبيت انكم تبلغونه يمكن
مايبي يشوفني
تنهد مريم والله يالورد مدري شقولج اخوي هذا عنيد
الورد ادري انه رافضني مايبيني
مريم صدقيني يبيك بس موراضي يشيل شوق من راسه
الورد وبظل كذا مهنانه لين ينسها كل واحد له قدرت تحمل
تسندت الورد على الجدار اللي ورها وبدت رحلت التفكير يابالنتصار ولا الهزيمه
اما مريم كانت تفكر كيف يقنعون فهد بالورد
في بيت تركي
كانت نوير جالسه في غرفتهاااا اخذها تفكيرها في الشخص اللي زارهم
شيبي في عمهااا وليه ام تركي مابلغة عمي وليه اخلتني ادق من رقمي على
رقمه والله اني غبيه لو يبليني بشره منو راح يفكني طلعها من تفكيرها صوت الانتر كم
كانت تكلمها نوره عبر هذا الجهاااز
نوره نوير وينج ردي علي ابيج تعالي فوق
نوير كاني موجوده شفيج خرعتيني
نوره مافيني شي تعالي ابيج تساعديني
نوير ان شاء الله الحين صاعده لج
طلعة نوير من غرفتها اللي في الطابق الارضي مرت الصاله وسلمت
نوير السلام عليكم
الكل وعليكم السلام
كملت طريجهااا تبي تصعد لنوره وقفها صوت
دانه وين رايحه
نوير خير وين بروح يعني حق نوره
دانه اكيد نادتج عشان تشكيلج
نوير تشكيلي من شنو شاللي صاير
دانه يعني ماتدرين المهم انصحيهااا تهتم في نفسهااا لا يطلقها تركي وتقعدون
على بساط الفقر
نوير دانه بساط الفقر اشرفلنا من مقابل وجهك وش اللي سوينالك
حاطه دوبك ودوبنااا
تكلمة وضحه ماتدرون شمسويلنا ماخذين اخونااا واختج ماخلته يرتاح
نوير حبيت اصححلج معلومه اخوج هو اللي طلب اختي وماطقيناااه على ايده
وضحه ماصدقتووو خبر وافقتووو
جااهم صوت حمده دااااانه وضحه وبعدين معاااكم متى تبطلون عن الكلام الفاضي
يمااا الله يهداااج ماتسمعين كلامهم
ام فهد وش اقول كلام خواتج عدل
حمده الله يهديكم انا لازم اكلم تركي يتفاهم معاكم
صعدت نوير وتركتهم في جدالهم وكانت دموعها تنزل وتمسحها ماتبي نوره
بالي صاير تحت وصلة عند الباب وظرب الباب ردة عليها نوره بنها تدخل
دخلت نوير هلا نوره شبغيتي
نوره وبخجل وموعارفه كيف تقول لاختهااا
نويره نوره تكلمي شنو اللي تبينه
نوره ابيج تساعديني
نويره اي شنووو اساعدج فييييييه تكلمي
نوره ااااووه نوير شوي شوي علي ابيج تمكيجيني وتستشورين شعري
نوير بس هذا اللي تبينه وشفيج متردده باللي تقولينه
نوره مستحيه منج
نوره يالخبله احد يستحي من اخته
تاااااااااااااابع
حمده وبعدين معاكم انتووو ماترتاحون لا لي رجع تركي نفس اول
دانه يعني انتي مرتااحه لعيشة اخووج انتي مو عايشه ولا شايفه حالت تركي
حمده عارفه وفاهمه ومومخفي علي شي بس اصبروو لاتلومون البنت
عمى لاتحملونها الذنب
دانه من قالها توافق على تركي ليه ماخلته لحاله
حمده يماااا الله يهدااج فهمي بناااتج انا بحاول اساعدهم واذا خلال شهر
مانفع شي بخلي تركي يطلقهااا
ام فهد يعني نبي نقعد ننطرهاااا لي شهر
حمده يمااا انا مابي راحت اخوي كثر راحة المسكينه فخافو الله انتي عندج
بنات وانت متزوجات وخافووو من حوبتهاااا
تابع
ام تركي الحين تفضلين مصلحة الغريبه على مصلحة اخوج
دانه شفتي بعينك يمااا بنتك تفضل الغريبه على اخوهااا
حمده وبصوت بدى يزيد في العليان دااانه الغريبه هذي بنت عمج دااانوووه شوفيني
احذرج انتي وضحه جدااام امي ان ماوخرتو عن نوره مايحصل طيب
وضحه تهددين يعني شبتسوين بتطقيني
حمده انا ماني ناقصة عقل امد ايدي على وحده طولي بس وربي لخلي تركي
هو اللي يمد ايده وانتو تعرفون تركي
وضحه يعني بتحرشينه علينه
حمده في حاله وحده احرشه عليكم اذا تعرضتولهااا ويلا مع السلامه رجلي ينطرني بره
وضحه ودانه ماتشوفين شر
حمده وتلوي بوزها الشر مايجيكم
طلعة حمده ومتجهه لسيارة زوجها وافكار توديها وتجيبهااا بين تركي ونوره وخواتها
اما وضحه ودانه صارو يكلموون امهم عن وقووف حمده بصف نوره وردة عليهم
حتى انا محتااره ليه حمده صارت مع نوره وهي تدري اخوها مو مرتاااح
سكتهم صوت فتح الباب كان تركي وابوووه هم اللي جاين
ابو تركي السلام عليكم
الكل وعليكم السلام
ابوتركي شعندكم مجتمعين خير ان شاء الله
ام تركي مافينا الا العافيه قاعدين نسولف
ابو تركي لايكون تقرضون فينا
تركي اكيد يبااا الحريم مالهم حش الا بالرياجيل
ابو تركي اي والله يابووك
نترك ابو تركي وعياله ونصعد فوق لنوره ونوير
نوره نوير شوي شوي على شعري شفي ايدج صايره ثقيله
كانت تكلم نوره مع نوير لا كن نوير مو مع نوره كانت سرحانه في الكلام اللي سمعته
كانت تسال نفسها ليه وافقو على زواج اخوهم من اختها دام مايبونهااا كانت
تبي الجوااب لاكن مافي احد راح يجاوبهااا الا الشخص اللي خذهااا
نوره نوير وجع انتي ماتسمعين مدري شبلاج اليوم
نويرردة علها بعد ماحركتها نوره هلا نوره وش تبين
نوره الله يلعن بليسج من اليوم انبح صوتي وانا اناديج مدري شنو شاغلج
نوير اعذريني ماسمعتج من صوت الستشوار
نوره اي صدقتج خبله انا المهم خلصتي ولا بعدج تتركي بيجي وانتي لي الحين ماخلصتي
نوير مكياج ومكيجتك ولبس ولبستك مابقي الا هالخصله ونخلص
نوره تكفين ظبطيه لي ادري ان طول شعري اتعبك بس استحمليني
نوير انا كلي لج اللي تبينه اطلبيه مني مالج غيري ولا لي غيرج
نوره الله يخلينا لبعض وافرح بعرسك
نوه00خير ان شاء الله منو يبي ياخذنااا دام حنا غربا عند اهل هالبيت وبعدين
انا مااقدر اتزوج وخليك
نوره ليه ان شاء الله انتي منتي مقصره بس لا تنسين تركي مع الا ابي اسالك
ليه يعقوب مااخطبك وش اللي صار
نوير يعني ماتدرين ان عمي رفضه يقول مايناسب العايله من متى وحنا من العايله
مدام بنات عمي يعايرونا بس خليها على الله
نوره ماغير الله احد هو عالم بحالنا ربي يرزقج بالزوج الصالح قولي امين
في هالوقت جا اتصال لنوير
نوير الووو نعم
السلام عليكم
نوير وعليكم السلام خير امر
مايامر عليج عدووو بس اختي انا اللي مريت عليكم من كم يوم كنت اسال عن
ابو تركي اشوفكم ماتصلتووو قلت انا اتصل لاني ابيه ضروري
نوير اي ذكرت اخوي اسفين على التاخير بس اذا شفته الحين باقوله
اذا مو اليوم بكرا باذن الله يتصل عليك
خير ان شاء الله اختي واسفين على الازعاج
نوير حياك الله
سكرة التلفون منه وبدة بتظبيط شعر اختها وارفعته على جنب
نوره منو كنتي تكلمين
نوير واحد يبي عمي ضروري
نوره وبستغراب شكووو يتصل عليك وانتي شدخلك بالموضوع
نوير مو الله يهدي مرت عمك خلتني اتصل من تلفوني عليه عشان اذا نسينا
هو يتصل
نوره والله لو يدري عمي يذبحك
نوير وانا شدخلني بقوله مرته هي اللي عطته رقمي
نوره الله يستر
نوير اقوول لا تخافين انا ماسويت شي غلط تراني تعبت انا بروح تبين شي
ثاني
نوره سلامتج ويعطيج العافيه
طلعة نوير من غرفة اختها ونزلة الدرج ولقتهم مجتمعين وكان عمها موجود
قربت منه وحبة راسه
نوير مسااا الخير عمي
ابو تركي يمسيج الله بالنور هلا بالنوري
نوير00هلابك اكثر ياااعمي الله يخليك لنا
ابو تركي ويخليكم لي
الكل امين
نوير عمي ابيك في موضوع اذا مو مشغول
كانت دانه وضحه يطالعون بعض وعلى وحهم علامات الخوف
ابو تركي خير يابوج قولي اللي عندج
نوير عمي قبل كم يوم كنت انا وعمتي ام تركي في البيت جا رجال المجلس وطلعة انا
مع عمتي نشوفه وسالته عمتي شنو تبي قال انه يبيك وعطته عمتي ام تركي
رقمي عشان اذا مابلغناااك ونسينا هو يدق علينا والرجال قبل نص ساعه اتصل
وقال انه يبيك ضروري
ابو تركي وبنفعااال وماقالك منووو وليه تعطينه رقمك ماعطيتيه رقمي
ردة ام تركي الغلط مني انا يابو تركي ماكنت اعرف رقمك وقلتلها تعطيه رقمك
وانا نسيت لا قولك انشغلت بامور البيت
ابوتركي حصل خير عطيني رقمه وبكرا اتصل عليه ان شاء الله
بعد ماطلعة مريم من غرفة فهد جلست قرب
الورد تواسيهااا اما هديل ومشعل راحو يشربولهم كافي لين تنحل مشكلة فهد مع زوجته
نرجعلغرفة فهد كان فهد ثاير مايبي اي احد يتكلم بمضوع الورد
ابو فهد يابووك اسمع مني والله ان زوجتك ذهببه ماراح تلقى غيرها يصونك
فهد يبااا الله يخليك انا مابيهاااا فكوني ينااس خلوني لحالي وش لون تقول عنها
ذهببه وانت اليوم تقول عنها مومتربيه وش هالتناقض يبااا
ابو فهد ياابووك انا حسيت بغلطتي باقي دورك تعترف فها البنت من درة انك مسوي
حادث وقلبها شاغلهاا عليك
فهد لاتصدقهااا كلهن جذابات وخينات
ام فهد لاتظلم حظك ونصيبك ترى عندك خوات وربي راح يرزقك في بناات خاف الله
فهد انا خايف ربي بس انتو خافو ربكم فيني ولاتظلموني معها تراني ولدكم
ام فهد ندري انك ولدنا عشان جذيه نبي مصلحتك ياوليدي انت الحين لا تفكر في نفسك
فكر في اللي جاي في الطريج يتيتم وامه وبوه عايشين جدام عينه ولا بقدر
يحضنهم خاف انت الله فيه
صارت ام فهد تصيح من حر مافيها ماتبي فهد يطلق الورد لان الورد ماتنتعوض
واللي حارها اكثر هالطفل اللي يبيجي وبوه مو متقبله
قرب من جنبها ابو فهد وحط كفه على زندها وقربها منه وحضنها وقال لها وهو يمسح دموعه
ابو فهد لاتصيحين ياام فهد ولدك ماراح يخذل ظنااه ولاهو كاسر ظهرنا فهد وانا اعرفه
تربية ايدي مايعصيلي راي
تكلم فهد وهو يبكي مثل الطفل حراام عليكم انتو اللي كسرتوني ليه تبوني ارجعلها غصب
قربه منه ابوه ومسك كتفه انا مابيك ترجعلها قصب انا بيك يابوك عن قناعه
ام فهد اي يافهد ارجع لها وانت باغيها
عط نفسك فرصه وحبها خل الانتقاام على جنب وفكر في حياتك
فهدوهو يمسح دموعه كيف اعطيني نفسي فرصه وقلبي مايبهااا
ابو فهد عندي الحل بس ابي طلب منك لا تعترض على طلبي
فهد اذا عجبني عيونلك يبااا
ابوفهد انت اسمعني لي الاخر ومشي معي على خطتي شوف انت خلها عندك لين
يجبر كسرك واذا ولدة بالسلامه نقدر ناخذ ظنانا منا اذا بعيد عنا مالنا حق ناخذه
فهد ليه نااخذه وشتي فيه اذا انا مابيه
ابوفهد يابوووك ارحم شيباتي عشان عيالك يرحمونك ابوس يدك يافهد عط نفسك فرصه
فهد خلاص يبا اللي تبيه يصير بس اذا ماقدرة اعذروني
ام فهد احنا عاذرينك بس انت حاااول عشان ظنااااك
ابو فهد الحين ابي انديها مابيك تزفها على الاقل احترمها في وجودنااا
فهد استغفر الله العلي العظيم ان شاء الله يبااا
قرب ابوفهد وحب راس ولده ياارب تتم عليه الصحه والعافيه وتهديه
ام فهد اميييييييييييييييييين يارب العالمين
تابع
ابوفهد خليني اتصل على مريم تجي وتجيب الورد معهااا
وتصل ابو فهد على مريم وخلها تجي واول ماوصلت مريم دخلت وكان كل نظرها لابوها
مريم امر يبااا هذاني جبت الورد وتنطركم برااا
ابو فهد خليهاا تدخل وانتي يااام فهد مع مريم اطلعو برا وانطروني لين اطلعلكم
ام فهد يلا يامريم امشي معاااي خليهم يتفاهمون
مريم انا بطلع بس يافهد بقولك كلمه مراح تلقى غير بنت عمك تصونك وانت وكيفك
فهد مريم اقول اطلعي برا والله هالورد لعبت عليكم بس انا اللي راح اخليها هي اللي
مو تبيني موانا اللي ماابيهااا
مريم ماقول الا الحمدلله والشكر
ام فهد مريم اطلعي ماصدقنا من اليوم نقنعه وانتي تىجين تخربين كل شي
مريم اي هذا انتي يما طلعينا حنا الغلطانين وهو الصح ماقول الا اخليكم ابرك
يبااا اسمحلي انا ابي اتصل على راشد
ام فهد دقي عليه ماتشوفين شر
فهد روحه بلا رده
ام فهد بسم الله على بنتي لا تدعي عليهاا
مريم ماعليج منه دعوة الظالم ترجعله
فهد يعني انا ظالم وياخذ اذلفي يلااذلفي
طلعة مريم وكانت الدموع متجمعه في عيونها جت عينها في عين الورد
الورد لا تجين ترى فهد مو من قلبه يدعي عليج وهو معصب
مريم انتي دافعين عنه كل اللي سواه فيج لي الحين تدافعين عنه
الورد مهما المشاكل اللي بينااا مااظلمه يامريم
مريم وربي انك اطيب قلب شفته ليت اخوي يفهم غاويه قلبه الجلبه
الورد يبي يجي يوم ويفهم اما شوق فهو كرهااا ومالها طاري في باله بعد اللي عرفه عنها
مريم اتمنى ياالورد يلا روحي داخل يبونج واماانه استحملي اللي يقوله
عشان مصلحتج ومصلحة اللي في بطنج
الورد انا ماعاد يهمني نفسي المهم اللي في بطني مابيه يعيش عيشتي منبوذ من اهله
مريم توكلي على الله
الورد ونعم بالله
لفة الورد وعطت ظهرها مريم وخلة وجها مقابل الباب وكان الخوف متملك قلبها
هي خايفه انها لي سمعة تجريحه تتراجع توكلة على الله وطقة الباب
ابو فهد ادخلي يابوج ادخلي على رجلك
دخلت الورد وكان كل مافيها يرجف دخلت وطقات قلبها كل اللي بالغرفه يسمعه
الورد السلام عليكم
الكل الا فهد00وعليكم السلام
الورد الحمدلله على سلامتك يافهد
فهد وعيونه تطالع جواله اللي ماشال عينه من جواله الله يسلمج وفي قلبه يقول الله لايسلم فيج
ولا عظمه
ام فهد تعالي اجلسي عند رجلك باريه وكليه من ايدينك وانا وعمك نبي نرجع
بيتنا وباليل حمد وهديل يجون ياخذونك
فهد لا يما انا ابي اقعد ماعلي عندي الممرضين خليها تروح ترتاااح
ابوفهد لا خلها وحنا نبي رووح يالله يااام فهد
طلع ابو فهد وام فهد وغلقو الباب على شخصين كل واحد منهم يبي يطلع اللي في قلبه
للثاني
الاول يحمل الحقد والكره في قلبه مايبي يعطي نفسه فرصه يحبهاا سكر على قلبه
لما كره شووق وقرر انه يكره جنس حواا ومن ظمنهم الورد
اماالثاني كان يحلميكون في حياة مستقره شخص يملك حب الدنياااحب اللي حوالينه
بس مالقى اللي يحبه ملقى حب يحضنه يشيله من الهم اللي فيه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك