رواية يوميات حبي و حبه -21
حاول يبسط الموضوع له .... بس هو عارف انه صعب عليه يكلم شموو انها تقوم بهذي الخطوه
فهد: وليد ليش متردد .............
وليد: ما اعرف ......... بصراحه غامضتني امي ........... و شموو ما ابي احطها بهذا الموقف
فهد: خلاص خل الموضوع بينحل بروحه .......... نحن متفقين من قبل على الموعد ........ اصبر
و شوف شو يمكن يصير ......
وليد: انا اقول جي بعد............................. و هو يقوم ........ يالله استاذن
اول ما فتح وليد الباب طاحت عينه على السكرتيره : اقول فهود ليش ما ترجعها البيت ابرك لها
فهد يبتسم : شكلي جي ......اذا انت بالدخله و الطلعه ما تقدر تشيل عيونك من عليها عيل
كيف الناس
................................................
في السياره فهد حاول يمهد الموضوع لشما ..........ما يبيها تنصدم بعدين
فهد: شموو انت عارفه كيف كانت خطوبتكم
شموو كانت سرحانه و هي تفكر بوليد ...لفت له بسرعه و على ويها علامات استفهام
فهد كمل و عيونه على الشارع ما يبي يشوف عيونها: وليد اليوم كان ياي يتفق معاي يبي
يفسخ الخطوبه
شموو حست كأنه احد صب عليها ماي بارد ....... و حست بعمرها بردانه و و ايدها ترتجف
بقوه ... سكتت ما عرفت ترد
فهد سمع تنفسها السريع وقاوم ما يبي يشوفها ...غامضتنه وايد: وليد قرر بعد ما تخلصين
دوام بالشركه راح يكنسل كل شي.......... و طبعا علشان ما تستوي مشاكل ..........انت الا
لازم تبدين بالخطوه
شموو ما همها كلامه كثر همها بضياع وليد من ايدها .......يا ريت سمعت كلام مها من الاول و
رفضته و ما سمحت له يتمادى معاي ........ انا الغبيه ادري انه لوحده ثانيه و فوق هذا تعلقت
فيه اكثر صار الهوا الا اتنفسه
فهد: ادري الموضوع صعب عليج بس لا تنسين وليد سوى كل هذا علشانج
شموو تدور صوتها تبي ترد: و انا ما قلت شي ........ بس شو جابرنه يصبر...... لو تبي الحين
اقول لأمي و اوبي اني ما اباه
فهد: لا شموو مو وقته ..... خل نمهد للموضوع
تنهد فهد بصوت عالي ..... اما شموو حست ببرود بمشاعرها مو قادره تتخيل انها راح تنفصل
عن وليد.......هي ما خذه هذا القرار من فتره بس ما بادرت فيه علشان حبها الكبير له ....... و
الله يا وليد حياتي بدونك و لاتسوى .......كيف اقدر احط عيني بعيونه و انا عارفه انه خلاص
علاقتنا انتهت .......... انه كارهني و ما طايق لي كلمه ........
الجزءالثاني و العشرين
الحاله النفسيه لشموو بنهاية الاسبوع كانت زفت ، حابسه
عمرها بالغرفه و مسويه اضراب عن الاكل ...... فهد محتار من ردت فعلها ... بعمره ما فكر ان تكون
شموو متعلقه بوليد لهذي الدرجه طول عمرها تعتبره شرات اخوها ........
مها و هي تحاول تبرر لفهد : شموو ما تنلام .... يمكن تقبلت الفكره انه يكون خطيبها.... و الحين
اكيد صعب عليها تتاقلم مع الوضع اليديد.....
كانت خايفه يعرف بمشاعر شموو لوليد......
فهد و هو سرحان و يضغط بايده على ايد مها الا حاضننها بين ايده: ممكن .... اوف حاس بتانيب
ضمير ........ اني دخلتها بهذي الدوامه
مها: بس فهودي كل شي قسمه و نصيب
سكتت شوي متردده تقوله: تعرف شي صعب انك تنرفض ....... و هي تطالعه بنظرات لها
معنى........ يمكن هذا الا مأثر عليها ..
فهد يتامل ويها و فاهم قصدها : حبي ما نسيتي .......... ارحميني و الله تبت
مها تبتسم برقه و تحط راسها على كتف فهد........: المهم انك الحين معاي
فهد يحس بالراحه....... مد ايده وحطها حولين ظهرها ........... مها ارتبكت و حست بنبضها يزيد
حاولت تبتعد بس فهد شد قبضته حولينها.... و قرب راسه من ويها و همس : لمتى بتمين بعيده
عني
مها ما عرفت بشو ترد .......مشاعرها الا تحس فيها الحين قويه مو مخلتنها تركز ..... فهد ماخذ
راحته .... ودفن ويه في شعرها ..... شم ريحة شعرها حس بمشاعره مخدره ...... سحبها له
اكثر ........ و ضمها بقوه .........
بعد فتره قال : يعني لازم تتخرجين و بعدين نتزوج
مها تحاول تلم عمرها .... تفاجأت من كلامه: فهد!!!!!!!
فهد ضحك من قلبه عليها و على شكلها المستحي
: و ربي اموت فيج
.................................................. ...........................................
كان الجو مغيم .... ورعد و هوى و شكلها راح تمطر...... فتحت شموو الستاير تستمتع بالجو
الحلو ........ فكرت هذا الجو يبي له طلعه للبحر ..........خل ادق على فهد يظهرنا للبحر انا و
مها.............
شموو: فهد حبيبي ممكن طلب صغنون هل كبره ........وهي تاشر باصبعها يعني الا يقول شايفها...
فهد و هو يراقب مها الا تحاول ترتب من شكلها و على ويه ابتسامه: من عيوني
شموو: اوه شكلك مع مهووو ........ والا انت من لك هذي الرقه كلها
فهد: شموو عن السخافه شو تبين
شموو: شو رايك تاخذنا البحر.....انا مها و يبوا مي معاكم علشان ما احس بعمري عزول
فهد : فكره ........ بس خل اشوف مها
مها سمعت اسمها لفت تناظره و في عيونها سؤال
فهد: تطلعين البحر
مها فرحة : اكيد ما يبالها كلام..... خل نغير جو
فهد: خلاص عيل شوفي اختج بعد ...... علشان تتسلى مع شموو و ويقعدون بعيد عنا
مها: اوكي
شموو تسمع للحوار: ههههههههههه انت شو سويت فيها ....... اشوفها مطيعه
فهد: يعني بتفهميني انها تغيرت علشاني
شموو: اكيد ........... شي واضح ما تبى الا رضاك
فهد: عيل من باجر ازوجش ......... يمكن تعقلين
شموو: هههههههههههههه لا تحاول قاعده على البك ....... يالله باي بتجهز
فهد يقطع الخط و هو سعيد بتغير نفسية شموو.......هذي وين راحت.....ليش كل الحريم جي
يتاخرون......ابتسم يتذكر كلام شموو عن تغيرها ......
مها رجعت بعد ما لبست عبايتها شافته يبتسم شكله جنان يذكرها بشموو ....
مها: الا ما خذ عقلك ............ يتهنا به
فهد و هو يتقرب منها: امين يا رب .............. كل هذا تلبسين ............ يالله خل نروح
طلعوا ايد بايد و السعاده ماليه قلوبهم............
مي كانت برع تنطرهم : احم ........ شكلي بكنسل و ما بطلع معاكم
مها: ليش
مي: ما تشوفون عمركم ........و تطالعهم بنظره............ اذا تميوا جي بالسياره بفتح الباب و بفر
عمري
فهد ابتسم لها اما مهووو انحرجت: مي عن المصاخه
مي تحط ايدها على خصرها : ما تقعدين جدام معاه الا بعد ما تيي شمووو
فهد: لا و الله حرمتي ........ ليش تبيها تقعد ورا
مي : بكيفكم و الله ما اروح الا اذا يت معاي ورا
مها: اوكي مو مشكله
فهد: مها!!!!!!!!!!!
مها: فهد حلفت ............ بعد من بعد بيتكم كلها دقيقه
فهد انقهر بس سكت عسب هذي العله الثانيه ما تكنسل و تم شموو على قلوبهم
شموو نازله تدندن و هي تنط درجتين درجتين ........ ما كانت منتبه للعيون الا تطالعها...............
احمد: شموو بلا خبال .......... عبالج انج نونو تنطين جي
شموو مطنشه و تكمل نط: عادي ليش محتر
احمد: جب انزين ........... الا وين سايره
شموو رفعت راسها و هي تقول : البحر
تفاجأت من وجود وليد مع اخوها ..... ليش ما انتبهت له من الاول اف ........ يا ريتني ما نزلت............
وقفت بادب تعدل شيلتها و العباه
احمد حس بانحراج اخته : انت و وليد
وليد عقد حواجبه........ اما شموو ابتسمت تعرف حركات احمد يبي يحرجها : هي
كملت و هي تطالع وليد الا التفت يطالعها: وليد ليكون ما علمت احمد ....... اف الحين بخرب علينا
احمد يبتسم: و الله فكره
وليد حس عمره متورط ما يبي يطلع معاها ..... بس هي ليش سوت جي
سمعوا صوت فهد يناديها : اوه يا فهد كل منكم اخرتوني
احمد: انت الحين طالعه مع هذا و الا هذاك
شموو تضحك: لا هذاك....... خبله انا اطلع مع هذا و الا فرني بالبحر ....... عسب يفتك مني
احمد: ههههههههههههههههههههههه و من الحب ما قتل
كل هذا و وليد ساكت ما رد عليها او عليه ....... فهد خبرني انها تعرف خلاص ... و هي مو مهتمه ...
و لا احس انها متأثر او .............. يعني شو تتوقع و هي ما خذه المسأله لعب و تسليه........... انا
الا كنت محطي دوبي دوبها ابيها تبتعد عني ........ اوكي ليش انا الحين متضايق....... و مو عاجبني
شي
احمد: وليد شو بلاك .......... العروس سارت و انت بعدك تطالع الباب
وليد انحرج : اقول احمد ....... يا رب تبتلي بوحده خبله و جيكره
احمد: الله اكبر عليك ........... بس تعرف اذا احبها عادي
وليد: لا و الله ..........رومانسي حضرتك.............. اقول قوم نطلع عند الشباب
.................................................. .......
في السياره شموو مايته ضحك على مي و هي تتحرطم على فهد و مها
مي تساسر شموو: عبالهم انا سهله يتغزلون جدامي .......... حلفت ما تركب مها جدام
شموو: قولي و الله ..... و فهد رضى
مي: هي ....اصلا مو كيفه ...... و الا تورط فيج بروحج
شمووو: هههههههههههههه
مي: عيل تبينهم الاثنين جدام وانا بروحي ورا ...... و انا شو ضمني انهم ما يسون شي
شمووو: ههههههههههههههههههه هم بالسياره شو يعني بيسون...... تساسرها
المكان ما يكفي
مي تدزها بقوه: قومي اقول يالماصخه ............. و تكمل بصوت عالي .: الا متى تزوجوها ....
مها وفهد كانوا بجوهم الخاص و ما سمعوها شو تقول
مي : شفتي شو قلت لج
شموو: خليهم على راحتهم.....
نزلت شموو مع مي و مشوا على الشاطئ بروحهم ...........اما فهد ومها مكانهم بالسياره
فهد: شموو لا تبتعدون .......... عفان الله اختج ....... اخس عن شموو
مها: هههههههههههههه منحرجه منا
فهد: خليها تولي .......... الا بشوفها باجر شو بسوي مع ريلها
مها:هههههههههههه ليش ناوي تراقبها
فهد: اكيد ...... علشان ارد لها الحركه السخيفه اليوم
مها بدلع: فهد خل ننزل
فهد يمسك ايدها و يسحبها جنبه و يهمس بحب: ما اروم انا على هذا الدلع
تمت تطالعه بنظرات تحكي حبها الكبير له........ تحس بعمرها صارت انسانه ثانيه تعيش السعاده
بكل معني ..... لو شو طلب منها ما راح ترفض ابد..... مستعده تعطيه حبها و حنانها و حياتها بعد
بس يظل بقربها ....
فهد بهمس: و متى راح تقولين الا تقوله عيونج
مها استحت قالت بخجل: و كيف عرفت الا تقوله عيوني
فهد: انت نسيتي اني اقدر اغوص بأعماقها ........
مها تبتسم بخجل: تعرف اني ..................... ما قدرت تكمل .....سحبت عمرها من ايده و فتحت باب
السياره و طلعت بسرعه
فهد تفاجأ من حركتها .... بس لحقها بسرعه و مسكها : يعني وين بتروحين عني ....
مها تسند عمرها عليه : و الله اني احبك موووووووووووت
فهد فرح من الخاطر: شو قلتي
مها: احبك
فهد: اخيرا نطقتي .......... هههههههههههه و هو يشوف ويها الا غادي احمر من المستحى............
عند مي و شموو
مي: شموو شو غيرج ............ ما كنتي جي
شموو تتنهد: ما اعرف ابي شي و ما قادره احصل عليه ...... رغم انه جدامي اربع و عشرين ساعه
مي: شو لغز
شموو: يا ريت ............ ما كان تعذبت جي
مي: شموو احكي لي ... تعرفين ممكن اساعدج
شموو: ما اعتقد انه في فايده ............. هو قلبه مو عندي ..... عند غيري
مي تعقد حواجبها: منو وليد
شموو تهز راسها: يحب وحده ..... و يبي يكنسل الخطوبه علشان يرتبط فيها
مي: قلعته ....... الا ما يباك لا تصيح تبيه
شموو: بس انا احبه ....... اموت عليه
مي و هي تحضن شموو: ما يستاهل ......حبيتي الشخص الغلط
يمكن اول مره من خبرها فهد عن قرار وليد دمعت عيونها .... تركت الحريه حق دموعها تاخذ
طريقها ....مي ما تفاجأت ....كان باين عليها انها مكبوته و حزينه .... تركتها تصيح يمكن ترتاح
شوي ..... بعد فتره هدت شوي
شموو: مي و الله سوري مو من طبعي اكون ضعيفه جي
مي: تقولين فيها....مو ربيعت مها .....يا سبحان الله نفس الطبع
شموو: انت تعرفين وليد ولد خالتي خطيبي.......طبعا غصب عنه...........و حكت لها كل الموضوع
مي: و انت شو مصبرنج
شموو: احبه ............. مو متخيله اني راح احضر عرسه او يكون لوحده ثانيه
مي: شموو يعني انت الحين ما تقدرين تكسبين حبه ........ على الاقل ولو شوي
شموو: شو اسوي .....هو بالشركه كان كارهني و كل يوم و الثاني مسوي لي مشكله
ما عطاني مجال
مي : تبين نصيحه مني............ رجعي عامليه مثل اول قبل الخطوبه ....حسسيه انه اخو
عزيز....... و انه يوم من الايام راح ترتبيطين بواحد ثاني .... يعني لا تحسسيه انج مهتمه فيه او انج
تحبينه ........ طنشيه
شموو: عن يهتم بس............تنهدت بصوت عالي .... خل نمشي بطيح مطر
مي : انت خبله ........صدي شوفي اخوج و الماصخه الثانيه
شموو: ههههههههههه و الله انهم حركات.....شوفي كيف لازق فيها .....
مي : و الله استحي ........ يخي خل يحسون عندهم صبايا
بنفس اللحظه طاح مطر غزير لدرجة مي و شموو ما عرفوا وين يسيرون تمووا يصارخون و يتناقزون
مثل اليهال
اما فهد سحب مها بسرعه للسياره و تحرك صوب شموو و مي و هو يصارخ: بسرعه
مي تسحب شمووو و دخلوا السياره
شموو: وناسه من زمان ما طاح مطر
مها:ههههههههههه شكلكم تحفه
شموو تقرب راسها منها: نحن و الا انتوا ....... مستوين قيس و ليلى
مها تدزها : سيري لا...............نشفي راسج بتمرضين
شموو: و الله احس عمري بردانه .......... و متيبسه
فهد: بنزلج انت اول روحي غيري بسرعه ....... انت عارفه عمرج ما تستحملين التغير
المفاجأ.......... و خذي لج بندول..........شافها تعمل حركات ببوزها
: شموو من جد اتكلم ...... و الا انت نسيتي شو استوى اخر مره
شموو: فهد هذاك غير
فهد : لا مو غير .......كنتي تحت المطر و مرضتي اسبوعين
شموو: كنت صغيره و ما عندي مناعه
مها: شموو لا تعاندين تعرفين ان كلام فهد صح
شموو: اف منكم كأني صغيره ..........نزلت معصبه و هي تضرب باب السياره بقوه
يقهرون على بالهم اني صغيره ....... شافت المريحانه تمت تطالعها ... اغرها شكلها تحت المطر
تجربت منها و ما همها غزارة المطر و يلست عليها تتمريح .... كان الهوا يضربها على ويها مع المطر
و تضحك برقه ........
دخل كل من احمد و وليد ركض للداخل ..... وليد استوقفه صوت ضحك التفت شاف شموو قاعده
تتمريح بهذا الجو........ هذي خبله !!!!!!!!!!
صرخ فيها وليد: شموو ....... خبله انت يالسه برع بهذا الجو
شموو سمعت صوته و نبرة الحده فيها بس طنشت ما لها نفس ترد عليه و تعكر مزاجها
وليد استغرب من هدوئها تقرب منها بسرعه يشوفها ....: شموو و صمخ ما تسمعين
شموو: وليد شو تبا .......... خلني بحالي
وليد: انت اكيد صاير لج شي اليوم ...... في احد يقعد بهذا الجو
شموو تهز كتفها: عادي انا...........
وليد تضايق منها و من برودها .......ثيابه غرقت ماي و هي بعد .... حس بتيار هوا بارد دخل عظامه :
شموو قومي سيري داخل عن تمرضين ما تشوفين كيف صاير الجو
شموو: ما ابى خلني بحالي
وليد ما تردد ثبت المريحانه بقوه و مسكها من ايدها و سحبها يقومها ... و لما عاندت شلها مثل
الصغار و ركض داخل الصاله
احمد تفاجأ من شكله .... و خاف على باله شموو صاير لها شي: شو في
وليد و هو يحط شموو على الارض : هذي الخبله قاعده على المريحانه و لا همها المطر
شموو بعد ما استوعبت شو الا صار و المشاعر الا حستها بقربها منه .... كرهت مشاعرها القويه
له .....هي تحبه و تموت عليه و هو يحب احد ثاني صرخت فيه: و انت شو دخلك فيني
احمد: شموو عن المصاخه تدرين انج ما تستحملين و تمرضين على طول
وليد: مسويه عمرج مثل الياهل و انا عاملتج مثل اليهال
شموو....تحتج بدلع : شو تشلني على بالك نونو
احمد : احسن شي سواه و الله فهد حرق موبايلي يسال عنج و انا اقوله ما ادري وينها .. خل
يوصل و يشوف حالتج هذي
شموو تلف بسرعه تبي تغير ملابسها قبل وصول فهد .... تعرف انه راح يعصب عليها ...:
تقهرون ....... على بالكم صغيره .... اشوف فيكم يوم
احمد: و الله انج ياهل و سخيفه بعد ................. يلتفت حق وليد..........سير غير ثيابك في غرفتي
بتمرض انت الثاني
وليد: لا مشكور .......... بسير البيت
في السياره كان وليد يفكر باللحظه الا شاف فيها شموو على المريحانه ..... و عنادها .... صدق
خاف عليها ...... استغرب من عنادها ....... و لا حس بعمره و هو يشلها بخفه ....... و المشاعر
القويه الا حس فيها ........ كان يضمها بقوه و حس بضربات قلبها السريعه........ و انفاسها على
رقبته...... ويها المحمر .......... رغم هذي المشاعر الا انه رافض يعترف فيها....... الشي الا تاكد
منه انها اكثر من مجرد اخت عزيزه عليه.............!!!!!!!!!!
فهد عصب لما عرف بان شموو كانت قاعده تحت المطر مده .... و تضايق من تصرف وليد ...... كيف
يتجرأ و يشيلها ..... لو كان صدق خطيبها ما كان مانع وايد مثل قبل ....... بس هو الحين متاكد ان
وليد ما يبي و لا يفكر فيها ....... ليش يتجرأ معها
فهد بعصبيه: و انت خديه ليش ما شلتها انت
احمد مستغرب من رد فهد و عصبيته من وليد: فهد تعرف انه تصرف بسرعه ...... شو ممكن
اقوله .......... اسبه مثلا و هو خايف عليها ........... بعد هو خطيبها و الا انت ناسي
فهد يفكر يا ريت .... بس من بلغه وليد برفضه لشموو و هو يعتبر السالفه منتهيه و ما عليه الا يبلغ
امه و ابوه ....... و ما يبي يتعلق على امال ما منها فايده............
يتنهد : و شموو خبله ليش تقعد بالمطر هي مو عارفه انها معرضه للمرض........نحن ما صدقنا
المره الا طافت عدت على خير........
احمد: بس الدكتور قال حاله ممكن اي احد يمر فيها
فهد: هيه ..... بس بما انها مرت فيها فهي ما عندها مناعه.......
نزلت شموو و هي تسمع حوارهم الا ما يخلص عن مرضها تضايقت
شموو: فهد ........ احمد ............كل انسان معرض لنزلت برد انتوا ليش مكبرين السالفه
فهد يناظرها بعصبيه: هي بس انتي تعرضتي لنزلت برد حاده ...كانت تسبب بداء الرئه
لج ...............................و الا نسيتي......................و انت معرضه لهذا المرض في اي نزلت برد
حاده................... يعني لازم تكونين حريصه على عمرج
احمد: ما سمعتي الوقايه خير من العلاج
شموو: خلاص اقنعتوني.....................توبه
شافت فهد بعده متضايق و صد عنها يبي يروح فوق ...... لحقته و هي تحضنه بقوه
: فهد حبيبي و الله اسفه ما قصدي ازعلك
فهد تضايق منها : شموو قومي عني
شموو: مو قبل ما تقول سامحتج و تبتسم
فهد: اصلا انت ما ينفع معاج الكلام .......... ما ادري طالعه على منو......... بس اسامحج في حاله
وحده
شموو: الا هي
فهد : تشربين الاعشاب الا امي تسويها ...... لما شاف اعتراضها ............. بعدين بطمأن انج
بخير ............ و اسامحج
شموو و هي تمد بوز: و انتوا بعد شربوا معاي
احمد : انا مالي دعوه
فهد: و انا ما احبه ........ و الله هذا عقابج كل ما تطلعين تحت المطر
شموو تضرب ريلها بقوه على الارض: اف و الله انا مو ياهل ............... تشوف نظرات فهد معصب
حيل منها ...كملت .......... خلاص راح اشرب
الجزء الثالث و العشرين
اسبوع يديد من ثلاث اسابيع راح نقضيها في قسم يديد........توزعوا البنات للأقسام يديده ........ مها
كانت بمكتب قريب من مكتب فهد ....... و شموو بالمكتب مع فهد
شموو منقهر من السكرتيره الا معاها ...... ما يعه و دلوعه و لبسها راص و لما تمشي كأنها رقاصه
شموو: اقول سكرتيره .......... الا شو اسمج
السكرتيره بدلع و مياعه : هاله
شموو بصوت واطي: ويع ............. الا مدام هاله من متى انت هني
هاله تضايقت من كلمة مدام: لو سمحتي انا لسه انسه .......... و تلف برقبتها بقوه للكمبيوتر
شموو: عدال لتنقلع رقبتج
هاله: ايه بتقولي ايه
شموو: سلامتك ......................... الا انت من وين
هاله و هي تهز كتفها: من القاهره
شموو: جتوفج لتنخلع ............بس مب شايفه ان لبسج مو مناسب مكان عمل
هاله: اعمل ايه ........... ما اعرفش البس زيكم
شموو: مو لازم زينا ....... بس وسعي البنطلون ........... مو جي كل شي بارز و محدد................
استغفر الله
هاله: اف و انت مالك رغايه كده ليه
شموو عصبت منها: مالت عليج ....... من زينج ارغي معاج ..... من الله سباله و ملبسه بنطلون مثل
راعي الدكان
فهد كان طالع من مكتبه وسمع تعليق شموو حاول يكتم ضحكته بس ما قدر
شموو لفت عليه : هي عايبنك ....... و هذي الماصخه يالسه هني
فهد يحاول يتكلم بجديه: شموو بس
شموو: انا لاعت جبدي منها و كرهتها و احس عمري ابي اذبحها........كيف مهوو
فهد :شموو احتفظي برايج لعمرج ........... و لا تفتحين عيون مها على اشياء سخيفه انت فاهمه
هاله تدخل بالعرض: هو فيه ايه يا استاذ فهد .......... انا مش فاهمه حاقه
شموو بسرعه : عساج ما فهمتي ......... يالـ....................
فهد: شموو خلاص
شموو تمد بوز و تقوله : اي شي تباه خبرني و اذا شفتها داخله مكتبك راح احش ريلها حش
فهد يهز راسه و يطلع من المكتب ...... هو عارف ان الكلام ما يفيد مع شموو .... يبي يشوف مها و
المكان اليديد ....
مها كانت بالقسم المقابل لقسمه ......... مها ترتب اغراضها و هي تدندن .......دخل عليها فهد و
سمعها تغني بصوت رقيق و حلو وايد تقرب منها يسمعها .......مها حست بوجوده لفت تواجه و
على ويها ابتسامه ....... مد ايده على ويها و قالها بصوت واطي: كملي ليش سكتي
مها انحرجت: ما ابي .........ابتعدت عنه ....... ما تبي تنحط بموقف حرج ....
فهد: اوكي على كيفج .......... بس راح تغنين لي باجر لما ايي بيتكم انت فاهمه
مها : حاضر ....... انت تامر مو تطلب
شموو: لا و الله و انا المفروره عند العله الا في المكتب ...........
فهد: انا ما اعرف ليش كارهتنها
شموو: سبحان الله من نظره كرهتها ............ السباله ..........لها لسان
مها: ههههههههههههههههههههههه مداج تسببين مشاكل
شموو تطالعها معصبه: هي تراج ما شفتيها
فهد: شموو هي الا مؤقته لما تيي السكرتيره من اجازة الوضع
شموو: يعني العله راح تطول لها كم شهر بعد
فهد: الا هو شهرين بس
شموو: لا و الله يعني نحن نخلص قبلها .......تحلم اخليك بروحك معاها
مها : حشا مرته مو اخته
شموو: تارج غبيه و انا ادافع عنج
مها و هي تقترب من فهد و تحط ايدها على كتفه : حبيبتي انا واثقه فيه
فهد يطالعها و ابتسامه على ويه : شفتي الناس الا تفهم
شموو: اف منكم تقهرون ........ ما بتنزلون للغدا يعانه
فهد: انا راح انزل ......... وليد يترياني باي
شموو: هي الحين وليد يترياك و قبل شوي مسوي لي فلم هندي .... و ماخذ راحتك ..
مها: ههههههههههههه بس شموو احرجتيني
فهد: متى اشوف فيج يوم .....................وطلع
شموو تساسر مها: انت غبيه ما تفهمين ............ كيف ترضين مثل هذي الصرصوره تقعد مع فهد
مها: شموو اف منج ....... بس كفايه ........ انا ما اعرف انت ليش خايفه منها .... من الله جيكره
شموو: عدال عن جيكره الا بيضه ثلج
مها: قولي محتره منها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك