رواية يوميات حبي و حبه -15
التقى مع فهد و هو محمل الاغراض من بارد و فطاير و حلويات
فهد : ما شاء الله كل هذا .... وين مودنه
رد : عند شموو ربعها عندها
فهد فرح: و الله منو ربعها
احمد : خطيبتك و خطيبتي
يبتسم: و انا و خطيبتي معروفه .... انت عاد منو خطيبتك
احمد : اختها ................. و الله يا فهد ما قادر اشلها من راسي ..... من يوم حفلة شموو .... و الحين شفتها .... قمر يا ربي قمر....
يدزه فهد : امشي انزين بسرعه ... قبل لايروحون
: اطمان ما بيروحون الا لما ترد امي من البيت
.................................................. ......
شموو: الحين الا انت شفتيه اخوي
مي : هي .... و قال بييب بارد
شموو : فهد و الا احمد
مي : احمد .... لأن فهد اعرف شكله
شموو: اذا احمد ما بيخلي شي بالكفتيريا الا و ييبه ............. بس خوفي وليد ... وتغزل فيج
مي: عن يتغزل و الله لأذبحه ...... عبالج انت ....
مها: هي و الله .... انا ما اعرف انت كيف ساكته له
شموو تتنهد : احبه و ربي احبه
مها: هاي الا باطه جبدي .... سكتي لأييب لج عاه و ترقدج بالمستشفى سنه
شموو: اذا بيزورني وليد كل يوم راضيه
تشل مها المخده و تضربها فيها .... و شموو ترد لها الضربه .... و اصواتهم واصله لبرع...... سمعوا دقت الباب
مي : الحمد الله احد ياك يفكني من شركم .... الا يقول يهال
قامت فتحت الباب ... تفاجأت بوجود فهد و احمد .........
ردت الباب بسرعه : شموو اخوانج
شموو: انزين ليش تخرعتي
مها مرتبكه: اوووه الحين كيف اشرد
شموو: سيروا الحمام .... و انا بطردهم ...
شموو: تفضلوا يا حلوين
دخل فهد و عيونه تدور على مها : وينها توي سامع صراخكم
احمد : انتوا ما تستحون ...... صوتكم واصل لأخر الممر
شموو: البنات داخل .... يالله هونا ..... المغرب يبوا امي و تعالوا
يلس فهد : لا و الله يعني اطلع من غير ما اشوفها
شموو: فهد بلاها هي الحركات ....
قام فهد و سحب معاه احمد : اف الله يعينا نحن العشاق
شموو: شو قلت ....؟؟؟؟ فهد و عارفين و انت منو
احمد بصوت عالي : الحلوه الا فتحت الباب
شموو: ههههههههههههههههههههههههه ....... انزين يا حلو تراهم في الحمام بيختنقون اذا ما طلعتوا بسرعه .....
فهد: يعني ما مكتوب لي اليوم اشوفها ...... شكلي بخلي الدكتور يكتب لج يوم زياده ..
شموو: لا و الله على حسابي ............... من الله كل يوم معاك بالدوام ....
رد: في دوام غير و اهنيه غير.......
: شكلكم مو خالصين .... ورجع قعد ... لما تخلصون خبروني
فهد: لا قوم خل نروح..
التفت لها احمد : شموو حبيبتي ما اوصيج التمدح فيني .... و خبريها انها محجوزه حقي
الفصل ............
في اليوم الثاني الاحد شموو طلعت من المستشفى بس امها ما خلتها تداوم.....اما مها و البنات راحوا الاجتماع و بدا اول يوم من 3 اسابيع و كل وحده بقسم يديد................مها في الارشيف .....مثل ما قالت حصه المكان يبي له تنظيف مستمر غير انها بروحها في المكتب يفصلها عن رئيس القسم حاجز كبير ... و نوع الشغل مختلف و متنوع ........حصه راحت مكان مها مع شموو............"الله يعينج يا حصوو"
فهد مرتاح نسبينا بالنسبه لمكان مها و كان وده ييبها مكتبه وتم تحت عينه بالروحه و الرده بس مو مشكله مصيرها بتيي........
مها طول وقت الاجتماع و هي تحاول تتجنب عيون فهد الا ما بعد نظراته عنها الا نادر ...حست بالتوتر و الاحراج منه ....رغم قرارها الا اتخذته بالموافقه بس بعدها ما ردت عليه خل يصبر شوي و يعرف اني بعدي متردده.....و الله الشغل ممل بدون شموو ...متى يمر الوقت و اجتمع مع البنات ع الغدا....
حصوو و هي متوتر كيف يعني بروحها مع الشباب و هذي شموو ما حصلت تمرض الا الحين.....دخلت وهي مستحيه و خدودها حمر سلمت بصوت واطي بس لفت لها الانتباه
وليد: هلا حصه تفضلي هذا مكتبج .......وهو ياشر على المكتب..........و هذا احمد راح يفهمج الشغل و شو المطلوب منج......
حصوو ما ردت بس هزت براسها......وليد تنهد و قال في خاطره الحمده لله هذي اهدى من مها.......و مر الوقت ويا وقت الغدا .........مها كانت واقفه عند قسم الشباب سلمت لهم بصوت عالي
مها: هلا شباب .....
وليد وهو يهز راسه: انت وين مكتبج
مها فرحانه: يمكم الارشف .....و هي تبتسم ...يعني ما بتلحقون تشتاقون لي و الا انا ناطه عندكم كل ساعه......
وهي تطالع حصوو: ها شو الاوضاع
حصوو بخجل: زين
مها: طاعوا هذي اونها مستحيه.....لا تغركم تراها نفس طينتنا انا و شموو....
حصوو تقرص مها سكتي...: بس الصدق ينقال هي شوي اعقل عنا
وليد: ههههههههههههه زين اعترفتي
احمد: بس شكلها يقول هاديه وايد
مها ووليد يطالعون باحمد اول مره يتكلم بهذي الجرأه....حصوو استحت لأنهم يتكلمون عنها يرت مها من ايدها :يالله نروح
مها: زين بس خل اشوف شو سالفة الاخ احمد اليوم احسه غير
وليد: مها عن اللقافه ....
احمد: هههههههههههه يالله بروح معاكم الكفتيريا.............اول ما قال جي وقفت مها شوي و تمت اطالعه مستغربه منه..........
مها": لا لا لا لا لا و انا اقول من الصبح الاخ فيه شي.............احمد انت مريض و محموم
احمد: مها بلاج ...........خلاص هونت بروح بروحي
مها وهي تسوي حركات للشباب: شكل الاخ دايب
حصوو بهمس : و الله لأذبحج مهوو خل نروح بسرعه واي كلمه ثانيه راح.......
مها: زين خلاص يالله مشينا ...... يالله وليد تعال معنا
وليد مستغرب: انا شو تبين فيني
مها: شموو موصتني عليك ......
ابتسموا الشباب و بدت التعليقات ..وهم يمشون مع بعض للمصعد و مسوين جو من الضحك و السوالف...بس سوالف الشباب كلها جريئه ........
مها : و الله انكم ما تستحون ......زلفوا مناك بعيد عنا تيبون لنا الشبه
في الكفتيريا التفت فهد لمها يشوفها و هي تضحك مع الشباب وهم واقفين عند باب الكفتيريا و سمع الجمله الا قالتها بصوت عالي ......انقهر منها يحس فيها وايد فريه واقفه مع الشباب و تسولف عادي ....يت عيونه بعيونها حس فيها ارتبكت مشت بسرعه وهي تسحب ربيعتها ييبون لهم غدا.......
وليد: مرحبا بو الشباب ...... شوي شوي على البنت تطالعها جي
فهد حاقرنه و ما رد
وليد: انزين منقهر منها ......و انا شو علي
فهد: يعني عايبنك وقفتكم هناك
وليد يهز كتوفه بعادي: يت المكتب تسلم وخذت ربيعتها و طلعنا جماعه .... يعني مو مقصود...............ونحن بمكان عمل يعني زملاء عمل
زفر فهد وعيونه في عيون وليد: يعني لو كانت شموو معاكم عادي
وليد: عادي شو فيها ...لا تكبر السالفه...الا هي كلمتين انقالت...............الا متى بداوم شموو
فهد: باجر ..........ليش اشتقت لها
وليد يتحرك مومرتاح : فهد!!!!!!!!
ضحك عليه فهد و غيروا الموضوع
بعد الغدا ...الوقت الا يلف فيه فهد على الأقسام.............وصل قسم وليد ....حس بهدوء غير طبيعي تعود بالثلاث الاسابيع حشر مها و شموو يسمعها قبل لا يدخل المكتب.......
فهد: مرحبا ..............شو الشغل .....و يروح عند حصوو يسالها عن مكانها و نفسيتها .....الخ
فهد: و الله استوى المكتب هادي اخيرا
واحد من الشباب: صدقك .....بس بعد كانوا مسوين جو
احمد: على الاقل كنا نتسلى بمشاكلهم
وليد: شموو باجر بداوم ........فلا تغترون وايد بهذا الهدوء
ابتسم فهد و حصوو لأنهم عارفين شموو و حركاتها.............طلع وراح الارشف المكان الا كان وده يوصله بسرعه ......دخل بهدوء شافها منزله راسها مندمجه بالى بايدها ..... حس براحه
فهد: احسن شي انج بروحج بالمكتب .......يمكن يعلمج الهدوء
ارتبكت مها هذا من متى هنيه ما انتبهت له بس قالت بجرأه: عادي اكلم عمري ..ههههههههههههههههههههههههه
وكملت ويمكن اتسلى بالتلفون .....محد عندي يراقبني
فهد يبتسم على تلقائيتها : عيل بحط لج كاميرا
مها فرحانه: قول و الله .........خبرني قبل علشان اكشخ زين
فهد:ههههههههههههه ليش بتمثلين الا هي كاميرات مراقبه
مها: المهم في احد بيتابعها ......تخيل عاد شكلي مو مرتبه ...........
وصل فهد عند مكتبها و حط عينه بعيونها : انت دوم حلوه بمكياج او من غيره.....
ارتبكت مها و حست عمرها احمرت .....ففضلت انها تسكت
فهد و هو يراقبها:ههههههههههههههههههه المهم شو الشغل
مها: الحمد الله حلو و مسلي فيه اشياء وايد متنوعه ........
تم فهد يطالعها هذي اول مره يتناقشون بدون ضرابه .....
وده يقعد زود بس ما يقدر..........
+++++++++++++++++++++++++++++++++
العصر في بيت شموو ما تم احد الا وزارها من الاهل ......طفشت ملت من كثر الزيارات ...هي كانت ناطره زياره وحده بس ...من وليد ...بعد الكلام الا سمعته من احمد اخوها ...عطاها امل يديد ان وليد ممكن يحبها او يريدها ........تحس بعمرها متحمسه وايد ودها تشوفه....
.................................................. ........
بعد اصرار امه عليه الا يزور شموو.....دخل الصاله بهدوء وسلم على خالته و زوج خالته وهو يحط الباتشي على الطاوله ..........سمع صوتها تغني بصوت عالي وهي نازله الدرج ........فكر و هو يبتسم من متى مستويه نانسي ..... شكلها تفاجأت لما شافتني لأنها نزلت راسها ووقفت شوي متردده قبل لا تدخل....
ابوها: هلا يمه تعالي سلمي على ولد خالتج
شموو تفكر اف يبه كأني ما اشوفه يعني لازم هذا الاحراج ...رسمت ابتسامه على ويها وسلمت عليه و هي عينها على الباتشي مدت ايدها و خذت لها كم حبه
امها: شموو عيب
شموو: و الله بخاطري ما اروم امسك عمري........وهي تطالع وليد المبتسم.............هو يايبنه حقي
وليد: خليها على راحتها يا خاله
شموو: الا كيف الشغل اليوم ......بدونا
وليد: عادي مثل اول
انقهرت منه على الاقل جامل : الا ما فتقدتوا الحشره و الجو الحلو الا كنا مسوينه......شكلك الا مليت لما طقت كبدك....ههههههههههههههههههههههه ...وهي تتامل ويه المتفاجأ
وليد: يعني وين بتروحين الا باجر وراده الدوام
شموو تطالع امها و ابوها الا مندمجين بروحهم بمواضيعهم الخاصه و مخليها مع وليد على راحتها
شموو: اممممم افكر
رفع حواجبه : بدينا شغل الدلع و الغياب.....ترا كله محسوب عليج
شموو: اف منك ما ترحم ...يخي مريضه
وليد يقاطعها: مريضه و الا مها مش معاج
شموو بجرأه : عادي انت معاي تكفي وتسد
ساد جو من التوتر هو ما عيبه ردها و كأنها تتغزل فيه....اما هي تمت تلوم عمرها على لسانها المسحوب منها....
دخل عليهم فهد الا بدا تعليقات عليهم وليد تضايق من الخاطر و هو يشوفها اونها مستحيه و خدودها حمر ...من متى شموو تحمر الا اذا فعلا بدت تتغير مشاعرها ناحيتي ....يا ربي ليش يصير لي جي...ما ابيها تحبني او تتعلق فيني ...لازم انبها علشان ما تنساق ورا مشاعرها...تملكه غيض من عمره و منها ........لازم احاول ابعدها عني و ما احتك معاها وايد........وبدا هذا الغيظ يكبر كل يوم معاه ......غير من معاملته لها ..صار من يجتمعون بروحهم يتجنب يكلمها او حتى يناظرها ...رغم انها ما تسكت من الزن.....يعصب عليها بشكل كبير و ما يراعي مشاعرها ...يواجها بحقيقة مشاعره اتجاها بالروحه و الرده لين خلاص لاعت جبدها منه...
خلال الاسبوع
يفر لها الملف بقوه على مكتبها .......: شو هذي الخرابيط الا مسوتنها ....اتمنى انج تدرين بالج على شغلج زين
شموو تفاجأت فيه ...بلاه هذا الخبله ...و ليش يصرخ علي بهذي الطريقه اذا فاكر عمره بسكت له و الله يحلم خلاص طفح الكيل.......وقفت بسرعه و هي تطالعه بهدوء عكس مشاعرها المضطربه
شموو: اوكي و غلطت لازم تعلمني بطريقه احسن من جي ...........يعني ما اشوفك تصارخ على احد غيري...؟؟؟
وليد انقهر منها زياده كيف تتجرأ و ترد عليه بهذي الطريقه جدام الكل: كم مره لازم انبهج اني هني رئيسج ...و أسلوب الدلع هذا ما ينفع ......... و لا تنسين التقيم عندي.....عطاها ظهره و سار لمكتبه بعده فيه غيظ منها ...اما شموو يلست تنافخ ...و عيونها على حصوو الا قاعده تسوي لها حركات انت خبله و لسانج طويل .....يمكن حصوو اعقلنا ما تعق عمرها بالمشاكل وتعرف تتحكم بمشاعرها زين ............مو مثلي و مثل مهوو....
تمت تقلب الملف يمين ويسار تبي تعرف وين الاخطاء الا يقول عنها ......اف انزين ليش ما علم عليها انا كيف اعرف........؟؟؟؟؟؟ قامت تأشر لأحمد و تسوي له حركات علشان ينتبه عليها بس هذا الدب و لا على باله ..مسكت ورقه و كورتها وفرت بها احمد الا نقز بقوه ووقف وهو يصارخ
: بسم الله شو هذا
نقعت شموو ضحك عليه ......و حطت ايدها على حلجها علشان ما تطلع اصوات عاليه..... بس من شافت ويه كيف تغير بسب الاحراج .......ما قدرت تمسك عمرها..... و الكل قام يضحك عليه
احمد منحرج : شموو هذي انت ..........خرعتيني
شموو: شو اسوي بغيت الفت انتباهك بس انت كنت بعالم ثاني
احمد يحط ايده على راسه و هو يطالع حصوو: لو زقرتيني
شموو قامت من مكانها ترويه الملف الا بايدها و مطنشه وليد الا عينه عليهم ....و شكله بعده منقهر ......
: لو سمحت رويني اخطائي ............
احمد و هو يطالع فيها و في الملف الا في ايدها: بس وليد الا مراجعنه مو انا
همست له بصوت واطي : الا انت من متى مستوي حساس و متغير و مو على بعضك و كأنك اممممم
احمد همس: شموو جب
شموو: هههههههههههههههههه عيل ساعدني
احمد: انت خبله تبينه يذبحني شوفي كيف يطالعنا
شموو: اف متى الله يفكني و اروح قسم ثاني بدل هذا الا محطي دوبه دوبي................رفعت راسها تطالع باحمد و شافته مركز نظراته لحصووو ضربته بالملف
شموو: و انا اقول شو بلاه الاخ سرحان و متوتر و مستوي ............
احمد: لا اله الا الله .......انت الحين شو تبين .............روحي لخطيبج و فكيني
شموو: لا بروح لربيعتي و أشيشها عليك
احمد بسرعه : شموو و الله لا اذبحج........الله يعينه عليج
شموو و هي عينها على وليد الا عينه عليهم: امري لله بروح لذباحي
ابتسم احمد لتعليقها ....الحين شموو و مها لاحظوا اهتمامي بحصوو يا ترا هي ملاحظه و الا بعدها........ودي اناقشها ...احب هدوئها ...... الحمد الله انها غير عنهم و الله لو مها الحين موجوده الا ستوت حرب و ما فوتت على وليد تهزيئه لشموو.........رغم انها وايد تهدي بينهم بس ما ترضى على شموو ابد و العكس.... رجع يندمج بشغله...............
شموو تسير بخطوات متردده صوب وليد ......حطت الملف بهدوء على الطاوله و انتظرت ردة فعله........وليد طنشها و ما رفع راسه يشوفها
شموو انقهرت من تجاهله لها : وليد ممكن ترويني الاخطاء..............سكتت تنتظره....بس بعد طنش ....قامت و ضربته على ظهره بشويش : وليد لا تطنشني .....اونك زعلان و انت الا مصارخ علي ......يعني انا الا لازم ازعل مو انت.......بس شوف روحي رياضيه ........
وليد: شما لو سمحتي شلي الملف و ارجعي مكانج
شموو: و منو يرويني اخطائي
وليد: فيصل بيرويج .......ما يبي يقول احمد لأنه ينقهر منها لما ترمسه وكانه اخوها مو غريب.....
شموو فولت و شلت الملف بطريقه دفشه و تعمدت تضرب كتف وليد بذراعها تبرد حرتها شوي..... بس هذا التلامس المفاجأ له و تره و حس بجسمه كله يتكهرب ..... تمالك عمره و هو يسبها من داخله " الزفته متعمده"
شموو عيبها ردة فعله وهو يتراجع بسرعه لورا.... مشت لفيصل الغلس و هي تتوعد وليد الا ترفع عليه الضغط
فيصل: يا حيها البنوته المخربطه بالملفات
شموو تحط ايدها على خصرها: فيصل .... لا تخليني اطلع فضايحك جدام الموظفه اليديده
فيصل يعتدل : لا افا كل الا زعل شموو
شموو: هي جي اباك ........سحبت كرسي و يست قريب منه و هي تساسره: فيصل ليكون محطي عينك عليها ...
فيصل: يالخبله انا خاطب
شموو بهمس: الحمد الله ,,,,,,,,
فيصل بهمس : ليش يعني؟؟؟؟؟؟؟؟
شموو: علشان بعض الناس متوترين من وجودها و مستوين حساسين
كان مكتب احمد قريب من مكتب فيصل و سمع الكلام الا انقال كله.....صد يطالعهم و هو يشوف فيصل يضحك و شموو مسويه روحها بريئه.......
شموو ترفع ايدها: انا ما يخصني هو.....
وليد: شما لو سمحتي شوفي شغلج
مدت شموو بوز وهي تتحرطم ....كله انا و كاني بروحي معاه بالمكتب.....قالتها بصوت مسموع ....... اول الا ضحك عليها فيصل و احمد ....وليد بعد ابتسم رغم انه ما كان له براض ابد ... بس من يشوف بوزها لما تمده ما يقدر يمسك عمره....
شموو: ما يضحك انت وياه...........الشباب زادوو ضحك ..... وليد شوفهم .....اهني وليد ما قدر يمسك عمره وضحك معاهم ....
شموو متفاجأه من تغير مزاجه السريع كملت: شفتي يا حصوو المهابيل الا هني
حصوو سكتت ما عندها جرئه ترد عليها بصوت عالي....
فيصل: رويني الملف اشوف.......
شموو: تفضل
تم يناقشها فيه و تقريبا خلصوه كله....خذو لهم ساعه و نص و هم مندمجين بالملف ... و اكثر الوقت يضحكون و يعلقون على بعض .....وليد ندم مية مره انه طرشاها عند فيصل ....وما قدر يسوي شي او يرجعها عند احمد ...على الاقل احمد عاقل مو مثل هذا الخريشي ...ما سكتوا الا زن و ضحك ....
وليد وهو يطالع شموو ترجع مكتبها : شموو تعالي خذي هذا الملف عند ...
قبل لا يكمل كلامه و الا يشوفها لازقه في المكتب و ماده ايدها
وليد : فرحانه
شموو: هي و الله مليت من كثر الشغل .... يالله عطني الملف بسرعه
وليد: خذي و لا تتاخرين ..........انت طبعا عارفه وين
شموو تطالع ساعتها : ما باقي شي لوقت الغدا ...بتم مع مهوو
وليد : لا
شموو تتقرب ازيد منه و هي تقول بهمس: الله يخليك
وليد من بين اسنانه : لا تدلعين جدام الشباب انت ما تفهمين...........اف سيري و فكيني منج ......
شموو المها كلامه بس كالعاده تطنشه..وسارت لمها
......
شموو: السلام عليكم
مها:هلا و الله
شموو و هي تقعد :شفتي وليد الدب شو سوى...........فتن علي جدامهم كلهم
مها تضايقت: و انت ليش تسكتين له .......... و الله مو عارفه ليش مستحملتنه
شموو تحط ايدها على قلبها: شو اسوي احبه و اموت عليه لازم اجاريه علشان ما افقده
مها: مالت عليج ......قلنا تحبيه بس لا تسمحين له يتطاول عليج
شموو تتنهد: يا ليت يحس........ او معبرني ........كل معصب ويصارخ .....
مها: خل يولي
شموو: مهوو حدج ما ارضى
مها : عدال
شموو تتذكر احمد و تبتسم: ما تلاحظين احمد غير
مها : هيه ...... شو سوى
شموو: ما شي بس احسه مأدب و هادي و عيونه على طول على حصوو
مها: و حصوو بعد ........ كل الا مستحيه ........اقولها طلعي المواهب الا راح تنكشف في يوم
شموو:هههههههههههههههههههههههه و انت ما تشوفين ويه لما انغزه بالحجي يصير احمر
مها:ههههههههههههههههههههههه و انت الحين ليش خليتيها بروحها
شموو: ما صدقت وليد يطرشني لج ربعت و لا فكرت فيها
مها تشوف ساعتها: يالله قومي نروح نيبها و نسير نتغدى
شموو: اف ارجع المكتب مره ثانيه و الله مالي بارض
مها و هي تسحبها : بلا مصاخه ... يمكن نقدر ننتقم لج ... او نحرج احمد شوي
شموو: و الله انه يستحي يكلمني جدامها ........علشان ما تاخذ فكره عنه ههههههههههههه
كان صوت ضحكهم عالي ...... وصلوا المكتب و سلموا على الشباب
مها: يالله حصوو قومي معانا
حصوو ما صدقت قامت بسرعه : الحمد الله ... و الله اني منحرجه ..... و تضرب شموو على ظهرها ........اخر مره تخليني بروحي
شموو: ههههههههههههههههه نسيتج
حصوو: و شو هذي الحركات انت و وليد .......... الا يقول ديك وديايه
ضحكوا على التشبيه
شموو: لا تذكريني كنت بفره بالكمبيوتر
حصوو: انت ما تستحين ترمسين احمد و فيصل بهذي الطريقه ..
شموو : عادي .. بس شكلج تغارين
حصوو مرتبكه : من شوو
مها و شموو يضحكون عليها: ما عليج كل شي واضح..................مبروك
حصوو عصبت منهم و قامت تسب فيهم و تضربهم .... و انقلب المصعد معركه
و هم طالعين ..... التقوا بالشباب الا التفتوا على الصريخ و الضحك ........
فيصل/ هذا انتوا و انا اقول منو غيركم سخيف
شموو: فيصلوو قوم عندي ابرك لك ............
مها: محد سخيف الا انت................ شموو طاعي احمد هادي
احمد ارتبك ..... و الله احسهم بلوه : لو سمحتوا خلوني بحالي
ضحكوا عليه البنات و فيصل معاهم لأن ارتباكه واضح : ليش تضحكون و الله انكم سخيفين ......... مشى قبلهم و هو يتحرطم ........... شباب مو بنات .......... الله يعين ازواجكم
وليد الا كان يالس مع فهد انتبه للموقف رغم انه ما سمع الا انقال بس خمن و ابتسم
وليد: الله يعين احمد طايحين فيه شموو و مها
فهد يرفع حواجبه مستغرب
وليد: شكله معجب بربيعتهم و هو الغبي ما يعرف يخبي الا سرحان فيها و صاير متوتر .......... و لما يعلقون عليه يحمر مثل البنات هههههههههههههههههه
خالد : عاد انت بروحك تقول ما في شي يستخبا عن شموو
فهد: هههههههههه الله يعينه اخاف يقدم استقالته ..............
وليد: هههههههههههههههه
خالد : الا اخبار الخطيبه
فهد فيه قهر من مها : ما ردوا لين الحين
وليد: خلها تتغلى عليك
فهد: بس مليت ........ ودي ينتهي الموضوع على خير
خالد: ان شاء الله خير
و تستمر الايام تمر و تاخذ من حياتنا يوم باحداثه الكثيره و المتنوعه ....
استمرار الصراع بين شموو و وليد ......!!!!!!!!!!!!!!!!؟؟؟؟؟؟؟؟؟
رسووو سفينة الحب ... لميناء الامان
الجزء السابع عشر
بسوي مثل ماشووووووووفك تسوي وأفعل أفعالك
علشان تعرف من فينا الزعول ومن وسيع البال
أبيك تذوق فنجالي وانا بذوق فنجالك
نصيحه قصر معك الزمن أو طال
أبي تسمع كلامي وتحطه على بالك
إذا حبك اهبال اطفال فلك عندي اهبال اطفال
ولا وأبشر بعد عندي باهبال ماهو بهبالي
واذا قصدك تهين اسمي علشان الشمة العذا حشى لا انته ولا عشرة من أشــــــــــــــــكالك
للشاعر حامد زيد
اليوم الثاني الصبح
التقوا فهد و شموو و مها في المصعد مثل كل يوم ....... شموو اخذت زاويه بعيده شوي بحيث
تكون مها قريبه من اخوها
فهد حس بقوه بقربها .....دقات قلبه تدق بصوت عالى ........و مها مرتبكه من قربه ........منزله
راسها تطالع تحت و هي حاسه بعيون فهد عليها
فهد كان وده يسالها ليش تاخرت بالرد ........ مسك عمره بقوه ما يبي يضغط عليها ........ اول
ما فتح المصعد نزلت مها بسرعه تهرب من مشاعرها و هي تسمع ضحكت شموو
فهد تنهد بقوه و هو يدز شموو : يالله طلعي خلصيني
شموو: ماعليه و انا ساكته طول الوقت اسوي لك جو و راده لورا علشان تكون قريبه منك و
تعاملني جي
فهد : و الله انج مو سهله ......كل هذا يطلع منج .............
شموو: عيل .......اهني مخ
فهد: شموو سيري بسرعه قبل .................
طلعت شموو من المصعد بسرعه و هي تتحرطم عليه ..... وصلت المكتب تفاجأت بوجود وليد
قاعد و يتكلم بالموبايل
وليد: هلا حبي و حياتي ......و الله مشتاق لج موت
شموو انسعقت يعني كيف يتكلم بهذي الطريقه وبصوت عالي بعد لو احد من الشباب وصل و
سمعه.........وليد حس باحد يراقبه رفع راسه و شاف شموو الا واقفه مكانها و ما
تتحرك ............الظاهر سمعته و شو يعني هي تعرف من الاول ........ تم يراقبها تتقرب منه و
ملامح ويها ما تطمن ......
وليد: هلا حبي دقايق و ارد اتصل عليج
شموو: انت ما تستحي .......... فرضا واحد غيري دخل و سمعك
وليد هز كتفه عادي: خل يسمع شو يعني
شموو تحط ايدها على خصرها : لا و الله ....... انت ناسي انك خاطب .... شو بيكون موقفي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك