رواية يوميات حبي و حبه -19
لازم يحس فيج
شموو شرقت بالاكل ............. و فهد ضحك بصوت عالي على اشكالهم
احمد: شو ............. انا قلت شي خطأ
ضربه وليد على ظهره : كل و انت ساكت احسن لك
فهد : احمد شكلك تحاول تشرد من اللعبه
احمد: اف كل مره تغلبوني ...... ما ابي العب
وليد: يعني تنسحب
احمد: لا .......... اف شموو تعالي ازريني
شموو: ما ابي ...... باكل و بسير برقد
احمد: انت ما تشبعي رقاد......
شموو: انسانه فاضيه ما وراي شي............. بعد باجر عندي دوام .......... مو مثلك....
احمد: لا تذكريني باجي لي اسبوع او اثنين و برجع بريطانيا
فهد: منو غصبك تروح ....... لازم تقلدني
وليد: انت قدوته ........ ما ادري كيف تامنون عليه بروحه هناك.......عيونه زايغه
احمد: افا هذي فكرتك عني ....... صدمتني بصراحه
شموو: اكيد كل من يرا الناس بعين طبعه
وليد تنرفز منها: شو قصدج
هزت شموو كتوفها: الا على راسه بطحه يحسس عليها
وليد بعصبيه: شموو
شموو بكل برود : نعم
و تمت عينهم متعلقه ببعض.....وليد شكله يبي يذبحها اما هي عدم اهتمام و برود الا قهر وليد
زود
احمد مد ايده بينهم: استوب انت و ياها ....... ما تبطلون حركاتكم هذي......عفان الله ديك و ديايه
شموو: يع الديايه مو حلوه ....... قول غزال
احمد: خلاص عيل غزال و ثور
دزه وليد : انت الا ثور...........بعدين الثور شو يخصه بالغزال....... اذا انا ثور هي بقره
شموو: لا و الله حرمتك البقره
ضحك احمد و فهد عليها اما وليد ابتسم ........ يحب ينرفزها ....اشتاق لعلاقتهم اول ضحك
لعب من غير حساسيات او مشاكل مثل الا بينهم الحين......
انتهت السهره على خير وليد مرتاح نفسيا من بعد قعدته مع شموو ........... و هي بعد ارتاحت
بدت تقتنع ان علاقتها بوليد من غير خطوبه احسن لها وله ..... بس مالي قلب افسخ
الدبله .......... انا بخبره بقراري و نتفق على كل شي
.................................................. ..................................
ثاني يوم
شموو صحت من الرقاد وهي مصدعه و مو رايمه تفتح عينها بس اصرت انها تروح تداوم...فهد
وعدها انه راح ينقلها الى قسم ثاني على بداية الاسبوع الياي ... و هي ما تبي تضيع اي
لحظه بكم يوم هذي مع وليد في المكتب ....تنهدت و الله راح اشتاق للقسم ....... تعودنا على
بعض............
وهي نازله ماده بوز ......ضايقه و ما لها خاطر
فهد: صباح الخير ....على الا مادين بوز من الصبح
شموو سكتت و ما ردت عليه
فهد: اف السالفه جايده
شموو: مصدعه و ما لي خلق اسولف
فهد: المهم تداومين ما عندنا بنات يتلككون
شموو: فهد!!! يعني ليش لابس عيل .......علشان ارقد مثلا
فهد: ههههههههههههههههههه و انت بهذا المزاج الله يعين الا بالقسم
شموو تمت ساكته لما وصلت للشركه ....... ضحكت بخاطرها على اخوها الا قاعد يدور على
مها ..... و الله لو لي خاطر لذليتك يا قيس...........
فهد: مها ما يت ........ليش تاخرت
شموو ساكته ....
فهد يطالعها بنظرات و هو عارف الا بخاطرها ... لو كانت بمزاج ثاني ما فوتتها له........الحمد الله
في المصعد
كانت مها تطالع الساعه كل دقيقه و البنات ينغزونها البحجي
مها: كل من هذي الدب الا اخرتنا
حصوو: تتمنين انت بس اركب معاج .......كلها كم يوم و اركب مع زوجي
مها: طاعوا هذي ........... حصوو لا تعصبين فيني ترا اعلم
حصوو: مها عن السخافه
مها: هههههههههههههههه ليش خفتي
نزلوا البنات و كان في ويهم وليد الا يرمس بالموبايل و عيونه على مها .... منقهر منها مره
تزقره بالرومنسي و مره تعصب عليه ...........مها انفصلت عن البنات لأن قسمها بالجهة
الثانيه....مرت بقرب من وليد و طنشته .......
وليد : السلام لله ........ يا جوليت
مها تطالعه بعين وحده : نعم شو قصدك
وليد: ابد ....... بس روميو وين اليوم عنج
مها: ما يخصك
وليد: افا ....... و يتقرب منها ........مو كأن لسانج طويل
مها تمشي: و اطول عنك ....................
وليد: انا مسوي اعتبار حق فهد و الا انت...................
مها تحط ايدها على خصرها: ها شو كمل
وليد: عقلج من عقل شموو
مها: الحمد الله مو ليلا
وليد: و منو ليلا
مها : حبيبة القلب ............ بس مصيرك تعرف قيمة الا بين ايدك و تركض وراه لما تحفى
وليد: و منو المقصود
مها عصبت ما تحب احد يستهبل عليها: السباله الا في المكتب
وليد ضحك تفاجأ من ردها ........: الحين مسكت لج شي ...... و اقدر اعلم
مها: تراك معروف فتان
وليد يبتسم: هذي شموو السانها طويل
مها: ربيعتي ........ و نسيبتي و ان شاء الله مرت اخوي بالمستقبل........... لا تطالعني
جي ....... انت سبقته و الا الحين شموو خطيبة اخوي ..............
وليد: شو تلمحين
مها: و لا شي .......... بس على شان تعرف انها مب بايره و انت متكرم عليها........سكتت
شوي .......... و لو تشوف القائمه مطر و مهند و اخوي ..........كانت تتكلم بكل بطئ و تراقب
ردت فعله ..... هذا الا انا اعرفهم...
صدق حست بخيبت امل من جمود وليد و ويه مب باين عليه اي انفعال ...........
مها: وليد انا ما اقول جي ....... الا علشان تعرف قيمتها و تحافظ عليها .......... على الاقل
عاملها صدق كخطيبه ..... اعطي نفسك فرصه و ادرس مشاعرك ناحيتها زين...............ولا
تحاول تقول كل هذي الغيره و العصبيه علشان كلمة فيصل او غيره عسب تعتبرها مثل
اختك .............!!!!!!!
وليد ابتسم بهدوء : بس انت ريحتيني بكلامج هذا ......على الاقل اضمن انها تلاقي نصيبها من
بعدي......
مها سكتت شوي تستوعب الا قاله .: يعني انت مصر على كل هذي الخرابيط............اوكي
على الاقل لا تسبب لها مشاكل بالروحه و الرده
وليد: معاج حق .......... بحاول .....باي
وليد اليوم نفسيته توب .... ما عكر مزاجه الكلام الا قالته مها ..... لأنه خلاص اتخذ قراره و هو
مرتاح له.......و الله يوفقها و يا اي احد...........شافها منزله راسها و مندمجه مع الا قاعده تسويه
وليد: احمد ترا سوي كل الا وصيتك عليه
احمد: ان شاء الله
وليد: يا الله فيصل ....لم كل الاوراق و الملفات ما فينا نرجع الطريق طويل ............ شموو
عطيني ملف ؟؟؟
رفعت شموو راسها و هي عاقده حواجبها تحاول تركز .......و تمت تدور علي الملف
وليد: شموو شو فيج
شموو بارتباك : ها ، صداع
وليد: اوكي ريحي..........احمد لا تضغط عليها بالشغل
احمد يبتسم: ناس و ناس
وليد: طبيعي ههههههههههههههههههههه يالله تاخرنا....
.................................................. .................................................. .
وقت الغدا
شموو رفضت تاكل .... و مها ما كان لها خاطر تروح و تخليها بروحها... قعدوا يسولفون ....
فهد: انتوا وينكم اليوم
مها و هي تطالع شموو.....: الاخت ما لها نفس للأكل ... و حرمتني انا بعد انزل اكل
فهد و عيونه على شموو الا ما عيبتنه من امس: شو فيج ...... اذا تعبانه بوديج البيت
شموو بسرعه : و الله ..... صدق ابي ارجع ... ما لي خاطر اقعد ازيد
مها: انا بوديها ..........
فهد : لا والله ..... هي تعبانه ... انت ليش
ردت: انا ملانه .......... بعد ليش هي تروح ترقد و انا اكرف
شموو: مهوووو و الله لو غير رايه يا ويلج
فهد و عيونه في عيونها: شموو تروح اما انتي لا...... ما اتخيل اني موجود في الشركه و انت
لا .... و بعيده عني
انحرجت و نزلت راسها ... اما شموو دزت اخوها .... : يالله اطلع قبل لتتهور علينا
ضحك بصوت عالي: شموو و الله انج واقفه لي عظم بالبلعوم .... يخي خليني انفرد فيها شوي
شموو : لا و الله .... املج اول و بعدين سوي الا تباه
مها كانت تسمع كلامهم و هم طالعين و حمدت الله انهم ما يشوفون ويها الا غادي مثل
الطماط ....."يا ربي هذا فهد وايد جرء ..... الله يستر بعد الملجه شو بيسوي"
.....................................
قبل انتهاء الدوام بساعه ...
رجع وليد و فيصل للشركه .... وليد ما استغرب غياب شموو ... توقعها تكون مع مها و ما خذه
راحتها و هو مش موجود ... و هذا احمد ما يروم عليها ... تنرفز من غيابها كيف تتجرأ و ما
تشوف شغلها بغيابه ....حتى ما كلف نفسه يسأل عنها .... توجه لمكتب مها و دخل بسرعه و
هو يدور عليها بعيونه .... و استغرب وجود مها بروحها في المكتب ....
مها: بسم الله .... بلاك داخل بلا احم و لا دستور
تردد يسألها عن شموو .... تم ساكت يطالعها ...
مها استغربت منه ... هذا بلاه : وليد انت معاي
اخيرا سال عنها : وينها
مها طبعا عارفه هي مين بس حبت تستغبى : منو الا هي وينها
رد بعصبيه : يعني منو تتوقعين
ابتسمت مها و حبت تلعب بأعصابه: امممممممممممم قصدك شموو يعني
ما له خلق لسخافتها : مها ... ترا و الله مالي خلق .... و ينها
نزلت راسها و كملت الا قاعده تسويه و طنشته و لا كأنه موجود معها...
قال بصوت عالي شوي : مها ؟؟؟؟
ردت عليه : اسالني بادب و انا ارد عليك
خذ نفس قوي و تم يطالعها .... بعدين تنهد و قعد
بنفس اللحظه الا دخل فيها فهد وقال : شو عندك تعصب على حرمتي
مها تفاجأت من وجوده و كلمته ...طاح القلم من ايدها و رفعت راسها تشوفه ... شافت وليد
قاعد يطالعها بنظرات منقهر منها: الحين رفعتي راسج ... و انتبهتي ... و قبل مطنشتني
يضربه فهد على كتفه شوي : شو فيك عليها .... ما اسمح لك
رد وليد : يا خي لي ساعه اسألها عن شموو و ما ترد
قعد فهد على الكرسي الثاني الا مقابل لوليد : يالله هوينا و اطلع
وليد حط ريل على ريل : اول خبروني وينها و الا اقعد على جبدكم
فهد : اف انا ما صدقت افتك من شموو تي انت .... ياخي روح دورها بمكان ثاني
يهز راسه بــ لا : الوحيده الا تعرف تحركاتها هي مها ..... يالله ما بتخبروني وينها
خطر على بال وليد انه ممكن صار لها شي سأل بسرعه و هو يعدل من قعدته : هي الصبح
كانت مصدعه ........ ليكون صار لها شي ...يلف يطالعهم الاثنين الا باين انهم ماسكين عمرهم
علشان ما يضحكون ......
كمل : فهد؟؟؟؟؟؟
ضحك فهد بصوت عالي : ما فيها شي ... مصدعه و اخذتها البيت ... و الحين اكيد راقده و
شابعه رقاد
وليد متنرفز منهم ...لو خبروه على طول و خلاص .... لازم اللف و الدوران : انت اكيد ما صدقت
تفتك منها
فهد : اكيد يبالها كلام .... يالله روح شو تبى بعد
وليد : حاضرين......................... هو مستغرب من حاله ليش يهتم فيها لهذي الدرجه...
مها خلال كل الحوار ما كانت قادره تتكلم او تعلق..... اربكها فهد ... تمت تطالعه و هي حاسه
بعمرها صارت حاره .....
فهد: اقص ايدي اذا ما يحبها
التفت يشوفها ... كانت محمره .... و عيونها تبرق .... لف حوالين المكتب ونزل على ركبه ... صار
راسه بمحاذات راسها
قال بهمس : كل هذا توتر من وجودي .....
ما قدرت ترد تحس بدقات قلبها واصله لأذونها
مد ايده لخدها ... حس بحرارتها ابتسم ..... اخذ ايدها الا فيها الدبله و باسها
مها تفاجأت من حركته وقفت بطريقه مفاجأه له و هي تسحب ايدها من ايده ..اختل توازنه.... و
طاح على الارض .....هو حاول يستوعب الا صار ... انا مها اخذتها فرصه و انحاشت من
جدامه .... وصلت للباب و تم تطالع فيه
مها و هي تضحك: ههههههههههههههههههههههههه اسفه و الله ما كان قصدي
وقف ينفض تيابه من الغبار و على ويه ابتسامه : مو قصدج ها ....... الا وين رايحه ما تبين
اغراضج ....
مها : اوه صح نسيت و رجعت تاخذها .......
مسكها من ايدها و سحبها بقربه ...قال بهمس: اشردي الحين مسموح لج بس خل نملج ... و
يصير كل شي مسموح لي.... غمز لها بعيونه و تركها و طلع
مها تحاول تلم عمرها ... مرتبكه لدرجة نست ان الدوام خلص ....
تنهدت : الله يعيني عليك يا فهد .....
و ينتهي هذا اليوم الا حمل مشاعر مختلفه و مواقف كثير بين ابطالنا
الجزء العشرين
أن يأست يوما من حبك وفكرت في الانتحار
فلن اشنق نفسي او اطلق على نفسي النار ولن القي نفسي من ناطحة
سحاب لاني اعرف وباختصار ان عينيك اسرع وسيله للانتحار
منقول
مروا اليومين بهدوء ...... شموو ما زالت تفكر بعمق بموضوعها هذا الا مخلنها هاديه يمكن لأول
مره بحياتها......مها ملجت ..........اليوم الا حلمت فيه طول حياتها انها تاخذ الريال الا
تحبه.....فهد من الفرحه كل شوي يغني و يترقص و مسوي لهم جو بالبيت الا خلى شموو
تطلع من قوقعتها........
فهد: شموو ان ما عقلتي ما راح اخذج معاي
شموو: لا و الله بكيفك هو...................... ما تبيني احضر عادي بحضر عزيمة ربيعتي و انت
قلعتك
فهد يمسكها من اذونها: و اربيعتج هذي مو زوجتي
شموو: اي فهد يعور .............
فهد: اعتذري و الا ما شي طلعه
شموو: يمه شوفيه.
كان الكل يالس بالصاله يستعدون علشان يروحون للعشا في بيت مها.....
خالتها ام وليد: فهد ترا ما ارضي عليها
فهد: لا تحاولون
شموو انقهرت منه .... هجمت عليه تحضنه و تبوسه.... وهو يبعد عنها
فهد: بنت و الله اذبحج
شموو: اول قول انك بتاخذني معاك.............. و تحضنه بقوه
فهد: عيب عليج بنت طول و عرض تسوي حركات الاطفال.....
امها: حشا ما شفت طفل مثلها
ضحكوا عليها ....... فهد و يبعدها : خلاص فكيني
شموو: و بركب معاك
فهد: بس يالطماعه عطيتج ويه.............. سيارتي و سيارة احمد كلها اغراض ...سٍيري مع وليد
شموو: مو مشكله علشان مها بعديها لك
فهد: لا و الله ...... جدامي اشوف بسرعه
في السياره وليد اعيونه على شموو الا ما قالت كلمه من ركبت معاه ........ هو حاس بتغيرها
من اخر مره تضارب معها .......... و ما صارت تتكلم معاه بشكل مباشر .... وتتجنبه بعد..........
امه: عقبالكم ان شاء الله ازفكم و اترقص بعرسكم
شموو تفاجأت بالدعوا و شرقت ..... اما وليد كان متعود عليها ......تم يطالعها بنظرات سخريه
شموو: شو ليش تطالع جي
وليد يبتسم : عادي اشوف خطيبتي فيها شي
شموو انقهرت منه و مدت ايدها من صوب اليسار علشان خالتها ما تشوفها و قرصته
وليد نقز: اي
امه : بسم الله عليك يمه شو فيك
وليد مرتبك : ها و لا شي يمه سلامتج
شموو تتقرب منه و تهمس: لا قولها شموو قرصتي .....لو فيك خير .... غير ما تفضحك و يخلوك
تتزوجني غصب
وليد رغم ارتباكه من قربها و احساسه بنفسها على اذونه ما قدر يتمالك عمره من الضحك
امه: وي شو فيك.......... لما ما سكت ............ شموو ليكون تدغدغينه
وليد ضحك زود اما شموو صار ويها احمر مثل الطماطه
شموو و هي ماده بوز: خالوو .......... و الله ولدج سخيف يضحك بروحه .....انا شو علي...........
امه: لا حبيبتي اتغشمر معاج بس
شموو التزمت السكوت باجي الطريق......ما فيها على خالتها الا تفسر كل شي على كيفها
كنت انوي ان احفر اسمك على قلبي
ولكنني خشيت ان تزعجك دقات قلبي
منقول
في بيت مها ........ مها و فهد قعدوا بروحهم بميلس الحريم .................و الشباب في الميلس
الخارجي...اما الحريم في الصاله
فهد يتقرب من مها الا يالسه بعد كرسيين منه و ويمسك ايدها و يبوسها برقه........... مها
ارتبكت و ارتفعت درجة حرارتها و صارة حمره..........اما فهد ما شل عينه من عيونها حس
بارتباكها .... و هو من قوة ضربات قلبه حس بقلبه يطلع برع....
قال بهمس : تسمعين ضربات قلبي
مها لسانها مربوط من كثر الربكه ما ردت غير بهزة راسها ب لا........و داخلها تقول و انا دقات
قلبي اقوي.....
فهد يبتسم : اخيرا صرتي من نصيبي .....
تقرب اكثر منها .... لامس فخضها بفخضه و هي متيبسه ما تروم تتحرك....حط ايده حولين
كتوفها و تقرب زياده.....صار ويه بويها .......... ما قدر يقاوم المشاعر الا حس فيها .... باسها
على خدها ..............مها نقزت و سحبت عمرها منه ......
فهد: مها تعالي هني
مها: ما ابي ........... يالله سير تعشى
فهد يبتسم : شو تطرديني .................... بتعشى معاج
مها: فهد الله يخليك روح قبل حمد ييي.............. والله استحي من تعليقاته دفشه
فهد: ههههههههههههههههه علشان تحسين فيني و انا مع شموو و احمد.............. تعالي و
مد ايده الا مسكتها بتردد
مها : بس لا تقرب وايد
فهد: سحبها بقوة و طاحت في حضنه ............. و وقف الوقت عينه بعيونها و غاصوا بعالم ثاني
وكل واحد منهم يحاول يعيش اللحظه و يتعرف على هذي المشاعر القويه
فهد بهمس: و الله انج ملاك
و دق الباب ..... مها نقزت و تبي تبتعد بس فهد ما عطاها فرصه خلها تيلس قريب منه
مره.........
مها : تفضل
شموو و هي تدخل راسها من الباب و محطيه ايدها على عيونها.: افتح عيوني و الا انتوا بوضح
محرج
فهد ضحك: لا افتحي يالماصخه
شموو شهقت : شو هذا ليش لازق فيها يالله قوم عنها ما تستحي
مها ميته من الاحراج على تعليق شموو و اكيد مي واقفه ورا الباب تسمع منو بيفكني منها.....
فهد: اونج عاد تستحين
شموو تتخصر : ليش شو قالولك عني ها ..... صبر غير ما اعلمهم
مها: شموو عن المصاخه
شموو: هههههههههههههههه اخيرا تكلمة الملكه............ ليش محمره .... شو كنتوا تسون
فهد ضحك و مها قامت تبي تضربها ... شموو انحاشت لبرع الغرفه
شموو : بس كلمه ........... المعرس مطلوب برع لعشا
فهد و هو يقوم من مكانه ...يبي يطلع ..... : اشوفج بعدين حبيبي
شموو فتحت عيونها : انت ما تستحي ............ بس ما تنلام .......... من اول ما خذ عليها
تعاملها كانها ملكك
فهد يدز شموو: اشوف فيج يوم يا شموو .......... سوي لي درب بسرعه
شموو : انزين ............ هي تحاول تشرد عن مها .... راحت قعدت عند خالتها و امها و تسمع
خالتها تخبرهم عن سالفة وليد بالسياره......و تعق تنغيزات
شموو تساسر مي : و انا اقول طالعه لمنو .... لخالتي العزيزه
مي : ههههههههههههههه و الا سويته من شوي مع مها و الله لتذبحج
شموو : سكتي ..... وينها في
مي : ما اعرف .... اكيد تاخذ نفسها .... و الله اخوج طلع مو سهل
شموو: طبيعي اخوي ..............
تسمع خالتها تقول: حمستوني ابي وليد يملج بعد ..........
غمضتني خالتي وايد ...... هي تبيني و ولدها عايفني .....كتبت مسج لوليد ...........
.................................................. .......................
فهد و داخل عليهم : السلام عليكم
حمد: هلا بالمعرس ما بغيت تطلع ..... كنت بي و اسحبك بس الله هداه الوالد ما طاع
فهد يضحك: هههههههههههه الحمد الله ان عمي حاس فيني
ابو حمد: تفضل اقرب
فهد: تسلم يا عمي .... و يلس بالقرب من عمه و ابوه علشان ينحاش من تعليقات حمد و احمد
و وليد........
وليد حابس ضحكته عارف فهد قاصد يقعد بعيد عنهم : و الله مسوين له رعب انتوا الاثنين
احمد: و ين يعني بشرد ..... بمسكه بالبيت
وليد: اعوذ بالله منك ........................وصله مسج .... ابتعد شوي يقراه يمكن من نوره..........
(خالتي ما قصرت حكت السالفه للحريم و قالت انها شاكه اني
مدغدغتنك ........ تزهب ياي دورنا شكلهم بزوجونا غصب من ورا حنت خالووو)
ابتسم هذي شموو الا اعرفها طبيعيه و الا في خاطرها على لسانها ....... ان شاء الله دوم
حمد: ليش تضحك
وليد : يالله على الفضول
احمد: عيل نحن يالسين معاك و قاعد تتبسم بروحك صدق ما تستحي
وليد: شكلي بسير عند فهد ابرك لي
احمد: لا خلك هو بمل و بيي عندنا
و ينتهي جزء قصير من يوم طويل و ممتع لأبطالنا
الجزء الواحد و العشرين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك