رواية يوميات حبي و حبه -16
قاعد و يتكلم بالموبايل
وليد: هلا حبي و حياتي ......و الله مشتاق لج موت
شموو انسعقت يعني كيف يتكلم بهذي الطريقه وبصوت عالي بعد لو احد من الشباب وصل و
سمعه.........وليد حس باحد يراقبه رفع راسه و شاف شموو الا واقفه مكانها و ما
تتحرك ............الظاهر سمعته و شو يعني هي تعرف من الاول ........ تم يراقبها تتقرب منه و
ملامح ويها ما تطمن ......
وليد: هلا حبي دقايق و ارد اتصل عليج
شموو: انت ما تستحي .......... فرضا واحد غيري دخل و سمعك
وليد هز كتفه عادي: خل يسمع شو يعني
شموو تحط ايدها على خصرها : لا و الله ....... انت ناسي انك خاطب .... شو بيكون موقفي
وليد و هو يوقف يواجها: شموو انت عارفه الموضوع هذا من قبل ما كو داعي تبينين عمرج
مظلومه
شموو : انا ما قلت جي
قاطعها وليد بحده: شموو انت عارفه ان هذي الخطوبه مؤقته .... و اني احب احد ثاني .. و ما
ابيج تطلعين من هذي التجربه خسرانه ........ بمعنى ثاني لا تتعليقين باوهام ......
شموو تتكتف : اه و شو هي هذي الاوهام
وليد: على بالج مو ملاحظ تعلقج الزايد فيني و اهتمامج بموضوع الخطوبه اكثر من الاول ......و
الغيره الا اقراها الحين بعيونج
شموو تفاجأة فيه يعنى حاس فيني و فوق هذا مطنشني : لا تقص على عمرك وايد .......
وهي ترفع اصبعها جدام عيونه و تكمل بصوت عالي شوي ....... انا احذرك و ليد الا
كرامتي ....... و الله لو حسيت انك اهنتني جدام احد و الله لأقلب الدنيا عليك ....... و
افضحك ......
وليد عصب ترفع ايدها في ويه و تهدد و تصارخ مسك ايدها بقوه و نزلها: انا ما اتهدد و سوي الا
تبينه .......... ودز ايدها ....و كمل و هو قرفان منها...... سيري مكتبج
حست بقهر الدنيا فيها ما عاد تتحمل اكثر من جي ...... بس اهانات بس .....فكرت تشل
اغراضها و تطلع من المكتب.... بس بحسب عمره انتصر عليها و هي مستحيل تعطيه هذي
الفرحه .... قعدت على مكتبها و هي صدرها شاب ضو ..... سكتت ما ردت سلام احد و لا كلمت
احد .... و لا كانها موجوده ........احمد و حصوو و الشباب عيونهم عليها و على وليد ........
حاسين بالجو المتكهرب و باي لحظه راح ينفجر........طال سكوت شموو لما هدت وبدت تفكر
زين ........طرشت مسج لمها
:""مها و الا يرحم والديج دقيلي الحين بسرعه"""
كلها دقيقه و تلفونها يرن ...هي معتاده تحطه على الصامت بس اليوم عناد حطته عادي......
شموو و هي تحاول تبتسم : هلا بحبي و حياتي مشتاقه لج موت ....(تردد جملة وليد ... الا
سمعتها الصبح)...وصلت النغزه لوليد الا يطالعها بنص عين مو عايبنه انها ترد على موبايلها و
تقلده بعد ....اما شمو تمت ترمس دقايق و هي تسولف و تضحك عادي... و بعدها قامت من
مكانها و طلعت برع
شموو: دقيقه ارمسج برع انت عارفه انه ممنوع......اول ما طلعت قالت بصوت همس...مها و
الله انه بيجلطني
مها حست بتوتر شموو: شموو خلج قويه .... وين الا اعرفها ما تسكت عن حقها ابد .....لا
تخلين وليد يغلبج
شموو: سمعته يرمسها ... و تهاوشنا .... و عاد الاسطوانه مالته خطوبنتا مؤقته و ما ادري شو
و الله قهرني احس عمري بموت.....
مها: شموو عن المصاخه اذا حس بضعفج راح ينتصر عليج ...و الا نسيتي كلامج ... الا اخليه
يحبني غصب .... لا تستسلمين له و اوقفي له على الوحده .... خليج مثل دوم قويه ... ما في
شي يستاهل زعلج علشانه و الا ما يبينا ترا ما نباه ......ابيج ترجعين المكتب و تضحكين عادي
و تفرين كل شي قاله ورا ظهرج ......انسيه و طنشيه و خل يولي
شموو: و الله معاج حق ... انا ما اعرف شو الا صار لي و الله اني غبيه ..... الا ارده له وليدوو
الزفت بيشوف...
مها ارتاحت لما حست بصديقة عمرها رجعت مثل اول ... ما تحب ضعف شموو ... هي دوم
تشوفها قويه و لازم تتم قويه......: الحمد الله ....... الحين ارتحت .... لا تضايقين بعمرج
علشانه .. و الا الله كاتبه بيصير
شموو : و النعم بالله .... يالله باي ..... صار لي نص ساعه برع ... اكيد الحين ارتفع له الضغط ....
مها::: احسن
شموو: لا ما يهون علي
مها: جب لا ايي اذبحج الحين
شموو و هي تدخل المكتب : ههههههههههههههه يالله باي.......
وليد تم يطالعها معصب ... طنشته و قعدت على مكتبها و هي حالتها النفسيه احسن من اول
بوايد........
وليد مستغرب منها هذي ما تحس ......اذا كانت متعلقه فيني او تحبني مستحيل ترضى
بالكلام الا قلته لها الصبح ...بس شموو متى بينت انها حزينه او ضعيفه ......دوم تخبي بقلبها
هي دوم قويه و ضحكتها على ويها...... هو نفسه تفاجأ من الا استوى الصبح ما كان وده توصل
الامور لهنيه ..........
مهند: السلام عليكم
حست شموو ان الفرج ياها و تقدر تبرد حرتها شوي من وليدووو
ردت بسرعه: هلا ............ انت ما تقول متى تقطع اجازتك و تيي تستلم مكتبك و شغلك الا ما
فاهمه عليه ..... و هي تطالع بوليد و تكمل ...........و مسبب لي مشاكل وايد......عند بعض
الناس
الشباب من الصبح و هم يراقبوها مبوزه و معصبه و ما تكلم احد ......و الحين تفاجأو فيها ترجع
لطبيعتها بكل سهوله ......اما مهند استغرب الهجوم المفاجأ له .......بس ضحك
مهند: عيل لو تعرفين اني ياي امدد الاجازه شو بتسوين
شموو شهقت : و الله لأذبحك ......
ضحكوا الشباب ......
شموو تطالع فيه : انت ليش ماخذ اجازه
وليد: شما
بس شموو طنشت و كملت: صدق ليش
مهند محتار يرد عليها او يسكت هو شايف نظرات وليد ...شكله معصب :الوالده مريضه و انا
اراكض لعلاجها
شموو: الله يشفيها يا رب بسرعه ........ اذا تبي سلفيه اكلم فهد يعطيك بس ارحمني من
هذي الملفات
مهند: امين يارب.......مطنش وليد.......... الا صدق تقدرين تكلمين فهد
شموو : هههههههههههههههه سير لاه ..... وانت تشبه جواد
ضحكوا عليه الشباب لانه وايد يتضايق من هذا الشبه
شموو: حصوو شوفيه مو يشبه ...............
مهند نافخ صدره: لا طبعا انا احلى
شموو: طاعوا هذا ............. الا صدق بدون احراج انت امك مصريه
كلهم ضحكوا و وليد بعد رغم انه مو عايبه جرئة شموو مع الناس و لا طريقتها بالكلام
مهند: انت اكيد واحد من الشباب مخبرنج
شموو بكل برائه : لا انا خمنت ............ ليش يعني
مهند: و الله انج ترفعين الضغط
شموو: لا بس كنت مضايقه و طلعت حرتي فيك.......... لا تزعل
مهند: لا ابد ...........و رجع يكلم الشباب و طلع
شموو الابتسامه مازالت على ويها و هي مندمجه باللي تسويه ......وليد منقهر منها ...بس
سكت و ما تكلم لأنه حاس بتانيب الضمير من الا قاله في ويها ............ هذا الا كان خايفه منه
توصل علاقتهم مع بعض الى الكره..بس لازم يوقفها عند حدها وايد تتمادي مع الريايل
الغرب ..........؟؟؟؟؟؟؟؟؟؟؟؟؟؟
وليد في وقت الغدا خذ فهد على جنب يحكي له كل شي عن تصرفات شموو و
جرئتها ..............
وليد: انا خلاص ما اقدر عليها ........... يخي خلها عندك تحت نظرك ليش لازم انا الا اتحمل
مسؤوليتها
فهد: وليد موكانك كل يوم تعيد نفس الاسطوانه
وليد: و الله خلاص ما اطيق اشوفها و هي كل شي عادي و فري عندها و ما مسويه لي اي
حساب
فهد: انا اتفاهم معاها بس تحملها اسبوعين ..........
وليد: الحين هي 3 اسابيع و انا احسها سنه ........... تبي اتحملها اكثر و الله ما اقدر احس
عمري بنفجر ....... و كل مره نتخانق و مشاكل ............
فهد يحط ايده على كتف وليد: و ليد انا اشوف نفسيتك هي الزفت ليش ما تاخذ لك اجازه و
ترتاح يومين
تنهد وليد بقوه وهز راسه بانه موافق وسار.............اهو يحس عليه ضغوط وايد امه من جهه و
نوره و شموو و مشاعره المتناقضه الا بدا يحسها مره يكرها و مره تغمضه ...........حاس
بعمره بدوامه .............مر جهة البنات و مشى بسرعه .......راح المكتب وشل اغراضه و وصى
احمد على الشغل و خبره بانه اخذ اجازه يومين الاربعاء و الخميس .................
اما فهد معصب من الخاطر من شموو .....هو يبي يقربها من وليد و هي الغبيه بتصرفاتها هذي
تطفشه.......انا اتفاهم معاها بس خل نرجع البيت...........يمر فهد من جهة البنات و هو
معصب ..من غير ما يلتفت لهم
شموو تحط ايدها على قلبها: حسس بمصيبه قيالي
مها: يا لطيف يا لطيف
شموو: مصبيه ما كنتش على بالي
مها: يا لطيف يا لطيف
شموو: وليد اكيد اشتكى علي لفهد
مها: اكيد الا اكيدين
شموو: يا حسرتي شو بسوي
مها: هههههههههههههههه عن تهتمين
شموو تساسر مها: اذا قعدت بالبيت ترا وليد ما راح يتردد دقيقه ويفسخ الخطوبه
مها: اف منه يقهر و انت اكثر ..... يوم انج متاكده منه ليش ما تفرين انت الدبله في ويه لمتى
راح تصبرين
شموو بصوت ماساوي: مستحيل
ضربتها مها بقوه : يعني عايبج يلعب عليج جي
شموو: مو يلعب على الا خايف علي
مها::::ههههههههههههههههههههههههههههههه واضح
قومي خل نروح نلحق البنات
.............................................
تردد فهد وايد قبل ليروح لها القسم ... هو معصب و ما له خلق لأحد و خايف يتهور و يصارخ
فيها ............. بس ما قدر يمسك عمره ........
كانت ناطرتنه ... كل يوم يمر لها بنفس التوقيت ........ اليوم تاخر
مها: يا رب اذا حالته النفسيه زفت خله في مكتبه ........ ما فيني على الهواش معاه و انا ما
صدقت اني بديت ابلع عصبيته......
بعد دقيقه شافته واقف متساند على الباب و يطالعها بنظرات غير مو مثل دوووم..... و باين له
معصب....
ابتسمت برقه : تفضل .... ليش واقف عند الباب
تامل بابتسامتها و رقتها .. حس انه ارتوا فيهم .... خذ نفسه بقوه و تقرب منها و عيونه في
عيونها.... قدر يقرا الحب و الاقتناع و الرضا فيهم
قال بهمس: عيل ليش ما رديتي على
كمل بمهل وهو ياكل ملامحها بشوق و يدرسهم بدقه و ما فاته شي من ارتباكها...
كمل :عيونج تقول اشياء وايد ..........منها اني .................؟؟؟؟؟؟ ممكن يعني تعزيني و لو
شوي
رغم ارتباكها من نظراته و كلماته الا انها سعيده بانه يقدر يقرا مشاعرها
مثل ما هي تقدر تعرف كل شي يدور براسه من عيونه
ردت بابتسامه حيا على ويها : اي كل الا قريته في عيوني صح
قال بمكر: و شو الا قريته
ردت مها بسرعه : ما راح اقول .......... امممممم .......... ليش معصب
شافت نظراته المتوتره ترجع مره ثانيه ...... ندمت انها استعيلت و سالته
استغربت لما رد عليها : شمووو و وليد ..... حاس بالذنب .... كان مو لازم اشجعهم على
الخطوبه ........ و حالة وليد النفسيه زفت .......
مها انقهرت منو الا حالته النفسيه زفت وليد و الا شموو المسكينه... بس ما تبي تقاطعه
كمل: عمري ما شفت وليد متضايق و لا كاره عمره كثر اليوم ...... وما قاهرني الا استهتار
شموو ............ اف ودي اذبحها
ردت مها بسرعه : حرام هو الا حاط دوبه و دوبها
ما استغرب دفاعها عن شموو : هي غبيه بدل لا تكسبه خسرته بتصرفاتها الغبيه
تقدمت منه وقالت : لا تظلم شموو ....... هذي تصرفاتها .... هو خطيبها و الا لا ما راح
تتغير ........... بس شكل وليد هو الا حاس بعمره ادبس و يبي يدور على حجه
شافت بعيونه تردده و تقريبا اقتناعه كملت : افتح له المجال انه يعبر عن مشاعره و حسسه
انها فعلا خطوبه يقدر يفكها متى بغا.... و هو مو مجبور على شموو
و شموو الف من يتمناها ...................تفكر لو سمعتني شموو ذبحتني....
كملت ... يمكن بعدين يغير مشاعره ناحيتها....... لما يحس انه يقدر يختار مو
مغصوب................سكتت تشوف ردت فعله
ابتسم و هو يدز راسها على الخفيف: اول مره اقتنع ان هني في مخ ..... مو .........
تتخصر مها و ترد بدلع ...: مو ........شو............. قول ليش سكت ... ليكون خايف
ضحك من القلب عليها : خايف منج ........... ههههههههههههههههههههههه .... الا تصدقين
صدق خايف اخاف اقول جزمه ... بعدين ترفضيني ......
مها : ما قلتها خلاص....... يعني اكيد راح ارفضــــ.............!!!!!!!
حط صبعه على حلجها بهدوء : لا يكون اسمعها منج .......... انت فاهمه ....
كان حازم بكلمته : و ابي ردج الا توي قريته في عينج ....... اوكي
بعدت راسها عنه و هزت راسها باي ..... لمسته كانت كفيله بانها تستجاب الى اي طلب يطلبه
منها .......... و تلوم شموو لضعفها عند وليد...؟؟؟؟
ابتسم براحه : الحين قلبتي مزاجي .... و انقضتي شموو من ايدي
لف يبي يطلع ... تمسكت بأيده بقوه : فهد بليز لا تزعلها
تم يطالع عيونها و نزل نظراته لفمها ثم لأيدها ........... بوده يضمها له بقوه ... بس مو وقته و لا
يقدر .... اكتفى بالابتسامه و سحب ايده منها بسرعه و طلع....
تنهدة مها مرتاحه ... رغم انه ما رد عليها عرفت من عيونه بجوابه .....
.......................................
المغرب
في بيت شموو فهد يناقش شموو بالا صار و يصارخ عليها
شموو: انت ليش تصارخ ....... انا ما سويت شي
فهد: وليد يقول انج قاعده تسولفين وياه عادي كانه اخوج
شموو: زميل عمل
دخل ابوها على صوتهم العالي: خير شو في
شموو متوتره و تهز ريلها بعصبيه ....و ما قدرت تتكلم
فهد: وليد يشتكي منها
شموو: خير ان شاء الله شو مسويه
فهد: شموو عن قلت الادب و احترمي ابوي موجود
ابو فهد: فهد دق على وليد نتفاهم و انت بعد تعال فهمني
شموو انقهرت و انا منو راح يسمعني ............رفضت تطلع عنهم تبي تسمع كل شي ينقال
فهد و هو يستغفر: مهند الا شموو ما خذه مكانه يا اليوم ........................ و يحكي له السالفه
الا سمعها من وليد
شموو: ما شاء الله و حافظ الحوار
ابوها يطالعها بنظرات يعني سكتي
شموو: زميل عمل عادي
فهد: لا انت ما تعرفينه ليش تتمادين معاه..........مو هو بس وليد يقول كل الشباب الا في
المكتب ما خذه عليهم كانهم اخوانها
شموو: يبه لا تصدق وليد يبالغ
فهد: شموو!!!!!!!
شموو تطنز: انزين ليش ما تستدعون كل الا في القسم و تسالوهم
فهد عصب جد منها ...... صدق ما تنطاق : شموو لا تخليني ايلسج بالبيت و افك راسي من
الصدعه
شموو: مو هذا الا يبه وليد................... يهتز صوتها .....هو الحين خطيبي بس يتحكم جي عيل
لا صار زوجي شو بيسوي ............تنهدت انا بصراحه مو مستعده ابدأ حياتي مع واحد
شكاك ... و فتان .....
وصل احمد : سلام ...........وليد برع ........و يطالع شموو الا دموعها تارسه عيونها ..........شو
فيج
شموو دزته و ركض لغرفتها .......ما راح اصيح و ما راح اخليه يتحكم فيني ...يبني جي زين و
الا بكيفه........اف هذا الا يبه هو ...اول مره فهد يصارخ بهذي الطريقه بويهي...و السبه الفتان
وليدوو..
ما قدرت تقعد اكثر شلت لها غطا و نزلت تحت عندهم تبي تسمعه شو يقول
وليد : عمي انا اشوف انها ما كو داعي تشتغل .......هي مو محتاجه
احمد الا قاعد معاهم مو عايبه كلمه من الا انقالت: بس هذا تدريب للتخرج...........بعد يا اخ وليد
انت خاطبها و انت عارف مكان شغلها ........
ابوفهد: احمد........
وليد: معاك حق بس شموو وايد جريئه ......و اسمحولي بهذي الكلمه احس انها فريه
احمد: شموو طول عمرها جي ........... الحين حسيت انها فريه.......... و الا ناسي انك متربي
معاها
فهد مو عيبنه الا وليد يقوله ... هو حاس ان وليد يبي يتخلص من الخطوبه باي طريقه و يمكن
ما خذنها سبب يفك الخطوبه مثل ما قالت مها
ابو فهد: انا الحين سمعت كل الا انقال ........وليد مو غلطان يمكن بحكم علاقته بشموو يحس
بهذي الاحاسيس...و اي واحد من اخوانها اذا كانوا مكانه بيسون اكثر من جي.......بس شموو
بعد ما تنلام هي في مكان عمل يعني لازم يكون لها زميل او زميلة عمل .....لأن مكانها
مختلط ...... ما تتوقع انها راح تسكت طول الوقت لازم تحتك معاهم....................و فهمت من
فهد انه يحاول يفهمها ان وضعها كخطيبه تشتغل مع خطيبها بنفس المكان لازم تحترم
وجوده .....و الشي الا فهمناه انا واحمد ........ ان شموو بكل بساطه تتعامل مع الكل
بطبيعتها ............سكت شوي يخليهم يستوعبون الا انقال .......... الحين وين المشكله
الرئيسيه
احمد يتساند على ورا و يطالع وليد بنظرات قهر: ان وليد ما يبي شموو تشتغل
ابو فهد بحزم: بس شموو راح تشتغل لما تتخرج و ان تزوجتوا ذيك الساعه لك حرية
التصرف ........
قام وليد يتسامح من ابو فهد : و الله يا ابو فهد انا مو قصدي بس هي ساعات ترفع لي الضغط
احمد يضربه على ظهره: تستاهل حصلت الا تعذبك
وليد : و اي عذاب ......
فهد مو كان معاهم كان يحس بتانيب الضمير انه ساير وليد بموضوع الخطوبه و ربط الاثنين مع
بعض....ما توقع ان ضغط الخطوبه تسبب لوليد كل هذي المشاكل صدق الله يعينه..........اتخيل
نفسي احب مها و اموت عليها و اهلي يجبروني على ثانيه ... اكيد بكره الثانيه...............فهد
تم يطالع وليد بنظرات ...معقوله وليد الحين يكره شموو ........صدق غبي .. و انا على بالي راح
يحبها .........وين شموو تنحب و هي بهذي التصرفات مثل اليهال ..... شكلي لازم اعطيها
دروس بالانوثه و ادخلها معاهد..............ابتسم للفكره.....
شموو سمعت رد ابوها .....طول عمره حكيم و نظرته صحيحه.....قدر يحلل المشكله بكل
بساطه..... و عطاهم قراره بحزم ...... و لما وليد قام و تسامح من ابوها كبر وايد بعيونها طول
عمره يحب ابوها و يحترمه ....و الله انه نسخه من اخواني ....راحت غرفتها تدعي من قلبها ان
الله يخليه من نصيبها
الجزء الثامن عشر
السبت يوم الخطوبه الرسميه ........مها وافقت على فهد الا اصر تكون الخطوبه ثاني يوم ....
مها: ابي اعرف اخوج ليش مستعيل جي...........شو فرقت اذا صبر للأسبوع الياي
شموو برومنسيه: يحبج ..... يموت عليج
مها تدزها و هي تضحك: بس عن المصاخه ...........تلف تشوف نفسها بالفستان ................ها
شو رايج
شموو: اخوي بيتخبل عليج
مها: وشو عليه اخوج
شموو: ليش بيدخل يشوفج
مها ارتبكت : حرام شموو ............. بس على بالي امج و خالتج و بناتهم
شموو تتخصر : هو بعد...........بصراحه افكر اخليه يلبسج الدبله
مها: سيري لاه وين قاعدين بمصر...........
الكل كان فرحان فهد اخيرا خطب البنت الا تمنوها امه و ابوه .......... واكيد شموو الا طول
عمرها تبي مها لأخوها اخيرا صارت من نصيبه ........ارتبشو الحريم رقص و غناء ..........و
البست مها الدبله و الذهب و غير الهدايا الكثيره الا فهد و اهله يايبيها لها .......
مي: صدق قسمه و نصيب ............من سنه اتكنسل كل شي و الحين رجعوا لبعض
شموو: الا الحين غير ........يحبون بعض
مي: الله و متى بيي الا يحبني............انا من شفت اخوج بالعزيمه مالتج كيف يعامل مهوو
عرفت انه يحبها
مها: جب انتي و ياها
شموو: طاعوا هذي الا ما تستحي ......انت عروس عيب ترمسين
مها: انا ارمس ....بعض الناس تحزمت ترقص
شموو: شو اسوي احبه موووووووووووووووووووووووت
مى: الله يخلف علي
مها: اذا مثل حب شموو .......... انصحج انج ما تحبين
شموو: بس حلو تتعذبين و انت ذايبه فيه و هو و لا هنا
مي: لا ابيه هو يحبني و يدلعني
.
.................................................. .................................................. ..
في الميلس فهد وافق على شروط مها لأنه عارفنها من قبل............ بس هو له شروطه بعد
فهد: يا ابو حمد ...............انا موافق على كل شروطها حتى الشغل بعد الزواج ما عندي مانع
ما دام ما ياثر على حياتنا...........اذا صادف وسبب لنا مشاكل اسمحلي ذيك الساعه
بو حمد : عداك العيب يا ولدي
فهد: و ابي الملجه الاسبوع الياي
تفاجأ ابو حمد و حمد : بس بسرعه البنت ما راح تلحق تتجهز
بو فهد: ما يصير يا فهد خلها بعد شهر
فهد مصر : اسمحولي ابي الملجه الحين و بعد شهر الحفله مو مشكله
بوحمد و هو مرتاح لأصرار فهد على الاقل يضمن انه ما راح يكنسل كل شي مثل الاول: هذا
الشي مو بيدي لازم اشاور البنت و ارد لك خبر
فهد: انزين يا عمي و لو ما عليك امر ممكن الحين تشاورها
ضحكوا عليه الريايل..........
وليد ينغزه: ليش مستعيل على الهم
احمد: الريال رايح فيها
حمد تستاهل مها واحد يحبها جي
طلع مع ابوه علشان يشوفون رايها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك