رواية تدري وش اللي يقلب فيني أوجاعي -1
رواية : تدري وش اللي يقلب فيني أوجاعي لا من طرالي فرقاك و إنك لغيري ..
للكــآتبة مجرد آنسـآنـة ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم
روايتي الثالثه تدري وش الي يقلب فيني اوجاعي لا من طرالي فرقاك وانك لغيري
اتيتكم بروايتي الاولى تعلمت اخسر البسمه واداري عضة شفاتي والثانيه ضحكتي فيها غموض ودمعتي فيها غرابه
تتحدث عن ايتام فقدوا النسب والاهل والاصل فقدوا الحنان والحضن الدافئ
تحملوا قسوة الحياة وعاصروها
بكوا وفرحوا لكن لن ينمحي من عقولهم انهم ايتااااام
الحزن صاحبهم بكل الاوقات ودموعهم اقرب من الحزن إليهم
كتموا وبكوا وفرحوا لوحدهم والدموع تسقط من أعينهم مجرد ذكر انهم ايتام
وها الان اتيت برواية مختلقه والروايه الثالثه للكتابه ( مجرد انسانه )
تدري وش الي يقلب فيني اوجاعي لا من طرالي فرقاك وانك لغيري
تتحدث عن الحب والفراق وعذاب الحب والفراق
......
لا احلل ولا ابيح من تنسب الروايه لها
تحيات الكاتبه : مجرد انسانه
آلبـــــــــــــــــــــــــآرت آلآول
في الخبر
في بيت كبير وفخم ملحه وروحه الاشخاص الي فيه
شوق واقفه قدام المرايه وتناظر بشكلها
شوق : سااره
ساره وهي تلعب بجوالها ردت بطفش : خير وش تبين
شوق : شكلي حلووو
ساره ناظرتها بطفش : ايه
شوق ضربتها بأقرب مخده جمبها : كملي كملي بالجوال انا الغلطانه اكلمك اروح اكلم نوف احسن لي
ساره : قلتي غلطانه يالله عاد شوق لاتزعجيني
شوق : اف اف
طلعت شوق من غرفة ساره كانت بتروح غرفة اختها نوف بس هونت ونزلت تحت تخبر اما
شافت اخوانها فيصل ورائد وامها وابوها جالسين
ام فيصل : وين على الله
شوق بدلع : بيت صديقتي ولا تقولين ماعطيتك خبر
ام فيصل : حدك ياشوق الساعه 10
شوق ناظرت بساعتها : يماااه الحين الساعه 6 شنو 10 ارجع حرااام هالكشخه كلها تروح 5 ساعات بس
ام فيصل : لا ياسلام قولي بعد بنام عندهم
شوق بأستهبال : اذا وافقتي وش وراي
ام فيصل : يالله يالله بس اقول لاتروحين مع السايق خلي اخوانك يودونك يافيصل يارائد
شوق : اوكي
رائد وقف : انا بوصلك على طريقي احتريك برا
طلع رائد ووراه شوق
....................
ام فيصل < الاسم : امل .. العمر : 40 .. مديرة مدرسه
ابوفيصل < الاسم : صالح .. العمر : 50 .. تاجر معروف
فيصل < العمر : 24 .. دكتور
اروى < العمر : 25 .. متزوجه عندها توأم ولد وبنت مروان وجوري
رائد < العمر : 22 .. في ثالث جامعه ..
شوق < العمر : 20 .. في ثاني جامعه .. تخصص تربيه
نوف وساره < توأم .. العمر : 18 .. في ثالث ثانوي ... آدبي
.................................
في الخبر
بيت كبير ملحه اشخاصه
اللكل يحتري بكره واكثرهم شهد الي تحتري اخوها فارس يرجع من كندا بأسرع فرصه
شهد تهز رجولها من التوتر : يااربي متى تمر الساعات
لجين بعصبيه : شهيده ووجع والله وترتيني معك خلاص
شهد : ياربي متى يجي بكره متتى اشتقت لفارس
لجين وهي تتأفف : يالليل شهد والله لو ماتهجدين وتصيرين مثل الناس لا اجي واسطرك
شهد سكتت ودخلة عليهم ريناد وجلست على الكنب
ريناد : لجين وش فيك معصبه
لجين : من اختك هذي وترتني معها
ريناد : ههههههههههه شهود مثل امي دوم متوتره
لجين : الا اقول ريناد متى ناويه تجهزين حق عرسك ترى ماباقي شئ
ريناد ابتسمت : لجين تراك انتي حامله هم عرسي اكثر مني
لجين : لا لاني متحمسه حيل له الحين احنا كلنا فصلنا فساتين وكم يوم وتوصل من ايطاليا وانتي لسه مافصلتي
ريناد : انا مقرره افصل من ايطاليا بس مو الحين
لجين : كان فصلتي معنا اجل ليه هالتأخير
ريناد : خلاص لجين المهم اني افصل فستان
لجين : براحتك والله
ريناد ناظرت بشهد الي مبين بعيونها التوتر والقلق وابتسمت : شهوود
شهد التفت لريناد : هلا
ريناد : مو انتي الحين تحترين فارس يجي ويوم جاء صرتي متوتره وخايفه المفروض تكونين مروقه ومبسوطه
شهد : تعرفيني ياريناد مالاداعي اقولك
ريناد : اختي واعرفك على امي طالعه
شهد : هههههههههه هالام هذي خذيت منها طبع ماهوب حلو
.................
ام فارس < العمر : 43 .. موجهه .. الاسم : حنان
ابوفارس < العمر : 52 .. تاجر معروف .. الاسم : عبدالرحمن
ريناد < العمر : 23 .. اخر سنه بالجامعه .. تخصص : آدآب
لجين < العمر : 20 .. في ثاني جامعه .. تخصص : تربيه
شهد < العمر : 17 .. في ثاني جامعه .. علمي
فارس < العمر : 26 .. معيد في جامعة الملك فيصل بالخبر معه شهادة الماجستير والدكتوراه
في بيت جوري
كان الاستقبال حار ومبسوطه بقدوم شوق لبيتهم
جوري : ايه تعالي شوقو الحين هذا الي تقولين عنه ولد خالتك فارس بيرجع بكره صح
شوق بان الفرح بعينها وابتسمت بفرح حست بنشوة سعاده مو طبيعه وقالت بصوت فرحان مره : ايه بكره بيرجع من كندا
جوري : ايه اشوف العيون تلمع فرح
شوق : هههههههههههه ياربي ياجوري ماتدري قد ايش انا فرحانه لان فارس بيرجع بكره
جوري : بتروحين له المطار
شوق : طبعاً ايه وأول وحده
جوري بأستغراب : طيب بيشكون فيك
شوق : لالا حنا متفقين مع بنات خالتي لجين وريناد وشهد ان نروح وبيجون خواتي معي ساره ونوف واروى وفيصل ورائد
جوري : تصدقين توني ادري انكم كثار ههههههههههه
شوق ضربتها على خفيف : وجع ان شاء الله قولي ماشاء الله
جوري : ههههههههه امزح ماشاء الله اخاف يموت احد وتقولون عيني
شوق : هيييييييييه فال الله ولا فالك يالدبه لنا طولة العمر
جوري : امزح امزح
وبدوا السوالف والضحك وشوق طول الوقت تضحك وتسولف والفرح يلمع بعينها
..................
جوري < العمر :20 .. في ثاني جامعه .. تخصص : تربيه
...................
في بيت يملأه الفرح والحب والود
مروان وجنى يلعبون بأنحاء البيت بطفوله وبراءه
اروى جالسه على البلكونه وتناظر حست بأحد يغمض عيونها ابتسمت وابعدت يده عنها
اروى ببتسامه : صحيت
خالد بمرح : ايوه صحيت
اروى : صح النوم
خالد : امممممممممممم مره جيعان
اروى : مو وقت عشا ولا غدا
خالد : عاد هذي مشكلتك انا جيعانه مرره
اروى : ماعملت غدا قلت محد ماكل عملت معجنات ودونات تبي
خالد : اي شئ المهم شئ يعبي الكرشه
اروى : ههههههههههه انت اهم شئ عندك بطنك ياليت تسمن
خالد : اللكل يهمه بطنه وانا ماكل الا اذا جيعان
اروى طلعت من الغرفه وراحت شافت كالعاده مروان وجنى يتناقرون
مروان تخصر : عطيني الحلاوه
جنى : ماراح اعطيك
مروان بعصبيه : عطيني
جنى دموعها انهارت : كله تاخذ الحلاوه وانا ماخذها ابيها ابيها
اروى راحت لهم : جنى مروان خلاص لاتتناقرون تعال مروان اعطيك حلاوه من المطبخ وجنى حبيبتي اخذي الحلاوه ولا عاد تبكين
جنى ابتسمت لامها الحنونه واخذت الحلاوه وبدت تاكل فيها بتلذذ واعطت مروان حلاوه
لكن نفس الحاله ماهجدوا والسبب ان جنى عندها اوريو ومروان عنده جالكسي
ومروان احسن وبدوا المناقر من جديد واتفقوا انهم يتقاسمون
اروى طلعت من المطبخ وبيدها صينينه فيها الدونات والمعجنات والمويه والعصير
جاو يركضون لها جنى ومروان وينقزون قدامها
اروى بشوية عصبيه : هيييه ابعدوا لاتخلوني الصينيه تطيح
مروان وجنى ينقزون بمرح ولا همهم عصبية امهم لان يعرفونها حنونه
لحد ماطاحت الصينيه وبدى الشرار بعيون اروى راحت لهم وضربتهم وبدوا يبكون
اروى بصراخ : تعملون عمايلكم وتبكون قلت لكم بعدوا تعاندون تحملوا
نزل خالد على الصراخ : اروى وشفيك تهاوشيهم
اروى ناظرت بالصينيه : شوف وش سووا
خالد ناظر وابتسم : خلاص رورو حبيبتي لاتعصبين بزران هم لاتلومينهم وماعاد ابي اكل امشي حالي بسندويتش وجبن وبعدين نروح مطعم كلنا ونتعشى لاتعصبين
اروى ابتسمت بحنيه وناظرت بجوري ومروان : خلاص لاتبكون
جنى : وخلي وخلي "وخري وخري "
اروى : خلاص حبايبي انا اسفه
مروان بزعل : تعطينا حلاوه
اروى اشرت على عيونها : من عيون اعطيكم بدال الحلاوه حلاوتين
مروان وجنى ابتسموا بفرح ونقزوا وباسوا امهم ومسحوا دموعهم وراحوا لغرفتهم بما ان وعدهم ابوهم يشتري لهم حلاوه ويوديهم الهابي لاند الملاهي والمطعم
اروى صعدت غرفتها وسحبت جوالها تتصل على امها
وصلتها صوت فيصل
فيصل : الو
اروى بمرح : هلا فصول
فيصل : هلا اروى اشتقنا لك زين سمعنا هالصوت
اروح بتغلي : ايه ابيكم تحسون بمكانتي
فيصل : هههههههه لالا ماشتقنا لك اشتقنا لجوري ومروان
اروى : اخذهم مابيهم
فيصل : ليه اكيد مسوين شئ
اروى : مجهزه الاكل لابوهم وطيحوه وابوهم بعد دلعهم قالهم بيوديهم الملاهي هابي لاند والمطعم والبقاله
فيصل : ههههههههههه وعشان كذا معصبه وترى مايستاهل
اروى : لا مو معصبه بس تنرفزت منهم مايسمعون كلامي وابوهم مدلعهم
فيصل : دلعيهم مافيها شئ
اروى : لا فيصل كثرة الدلع تخربهم وانا ابي اربيهم على يدي بس ابوهم اف منه مدلعهم على الاخر
فيصل : المهم ماعلينا بتجين بيتنا
اروى : لا خلاص بجي مرة وحده بكره في المطار نستقبل فارس
فيصل ضرب راسه على خفيف : اوووه نسيت صح ان فارس بيرجع
اروى : متى بتوصل الطياره
فيصل : على ماظن الساعه 7 واحنا لازم نروح من الساعه 5 العصر على مانوصل مطار البحرين
اروى : اوكي الساعه 5 بتشوفوني في بيتكم
فيصل : ياسلام تتغلين لك اسبوع ويوم تبين مصلحتك بتجين
اروى : هههههههههههه اخواني وامون عليكم صح ولا غلط
فيصل : لامو صح
اروى : المهم اخلص عطني امي
فيصل : امي توها من شوي طالعه
اروى : وين راحت
فيصل : امممممممم بيت الجيران
اروى : اجل بسكر
فيصل : باي
اروى تذكرت شئ : فيصل فيصل
فيصل هلا
اروى : وين شوق ونوف وساره
فيصل : شوق بيت صديقتها ونوف وساره بغرفهم
اروى : هالبنت شوق ماتهجد بالبيت ولو هجدت تستجن
فيصل : قلتيها تستجن المهم باي مشغول
اروى : باي
.............
خالد < العمر : 30 .. مهندس
جنى ومروان < توأم .. في اولى ابتدائي .. العمر : 6 سنوات
سكر فيصل من اروى
صعد غرفته وبالصدفه شاف نوف طالعه من غرفته والابتسامه على وجهها البشوش
فيصل : اقول بس وخري هالابتسامه كنك البقره الضاحكه
نوف : مالت عليك وه بس فديتني وش حلاة ابتسامتي
فيصل بأستغراب : نوف ساره ماشفتها اليوم ابد
نوف : مدري تلقاها بغرفتها ماتعرف اختك
فيصل : لا اليوم حتى غدا مانزلت تتغدى
نوف : غريبه انا بروح اشوفها
فيصل : جاي معك
راحوا نوف وفيصل غرفة ساره لقوها مغطيه نفسها باللحاف وشكلها نايمه
نوف فتحت الانوار وسحبت ساره اللحاف منها وقالت بعصبيه : سكروا النور وطلعوا برا
نوف : ساره وش فيك اليوم ابد مانزلتي
ساره : امممممم شئ راجع لي
نوف : براحتك هذا جزانا نتطمن عليك
ساره : وروني عرض اكتافكم
طلعوا فيصل ونوف ماستغربوا من ساره ابداً لان الهدوء هذا طبعها
نوف نزلت تحت وجلست بالصاله
وتحس بملل فتحت التلفزيون وسحبت الكنترول وحطت على قناة "mbc1" شافت برنامج صدى الملاعب
وهذا اكرهه برنامج عندها غيرت القناة لـ "mbc4" شافت فلم اجنبي اكشن قررت تسوي نفس السينما ككون
التلفزيون حقهم بلازما مثل السينما سكرت النور واخذت لها فيشار وعصير من المطبخ ورجعت وتجهزت تناظر الفلم
نزلت ساره وجلست مع نوف وانسدحت ماحست فيها نوف
حست نوف بحركه وراها التفتت وشافت ساره ورجعت تناظر الفلم بحماس
قطع عليهم حماسهم نوف وساره دخول ابو فيصل وفتح النور وغمضوا عيونهم من النور
ساره بعصبيه : يبه سكر النور نبي نناظر الفلم
ابوفيصل جلس وابتسم : ايه عشان تروح عيونكم البلازما كبيره والانوار قويه ومسكرين النور لالا فتحوا النور احسن
نوف بدلع : يبااااااااااه
ابوفيصل : وثانياً انا بجلس وماحب الظلام
.....................................
في اليوم الثاني
على الساعه (4) العصر
شوق لبست جينز وتيشرت بنفسجي كلهم ساده بس ناعمه ورافعه شعرها ومنزله خصل ومستشورتها ناعمه درجة اولى
ولابسه عبايتها الي ماركتها " شنل " وجالسه بطفش تحتري نوره وساره وفيصل ورائد
بعد نص ساعه دخلت اروى ومعها جنى ومروان
وقفت شوق بلهفه وصافحة اختها اروى بمرح وضمة وباست جنى ومروان
شوق وهي ترفع جنى ومروان : وحشتوني يالحمارين
جنى : لاتقولين حماره انتي الحماره
شوق : ههههههه اجل شقول ياطنط
جنى : عمتي جنى
شوق : ان شاء الله
اروى سحبت شوق وجلسوا على الكنب
اروى : وين وحشتيني
شوق بدلال : انتي لو بجد اشتقتي لنا ووحشناك كان زرتينا
اروى : وليه ماتزوروني انتو
شوق : لا فشله من خالد
اروى : امممممم البيت بيتكم بالعكس دائماً يقولي ليه مايزورنا اهلك
شوق : المهم وين هالحمارين تأخروا
اروى : ههههههههههههه وشفيك عصبتي ترى لاحقين
دقايق ونزلت ساره وسلمت على اروى
وبدوا يسولفون
اروى : الشينه نوف كل هالوقت تلبس وتتعدل حشا والله بتروح عرس
ساره : ههههههههههه ماتعرفين اختك ساعه على ماتكشخ
اروى ناظرت بشوق : وشوق مثلها بس انا وانتي غيير غيير
شوق ناظرتهم : خير خير انتي وساره غير ليه بسم الله عليكم وش فيكم زود علينا انا ونوف
ساره : قصدها يالدبه ان انا واهي نخلص بدري اما انتي ونوف تحسبون السوق والمطار والخرابيط عرس
شوق : ياحلوه حنا بنات نهتم بشكلنا ومظهرنا مو مثلكم هيييلق
اروى : لا ماشاء الله خلينا الكشخه لك انتي واختك نوف
شوق : الا جد نوف تأخرت
وقفت شوق بتصعد
ساره : شوقو وش فيك متحمسه مره ولا انتي من العاده اخر وحده تخلصين وتكون متملله بس اليوم حماس نازل
شوق ارتبكت : هااه .. بروح انادي نوف
راحت ونادت نوف
دخلت الغرفه : نووووووووووووووف
نوف وهي تلبس عباتها : نعم
شوق : يالله
نوف سكرت انوار الغرفه ونزلت مع شوق وبطلعة رائد وفيصل
نزلوا كلهم وركبوا السياره والي يسوق فيصل
.......................
شهد ولجين وريناد لبسوا وتجهزوا منذ مبطي
وانطلقت السياره للبحرين ومسكوا الطريق راكبين مع السايق وابوفارس جمبه وهم ورى مع ام فارس
بعد ساعتين وصلوا للبحرين ونزلوا المطار وصادفوا عيال خالتهم اروى ونوف وساره وفيصل ورائد
شهد مثلت انها خاقه وحطت راسها على لجين : لجين شوفي فيصل اخق انا عليه يهبل
ريناد ولجين : ههههههههههههههههههههه
شهد وقفت عدل وصافحوا عيال خالتهم وخذوا اخبارهم ودخلوا المطار
بعد دقايق شافوا طيف فارس
صرخت شهد بحماس : فااااااااااااارس
التفتوا كلهم للجهة الي تناظر فيها شهد ووقفوا وراح له
شهد ولجين وريناد يضمونه ويسلمون عليه وفيصل ورائد وابوفارس وام فارس فرحانين برجعته
تقدموا عيال خالته اروى وشوق ونوف وساره
سلموا نوف وبعدها ساره وبعدها اروى
وجاء دور شوق لمعت بعينها الفرحه ودها تضمها فارس حس بنشوة فرح بطيف شوق يحبها ومنجن عليها
وهي تبادله هالحب ويدرون عن بعض
شوق مدت يدها بدلع وسلمت عليه : الحمدلله على السلامه
فارس ببتسامه عذبه فيها حب ولهفه وشوق : الله يسلمك شخبارك شوق
شوق : الحمدلله وانت
فارس : تمام (وهمس بصوت سمعته بس شوق) بوجودك
شوق ابتسمت بخجل وابتعدت عنه
اللكل موسايعته الفرحه بقدوم فارس
جاهم صوت غريب يكلمهم : السلام
التفتوا عليه كلهم واستغربوا
بس الي اعرفه ابوفارس بادله الابتسامه وسلم : هلا هلا بولدي بدر
بدر ببتسامه : شخبارك
ابوفارس : الحمدلله بخير وانت بدر شخبارك
بدر : الحمدلله بخير
ابوفارس التفت لفارس وفيصل ورائد : هذا تاجر يشتغل مع ابوه نتعامل معهم اسمه بدر
سلموا عليه الشباب والبنات ابتعدوا
بدر لفتت نظره شوق وعيونها وملامحها الناعمه الي فيها شئ غريب جذبه
لكن ماحب يبين انه يناظر شوق بذات وناظر بوفارس وصافحه : مع السلامه
ابوفارس : الله معك الا تعال وش جابك المطار
بدر ببتسامه : مسافر وراجع
بوفارس : الحمدلله على السلامه
بدر : الله يسلمك .. مع السلامه
اختفى بدر وتوجهوا للسياره كل عايله بسيارتها وانطلقوا كلهم للشرقيه
بعد ساعتين وصلوا للشرقيه وتوجهوا لبيت خالتهم ام فارس
ونزلوا كلهم واللهفه بعيونهم وخاصتاً شوق الي تحس بفرح موطبيعي
دخلوا كلهم البيت وجلسوا حوالين فارس الي ياخذون منه اخباره ويسولف عن كندا
اما شوق تمت تكلم صاحبتها جوري بالجوال : هاااي
جوري : هايات
شوق : حدي حدي مبسوطه ياجوري جاء جاء
جوري : احلللللللللللفي
شوق : والله وانا ببيتهم بس برا اكلمك
جوري : روحي روحي يالهبله
شوق : طيب باااي بكلمك بعدين
جوري : سي يو في الطريق تشربين ديو ياغبيو
شوق : خخخخخخخخخ باي
سكرت شوق من جوري ودخلت داخل واللكل التفت للباب واكثر شئ فارس الي اللهفه بانت بعيونه
جلست شوق بهدوء وهي مبتسمه بعذوبه
واللكل يسولف مع فارس واللهفه بعيونهم
شهد : فرووس اشتقت لك
فارس ابتسم لشهد بحنيه : وانا اشتقت لك
شهد : شسويت بكندا
فارس : امممممممممممممم والله وش سويت يعني درسة
لجين : شريت هدايا
فارس : وانا اقدر ماشتري لكم هدايا
ريناد : والله وينهم
فارس اشر على الشنطه الي فيها الهدايا : هذهي
وقفت لجين ومعها شهد وجابوا الشنطه ومن حماسهم وهم يشيلون طاحت الشنطه فوق لجين وطاحت لجين على الارض وشهد بتطيح لكن قدرت تمسك نفسها وماتت ضحك على لجين
لجين حست بخجل وخاصتاً ان طاح الحجاب وشعرها تناثر وبانت ملامحها الناعمه وناظروها فيصل ورائد وهم يضحكون لكن بنفس الوقت ناظروها بأعجاب ماعمرهم شافوهم بكامل انوثتها يشوفون كانوا بس وجهها بس ملابسها وشعرها وكل شئ وبكامل انوثتها تطلع ماعمرهم شافوها تربوا على الاحترام والاخلاق ماسمحوا لنفسهم يناظرونها ابعدوا النظر عنها مباشره
وقفت ريناد واروى وشهد وراحوا يساعدونها شالوا الشنطه بصعوبه بعدها شالوا لجين الي تعتصر من الالم
نزلت دموعها فجأه وحطت راسها على فخذها تبكي على الطيحه وألمها بطنها وصدرها لان الشنطه ثقيله وراسها يألمها لانها طاحت عليه وبنفس الوقت تحس بالخجل من فيصل ورائد الي شافوها وميتين ضحك
فارس وقف وراح لها وجلس جمبها بحنيه : لجين مايستدعي تبكين
لجين : ألمتني
فارس : ياليت انا الي طايح
لجين : بسم الله عليك اشوى ان انا ولا انت
فارس مسكها من يدها : يالله قومي ولبسي حجابك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك