رواية يوميات حبي و حبه -14
مها: الا اليوم اخر يوم لي معاج ............. بفتقدج وايد
شموو: عيل انا شو اقول .......... يالله كلها 3 اسابيع و بكون معاج
مها: هههههههههههه الا يقول باجر ...........
وليد: احسن شي راح افتك من الحوار العالي و النقاشات الحاده بينكم
مها: الا راح تفتقدها مو شموو
شموو: هو على باله اني بكون هاديه ....... ما يدري اني معاج بدونج شريه
وليد: هههههههههههههه لا تطمني ادري .....................لو سمحتوا شوفوا شغلكم ...........و
الله تعبت من كثر ما قلتها
بعد صمت بسيط
شموو: وليد هذا الملف العله ليش ما تاخذه و تسلمه لأي احد......و الله انه صعب و مو فاهمه
عليه
وليد مو مهتم : شموو لا تقعدين تزمرين .......اشتغلي و انت ساكته
شموو: ما ابي ................ كملت و هي تشوف وليد مطنشها..........الحين يومين و انا اشتغل
عليه و ما سويت فيه شي .......
تنهد وقال : احمد و الا يرحم والديك خذه كمله ............ وفكنا من الحنه
احمد يبتسم : هاتيه بشوفه.......
شموو وهي تقوم : شو تشوفه .......ما سمعت يقولك خذه كله حلال عليك................
وليد: شموو تعالي خذي هذا الملف ووصليه حق الارشيف
شموو منقهره ما فيها تروح اي مكان: ما اقدر خل مهوو
وليد و هو متنرفز من دلعها : اعتقد سمعتي الا قلته.............تفضلي
تقربت منه شموو وايد همس من بين اسنانه: افتحي عينج زين و لا تقعدين تدعمين في خلق
الله
شموو:زين ذليتنا........
.................................................. .........
اما فهد حس انه مشتاق لها موت يبي يشوفها يسمعها .... يحاورها ..... دخل عليهم المكتب
كانت مندمجه بالا اتسويه ...... سلم و قعد يلف على كل مكتب يتابع الشغل و لما وصل
مكتبها ......سألها بهمس و هو حاس بارتباكها : كل هذا ارتباك .... ليكون خايفه مني
ردت و هي تحاول تنفي: لا ابد .... بغيت شي؟؟؟؟
ابتسم في ويها : لا ابد سلامتج............. بس ودي اقعد اتأمل فيج على طول
مها انحرجت و حست بالحراره بكل جسمها .... يا ربي هذا شو يبا الحين...
كمل و هو عينه على شاشة الكمبيوتر : هذا البرنامج اليديد مو.............. سحب كرسي و يلس
بحذالها .... ممكن ترويني شغلج عليه... و تشرحينه
ما تخيلت انها تقدر تتكلم و هو لازق فيها جي .... او حتى تركز قالت بهمس: و انت لازق فيني
جي ..... ما اعتقد !!!!!
تفاجأ من ردها : هههههههههههههههههههههههههههههه ...... اوكي مو لازم تشرحين بس
اشتغلي و انا بشوف
مها تدور بعينها على شمووو تبي تنقضها.... وين سارت هذي مو كأن الارشف خطوتين .....مدت
ايدها على الماوس و.............................
مستحيل ما اقدر اركز و انت هني ............ بليز روح
فهد: خلاص اقتنعت انج مو مركزه ......... وقف ما تكلم بس عيونه قالت حجي وايد..
تصادف و هو طالع بشموو : انت وينج
شموو منقهره من وليد و ما صدقت تطلع حرتها: هذا وليدووو كل يتامر علي
فهد يبتسم: رئيسج ...... وسار
شموو: عن رئيسي ..............دخلت و عيونها على وليد تشوفه مندمج و لفت تشوف مها ....
محمره ........ اف فاتني .... شو استوى .... اكيد فهد احرجها.......
تقربت منها : شو صاير ليش حمره
مها بهمس: هذا اخوج .... احرجني و يلس بحذالي
شموو تضحك بصوت عالي: هههههههههههههههههههههههه ... و تهمس ... كل هذا علشان
يلس بحذالج عيل لو باسج شو بسويت
مها تدزها : شموو الزفت عيب ما تستحين .... سيري مكانج
شموو بصوت عالي: ههههههههههه انزين.......... مشت و هي مطنشه نظرات وليد الا حاسه
فيها ......
شو القرار الا راح تاخذه مها..؟؟؟؟؟؟
و علاقة شمووو و وليد وين راح توصل؟؟؟؟؟؟؟؟؟؟؟
الجزء السادس عشر
ايه احبه حب ماهو اعتيادي
احبه اعزه اموت فيه واذوب
وليتني له يد من الايادي
لا طلب شي(ن)جبت له المطلوب
ليتني ظله وظلاله والوادي
ليتني درب(ن)لامشى بين الدروب
ليتني شعوره بحس الفؤادي
ليتني انفاسه لا تنهد متعوب
ليتني صداه لا نادى انادي
ليتني ماني اناليتني المحبوب
منقول (الحزن كله)
نهاية الاسبوع كانت طويله وايد لشموو .....ملانه و تبي تطلع و مهوو الزفته تقول مشغوله .....هذي ما ادري شو عندها كل هذا تفكير.....و وليد ما له حس قطع ما يا بيتهم ........كانت يالسه على المريحانه و تمريح عمرها على الخفيف........بنفس الوقت الا دخل وليد و امه بيتهم .....تم يطالعها تذكر ايام زمان لما كان يقرب منها من غير ما تحس و يدفعها بقوه وهي الخوافه تصارخ لأنها تخاف الارتفاع......بدون شعور منه تجدم من غير ما تحس و دفعها بقوه خلتها تطير بالهوا.......شموو من الزيغه تصارخ ..........غمضته وقف يثبتها وهي مو عارفه منو هذا
بس من شافته زادة دقات قلبها
شموو: وليد يالسخيف ........و الله خرعتني قالتها بكل دلع......
وليد يحاول يبتعد عنها بسرعه لأن تاثيرها عليه يخوفه : بسج انت دوم خوافه
شموو تطالع ظهره وهو رايح الصاله .....تتخصر: لا و الله ..........................ليش ما يسوي لي سالفه احسه كارهني و ما طايق لي كلمه ...راحت سلمت على خالتها و بعدين سارت الغرفه ما تبي تشوفه .....
اجتمعت العايله تحت بدون شموو الا رافضه تنزل الا بعد ما يروح وليد
احمد : الا وينها الخطيبه........!!!!!
فهد: اكيد فوق..............كانوا مندمج باللعب مع وليد بالأونوا..........
احمد: تعرف ان وليد هني
وليد بدون نفس: هي شفتها
احمد: بروح ازقرها القعده من غيرها ما تحلى
دخلت شموو: اكيد تتكلم عني..........صح..........
احمد: عيل في احد ثاني اعزه غيرج
شموو تروح تقعد قريب منه و تحط ايدها على اكتوفه: و انا اعزك اكثر ....مووووووووووووح..........تبوسه بدفاشه
احمد: وع عليج تفلتي علي
شموو: قول و الله.......تعال عيل ببوسك مره ثانيه
احمد: يشرد من جدامها لا ابوي خلج بعيده عني ......الا وينج
شموو: منقهره من وليد ......في الشركه واقف لي بالبلعوم و الحين ياي يكمل علي
احمد: ههههههههههههههههه اتخيل كل معصب ويصرخ عليج..........اكيد يغار
وليد: انت تعرف سوالف اختك .....دلوعه و تعامل الكل مثل اخوانها ....... تنرفزني ساعات
فهد بصوت واطي:معلومه يديده..........؟؟؟؟
وليد يطالعه بطريقه يعني اسكت........!!!!!!!!!!
فهد: شموو يبي لي شاي
شموو: من عيوني ........تقوم تيب دلة الشاي و تصب حقهم
شموو: ها وليد خذ ...........................مد ايده من غير ما يرفع راسه عن اللعبه ....تلامست ايده مع ايدها ....حس بكهربا بجسمه ...........ارتبك بس بان انه عادي و لا كانه صار له شي............اما شموو صعب تخبي شعورها .....سحبت ايدها بسرعه ووقفت تقول: بروح اشوف امي و خالوا
شموو فرحانه من قلبها على المشاعر الحلوه الا تحس فيها بقرب من وليد....كل يوم عن يوم تزيد هذي المشاعر ما قادره تسوي لها بريك ............
شمووتكلم نفسها و الابتسامه ماليه ويها: احبه و اموت عليه ................وبدل ما تروح حق امها سارت للمريحانه قاعده تهز عمرها و سرحانه بعلاقتها بوليد......تتمنى من كل قلبها يحبها او على الاقل يحاول ...تنهدت
احمد: اوووب كل هذي التنهيده شو عندج........ترا خطيبج يالس داخل .......انت تحصلين تيلسين معاه ...غيرج يتمنى........استغل الرفصه لما شاف شموو بعدها يالسه على المريحانه و ما تحركت مثل العاده لما يقرب منها هو او فهد تنحاش ما تعطيهم فرصه يخوفوها...........دفعها بقوه طارت بالهوا و قاعده تصرخ لأنها عارف احمد ما راح يرحمها : حبيبي احمد الله يخليك وقف ...................ااااااااااااااااااااااااااااااا اااااااااااا
كان فهد وليد طالعين شافوها تصارخ باعلى صوت
فهد: شموو بس عاد لازم تكونين متعوده .......كل مره يستوي فيج جي.....
وليد يضحك"ههههههههههههههههههههه شكلها تحفه
فهد: اسكت لا تسمعك
وليد: وهي بهذي الحاله ما اضن
احمد: شموو شو استوى عليج ليش سكتي .....وهو يطالع وليد و الا مستحيه من وليد
بس الحقيقه ان شموو كانت خلاص واصله عندها ..........خافت لدرجة ما قادره تصرخ غير شعورها بالصداع
شموو بصوت واطي: احمد و الله احس عمري بغمى علي
احمد بالكاد سمعها .......بس وقف لأن مو من عادة شموو تسكت عن الصراخ وهو مصخها هذي المره وايد........
احمد بقلق واضح: شموو ليش ما تردين ...........ثبت المريحانه بقوه و مسكها من كتوفها لما حس انها ارخت قبضت ايدها عن الحبل وراسها رجع لورا ......وبان من شكلها انها مغمى عليها ........سندها على جسمه
فهد يركض بسرعه صوبهم: شو اغمى عليها........هاتها بشلها عنك....وحملها بين ايديه الثنتين مثل الياهل و مشى بها بسرعه لغرفة الجلوس.....اما وليد كان يمشي ورا فهد مثل ظله و هو عيونه عليها مو مصدق انها ممكن تكون بهذا الضعف ابد..........يتخيل اي احد يغمى عليه او يمرض بس شموو ابد لأنها دومها قويه.....
حطها فهد بكل هدوء و طلب من احمد ييب لها عطر و اخذ يضربها برقه على ويها
فهد: شموو ........اصحي
احمد: خذ العطر ....
وليد و هو منقهر منه : يعني لازم تدزها بقوه يوم تعرف انها تخاف لهذي الدرجه......تخيل انها طاحت و الا صار لها شي ......شو بتستفيد؟؟؟؟؟؟؟
احمد مستغرب من هجوم وليد عليه ...بس فسره على انه خوفه على شموو مو خطيبته: عادي كل مره نسوي بها هذي المقالب ما يصير بها شي
وليد بعصبيه : بس مو لهذي الدرجه.......
يقاطعهم فهد : لو تبون تضاربون سيروا برع.......... خل اوعيها ..........
بس شموو ما انتبهت ............ تنرفز فهد وصار يضربها على خدها بقوة طاحت بعض خصلات من شعرها على ويها .....ما اهتم ...... عم الهدوء في الغرفه وهم مستغربين عدم استجابتها ......اول واحد تحرك كان وليد و هو يصرخ فيهم : فهد شلها خل نوديها المستشفى ..... و يطالع احمد ........و انت روح يب عباتها ....وطلع بسرعه ييب سيارته داخل البيت........ الكل تحرك بسرعه .......وليد يسوق بسرعه و هو يردد يارب يكون واحد من مقالبها ....... يارب ما يصيبها شي......حاس بعمره خايف وايد لدرجه رجفت ايده........ثبتها بقوه لازم يوصل المستشفى بسرعه..........اما فهد قاعد ورا و شموو بحضنه و ضاغط عليها بقوه ...هذي اخته الوحيده و يخاف يفقدها..........وصلوا المستشفى وكان احمد في استقبالهم بالسرير و عيونه حمر من البجي .....
دخلوها لغرفة الفحص و اصر فهد يدخل معاها رغم اعتراض الطبيب .... احمد و وليد ينطرون برا من كثرت التوتر واحد يتمشى جهة اليمين و الثاني اليسار روحه و رده.............بعد نص ساعه طلع الطبيب مع فهد و باين على وجه الراحه ........تقدموا منهم
وليد: ها بشروا
احمد : صحت
فهد: الحمد الله .....هي الحين بخير بس عطوها مهدء
وليد يسال : شو سبب الاغماء وليش طولت لما صحت
الطبيب: شكلها تعرضت لصدمه سبب لها انهيار بسيط .............و كل هذا من سوء التغذيه..........و كمل لازم تتغدي غذاء صحي .......
وليد: و متى بتطلع
الطبيب يبتسم : كلها اليوم و بكره ما تستعقلش
احمد: ممكن نشوفها
الطبيب ايوه مش انتوا اخوانها ...... تفضلوا ................... وراح
وليد يطالع فهد منقهر منه : ليش ما خبرته اني خطيبها
فهد يبتسم: ليش ما عرفت عن عمرك
سكت وليد و كان يبي يدخل غرفتها يطمأن عليها بس فهد مسكه من ايده : على وين
وليد مستغرب : بشوفها .......قصدي ابي اطمأن عليها
فهد: لا انت محرم عليها
تفاجأ وليد من متى وفهد يعتبره جي ....: فهد تعرف انها مثل اختي و ما تغطت عني الا من جريب........و بعد هي خطيبتي و الا انت ناسي
فهد بجديه: لا مو ناسي .....بس شكلك انت الا ناسي انها مو راح تكون زوجتك .......يعني ما راح تدخل و تشوفها
وليد: فهد بلا سخافه .......بس بطمأن عليها لو من بعيد
فهد: انا اقولك انها بخير .....شو تبي بعد
وليد : انزين روح غطي شعرها الا ما شايفنه و لا مره بحياتي
فهد بعده رافض
وليد بعصبيه وهو اول مره يحس بوجود الحواجز و الحدود بينه و بين عيال خالته دوم مع بعض مثل الاخوان ...لدرجة كنت عادي اخذ شموو المدرسه و ارجعها بروحنا لما يكون فهد مشغول....دوم اعاملها مثل اختي ادافش معاهها و هي بعد و محد اعترض الحين يقول لا
:يعني هذا الطبيب المصري يدخل يشوفها عادي وانا لا...............اهنيه فهد نقع ضحك على وليد خذ المسأله بحساسيه ....هو متاكد انه يعز شموو و مستحيل يضرها ,,,, يارب تكون من نصيبه
وليد: فهد لا تضحك و الله واصله لي هنيه و ياشر على خشمه..............بس اشوفها شوي و الله ما راح ييني رقاد قبل لأطمأن عليها بقعد طول اليل افكر و احاتيها .................بس فهد عاد ذليتني
فهد: انزين ادخل بس ...................قبل لا يكمل كلامه وليد دخل غرفتها شافها راقده بهدوء و ويها اصفر...وشعرها كان مغطى......... سرح يتأملها عيونها رموشها خدودها شفايفها .........ما عارف يحدد مشاعره ........بس المهم انها بخير ....تقرب من السرير ومسك ايدها الا فيها الدبله وحضنها بين ايدينه ....احمد كان يراقبه بس ما قال شي .... لو في موقف ثاني جان ما فوتها له ........وطلع خل وليد بروحه معاها.......تقرب وليد من راسها و همس باذونها سلامات ما تشوفين شر........امرج باجر..........وطلع
فهد كان ينطره : جان رقدت .......
وليد متنرفز منه: فهد شو قصتك انت اليوم ما تفهمني ...........!!!!!!!!!!!!؟؟؟؟
فهد يبتسم بهدوء : خل نروح و بقولك
وليد: وين تروح ومنو بيتم معاها
فهد: بيب الوالده وبي..........
وليد: انزين انطر هنيه و انا اروح ايبها
فهد يضربه على كتفه: خلاص فهمنا انك خايف عليها بس احمد راح يتم لما ارجع بالوالده
وليد: يالله مشينا...........بصراحه انت اليوم غلس وما تنطاق
فهد:هههههههههههههههههههههه احسن علشان تعرف اهميتها زين
وليد: انت تعرف اني اعزها مثل اختي ...... ونحن متربين مع بعض
فهد: بس في اشياء وايد كانت غايبه عن بالك او انك متجاهلنها.......... يعني مثلا باجر ريلها ما راح يسمح لك حتى تكلمها......وكمل و هو يراقب ردت فعل وليد بدقه........: انت اخونا .... و نامن شموو عندك لو صار لنا شي لا سمح الله....و اعرف انك راح تحافظ عليها مثل نظرك و اكثر......
وليد مو فاهم فهد لشو يبي يوصل ففضل السكوت
فهد: خل ببالك اللحم ما يطلع من الظفر.......و انا ما اتمني احد ياخذ شموو غيرك .....فكر بالموضوع زين ...وخلك من حركات المراهقين حب تلفون و غيره.....
وليد: بس انا فعلا احبها انت ليش ما مصدق
فهد: و ليش ما اصدق هذي مشاعرك ....... بس انت تامن عليها تكون ام عيالك و شاله اسمك ...........هذا شي راجع لك...............يحط فهد ايده على كتف وليد وقال : وليد لا تزعل انت اخوي تهمني مثل ما تهمني اختي....
ويكمل وهو نازل: مشكور ع الفزعه ...........و لا تنسى انت ممنوع من الزياره ........ههههههههههه
وليد: ما يضحك و بيي و بييب امي معاي بشوف كيف تمنعني..............يالله سير ازقر امي اوديها البيت......
في هذي الليله حاول وليد يرقد بس ما قدر كل ما يغمض يشوف صورتها و هي مغمى عليها او وهي بالمستشفى....و يفكر بكلام فهد .......كلامه صح و واقعي بس انا احبها (نوره) شو اسوي.......غير قلقه على شموو ....ما بيرتاح الا يسمع عنها او يسمع صوتها ...مسك الجوال و كتب لها مسج....(الحمد الله ع السلامه طمنيني عليج.....)
اليوم الثاني
شموو كانت صاحيه من الصبح .......تضحك على امها الا تبالغ في خوفها عليها ........ما مخلتنها تتحرك او تتكلم اونها تجهد عمرها ..........غير الاكل الا من الصبح و هي تزطه......شكل الوالده ناويه علي اليوم ...احس عمري بستوي فيل ......الساعه سبع الصبح و العايله كلها موجوده عندي.....الغرفه انترست ورد من ابوي وفهد و احمد ....باجي الدريول و تكمل
شموو: ليش احس انكم مكبرين السالفه ...وهذا الورد كله احس عمري صدق مريضه...
امها: عيل مو مريضه ليش انت في المستشفى
فهد: خلوها تتدلع ........اونها من مريحانه اغمى عليها ........جبانه
احمد: الا قول ديايه
شموو: يبه اسمعهم شو يقولون ......انا اخاف من الاماكن العاليه بس
ابوها : يمه لازم تقوين قلبج ...........عقب ما تتزوجين بتواجهين اشياء وايد و تتحملين مسؤولية زوج و اولاد ...
شموو : يمه اسمعي ابوي شو يقول
فهد: هو صادق مو من كل شي بيغمى عليج
شموو: بس ذليتوني .......وين الدكتور ابي اطلع
امها: ما شي طلعه الا عقب ما تخفين زين
شموو تمد بوزها مو عايبنها ......مسكت موبايلها و قرت مسج وليد ...........اوه انا كيف نسيته كان موجود امس و اكيد شافني و انا مغمى علي
شموو: فهد وليد امس .....ما عرفت شو تسال بس فهد فهم عليها
فهد: هو يابانا المستشفى
احمد: و فتن على عسب الا صار
شموو: ههههههههههه تستاهل
سكتت تفكر شو ترد علي مسجه..........."ما فيني الا العافيه بس احب ادلع"
فهد: خبرتي مها
شموو تطالعه مستغربه : في احد يتصل لأحد في هذا الوقت
فهد: عادي اربيعتج ....................
شموو: علينا اربيعتج .......قول الا انت اشتقت لها
حمد: صدق الاخ صار رومانسي.............اصبر انزين خل يردون لك خبر بالاول
فهد متوتر: وليش ان شاء الله ترفضني ....!! تعرف مشاعري ناحيتها
احمد: هههههههههههههههههههههههههه الاخ بايعها ..... ما تخاف الوالده تسمعك
شموو: هههههههههههه و الله و اطورنا .....
.................................................. .................
وليد مد ايده يدور على الموبايل يبي يشوف الساعه.............كانت 11 الصبح.........انتبه للمسج ..........توقعاها شموو ....قراه و ابتسم...........رجع يكمل رقاده.....بس ازعاج اخواته و عيالهم طير الرقاد من عيونه
وليد: انتوا الحشره ............ابي ارقد
امه:بسك رقاد ............تعال ايلس معانا شوي
اخته: تعال من زمان عنك ............سولف لنا الا استوى امس
وليد يطالعها بنص عين : يعني امي الحين ما حكت لج.........
اخته: بلى بس منك انت غير ....... يعني عن مشاعرك وشو سويت ...........جي يعني
يطلع من الغرفه بسرعه : بسير اتغسل ابرك لي
وليد يفكر بردت فعله امس و هواشه مع احمد و الله ان التقى احمد مع خواتي ليفضحني ...... شي طبيعي اخاف عليها مو هي بنت خالتي و بحسبت اختي بس ما أعرف ليش ما خذين المسأله باني اهتم فيها عسب مشاعر خاصه ..علاقتي مع شموو غير عن اي علاقه بين خطيبين .......و الله اعرف ان امي و ابوي راح يتضايقون لما افك الخطبه ......بس شو اسوي لازم يقتنعون ان لي مشاعر خاصه ........ و ما ابي اظلم شموو معاي...........
بعد ساعه تجمعت العايله يروحون المستشفى لشموو ......وليد اشترى باقة ورد بعد الحاح خواته ......
شموو: ياي لو ادري كل يوم بمرض علشان تيبون لي ورد
احمد: احلمي مو كل يوم عيد
شموو بدلع : عادي انا بروحي ورده ......
وليد طول الوقت ساكت مندمج بسوالف امه و خالته ..... يحس ان موقفه غلط .... ما يقدر يكلمها لأن كل كلمه محسوبه عليه جدام خواته... الا ما يفوتهم شي..........ففضل السكوت..........
غرفة شموو صار مثل الميلس امها و خالتها و بناتها تجمعوا على دلة القهوه ....فهد و وليد و احمد قريبين من شموو
فهد: الا شموو ما شفتج تدقين عليها
شموو تبتسم بهدوء: و الله انك سالفه ........الحين تبيني ادق علشان اقولها انا مريضه تعالي اخوي يبي يشوفج
فهد: شموو عن المصاخه ........خبريها انج بالمستشفى و اكيد بتيي
وليد: رايح فيها الاخ..........الا ما ردوا عليك
فهد: لا بعدهم معذبيني........... اف .... شموو دقي اقولج و الا افلعج بهذا الموبايل
شموو: لا و الله اشوف استحليتوها ......بعلم عليك ابوي
احمد : و انت ما عندج الا تفتنين ...
شموو: عيل كيف احمي عمري منكم ......وحشين و انثى
فهد: عدال يالانثي .....يالله دقي
شموو: هات....................تغير صوتها و تتكلم بتعب
:الو مهوو وينج
مها: وين يعني فالبيت ........ وبعد ليش ما اسلمين
شموو: متفيقه انت انا مريضه و ما اقدر ارمس
مها: جي و ما تقدرين ترمسين الا بالعه راديوا
شموو: جب يالسباله .....وهي تشوف ست عيون تراقبها و مبتسمين .........و الله اني في المستشفى
مها: و الله شو فيج .......منو فالعنج احديج قويه
شموو: مهوو و يهد ..........مو مصدقه صح ..........و تحكي لها السالفه باختصار
مها: بعد الشر عليج حبيبتي .....
شموو: الحين حبيبتج ها .....لولا حنت الاخ العزيز جان ما دقيت ........قام فهد بهذي اللحظه و حط اذونه على الموبايل يبي يسمع ردها ....
مها: قولي و الله ........هو موجود عندج الحين عيل احلمي ازورج
شموو" ههههههههههههههههههه صدمتيه ...هو ناطرنج .... من الصبح يزن على راسي علشان ادق لج...........مهوو حرام لا تكسرين خاطره ....بعد العائله كلها موجوده يعني ما شي مجال الانفراد مول
مها: خلاص بمرج باي
شموو تدز فهد عنها : قوم عني اف ذبحتني
فهد: شموو حبيبتي اكدي لها
شموو: فهود حبيبي ارحمني ............. الله يوعدنا ان شاء الله بريل شراتك .......
فهد: امين و افتك منج
احمد: لا تحاتين ما شفتي وليد امس شو سوى
وليد : لا تبالغ
احمد: اونه لا ابالغ .....كله و الا يوم دخل يشوفج ......وقام من على الكرسي و مسك ايد شموو يقلد وليد ......وكمل مسك ايدج بقوه
فهد وهو يطالع وليد وفيه ابتسامه يخفيها: قول و الله هذا و انا مسوي لك حضر
وليد: انت صدقت هذا الخبل
هذا الا خايف منه ...الحين احمد شو يسكته و طبعا شموو بتصدقه .....و ياخوفي تتعلق فيني .... ما ابي اصعب عليها وقت افك فيه الخطبه ........ابرك لي اروح و الا ...........قطع عليه افكاره صوت اخته
وليد: هلا
اخته : يالله نروح مو كانا مصخنها ........... و الا شكلك القعده عايبتنك...!!!!!
اخته الثانيه: هههههههههههههههه
وليد: امشو يالله خلصوني.....
شموو عينها على وليد لما طلع و لحقوه احمد و فهد ....تفكر بالكلام الا قاله احمد عن وليد ...يا ترا بدا يحس فيني و الا مشاعر عاديه عسب العشره ...................انا اذا الغريب اخاف عليه كيف القريب...........بعد هو على علاقه بوحده و انا الا محشوره بالنص.......لمتى اقدر استحمل اكثر و الله ما فيني مليت .......
............................................
الجو الا مسوتنه مها و مي عند شموو خل شموو تنسى شوي وليد ...
مها: الحين انت مريضه و جي خبله ............ يلسي على الاقل مثلي انج مريضه
شمووو: اووووه انا ما صدقت امي تفرج عني اتين انت
مي: يعني انت ما تعرفينها ...... دلوعت الماما
تتخصر شموو : لا و الله ............. لو انا دلوعه .... انتوا شوو
مها : انا صراحه اعترف اني دلوعه البابا
مي منقهره : عدال .......... ريجي ناشف ما تبون شي بارد
مها: يا ريت روحي يبي لنا من الثلاجه الا في الممر ....
مي حطت الريالات و ما طلع لها شي بارد .... اف اكيد خربانه .... قامت تشوت في الثلاجه ... و تحاول تطلع بيزاتها
لمحها احمد من بعيد و عرف يميزها .... رغم انه ثاني مره يلتقي فيها ..... ابتسم و هو يشوفها تتصارع مع الثلاجه..... اقترب منها و تساند على الثلاجه ......
: تبين مساعده .......!!!!!!!!!!؟؟؟؟؟؟؟؟؟؟؟؟؟؟؟؟؟
تفاجأت مي من وين طلع لي هذا .... طنشت .... و كملت محاولاتها مع الثلاجه
ضحك احمد: خلاص ارحميها انا ايب لج الا تبينه .... سيري عند شموو
طالعته بنظرات دهشه .... هو كيف يعرف شمووو ..... اوه يمكن اخوها .... و انزين كيف يعرفني......
لفت بغرور و هي تتامر : خلاص عيل يب شي بارد حقنا و روحت
قال بصوت عالي : تأمرين امر
...............
التقى مع فهد و هو محمل الاغراض من بارد و فطاير و حلويات
فهد : ما شاء الله كل هذا .... وين مودنه
رد : عند شموو ربعها عندها
فهد فرح: و الله منو ربعها
احمد : خطيبتك و خطيبتي
يبتسم: و انا و خطيبتي معروفه .... انت عاد منو خطيبتك
احمد : اختها ................. و الله يا فهد ما قادر اشلها من راسي ..... من يوم حفلة شموو .... و الحين شفتها .... قمر يا ربي قمر....
يدزه فهد : امشي انزين بسرعه ... قبل لايروحون
: اطمان ما بيروحون الا لما ترد امي من البيت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك