رواية يوميات حبي و حبه -13
فهد و يعرف انها جذابه: لا والله ..........ممكن تتفضلين معاي شوي
مها مرتبكه و تحس انها مو على بعضها: لا ما ابي
فهد يهز كتفه : عادي ارمس اهنيه جدام الكل.......وصلني ردج بسرعه..و.............
مها بسرعه و هي عارفه انه عادي يرمس جدام الكل: خلاص بيي معاك
اشر لها تفضلي........
وصلت معاه المكتب و هي خلاص مو قادره تشيل ريلها ........قعدت على اول كرسي جابلها و
نزلت نظرتها للأرض ما تبي تشوفه تحس عمرها مرتبكه و مو على بعضها.......... طال الصمت
رفعت راسها تشوفه شو يسوي و ليش ما تكلم......... تفاجأت فيه متساند على الباب يتاملها
ارتبكت زود و شافت ايدها ترجف حاولت تثبتها بس بدون فايده ..........ضمتها بقوه في
حجرها...........
اما فهد يتامل بكل حركه تسويها باين من حركتها انها مرتبكه بس ليش ........حب و الا خوف
تنهد بصوت عالي و تقرب منها .....وقف ثانيه يتامل المكان الا يبي يقعد فيه شاف الكرسي
المقابل لكرسيها بعيد عنها و هو يبي مكان قريب مره علشان يضمن تاثيره عليها
بالقوه ....ويدرس ملامحها زين و يشوف ردت فعلها على الا راح يقوله..........قعد على الطاوله
الصغيره الا كانت بالنص و صار ويه مقابل ويها و ركبه شوي تضرب بركبها مما خل الدم يتجمع
في راسها ......شافته يحرك شفايفه بس هي مو سامعه غير دقات قلبها السريعه الا تدق
في راسها
فهد: شموو قالت انج خايفه ...........علشان جي رديتيني ....انسي الا استوى قبل الحين انا الا
ابيج و انا بنفسي خطبتج من ابوج...........سكت يتاملها يشوف ردت فعلها على كلامه........ يا
ربي عليها كانها طفله تسمع الى ابوها يانبها والله حاس انها ما سمعت شي من الا قلته و
ناديت اسمها و عدت لها الحجي ثاني مره ........شفت نظرات الشك في عيونها
فهد: مها و الله ترا انا احبج ...........سكت افكر مو كاني اعترفت بحبي لها شكلي انا الا مضيع
و متوتر مو هي
رفعت راسي له بسرعه هذا شو يقول .......يحبني.....مو كفايه قربه مني بهذي الطريقه ...
ودي اشرد من جدامه بس مو قادره اذا تحركت حركه وحده راح الامسه ..........جسمي صار
حار .....
فهد بهمس :معقوله كل هذا و ما لاحظتي اشكثر احبج ........حس بتوترها و شاف كيف ويها
صار احمر ابتسم برقه ........حرام خل ارحمها شوي ....... شكلها متفرزنه ..........قمت من
مكاني افتح لها مجال علشان تمر .. شفتها تقوم بسرعه تبي تطلع من المكتب قلت: راح انتظر
ردج في نهاية الاسبوع ........راقبتها تمشي بسرعه و كانها تركض ...........كنت مخطط لكلام
ثاني ما ادري شو الا خلاني اعترف لها بحبي ...... ما ادري شو يستوي بي لما اكون معاها
اتصرف بطريقه غريبه عني ......احس بالراحه كفايه ردت فعلها القويه ...ههههههه..
اما مها كانت تمشي بسرعه مو حاسه بعمرها ما انتبهت الا وهي بالحمام تنهدة بصوت عالي
و كانه شي ثجيل و انزاح عنها ..........غسلت ويهي خمس ست مرات استوعب الا
صار .....معقوله فهد يحبي ..... و عترف لي بهذا الشي........احس باني طايره فوق فوق و
قعدت الف حول نفسي ............شموو وينها عني اخبرها بالا صار ..........دقت عليها
مها: شموو تعالي انا بالحمام
شموو حست بمها فيها شي لأن صوتها مو طبيعي .. شو صاير بينهم يارب تفاهموا......قامت
بسرعه تبي تطلع بس وليد زقرها منقهر منها ما مسويه له سالفه مو كانه رئيسها: شما على
وين
شموو توقف بسرعه و تدور تطالعه: اوه نسيت ممكن اروح حق مها شوي
وليد و هو يلعب بالقلم : الا هي وينها ما داومت اليوم ...........و الا ماخذه اجازه
شموو مو قادره توقف اكثر تبي تروح لها بسرعه: وليد بس عاد ............شافت نظرت
وليد ........خلاص حقك علي ممكن اروح..........فهمت انه معارض ..........تقربت منه و قالت
بصوت واطي محد يسمعه غيره
: مها عند فهد بينهم مشكله و الحين دقت تبيني ممكن اروح ..............سكت يفكر ..........وليد
بليز
وليد يبيها تبتعد عنه ما يحب قربها :روحي يا بو العريف
شموو بصوت عالي و هي طالعه : تسلم ولد الخاله..........
وليد هز راسه و هو يشوف نظرات الشباب حقه و بدوا التنغيزات و التعليقات....
اما شموو من كثر ماهي مسرعه دفت واحد بقوة خلته يطيح على الارض بقوه ..: اي انت ما
تشوفين و رفع راسه يطالعها .......بهر من جمالها هذي منو اول مره اشوفها بالشركه....
شموو: شو صار يعني انكسرت لك ايد و الا ريل
مهند: بعد لسانها طويل
شموو بعصبيه و هي ترفع صبعها في ويه : لو سمحت عن الغلط
انتبه مهند على ايدها ما فيها دبله قال في خاطره و الله وناسه مو مرتبطه تشجع الواحد يفكر
بالارتباط
طنشته شموو و راحت .....: اي انت وين رايحه .....بعد ما تعطيني ويه ....... بس وين بتروحين
في الحمام
شموو دخلت بسرعه شافت مها قاعده ترقص و تلف حول نفسها
شموو: مها عن الخبال ........ شو فيج ............بس مها ما ردت
شموو: بتردين و ترمسيني عدل و الا اتصل على فهد
مها سمعت اسم فهد و رجع لها التوتر و قالت بصوت حالم: لحقي علي يا شموو اخوج
بذبحني......و تلف ...قال انه يحبني
شموو شهقت : قولي والله ........السبال .من وراي................و مسوي عمره معصب و
يتوعدج من امس بليل و بالاخير يعترف بحبه ................ و الله طلع مو سهل...........
مها: شموو ما اسمح لج .............فهمتي
شموو: لا ه الحين ها ...........مو هذا الا رافضتنه امس و الا انا غلطانه........؟؟؟؟؟؟؟
مها : تقولين امس .......ما اعرف اعبر عن مشاعري
شموو: ما كو داعي باينه.......يالله خل نروح عن ياكلنا وليد
مها: ياكلج انت مو انا ...........وراي ظهر
شموو: عدال مو كانه اخوي ........؟؟؟؟؟؟؟ تدز مها و تطلع من الحمام
مها: شموو و الله مستحيه شو اسوي ما اقدر اقابل احد
شموو: بس عاد و الا يقول الكل عارف
وصلوا المكتب شافت الشباب ملتمين على مكتب شموو وسوالف وضحك
شموو: مهوو شو عندهم
مها: هذا مهند الموظف الا انت ما خذه مكتبه
شموو تروح توقف بقرب من مكتب مها .....
مهند و عيونه على شما من دخلت هي و مها:هلا مها و الله لج وحشه.......و يسال الشباب
بعدها على المقالب
مها: لا عقلنا ..........الا انت شو اخبارك......
مهند : بخير ..... و اشر على شموو ..........منو هذي
وليد يرد عليه ببرود مو عايبنه نظرات مهند لهم : هذي شما الا استلمت مكانك ..........
مهند: خساره.......يعني من ارجع تكون روحت
مها: اكيد .......بتكون معاي ..........تطالع شموو الا ساكته و ما رمست و لاحظت نظرات مهند
لها ....شكت في شي بالموضوع........
وليد: مهند يالله فارق عندنا شغل ...............وهو يطالع البنات مو كفا يه من الصبح كل وحده
فيهم ما ادري شو عندها؟؟؟؟؟؟؟؟
مهند و هو يبتعد عن المكتب : خف عليهم لا يشردون
وليد: يضحك جان زين و افتك من حشرتهم
شموو سارت صوب المكتب و هي تطالع وليد: الحين انا المتاخره و الا هاي و تاشر على مها
مهند يالله على صوتها جنان يشوفها تقعد على الكرسي قال: ليكون فتحتي الادراج الا تحت
شموو: عيل على بالك ما بفتش .......ما خليت درج الا فتحه و شفت كل شي فيه
مهند:هههههههههههههههه و عرفتي الاسرار الا كانت مخبيه
شموو: قصدك الصور .......... فريتها كلها بالزباله
مهند : صدق
شموو: لا خليت كل شي مكانه و هي تبتسم برقه
مهند: رغم اني ما احب احد يتعبث باغراضي بس انت مسامحه........سوي الا تبينه
رفعت راسها تطالعه لأنه قالها بطريقه نقدر نقول رومانسيه شوي.........و شافت وليد الا واقف
ما علق.................؟؟؟؟؟؟؟؟؟؟؟؟؟؟؟؟
بس الحقيقه وليد متنرفز و ضام قبضت ايده بقوه لدرجة الاحمرار.....هو عارف حركات منهد مو
ربيعه و هذي شموو الزفت ليش ترمسه بالاساس
عم الهدوء بالمكتب الشباب حسو بجو المتوتر ......هم فاهمين على مهند بس الظاهر هو مو
عارف ان شما خطيبة وليد...........قاعد يغازلها........
حاول احمد يتدارك الموضوع : مهند ترا شما خطيبة وليد
مهند تفاجأ و انحرج .......هو ابيضاني .....صار ويه احمر من الاحراج قال بسرعه وهو يطالع
وليد: سوري وليد خذت راحتي ......ههههههه ..... بس انا ما شفت دبله بايدها فكرة
انها ............
وليد يتمالك عمره و يحط ايده على ظهر مهند: مش مشكله ........و كمل بخفه... يالله
هوينا ........
مهند حس بشوي راحه: خلاص نتلاقى اليوم بالديوانيه...........
عم الهدوء مره ثانيه .....وليد رجع مكتبه و فيه غيظ من شموو .....انا شو سويت بدنيتي
علشان الله يعاقبني بهذي العله ........تسبب لي الاحراج مع ربعي و في المكتب .....انا ما
اعرف فهوود ليش ما يشلها من هني ....بسني احس كرهت مسؤوليتها الا فاريها علي
ظهري...انا من الله الا ولد خالتها و هو اخوها خلها عندك و فكني........او خل يقعدوها بالبيت
ابرك لها ........ اف كله و الا الابتسامه .....يتنرفز زوود و يفر القلم من ايده ..رفع راسه
يطالعها ........شافها تتكلم بالاشاره مع مها..........ما قدر يصبر اكثر لازم اكلمها الحين و الا ما
ادري شو بيستوي
وقف بطريقه دفشه لفتت انتباه الكل
و قال: شما تعالي معاي .................................................. ..و طلع ينطرها برع
شموو تحط ايدها على قلبها وقالت بطريقه مأساويه : رحت فيها ........يالله شباب اشوفكم
على خير..........و تسوي حركات مسرحيه بايدها و طلعت لوليد
اول ما حس فيها تحرك راح لأستراحه بالزاويه و يلس ....: عيبج الموقف الا صار
شموو تهز كتوفها: و انا شو علي
وليد: كل هذا شو عليج .......؟؟؟؟ انت اصلا ليش ترمسينه ........... وتبتسمين بويه.....يعني
انت بالاوله الا شجعتيه...........
شموو منقهره منه يلس وخلاها واقفه و كانه في المدرسه و يتهمها بانها الغلطانه ........
قعدت جريب منه : هو الا قعد يتغزل فيني لما دعمته ..............
وليد طالعها بطريقه مو مصدق: انت ؟؟؟؟؟؟؟؟؟؟؟؟؟؟؟؟ كل الوصف الا قاعد يتوصفه بالبنت كان
لج وانا ياغافلين لكم الله
شموو خايفه: وليد و الله ما قلته شي و ما عطيته ويه .......................سحب ايدها بقوه و رص
عليها : وين الدبله ............هو ما ينلام شافج بدون دبله فخذ راحته......انت ما سمعتي الكلام
الا تغزل فيه بالبنت الا دعمته ...و الله لو دريت انه انت لذبـ................
شموو: ايدي تعورني
وليد:تستاهلين .......الدبله ابيها في ايدج ما دام اسمي مرتبط باسمج .............انت
فاهمه ..........كافي فضايح...اول مطر و الحين مهند........انا ما ادري ليش فارين مسؤوليتج
علي ..........متى تروحين قسم ثاني و تفكيني من مقابلة ويهج.......لاعت جبدي منج و من
مصايبج...........وليد متنرفز و قاعد يعق خيط و خيط و ما مهتم بمشاعر شموو .............وكمل :
شموو انا خذيت خطوة الخطوبه بس علشان احميج من مطر و اشكاله بس اذا حسيت ان
هذي الخطوبه تاخذني الى منحنى ثاني مشاكل و غيرها ففهمي اني ما راح اسكت انت
فاهمه و انا ما اقدر اتحمل مسؤوليتج اكثر من جي ......وراح افسخ الخطوبه باي وقت و ما
همني احد ...و يزيد الضغط على ايدها
بس شموو حست بالبروده بكل جسمها ..... من كلامه .....الحين كل هذا ويقول لاعت جبدي
منج .....انا ابي اكسبه مو اخسره ........سكت ما رمست باي كلمه ..... ويهددني بفسخ
الخطوبه و انا ما صدقت على الله ارتبط فيه على امل يحبني في يوم ......ما حسيت بقوة
ضغطه على ايدي .....جرح مشاعري و احاسيسي كان اكبر ...
رجع يضغط على ايدي بشكل كبير : انا كل ما اذكر ابتسامتج بويه يمسكني غيظ .......ودي
اكفخج ....
شموو خلاص مو قادره تسمع اكثر و الم ايدها يزيد....عادي كسرها : اي وليد ايدي.......وحطت
ايدها الثانيه على ايده تحاول تبعدها .....توتر من لمستها حس بكهربه بجسمه...ابعد ايدها بقوه
فسر مشاعره بالكره لها و لمستها وقف بسرعه و سحبها معاه
قال:لازم نرجع المكتب مع بعض ...........تركها وراح
تمت شموو تطالع ظهره و هو يروح بسرعه و مو مهتم فيها ......و تدلك ايدها الا كان ما
سكنها .......استوت حمره من تجمع الدم فيها .......ورجعت تقعد ......قلعتك روح بس انا مو
رايحه ....... على الاقل خل اتمالك مشاعري علشان ابان عادي و................
وليد: شو تسوين ما اقولج نرجع و انت مكانج يالسه
شموو ما ردت لانها حست بالغبنه و اذا رمست الحين بصيح و ما تبي تبين لوليد ضعفها او قوة
تاثير كلامه عليها وليد: شما انا ارمسج
شموو: سير بروحك انا بعدي مو مستعده ارجع الحين .............
وليد: وليش ان شاء الله .....ناطره احد..........رفعت راسها تطالعه بقهر ........قدر يقرا مشاعر
القهر الا فيها ..
قالت و هي ترفع ايدها في ويه: لا ابي ايدي تخف شوي ........يعني اذا مو باينه لك ....انها
حمره و تعورني ...فانت اكيد اعمى..............
تفاجأ وليد من احمرار ايدها قعد بقربها و اخذ ايدها و قام يدلكها لها لما حس انها رجعت شرات
قبل......شموو حست بمشاعر مختلفه و ايدها في ايده يدلكها .......حست برجفه و دقات قلبها
تدق بسرعه .......و كأن وليد حس برجفتها رفع عيونه تلاقت مع عيونها ....قرا فيها اشياء وايد و
منها اعجابها توترها عتابها بس ما قدر يرد عليها وقف بسرعه و قال : يالله خل نرجع
شموو حست بعمرها مرتاحه شوي .......رغم كل الكلام الا قاله الا ان هذي اللحظات مسحت
كل كلمه قالها و غفرت له ...........تحبه و تموت عليه ......لحقته بسرعه دخلوا المكتب مع
بعض و علامات الرضا باينه من وجوهم
مها: سلامات ........ما بغيتوا تردون......ترا عندنا شغل وايد ...........مو كفايه من الصبح و كل
واحد ما ادري شو عنده .......يالله شوفوا شغلكم ...........وهي تقلد وليد
شموو و وليد ابتسموا لها و كل واحد راح مكتبه ....................
.................................................. .................................................. ................
وقت الغدا
شموو: مها لازم ننزل ............و الله مالي خاطر
مها: صدقج ............بس انا يوعانه تعالي نشرب كوفي و احكي لي سالفة مهند
شموو: اي سالفه ............برع المكتب و الا داخل المكتب
مها: فيها برع المكتب .............يالله قولي
وهم يمشون في الممرات
شموو: دفيته بقوه طاح بطوله للأرض و قعد يضارب .......ههههههههههههههه ............ و انا ما
سويت له سالفه ................هههههههههههههههه
مها:هههههههههههههههههههههههههه و الله
انج ...........هههههههههههههههههههههههههههههههه
كان ضحكهم بصوت عالي .......التفت لهم وليد الا محطي السماعه بذونه ويرمس
بالتلفون ............
شموو: هذا مو كانه مصخها ..............و زادت مكالماته .............صبري شوي
مها حاولت تمنعها بس هي اصرت الا تروح عنده..............سمعته يضحك :وليدوو..............
صد يطالعها و هو عاقد حواجبه ..........و ياشر لها شو تبين........اخذت السماعه من اذونه
وفصلتها عن موبايله : ابدا سلامتك بس كنت ابي استلف منك السماعه ..........تسوي له باي
و تروح...........هو تفاجأ من حركتها ...خذه له دقيقه عبال استوعب الا صار :شموو تعالي اقولج
مها ناقعه ضحك عليها :انت خبله الحين بي وراج ...........
شموو:خل ييي ............هذا الا ابيه
مها:هههههههههههههههههههه ..............شفتي شكله تفاجأ من حركتج .............و الله قويه
شموو تتنهد: انت ما سمعتيه شو قالي الصبح .............سبني سب
مها: و فرحانه..............وين راح لسانج........و الا حبج بيذلج
شموو: ما اقدر ارد عليه احس لساني منربط ............بعد فتره ارجع و افكر ليش ما رديت
عليه ............كل شوي ذالني انا ما خطبتج الا علشانج............مالت عليك
يقهر؟؟؟؟؟؟!!!!!!!!!!!!!!!!
وصلوا البنات عند الشله و اندمجوا معاهم بسرعه.......كل وحده ناسيه افكارها
وهمومها...........
.................................................. .......................
دخل وليد يدور عليها شافها قاعده بين البنات تضحك و لا عليها ............الحين اسير لها ........و
الا اصبر .......اف اصبر احسن ....سرت صوب فهد و خالد الا مندمجن بموضوع عن زواج ما ادري
منو
وليد: يا رب مو اناا الا تبون تزوجونه
فهد:ليش شو ناقصنك ..........
وليد: ناقصني حبيبت قلبي
خالد: وليد عن حركات المراهقين............
فهد عصب كان يبي وليد يتعلق باخته و يعتبرها خطيبته صدق ..مو مثل ما مخططين:انت غبي
في احد عنده مثل شموو و اخلاقها ويرفضها
وليد حس بفهد انه خذ السالفه بحساسيه: فهد لا تزعل القلب و ما يريد......مو بايدي...
فهد يفكر في كلامه: مو مشكله ........ِشموو خطابها وايد ........و انا ما الومك....كفايه موقفك
معاها ما راح انساه لك............ورفع ايده ...........بس تاكد اي وقت تبي تفك الخطبه او هي
تفكها راح تنفك على طول من غير ما اخذ رايك او رايها ............انا ما ابي اضغط عليك اكثر من
جي
وليد: اذا ما تبي تضغط على شلها من عندي ............. و الله مسويه حقي مشاكل
شكثر .....ويحكي لهم سالفة مهند..........
فهد: الا هذا ما اقدر عليه ..........خلها عندك احسن ما امن عليها بمكان ثاني...........
وليد:خلاص خلها بالبيت و فكني من الصدعه
فهد:هههههههههههههه شكلك تغار
وليد ينفي بقوه : لا...ما اغار عليها مثل ما انت فاكر ..........انا اعتبرها مثل اختي و ما ارضي
عليها شي......
خالد:ههههههههههههه فهمنا اعصابك
.................................................. .......................................
فهد تعمد يتجاهل وجود مها معاه بالكفتيريا رغم ان صوتها و ضحكتها شاغلينه بقوة......ما يبي
يحرجها........
خالد: الا اليوم هادي ........و ما تلفت يمن ويسار تدور على ناس
وليد و هو يغمز لفهد: لأنه قاعد معها الصبح كله ............ما ادري شو عنده
فهد: اسرار انتوا ليش منقهرين
خالد: موكان البنت مخطوبه
فهد: ايه .......... بس هذي المره انا خطيبها
وليد كان حاس بالموضوع: ليش فكت الخطوبه ...........و انا اشوف الاخ مستانس و فرحان من
يومين
فهد وهو يشوف وليد عينه على البنات: وانت شو عندك عيونك عليهم
وليد: اف هذي اختك ماخذه سماعتي و ابي الحق اخذها عنها قبل لا تروح
المكتب ..........هناك الشباب مأذيني تعليقات .......و اشر عليهم وسار بسرعه
فهد: احس ان وليد متعلق بشموو بس يكابر
خالد: فهد لا تعلق على امال انت فاهم الموضوع من الاول ...........خله على جي علشان ما
تتعقد السالفه......
سكت شوي................الا شو سالفت مها؟؟؟؟؟؟؟؟؟؟؟!!!!!!!!!!!!!!!
.................................................. .................................
وليد لحق البنات عند المصعد و ركب معاهم ........
وليد و هو يهمس باذن شموو: يبي السماعه
شموو: منحرجه من قربه مدت ايدها تعطيه السماعه: من زينها ...........خربانه و توش
وليد: الا انت خربتيها
البنات يتبادلون النظرات على جرأت وليد و كيف لازق بشموو جدامهم و هي خطيبته
بس.......الكل نزل الا وليد يعابل بالسماعه و ما منتبه انهم وصلوا للطابق الثالث .......
شموو:وليد ما بتنزل
وليد و عيونه على الموبايل :لحظه الحين
شموو: متى الحين يالله ترانا معطلين الناس...........مسكت ايده وسحبته معاها .............توتر
من لمستها من جرئتها و قربها.......سحب ايده بدفاشه و طالعها بنظرات غضب ............حقرها
وراح للمكتب
شموو: عدال
مها:ههههههههههههههههههههه و الله انه تحفه...........شكله تضايق من قربج.......
شموو بشاعريه: قولي والله ...........عيل بلزق فيه ليل نهار
مها تدفها على الخفيف: يا لوح ........طنشيه بيركض وراج
شموو: وين يركض وراي ........خل يحبني بالاول او على الاقل يفكر فيني..........بس انا وراه
وراه و الزمن طويل........
.................................................. ..........
في المكتب
مها: الا اليوم اخر يوم لي معاج ............. بفتقدج وايد
شموو: عيل انا شو اقول .......... يالله كلها 3 اسابيع و بكون معاج
مها: هههههههههههه الا يقول باجر ...........
وليد: احسن شي راح افتك من الحوار العالي و النقاشات الحاده بينكم
مها: الا راح تفتقدها مو شموو
شموو: هو على باله اني بكون هاديه ....... ما يدري اني معاج بدونج شريه
وليد: هههههههههههههه لا تطمني ادري .....................لو سمحتوا شوفوا شغلكم ...........و
الله تعبت من كثر ما قلتها
بعد صمت بسيط
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك