رواية حبيتني غصب عنك مثل ما غصب عني حبيتك 13
العنود:بروح انام...طبعاًاذا قدرت انام...بس ان شاء الله ماتجيني كوابيس..
يزيد"يارب..."والتفت لها :نامي هنا انا بنام برا
العنود:هه...ضحكتني...اصلاً من قال ابغى انام هنا انا اللي ما ابغى انام هنا...
يزيد وقف وباين انه متملل سحب البطانيه والمخده وقال لها بصيغة امر مع صراخ وعصبيه:روحي نامي على السرير...بسرعه..
العنود خافت وعلى طول راحت انسدحت على السرير وغطت وجهها...
يزيد ضحك حس انها طفله...طلع من الغرفه راح للصاله ينام فيها...
ــــــــــــــــــــــــــــــــــــــــــــــــــ ــــــــــــــــــــــــــــ
ثاني يوم العنود صحت بدري من الساعه خمسه ونص....
صلت الفجر ونزلت تفطر تحت..."خلاص ما انعطى وجه صار لي اكثر من شهر وانا اداوم يوم وعشره اغيب..الله يلعن الزواج وساعته.."
كانت لابسه مريول المدرسه تنورتها الكاروهات المكسره...
والقميص الابيض اللي ضيق على خصرها...
كانت رافعه شعرها عادي بشريط احمر...
وقلوس خفيف مع مسكره خفيفه... طبعاًلابد من وجود الاساور والحلقات اللي على شكل دبدوب اسود...
عبايتها على ايدها...وشنطتها على كتفها..
وصلت لصالة الطعام ولقت عمها خالد ونجلاء وسلطان....
العنود وهي تبوس راس عمها:صباح الخير
الكل:صباح النور
نجلاء:بتداومين اليوم
العنود تستهبل:لا...لابسه المريول اسوي عرض ازياء
سلطان:ههههه....يعني انتم مساكين منتم مسوين عرض ازياء ...مرايل اشكال الوان...واكسسوارات...والجزم والشنط اللي الوانها مدري وش تحس فيه....والمناكير
نجلاء:بل...كل هاذا مراقب البنات
العنود كانت تفطر:هههههه....شكله يدقق بالبنات لين يقول بس
نجلاء:هههههه....حلوه
ابو يزيد:عنوده حبيبتي...يزيد صاحي ولا نايم...
العنود كانت تاكل الكوراسان شرقت باكلها:كح..كح..
ابو يزيد:صحه...صحه وانا ابوك وش بلاك...شوي شوي
العنود استحت ببالها ان عمها الحين بيقول مشفوحة اكل:.....
رجع سالها نفس السوال...
العنود:ايه...صحيته قال لي خمس دقايق وارجعي صحيني...عن اذنكم
ابو يزيد:افطري وبعدين صحيه اصلاًهو متعود على التاخير يعني عااادي عنده...ماحلك تعرفينه
العنود خافت ان عمها يكشف علاقتها مع يزيد لان عمها ذكي ويفهمها على الطاير...
العنود بتوتر :ايه...بس انا اليوم قلت له علشان يوصلني المدرسه
ابو يزيد:على راحتك
طلعت العنود الدرج وهي تركض وبعدها:ااااخ...
اصدمت العنود بيزيد وكانت بتطيح بس يزيد حط يده على ظهرها ابتسم: شوي...شوي...يمدحون الركاده
العنود انقهرت منه يعني قصده انها مرجوجه{ناضرت فيه وتكلمت بكره}عمي ينتظرك تحت
يزيد اللي ترك العنود بعد ما عدلت وقفتها:اوكي...امشي ننزل
العنود وهي تتكلم معاه ومنقرفه منه:اترك ايدي...
ترك يزيد ايدها ونزلوا يفطرون...
ــــــــــــــــــــــــــــــــــــــــــ
يزيد والعنود:السلام عليكم
الكل:وعليكم السلام
يزيد يبوس راس ابوه:وشلونك ياطويل العمر...
ابو يزيد:بخير دامكم بخير
نجلاء:يزيد بتوصلنا اليوم...
يزيد ناضر للعنود اللي ناضرت له وابتسمت بطريقه جننت يزيد...
يزيد:ايه بوصلكم....
نجلاء:اله وناسه....اليوم بنروح بالرنج...
يزيد:ههههه....الحمدلله والشكر...
نجلاء ناضرت للعنود بسرعه وقالت لها وهي تترجاها:تكفين عنوده بجلس قدام...
يزيد ناضر للعنود ورد على نجلاء:للاسف ماراح تجلسين قدام
نجلاء بطفش:اووووف...متى اتزوج واترزرزقدام...
العنود:ههههههه....
يزيد يمثل العصبيه:يابنت....عيب وش هالكلام...
نجلاء بخوف وحياء:ماكان قصدي...طلعت لا ايراديه
سلطان:والله مو منك من الخبله اسيلوه...
يزيد:ايه والله صادق...امحق خوات
كملوا فطورهم وهم ساكتين....
العنود ناضرت في جوالها وشهقت...
يزيد بخوف:وش فيك؟؟؟
العنود ابتسمت ابتسامه هبلت بيزيد:سلامتك بس مو كان الوقت تاخر...يعني باقي ربع ساعه وتقفل المدرسه ابوابها...
يزيد بإبتسامه:يالله امشي
نجلاء وكانها تذكره:يالله مشينا
يزيد:يالله
وطلعوا البنات من البيت على السياره وراحوا للمدرسه...
ــــــــــــــــــــــــــــــــــــــــــــ
بالسياره العنود كانت متغطيه وجالسه تناضر في يزيد...وتبتسم
العنود طول الليل ما نامت كانت تفكر ان هاذا حقه...وانه هو رجال وهو تحملني اكثر من اللازم يعني تقريباًشهر...وقررت انه اذا عاملها بطريقه حلوه...بيزيد حبه بقلبها...
طلال وهو يكلم يزيد:امممم....يزيد بعترف بشي
يزيد:خير وش عنده الشيخ طلال
طلال:دانه...اقصد دانه البنت .....
............................................
يزيد منصدم:اختها...
طلال بضيق:ايه...بس يزيد انا احبها وهي ماهي مصدقه همها كله انها تنتقم لاختها...
يزيد"تحبها...هه...وانا ياطلال وش اقولك من يوم الملكه وانا متجنن عليها..بس مابينت لها...ويوم بغيت ابين لها...كرهتها فيني زياده..."قطع تفكيره صوت طلال:يزيد وين رحت ؟؟؟جالس اتكلم معك
يزيد بضيق:لارحت ولاجيت...كلمها
طلال ابتسم بالم:قول والله ...انت عارف انه انا لي اسبوع وكم يوم ماكلمتها
يزيد:خلاص كلمها اليوم ...اسمع بقولك شي المره تحب الرجال اللي يهتم فيها
بين لها اهتمامك فيها
طلال:بس وش اقولها
يزيد:أي شي
طلال عجبته الفكره..
اتصل طلال على سارا:الو
سارا من غير نفس:يالله صباح خير
طلال:ليه الحلو معصب...
سارا:طلال...بليزلا تصدق انك زوجي ولا تكون حنون معاي لانك عمرك ماراح تتغير اوكي
طلال اللي الى الان وهو ماسك نفسه مايبغى يشوه صورته اكثر من كذا:طيب اسمعي...انا بمركم اخذ تركي بنروح نجهز غرفته...وش رايك
سارا اللي كان باين من صوتها انها منقرفه من المكالمه:لا..تركي ماهو برايح معاك..وبعدين ماله داعي تجهز الغرفه لاننا ماراح نطول بالجلسه عندك وببيتكم
طلال تنهد وكان يحاول يكون هادي بعد الكلام اللي قالته سارا:اسمعي ...انا استئذنت من عمي وخلاص ان شاءالله بعد المغرب بجي اخذ تركي...جهزيه...واذا بغيتي تجين معانا يكون افضل..باي
وقفل السماعه بوجه سارا....
سارا بعصبيه:اوووووف...الله يلعنك وش ذا اللزقه
......
طلال عصب والتفت ليزيد:انا الغلطان اللي سمعت كلامك
يزيد:يارجال وش فيك...انت متوقع انها على طول بترحب فيك...هه لا حبيبي اذا ما ذلتك ماتكون بنت
طلال:تذلني؟؟!!
يزيد:ايه تذلك وتلعن والدي والدينك...
طلال:بس انا احبها
يزيد"وانا احبها ":واذا تذلك ترجع اعتبارها
طلال تنهد بالم"لا سارا حبوبه ماتسوي هالخرابيط....لا اله الا الله محمد رسول الله"
ــــــــــــــــــــــــــــــــــــــــــــــــــ ـــــــــــــــ
الجوري:لااااا....والله انك كذابه
العنود بالم:قسم بالله
الجوري اللي زعلت على اللي صار بصديقتها:عنوده....انتي كان المفروض تكونين متوقعه هالشي
ترا الشي لازاد عن حده بينقلب ضده...
العنود:جوجو...انا مو زعلانه لانه اخذ حقه انا زعلانه من الطريقه المتخلفه ...
الجوري:عنود خلاص اللي صار صار الحين لازم تبدين معاه حياة جديده
العنود تستهبل:مو اليوم الاربعاء..خخخخخ
الجوري:الاربعاء...الخميس مو مهم اهم شي تنسين اللي صار وتبدين بحياة جديده...
بس بسئلك سؤال
العنود:اسئلي...امري..
الجوري ابتسمت للعنود:تحبينه؟؟
العنود ابتسمت:لا...اموت فيه...اعشقه ...
انتي عارفه انا لما اشوفه خلاص...احس اني بعالم ثاااااني
الجوري مبسوطه:الله يوفقكم....
العنود:ان شاء الله...الله يسمع منك
ـــــــــــــــــــــــــــــــــــــــ
سارا"ياربي هاذا رقم مين؟؟انا ما ارد على ارقام غريبه وبالعاده يتصل مرره مرتين وخلاص...
مين ذا اللي علق...ياربي والله لو اعطيه لصالح لاتصير سالفه لها اول مالها تالي...من خالتي...
مافي غيره هو...."
سارا بخوف:الو...
:الو...هلا سارا
سارا بلعت ريقها ما تعرف ليه حبت تتصل عليه هو بس:طلال...
طلال:عيونه
سارا:اممم...شوف فيه رقم مزعجني ...
وصراحه اخاف اعطيه لصالح بعدين تصير مشكله...فقلت اعطيك الرقم تتفاهم معاه
طلال اللي كان مبسوط:اصلاًلو عطيتيه لصالح كنت بزعل
سارا:مايهمني.. بهالوقت دخل تركي اخو سارا...خوذ الرقم.....050
تركي بصوت ما سمعه طلال:ثارا ابي اثير...
طلال اللي ما عجبه ردها:اوكيه من متى وهو يتصل عليك...
سارا اللي ما انتبهت لطلال:وشو حبيبي...
طلال الابتسامه من اليمن للشمال:اقولك من متى وهو يتصل؟؟
سارا:من تقريباً كم يوم
طلال:اوكيه انا اتفاهم معاه الحين...يالله فمان الله
سارا:باااااي
طلال"آآه ياقلبي...حبيبي مرره وحده...والله قويه
سارا"ياربي هاذا رقم مين؟؟انا ما ارد على ارقام غريبه وبالعاده يتصل مرره مرتين وخلاص...
مين ذا اللي علق...ياربي والله لو اعطيه لصالح لاتصير سالفه لها اول مالها تالي...من خالتي...
مافي غيره هو...."
سارا بخوف:الو...
:الو...هلا سارا
سارا بلعت ريقها ما تعرف ليه حبت تتصل عليه هو بس:طلال...
طلال:عيونه
سارا:اممم...شوف فيه رقم مزعجني ...
وصراحه اخاف اعطيه لصالح بعدين تصير مشكله...فقلت اعطيك الرقم تتفاهم معاه
طلال اللي كان مبسوط:اصلاًلو عطيتيه لصالح كنت بزعل
سارا:مايهمني.. بهالوقت دخل تركي اخو سارا...خوذ الرقم.....050
تركي بصوت ما سمعه طلال:ثارا ابي اثير...
طلال اللي ما عجبه ردها:اوكيه من متى وهو يتصل عليك...
سارا اللي ما انتبهت لطلال:وشو حبيبي...
طلال الابتسامه من اليمن للشمال:اقولك من متى وهو يتصل؟؟
سارا:من تقريباً كم يوم
طلال:اوكيه انا اتفاهم معاه الحين...يالله فمان الله
سارا:باااااي
طلال"آآه ياقلبي...حبيبي مرره وحده...والله قويه
ـــــــــــــــــــــــــــــــــــــ
الساعه 12,45
العنود بملل:اوووووف....ياشين الدراسه
نجلاء وهي شوي وتبكي:والله طفش...اوووف
العنود وكانها مصدومه:يعني انا مستغربه من المدرسات مايقولون البنات لاعت كبودهم من كثر الدراسه ....
نرحمهم ونغيب....نحذف دروس...اي شي ياااربي أي شي والله راضين...
نجلاء:ياربي اجرنا في مصيبتنا....لا وبكرا اختبار
العنود:لااااااااا....
نجلاء:للاسف هذا الصدق بكرا عندنا اختبار علم اجتماع
العنود حطت ايدها على راسها:لااااا....استاذه هيله...لاحول ولا قوه
....
العنود وهي تاخذ عبايتها و شنطتها وتصعد الدرج:
انا ارو ح انام ارحم لي
نجلا ء بصراخ:نوووووده...خوذيني معاك
العنود:الله ياخذك....وين اخذك
نجلاء:لغرفتي
العنود:امك ابوك....كافي اللي فيني
نجلاء:ووجع ان شاء الله انقلعي اروح انا بنفسي احسن لي
وصعدوا اثنينهم وكل وحده على غرفتها..........ز
ــــــــــــــــــــــــــــــــــــــــــــ
وليد:هلا وغلا بالشيخ ولد الشيخ
نايف :احم احم ...هلا فيك
وليد:وينك يارجال ما تبين
نايف:والله يا اخ وليد زيك عارف مشاغل...يعني ام العيال والعيال
وليد:ههههههههههههههههههه.....يلعن بليسك وش عياله الله يرحم الحال
.......
يا حبيبي انا وانت عوانس سيتي
نايف عصب:لا والله اذا انت عانس انا مو مشكلتي
.........
لاننني بتزوج عن قريب
وليد بغى يموت:تتزوج؟؟؟؟!!!!
نايف والابتسامه من الاذن للاذن:يس
وليد بنرفزه:تخسي وتهبى والله ما تعرس قبلي
نايف:ليه توئمك انا ؟؟؟
وليد:طيب طيب يا زلابه .... ومين سعيدة الحظ اللي بتاخذك...الله ياخذك
نايف:ماعليه يالغالي تمون....اريج بنت خالتك
وليد:لا اذا العروس اريج اجل يمديني اعرس واجيب درازن عيااال وانت للحين ما اعرست على العموم خير من اخترت...
نايف بلع ريقه :ليه؟؟!!
وليد بثقه:لانها بتقول {ويقلدها} انا ووليد بنفس اليوم
نايف:لا والله ليه وليد اخوها
وليد ناضر في نايف:اشباااه اخوها
نايف حب يغير الموضوع:طيب انا بروح انام ماتبي تروح بيتكم
وليد:بنام عندكم...
ـــــــــــــــــــــــــــــــــــــــــــ
يزيد رجع من الجامعه الساعه 3 العصر...
وكانت العنود لسى صاحيه من النوم ....وكان شكلها مررره يجنن...
كانت لابسه بجامه لونها ليلكي توصل الا الركبه وبدي فتحة الظهر شوي كبيره وفتحة الصدر كبيره شوي وشعرها محوس وصوتها مختفي ووجهها متنفخ من النوم....
العنود بصوت كله نوم:يزيد انت متى جيت؟؟
يزيد اللي اكلها بعيونه اكل :من شوي...ليه بغيتي شي؟؟؟
العنود اللي جت وجلست جنبه:زوجي واسئل عنه
يزيد:!!!!!!!!!!
العنود مع ابتسامتها الرائعه:ولا فيها شي؟؟؟
يزيد اللي ضيع:ايه..لالا...لا مافيها شي
العنود:بتنام ولا بتتغداء
يزيد وهو مبتسم عاجبه الوضع:لا بنااااام ...{انسدح على الكنب}...حدي تعبان
العنود حطت يدها على صدره وابتسامتها اللي ما فارقتها و اللي كانت مبينه غمازاتها الحلوه..و قربت منه وصار وجهها قريب من وجهه:سلامتك من التعب...روح نام على السرير
يزيد"البنت فيها شي...ماهي طبيعيه":الله يسلمك...يالله اجل انا رايح انام على السرير
العنود بابتسامه:نوم العافيه
يزيد اللي كان يمشي وقف والتفت لها وابتسم"يااااحلوها ياااناسو...امواااح":الله يعافيك يا قلبي
العنودّ"ياحياتي...وانا ليه انتظر الى يوم الاربعا خير البر عاجله.."
راحت العنود لغرفتها وفتحت الدولاب وشافت قمصان النوم اللي ادخلوا الدولاب وما طلعوا بعدها...واختارت واحد مره ناعم...
وجهزت اغراضها كلها من عطورات وكريمات والجزمه الكعب العاليه....وكل شي...
وحطته على السرير وطلعت من الغرفه...
ـــــــــــــــــــــــــــــــــــــــــــ
مر اليوم عاااادي...
الى ان صارت الساعه 12,45
يزيد كان طالع من الحمام ولاف الفوطه على خصره ....
جلس على السرير ينشف شعره وكان يتكلم بصوت عالي:آآآآه...يالعنود ليتك تحسين فيني...
والله اني احبك والله...
ووقف راح لغرفة الملابس وهو الشي الوحيد المشترك بين يزيد والعنود في جناحهم....
دخلت العنود للغرفه بعد ماراح يزيد لغرفة الملابس....
طلع يزيد من الغرفه بعد مالبس ثوبه والغتره .... وكان جاهز بيطلع....
بس انصدم من اللي شافه....
العنود كانت تجنن
كانت لابسه قميص نوم فخم وناعم بنفس الوقت
وطريقة كلامها خلتها تحلو زياده
العنود بدلع وهي واقفه عند الباب وتلعب بشعرها..:بتطلع
يزيد بتوتر:هاه...ايه ايه
العنود قربت من يزيد وحاوطة رقبته بادينها وسوت نفسها زعلانه:وتخليني لحالي
يزيد اللي كانه مو مصدق ابتسم عاجبه الوضع:كيفك
العنود وهي تلعب بشعر يزيد:يزيد بعترف لك بشغله
يزيد بخوف:وشو
العنود نزلت عيونها:امممم...{وقربت تهمس بإذنه}....والله احبك
يزيد انصدم من اللي اسمعه وبعد العنود عن حظنه وناضر فيها...
ظحك ماكان مصدق
ناضر في عيونها يبغى يتاكد...
يزيد قرب من اذنها..
وعضها على خفيف
العنود:ااه
يزيد:واااانا بعد
...........^_*
ــــــــــــــــــــــــــ
مر الاسبوع طبيعي بس اللي تغير ان العنود ويزيد حياتهم صارت احلى
والزاوج ما بقى له غير كم يوم
وبالايام اللي مرت طلال قدر انه يخلي سارا تحترمه
ـــــــــــــــــ
طلال يكلم سارا:هلا حياتي...كيفك اليوم
سارا مبتسمه:اممممم....تمام وانت كيفك؟؟
طلال:زفت..
سارا بخوف:ليه؟؟!!!
طلال:لانك امس قفلتي الخط وماقلتي احبك مع انه ماكان هاذا اتفاقنا
سارا بخجل :طلال انا بقفل الحين اذا ما عندك مانع
طلال ابتسم""ياحلوها صايره اخلاق"":طبعاً ما عندي مانع يالله فمان الله ...
ــــــــــ
يزيد دخل عند العنود بالغرفه لقاها تصيح انجن ماهو عارف هي ليه تصيح....
يزيد بخوف:عنود وش فيك؟؟!!
العنود وهي تبكي وتاشر على التلفزيون:راج ترك برياتي
يزيد يناضر منصدم"لا اكيد تمزح":هههههههههههههههههههههههههههههه
والله انك بزر بس شقول بعد فلم هندي
العنود وهي تبكي وماهي بجنبه جاها يزيد وباسها برقبتها وقالها برقه:لا تبكين ...ترا اكسر الشريط
العنود وهي تبكي:اوكي ماراح ابكي
يزيد عض على شفايفه"بلا فلم هندي بلا هم كل هالدموع علشان الفلم":انا افضل انك ما تشوفينه
سحب الريموت وطفى الديفي دي العنود كانت بتعترض بس سبقها يزيد ببوسه على شفايفها....:$
ــــــــــــــــــــــــ
اليوم يوم الزواج
انزفت سارا هي وطلال وبعدها راحوا الفندق
طلال اللي كان ميت وهو يشوف سارا تبكي جاب يمسح دموعها بس سارا لفت وجهها للجهه الثانيه
قرب منها طلال وتكلم معاها:سارا...ترا مايصير اللي تسوينه خلاص انا الحين زوجك...وبعدين انا والله ثم والله اني تغيرت سارا انتي غيرتيني انا ما كنت اعرف كيف اصلي والحين والله اني ما افوت صلاتي بالمسجد انا تبت من بعد ما قلتي لي عن دانه بعدين انا سويتلها سبيل ينفعها في اخرتها سارا تكفين والله اني تركت كل شي من عرفتك انا...
قاطعته سارا وهي تحط يدها على فم طلال وقالت بصوت كله بحه:لاتعتذر خلاص انسى اللي صار وخلينا نبدى صفحه جديده
طبعاً طلال ما صدق فعلى طول......*_^
ــــــــــــــــــــــــــ
يزيد والعنود عاشوا حياة كلها حب بحب والحين عندهم اسيل واثيرتؤام عمرهم 3 سنوات
سارا عاشت حياتها مع طلال بحب ولا عمرها جابت طاري دانه وعندهم ولد اسمه مشهور وعمره سنه ونص وسارا حامل
محمد ونوره عندهم بنت اسمها راما وولد اسمه خالد
وليد ونجلاء تزوجوا بعد عناء ووليد ما صدق انه تزوج جاب ثلاث بنات زي القمر..لاما ولمى ولمياء
نايف اخذ اريج وطبعاً هي خبله وهو خبل عاشوا حياة تجنن وكمل عليهم سليمان وعبد الله الحياه الحلوه
الجوري وسلطان تزوجوا والجوري عندها اولاد ثنين تركي وسيف
نجود تزوجت صالح ولد عم سارا والحين عندها ولد واحد اسمه منصور
فهد بالموت يالله قبل انه يتزوج بعد نجود وتزوج اسيل وقالها في ليلة زواجهم انه ما يحبها ولو يموت صالح اليوم من بكرا بيتزوج نجود بس اسيل بطريقتها قدرت انها تخليه يموووت فيها وعندها الحين ولد واسمه سعود وحامل بتؤم
ـــــــــــــــــــــــ
كلمات بسيطه
انا حابه اشكر كل اللي شجعوني وانا عارفه اني جبت لكم المرض بس والله شاهد علي انه غصباًعني
وغير كذا انا اسفه على النهاية اللي ماهي بالمستوى المطلوب بس والله اني ما اقدر اتركم كذا فا قلت اكتب النهايه وانا ماني براضيه عنها واتمنى انكم تعذروني ....آسفه...
تجميع ورد جوري
اللهم لك الحمد حتى ترضى وإذا رضيت وبعد الرضى ,,, اضف تعليقك