رواية يوميات حبي و حبه -17
احمد: الريال رايح فيها
حمد تستاهل مها واحد يحبها جي
طلع مع ابوه علشان يشوفون رايها
.....................................
مها: يبه مستحيل
حمد: ليش و هو وافق على كل شروطج
مها: شو اسبوع ........... ما بلحق اتجهز
ابو حمد: بس ملجه بالمحكمه ..........و الحفله بعد شهر
مها: ليش ما يصبر
حمد يضحك : لو عليه يبيها باجر ..........ما فيها شي ..........اضني لو طلبتي المهر مليون ما
بيردج
مها استحت و حمرت ......ابو حمد يبتسم اخيرا ارتاح و اتطمأن على مستقبل بنته ...يحس
عمره فرحان وايد علشان حصلت الريال الا راح يصونها و يحبها:يمه توكلي على الله ما فيها
شي لا تعقدين الموضوع
مها حست بسعادة ابوها من زمان ما شافت هذي الفرحه بعيونه ما بغت ترده : الا تشوفه يبا
حمد: يالله تجهزي الحين اروح ايبه
مها توقف بسرعه : لا ما ابي ..........كل يوم يشوفني بالدوام
حمد: و الله لو طلعتي اراويج .......يبه امسكها لين ايي و ايبه
فهد كان على اعصابه ليش تاخروا ...ارتاح لما شاف اخوها داخل عليهم و على ويه ابتسامه
حمد: تفضل فهد معاي شوي
فهد وقف بسرعه خلت الكل يضحك عليه....حس بعمره مرتبك الحين راح يشوفها .....صح هو
كل يوم يشوفها بس اليوم غير صارت باسمه .......
فهد و هم طالعين: ها بشر
حمد : و الله ما اعرف شو اقولك ..........انا قلت ايبك برع احسن ........عن الاحراج
فهد حس بقلبه وقف : خير
حمد ضحك بصوت عالي : شفت ويهك هههههههههههههههههههههههههه لا تخاف وافقت
على الملجه ......ينفخ صدره .....طبعا بعد مجهود مني باقناعها
فهد يطالعه بنص عين......شكله من طينتها نفس الحركات ............: و انت ما حصلت الا انا
تلعب عليه
ويدزه ع الخفيف: يالله بسرعه خل ادخل اشوفها
حمد يوقف و يطالعه : ليش مستعيل .......يعني ما شفتها مول
فهد: الظاهر الله مصلتنك علي انت و احمد ...........تصلحون ربع ..........
حمد:ههههههههههههههههههههههههههههههه تفضل
دخل فهد و هو يدور بعينه عليها شافها يالسه بقرب ابوها منزله راسها................سلم بصوت
عالي شوي يلفت انتباها
فهد: شو اخبارج مها
مها ما ردت رد عنها حمد: بخير و صحه و عافيه
فهد يطالعه بعصبيه ....هو بروحه متوتر و حمد متفيق ينكت
بو حمد : حمد اسكت خل البنت ترد
حمد: ما اعتقد اول مره اشوفها مستحيه جي..........ويلتفت لفهد تفضل ايلس اذا ناطر ردها
شكلك بطول
حمد: ما يغرك هدوها ترا لما تعصب مني او من مي تركض ورانا بالحوش و تفرنا باي شي
جدامها .......بس هي طيبه قص عليه بكلمتين ترضا
ضحك حمد وهو يشوف مها ترفع راسها معصبه منه ..........اما فهد ابتسم و تم
يطالعها .....شكلها جنان ...راسمه عيونها رسم و محطيه ميكب تركواز مبرز عينها
وايد ..........غير لون الفستان الا بارز انوثتها بشكل كبير.........ضيق من على الصدر و واسع من
تحت .......
حمد: يالله فهد تفضل انتهت الزياره
فهد يهمس بصوت واطي و كانه يرمس احمد اخوه: حمدووو و الله لا اذبحك ....شل ابوك و
اطلع خلني معاها شوي
حمد: لا مستحيل ..........
فهد: خمس دقايق
حمد: يبه يبي يتم معاها بروحه
بوحمد ريال متفهم : زين يالله تعال
حمد محتج: يبه ............سكت لما شاف نظرت ابوه ............وقف و قال انزين خمس دقايق
بوحمد راح الميلس عند الريايل اما حمد واقف عند الباب يحسب الخمس دقايق
.................................................. ..........................
فهد يتنهد بصوت عالي : مها ما بترفعين راسج
مها مثل ما هي قالت بداخلها : تحلم
وقف فهد و تقرب منها ...........مها من شافت ريوله رفعت راسها شوي شوي شافت ثوبه
حست بقلبها بيوقف من كثر الدق ....كان يتكلم ما انتبهت شو يقول صوت دقات قلبها اقوى .....
فهد شافها ساكته و ماتبي ترفع راسها مد ايده و مسكها من ذقنها وحط عينه بعينها و تمو
لحظات بدون كلام حس بعمره متوتر و ضاع كل الكلام الا يبي يقوله غاص ببحر عيونها مد ايده
وسحب ايدها اليمين يشوف الدبله و رص عليها بقوه قال بصوت هامس يحمل كل مشاعره:
ابيها في ايدج ليل نهار
دق حمد الباب يبي يدخل ........تراجع شوي لورا وسحب ايده ببطء
حمد: شو اسوي واقف جدامها ..........ليكون تسون شي .............
مها عصبت : حمد و يهد
فهد ضحك بصوت عالي .......: هههههههههههههههههههههههههههههههه و الله ويعرف يخليج
تتكلمين
مها استحت و صار ويها احمررررررررررررر استاذنت و طلعت
حمد: اووووووبس كل منك لازم توقف جدامها ........الحين منو يفكني منها
فهد مو قادر يمسك عمره من الضحك ......: هي مبتليه فيك و انا في احمد و شموو .
حمد: شكلي لازم اتعرف على احمد هذا الا من الصبح حاشرني فيه
فهد: يالله تعال
مشواا للميلس
حمد: هلا و الله باحمد
فهد يبتسم: احمد حصلت لك واحد نسخه منك و من شموو
تموا ضحك وسوالف وليد و احمد و فهد حبوا حمد وايد ................
حمد: انتوا و الله كشخه ........ما عندكم اخت اخطبها
احمد ضحك: لا من سوء حظك ................لأن اختي خطيبت وليد
حمد: خساره.......يلتفت لوليد.............و انت ما عندك اخت
وليد يبتسم: لا
حمد: الحين انا قاعد اتمصلح من الصبح و اخرتها ما عندكم بنات ......عيل ما منكم فايده
فهد:هههههههههههههه ايوه اظهر على حقيقتك
.................................................. .................................................. ..
مها داخل الصاله و هي حمره و معصبه من حمد الكل لما شافوها خافوا انا يكون استوى
شي
مها و هي شوي تصيح: و الله لأذبحه حمدووو ....انا يالله قاعده معاه و هو يتمصخر على و
يحرجني
بانت علامات الراحه على الكل و بدا الضحك
مها : ليش تضحكون .......يمه تخيلي يقولي ..... شو تسوون .....ليكون تسون شي
نقعوا عليها ضحك
مها : و الله احرجني بغيت اموت من الاحراج
سحبتها ام فهد و حضنتها : ما عليج يمه .............هههههههههههههههههههه ............تعالي
يلسي بحذالي
بعد ما قعدت مها مرتاحه بعيده عن شموو و مي الا احتجوا يبون يحققون معاها
ام فهد: ها يمه خبريني شو قال اخوج بالتفصيل
مها متعوده على ام فهد و تعرفها زين مو من طبعها انها تكون فضوليه : خالوووو
رجعوا ضحكوا عليها مره ثانيه.............
بعد فتره فجرت مها المفاجأه : اممممممممممممم قالوا انا الملجه نهاية الاسبوع الياي
مي: شوو و انت وافقتي
مها مستحيه: الحفله بعد شهر
شموو: ليش يعني .......ما يصبر شهر
مي: باينه .......يبي يضمن انها تكون له ........و ياخذ راحته معاها
شموو: و الله فهد مو سهل ..........الله يوفقكم يا رب
.................................................. ...........................................
في سيارة فهد كان وليد و امه و شموو
فهد و الابتسامه على ويه هو يسوق شكله كلش سرحان
شموو تجدم راسها لجدام بين وليد و فهد : الاخ فرحان و الابتسامه شاقه الحلج
ضحك وليد و هو يحس بتوتره من قربها: شوي شوي علينا نبي نوصل سالمين
فهد يطالعهم بنظره و ساكت ما يبي يعكر مزاجه
شموو: صدق الا سمعناه ........الملجه بنهاية الاسبوع
يضحك وليد: ما شفتيه فشلنا و هو مصر عليها
شموو تطالع وليد: شو سوا
وليد و هو يقلد فهد: بوحمد و لو ما عليك امر ممكن الحين تشاورها
شمووو:ههههههههههههههههههههههههههههه
فهد : شموو رجعي مكانج
شموو: و الا الحركه الا سواها اخوها ........ههههههههههههههههههههههههه ...........
فهد: و الله انه نسخه منج ..........لو ما كنتي مخطوبه جان خطبته لج
حل الهدوء بعد كلام فهد..............شموو تضايقت يعني لازم يعكر لها مزاجها ...ما متخيله غير
وليد خطيب لها .....رجعت لورا تتساند............
وليد تضايق حيل من فهد يعني شو قصده انا مو مالي عينه ..........كيف يقول هذا الحجي
جدامي ......
فهد لاحظ الهدوء بعد الا قاله: وليد لا تزعل انت عارف قصدي
وليد طنش ما يبي يرد.........................
وصلو لبيت وليد ..........نزل فهد و مسك وليد من ايده
فهد: وليد لا تاخذ بخاطرك ......اعتبرها زلت لسان
وليد يحاول يبين انه عادي: بصراحه فهد ما دام اسم اختك مرتبط باسمي ما ابي اي تلميح من
هذا النوع.......تحسسني كاني مو عايبك
فهد يضربه على كتفه: لا تبالغ انا ودي تاخذ شموو..........و حمد ريال ما ينعاب لو خطب شموو
قبلك عطيته لها .انت تعرف كل شي نصيب............
وليد عصب : فهد لا تعيدها......هي الحين خطيبتي
فهد يبتسم و هو فعلا محتار من وليد و مشاعره لشموو: خلاص قلنا ما راح اعيدها
وليد: شكلك ما معترف فيني كخطيب لأختك........و الا ما اقترحت لها واحد ثاني ........و لا
جدامها بعد........عيل هي شو تفكر
فهد:هههههههههههههههههههههههههههههههههههههههههههههه ههههههههههه
وليد معصب : احمد مستحيل يقترح احد ثاني لشموو لانه يعرف انها لي
فهد ضحك من القلب ...مستحيل يكون وليد يحب شموو: وليد قلنا خلاص اسف
وليد: ما الومك شاق الحلج ضحك من طلعنا .....و قاعد تعتذر لي بعد اول مره بحياتك
فهد و هو يروح: صدق عطيتك ويه
وليد: فهود لا تعيدها و الا و الله لأعلم عليك
فهد: خلاص تاكدت انها تناسبك اكثر من اي حد ثاني ..........و ما خذ جملتها المفضله .......
يقرب وليد من فهد معصب ....فهد سار بسرعه للسياره الا فيها شموو تتفرج عليهم وتفكر شو
يقولون
فهد: باي
شموو بسرعه : شو كنتوا تقولون
فهد: و لا شي
شموو: فهود ليش وليد معصب
فهد ما رد عليها
شموو: فهد يالله عاد خبرني....................... و هي فيها فضول الا تعرف
فهد: ما يخصج بيني و بينه
شموو: تمد البوز و الله لأعلم عليك
فهد ضحك من الخاطر عليها
.
.................................................. ...........................................
ثاني يوم في المكتب
شموو تعمدت تتجاهل وليد و تتعامل معاه مثل غيره بشكل رسمي وايد...............
احمد: لو سمحت شموو خذي هذا الملف وضيفي عليه الاوراق الا طبعتيها يوم الخميس
تمد شموو ايدها و تستلم الملف من غير اي كلمه.......تمت تعابل فيه......لما عيزت
شموو: اخ احمد ما يترتب..........فيه اشياء ناقصه ...........ما اعرف لها
احمد: تعالي رويني
قامت له ترويه ....
شموو: تفضل اخ احمد
احمد: شكرا اخت شموو....................شو عندها الاخت ماسكه لنا اخ و اخ من يوم الاربعاء
شموو: جي بس .......... لما تميت اناديكم باسمائكم قالوا لي انت وايد فريه
احمد و هو يطالع حصوو الا تضحك على خبال شموو......: محشومه بنت بو فهد...هههههههههه
شموو تحط ايدها على خصرها: لا و الله و ليش تضحك
احمد يحاول يتمالك ضحكته و قال بصوت واطي : عيل بعض الناس شو بتناديهم
شموو: عادي اخ بعد
احمد: بس ما يصير اخ و هو خطيب
شموو: احمد و الله اعلم عليك ...........
احمد يرفع ايده باستسلام و على ويه ابتسامه: خلاص اخت شموو .......رويني شو عندج
شموو تفره الملف : شوف بروحك ......و رجعت مكانها من غير ما تحط عينها على وليد الا قاعد
يسمع كل كلمه انقالت ..... وساكت ........اما فيصل ماسك عمره غصب ما يبي يضحك على
شموو الا تبي تكون وحده هاديه و عاقله غصب...............شموو ملاحظه على فيصل اهتزاز
كتوفه و شكله يبي يضحك بس خايف ....و عيونه عليها ......انقهرت منه وصرخت فيه بصوت
عالي
شمووو: فيصل!!!!!!!!!!!!!!!!!
فيصل ضحك بصوت عالي و ويه استوى احمر من الضحك و تم يكح كح كح كح كح
كح .........ههههههه
شموو: تستاهل عبالك بيب لك ماي .........عساك الـ.......... اف استغفر الله
وليد يطالعهم بستغراب في شي بينهم هي مجرد نادته ضحك بصوت عالي و مو قادر يمسك
عمره...
فيصل يطالع وليد: اسف و الله اسف مو قصدي.................ويطالع شموو ..........هي تضحكني
شموو: فيصل عن المصاخه........و ما يضحك
فيصل: الا يضحك تبين تكونين رسميه و الله ما يلق عليج .....هههههههههههه
شموو تضحك: هههههههههههه و انت الصادق ابي اكون
هاديه ........هههههههههههههههه.......اضني مستحيل
احمد: زين يوم عرفتي و انت ماذتنا من يوم الاربعاء بالرسميه مالتج
وليد فهم السالفه .......شموو و هاديه ما اضن ..........و ابتسم معاهم ....يتخيل شكلها و الا
الاشياء الا سوتها ..
شموو: شو اسوي لازم ابين اني بنت عاقله ورزينه
ضحك الكل عليها............شموو طالعت وليد باين عليه مرتاح ونفسيته احسن من بعد الاجازه
بس الغريبه انه ما رمس و لافتن مثل العاده.......
.................................................. .
وقت الغدا
اول واحد طلع هو وليد و السماعات باذونه ويرمس بصوت واطي............تلاقا ويا مها الا سلمت
عليه و ما رد
مها: السلام لله يا رومنسي انت ..........شافته يعقد حواجبه معصب بس طنشته وراحت
لشموو
وصلت لشموو الا كانت مندمجه بالسوالف مع فيصل و يضحكون و حصوو كانت واقفه مع احمد
بكل هدوء بزاويه بعيده شوي.......اول راحت لحصوو و سحبتها من احمد
مها: خل البنت بحالها ........هي مو من هذي السوالف
احمد عصب: مها شو قصدج......\
مها: قصدي واضح ........ وربيعتي و اعرفها ما تحب هذي الحركات و الحين واقفه معاك غصب
احمد و هو عينه على حصوو: و انت شو عرفج
مها : واضح من شكلها ....... و هي الاساتذه ما تروح بروحها علشان تستحرم .......و تبي
تفهمني انك غير
احمد ابتسم و هو يتفداها بداخله...فديتها و الله هذي الا ابيها : السموحه و راح
حصوو حطت ايدها على خدها: و الله انقضتيني منه ..........كنت مستحيه موت
مها معصبه: و لين متى بتمين جذي ...........دافعي عن عمرج ......يعني ما بياكلج اذا رفضتي
توقفين معاه
حصوو: استحي احرجه
مها تطالعها بنظره.....و تلف لشموو الا قاعده تضحك بصوت عالي مع فيصل ......هذي خبله لو
شافها وليد و الله ليذبحها سارت لها بسرعه
مها: شموو ليش تضحكين بصوت عالي
شموو: هذا الخبله يقلدني
فيصل: انت ما شفتيها كيف مستويه يوم الاربعاء و الخميس لوعت جبدنا
شموو: فيصلوو و الله و عطيتك فيس ...... يالله انجلع
فيصل : بس ابيج بموضوع مهم
شموو : بعدين مو وقته
فيصل: تغدي و تعالي بسرعه
مها: فيصلووو انت خبله و الله لو شافها وليد معاك بروحها ذبحها
فيصل: ليش يعني موضوع خاص فيني و ابي اشاورها
مها : و ليش هي و انا بعد
فيصل: افا و انت بعد ,............ بس فكوني ابي اخلص
شموو: ههههههههههههههه يالله بعد الغدا عيل
مها و هي تراقب فيصل يبتعد : انت شو فيج خبله
شموو: عادي مدام هو ما مسوي لي حساب و انا بعد بطنشه
مها: شموو تضيعين سمعتج علشان واحد ما يستاهل ضفرج..........خل يولي........توي شفته
وسلمت عليه و لا رد................و الله يقهر .....هو ليش تغير جي
شموو: اش دراني عنه
وصلوا الكفتيريا كان وليد ويا فهد و خالد على الطاوله كالعاده.......مشوو حصوو و مها وشموو
يشترون لهم غدا و تلاقوا ويا فيصل و احمد الا قعدوا يسلفون بصوت عالي
فيصل: تذكر احمد مره شفنا صرصور داخل المعكرونه
احمد: هي و انت حضرتك ماكل نصه
البنات : يعععععععععععععععععععععععععععععععععععععععععع
مها: يع عليكم لوعتوا بجبدنا
شموو: والله ما اكل المعكرونه ......خلاص طلعت من خاطري.......تكلم الهندي .......ييب
عيش ...
احمد: و هي في مره حصلنا شي اخضر بطرف الصحن من تحت و لما رفعناه شفنا
لخاااااااااااااااااااا
صرخوا البنات مره وحده : لا لاتكمل و فروا الغدا الا كانوا ماخذيه ورجعواا
مها: الله يلوع بجبودكم
شموو: اسهال ان شاء الله
فهد سمع دعواتهم و نادي شموو ............
فهد: شموو شو في
شموو و هي تاشر على فيصل و احمد الا خذوا غدا البنات و راحوا ياكلونه : لوعوا
بجبدنا ............... فرينا الاكل حقهم خل ياكلوه ............. و هي فيها غيض منهم ........ اسهال
ان شاء الله
فهد: اكيد حكوا لكم سالفة الصرصور الا اكله فيصل
شموو: بس الله يخليك ما ابي اسمع ما فيني و الله برجع
فهد:هههههههههههههههههههههههههههههههههههههههههههه و الحين ما راح تتغدوا
شموو: لا بناخذ كوفي بس
وليد و خالد يسمعون الحوار بصمت و الابتسامه على ويهم
شموو رجعت لمها و البنات و هي مستغربه من وليد ليش هادي و ما علق ولا ضحك شوف
فيه ..........
قعدوا البنات سوالف و ضحك لما يا فيصل و اخذ شموو و طلعوا
فيصل: مها ما بتين
مها: دقيقه اخلص الكوفي و الحقكم
ساروا فيصل و ساره للقسم و قفوا بالقرب من المكتب قبل ليدخلون
فيصل: شموو ابي اخطب
شموو: انت ما تقول خاطب
فيصل: لا .............بصراحه عيبتني حصه وايد
شموو شهقت هي تعرف ان حصوو معجبه باحمد و احمد بعد: بس احمد
فيصل قاطعها بسرعه : بس هو ما وضح هذا الشي .....يمكن يلعب عليها
شموو: لا ما اضن
فيصل : عيل ليش ما خطبها الين الحين
شموو سكتت تفكر : فيصل ما لحق الله يهدك الا هو اسبوع من شافها
تموا يتناقشون شموو تحاول تقنعه بس شكله مصر
بالكفتيريا مها نست السالفه ما انتبهت للوقت الا لما شافت وليد يتحرك يطلع ..........فكرت
بسرعه اكيد بيروح فوق وبشوف شموو ..........الله ياخذني كيف نسيت ........شلت بعمرها
بسرعه وركض للمصعد الا قفل وليد صعد قبلها ......اكيد شموو مذبوحه الحين ...كله مني
وليد وصل للقسم و يسمع اصوات ما استغربها و ضحك
شموو: ليش يعني حصوو .......هكي فطيم شو فيها
فيصل : لا انا ابيها هي
شموو: ليش يعني مو مها
فيصل يطالعها بنظره : شو خبله انا
شموو دزته : اصلا هي مخطوبه ..................حق اخوي
فيصل : يالشريره وتبين تطيحين بيني و بين اخوج
شموو: هههههههههههههههههههههههه
فيصل: انت شو تبين خبريها و بس شوفي ردها
شموو: حرام احمد يغمض
فيصل: شموو اف منج ليش مها ما يت تفكني منج
شموو: انت احمد ربك اني ييت اسمعك
وليد: خير شو في
فيصل ارتبك من نظرات وليد: هههههه ابدا ابيها تخطب لي ربيعتها و هي مو راضيه
شموو: قلتك خل مها تخبرها انا لا
فيصل: و ين مها ما يت لين الحين
شموو: خلاص انا اخبرها
فيصل و هو يروح المكتب : لا تنسين
وليد انتظر يختفي فيصل و مسكها من ذراعها بقوه وسحبها صوبه و قال من بين اسنانه: انت
ليش ما تفهمين .......في وحده مخطوبه تتقابل مع صديقه من وراه
شموو: اف وليد لا تبالغ
وليد بعصبيه : فهميني شو قصدج...............انا ما اعرف متى بفتك منج و من اذيتج ..... و الله يا
شموو لأفرج من الدريشه و اريح عمري
شموو: وليد ايدي تعورني
وليد ضغط بقوه اكبر : تستاهلين و يا ريت تحسين
دزها بقوه لما سمع صوت المصعد و قال بهمس و بكره: و الله اكرهتيني بحياتي ......متى
تطلعين من حياتي
وسار تركها تحارب دموعها ........ ما راح ابكي ما راح ابكي .......تمت تردد الكلمات بلسانها
بصوت عالي شوي .......سمعتها مها و لمتها و تحاول تهديها
مها: شو سوى السبال و الله لأرويه
شموو تهز راسها بصمت ما تبي ترمس تسمع صدى كلامه باذونها ......كرهتيني بحياتي ........
شموو: قال اني ...........ما قدرت تنطق.....................دارت للشباك و تمت تطالع برع ...........
مها عارفه ربيعتها انها تحاول تصارع دموعها......خلتها على راحتها وسارت لوليد ......اذا شموو
ما تعرف توقفه عند حده انا اقدر ..........دخلت المكتب من غير ما تهتم منو موجود .....وضربت
ايدها على مكتب وليد بقوه.......................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك