رواية تدري وش اللي يقلب فيني أوجاعي -18
رائد : وقولي لاختك نوووف بسرعه تخلص والله لو تتأخر بمشي ولا راح انتظركم
ساره بأستغراب : طيب ليه معصب
رائد : مومعصب
ساره : لاواضح مو معصب اخلص ليه معصب
رائد : ابوي عطاني محاظره عرض السموات والارض
ساره : ليييه
رائد : عشاني طلعت شوق يقول ماعليك منها زوجها الي يطلعها بلاه مايدري هي ماتطلع معه او بالاحرى ماتبي تطلع معه ابببد
ساره : لالا ابوي زودها حرام عليه هذي بنته
رائد : مدري عنه وعكر مزاجي والله كل شئ ولا شووق عاد اشوفها طفشانه وماتطلع واسكت والله لا وماعلي منه وهالزفته نووف دواها عندي بشرشحها بالسياره لما اوديكم ماتمسك لسانها اببد
ساره : هههههههههههههههه يالله بروح اخبرها عن الطلعه
رائد : وقولي لها ياويل لو تتأخر
ساره : طيب
في امريكا
يوم عن يوم المشاكل بين منال وعبدالعزيز تكبر ويوم عن يوم عبدالعزيز يتعلق برشا ورشا تتعلق به ويوم عن يوم عبدالعزيز يكره منال
منال بصراخ : اسمعني ياعبدالعزيز ماعدت اتحمل منك اي كلمه
عبدالعزيز بصراخ اقوى من صراخ منال الي فيه نعومه : وانا ماعدت اتحمل كل ماشوفك احس تحوم كبدي
منال : وانا بعد اول ماشوفك يجيني هالشئ واحس بكبدي تحوم لمجرد اني اشوفك ولمجرد ذكر اسمك
عبدالعزيز طبع كف قوي على خدها : اصصص لسانك طويل ويبي له قصص
منال بعصبيه والشرار يلمع بعينها : لانك انت حقيييييييييييييييير طلقني ياعبدالعزيز طلقني ماعدت اطيقك اكررهك
عبدالعزيز : انتي طاااااااااااالق طالق طااالق
منال قالت الكلمات بلحظة غضب ماتوقعته بيقولها بجد
راحت لغرفتها وفتحت دولابها وطلعت اغراضها كلهم بالشنطه
عبدالعزيز دخل عليها وشافها تشيل اغراضها : على وين ان شاء الله
منال التفتت له وبعصبيه واضحه : مو طلقتني ماعدت على ذمتك برجع للشرقيه لاهلي وناسي
عبدالعزيز : ومين بيرجعك
منال ابتسمت بسخريه : تحسب محتاجه لك انا عندي اخوي وابوي سندي الله لايحرمني منهم ولا تحسب اني محتاجه لك ولا اهلي زوجوني ونسوني
عبدالعزيز : روحي ابركها من ساعه وابي اشوف كيف تقدرين تتصرفين يامنال ياللي سندك ابوك واخوك
منال سحبت جوالها واتصلت على بيت اهلها قدام عبدالعزيز وهو ضامن مستحيل تعرف تتصرف بأمريكا ولحالها
منال : الوو
سامي : هلا منوول
منال : سامو حبيبي كيفك
سامي : هممم الحمدلله وانتي
منال عشان تقهر سامي : انا بخير وخاصتاً الحين احس اني حره بحياتي وماعاد يتحكم فيني
عبدالعزيز هالكلمات اشعلت نار فيه وده يقول ويضرب منال لكن مسك نفسه عشان ماتقول منقهر
سامي : دووم ان شاء الله احسك مبسوطه
منال : مبسوطه وبس الا طايره من الفرحه اقوول سامو
سامي : هلالا
منال : همممممم انا ابي ارجع الشرقيه وابيك ترجعني انت
سامي : وزوجك
منال : ههههههههههههههههههههههه زوجي قوول طليقي
عبدالعزيز مايدري وش الي صابه كذا فجأه يحس انه متضايقه يوم قالت "زوجي قول طليقي"
سامي بأستغراب : شنووو منال وش تقولين
منال : سامي انا تطلقة ماعاد عبدالعزيز زوجي
سامي : كيف وشلون وليه
منال : كيف وشلون ليه لما ارجع الشرقيه اقولها لك بس الحين الي طالبته منك انك تجيني وترجعني للشرقيه
سامي : طيب طيب بششوف اقرب طياره اجيك فيها
منال : طيب
في الشرقيه في بيت ابوبدر
ابوبدر : الا وين بدر وزوجته شوق ليه مايزورونا
ام بدر : والله مدري عنهم
دانه : وزوجته وش هالقلة الادب ماتسلم على اهله
ام بدر : اعذريها دانه توها صغيره بأول سنه بالجامعه مدري ثاني سنه تستحي
دانه : اييه ماشاء الله انا ماحبيتها
ابوبدر : وليه ماتحبينها
دانه : مدري ما أستسقتها
راكان : وهي طالبه بس تستسيقينها
دانه : والله ماحبيتها بجد
راكان : وليه ان شاء الله
دانه : مدري لارحت لهم ماتسلم عليه وتدخل غرفتها ولاشفتني ترمي علي كلام مدري شلون كذا
ام بدر بأهتمام : كيف تدخل غرفتها يعني من حركتها ماتبيك تزورينها
دانه : ايه يمه حركتها واضحه ومره قال لها بدر اطلعي من الغرفه قامت ترمي كلام اففف مدري ملسونه
ام بدر : يعني عيشتها مع بدر موحلوه تحسين بدر مومبسوط مها
دانه : والله يايمه مره شفتها تتكلم مع بدر بنفس خايسه بس ماحكم علي عيشتهم موحلوه
ام بدر : يعني كيف نفسها خايسه تحسين انها ماتشتهيه
دانه : يمكن يمه بس جمبي لانها ماتحبني مدري حتى انا ماحبيتها تبادلنا الشعور
ام بدر : لالا هذا ولدي بدر واذا مو عايش معها بسعاده لازم ينفصلون
ابوبدر : يا ام بدر وش هالكلام تبين تفشليننا مع ابوها ولمجرد انفصل شوق وبدر بيتنشر الاخبار ككون ابوها وانا تجار ومعروفين وشراكه
ام بدر : لا والله خايف على هالشئ وسعادة ولدك موهامتك
ابوبدر : ولدي بدر رجال واذا مو عايش معها بسعاده بيقول وماعليك منهم
راكان : يمه انتي تاخذين بكلام دانه ترى دانه اكيد زايده على كلامها بهارات
دانه : انطم ووجع وش ازيد بهارات
ام بدر : لالا انا بزورهم مره وحده اشوف كيف حياتهم واشوف بيتهم الجديد
دانه : جايه معك يممه
ام بدر : طيب بعد العشاء اووكي
دانه : اوكي
...................................
في المغرب
بدر : شوق اهلي بيجون
شوق بعصبيه : واااي اهلي بيجون اعتذر منهم قولهم بكره اي يوم بس مو اليوم
بدر : طيب عادي
شوق : لا ياسلام لخواتي واخواني معامله وضياقه واستقبال خاص ولاهلك استقبال وضيافه ومعامله خاصه فاهم
بدر : اهااا يعني لك وجهيين
شوق : قول الي تقول وجهيين وجه واحد اهلك مايجون اليوم
بدر : والي يقولك اهلي بيجون اليوم
شوق : انا بروح بيت اهلي وخل اهلك يجون يشوفونك انت وانا ماراح اجلس هنا لو اهلك بيجون هنا
بدر : اذا انتي ماتحبيني وتكرهيني لاتكرهين اهلي ترى اهم مالهم ذنب فاهمه
شوق : بدر قول لاهلك ان شوق مشغوله بتنظيف البيت الجديد اليوم وبكره بيجون
بدر تأفف : طيب
جلست شوق على الكنب وهي مبسوطه لان مشت رأيها على بدر ووافق وتحتري ساره ونوف ورائد ومشتاقه لهم
..
بدر ماسك السماعه ويكلم امه : الو يمه
ام بدر : هلا بولدي بدر اشتقتلك
بدر : وانا مشتاق لك يالغاليه شخبارك
ام بدر : الحمدلله وانت وش مسوي بعش الزوجيه
بدر : والله الحمدلله بخير وعايش بسعاده ( قال هالكلام عشان خايف ان دانه قالت لامه عن شوق والي تسويه ويبي بهالكلام يحسس امه انه مبسوط وهو ماذاق طعم السعاده )
ام بدر : دوم ان شاء الله هاه ان شاء الله استعديتوا لنا بعد العشاء
بدر : والله يايمه مدري وش اقولك بس يالغاليه والله شوق مشغوله والبيت كبير وتعرفين مافي خدامه وثلاث ادوار البيت وتعبت فما تقدر تستضيف احد لان للحين ماخلصت الدور الثاني حتى توها مخلصه الاول
ام بدر : لا عادي خلاص يوم ثاني نزوركم
بدر : بكره ان شاء الله تعالوا
ام بدر : خلاص بكره نزوركم انا ودانه وراكان وابوك
بدر : حياكم الله العين اوسع لكم من البيت
ام بدر : تسلم والله مع السلامه
بدر : مع السلامه
راح لشوق وبعصبيه قال : كذا ارتحتي اعتذرت من اهلي وفشلتيني معهم
شوق : لا فشيله ولا شئ وحده ماتبي تستقبلهم غصب يعني وزين خليتها بكره يعني ترضى استقبل اهلك بنفس خايسه
بدر : مو انتي دوم نفسك خايسه
شوق : افف اسكت بسسس
بدر : شووق انا زوجك واحترميني
شوق ببتسامه سخريه : اذا احترمت رقبتي وطلقتني بذاك الوقت بحترمك
بدر عصب وراح فوق غرفته ويوم عن يوم صبره ينفذ من شوق حبيبته والي ملكت قلبه وكل شئ فيه ملكته
................................
في السياره
كان رائد يسوق وقدام ساره وورا نوف مرت قدامهم شاحنه كبيره وانوارها خلت رائد يسكر عيونه
ساره هزته : رااااااااااااااااااااااااااااااائد فتح عيونك لاتصدمنا
رائد فتح عيونه كان بيتدارك الموقف وكان بيلف لكن الشاحنه من كبرها لف نصها والنص الباقي كله جت على سياره رائد صدمه قويه خلت السياره تتشقلب
تجمعوا الناس على ساره ونوف ورائد الي من يشوفهم يعطيهم ماتوا دقايق وجات الاسعاف
وانقلوهم للمستشفى وكل واحد لغرفة العمليات
.......
في بيت ابوفيصل
رن التلفون : ترررن ترررررن تررررررن
ابوفيصل رفع السماعه : الوو
: هذا بيت صالح محمد الـ..............
ابوفيصل : ايه
: عيالك نوف وساره ورائد صالح محمد الـ........... صاير لهم حادث قوي وهم بمستشف سعد التخصصي
ابوفيصل بخوف : بالمستشفى
سكروا المستشفى وابوفيصل وقف وبخوف لبس عبايته وركب سيارته وتوجهه للمستشفى ووصل وراح لغرفة الدكتور
ابوفيصل : دكتوور انا ابو نوف وساره ورائد عيالي شفيهم كيفهم بخير ولا مو بخير
الدكتور : للاسف والله مدري وش اقولك يا اخ صالح
ابوفيصل : قول يادكتور تكلم
الدكتور : حياتهم بخطر صدمتهم شاحنه وقلبت السياره وكلهم بالعنايه المركزه سوينا العمليه وللاسف للحين ماصحوا
ابوفيصل نزلت دموعه : عيالي موبخير
الدكتور : للاسف اقولك هم بمرحلة الخطر والمرتبه الاولى
ابوفيصل : وينهم ابي اشوفهم
الدكتور : ممنوعه الزياره عنهم
ابوفيصل بعصبيه : هذيلي عيالي وابي اشوفهم مو انت تمنعني عنهم
الدكتور : يا اخ صالح هد الحين وبلاها صراخ عيالك ممنوعه عنهم الزياره
ابوفيصل : بشوف عيالي يعني بشوفهم اذا انت ماتعرف انا مين انا صالح ولد محمد الـ...... الي اسواك واسوى اهلن جابوك خلني اشوف عيالي بالطيب ولا اسوي شئ مايسرك
الدكتور : تفضل قدامي
راح ابوفيصل وقدامه الدكتور وشاف عياله كل واحد حالته اخطر من الثانيه
دخل غرفة نوف دلوعته وحبيبته واعز عياله
شاف حالتها خطيره والدم ينزف : نووووووووووووووف
جلس يبكي وارتمي بحضنها
ابوفيصل : لاتتركيني يانوف انا ابوك احبك واعزك
تم نصف ساعتها بغرفتها وسحبوه الدكاتره لبرا ودخل غرفة ساره وبعدها رائد
جلس على الكراسي وهو يبكي على عياله ثلاثه يروحون وبيوم واحد مستحيل
رن جواله كانت ام فيصل
ام فيصل : الوو صالح
ابوفيصل وصوته مبحوح : نعم
ام فيصل بخوف : عسى ماشر وشفيك
ابوفيصل : مافيني شئ
ام فيصل : اجل وشفيه صوتك
ابوفيصل استسلم يقول لمرته : نوف ورائد وساره صار لهم حادث صدموا بشاحنه وتقلبت السياره والحين هم سووا لهم عمليه كلهم وكلهم بالعنايه المركزه وكل واحد حالته اخطر من الثانيه
ام فيصل اول شئ انصدمت وبعدها انهارت من البكاء ونزلت دموعها ورمت السماعه بالارض وجلست بالارض ودفنت وجهها بحضنها
ابوفيصل : الووووووووو .............ام فيصل الوووووووووووو ............ الووووووووووووووووو
سمع شهقاتها وبكاءها وعرف انها رمت السماعه واتصل على فيصل وخبره بالسالفه وقاله يروح لامه
.........................
في بيت ابوفارس
شهد ولجين كانوا جالسين وطفشانين فارس تغير وماعاد يطلعهم
ام فارس : وين فارس
لجين : بغرفته بعد وين
ام فارس : هالفارس متغير مدري وش جرى له
شهد : يايمه السالفه واضحه مثل وضوح الشمس فارس من اول مارفضته شوق وتزوجة وهو متغير
ام فارس ولجين بأهتمام : كيف
شهد : يعني فارس يحب شوق ويبيها
لجين : وانا أأي شهد واحس بكلامها نوع من الصحه
ام فارس : انتي وش تقولين
شهد : يايمه ياحبيبتي فارس كان طبيعي ومرح ومن اول ماعرف بخطوبة شوق من بدر شفتي كيف تلخبط وتقدم لها وكانت ظرفونا ماتسمح انه يتقدم لها بس هو مايبي شوق تكون لغيره ورفضته واخذت بدر ومن بعدها تغير
ام فارس سكتت ومصدقه كلامها وبنفس الوقت تحس مومصدقتها
لجين : يممه كلام شهد انا اقول صح انتي لازم تكلمينه وتخلينه ينزل كله فوق فوق فووق
ام فارس وقفت : بروح اكلمه واشوف
راحت لغرفة فارس وضربت الباب شافتها ظلام دخلت وجلست على السرير
فارس : نعم خير وشتبين
ام فارس بأستغراب : فارس وش هالاسلوب حتى لو انك متضايق وكذا انا امك
فارس : انا اسف يمه بس مالي خلق اكلم احد وابي اجلس لحالي
ام فارس : فارس انت تحب شوق
هالسؤال مثل الماء البارد الي انكب على فارس
فارس : يمه وش هالكلام اي حب وماحب (فارس بهالكلام زرع جرح بقلبه جديد غير الجروح )
ام فارس : فارس انت ولدي وتربية يدي وفاهمتك زين
فارس : يمه حتى لو كنت احب شوق شوق ماعادت لي صارت لغيري
ام فارس : يعني تحبها
فارس استسلم لامه : احبها وبسس يايمه انا عاشقها وميت فيها
ام فارس ربتت على كتفه بحنيه : وليه ساكت كان حجزتها لك
فارس : يمه صار الي صار وشوق صارت لغيري ومستحيل تكون لي
ام فارس : الله يوفقك ياولدي مع غيرها
فارس : مع غيرها ههههههههههههههههههههههههههههه احلمي يايمه اتزوج غيرها
ام فارس : فارس انت ولدي الوحيد وابي اشوف عيالك وشوق راحة بنصيبها وتزوجة وانت بتجلس كذا عازب طول العمر وانا الي اتمنى اشوف احفادي اشوف عيال ولدي الوحيد
فارس : يمه عيال من غير شوق مابيهم (وبصراخ) مابيهم
ام فارس : ياولدي يافارس
فارس : يممه لاتخليني اندم اني خبرتك واطلعي برا وسكري الانوار وراك
ام فارس : ليه اسكر الانوار
فارس : هههههههههههههه لان الدنيا من بعد شوق ماعادت نوور وسعاده ظلام في ظلام وانا بعيش بظلام وبستسلم للدنيا الي راح تنقلب لحزن وظلام ومستحيل اذوق طعم السعاده من بعد شوي
ام فارس نزلت دمعه على حال ولدها وكلامه : لهالدرجه تحبها
فارس : يممه وش قلت لك انا مو بس احبها انا ميت فيها وميت بهواها والارض الي تمشي عليها
ام فارس : انا بطلع تبي شئ
فارس : مابي شئ من بعد شوق وسكري الانوار لاتنسين
ام فارس : طيب الي تبيه بيصير
طلعت ام فارس وجلست تحت وخبرت عيالها شهد ولجين باللي في فارس وحزنوا على حاله
...............................
عبدالله : رنوووده
ريناد : نعممم
عبدالله : شرايك حبيبتي انتي وعروستك تنزلين تحت نتعشى
ريناد : طيب
عبدالله فرح لتحسن حالة ريناد لكن كلامها قليل نزل معها وجلسوا على الطاوله
ام عبدالله : وش جاب هالمجنونه
عبدالله : يمه اسكتي ماصدقت انها نزلت معي نتعشى
ام عبدالله : عبدالله اكل مع هالمجنونه مابي
ريناد بغباء : شتقولون عروستي ماتحب الازعاج
ام عبدالله بصراخ وعصبيه : انتي سبب الازعاج والله قومي من الطاوله يالمجنونه (وبصراخ) يالمجنونه
هالكلمه عصبت بريناد وقامت تصارخ : انا مو مجنووووووووووووووووووووونه مو مجنوووووووووووووووووووووووونه انتي المجنووووووووووووووونه يالمجنووووووووووووووونه
ام عبدالله : هيه هيه انتي لاتصارخين وعبدالله ودوا هالمجنونه بغرفتها
تهجمة ريناد على ام عبدالله بجنون وعبدالله وهديل راحوا يبعدون ريناد عن امهم الي يوم عن يوم تكره تصرفات ريناد
ودا عبدالله ريناد غرفتها وجلسها على السرير وعطاها مويه
عبدالله وهو حاط يده على كتفها : حبيبتي خلاص اهدي انتي عاقله مومجنونه ماعليك من امي طيب حبيبتي
ريناد بصوت ناعم يقطع القلب : انا مو مجنونه قول لهم انا مومجنونه انا عاقله
عبدالله هز راسه بنعم : ايه انت مومجنونه ماعليك منها اهي المجنونه
ابتسمت ريناد : قول لها انا مومجنونه
عبدالله : طيب حبيبتي بقولها شرايك ناكل فوق
ريناد : طيب بس عروستي معنا
عبدالله : طيب ان شاء الله على عيني
نزل عبدالله وشاف امه جالسه معصبه وهديل تهديها
ام عبدالله بصراخ : شوف هالمجنونه والله لو ماتطلعها من البيت اليوم والله اني انا بطلع
عبدالله : يمه انتي تتحرشين فيها ولا اهي هاديه
ام عبدالله : ايه ماشاء الله زوجتك الهدوء مقطعها
عبدالله : يمه اذا تحبيني وتعزيني ابتعدي عن ريناد طيب
ام عبدالله : خل مرتك تنقلع غرفتها ولا تنزل ولا اكلمها ولا تكلمني
عبدالله : بعد الي صار اليوم مستحيل انزلها
هديل : عبدالله ابي اكلمك بموضوع خاص
ام عبدالله : وش هالموضوع الخاص الي ماتبين اعرفه
هديل : يمه انتي فيك هواش بكلم عبدالله
ام عبدالله العصبيه والشرار يلمع بعينها اما هديل راحت مع اخوها عبدالله في المطبخ وعبدالله يكلمها وهو يجهز الاكل لريناد
هديل وهي جالسه على الطاوله الي بالمطبخ : اممممم مدري وش اقولك
عبدالله : شنو بتقولين
هديل : انا اقول لو تطلع مع متك بشقه لحالكم احسن
عبدالله : ليه
هديل : لان ريناد تتحسن حالتها يوم عن يوم وامي يوم عن يوم ترمي عليها كلمه
عبدالله : هالشئ صحيح بسس
هديل : لا بس ولا شئ صاحبتي اخوها عنده شقق توه بانيهم واكلمها عنك ويمكن ترخص
عبدالله : لا هديل
هديل : اذا تحب مرتك اطلع معها
عبدالله : شورك وهداية الله كلمي صاحبتك وشوفي
هديل : طيب انا ضامنه الشقق لان تقول توه مخلصهم ويبي ناس تسكن فيهم
عبدالله : خلالاص كلميهم وشوفي كم السعر وكذا
............................
في بيت ام فيصل
فيصل : يمممه يمممممممممممه
ام فيصل وهي تضرب نفسها : آآآآه على عيالي آآآآآآآآآآآآآآآآه
ملاك ودموعها نزلت على حال عمتها : عمتي عمتي تكفين اهدي هذا شئ مقدر ومكتوب وكوني صبوره
ام فيصل : اصبر وين الصبر ياملاك وينه وعيالي ثلاثه بيروحون بيوم واحد
فيصل : يممه وش هالكلام لهم طولة العمر
ام فيصل : آآآآآآآآآآآآآآه على عيالي آآآآه
ملاك : عمتي قومي تبين تروحين المستشفى ولا هنا
ام فيصل : اجلس هنا وعيال بين الحيا والموت بالمستشفى مستحيل
فيصل : طيب يالله قومي اوديك
وقفوا ملاك وام فيصل وركبوا السياره وتوجهوا للمستشفى ونزلوا شافوا ابوفيصل جالس ومبين عليه الضيق
ام فيصل بخوف : صالح شخبارهم
ابوفيصل : بالعنايه المركزه حالتهم خطره
ام فيصل بكت وصرخت : آآآآآآآآآآآه ياعيالي
ملاك : عمتي هدي خلاص اجلس ارتاحي مافيهم الا الخير ان شاء الله
جلست ام فيصل بالكراسي واما ملاك رن جوالها وراحت عنهم
ملاك : الووو
نايف : هلا ملووكه
ملاك بضيق وضح بصوتها : هلا نايف
نايف بخوف : وشفيييك ملاك متضايقه عسى ماشر
ملاك : ماشر يانايف بسس عيال عمتي صاير لهم حادث وكلهم بالعنايه المركزه
نايف بخوف : اي عيال عمه
ملاك : في غيرهم عيال عمتي ام فيصل
نايف بدى الخوف يوضح بصوته : مين
ملاك : نوف وساره ورائد
نايف ماء بارد منكب عليه :( نوف حبيبته في العنايه المركزه )
ملاك : نايف
نايف : هلا
ملاك : انا بسكر
نايف : لحظه ملاك شخبارهم
ملاك : كل واحد حالته اخطر وبالعنايه المركزه صادمين بشاحنه
نايف : بأي مستشفى
ملاك : سعد التخصصي
نايف : دقايق وانا عندكم
ملاك : لالا نايف مالاداعي وجودك ماراح يسوي شئ
نايف : انتي تعرفين قد ايش انا خايف وتعرفين على مين خايف على نوف ياملاك على نوف
ملاك : نايف لاتتعب نفسك اجلس بالبيت واول مايصير شئ بقولك
نايف : لا ملاك بجي اي دور انتوا
ملاك : الله يهديك الدور الاول
نايف : باي
سكر نايف من ملاك وعلى طول طلع وكان الحركه اسرع ككونه لابس جينز وتيشرت وكان جذاب فيهم وحلو وسبورت
ركب سيارته واتجه للمستشفى ووصل ونزل وقام يبحث بأنظاره عن ملاك اخته وعمته وزوجها وبعد بحث طويل شافهم واتجه لهم
نايف : ملاك
ملاك التفتت لنايف والضيق يلمع بعينها : نايف جيت
نايف : شخبارهم
ملاك : ماتغير شئ بالعنايه المركزه
جاهم الصوت الدكتور من ورا : وجودكم هنا ماراح يغير شئ ولا ينفع ارجعوا البيت وارتاحوا احسن لكم واول مايصير شئ بيكون عندكم الخبر وبكره تعالوا
ام فيصل : اترك عالي مسستحيل
الدكتور : ماقلت شئ لاتتركينهم بس وجودكم هنا كلكم ماعاد ينفع
ام فيصل : استغفر الله
فيصل : جد يمه خلونا نرجع البيت وجودنا ماعاد ينفع
ام فيصل : مستحيل ارجع البيت وعيالي بالمستشفى تبوني ارجع البيت (لحظه بكاء طويله)............................................ ...................... انام واتعشى لحالي وملح البيت موموجدين ثلاثتهم راحوا وبيوم واحد يـآآآهي صعبه
فيصل : يبه تكلم قول شئ خلها ترجع معنا وجودنا كلنا ماعاد ينفع
ابوفيصل : يام فيصل ارجعي البيت مع ولدك وانا وراكم وجودنا هنا ماينفع
ام فيصل : خلوني ماعليكم مني بجلس مع عيالي
ملاك : عمتي الله يهديك خلينا نرجع البيت
استسلمت ام فيصل لهم ورجعوا البيت
....................
اما شوق يا رايحه ياجايه تحتري اهلها رفعت الجوال واتصلت لبيت اهلها مايردون تتصل على اخوانها هم مايردون قررت تتصل على امها لكن امها جوالها مقفل اتصلت على ابوها مع انها حاقده عليه من بعد السالفه لكن تبي تسأله عنهم
شوق : الوو
ابوفيصل : نعم مين
شوق : انا يبه يبه رائد ونوف وساره ماجاوا بيتي
ابوفيصل انهارت دموعه لمجرد ذكر اسمائهم :............................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك