رواية يوميات حبي و حبه -18
بصوت عالي شوي .......سمعتها مها و لمتها و تحاول تهديها
مها: شو سوى السبال و الله لأرويه
شموو تهز راسها بصمت ما تبي ترمس تسمع صدى كلامه باذونها ......كرهتيني بحياتي ........
شموو: قال اني ...........ما قدرت تنطق.....................دارت للشباك و تمت تطالع برع ...........
مها عارفه ربيعتها انها تحاول تصارع دموعها......خلتها على راحتها وسارت لوليد ......اذا شموو
ما تعرف توقفه عند حده انا اقدر ..........دخلت المكتب من غير ما تهتم منو موجود .....وضربت
ايدها على مكتب وليد بقوه.......................
شو ممكن يصير بين شمووو و وليد؟؟؟؟؟؟؟؟؟؟؟؟
الجزء التاسع عشر
لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك.
منقول
مها عارفه ربيعتها انها تحاول تصارع دموعها......خلتها على راحتها وسارت لوليد ......اذا شموو
ما تعرف توقفه عند حده انا اقدر ..........دخلت المكتب من غير ما تهتم منو موجود .....وضربت
ايدها على مكتب وليد بقوه
مها: و انت بعدين معاك ..... لمتى تضن انها راح تستحمل اذيتك
وليد تفاجأ من وجودها تساند لورا و قال: نعم شو في
مها : وليد لا تستهبل ......اذا شموو ساكته لك انا ما راح اسكت .....انت فاهم
وليد: هذا شي خاص بينا
مها توقف بثقه و تقول: و انا فتانه مو انت بس
وليد: شو قصدج
مها: اذا انت و فهد عايبنكم الوضع و الضحيه شموو ........لا ......ما راح اسمح لكم ........ انت
فاهم
وليد: و انت موكلتنج محاميه عنها
مها: لا لأنها تعرف تاخذ حقها بايدها و انت عارف هذا الشي........ بس احب انذرك......لا تجرح
فيها ....و الا و الله لا تهمني انت و لا فهد و لا شموو اطلع لعمي بروحي واعلمه بكل
شي ......... انت احمد ربك انها راضيه فيك و الا هي الف من يتمناها.............
وليد: مها روحي مكتبج احسن لج عن اغلط عليج
مها تتكتف : ما تقدر ....... بروح و باخذها معاي .......ولفت تبي تطلع .......انا ما اعرف شو قلتها
بس لو تشوف حالتها تغمض ......انت تخيل انسان غزيز عليك و يجرحك بالروحه و الرده شو
يكون شعورك.
طلعت بسرعه مثل ما دخلت لفت بنظرها تدور عليها شافتها مكان ما تركتها واقفه تتامل
الشوارع
حطت ايدها على ذراعها شموو انتبهت لها و تمت تطالعها بنظرات تايه ... هي تعرف شموو اذا
ما تكلمت ما راح ترتاح ......حاولت تخليها تتكلم او تفرج عن عمرها
مها: شموو حبيبتي ....تعالي نروح مكتبي
شموو تتنهد: قال انه بفرني من هني علشان يفتك مني .............مها ليش يعاملني
جي .....ما قادره استوعب الا قاله و الله شفت الكره في عيونه ......................اذا علاقتي فيه
بتتحول الى كره بلاها هذي الخطبه....و خل ياخذ الا يبيها........
مها: قلعته هو الخسران ........تعالي معاي يالله
وليد يحاول يستوعب الا استوى انا عصبت على شموو و قلتها كلمتين تسم البدن و مها يت
تهدد و تتوعد فيني ... و يتذكر الا قالته بالحرف ....... .......انا ما اعرف
شو قلتها بس لو تشوف حالتها تغمض ......انت تخيل انسان غزيز عليك و يجرحك بالروحه و
الرده شو يكون شعورك...........ممكن تكون شموو تاثرت بالكلام الا قلته ....انا دوم
افر عليها كلام مثل هذا .....وتي و لا كأني قلتها شي ليش الحين .....لاني قلتها من خاطري و
اكيد شافت صدق كلامي من عيوني......و هذي مها الخبله داخله تضارب من غير ما تشوف اذا
احد موجود معاي و الا لا...الحمد الله ان فيصل طلع قبل وصولها بدقيقه......
وليد: فكه منها خلها عند مها ارتاح من وجودها اليوم
.................................................. .....................
دخل فهد مكتب مها وهو يسمعها تتكلم مع احد ...تفاجأ لما شاف شموو موجوده عندها
فهد: انت شو تسوين هني
شموو: تعبانه قلت ارتاح عند مها
مها: انا خبرت وليد
فهد يدقق النظر بشموو: شو فيج
مها ترد بسرعه: فهد ممكن ترحم شموو و تنقلها من عند وليد
فهد استغرب من هذا الطلب: ليش شو صاير
مها: يخي واقف عليها على الوحده و يحاسبها على كل شي ....غير الكلام الا يسم البدن
شموو: مها بس لا تبالغين
مها طنشتها : فهد عشان خاطري ......شوفها كيف ضعفت و ذبلت و السبه وليدوووو
فهد: ما باجي لها الا اسبوع ونص
مها: انزين انقلها عندي ....في شغل وايد ما اروم له بروحي .......او رجعني عندها انا ادافع
عنها
فهد يضحك: شموو ما تحتاج احد يدافع عنها بروحها لسانها اطول عنها
مها: الا مع وليد..........ما ادري شو مسوي فيها
فهد يطالع مها الا تكلمه بحماس و كأنها ناسيه ان امس كانت خطوبتنا: الا مبروك الخطوبه
مها استحت و حمرت و نزلت راسها .......
شموو: هههههههههههههههههههههههههههههههههههههههه كنت ذكرتها اول ما دخلت بدل
المحاضره الا القتها لك قبل شوي
فهد و عيونه عليها: ما رديتي علي
مها بهمس: الله يبارك فيك
شموو: وين راح لسانج ها
مها تدزها سكتي
فهد: الحين شو السالفه
شموو: ما في شي
مها تطالعها بعصبيه: هذي الا بتجلطني...........كل هذا و ما في شي
ضحكوا عليها فهد و شموو
.................................................. .........
وليد نطر ساعه ساعتين ليش ما ردت لما الحين يعني ما عندها شغل تسويه ..... و الله انها
دلوعه ..... و الا يمكن تبيني اعتذر لها ........... و الله لتحلم...........و تم يتوعد فيها ......بس
بالاخير ما قدر يقعد و ضميره يأنبه على كل كلمه قالها لها ..هي شو ذنبها انا حطيتها بهذا
الموقف ليش اعاتبها هي.......
دخل وليد المكتب على ضحكهم : ان شاء الله دوم
التفتوا له الا في المكتب ......مها و شموو استغربوا وجود وليد
وليد: يت اشوف شو عندها شموو ما يت لين الحين
فهد: اها .. يالله خذها و هوينا........ اول مره اشوف رئيس يدور على موظف
وليد: شو اسوي لما هي زعلانه و دلوعه ما تستحمل الكلمه
مها:/ ليش الا قلته شوي
وليد: مها الله يخليج انا احل الاشكال ...........
مها : يا ريت و الله ........و تطالع شموو الا ساكته و ما قالت شي ....نادتها............... شموو
قامت شموو من مكانها و هي تحاول الابتسام: اف يعني لازم تخرب على كنت مغلسه عليهم
شوي
وليد و مها عارفين انها تحاول تبين انها عادي و تخبي حزنها الا باين بعيونها بابتسامتها المزيفه...
فهد ما انتبه بالا قاعد يصير حوله : يالله فارقونا
طلعت شموو بسرعه قبل وليد و تقدمته بخطوات سريعه ....ما تبي تسمع اي شي
منه ....وليد يراقبها و يشوف سرعتها ....عارف انها ما تبي تسمعه ......احسن لأني ما عندي
شي اقوله .....خلها على راحتها .......قضت شموو الساعتين الباقيات ساكته ما تتكلم و لا ترد
على احد .......الكل لاحظ شرودها و هدوئها....حتى وليد كل دقيقه يرفع راسه يشوفها ..... ما
عارف ليش شاغل نفسه فيها ..... و ليش حاس بتانيب الضمير ....دوم لما يغايض فيها او
يقهرها ما تضيع حقها الا تنتقم و تاخذ حقها بايدها .....شو الا يخليها بهذا الهدوء.......اصرخي
اضحكي سولفي اي شي بس لا تسكتين حتى انفاسها ما اسمعها ..............
.................................................. .......................
اما مها حكت كل شي لفهد
مها: احس ان وليد مضغوط ويطلع حرته فيها هي .......انزين شموو شو يخصها
فهد: و الله ما توقعت يوصل الموضوع لهذي الدرجه
مها: تخيل هو يحب احد ثاني و شموو مفروضه عليه فرض...........شو تتوقع تكون
مشاعره .....الا الحقد و الغيض منها
فهد: مسكينه شموو و الله من فرحتي فيج نسيتها
مها تحمر: فهههههههههد
فهد: عيونه
مها: بس خلاص مار اح اكمل
فهد: خلاص كملي
مها: شل شموو من المكتب خذها اي مكان بعيده عنه يمكن يحس بقيمتها بعدين........
فهد: اقنعتيني ............كلها يومين و ادبر احد مكان مهند و احولها قسم ثاني..........لا تحلمين
ايبها هنيه
مها بخيبت امل: مو مشكله المهم بعدهم عن بعض..............لا تخبرهم انك عارف بالا صار اليوم
فهد: اكيد ...........عيدي مره ثانيه
مها مستغربه: شوو
فهد: اسمي
مها توترت و هي تشوفه يتقرب منها لدرجة تحس بانفاسه على ويها ....ابتعدت شوي و قالت
مستنكره: فهد
ضحك عليها و قال: هذا الاسبوع بسامحج ......بس من الاسبوع الياي بشوفين
مها و هي مستحيه منه: مو كان وراك لف للمكاتب
فهد يطالع ساعته: اف بسرعه مر الوقت ما اروم اروح برجع المكتب عندي شغل وايد.....
طلع و هو يبتسم اخيرا حس بالراحه و هو يشوف الدبله بايدها ...........الحمد الله انها صارت من
نصيبي.....ما يبي يفكر بموضوع وليد و شموو و لا يبي يتدخل ...هو عارف تصرفات شموو
زين ... و ما يلوم وليد ان عصب عليها ......بس هو لاحظ التنافر الا بينهم .......اذا من نصيبه راح
ياخذها غصب........
.................................................. .................
في السياره لاحظ هدوء شموو ما تكلمت و حتى السلام ما ردت........
شاف وليد ياشر عليه....وقف ينطره
فهد: هلا وليد
وليد و عينه على شموو:هلا ........ما مريت اليوم يعني
فهد يبتسم : نسيت
وليد: نسيت ها ...........المهم منو الا راح يكون بالاجتماع معاي ............
فهد: ما اعرف شوف احمد او فيصل
وليد: لا احمد خله باخذ فيصل........احمد يعرف يدير الشغل بدوني
هو ما يبي يخلي شموو معاه طول اليوم من غير وجوده...ما يثق بفيصل على الاقل احمد
واثق من اخلاقه
فهد: خلاص الا تشوفه.....
وليد ياشر على شموو: شو فيها
فهد يهز كتفه ما ادري فيها ..............دوم يا رب هدوء...........يالله بخليك .......
وليد وقف يتامل السياره ....انتبه لمها في ويه تطالعه بنظرات احتقار و سارت ........
وليد: الحمدالله و الشكر كاني ماكل حلالها...
سمعها تنادي احمد وقف يطالعهم
كلمت احمد و عيونها على وليد الا متاكده يسمع كل كلمه تنقال : احمد ... فيصل اليوم كلم
شموو عن نيته بخطوبة حصه.......
احمد تفاجأ ... ما توقع ان فيصل يسويها .... بعد فيصل خاطب
احمد : كيف هو خاطب
هزت كتفها : و الله ما اعرف ....... انا قلت اخبرك و انت عاد تصرف اذا تباها ....
و شموو رفضت تكلم حصووه لأنها عارفه بمشاعرك ...
مها تكلمت بجد علشان ما تعطي لوليد فرصه يفكر انها ممكن تتغشمر مع احمد مثل العاده ....
استأذنت و سارت سيارتها .....
البنات ناطيرها عند السياره .... مهووو شو عندج و يا الشباب
حصووو صدق منقهره منها : شو قلتي لأحمد
مها ضحكت عليها ... و هي تشوف الغيره بعيونها : باجر تعرفين
حصووو: مهووو و الله اكفخج الحين تقولين
رفعت مها ايدها لحصه تذكرها بانها مخطوبه
حصووو: و لو ..... ابي اعرف
مها : لا تحاولين ... هههههههههههههه
اما احمد تم يطالع وليد .... يبي يعبر عن الا يحس فيه بس مو قادر ... اول مره يحس بهذي
المشاعر ... حب و غيره ..... رغم الفتره قصيره .... بس يحس انه يحبها من زمان ....
قدر وليد يقرا مشاعر احمد المضطربه : هههههههههههههه ..... شو ....... تغار
احمد يطالعه بنظره : عيل عبالك بروحك تغار ........ وليد شو اسوي
يحط ايده على كتف احمد : سير اخطبها .... اذا تباها
احمد : و فيصل ...... يعني اقطع عليه
وهو يبتسم : شو اسوي اول مره احب ...... و هم على طول كشفوني ...ههههههه
وليد: كلم فيصل .... احس انه يلعب عليك ... يمكن يغايضك ..... يعني انت ما تعرفه....اكووو
يا ..... و نادى عليه بصوت عالي .... فيصل
فيصل من شاف ويه احمد نقع ضحك : شكل الاخبار وصلتك
احمد بنرفزه : شو قصدك
وليد: فيصل لا تخبل فيه خبره الصدق
فيصل يسوي روحه جد : و الله عيبتني و قلت اتقدم لها
احمد توتر ما عارف يرد ... اما وليد كشف فيصل ... انه يلعب بأعصابه ....
احمد: و خطيبتك
فيصل يحط ايده على شعره : اوه نسيت
تم يطالعه احمد بنظرات ... بعدها فيصل نقع ضحك ...... و لما شاف احمد شكله يبي يضربه
ركض ... و لحقه احمد للسياره ..: يكون بعلمك اليوم اروح اخطبها و افتك من لعبكم علي ...
على بالكم ياهل
ودعهم وليد و هو يضحك على خبال فيصل ..... دومه مقالب .....
اما شموو من سمعت صوت وليد يتكلم بكل هدوء انقهرت ولا كانه فار عليها كلمتين يلوعون
بالجبد....هي الا يالمها نظراته لها و كلها كره.....هي ما تبي يكرها ..........تخاف تاخذ القرار الا
يدور بعقلها الحين ما تبي تستعيل يمكن فهد ينقلني و تهدأ نفسيته شوي....و الحمد الله انه ما
راح يكون موجود باجر فكه منه........
فالبيت شموو عافت الاكل و الشرب و انعزلت في غرفتها تبي تصيح علشان يخف الالم الا
تحس فيه في قلبها ..حتى محاولات مها معاها فشلت .....كثر ما فرحت بالخطوبه كثر ما
كرهتها الحين .....لأنها بعدتها عن وليد شكلي لازم ارضي بنصيبي و ابتعد عنه .......بس و الله
ما اقدر .......هذا الرابط هو الا عطاني امل اني يوم من الايام راح يحس فيني و يحبني بس و
ين انا وين هو .............كانت تحاول تنام لما دقت عليها مها
شموو: هلا مهوو
مها: شموو بس عاد من متى انت بهذا الضعف
شموو: ما اقدر و الله ما اقدر و انا عارفه انها النهايه لاني مستحيل اخليه يتمادى اكثر من جي
مها: انزين ليش ما نزلتي تحت
شموو: اكيد راح يي و ما لي خلق اشوفه
مها: خلج قويه و نزلي تحت و رويه عضلاتج
شموو: هههههه شوي و تقولين كفخيه
مها: يا ريت............شموو انا اعرف زين انت الحين في هذي الحاله لأنج حايره بالقرار الا راح
تاخذينه
شموو: لا قررت ........بس صعب
مها: حبيبتي انت عارفه انه يحب احد ثاني .......... لو تحبيه خليه يشوف نصيبه ......
شموو بالم : هذا الا بصير ..........بس ما عندي القوه اني افسخ الدبله ....ما اقدر
مها: و الله عارفه .......انت فكري فيها زين و خذي وقتج لما تحسين ان الفكره صارت عاديه
بالنسبه لج ساعتها نفذي قرارج.............بس لا تسوين بروحج جي
شموو: ان شاء الله ..........يالله فارقي برقد............
تجاهلت دقات الا على الباب و غمضت عينها على طول
احمد: شموو رقدتي ....تو الناس بعدها ثمان.....شموو شموو...........فتح الباب شوي شوي
وشافها راقده طلع
فهد: ها وينها
احمد: راقده
امه: هي من يت مو عايبتني ....
فهد: ما فيها شي بس صداع ...........اكيد خذت لها دوا ورقدت
دخل وليد بهذي اللحظه : السلام عليكم..........منو مصدع
احمد يضحك: هههههههههههههه كانه حاس فيها
وليد: في منو
فهد وهو يبتسم: شموو مصدعه وراقده من وقت
وليد: اه........الا خاله متى تخطبين لأحمد ....... علشان ألعوز فيه مثل ما ملعوزني
احمد: العروس موجوده ...............اخت مها
فهد:هههههههههههههههههه و الله كنت حاس من يوم العزيمه
امه: بالبركه يمه ........ ناس زنين و بناتهم متربيات
احمد: و الا اخوها ..........اعوذ بالله منه شري ..........مثل شموو
وليد ما يعيبه انه يقارنون شمووو فيه .......يحس انه يكره
وليد: لا و انت الصادق الا مثلك
فهد: ههههههههههههههههههههههههه تستاهل مسوي عمره ملاك
و تموا يسلفون ..........تعشوا و راحت ام و ابوفهد لغرفهم و الشباب قرروا يكملون السهره في
البيت .............
الساعه 12 طلع احمد يشتري باسكن روبن ..........
وليد: فهود ابي ماي
فهد: كانك غريب يعني ما تدل المطبخ
وليد و هو يقوم : اييب لك معاي
فهد: لا تسلم
فتح وليد الثلاجه ..........خذ له بطل ماي و التفت يدور على كاسه .......بنفس الوقت الا نزلت
فيه شموو تدور على اكل ............
دخلت المطبخ و عيونها شبه مغمضه ....شافت واحد واقف معطنها ظهره بحذال
الثلاجه.......مسكته من ظهره و دفته علشان تقدر تفتح الثلاجه..............
شموو و هي غايصه داخل الثلاجه تدور على شي تاكله: هذي سونيلا ما ادري متى
تتعلم ......ستين مره خبرتها تحط ماي داخل غرفتي ما اروم انزل
وليد حس بتوتر و هي تمسكه من ظهره و تدفه عرفها على طول ......التفت يطالعها شافها
ببجامه ورديه فيها روز منثور و رافعه شعرها بشكل مهمل.......شكلها كيووووت ...ما قدر يرفع
عيونه من عليها ...
شموو: مايته يوع ..... احمد و فيصل الزفت لوعوا بجبودنا و يا وليدوو و طينها...........خذت لها
ماى و عصير و تفاحه ......سكرت الثلاجه بريلها و طلعت ......تلاقت مع فهد .........فهد استغرب
منها شو تسوي بالمطبخ و ليد داخل ..........
شموو: تصبح على خير
فهد ما رد دخل شاف وليد واقف مكانه و كاست الماي بعدها في ايده
فهد: وليد
وليد: هي دخلت المطبخ و ما رفعت راسها تشوف الا جدامها.........و هو
يضحك...........هههههههههههههه ....اكيد حسبتني واحد منكم
فهد: يا سلام و ليش انت ما طلعت
وليد يهز كتوفه: ما لحقت اتحرك دخلت بسرعه و طلعت..............
فهد: وليدوو و انا اقول شو عنده الاخ تاخر اتاريه ......
وليد: فهد و الله مو قصدي ....... تميت متيبس بمكاني و لا تحركت
فهد:هههههههههههههههههههههههه واضح ......حتى الماي ما شربته
يحط وليد كاست الماي على الطاوله و يدق لأحمد
فهد: حق منو تدقت الحين
وليد: لأخوك خل ييب لها وجبه شكلها يوعانه
فهد: انت تقول ما رمستها
وليد بسرعه: فهد ....... يعني ما تعرف شموو ترمس مع الطوفه اذا ما حصلت احد يرمس
معاها........هي كانت تكلمني ........ بس كانت معطتني ظهرها يعني ما تعرف منو
انا.....................حتى يابت سيرتي
سكت شوي يرد على احمد
فهد: شو قالت
وليد يقعد على الكرسي ...... اني سديت نفسها
فهد:هههههههههههههههههههههههههههههههههههههههههههههه هههههههههههههه و
فرحان
وليد: مو القصد ............بس اليوم عصبت فيني و قلتها كم كلمه تسم البدن ................ سكت
شوي و فهد بعد قعد و هو ساكت يعطيه فرصه يعبر عن الا بداخله.........ويكمل.:.. احس اني
اطلع حرتي فيها .... يخي ما استحمل اشوفها وهي تكلم اي احد ....تخيل شفتها تكلم فيصل
و داقه سوالف و ضحك انقهرت زين اني ما سويت فيه شي .............. و يبتسم مثل مطر
فهد: الحمد الله ...........لازم تتعلم انك تمسك اعصابك
وليد: فهد اسمحلي يمكن تكلمت بصراحه بس انا اكلمك كصديق عزيز مو اخ شموو
فهد يحط ايده على كتف وليد : انا عارف و شايف كل شي بس ما ابي اتدخل و اخرب عليكم
قراراتكم .............انت اتحس نفسك بوضع غلط........... فكر زين و خذ قرارك.............و خبرني
وتاكد انك اخوي و الا يريحك يريحني.....
وليد عارف هذا الشي من زمان بس من سمعه باذنه من لسان فهد ارتاح ........ يعني يقدر
يعلن عن قراره من غير ما يخاف من احد او على احد لأن فهد راح يكون بجانبه ...... و يركبون
السالفه..........كان ياي يفتح الموضوع عن الانفصال عن شموو بدخلت احمد الا ما مخلي اكل
من البقاله الا يايبه
وليد: شو كل هذا
احمد: لزوم السهره
وليد: بس انا باكل الباسكن روبن مالي و طالع
احمد: انت ما تقول شموو قامت .......خلاص السهره صباحي
فهد: بروح ازقرها
احمد: خبرها اني يبت باسكن روبن و بتي ركض...........يالله وليد قم نسير داخل الصاله
دخلت لهم شموو وهي ما فيها حيل و ما لها نفس بس من شافت كل الاكل و الوجبه و الايس
كريم
قالت بحماس : واو شو هذا كله عندكم عزيمه
فهد: هذا اخوج الخديه من عرف انج صاحيه ........... ياب كل هذا
احمد : يعني شو ما تسهرون .............. و شموو الا تخلص كل هذا
ضحكوا فهد و وليد
شموو: احمد عن المصاخه ...... شايفني فيل جدامك
احمد: لا و انت الصادقه ناقه
تضربه على كتفه : و الله ترا ازعل
احمد و هو يلوي عليها بايد وحده : لا كله الا زعل الحلو
شموو: غصب عنك ........ هات وجبتي..............و هي تاكل منو الجنتل الا تذكرني
احمد يتكلم و حلجه مليان اكل: وليد
شموو مستغربه: والله .......زين منه ....................
وليد كان يطالعها بنص عين ......و فهد حابس ضحكته .......
اما احمد: عادي .......... ما تعشيتي معانا و هو قلبه حاس ان بطنج ينغزج يوع .... قلب الحبيب
لازم يحس فيج
شموو شرقت بالاكل ............. و فهد ضحك بصوت عالي على اشكالهم
احمد: شو ............. انا قلت شي خطأ
ضربه وليد على ظهره : كل و انت ساكت احسن لك
فهد : احمد شكلك تحاول تشرد من اللعبه
احمد: اف كل مره تغلبوني ...... ما ابي العب
وليد: يعني تنسحب
احمد: لا .......... اف شموو تعالي ازريني
شموو: ما ابي ...... باكل و بسير برقد
احمد: انت ما تشبعي رقاد......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك